Luk 24
24
UDI YISỌS ANAA ỌPỌPỌŊỌ
Luk 24:1-12; Maak 16:1-8; Yọọn 20:1-10
1K'usiere usen ubọk, apa usen k'udua edede Sọnde#24:1 Sọnde ede apa usen k'udua k'ido mmọn Yuu, ke ataa itud-itud usen ubọk, mme ibaani, edikaa udi iken ekebuukde Yisọs, ekama mme enem utebe adan emi mmọ eke anaamde onum. 2Ede mmọ ekesaaŋa epere, mmọ okud eke efeeme itiad udi iken eke ọbukde Yisọs.#24:2 Mmọn Yuu ekese ekama akwaa itiad ekubbi usuŋ mmọ asaaŋade ọduk esid udi owom. 3Ndien mmọ ọduk esid, ede mmọ ikwe opo Ọbọọŋ Yisọs. 4Ndien mmọ ikanke ibad ibuod ọtọ opo ese epenaade. Nte mmọ ekesuk ekerede ọtọ opo Yisọs epe anaade, ede mmọ okud nte ideeni ibaa ọbiọŋọde adaa mmọ ke nkaŋ, esiine mfia-nsem-nsem ọfọŋ. 5Ndien umim anaam mme ibaani iken, mmọ ọnuk ibuod k'isọŋ ọnọ mme ideeni iken k'iwuri ukpono. Ndien mme ideeni iken ete mmọ, «Neso anaam mf'isuk iyeemide odu uwem owom k'otu mme apaaŋa mpa? 6Yisọs iduhe ke udi iken ewen. Idem-Mbubod amaanam enye eseedi ke mpa.#24:6 Uwak ataa ipa ŋwed Krik ete, Enye iduhe mi, ama eseedi. Ede mf'itei se enye eketiŋde ọnọ mfo k'idaha mf'ikidude k'idak ukara Kadidi.
7Ndien enye ete, «Anaante esaana min, Eyen-Owom eyak esin k'ukara mme idiọi-owom k'ubọk, ndien mmọ ekaikọŋ min ke eto-mpa, enyuŋ ewod min. Ede ke ọyọhọ usen ita, Idem-Mbubod akainam min nseedi ke mpa.» 8Idaha idaha ikoro mmọ etei se Yisọs eketiŋde mma mmọ.
9Ndien mme ibaani iken enyuŋe eka obio mmọ. Mmọ onyuŋ ekebuk mfifien se eketibede enọ mme nsaŋa-utom Yisọs duopbekeen ma mmọn ewen. 10Ndien mme ibaani iken ekebende etop eken ọsọk mme nsaŋa-utom Yisọs ekede. Mbedi Maktadin ma Yuana, Mbedi nne Yemsi ma mmọn ibaani ewen ekesaaŋade ma mme nsaŋa-utom Yisọs. 11Ede mme nsaŋa-utom Yisọs ikinumke se mme ibaani iken eketiŋde enọ mmọ. Mmọ ekekere ke utọọ mpọ nken itibeke.
12Ede Pite obumede, efehe akaa udi, ndien enye ekesim ndo ọsuuk enyin ese esid udi. Ede enye ikwe opo Yisọs, ke mmibọhọke nsem nsem ọfọŋ eken mmọ ekekamade ewaaŋ opo Yisọs. Ndien Pite adaha onyuŋ ufọk ekekere se utọọ mpọ nken etibede epewọrọde.
YISỌS AYAARA IDEM ISE ỌWURI MME MBED NSE IBAA
Maak 16:12-13
13Ndien k'ukem usen iken nsaŋa-utom Yisọs ibaa eke eka obio Emmaọs. Emi okoyomde itiad duopbekeen tọọŋọ ke obio Yedusedem.
14Ndien nte mmọ akaade iso k'isaŋ mmọ, mmọ eneme k'idem mmọ mfifien se eketibede ke mme usen ifaŋ iken ebeide.
15Ndien nte mmọ ọsuk etiŋde mme ikọọ iken enyuŋ enemede mme neme nken ke idem mmọ, Yisọs ke idem ise asaaŋa epere mmọ, onyuŋ asaaŋa keen mma mmọ.
16Ndien Idem-Mbubod ikiyake mmọ enyene ifiọk ke owom eken ede Yisọs. 17Ndien Yisọs ete mmọ, nesutọọ nneme ke mf'isuk ineme ntee nte mfo isuk isaŋade? Ede mmọ mbumbaa atuak ada ede iso mmọ anaa mfuhọ mfuhọ. 18Keen k'otu nsaŋa-utom Yisọs ekekerede kropas, ọbọọrọ eme ete, nne ofo ede nkueŋe esen owom ọdukde edi obio Yedusedem emi udiọŋọke mfifien se etibede ke mme usen iken ifaŋ ebeide? 19Ede Yisọs ebib mmọ, nsutọọ mpọ etibe? Mmọ ọbọọrọ, mpọ se etibede ọnọ Yisọs owom Nasaded. Emi ekedede asiak-uduak ekeside Idem-Mbubod. Enye amaase anam nkwa utibe mpọ, onyuŋ etiŋ mme okop odudu ikọọ k'iso Idem-Mbubod ma ke iso mfifien owom. 20Ede mme oku-uwa ma mme nkenye owom mme Yuu, ekesaaŋa eme eyak esin ke ubọk Adaa-ibuod ukara Rum. Yak enye ebiere ipe mpa mbaak ewod eme ke eto-mpa. 21Ede nnyin ikikwa ikere ke enye ede enyeem idem Mbudod ọkọnwuọŋọde inọ isọk ntitọọŋ Isuel, yak edinyaaŋa mmọ osio ke ubọk mme atuaa mmọ ede itibeke ntoro, mfin ede usen itaa tọọŋọ nte ekewod eme. 22Ke ndidiando, mme usuk ibaani k'otu nnyin enam idem apa nnyin, sia ituitud usen ubọk mfin nken mmọ abak akaa itie udi iken ekebuukde Yisọs. 23Ede opo Yisọs ikiduhe! Ndien mme ibaani ido esed edidọhọ nnyin ke mmọ ikud mme enyere. Mme enyere nkoro ete mmọ ke Yisọs eseedi ke mpa.
24Ndien usuk mmọn nnyin adaaŋa akaa itie udi, enyuŋ ekekud sọ nte mme ibaani iken eketiŋde, ede mmọ inyuŋ ikwe eme.
25Ndien Yisọs ete mme «Nsaŋa-utom ibaa iken ete, nesode mf'isimede nte, ọsọọŋ mfo idem inum se mme asiak-uduak Idem-Mbubod eke ewedde ke nsasana ŋwed Idem-Mbubod. 26Ndien epena nte mfo idiọŋọke Krais anaante ọbọọ ufen onyuŋ apa. Mbemiso enye ọduk ke ubọọŋ ise!
27Ndien tọtọọŋọ ke se Muses ma mme asiak-uduak Idem-Mbubod eketiŋde abaaŋa eme. Ede Yisọs ọtọọŋọ ayaara ọwuri mmọ mfifien se mmọ eke ewedde abaaŋa eme ke ŋwed Idem-Mbubod.
28Ede mmọ ekepere obio eken mme nsaŋa-utom ekekaade, Yisọs anam nte enye emikaka iso ke isaŋ ise.
ENYIN ATAARA MME MBED YISỌS
29Ede, mmọ epei eme ete, oyo aka idikud odo, mbọk didu mma nnyin. Ndien Yisọs akaa ekedu mma mmọ.
30Ke apara ini, idaha mmọ ọsukde etie emi diandia, Yisọs eben mme uyoo k'ubọk ise, ọnọ Idem-Mbubod ekọm, ndien ọbuunŋ onyuŋ ayak ọnọ mmọ. 31Idaha-idaha ikoro Idem-Mbubod anam enyin mmọ ataara mmọ onyuŋ ọdiọŋọ ke enye ede Yisọs, idaha-idaha ikoro, Enye osop ọpọŋ mmọ ke enyin. 32Ndien mmọ ete k'otu idem mmọ ọwọrọ ke ntak owodo esid eke enemde nnyin nte ikaŋ asakde. Yisọs etiŋ ikọọ mbaak nnyin ikop inyuŋ inyene ifiọk ibaaŋa ikọọ Idem-Mbubod.
33Ndien idaha-idaha ikoro mmọ emeene efiak ekaa obio Yedusedem, kendo mmọ edikud mme nsaŋa-utom duopbekeen ma mme mbed Yisọs idiken nte mmọ etieede ọtọ-eken.
34Ndien k'idaha mmọ esimde ndo, mfifien owom ọtọọŋọ etiŋ ma mme nsaŋa-utom ise ibaa! Ede apanikọọ ke Ọbọọŋ Yisọs esed ke mpa odu ke uwem, ede ama ayaara idem ise ọnọ Saimọn Pite?
35Ndien mme nsaŋa-utom iken ibaa ekesiedi ke obio Emmanọs eben se eketibede ke usuŋ etiŋ ọnọ mmọ, ma nte Yisọs ekeyarade idem ọnọ mmọ, ma nte mmọ ekediọŋọde eme k'idaha enye ọbuŋde uyoo.
YISỌS ỌWURI NSAŊA UTOM ISE IBAA IDEM
Yọọn 20:19-23
36K'idaha mme nsaŋa-utom ise esuk etiŋde se eketibede enọ mmọn owom, ipeneke, Yisọs k'idem Ise odudo adaa k'ufọd mmọ mfifien ete, «Yak emem Idem-Mbubod odu ma mfo.»
37Ndien uted ma umim anam mfifien owom. Ke idaha mmọ okudde eme, sia mmọ eke ekere ke mmọ ikud epo.
38Ede Yisọs ete mmọ, ufọn imia mpubio iduhe. Mf'ipiyakke esid mfo etimede abaaŋa min ke Ami mme maana nseedi ke mpa.
39Ndien Yisọs ete mmọ ise ubọk ma ipad mi, idaa emi idiọọŋọke ede ami ŋwom! Ituk min mfo ika idiọọŋọ ke ami ndehe epo. Sia epo inyeneke ipọk idem ma ọpọ. Ede mf'ikud ke ami mmenyene ipọk idem.
40Ndien Yisọs eketiŋ ntoro ama, Enye ọwuri mmọ mbọọn ke ubọk ma ipad ise.
41Ede mme nsaŋa-utom ise ikinumke ke apanikọọ ke enye ọsuk odu ke uwem, sia esid ama eneeŋede enem mmọ ikud eme. Ndien Yisọs ete mmọ «mbọk inọ min mpọ yak ndia.»
42Ndien mmọ ọnọ eme mbaai ifọfọb iyak
43Ndien Yisọs ọbọọ mmọ ataa, mmọ etie ese eme nte enye ataade.
YISỌS ETIŊ IKỌỌ ỌTUUK ŊWED IDEM MBUBOD ABAAŊADE UWEM ISE
44Ndien Yisọs ete mme nsaŋa-utom ise ete, «Ke idaha nkedude ma mfo mbemiso mpa, mma ndọhọ mfo ke mfifien ikọọ se ekewedde ebaaŋa min, ma se ekewedde ke ŋwed ibed Muses, ma eke mme asiak-uduak Idem-Mbubod ma eke mme Saam, anante ọwọrọ osu.
45Ndien Yisọs anam ikọọ ke ŋwed Idem-Mbubod aŋwaaŋa mmọ.
46Onyuŋ ete mmọ, ema ewewed ke ŋwed Idem-Mbubod ete, Krais ikaikud ukuud ma ndutuhọ onyuŋ apa, ndien akainyuŋ ised ke mpa ma uwem ke ọyọọhọ usen itaa.
47Ndien ema enyuŋ ewed ke ŋwed Idem-Mbubod, ete yak mme nsaŋa-utom Krais ekwọrọ enọ mmọn owom ete ke edifen ke mme idiọk-mpọ odu ọnọ mmọnido akabadede esid. Yak mmọ ekekwọọrọ emi ke obio Yedusedem enyuŋ ekwọọrọ enọ mfifien owom ke ofuri odorobod
48Ndien mf'ika ide ntiense ibaaŋa mfifien mpọ nken eketibede. Anaa mf'itiŋ inọ mmọn ewen se mf'ikudde emi
49Ndien Aminka nnọ Nsasana Sibidid eken Ntaa mi eke onwuŋọde nsọk mfo. Ede mfo ikaibed ke obio Yerusedem, tutu Nsasana Sibidid eken edi nnọ mfo odudu eke eside edem-onyuŋ.
YISỌS ỌDỌỌK K'EDEM ONYUŊ
Luk 24:50-53
50Ndien Yisọs ada mmọ usuŋ ọwọrọ ke obio Yerusedem, tutu mmọ epere obio Betani. Ndien kendo enye ebene ubọk ise anyan ke edem-onyuŋ, ọdiọŋ mmọ.
51K'idaha enye ọsuk ọdiọŋde mmọ, enye ọdọọk ọpọŋ mmọ. Ndien Idem-Mbubod ebeen eme ọdọọk edem-onyuŋ.
52Ndien mme nsaŋa-utom ise etọŋọ edọŋ epono eme, emana efiak enyuŋe ekaa obio Yedusedem ma akwa idadesid.
53Ndien mmọ onyuŋ akaa ekedu ke efe-uwa Idem-Mbubod ekwọ ikwọọ itoro mfifien ini enọ Idem-Mbubod.
ទើបបានជ្រើសរើសហើយ៖
Luk 24: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 24
24
UDI YISỌS ANAA ỌPỌPỌŊỌ
Luk 24:1-12; Maak 16:1-8; Yọọn 20:1-10
1K'usiere usen ubọk, apa usen k'udua edede Sọnde#24:1 Sọnde ede apa usen k'udua k'ido mmọn Yuu, ke ataa itud-itud usen ubọk, mme ibaani, edikaa udi iken ekebuukde Yisọs, ekama mme enem utebe adan emi mmọ eke anaamde onum. 2Ede mmọ ekesaaŋa epere, mmọ okud eke efeeme itiad udi iken eke ọbukde Yisọs.#24:2 Mmọn Yuu ekese ekama akwaa itiad ekubbi usuŋ mmọ asaaŋade ọduk esid udi owom. 3Ndien mmọ ọduk esid, ede mmọ ikwe opo Ọbọọŋ Yisọs. 4Ndien mmọ ikanke ibad ibuod ọtọ opo ese epenaade. Nte mmọ ekesuk ekerede ọtọ opo Yisọs epe anaade, ede mmọ okud nte ideeni ibaa ọbiọŋọde adaa mmọ ke nkaŋ, esiine mfia-nsem-nsem ọfọŋ. 5Ndien umim anaam mme ibaani iken, mmọ ọnuk ibuod k'isọŋ ọnọ mme ideeni iken k'iwuri ukpono. Ndien mme ideeni iken ete mmọ, «Neso anaam mf'isuk iyeemide odu uwem owom k'otu mme apaaŋa mpa? 6Yisọs iduhe ke udi iken ewen. Idem-Mbubod amaanam enye eseedi ke mpa.#24:6 Uwak ataa ipa ŋwed Krik ete, Enye iduhe mi, ama eseedi. Ede mf'itei se enye eketiŋde ọnọ mfo k'idaha mf'ikidude k'idak ukara Kadidi.
7Ndien enye ete, «Anaante esaana min, Eyen-Owom eyak esin k'ukara mme idiọi-owom k'ubọk, ndien mmọ ekaikọŋ min ke eto-mpa, enyuŋ ewod min. Ede ke ọyọhọ usen ita, Idem-Mbubod akainam min nseedi ke mpa.» 8Idaha idaha ikoro mmọ etei se Yisọs eketiŋde mma mmọ.
9Ndien mme ibaani iken enyuŋe eka obio mmọ. Mmọ onyuŋ ekebuk mfifien se eketibede enọ mme nsaŋa-utom Yisọs duopbekeen ma mmọn ewen. 10Ndien mme ibaani iken ekebende etop eken ọsọk mme nsaŋa-utom Yisọs ekede. Mbedi Maktadin ma Yuana, Mbedi nne Yemsi ma mmọn ibaani ewen ekesaaŋade ma mme nsaŋa-utom Yisọs. 11Ede mme nsaŋa-utom Yisọs ikinumke se mme ibaani iken eketiŋde enọ mmọ. Mmọ ekekere ke utọọ mpọ nken itibeke.
12Ede Pite obumede, efehe akaa udi, ndien enye ekesim ndo ọsuuk enyin ese esid udi. Ede enye ikwe opo Yisọs, ke mmibọhọke nsem nsem ọfọŋ eken mmọ ekekamade ewaaŋ opo Yisọs. Ndien Pite adaha onyuŋ ufọk ekekere se utọọ mpọ nken etibede epewọrọde.
YISỌS AYAARA IDEM ISE ỌWURI MME MBED NSE IBAA
Maak 16:12-13
13Ndien k'ukem usen iken nsaŋa-utom Yisọs ibaa eke eka obio Emmaọs. Emi okoyomde itiad duopbekeen tọọŋọ ke obio Yedusedem.
14Ndien nte mmọ akaade iso k'isaŋ mmọ, mmọ eneme k'idem mmọ mfifien se eketibede ke mme usen ifaŋ iken ebeide.
15Ndien nte mmọ ọsuk etiŋde mme ikọọ iken enyuŋ enemede mme neme nken ke idem mmọ, Yisọs ke idem ise asaaŋa epere mmọ, onyuŋ asaaŋa keen mma mmọ.
16Ndien Idem-Mbubod ikiyake mmọ enyene ifiọk ke owom eken ede Yisọs. 17Ndien Yisọs ete mmọ, nesutọọ nneme ke mf'isuk ineme ntee nte mfo isuk isaŋade? Ede mmọ mbumbaa atuak ada ede iso mmọ anaa mfuhọ mfuhọ. 18Keen k'otu nsaŋa-utom Yisọs ekekerede kropas, ọbọọrọ eme ete, nne ofo ede nkueŋe esen owom ọdukde edi obio Yedusedem emi udiọŋọke mfifien se etibede ke mme usen iken ifaŋ ebeide? 19Ede Yisọs ebib mmọ, nsutọọ mpọ etibe? Mmọ ọbọọrọ, mpọ se etibede ọnọ Yisọs owom Nasaded. Emi ekedede asiak-uduak ekeside Idem-Mbubod. Enye amaase anam nkwa utibe mpọ, onyuŋ etiŋ mme okop odudu ikọọ k'iso Idem-Mbubod ma ke iso mfifien owom. 20Ede mme oku-uwa ma mme nkenye owom mme Yuu, ekesaaŋa eme eyak esin ke ubọk Adaa-ibuod ukara Rum. Yak enye ebiere ipe mpa mbaak ewod eme ke eto-mpa. 21Ede nnyin ikikwa ikere ke enye ede enyeem idem Mbudod ọkọnwuọŋọde inọ isọk ntitọọŋ Isuel, yak edinyaaŋa mmọ osio ke ubọk mme atuaa mmọ ede itibeke ntoro, mfin ede usen itaa tọọŋọ nte ekewod eme. 22Ke ndidiando, mme usuk ibaani k'otu nnyin enam idem apa nnyin, sia ituitud usen ubọk mfin nken mmọ abak akaa itie udi iken ekebuukde Yisọs. 23Ede opo Yisọs ikiduhe! Ndien mme ibaani ido esed edidọhọ nnyin ke mmọ ikud mme enyere. Mme enyere nkoro ete mmọ ke Yisọs eseedi ke mpa.
24Ndien usuk mmọn nnyin adaaŋa akaa itie udi, enyuŋ ekekud sọ nte mme ibaani iken eketiŋde, ede mmọ inyuŋ ikwe eme.
25Ndien Yisọs ete mme «Nsaŋa-utom ibaa iken ete, nesode mf'isimede nte, ọsọọŋ mfo idem inum se mme asiak-uduak Idem-Mbubod eke ewedde ke nsasana ŋwed Idem-Mbubod. 26Ndien epena nte mfo idiọŋọke Krais anaante ọbọọ ufen onyuŋ apa. Mbemiso enye ọduk ke ubọọŋ ise!
27Ndien tọtọọŋọ ke se Muses ma mme asiak-uduak Idem-Mbubod eketiŋde abaaŋa eme. Ede Yisọs ọtọọŋọ ayaara ọwuri mmọ mfifien se mmọ eke ewedde abaaŋa eme ke ŋwed Idem-Mbubod.
28Ede mmọ ekepere obio eken mme nsaŋa-utom ekekaade, Yisọs anam nte enye emikaka iso ke isaŋ ise.
ENYIN ATAARA MME MBED YISỌS
29Ede, mmọ epei eme ete, oyo aka idikud odo, mbọk didu mma nnyin. Ndien Yisọs akaa ekedu mma mmọ.
30Ke apara ini, idaha mmọ ọsukde etie emi diandia, Yisọs eben mme uyoo k'ubọk ise, ọnọ Idem-Mbubod ekọm, ndien ọbuunŋ onyuŋ ayak ọnọ mmọ. 31Idaha-idaha ikoro Idem-Mbubod anam enyin mmọ ataara mmọ onyuŋ ọdiọŋọ ke enye ede Yisọs, idaha-idaha ikoro, Enye osop ọpọŋ mmọ ke enyin. 32Ndien mmọ ete k'otu idem mmọ ọwọrọ ke ntak owodo esid eke enemde nnyin nte ikaŋ asakde. Yisọs etiŋ ikọọ mbaak nnyin ikop inyuŋ inyene ifiọk ibaaŋa ikọọ Idem-Mbubod.
33Ndien idaha-idaha ikoro mmọ emeene efiak ekaa obio Yedusedem, kendo mmọ edikud mme nsaŋa-utom duopbekeen ma mme mbed Yisọs idiken nte mmọ etieede ọtọ-eken.
34Ndien k'idaha mmọ esimde ndo, mfifien owom ọtọọŋọ etiŋ ma mme nsaŋa-utom ise ibaa! Ede apanikọọ ke Ọbọọŋ Yisọs esed ke mpa odu ke uwem, ede ama ayaara idem ise ọnọ Saimọn Pite?
35Ndien mme nsaŋa-utom iken ibaa ekesiedi ke obio Emmanọs eben se eketibede ke usuŋ etiŋ ọnọ mmọ, ma nte Yisọs ekeyarade idem ọnọ mmọ, ma nte mmọ ekediọŋọde eme k'idaha enye ọbuŋde uyoo.
YISỌS ỌWURI NSAŊA UTOM ISE IBAA IDEM
Yọọn 20:19-23
36K'idaha mme nsaŋa-utom ise esuk etiŋde se eketibede enọ mmọn owom, ipeneke, Yisọs k'idem Ise odudo adaa k'ufọd mmọ mfifien ete, «Yak emem Idem-Mbubod odu ma mfo.»
37Ndien uted ma umim anam mfifien owom. Ke idaha mmọ okudde eme, sia mmọ eke ekere ke mmọ ikud epo.
38Ede Yisọs ete mmọ, ufọn imia mpubio iduhe. Mf'ipiyakke esid mfo etimede abaaŋa min ke Ami mme maana nseedi ke mpa.
39Ndien Yisọs ete mmọ ise ubọk ma ipad mi, idaa emi idiọọŋọke ede ami ŋwom! Ituk min mfo ika idiọọŋọ ke ami ndehe epo. Sia epo inyeneke ipọk idem ma ọpọ. Ede mf'ikud ke ami mmenyene ipọk idem.
40Ndien Yisọs eketiŋ ntoro ama, Enye ọwuri mmọ mbọọn ke ubọk ma ipad ise.
41Ede mme nsaŋa-utom ise ikinumke ke apanikọọ ke enye ọsuk odu ke uwem, sia esid ama eneeŋede enem mmọ ikud eme. Ndien Yisọs ete mmọ «mbọk inọ min mpọ yak ndia.»
42Ndien mmọ ọnọ eme mbaai ifọfọb iyak
43Ndien Yisọs ọbọọ mmọ ataa, mmọ etie ese eme nte enye ataade.
YISỌS ETIŊ IKỌỌ ỌTUUK ŊWED IDEM MBUBOD ABAAŊADE UWEM ISE
44Ndien Yisọs ete mme nsaŋa-utom ise ete, «Ke idaha nkedude ma mfo mbemiso mpa, mma ndọhọ mfo ke mfifien ikọọ se ekewedde ebaaŋa min, ma se ekewedde ke ŋwed ibed Muses, ma eke mme asiak-uduak Idem-Mbubod ma eke mme Saam, anante ọwọrọ osu.
45Ndien Yisọs anam ikọọ ke ŋwed Idem-Mbubod aŋwaaŋa mmọ.
46Onyuŋ ete mmọ, ema ewewed ke ŋwed Idem-Mbubod ete, Krais ikaikud ukuud ma ndutuhọ onyuŋ apa, ndien akainyuŋ ised ke mpa ma uwem ke ọyọọhọ usen itaa.
47Ndien ema enyuŋ ewed ke ŋwed Idem-Mbubod, ete yak mme nsaŋa-utom Krais ekwọrọ enọ mmọn owom ete ke edifen ke mme idiọk-mpọ odu ọnọ mmọnido akabadede esid. Yak mmọ ekekwọọrọ emi ke obio Yedusedem enyuŋ ekwọọrọ enọ mfifien owom ke ofuri odorobod
48Ndien mf'ika ide ntiense ibaaŋa mfifien mpọ nken eketibede. Anaa mf'itiŋ inọ mmọn ewen se mf'ikudde emi
49Ndien Aminka nnọ Nsasana Sibidid eken Ntaa mi eke onwuŋọde nsọk mfo. Ede mfo ikaibed ke obio Yerusedem, tutu Nsasana Sibidid eken edi nnọ mfo odudu eke eside edem-onyuŋ.
YISỌS ỌDỌỌK K'EDEM ONYUŊ
Luk 24:50-53
50Ndien Yisọs ada mmọ usuŋ ọwọrọ ke obio Yerusedem, tutu mmọ epere obio Betani. Ndien kendo enye ebene ubọk ise anyan ke edem-onyuŋ, ọdiọŋ mmọ.
51K'idaha enye ọsuk ọdiọŋde mmọ, enye ọdọọk ọpọŋ mmọ. Ndien Idem-Mbubod ebeen eme ọdọọk edem-onyuŋ.
52Ndien mme nsaŋa-utom ise etọŋọ edọŋ epono eme, emana efiak enyuŋe ekaa obio Yedusedem ma akwa idadesid.
53Ndien mmọ onyuŋ akaa ekedu ke efe-uwa Idem-Mbubod ekwọ ikwọọ itoro mfifien ini enọ Idem-Mbubod.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.