Luk 22
22
YUDAS ENYIIME ITAB YISỌS INỌ MPA
Matio 26:1-5; 14:16; Maak 14:1,2,10,11; Yọọn 11:45-53
1Ndien nte ini ekeperede ọnọ mme Yuu eminamde ibi uyoo iken ininum iduhe k'esid.#22:1 Ibi iken eke adaa abaaŋa mpature usọrọ ndia mme Yuu k'itua
2Ndien mme oku-uwa ma mme epeebi-mbed mme Yuu esuk eyeem usuŋ nte mmọ epe edibede ewod Yisọs, sia mmọ ekebaakde mmọn owom eke ekopde ikọọ ise.
3Ndien k'idaha ikọrọ idem-epo ọduk Yudas esid emi eke eside ọbiọ Kadiọd. Enye eke ede keen ke otu nsaŋa-utom Yisọs duopebaa.
4Ndien Yudas adaha ebeene oku-uwa ma mmọn ekọŋ epemede efe-uwa, eke eneme ma mmọ eti usuŋ nte enye emi yakde Yisọs inọ mmọ.
5Akwaa ọku efe-uwa ma mmọn ekọŋ ke efe-uwa ema ekop inemesid ekese, mmọ onyuŋ eyiime inọ Yudas oyoomo ke enye inwam mmọ.
6Ndien Yudas eyiime onyuŋ eyem etiti ndaaha mbaak enye adaa Yisọs esin mmọ k'ubọk, k'idaaha otu owom iduhe.
YISỌS ADIAA APATURE NDIA MA MME NSAŊA UTOM ISE
Luk 22:7-38
7Ekedikem usen ibi uyoo eke ndinum isineke, emi ekede ini uwaa edọŋ ibi iken.
8Ndien Yisọs ọdọŋ Pite ma Yọọn ete mmọ, «Ikaa inyen ndia ibi mbaak nnyiŋ idi ibuanna ubọk ndia keen.»
9Ndien mmọ ebib Yisọs, «Ọbọọŋ, dọhọ nnyin itie ofo eyemde nnyin inyen ndia ibi iken?»
10Yisọs ete mmọ, «Ipaŋ utọŋ, k'idaha mfidukde ọbiọ Yedusedem, akwaa ideeni obiomde idiọọk mmuuŋ akaa isisobo ma mfo ikene eme iduk ufọk eke enye emidukde. 11Ndien mfika idọhọ nyiinyene ufọk ikọrọ ite, ‹Ette-ufọk nnyiŋ ọdọŋ utom ọnọ fin ebe yak ọwuri nnyiŋ ubeed eke ami ma mme nsaŋa-utom mi imitiede idia ibi mme Yuu? 12Ndien enye aka'iwuri mfo akwaa ubeed k'onyuŋ ufọk ikoro esee, emi mmọ ima kidiọŋ imaa, ibooni mpọ-itie ma mme opokoro. Ituumi mpọ kendo ibeŋe min.»
13Ndien mmọ adaha akaa k'obio okoro, ekekuud sọ nte Yisọs ekedọhọde, mmọ onyuŋ eyen ndia ibi kendo nkoro.
YISỌS ỌDUK UFA EDIOMI MA MME MBED NSE
Luk 22:14-23
14Ndien k'ini ibi mme Yuu imaikikem, Yisọs ọsuuk etie ma mme nsaŋa-utom ise duopebaa ndien mmọ mfifien etie ke opokoro ndia keen.
15Ndien Yisọs ete mmọ, «Mme nehede nyem idiandia ibi iken ma mfo mbemiso mbọọ ufen nyuŋ mpa.
16Sia ndọhọ mfo nte, mehendia ndia ibi ewen, tutu enye ọwọrọ osu nen-nen ke ọbiọ ubọọŋ Idem-Mbudod.
17Ndien Yisọs eben kọọp wain k'ubọk ọnọ Idem-Mbubod ekọm, onyuŋ ọdọhọ mme nsaŋa-utom ise, «Idaa wain eken idaame k'otu idem mfo. 18Sia mmedọhọ mfo, tọtọọŋọ k'idahaiken, ami mehe nwuŋ wain ewen tutu Ubọọŋ Idem-Mbubod edi.»
19Ndien Yisọs eben uyoo k'ubọk ise, onyuŋ okọm Idem-Mbubod. Ọbuuŋ mbubek-mbubek ayak ọnọ mmọ ete, «Uyoo iken adaa ọnọ ipọk-idem mi, ami nyakde nnọ mfo, emi mme nwaade ke ntak mfo. Inam ntee mfifien ini ikama itei se aminamde nnọ mfo.»
20Ukem nte ini apature ndia imaikibei, Yisọs eben kọọp k'ubọk ise ọdọŋ wain ọyọhọ ete, «Kọọp wain eken adaa ọnọ ofufa ediomi. Ami nda eyiip iken ọkum emi mmenduọkde nnọ mfo nsọọŋọ ediomi eken. 21Ede, nyem mfo mfifien idiọŋọke owom eken emi idaade min inọ mmọn utuaa odu ke mi nken abuuana ubọk ndia ma ami. 22Ami, Eyen-Owom ke akapanikọọ nka mpa ukem nte ndutum Idem-Mbubod ekedede. Ede mbọm mbọm owom eken emi idaade min iyak inọ mme atuaa mi!»
23Ndien mme nsaŋa-utom ise ekekop ntoro, mmọ ọtọọŋọ ebib mbiime k'otu idem mmọ ete, «Nenye owom k'otu eken eke nnyin epe kwanam utọ idiọk-mpọ nken.»
YISỌS EPEEBI MPỌ ABAAŊA NSUHỌDEIDEM
Luk 22:24-30
24Ndien mme nsaŋa-utom etọọŋọ niniine k'otu idem mmọ, ke ntak enye emidede akwaa owom k'otu mmọ.
25Ede Yisọs ete mmọ, «Mme mbọọŋ ma mme Yental akara mmọ k'ufiik. Mme Adaa-ibuod mmọ akaraa mfo k'ukam mmọ, nte mmọ anaam mfo ufọn eyem ekood mmọ mme anwam owom. 26Ede inaaŋa mf'inaa nte mmọ. Utukedo, mme mpan owom k'otu mmọ anaa esuhọdeidem mmọ nte mme mpokeen owom idiken. Owom keen eke edede adaa-usuŋ nnyin anaa anam eme ke ataa nsuhọdeidem nte eyen-ufọk. 27Mf'idiọọŋọ k'enyem edede apan-owom adia ndia ke opokoro, idaha eyen-ufọk ebende ndia edi. Ede ami, adaa-usuŋ mfo, nkaiso nnọ mfo uwud-mpọ, naa nte eyen-ufọk k'otu mfo. 28Mf'ide mmọnido ikisọŋọde idaa ma ami k'ini idomo mi. 29Ukem nte Idem-Mbubod Ntaa mi emekde min ete nde Ọbọọŋ ke Obio Ubọọŋ Eme. Nsọ ntoro ke ami mek mfo nte mmọnido emi ikenede min ikara k'ubọọŋ mi. 30Ndien mf'ika idiaa, inwuŋ ma ami ke opokoro mi, ikainyuŋ itie ke ebepo mi ikara mme essen Isuel duopebaa.
YISỌS ETE KE PITE AKA IKAŊ EME
Matio 26:31-35; Maak 14:27-31; Yọọn 13:36-38
31«Ndien Yisọs ete Saimọn Pite, Saimọn, Saimọn, paŋ min utọŋ, idem-epo eyeem inyene unen k'idem mfo mfifien mbaak anam ofo uture inum min ke apanikọọ. Enye aka ikeeŋ mfo mfifien nte ọtọọ inwaŋ ekeeŋde mbio upa osio k'idem upa. 32Ede mmebọŋ akam nọ fin, Saimọn mbaak mbuodidem mfo iteŋ. Ofo nkoŋ k'idaha ukabade esid, sọọŋọ mme mbed mmọnidiken idem mbaak mbuọdidem mmọ nkoŋ ọsọọŋọ adaa.
33Ede Pite ete Yisọs, Ọbọọŋ, menyiime ikene fin nkaa, ke mpọkọbi ma tutu ke mpa.»
34Ndien Yisọs ọbọọrọ eme, «Pite, ntenteeden, ọkikọ unen imihi ipọkke k'usiere mfin nken, ede aka ikaŋ min iyọhọ aka-ata ibe ke eme idiọŋọke min.
35Ndien Yisọs ete mme mbed nse, idaha nke sioŋode mfo ndọŋ utom mbe mf'ikikwọrọ etiti mbuk obio ubọọŋ, nte mf'ikikama sọ epad-oyoomo, ma epad-ndia, ma ipaukod ewen, enyene nte mpọ eke anaanade mfo? Mme nsaŋa-utom ise ebọọrọ eme, ‹uwaa, mpọ berikeen ikinanake nnyin.»›
36Ndien Yisọs amaana ete «Ede idaha iken, mmọn owom ọtọọŋọ atuaa nnyin. Ndien tọọŋọ k'idaahaiken, owom eke enyene epad-oyoomo, yak eben, ukem ntoro ma ŋwed, ekinyeneke akwaa ikwaa, yak enye anyam ewuri ese adaa edep akwaa ikwaa keen. 37Ntoro ke ndọhọ mfo, mfifien se mmọ ekewedde ke ŋwed Idem-Mbubod ebe ke, mmọ abad eme esin k'otu mmọnido ebiadide ibed, edisibi min idem. Ntiŋ apanikọọ nnọ mfo, mfifien ikọọ se mme asiak-uduak eketiŋde abaaŋa min enyene iwọọrọ isu iwiiwaa.»
38Ndien mme mbed nse ete, «Ọbọọŋ, sese ikwaa ibaa mmi.» Yisọs ọbọọrọ mmọ ete, «Apa odo ekem.»
YISỌS ỌBỌỌŊ AKAM ỌNỌ NTAA NSE KE OPUPO ỌDIF
Matio 26:36-46; Maak 14:32-42; Yọọn 18:1
39Yisọs ọwọọrọ ke obio Yedusedem akaa k'opupo Ọdif nte ido ise ekedede ndien mme nsaŋa-utom ise onyuŋ ekene eme akaa.
40Ndien idaha mmọ edisimide ndo, Yisọs ete mme nsaŋa-utom ise, «Ibọŋ akam inọ Idem-Mbubod mbaak mf'ididuk k'idomo.
41Ndien enye esikhede adaa nsan-nsan ọpọŋ mmọ ke mpọ nte ipad keen, onyuŋ ọtọọŋọ edọọŋ ọbọŋ akam ọnọ Idem-Mbubod.
42Enye ete, «Ntaa, epere ofo eyiime, bọọ min kọọp ukuud iken fep. Ede mbọk yak okudde ke unyiime mi, ede yakede nte ofo eyiimede.»
43Ndien enyere Idem-Mbubod ọbiọọŋọde ọnọ Yisọs onyuŋ sọọŋọ eme idem.
44Ndien Yisọs oduu ke ataa mfuhọ esid, ọdiọ ọdiọŋ ọbọŋ akam tutu etitip ọwọọrọde eme k'idem ọtọi k'isọŋ akabade ebied ntọi eyiip.
45Yisọs eke ọbọŋ akam amaa, ebeene ebine mme nsaŋa-utom ise, ekekuud nte mmọ ọsuk adaai ọnọ mfuhọ.
46Ndien Yisọs edeeme mmọ ikidap ete mmọ, «Idehe idaha mf'ipidaide idap owoom! Ibeene ibọŋ akam Idem-Mbubod anwam mfo mbaak mf'inam idiọk-mpọ k'ini idomo odomode mfo.»
YUDAS EMI EKESIDE ISKADIỌD ATABI YISỌS ỌNỌ MME ADAA USUŊ MME YUU
Luk 22:47-53; Matio 26:47-56; Yọọn 18:1-11
47Ndien k'idaha Yisọs ọsuk atiŋde ikọọ iken k'inua ma mme nsaŋa-utom ise, otutu owom edi ndo. Yudas emi ekeside Iskadiọd ekedede keen k'otu mme nsaŋa-utom Yisọs duopebaa, ekeda mmọ usuŋ. Enye onyuŋ asaaŋa epere Yisọs, eyeem ikọm eme ekọm ntum inua.
48Yisọs ete eme, «Yudas, eben ntum-inua akama adaa min, Eyen-Owom ọnọ mpa?»
49Mme nsaŋa-utom ise ekedude ma eme ekekuud se mmitibede ma Yisọs, mmọ ete eme, «Ọbọọŋ, edese nnyin osio ikwaa nnyin inam mfina ma mmọ?»
50Ndien mbemiso Yisọs emi bọbọọrọ, keen k'otu mme nsaŋa-utom ise ọtọọŋọ mfina ma keen k'otu ntitọọŋ-ufọk akwaa oku, osio akwaa ikwaa ebire eme utọŋ namisa osio.
51Ndien Yisọs ete mmọ, «Yak anaa ntoro!» Enye ọtuuk eyen-ufọk akwaa oku eken utọŋ ọkọ eme.
52Ndien Yisọs ete, mme oku-uwa mme Yuu, ma mme etubom upeme efe-uwa mme Yuu, ma mme nkenye-owom emi ekedide imum eme ete, «Mf'idiọọŋ ke ndehe inọ, ede mfo isuk iwọọŋọ idimum min ma ikwaa, ma eto nte mf'ibene inọ? 53Mfifien usen ami ma mfo ikidude ntoro ke efe-uwa mme Yuu, mf'imumke min. Ede ini mfo owoom, mmọn ekum idude k'utom.
PITE AKAŊ K'EME IDIỌỌŊỌ YISỌS
Matio 26:69-75; Maak 14:66-72; Yọọn 18:13-18
54Ndien mme epeme efe-uwa mme Yuu ọmum Yisọs adaha akaa ufọk akwaa oku. Ndien Pite ekene asaaŋa nsan-nsan. 55K'ufọk akwaa oku mmọn owom ebara ikaŋ k'ufọd esid ekwere akwaa oku, mmọ ọsuuk etie ndien Pite onyuŋ etie ma mmọ. 56Ede idaha Pite ọsuk etiede ekene owuube ikaŋ, mma keen ọwuk enyin ese eme, ete mmọn owom, «Ette eken ekesee odu ma Yisọs.»
57Ndien Pite akaŋ Yisọs ete, Mma, ndiọŋọke eme o.
58Ipeneke pene, owom ewen okud sọ Pite, ọtum atiŋ enyin ese eme, ete eme, «Ofo ede keen k'otu mbed nse.» Ede Pite ete, «Ette, ndehe!»
59K'ufaŋ awaa nkanika keen imaikibei, owom ewen ọsọọŋọ eyire ete, «Ntiŋ apanikọọ, owom eken eke onyuŋ odu ma Yisọs, sia enye esi obio Kadidi.»
60Ndien Pite ete eme, «Ette, se ofo atiŋde odo inwaaŋake min!» Ke ataa idaha ikoro enye ọsuk atiŋde k'inua ise, ọkikọ ọpọk.
61Ndien Ọbọọŋ Yisọs akaanade enyin ese Pite, onyuŋ etei ikọọ enye eketiŋde ma eme, ebe, «Ofo akaa ikaaŋ min ikataa mfin inye ọkikọ ọpọk.» 62Ndien Pite eketei se Yisọs eketiŋde enye ọwọọrọ eke tuaaeyed ikopke ndọŋesid.
MMEPEME EFE-UWA EDA YISỌS EDỌỌŊI NDỌK
Matio 26:67-68; Maak 14:65
63Mme epeme efe-uwa eke pemede Yisọs ọdọọŋi eme ndọk, onyuŋ emia eme. 64Mmọ adaa ọfọŋ ebọọp eme enyin, oyuubi eme k'iso, ete eme, «Wuri nnyin ke ofo ede asiak-udak. Siaak enye oyuubide fin nnyin ise!
65Mmọ ọsọọŋọ Yisọs enyin ke nsio-nsio usuŋ.
MME ADAA USUŊ K'OTU MME YUU EBIIME YISỌS MBIIME
Matio 26:57-68; Maak 14:61-64; Yọọn 18:12-14; 19:24
66Ke idaha oyo esierede, mme nkenye-owom Yuu ma oku-uwa, ma mme epeebi-mbed, ekood ikood edisobo ọtọ keen. Mmọ ada Yisọs ọduk ke akwaa esop mmọ.
67Ndien mmọ ete Yisọs, «Tiŋ ke mi nnọ nnyin mme ofo ede Krais?» Yisọs ete mmọ, «Mpe ntiŋ nnọ mfo ke emi nde Krais, mfo imehi inum ke apanikọọ. 68Mpenyuŋ mbib mfo ebiime nken mf'ibide min, mfo imehi ibọọrọ. 69Ede mpọ nken ifud ibei, ami Eyen-Owom aka itie ke ubọk namisa odudu Idem-Mbubod.
70Ndien mmọ mfifien ebib Yisọs, «Nne ofo ede eyen Idem-Mbubod?» Yisọs ọbọọrọ mmọ, «Mf'itiŋ nen-nen ke ami nde eyen Idem-Mbubod.» 71Mmọ ebib k'otu idem mmọ, «Nnyin iyemke ikọọ ntiense ewen iwod eme. Sia nnyin k'idem nnyin ikop ikọọ inua ise.»
ទើបបានជ្រើសរើសហើយ៖
Luk 22: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 22
22
YUDAS ENYIIME ITAB YISỌS INỌ MPA
Matio 26:1-5; 14:16; Maak 14:1,2,10,11; Yọọn 11:45-53
1Ndien nte ini ekeperede ọnọ mme Yuu eminamde ibi uyoo iken ininum iduhe k'esid.#22:1 Ibi iken eke adaa abaaŋa mpature usọrọ ndia mme Yuu k'itua
2Ndien mme oku-uwa ma mme epeebi-mbed mme Yuu esuk eyeem usuŋ nte mmọ epe edibede ewod Yisọs, sia mmọ ekebaakde mmọn owom eke ekopde ikọọ ise.
3Ndien k'idaha ikọrọ idem-epo ọduk Yudas esid emi eke eside ọbiọ Kadiọd. Enye eke ede keen ke otu nsaŋa-utom Yisọs duopebaa.
4Ndien Yudas adaha ebeene oku-uwa ma mmọn ekọŋ epemede efe-uwa, eke eneme ma mmọ eti usuŋ nte enye emi yakde Yisọs inọ mmọ.
5Akwaa ọku efe-uwa ma mmọn ekọŋ ke efe-uwa ema ekop inemesid ekese, mmọ onyuŋ eyiime inọ Yudas oyoomo ke enye inwam mmọ.
6Ndien Yudas eyiime onyuŋ eyem etiti ndaaha mbaak enye adaa Yisọs esin mmọ k'ubọk, k'idaaha otu owom iduhe.
YISỌS ADIAA APATURE NDIA MA MME NSAŊA UTOM ISE
Luk 22:7-38
7Ekedikem usen ibi uyoo eke ndinum isineke, emi ekede ini uwaa edọŋ ibi iken.
8Ndien Yisọs ọdọŋ Pite ma Yọọn ete mmọ, «Ikaa inyen ndia ibi mbaak nnyiŋ idi ibuanna ubọk ndia keen.»
9Ndien mmọ ebib Yisọs, «Ọbọọŋ, dọhọ nnyin itie ofo eyemde nnyin inyen ndia ibi iken?»
10Yisọs ete mmọ, «Ipaŋ utọŋ, k'idaha mfidukde ọbiọ Yedusedem, akwaa ideeni obiomde idiọọk mmuuŋ akaa isisobo ma mfo ikene eme iduk ufọk eke enye emidukde. 11Ndien mfika idọhọ nyiinyene ufọk ikọrọ ite, ‹Ette-ufọk nnyiŋ ọdọŋ utom ọnọ fin ebe yak ọwuri nnyiŋ ubeed eke ami ma mme nsaŋa-utom mi imitiede idia ibi mme Yuu? 12Ndien enye aka'iwuri mfo akwaa ubeed k'onyuŋ ufọk ikoro esee, emi mmọ ima kidiọŋ imaa, ibooni mpọ-itie ma mme opokoro. Ituumi mpọ kendo ibeŋe min.»
13Ndien mmọ adaha akaa k'obio okoro, ekekuud sọ nte Yisọs ekedọhọde, mmọ onyuŋ eyen ndia ibi kendo nkoro.
YISỌS ỌDUK UFA EDIOMI MA MME MBED NSE
Luk 22:14-23
14Ndien k'ini ibi mme Yuu imaikikem, Yisọs ọsuuk etie ma mme nsaŋa-utom ise duopebaa ndien mmọ mfifien etie ke opokoro ndia keen.
15Ndien Yisọs ete mmọ, «Mme nehede nyem idiandia ibi iken ma mfo mbemiso mbọọ ufen nyuŋ mpa.
16Sia ndọhọ mfo nte, mehendia ndia ibi ewen, tutu enye ọwọrọ osu nen-nen ke ọbiọ ubọọŋ Idem-Mbudod.
17Ndien Yisọs eben kọọp wain k'ubọk ọnọ Idem-Mbubod ekọm, onyuŋ ọdọhọ mme nsaŋa-utom ise, «Idaa wain eken idaame k'otu idem mfo. 18Sia mmedọhọ mfo, tọtọọŋọ k'idahaiken, ami mehe nwuŋ wain ewen tutu Ubọọŋ Idem-Mbubod edi.»
19Ndien Yisọs eben uyoo k'ubọk ise, onyuŋ okọm Idem-Mbubod. Ọbuuŋ mbubek-mbubek ayak ọnọ mmọ ete, «Uyoo iken adaa ọnọ ipọk-idem mi, ami nyakde nnọ mfo, emi mme nwaade ke ntak mfo. Inam ntee mfifien ini ikama itei se aminamde nnọ mfo.»
20Ukem nte ini apature ndia imaikibei, Yisọs eben kọọp k'ubọk ise ọdọŋ wain ọyọhọ ete, «Kọọp wain eken adaa ọnọ ofufa ediomi. Ami nda eyiip iken ọkum emi mmenduọkde nnọ mfo nsọọŋọ ediomi eken. 21Ede, nyem mfo mfifien idiọŋọke owom eken emi idaade min inọ mmọn utuaa odu ke mi nken abuuana ubọk ndia ma ami. 22Ami, Eyen-Owom ke akapanikọọ nka mpa ukem nte ndutum Idem-Mbubod ekedede. Ede mbọm mbọm owom eken emi idaade min iyak inọ mme atuaa mi!»
23Ndien mme nsaŋa-utom ise ekekop ntoro, mmọ ọtọọŋọ ebib mbiime k'otu idem mmọ ete, «Nenye owom k'otu eken eke nnyin epe kwanam utọ idiọk-mpọ nken.»
YISỌS EPEEBI MPỌ ABAAŊA NSUHỌDEIDEM
Luk 22:24-30
24Ndien mme nsaŋa-utom etọọŋọ niniine k'otu idem mmọ, ke ntak enye emidede akwaa owom k'otu mmọ.
25Ede Yisọs ete mmọ, «Mme mbọọŋ ma mme Yental akara mmọ k'ufiik. Mme Adaa-ibuod mmọ akaraa mfo k'ukam mmọ, nte mmọ anaam mfo ufọn eyem ekood mmọ mme anwam owom. 26Ede inaaŋa mf'inaa nte mmọ. Utukedo, mme mpan owom k'otu mmọ anaa esuhọdeidem mmọ nte mme mpokeen owom idiken. Owom keen eke edede adaa-usuŋ nnyin anaa anam eme ke ataa nsuhọdeidem nte eyen-ufọk. 27Mf'idiọọŋọ k'enyem edede apan-owom adia ndia ke opokoro, idaha eyen-ufọk ebende ndia edi. Ede ami, adaa-usuŋ mfo, nkaiso nnọ mfo uwud-mpọ, naa nte eyen-ufọk k'otu mfo. 28Mf'ide mmọnido ikisọŋọde idaa ma ami k'ini idomo mi. 29Ukem nte Idem-Mbubod Ntaa mi emekde min ete nde Ọbọọŋ ke Obio Ubọọŋ Eme. Nsọ ntoro ke ami mek mfo nte mmọnido emi ikenede min ikara k'ubọọŋ mi. 30Ndien mf'ika idiaa, inwuŋ ma ami ke opokoro mi, ikainyuŋ itie ke ebepo mi ikara mme essen Isuel duopebaa.
YISỌS ETE KE PITE AKA IKAŊ EME
Matio 26:31-35; Maak 14:27-31; Yọọn 13:36-38
31«Ndien Yisọs ete Saimọn Pite, Saimọn, Saimọn, paŋ min utọŋ, idem-epo eyeem inyene unen k'idem mfo mfifien mbaak anam ofo uture inum min ke apanikọọ. Enye aka ikeeŋ mfo mfifien nte ọtọọ inwaŋ ekeeŋde mbio upa osio k'idem upa. 32Ede mmebọŋ akam nọ fin, Saimọn mbaak mbuodidem mfo iteŋ. Ofo nkoŋ k'idaha ukabade esid, sọọŋọ mme mbed mmọnidiken idem mbaak mbuọdidem mmọ nkoŋ ọsọọŋọ adaa.
33Ede Pite ete Yisọs, Ọbọọŋ, menyiime ikene fin nkaa, ke mpọkọbi ma tutu ke mpa.»
34Ndien Yisọs ọbọọrọ eme, «Pite, ntenteeden, ọkikọ unen imihi ipọkke k'usiere mfin nken, ede aka ikaŋ min iyọhọ aka-ata ibe ke eme idiọŋọke min.
35Ndien Yisọs ete mme mbed nse, idaha nke sioŋode mfo ndọŋ utom mbe mf'ikikwọrọ etiti mbuk obio ubọọŋ, nte mf'ikikama sọ epad-oyoomo, ma epad-ndia, ma ipaukod ewen, enyene nte mpọ eke anaanade mfo? Mme nsaŋa-utom ise ebọọrọ eme, ‹uwaa, mpọ berikeen ikinanake nnyin.»›
36Ndien Yisọs amaana ete «Ede idaha iken, mmọn owom ọtọọŋọ atuaa nnyin. Ndien tọọŋọ k'idaahaiken, owom eke enyene epad-oyoomo, yak eben, ukem ntoro ma ŋwed, ekinyeneke akwaa ikwaa, yak enye anyam ewuri ese adaa edep akwaa ikwaa keen. 37Ntoro ke ndọhọ mfo, mfifien se mmọ ekewedde ke ŋwed Idem-Mbubod ebe ke, mmọ abad eme esin k'otu mmọnido ebiadide ibed, edisibi min idem. Ntiŋ apanikọọ nnọ mfo, mfifien ikọọ se mme asiak-uduak eketiŋde abaaŋa min enyene iwọọrọ isu iwiiwaa.»
38Ndien mme mbed nse ete, «Ọbọọŋ, sese ikwaa ibaa mmi.» Yisọs ọbọọrọ mmọ ete, «Apa odo ekem.»
YISỌS ỌBỌỌŊ AKAM ỌNỌ NTAA NSE KE OPUPO ỌDIF
Matio 26:36-46; Maak 14:32-42; Yọọn 18:1
39Yisọs ọwọọrọ ke obio Yedusedem akaa k'opupo Ọdif nte ido ise ekedede ndien mme nsaŋa-utom ise onyuŋ ekene eme akaa.
40Ndien idaha mmọ edisimide ndo, Yisọs ete mme nsaŋa-utom ise, «Ibọŋ akam inọ Idem-Mbubod mbaak mf'ididuk k'idomo.
41Ndien enye esikhede adaa nsan-nsan ọpọŋ mmọ ke mpọ nte ipad keen, onyuŋ ọtọọŋọ edọọŋ ọbọŋ akam ọnọ Idem-Mbubod.
42Enye ete, «Ntaa, epere ofo eyiime, bọọ min kọọp ukuud iken fep. Ede mbọk yak okudde ke unyiime mi, ede yakede nte ofo eyiimede.»
43Ndien enyere Idem-Mbubod ọbiọọŋọde ọnọ Yisọs onyuŋ sọọŋọ eme idem.
44Ndien Yisọs oduu ke ataa mfuhọ esid, ọdiọ ọdiọŋ ọbọŋ akam tutu etitip ọwọọrọde eme k'idem ọtọi k'isọŋ akabade ebied ntọi eyiip.
45Yisọs eke ọbọŋ akam amaa, ebeene ebine mme nsaŋa-utom ise, ekekuud nte mmọ ọsuk adaai ọnọ mfuhọ.
46Ndien Yisọs edeeme mmọ ikidap ete mmọ, «Idehe idaha mf'ipidaide idap owoom! Ibeene ibọŋ akam Idem-Mbubod anwam mfo mbaak mf'inam idiọk-mpọ k'ini idomo odomode mfo.»
YUDAS EMI EKESIDE ISKADIỌD ATABI YISỌS ỌNỌ MME ADAA USUŊ MME YUU
Luk 22:47-53; Matio 26:47-56; Yọọn 18:1-11
47Ndien k'idaha Yisọs ọsuk atiŋde ikọọ iken k'inua ma mme nsaŋa-utom ise, otutu owom edi ndo. Yudas emi ekeside Iskadiọd ekedede keen k'otu mme nsaŋa-utom Yisọs duopebaa, ekeda mmọ usuŋ. Enye onyuŋ asaaŋa epere Yisọs, eyeem ikọm eme ekọm ntum inua.
48Yisọs ete eme, «Yudas, eben ntum-inua akama adaa min, Eyen-Owom ọnọ mpa?»
49Mme nsaŋa-utom ise ekedude ma eme ekekuud se mmitibede ma Yisọs, mmọ ete eme, «Ọbọọŋ, edese nnyin osio ikwaa nnyin inam mfina ma mmọ?»
50Ndien mbemiso Yisọs emi bọbọọrọ, keen k'otu mme nsaŋa-utom ise ọtọọŋọ mfina ma keen k'otu ntitọọŋ-ufọk akwaa oku, osio akwaa ikwaa ebire eme utọŋ namisa osio.
51Ndien Yisọs ete mmọ, «Yak anaa ntoro!» Enye ọtuuk eyen-ufọk akwaa oku eken utọŋ ọkọ eme.
52Ndien Yisọs ete, mme oku-uwa mme Yuu, ma mme etubom upeme efe-uwa mme Yuu, ma mme nkenye-owom emi ekedide imum eme ete, «Mf'idiọọŋ ke ndehe inọ, ede mfo isuk iwọọŋọ idimum min ma ikwaa, ma eto nte mf'ibene inọ? 53Mfifien usen ami ma mfo ikidude ntoro ke efe-uwa mme Yuu, mf'imumke min. Ede ini mfo owoom, mmọn ekum idude k'utom.
PITE AKAŊ K'EME IDIỌỌŊỌ YISỌS
Matio 26:69-75; Maak 14:66-72; Yọọn 18:13-18
54Ndien mme epeme efe-uwa mme Yuu ọmum Yisọs adaha akaa ufọk akwaa oku. Ndien Pite ekene asaaŋa nsan-nsan. 55K'ufọk akwaa oku mmọn owom ebara ikaŋ k'ufọd esid ekwere akwaa oku, mmọ ọsuuk etie ndien Pite onyuŋ etie ma mmọ. 56Ede idaha Pite ọsuk etiede ekene owuube ikaŋ, mma keen ọwuk enyin ese eme, ete mmọn owom, «Ette eken ekesee odu ma Yisọs.»
57Ndien Pite akaŋ Yisọs ete, Mma, ndiọŋọke eme o.
58Ipeneke pene, owom ewen okud sọ Pite, ọtum atiŋ enyin ese eme, ete eme, «Ofo ede keen k'otu mbed nse.» Ede Pite ete, «Ette, ndehe!»
59K'ufaŋ awaa nkanika keen imaikibei, owom ewen ọsọọŋọ eyire ete, «Ntiŋ apanikọọ, owom eken eke onyuŋ odu ma Yisọs, sia enye esi obio Kadidi.»
60Ndien Pite ete eme, «Ette, se ofo atiŋde odo inwaaŋake min!» Ke ataa idaha ikoro enye ọsuk atiŋde k'inua ise, ọkikọ ọpọk.
61Ndien Ọbọọŋ Yisọs akaanade enyin ese Pite, onyuŋ etei ikọọ enye eketiŋde ma eme, ebe, «Ofo akaa ikaaŋ min ikataa mfin inye ọkikọ ọpọk.» 62Ndien Pite eketei se Yisọs eketiŋde enye ọwọọrọ eke tuaaeyed ikopke ndọŋesid.
MMEPEME EFE-UWA EDA YISỌS EDỌỌŊI NDỌK
Matio 26:67-68; Maak 14:65
63Mme epeme efe-uwa eke pemede Yisọs ọdọọŋi eme ndọk, onyuŋ emia eme. 64Mmọ adaa ọfọŋ ebọọp eme enyin, oyuubi eme k'iso, ete eme, «Wuri nnyin ke ofo ede asiak-udak. Siaak enye oyuubide fin nnyin ise!
65Mmọ ọsọọŋọ Yisọs enyin ke nsio-nsio usuŋ.
MME ADAA USUŊ K'OTU MME YUU EBIIME YISỌS MBIIME
Matio 26:57-68; Maak 14:61-64; Yọọn 18:12-14; 19:24
66Ke idaha oyo esierede, mme nkenye-owom Yuu ma oku-uwa, ma mme epeebi-mbed, ekood ikood edisobo ọtọ keen. Mmọ ada Yisọs ọduk ke akwaa esop mmọ.
67Ndien mmọ ete Yisọs, «Tiŋ ke mi nnọ nnyin mme ofo ede Krais?» Yisọs ete mmọ, «Mpe ntiŋ nnọ mfo ke emi nde Krais, mfo imehi inum ke apanikọọ. 68Mpenyuŋ mbib mfo ebiime nken mf'ibide min, mfo imehi ibọọrọ. 69Ede mpọ nken ifud ibei, ami Eyen-Owom aka itie ke ubọk namisa odudu Idem-Mbubod.
70Ndien mmọ mfifien ebib Yisọs, «Nne ofo ede eyen Idem-Mbubod?» Yisọs ọbọọrọ mmọ, «Mf'itiŋ nen-nen ke ami nde eyen Idem-Mbubod.» 71Mmọ ebib k'otu idem mmọ, «Nnyin iyemke ikọọ ntiense ewen iwod eme. Sia nnyin k'idem nnyin ikop ikọọ inua ise.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.