Luk 21
21
YISỌS OKOP INEMESID ABAAŊA ENỌ EBEPA UBUEENE
Maak 12:41-44
1Ndien Yisọs ma mme mbed nse ekedu ke ekwere efe-uwa mme Yuu, Yisọs eke emeene enyin, okud nte mmọn inyene eside oyoomo mmọ ke ekebe usin oyoomo efe-uwa mme Yuu. 2Enye onyuŋ okud nte ọpọpọŋ ubueene ebepa keen nte edi. Enye esin enọ ese emi ekedede apara ndiaaŋa kọbọ ibaa ikinyeneke ufọn. 3Ndien Yisọs ete, «Ke apanikọọ ke ndọhọ mfo, ebepa eken ọpọọŋ edenye ọnọ Idem-Mbubod apan enọ eken oponde akan mfifien oyoomo se mfifien owom eken enọde.» 4Sia mmọndiken enọ Idem-Mbubod enọ ke ntak mmọ enehede enyene inyene ekese. Enye ede ubueene, ede enye ọnọ Idem-Mbubod mfifien oyoomo se enye epekamade odu uwem.»
YISỌS ETIŊ IKỌỌ ABAAŊA NWUDE EFE-UWA OBIO YEDUSEDEM
Matio 24:1-2; Maak 13:1-2
5Ekem usuk mme mbed nse etọọŋọ etiŋi ikọọ ebaaŋa efe-uwa mme Yuu. Mmọ ete, «Sese uyai itiad efe-uwa iken! Nkoŋ, se mme ntiti mmọn owom enọde Idem-Mbubod ke ekọm ebana eme idem, ede Yisọs ete, 6«Yak ntiŋ ikọọ nnọ mfo, k'abaaŋade mme mpọ nken mf'ikudde emi. Mme usen ọsukedi, emi mfifien mbeene nken emi iboomode. Mfifien mme itiad iken aka ibeeŋe ibono k'isọŋ.»
7Ndien mmọ ebib eme ete, «Atitia, nne idaha ewe ke mme mpọ nken emi itibe? Neso emide idiọŋọ k'idaha mme mpọ nken emi wọọrọde iwudidem?»
IDIỌỌŊỌ APATURE INI MA UTUDOYO
Matio 24:3-14; Maak 13:3-13
8Ede Yisọs ete mmọ ntee, «Ipeme mbaak owom inam mfo iwọọrọ ipọŋ usuŋ, sia uwak owom ekaibe ke ami nde Krais!» Ndien idaha odorobod nken emisibide apature edikem. K'unum sọ se mmọ etiŋde ke apanikọọ! 9Ede idaha mf'ikop ke mme idud esuk ewaaŋa ndien mmọn owom etọọhọ ma mme ukara, ikidehede sọ. Sia mme mpọ nken enaa nte mbemiso etibe, ede apature odorobod imihidi iwiiwaa.»
10Ekem Yisọs ọdọhọ mmọ ete, «Idud aka ibeene inwana ma idud ewen, idak ukara ọbọọŋ keen aka ibeene anwana ma idak ukara ọbọọŋ ewen. 11Ndien akwaa uyek isọŋ akaidu, ikum ma mme ndiọi udọŋọ eken ebebei owom akainam mpaaŋa odu k'ofuri odorobod. Ndien mme nsio-nsio idiọŋọ emi anamde uted ma umim ọmum mmọn owom, mpọ umim ma uted ma mme nkwa idiọŋọ akainyuŋ iwọrọ iwudi idem k'ipa onyuŋ ndien utud ododrobod epere.
12«Ede mbemiso mme mpọ nken emitibe, mmọ aka imuumi usuk mfo onyuŋ epeipe mfo, ebeen mfo ekaa ke efe-upono Idem-Mbubod enyuŋ esin mfo ke mpraŋ, enyuŋ ebeen mfo ekaa k'iso mme mbọọŋ ma mmọn ukara ke ntak mfo ide mbed ni. 13Ndien enyem ikaabade inọ mfo ufaŋ, mf'ineme abaaŋa obio-ubọọŋ Idem-Mbubod. 14Ede inyene ubiere k'esid mfo ibe, ke mf'imihi ibemiso ikere se mfo imibọọrọde, 15sia Aminka nnọ mfo etiti inua ikọọ ma ikike. Mfifien mmọnido eke odoride mfo uyo mihikan mfo ma eniini. 16Ede nsọ mme nne, mme ntaa, ntitọọŋ eyen-eka ideeni, ma imaan, ma mme ufan eka itap mfo ikinọ ukara, mmọ aka ewoodi usuuk mfo. 17Ndien mfifien owom aka ituaa mfo ke ntak mfide mbed ni. 18Ede Idem-Mbubod aka ipeme mfo iyakke mpọ esi essen edi nnọ mfo unan. 19Idehe mfo iyọọ utọ ini ntoro ke mf'iduọke idorenyin ke ami, Idem-Mbubod akainọ mfo nsinsi uwem.»
YISỌS ENEEME ABAAŊA NWUURE OBIO YEDUSEDEM
Matio 24:15-28; Maak 13:14-23
20«Ndien Yisọs akaaiso ete, idaha mf'ikud nte mmọn ekọŋ utuaa ekanade obio Yedusedem ọkuk, ndien idaa onyono diọọŋọ ke mme utaa ikoro imihi ipene mmọ eka iwoodi mmọ mfifien. 21K'utọ idaha ikoro, yak mmọn ndo ekedude ke idak ukara Yudia, efeeŋe akaa nkwa opupo, yak mmọnido odude k'esid obio ewuŋọ enyuŋ, yak mmọnido odude k'esid-obio, mmọ iduduk sọ esid-obio. 22Ke mme idaha ntoro Idem-Mbubod akainọ mmọn obio Yedusedem ufen. Ufen iken akainam mfifien se mme asiak-uduak eketiŋde ebaaŋa eme ke ŋwed Idem-Mbubod ọwọrọ osu. 23Emide ataa ọpọsọŋ mpọ inọ mme ibaani iken asaaŋade ma idibi, ma mmọnimi ọbọọkde mpokeen-ntitọọŋ, ke mme utọ usen ikoro! Sia akwaa mbaba akaisimi ekese owom ke ofuri isọŋ iken ndien Idem-Mbubod aka imia mmọn owom ufen. 24Ndien mmọ aka iwoodi mmọ k'ikwaa, enyuŋ etaŋ mmọ nte ifun enyuŋe ke mme idud. Ndien mmọn Yental ikaikan mmọ obio Yedusedem enyuŋ emum mmọ kukad tutu ini Idem-Mbubod ekenumde ọnọ mmọ edikem.
EDIDI EYEN OWOM
Matio 24:29-31; Maak 13:24-27
25Ndien mme idiọŋọ akaidu k'utin ma ọfiọŋ ma ntanta-ọfiọŋ, emi ọwọrọde ke apature odorobod nken epere. Esid mmọn owom ke odorobod nken aka itimede onyuŋ anam mmọ odu ke ndutimede ke ntak uyom inyaŋ ma mfufud apa mmuuŋ.
26Mmọn owom aka iduọ mbuaa ke ntak umim ma se mmọ emikudde nte etibede ọnọ odorobod. Idem-Mbubod aka inyeeŋe mme ntanta ọfiọŋ ma odorobod ewen nsioŋo ke mme nenen itie mmọ k'ipa onyuŋ.
27K'utọọ idaha ikoro, ami Eyen-Owom nka nyara idem mi nnọ mfifien owom. Aminka nsaŋa ke ntọŋ onyuŋ nwuri akwaa odudu mi ma akwaa ubọọŋ.
28Ede k'idaha mme mpọ nken ọtọọŋọ ọwọrọ ọwuri idem, ibeene enyin k'onyuŋ, inyuŋ imeene ibuod mfo k'onyuŋ ma idorenyin. Sia imihineŋeke Idem-Mbubod akaidi inyaaŋa mfo osio k'idiọk ma ukuud.
MBUK ETO FIK
Matio 24:32-35; Maak 13:28-31
29Ndien Yisọs akama mbuk nken atad nte ini-iso eminaade. Enye ete, «Ipeebi mpọ ke eto fik ma mme eto ewen.
30K'idaha mmọn owom ikud nte ifaŋ mmọ ọtọọŋọde iseehe, idaa onyono idiọŋọ ibe ke ndaoyo epere.
31Nsọ ukem ntoro, k'idaha mf'ikud mme idiọọŋọ iken ntiŋde nnọ mfo nte etibe, idiọŋọke obio-ubọọŋ Idem-Mbubod akaidi iwiiwaa.
32Yak ntiŋ ataa apanikọọ nọ mfo, mmọn emaana eken imihipaaŋake, tutu mfifien mpọ nken etibe. 33Isọŋ ma ipa onyuŋ aka iwuure. Ede ikọọ iken ntiŋde imihi iture iwọrọ isu.
IBEEŊEIDEM BED MMAANA NDI YISỌS
Matio 24:36-44; Maak 13:32-37
34Ede ipeme idem mfo, mbaak nsanyọk, ma ukọd, ma ekikere uwem iken inaam esid mfo odoobi. Midehe ntoro, mf'imihidu ke mbeeŋeidem k'usen mmendide sia usen ikoro emi bua-buad mfo nte afia amiade unam.
35Sia k'utọọ usen ikoro akaisibi mfifien owom eken ọduŋde k'ofuri odorobod.
36Ede itaba idap mfifien ini. Inyuŋ ibọŋ akam yak Idem-Mbubod ọnọ mfo nsọọŋọidem mbaak mf'ipikwa ibọhọ mfifien mpọ nken emi itibede, inyuŋ ida k'iso Eyen-Owom ikopke obuud.
37Ndien k'idaaha Yisọs ekesuk epeebide mmọ mpọ ke ekwere efe-uwa mme Yuu ke mpapaŋa uwemoyo, ma k'itudoyo, Enye akaanade akaa mbood keen ekekerede opupo Ọdif.
38Ndien uwak owom abak ekene eme ke efe-uwa Idem-Mbubod mme Yuu k'usen ubọk, mbaak mmọ okop upeebi mpọ Yisọs.
ទើបបានជ្រើសរើសហើយ៖
Luk 21: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 21
21
YISỌS OKOP INEMESID ABAAŊA ENỌ EBEPA UBUEENE
Maak 12:41-44
1Ndien Yisọs ma mme mbed nse ekedu ke ekwere efe-uwa mme Yuu, Yisọs eke emeene enyin, okud nte mmọn inyene eside oyoomo mmọ ke ekebe usin oyoomo efe-uwa mme Yuu. 2Enye onyuŋ okud nte ọpọpọŋ ubueene ebepa keen nte edi. Enye esin enọ ese emi ekedede apara ndiaaŋa kọbọ ibaa ikinyeneke ufọn. 3Ndien Yisọs ete, «Ke apanikọọ ke ndọhọ mfo, ebepa eken ọpọọŋ edenye ọnọ Idem-Mbubod apan enọ eken oponde akan mfifien oyoomo se mfifien owom eken enọde.» 4Sia mmọndiken enọ Idem-Mbubod enọ ke ntak mmọ enehede enyene inyene ekese. Enye ede ubueene, ede enye ọnọ Idem-Mbubod mfifien oyoomo se enye epekamade odu uwem.»
YISỌS ETIŊ IKỌỌ ABAAŊA NWUDE EFE-UWA OBIO YEDUSEDEM
Matio 24:1-2; Maak 13:1-2
5Ekem usuk mme mbed nse etọọŋọ etiŋi ikọọ ebaaŋa efe-uwa mme Yuu. Mmọ ete, «Sese uyai itiad efe-uwa iken! Nkoŋ, se mme ntiti mmọn owom enọde Idem-Mbubod ke ekọm ebana eme idem, ede Yisọs ete, 6«Yak ntiŋ ikọọ nnọ mfo, k'abaaŋade mme mpọ nken mf'ikudde emi. Mme usen ọsukedi, emi mfifien mbeene nken emi iboomode. Mfifien mme itiad iken aka ibeeŋe ibono k'isọŋ.»
7Ndien mmọ ebib eme ete, «Atitia, nne idaha ewe ke mme mpọ nken emi itibe? Neso emide idiọŋọ k'idaha mme mpọ nken emi wọọrọde iwudidem?»
IDIỌỌŊỌ APATURE INI MA UTUDOYO
Matio 24:3-14; Maak 13:3-13
8Ede Yisọs ete mmọ ntee, «Ipeme mbaak owom inam mfo iwọọrọ ipọŋ usuŋ, sia uwak owom ekaibe ke ami nde Krais!» Ndien idaha odorobod nken emisibide apature edikem. K'unum sọ se mmọ etiŋde ke apanikọọ! 9Ede idaha mf'ikop ke mme idud esuk ewaaŋa ndien mmọn owom etọọhọ ma mme ukara, ikidehede sọ. Sia mme mpọ nken enaa nte mbemiso etibe, ede apature odorobod imihidi iwiiwaa.»
10Ekem Yisọs ọdọhọ mmọ ete, «Idud aka ibeene inwana ma idud ewen, idak ukara ọbọọŋ keen aka ibeene anwana ma idak ukara ọbọọŋ ewen. 11Ndien akwaa uyek isọŋ akaidu, ikum ma mme ndiọi udọŋọ eken ebebei owom akainam mpaaŋa odu k'ofuri odorobod. Ndien mme nsio-nsio idiọŋọ emi anamde uted ma umim ọmum mmọn owom, mpọ umim ma uted ma mme nkwa idiọŋọ akainyuŋ iwọrọ iwudi idem k'ipa onyuŋ ndien utud ododrobod epere.
12«Ede mbemiso mme mpọ nken emitibe, mmọ aka imuumi usuk mfo onyuŋ epeipe mfo, ebeen mfo ekaa ke efe-upono Idem-Mbubod enyuŋ esin mfo ke mpraŋ, enyuŋ ebeen mfo ekaa k'iso mme mbọọŋ ma mmọn ukara ke ntak mfo ide mbed ni. 13Ndien enyem ikaabade inọ mfo ufaŋ, mf'ineme abaaŋa obio-ubọọŋ Idem-Mbubod. 14Ede inyene ubiere k'esid mfo ibe, ke mf'imihi ibemiso ikere se mfo imibọọrọde, 15sia Aminka nnọ mfo etiti inua ikọọ ma ikike. Mfifien mmọnido eke odoride mfo uyo mihikan mfo ma eniini. 16Ede nsọ mme nne, mme ntaa, ntitọọŋ eyen-eka ideeni, ma imaan, ma mme ufan eka itap mfo ikinọ ukara, mmọ aka ewoodi usuuk mfo. 17Ndien mfifien owom aka ituaa mfo ke ntak mfide mbed ni. 18Ede Idem-Mbubod aka ipeme mfo iyakke mpọ esi essen edi nnọ mfo unan. 19Idehe mfo iyọọ utọ ini ntoro ke mf'iduọke idorenyin ke ami, Idem-Mbubod akainọ mfo nsinsi uwem.»
YISỌS ENEEME ABAAŊA NWUURE OBIO YEDUSEDEM
Matio 24:15-28; Maak 13:14-23
20«Ndien Yisọs akaaiso ete, idaha mf'ikud nte mmọn ekọŋ utuaa ekanade obio Yedusedem ọkuk, ndien idaa onyono diọọŋọ ke mme utaa ikoro imihi ipene mmọ eka iwoodi mmọ mfifien. 21K'utọ idaha ikoro, yak mmọn ndo ekedude ke idak ukara Yudia, efeeŋe akaa nkwa opupo, yak mmọnido odude k'esid obio ewuŋọ enyuŋ, yak mmọnido odude k'esid-obio, mmọ iduduk sọ esid-obio. 22Ke mme idaha ntoro Idem-Mbubod akainọ mmọn obio Yedusedem ufen. Ufen iken akainam mfifien se mme asiak-uduak eketiŋde ebaaŋa eme ke ŋwed Idem-Mbubod ọwọrọ osu. 23Emide ataa ọpọsọŋ mpọ inọ mme ibaani iken asaaŋade ma idibi, ma mmọnimi ọbọọkde mpokeen-ntitọọŋ, ke mme utọ usen ikoro! Sia akwaa mbaba akaisimi ekese owom ke ofuri isọŋ iken ndien Idem-Mbubod aka imia mmọn owom ufen. 24Ndien mmọ aka iwoodi mmọ k'ikwaa, enyuŋ etaŋ mmọ nte ifun enyuŋe ke mme idud. Ndien mmọn Yental ikaikan mmọ obio Yedusedem enyuŋ emum mmọ kukad tutu ini Idem-Mbubod ekenumde ọnọ mmọ edikem.
EDIDI EYEN OWOM
Matio 24:29-31; Maak 13:24-27
25Ndien mme idiọŋọ akaidu k'utin ma ọfiọŋ ma ntanta-ọfiọŋ, emi ọwọrọde ke apature odorobod nken epere. Esid mmọn owom ke odorobod nken aka itimede onyuŋ anam mmọ odu ke ndutimede ke ntak uyom inyaŋ ma mfufud apa mmuuŋ.
26Mmọn owom aka iduọ mbuaa ke ntak umim ma se mmọ emikudde nte etibede ọnọ odorobod. Idem-Mbubod aka inyeeŋe mme ntanta ọfiọŋ ma odorobod ewen nsioŋo ke mme nenen itie mmọ k'ipa onyuŋ.
27K'utọọ idaha ikoro, ami Eyen-Owom nka nyara idem mi nnọ mfifien owom. Aminka nsaŋa ke ntọŋ onyuŋ nwuri akwaa odudu mi ma akwaa ubọọŋ.
28Ede k'idaha mme mpọ nken ọtọọŋọ ọwọrọ ọwuri idem, ibeene enyin k'onyuŋ, inyuŋ imeene ibuod mfo k'onyuŋ ma idorenyin. Sia imihineŋeke Idem-Mbubod akaidi inyaaŋa mfo osio k'idiọk ma ukuud.
MBUK ETO FIK
Matio 24:32-35; Maak 13:28-31
29Ndien Yisọs akama mbuk nken atad nte ini-iso eminaade. Enye ete, «Ipeebi mpọ ke eto fik ma mme eto ewen.
30K'idaha mmọn owom ikud nte ifaŋ mmọ ọtọọŋọde iseehe, idaa onyono idiọŋọ ibe ke ndaoyo epere.
31Nsọ ukem ntoro, k'idaha mf'ikud mme idiọọŋọ iken ntiŋde nnọ mfo nte etibe, idiọŋọke obio-ubọọŋ Idem-Mbubod akaidi iwiiwaa.
32Yak ntiŋ ataa apanikọọ nọ mfo, mmọn emaana eken imihipaaŋake, tutu mfifien mpọ nken etibe. 33Isọŋ ma ipa onyuŋ aka iwuure. Ede ikọọ iken ntiŋde imihi iture iwọrọ isu.
IBEEŊEIDEM BED MMAANA NDI YISỌS
Matio 24:36-44; Maak 13:32-37
34Ede ipeme idem mfo, mbaak nsanyọk, ma ukọd, ma ekikere uwem iken inaam esid mfo odoobi. Midehe ntoro, mf'imihidu ke mbeeŋeidem k'usen mmendide sia usen ikoro emi bua-buad mfo nte afia amiade unam.
35Sia k'utọọ usen ikoro akaisibi mfifien owom eken ọduŋde k'ofuri odorobod.
36Ede itaba idap mfifien ini. Inyuŋ ibọŋ akam yak Idem-Mbubod ọnọ mfo nsọọŋọidem mbaak mf'ipikwa ibọhọ mfifien mpọ nken emi itibede, inyuŋ ida k'iso Eyen-Owom ikopke obuud.
37Ndien k'idaaha Yisọs ekesuk epeebide mmọ mpọ ke ekwere efe-uwa mme Yuu ke mpapaŋa uwemoyo, ma k'itudoyo, Enye akaanade akaa mbood keen ekekerede opupo Ọdif.
38Ndien uwak owom abak ekene eme ke efe-uwa Idem-Mbubod mme Yuu k'usen ubọk, mbaak mmọ okop upeebi mpọ Yisọs.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.