Luk 20
20
MME MPAN OWOM YUU EBIB ABAAŊA UNEN YISỌS
Matio 21:23-27; Maak 11:27-33
1Usen keen, nte Yisọs odude ke itie efe-uwa ọkwọọrọ abaŋa mme ntiti mbuk Idem-Mbubod abaaŋa obio-ubọọŋ, usuk mme oku-uwa mme Yuu, mme epeebi-mbed, ma mme nkenye-owom obio.
2Etọọŋọ etiŋ ikọọ ma eme ete, «Tiŋ nọ nnyiŋ, ofo ada unen ewee anaam mme mpọ nken? Nenye ọnọ fin unen eken akamade anam mme mpọ nken?
3Yisọs ete mmọ, «Yak ami nto mbib mfo mbiime, ndien mf'inọ min ibọọrọ.» 4Nte unen Yọọn Uduọk mmuuŋ ekesi Idem-Mbubod, me ekesi mmọn owom?
5Ede mmọ ekere k'otu idem mmọ ete, «Nnyin ipibe ke ekesi Idem-Mbubod, Enye aka ibe nnyin, nesode mfo inum ke eme ke ukwọọrọ ikọọ ise?»
6Ede nnyin ibe eme, ke ekesi owom, ofuri otu owom eken ekaiyem itọọŋi nnyin k'itiad sia mmọ mfifien ọdiọŋọde ke Yọọn ekede asiak-uduak Idem-Mbubod?
7Mmọ ọbọọrọ Eme, ke mmọ idiọŋọke ọtọ uduọk mmuuŋ Yọọn ekeside.
8Ede Yisọs ete mmọ ntee, «Ami nkoŋ meehe ndọhọ mfo ọtọ odudu Mi eside.»
MBUK ABAAŊADE IDIỌK EPEME INWAŊ FAIN
Matio 21:33-46; Maak 12:1-12
9Ndien Yisọs amana atiŋ ikọọ mbuk ọnọ mmọn owom, «Ete keen eke ọtọ inwaŋ fain#20:9 Fain ede mfuri nken ekamade enam wain, enye onyuŋ ayak ọnọ mme epeme inwaŋ, adaha eke epeene k'usuŋ isaŋ. 10K'idaha ekemde ini idọk, enyene inwaŋ ọdọŋ eyen-utom ise keen ọnọ mme epeme inwaŋ fain nse, ekebọ mmọ udeme inwaŋ mfuri fain ise, nte mmọ eke nyimede, ede mme epeme inwaŋ fain etim eyen-utom, onyuŋ ebine eme osio ubọk ipuipu. 11Enye amana ọdọŋ eyen-utom ewen, ọnọ mmọ, mmọ amia sọ eme, esuene eme, onyuŋ ebin eme ọsio ndọk-ndọk ma ubọk ipuipu. 12Enye amaana ọsio ọyọhọ eyen-utom ita ọdọŋ, mmọ ọnọ sọ eme unan, amaana ebin eme ọsio k'inwaŋ.
13«Ndien nyinyene inwaŋ fain ete, mme nam ntewe? Nkandọŋ eyen ima mi, ekeminam mmọ abaak eme ke mmọ ikud eme.
14«Ede mme epeme inwaŋ fain ekedaa ekuud eme, mmọ ọtọọŋọ ekere k'otu idem mmọ ete, ‹Adiaapa ese owoom, idiyak nnyiŋ iwod eme, idaa inwaŋ fain nken ese inyene.› 15Mmọ ebine eme ọsio k'inwaŋ fain eken, onyuŋ ewod eme. Ndien Yisọs ebib mmọ, dọhọ min, neso ke enyene inwaŋ fain okoro aminaam ma mme epeme inwaŋ ikoro?
16Enye akaa idiwoodi mme epeme inwaŋ fain eken ndien enye akaiyak inwaŋ eken ọnọ mmọn ewen. Idaha mmọn owom okopde se Yisọs eketiŋde, mmọ ete, Idem-Mbubod imihiyak utọ mpọ nken etibe.»
17Yisọs otum ọwuk enyin ese mmọ ete, «Epede mfo ibe ke mpọ nken ikeme itibe, ndien emi ọwọrọso k'idaha Idem-Mbubod eketiŋde ke ŋwed nse abaŋa Andinyaaŋa, ke enye etie nte itiad mmọn ubọp ufọk ekesinde. Ede Idem-Mbudod anam enye akabade ede ataa apan itiad k'ufọk?›
18Mfifien owom eke ọduọde k'itiad#20:18 Itiad iken adaa ọnọ Yisọs ikoro aka ituan mmọ mbaai-mbaai, ede owom ekedede eke itiad iken emiduọde itọọ, aka ikọk eme enye oforo obuub»
19Ndien mme epeebi-mbed ma mme oku-uwa eyem usuŋ nte mmọ epe omumde Yisọs ke ọtọndo nkoro, sia mmọ ama ọdiọọŋọ ke Yisọs etiŋ ikọọ iken ma mmọ. Ede mmọ abaak otu owom inam mfina ma mmọ ntak nkoro mmọ ikanke imum eme.
MBIB ABAAŊADE UPE ATAASI
Matio 22:15-22; Maak 12:13-17
20Ndien mme nkwa oku ma mme epeebi-mbed eyem ufaŋ nte mmọ epemumde Yisọs. Mmọ epe mmọn owom emi ekekamade idem nte ntiti owom edọŋutom enọ Yisọs. Mmọ ndien ekere ke mmọn owom eken ekeme imum Yisọs ke enye itiŋ idiọk ikọọ, mbaak mmọ eyak eme enọ Adaa-ibuod ukara Rum. 21Idaha mmọn upepe ikoro ekedide ebine Yisọs mmọ ete eme, «Atitia, nnyin idiọŋọ k'upeep mpọ mfo ede nen-nen, unamke ọfọn ọnọ owom keen uyak owom enyeken. Ofo ese epeebi apanikọọ abaŋa se Idem-Mbubod ebede owom anam. 22Ndien mmọ ebib eme, nte ibed Muses ayak nnyin ipe ataasi inọ ukara Rum, mme iyakke?»
23Ndien Yisọs ekedaa okud nyaakri mmọ, ete mmọ, «Ntak mf'idomode min eh? 24Iwuri min kọbọ keen nse. Nsise ma enyiŋ enye ewedde emi?» Mmọ ọbọrọ eme ‹Nsise akwaa ọbọọŋ Rum.»›
25Ndien enye ete mmọ, ‹‹Inọ akwaa ọbọọŋ Rum se enyenede eme inyuŋ inọ Idem-Mbubod se eyenede Idem-Mbubod.»
26Ede mmọ ikanke imum eme k'ikọọ ise k'iso mmọn owom. Ke apanikọọ, idem apa mmọ k'ibọrọ ise, mmọ ndien ikanke ibib eme mbiime berikeen ewen.
MME SADUSI EBIB EBAAŊA EDISED KE MPA YISỌS
Matio 22:23-33; Maak 12:18-27
27Ndien usuk mme Sadusi, nsọ mmọnido ebede ke edised ke mpa iduhe, mmọ edibib Yisọs ete, 28«Atitia, Muses ama ewed ọnọ nnyin, edieke eyen-eka owom ideeni ọdọde anwaan apaade, ede inyeneke ntitọọŋ, anante eyen-eka ese ideeni ewen adaa anwaan okoro ese ọdọ, onyuŋ obooni ntitọọŋ ọnọ apampa eyen-eka ese.#20:28 Ede ataa apan mpọ ubon keen ekedede inyene adia-apan mbaak ubon ikoro akaiso atara 29Ndien ntitọọŋ eyen-eka itiaba ekedu apan ọdọ anwaan, ede apa inyeneke eyen.
30Ọyọhọ ibaa ada eme ọdọ, onyuŋ apa inyeneke eyen. 31Ọyọhọ ita ada sọ eme ọdọ, ntoro ntoro tutu mmọ owom itiaba ọdọ eme, mmọ mfifien onyuŋ apaaŋa ndien eyen berikeen iduhe.
32K'apature, eyen ibaani iken edipa, inyuŋ inyeneke sọ eyen.
33Ndien Idem-Mbubod akainam mmọn owom eseedi ke mpa enyuŋ eduk k'uwem, enye emide anwaan enye? Sia mmọ owom itiaba ema ọdọ eme nte anwaan.»
34Ndien Yisọs ọbọọrọ mmọ ete, «ede mmọn emana eken edọọŋi ndọ. 35Ede mmọnimi Idem-Mbubod ebieerede ke mmọ odod iseedi ke mpa imaana idu uwem ke edem-onyuŋ. Ke edem-onyuŋ mmọ imihi idọ ndọ. 36Ede apanikọọ sia mmọ eminaa nte mme enyere Idem-Mbubod emi imihipa inyuŋ idọhọ ndọ. Mmọ ede ntitọọŋ Idem-Mbubod sia Idem-Mbubod akainam mmọ eseedi ke mpa odu k'uwem 37Ke ndidian ke odo, mf'idue ke mf'ikere ke ediseedi ke mpa nduk k'uwem iduhe. Sia ŋwed Idem-Mbubod nte Muses ekewedde se Idem-Mbubod eke ọdọhọde eme ke ikọd ikaŋ-itaa. Ndo ke Idem-Mbubod eketiŋ abaaŋa idem ise nte Idem-Mbubod Ebraham, Aisik ma Yekọb, payeeodo mmọ imaikipaaŋa. 38Enye idehe Idem-Mbubod mme apaŋa mpa, ede eke mme odu uwem, sia mfifien owom eduude uwem ke eme.»
39Ndien usuk mme epeebi-mbed mme Yuu mmikiyiimeke ma mme Sadusi ete, «Atitia, ọbọrọ enem mpayeeodo mmọ iduuŋeke k'uwem.» 40Ede mmọ ideikedei ibib eme mbiime berikeen ewen.
41Ndien Yisọs ete mmọ, «Neso ede ntak ekemfo ibede ke Krais ede eyen Defed? 42K'ini ọbọọŋ Defed k'idem ise eke ọdọhọde ke ŋwed Saam,
«Idem-Mbubod ete Ọbọọŋ mi
Tie k'ubọk namisa mi,
43Tutu nda mmọn atua fo,
Nsin k'idak ukod fo.
44Ndien ọbọọŋ Defed okood eme Ọbọọŋ, newe ndien ke enye ede eyen ese?
IPEME IDEM MA MME EPEEBI MBED MUSES
Matio 23:1-7; Maak 12:38-40
45Enye ndien ete mme mbed nse k'iso mfifien owom.
46«Ipeme idem mfo ik'inaa nte mme epeebi-mbed, emi amaade isaaŋa ma nkwa nduọ-nduọ ọfọŋ, enyuŋ ama ekọm ke anwaa udua, ma nkwa itie ke efe-upono Idem-Mbubod, ma k'itie ibi. 47Mmọ ede mmọnimi adiade ndia ufọk mme ebepa, mmọ onyuŋ ọbọŋ anyan akam mbubuk. Sia mmọ akaibọ ubiuom ipe eke oponde akan.»
ទើបបានជ្រើសរើសហើយ៖
Luk 20: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 20
20
MME MPAN OWOM YUU EBIB ABAAŊA UNEN YISỌS
Matio 21:23-27; Maak 11:27-33
1Usen keen, nte Yisọs odude ke itie efe-uwa ọkwọọrọ abaŋa mme ntiti mbuk Idem-Mbubod abaaŋa obio-ubọọŋ, usuk mme oku-uwa mme Yuu, mme epeebi-mbed, ma mme nkenye-owom obio.
2Etọọŋọ etiŋ ikọọ ma eme ete, «Tiŋ nọ nnyiŋ, ofo ada unen ewee anaam mme mpọ nken? Nenye ọnọ fin unen eken akamade anam mme mpọ nken?
3Yisọs ete mmọ, «Yak ami nto mbib mfo mbiime, ndien mf'inọ min ibọọrọ.» 4Nte unen Yọọn Uduọk mmuuŋ ekesi Idem-Mbubod, me ekesi mmọn owom?
5Ede mmọ ekere k'otu idem mmọ ete, «Nnyin ipibe ke ekesi Idem-Mbubod, Enye aka ibe nnyin, nesode mfo inum ke eme ke ukwọọrọ ikọọ ise?»
6Ede nnyin ibe eme, ke ekesi owom, ofuri otu owom eken ekaiyem itọọŋi nnyin k'itiad sia mmọ mfifien ọdiọŋọde ke Yọọn ekede asiak-uduak Idem-Mbubod?
7Mmọ ọbọọrọ Eme, ke mmọ idiọŋọke ọtọ uduọk mmuuŋ Yọọn ekeside.
8Ede Yisọs ete mmọ ntee, «Ami nkoŋ meehe ndọhọ mfo ọtọ odudu Mi eside.»
MBUK ABAAŊADE IDIỌK EPEME INWAŊ FAIN
Matio 21:33-46; Maak 12:1-12
9Ndien Yisọs amana atiŋ ikọọ mbuk ọnọ mmọn owom, «Ete keen eke ọtọ inwaŋ fain#20:9 Fain ede mfuri nken ekamade enam wain, enye onyuŋ ayak ọnọ mme epeme inwaŋ, adaha eke epeene k'usuŋ isaŋ. 10K'idaha ekemde ini idọk, enyene inwaŋ ọdọŋ eyen-utom ise keen ọnọ mme epeme inwaŋ fain nse, ekebọ mmọ udeme inwaŋ mfuri fain ise, nte mmọ eke nyimede, ede mme epeme inwaŋ fain etim eyen-utom, onyuŋ ebine eme osio ubọk ipuipu. 11Enye amana ọdọŋ eyen-utom ewen, ọnọ mmọ, mmọ amia sọ eme, esuene eme, onyuŋ ebin eme ọsio ndọk-ndọk ma ubọk ipuipu. 12Enye amaana ọsio ọyọhọ eyen-utom ita ọdọŋ, mmọ ọnọ sọ eme unan, amaana ebin eme ọsio k'inwaŋ.
13«Ndien nyinyene inwaŋ fain ete, mme nam ntewe? Nkandọŋ eyen ima mi, ekeminam mmọ abaak eme ke mmọ ikud eme.
14«Ede mme epeme inwaŋ fain ekedaa ekuud eme, mmọ ọtọọŋọ ekere k'otu idem mmọ ete, ‹Adiaapa ese owoom, idiyak nnyiŋ iwod eme, idaa inwaŋ fain nken ese inyene.› 15Mmọ ebine eme ọsio k'inwaŋ fain eken, onyuŋ ewod eme. Ndien Yisọs ebib mmọ, dọhọ min, neso ke enyene inwaŋ fain okoro aminaam ma mme epeme inwaŋ ikoro?
16Enye akaa idiwoodi mme epeme inwaŋ fain eken ndien enye akaiyak inwaŋ eken ọnọ mmọn ewen. Idaha mmọn owom okopde se Yisọs eketiŋde, mmọ ete, Idem-Mbubod imihiyak utọ mpọ nken etibe.»
17Yisọs otum ọwuk enyin ese mmọ ete, «Epede mfo ibe ke mpọ nken ikeme itibe, ndien emi ọwọrọso k'idaha Idem-Mbubod eketiŋde ke ŋwed nse abaŋa Andinyaaŋa, ke enye etie nte itiad mmọn ubọp ufọk ekesinde. Ede Idem-Mbudod anam enye akabade ede ataa apan itiad k'ufọk?›
18Mfifien owom eke ọduọde k'itiad#20:18 Itiad iken adaa ọnọ Yisọs ikoro aka ituan mmọ mbaai-mbaai, ede owom ekedede eke itiad iken emiduọde itọọ, aka ikọk eme enye oforo obuub»
19Ndien mme epeebi-mbed ma mme oku-uwa eyem usuŋ nte mmọ epe omumde Yisọs ke ọtọndo nkoro, sia mmọ ama ọdiọọŋọ ke Yisọs etiŋ ikọọ iken ma mmọ. Ede mmọ abaak otu owom inam mfina ma mmọ ntak nkoro mmọ ikanke imum eme.
MBIB ABAAŊADE UPE ATAASI
Matio 22:15-22; Maak 12:13-17
20Ndien mme nkwa oku ma mme epeebi-mbed eyem ufaŋ nte mmọ epemumde Yisọs. Mmọ epe mmọn owom emi ekekamade idem nte ntiti owom edọŋutom enọ Yisọs. Mmọ ndien ekere ke mmọn owom eken ekeme imum Yisọs ke enye itiŋ idiọk ikọọ, mbaak mmọ eyak eme enọ Adaa-ibuod ukara Rum. 21Idaha mmọn upepe ikoro ekedide ebine Yisọs mmọ ete eme, «Atitia, nnyin idiọŋọ k'upeep mpọ mfo ede nen-nen, unamke ọfọn ọnọ owom keen uyak owom enyeken. Ofo ese epeebi apanikọọ abaŋa se Idem-Mbubod ebede owom anam. 22Ndien mmọ ebib eme, nte ibed Muses ayak nnyin ipe ataasi inọ ukara Rum, mme iyakke?»
23Ndien Yisọs ekedaa okud nyaakri mmọ, ete mmọ, «Ntak mf'idomode min eh? 24Iwuri min kọbọ keen nse. Nsise ma enyiŋ enye ewedde emi?» Mmọ ọbọrọ eme ‹Nsise akwaa ọbọọŋ Rum.»›
25Ndien enye ete mmọ, ‹‹Inọ akwaa ọbọọŋ Rum se enyenede eme inyuŋ inọ Idem-Mbubod se eyenede Idem-Mbubod.»
26Ede mmọ ikanke imum eme k'ikọọ ise k'iso mmọn owom. Ke apanikọọ, idem apa mmọ k'ibọrọ ise, mmọ ndien ikanke ibib eme mbiime berikeen ewen.
MME SADUSI EBIB EBAAŊA EDISED KE MPA YISỌS
Matio 22:23-33; Maak 12:18-27
27Ndien usuk mme Sadusi, nsọ mmọnido ebede ke edised ke mpa iduhe, mmọ edibib Yisọs ete, 28«Atitia, Muses ama ewed ọnọ nnyin, edieke eyen-eka owom ideeni ọdọde anwaan apaade, ede inyeneke ntitọọŋ, anante eyen-eka ese ideeni ewen adaa anwaan okoro ese ọdọ, onyuŋ obooni ntitọọŋ ọnọ apampa eyen-eka ese.#20:28 Ede ataa apan mpọ ubon keen ekedede inyene adia-apan mbaak ubon ikoro akaiso atara 29Ndien ntitọọŋ eyen-eka itiaba ekedu apan ọdọ anwaan, ede apa inyeneke eyen.
30Ọyọhọ ibaa ada eme ọdọ, onyuŋ apa inyeneke eyen. 31Ọyọhọ ita ada sọ eme ọdọ, ntoro ntoro tutu mmọ owom itiaba ọdọ eme, mmọ mfifien onyuŋ apaaŋa ndien eyen berikeen iduhe.
32K'apature, eyen ibaani iken edipa, inyuŋ inyeneke sọ eyen.
33Ndien Idem-Mbubod akainam mmọn owom eseedi ke mpa enyuŋ eduk k'uwem, enye emide anwaan enye? Sia mmọ owom itiaba ema ọdọ eme nte anwaan.»
34Ndien Yisọs ọbọọrọ mmọ ete, «ede mmọn emana eken edọọŋi ndọ. 35Ede mmọnimi Idem-Mbubod ebieerede ke mmọ odod iseedi ke mpa imaana idu uwem ke edem-onyuŋ. Ke edem-onyuŋ mmọ imihi idọ ndọ. 36Ede apanikọọ sia mmọ eminaa nte mme enyere Idem-Mbubod emi imihipa inyuŋ idọhọ ndọ. Mmọ ede ntitọọŋ Idem-Mbubod sia Idem-Mbubod akainam mmọ eseedi ke mpa odu k'uwem 37Ke ndidian ke odo, mf'idue ke mf'ikere ke ediseedi ke mpa nduk k'uwem iduhe. Sia ŋwed Idem-Mbubod nte Muses ekewedde se Idem-Mbubod eke ọdọhọde eme ke ikọd ikaŋ-itaa. Ndo ke Idem-Mbubod eketiŋ abaaŋa idem ise nte Idem-Mbubod Ebraham, Aisik ma Yekọb, payeeodo mmọ imaikipaaŋa. 38Enye idehe Idem-Mbubod mme apaŋa mpa, ede eke mme odu uwem, sia mfifien owom eduude uwem ke eme.»
39Ndien usuk mme epeebi-mbed mme Yuu mmikiyiimeke ma mme Sadusi ete, «Atitia, ọbọrọ enem mpayeeodo mmọ iduuŋeke k'uwem.» 40Ede mmọ ideikedei ibib eme mbiime berikeen ewen.
41Ndien Yisọs ete mmọ, «Neso ede ntak ekemfo ibede ke Krais ede eyen Defed? 42K'ini ọbọọŋ Defed k'idem ise eke ọdọhọde ke ŋwed Saam,
«Idem-Mbubod ete Ọbọọŋ mi
Tie k'ubọk namisa mi,
43Tutu nda mmọn atua fo,
Nsin k'idak ukod fo.
44Ndien ọbọọŋ Defed okood eme Ọbọọŋ, newe ndien ke enye ede eyen ese?
IPEME IDEM MA MME EPEEBI MBED MUSES
Matio 23:1-7; Maak 12:38-40
45Enye ndien ete mme mbed nse k'iso mfifien owom.
46«Ipeme idem mfo ik'inaa nte mme epeebi-mbed, emi amaade isaaŋa ma nkwa nduọ-nduọ ọfọŋ, enyuŋ ama ekọm ke anwaa udua, ma nkwa itie ke efe-upono Idem-Mbubod, ma k'itie ibi. 47Mmọ ede mmọnimi adiade ndia ufọk mme ebepa, mmọ onyuŋ ọbọŋ anyan akam mbubuk. Sia mmọ akaibọ ubiuom ipe eke oponde akan.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.