Luk 19
19
YISỌS AKAA UFỌK SAKIỌS
Luk 19:1-10
1Ndien Yisọs ma mme nsaŋa-utom ise ediduk obio Yediko esaaŋa ebei. 2Ndien owom keen emi ekerede Sakiọs emi ekedede etubom mme ọbọọ-ataasi, amaana ede enyene mpọ owom. 3Nte Yisọs eke asaaŋade ebei ke obio eken, Sakiọs eyem ikud Yisọs ede ikanke ikud sia enye edede ipud-ipud owom ma mmọn owom eke kanadede Yisọs ọkuk. 4Ndien enye efehe akaiso ekedọk eto sikamọ, mbaak enye akan emene Yisọs mfọn-mfọn, sia Yisọs eyemde isaŋa usuŋ ikoro ibei.
5Ndien Yisọs eke ebeene enyin k'onyuŋ, adaa okud eme, ete eme, «Sakiọs sọp-sọp suhọ di, sia ami mmedi idiandia k'ufọk fo mfin.» 6Sakiọs ọsọsọp ọsuhọde ke eto okoro edisibe isọŋ, onyuŋ adaa Yisọs akaa ufọk ise ke ataa inemesid.
7Ndien mmọn owom eken okud ntoro mmọ emimini k'idem mmọ ete, «Ọwọọrọ enye ekedi eseen ọnọ idiọk owom eken.»
8Ede Sakiọs ebeene ada onyuŋ ete Yisọs, «Mbọk paŋ utọŋ nse, Ọbọọŋ, me ŋwuŋe iyak mbahade ibaa inyene mi nnọ mme ubueene, maana mpe utip ataasi nkebọde mmọ ikanaaŋ nnọ mmọn se nkebọde mpọ ke usanya.
9Ndien Yisọs ete eme, «Mfin nken Idem-Mbubod edinyaaŋa fin ma ufọk fo osio ukufen ke ntak idiọk mpọ fo, sia ofo edede sọ eyen Ebraham. 10Sia Eyen-Owom ekeedi iyem imaana inyaaŋa mmọnido eke osoomode usuŋ.»
MBUK ABAAŊADE MME NTITỌỌŊ-UFỌK ITA
Luk 19:11-27; Matio 25:14-30
11Ede nte mmọ ọsuk apaŋde utọŋ ọnọ mfifien se Yisọs etiŋde, Yisọs adian ikọọ kendo onyuŋ ọnọ uwud-mpọ, sia mmọ eperede obio Yedusedem, mmọn owom onyuŋ ekere ke obio-ubọọŋ Idem-Mbubod akaa iwọọrọ isu idaha-idaha ikoro.
12Ntoro ke Yisọs ete, «Akwaa ọbọọŋ keen ekekaa anyan usuŋ isaŋ ibọ ubọọŋ ida inyuŋ edikara nte ọbọọŋ. 13Mbemiso enye adaha, okood owom duop k'otu ntitọọŋ-ufọk ise, onyuŋ ọnọ mmọ oyoomo, ndien ete mmọ, ‹Ikama inyam udua tutu nsed ndi.› 14Ede mmọn mbuue nse ikimaahama eme, ndien efiak edọọŋ utom ọnọ akwaa ọbọọŋ, ete, ‹Nnyin iyemke owom eken akara nnyin.›
15«Ndien enye ekeọbọọ ubọọŋ iken esed edi, onyuŋ edi ọnọ uyo, ete mmọ okood ntitọọŋ-ufọk ido enye eke ọnọde oyoomo ọnọ eme, mbaak enye ọdiọŋọ udodi se mmọ eke anaamde ke mbubehe mmọ keen-keen.
16«Ndien apa eyen-ufọk ekedi, ete eme, ‹ọbọọŋ, mbaak oyoomo duop odoro k'iso oyoomo fo.›
17«Ndien enye ete eme, ‹O, eti eyen-ufọk, sia ofo anaamde apanikọọ ke apara utom dọŋde fin, di kara obio duop.›
18«Ọyọhọ eyen-ufọk ibaa ekeseedi, ete, ‹ọbọọŋ, oyoomo ition odoro ke oyoomo fo ekenọọde min.›
19«Ette-ufọk ise ete sọ eme, ‹ofo nkoŋ da ukara k'obio ition.›
20«Eyen ufọk ọyọhọ ita edi ete eme, ‹Ọbọọŋ, se oyoomo fo mi, nekebọbde ke ọfọŋ ntum ndip.› 21‹Sia mbaak mbaak fin, sia ofo ede owom nsọŋde ido, onyuŋ adade k'ọtọ ukunumke, onyuŋ tibide k'ọtọ ukutọọhọ.›
22«Ette-ufọk ise ete eme, ‹Nkaa, nda ikọọ inua fo mpeipe nyuŋ mbiere nọ fin, ofo idiọk eyen-ufọk. ‹Amaa ọdiọŋọ ke nsọsọŋ ido, emi ndaada k'ọtọ minken nkenumke, ntibi sọ k'ọtọ ọtọŋọ. 23Neso ede ntak ofo ukubenke oyoomo mi k'usin k'ubọk mmọn ukama oyoomo, mbaak mpebọ iso ma udori oyoomo ntee nsedde ndi?›
24«Ette-ufọk ise ete mmọnido eke adaade epere, ‹ibọ eme oyoomo okoro inọ enyeem enyenede udori oyoomo duop.›
25«Ndien mmọ ete eme, ‹ọbọọŋ enyeem enyene oyoomo duop.›
26«Ọbọọŋ ọbọrọ, ‹Nte mfo ntee ke owom eke anamde apanikọọ ekainọ eme eneeŋede awak. Ede owom eke ikanke inam apanikọọ, idem apapara ekenọọde eme ekaibọ eme. 27Ede ide mmọn utuaa eken ọkum, iyemke min nkara mmọ, ida mmọ idi wod k'iso mi.»›
UWAK OWOM ADAARA YISỌS K'IDAHA ENYE ODUUKDE OBIO YEDUSEDEM
Matio 21:1-11; Maak 11:1-11; Yọọn 12:12-19
28Ndien ke Yisọs imaikitiŋ mme ikọọ iken imaa, enye ebeem mmọ iso akaa obio Yedusedem. 29Ndien ekedikem k'idaha Yisọs eperede obio Bedfesh ma Betani k'opupo eken ekerede Ọdif, Enye osio mme mbed nse ibaa ete,
30Mbemiso ọdọŋ mmọ, enye ete, «Ikaa ikiduk k'esid obio eken asakde iso ese mfo, mf'iduk, mfo ikaa ikud iyen enaŋ ayaaide, emi ekenaanam owom berikeen idoroke eme kedem apa, itad eme, iben idi. 31Ede owom keen ekedede epe ebib mfo, ‹Ntak mfo itade eme?› Ibe eme nte, k'Ọbọọŋ Yisọs eyem eme.
32Ndien mme mbed nken Yisọs ekesiode ọdọŋ yak ebem eme iso ekaa esid obio okoro, mmọ okud mfifien mpọ se enye atiŋde ọnọ mmọ. 33Ede nte mmọ ọsuuk atade iyen enaŋ eken, mmọn nyiinyene ete mmọ, «Neso ede mfo itadde iyen enaŋ okoro?»
34Ndien mmọ ọbọọrọ mmọ ete, «Ede Ọbọọŋ Yisọs eyem eme.»
35Ndien mmọ ada iyen enaŋ mbiomo eken ọsọk eme mmọ onyuŋ ada mfọrọidem mmọ ọfuk k'edem enaŋ eken, inyee mmọ ebeen Yisọs odoodi. 36Ndien enye ekesuuk odoro akaaiso, mmọn owom ebiiri ọfọŋ mmọ k'ọpọusuŋ mbaak enye asaaŋa ebei.
37K'idaha Yisọs ekesibide ọtọ emi ọsuọhọde akaa opupo ọdif k'usuŋ akaade obio Yedusedem, ofuri otu owom etọọŋọ edara enyuŋ etoro Idem-Mbubod ke ataa akwaa uyo, ke mme utibe utom odudu eke mmọ ek'ude nte enye anaamide. Mmọ ete,
38«Itoro enyene ọbọọŋ emi edide ke odudu Idem-Mbubod, emem onyuŋ odu ke
Edem-Onyuŋ. Yak ubọọŋ enyene Idem-Mbubod emi ọduŋde ke Edem-Onyuŋ!»
39Ede usuk mmọn Farisi eke asaaŋade ma otu owom ete Yisọs ntee, «Ette-ufọk, pan mme mbed fo mmọ ititiŋso ntoro.»
40Ede enye ọbọọrọ mmọ ete, «Nte mfo ntee, mmọnimi epeture isioro uyo, mpara itiad akaa ituaa ke ataa akwaa uyo itoro min.»
YISỌS ỌDUỌK MMUUŊ EYED ABAAŊA OBIO YEDUSEDEM
Luk 19:41-44
41Ndien k'idaha Yisọs asaaŋade epere obio Yedusedem, enye okud obio, onyuŋ atuaa eyed abaaŋa. 42Enye ete, «O, obio Yedusedem, epere mf'ikan idiọŋọ mfin nken usuŋ nte mf'ipikanade inam emem ma Idem-Mbubod! Ede idaha ikoro mfo ikanke idiọŋọ. 43Sia ini ukuud aka idisibi mfo ke mfifien idaha, mme atuaa mfo aka ibọb mbene ikanade mfo, mmọ aka ikanade mfo ọkuk. Mmọ akainyuŋ ifiik mfo ke mfifien ndaha. 44Mmọ aka isobo mfo ma ntitọọŋ mfo, emi ọduŋde mfo k'esid, imihiyake itiad berikeen odoro k'onyuŋ itiad ewen, sia mfo ikidiọŋọke idaha Idem-Mbubod ekedide inyaaŋa mfo.
YISỌS ANAAM EFE-UWA IDEM-MBUBOD ASAANA
Matio 21:12-17; Maak 11:15-19; Yọọn 2:12-25
45Ndien Yisọs ọduuk itie efe-uwa Idem-Mbubod, enye onyuŋ ebine mmọnido eyaamide mme ufeene ma mme mpọ mmọndiken ekamade efọp uwa.
46Ete mmọ, «Mmọ ama ewewed, k'ufọk ni ede efe-uwa etiede ebọŋ akam, ede mfo inam enye akabade ede itie inọ.»
47Ndien Yisọs ọtọọŋọ epeebi mmọ mpọ k'usen k'usen ke efe-uwa Idem-Mbubod. Ede mme oku-uwa ma me epeebi-mbed ma mme nkenye-owom obio eyeemi usuŋ nte mmọ epe owodde Yisọs. 48Ede mmọ ikwe nte mmọ epe anaamde, sia mfifien owom ọsuk ekene eme mbaak mmọ okop ikọọ ise.
ទើបបានជ្រើសរើសហើយ៖
Luk 19: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 19
19
YISỌS AKAA UFỌK SAKIỌS
Luk 19:1-10
1Ndien Yisọs ma mme nsaŋa-utom ise ediduk obio Yediko esaaŋa ebei. 2Ndien owom keen emi ekerede Sakiọs emi ekedede etubom mme ọbọọ-ataasi, amaana ede enyene mpọ owom. 3Nte Yisọs eke asaaŋade ebei ke obio eken, Sakiọs eyem ikud Yisọs ede ikanke ikud sia enye edede ipud-ipud owom ma mmọn owom eke kanadede Yisọs ọkuk. 4Ndien enye efehe akaiso ekedọk eto sikamọ, mbaak enye akan emene Yisọs mfọn-mfọn, sia Yisọs eyemde isaŋa usuŋ ikoro ibei.
5Ndien Yisọs eke ebeene enyin k'onyuŋ, adaa okud eme, ete eme, «Sakiọs sọp-sọp suhọ di, sia ami mmedi idiandia k'ufọk fo mfin.» 6Sakiọs ọsọsọp ọsuhọde ke eto okoro edisibe isọŋ, onyuŋ adaa Yisọs akaa ufọk ise ke ataa inemesid.
7Ndien mmọn owom eken okud ntoro mmọ emimini k'idem mmọ ete, «Ọwọọrọ enye ekedi eseen ọnọ idiọk owom eken.»
8Ede Sakiọs ebeene ada onyuŋ ete Yisọs, «Mbọk paŋ utọŋ nse, Ọbọọŋ, me ŋwuŋe iyak mbahade ibaa inyene mi nnọ mme ubueene, maana mpe utip ataasi nkebọde mmọ ikanaaŋ nnọ mmọn se nkebọde mpọ ke usanya.
9Ndien Yisọs ete eme, «Mfin nken Idem-Mbubod edinyaaŋa fin ma ufọk fo osio ukufen ke ntak idiọk mpọ fo, sia ofo edede sọ eyen Ebraham. 10Sia Eyen-Owom ekeedi iyem imaana inyaaŋa mmọnido eke osoomode usuŋ.»
MBUK ABAAŊADE MME NTITỌỌŊ-UFỌK ITA
Luk 19:11-27; Matio 25:14-30
11Ede nte mmọ ọsuk apaŋde utọŋ ọnọ mfifien se Yisọs etiŋde, Yisọs adian ikọọ kendo onyuŋ ọnọ uwud-mpọ, sia mmọ eperede obio Yedusedem, mmọn owom onyuŋ ekere ke obio-ubọọŋ Idem-Mbubod akaa iwọọrọ isu idaha-idaha ikoro.
12Ntoro ke Yisọs ete, «Akwaa ọbọọŋ keen ekekaa anyan usuŋ isaŋ ibọ ubọọŋ ida inyuŋ edikara nte ọbọọŋ. 13Mbemiso enye adaha, okood owom duop k'otu ntitọọŋ-ufọk ise, onyuŋ ọnọ mmọ oyoomo, ndien ete mmọ, ‹Ikama inyam udua tutu nsed ndi.› 14Ede mmọn mbuue nse ikimaahama eme, ndien efiak edọọŋ utom ọnọ akwaa ọbọọŋ, ete, ‹Nnyin iyemke owom eken akara nnyin.›
15«Ndien enye ekeọbọọ ubọọŋ iken esed edi, onyuŋ edi ọnọ uyo, ete mmọ okood ntitọọŋ-ufọk ido enye eke ọnọde oyoomo ọnọ eme, mbaak enye ọdiọŋọ udodi se mmọ eke anaamde ke mbubehe mmọ keen-keen.
16«Ndien apa eyen-ufọk ekedi, ete eme, ‹ọbọọŋ, mbaak oyoomo duop odoro k'iso oyoomo fo.›
17«Ndien enye ete eme, ‹O, eti eyen-ufọk, sia ofo anaamde apanikọọ ke apara utom dọŋde fin, di kara obio duop.›
18«Ọyọhọ eyen-ufọk ibaa ekeseedi, ete, ‹ọbọọŋ, oyoomo ition odoro ke oyoomo fo ekenọọde min.›
19«Ette-ufọk ise ete sọ eme, ‹ofo nkoŋ da ukara k'obio ition.›
20«Eyen ufọk ọyọhọ ita edi ete eme, ‹Ọbọọŋ, se oyoomo fo mi, nekebọbde ke ọfọŋ ntum ndip.› 21‹Sia mbaak mbaak fin, sia ofo ede owom nsọŋde ido, onyuŋ adade k'ọtọ ukunumke, onyuŋ tibide k'ọtọ ukutọọhọ.›
22«Ette-ufọk ise ete eme, ‹Nkaa, nda ikọọ inua fo mpeipe nyuŋ mbiere nọ fin, ofo idiọk eyen-ufọk. ‹Amaa ọdiọŋọ ke nsọsọŋ ido, emi ndaada k'ọtọ minken nkenumke, ntibi sọ k'ọtọ ọtọŋọ. 23Neso ede ntak ofo ukubenke oyoomo mi k'usin k'ubọk mmọn ukama oyoomo, mbaak mpebọ iso ma udori oyoomo ntee nsedde ndi?›
24«Ette-ufọk ise ete mmọnido eke adaade epere, ‹ibọ eme oyoomo okoro inọ enyeem enyenede udori oyoomo duop.›
25«Ndien mmọ ete eme, ‹ọbọọŋ enyeem enyene oyoomo duop.›
26«Ọbọọŋ ọbọrọ, ‹Nte mfo ntee ke owom eke anamde apanikọọ ekainọ eme eneeŋede awak. Ede owom eke ikanke inam apanikọọ, idem apapara ekenọọde eme ekaibọ eme. 27Ede ide mmọn utuaa eken ọkum, iyemke min nkara mmọ, ida mmọ idi wod k'iso mi.»›
UWAK OWOM ADAARA YISỌS K'IDAHA ENYE ODUUKDE OBIO YEDUSEDEM
Matio 21:1-11; Maak 11:1-11; Yọọn 12:12-19
28Ndien ke Yisọs imaikitiŋ mme ikọọ iken imaa, enye ebeem mmọ iso akaa obio Yedusedem. 29Ndien ekedikem k'idaha Yisọs eperede obio Bedfesh ma Betani k'opupo eken ekerede Ọdif, Enye osio mme mbed nse ibaa ete,
30Mbemiso ọdọŋ mmọ, enye ete, «Ikaa ikiduk k'esid obio eken asakde iso ese mfo, mf'iduk, mfo ikaa ikud iyen enaŋ ayaaide, emi ekenaanam owom berikeen idoroke eme kedem apa, itad eme, iben idi. 31Ede owom keen ekedede epe ebib mfo, ‹Ntak mfo itade eme?› Ibe eme nte, k'Ọbọọŋ Yisọs eyem eme.
32Ndien mme mbed nken Yisọs ekesiode ọdọŋ yak ebem eme iso ekaa esid obio okoro, mmọ okud mfifien mpọ se enye atiŋde ọnọ mmọ. 33Ede nte mmọ ọsuuk atade iyen enaŋ eken, mmọn nyiinyene ete mmọ, «Neso ede mfo itadde iyen enaŋ okoro?»
34Ndien mmọ ọbọọrọ mmọ ete, «Ede Ọbọọŋ Yisọs eyem eme.»
35Ndien mmọ ada iyen enaŋ mbiomo eken ọsọk eme mmọ onyuŋ ada mfọrọidem mmọ ọfuk k'edem enaŋ eken, inyee mmọ ebeen Yisọs odoodi. 36Ndien enye ekesuuk odoro akaaiso, mmọn owom ebiiri ọfọŋ mmọ k'ọpọusuŋ mbaak enye asaaŋa ebei.
37K'idaha Yisọs ekesibide ọtọ emi ọsuọhọde akaa opupo ọdif k'usuŋ akaade obio Yedusedem, ofuri otu owom etọọŋọ edara enyuŋ etoro Idem-Mbubod ke ataa akwaa uyo, ke mme utibe utom odudu eke mmọ ek'ude nte enye anaamide. Mmọ ete,
38«Itoro enyene ọbọọŋ emi edide ke odudu Idem-Mbubod, emem onyuŋ odu ke
Edem-Onyuŋ. Yak ubọọŋ enyene Idem-Mbubod emi ọduŋde ke Edem-Onyuŋ!»
39Ede usuk mmọn Farisi eke asaaŋade ma otu owom ete Yisọs ntee, «Ette-ufọk, pan mme mbed fo mmọ ititiŋso ntoro.»
40Ede enye ọbọọrọ mmọ ete, «Nte mfo ntee, mmọnimi epeture isioro uyo, mpara itiad akaa ituaa ke ataa akwaa uyo itoro min.»
YISỌS ỌDUỌK MMUUŊ EYED ABAAŊA OBIO YEDUSEDEM
Luk 19:41-44
41Ndien k'idaha Yisọs asaaŋade epere obio Yedusedem, enye okud obio, onyuŋ atuaa eyed abaaŋa. 42Enye ete, «O, obio Yedusedem, epere mf'ikan idiọŋọ mfin nken usuŋ nte mf'ipikanade inam emem ma Idem-Mbubod! Ede idaha ikoro mfo ikanke idiọŋọ. 43Sia ini ukuud aka idisibi mfo ke mfifien idaha, mme atuaa mfo aka ibọb mbene ikanade mfo, mmọ aka ikanade mfo ọkuk. Mmọ akainyuŋ ifiik mfo ke mfifien ndaha. 44Mmọ aka isobo mfo ma ntitọọŋ mfo, emi ọduŋde mfo k'esid, imihiyake itiad berikeen odoro k'onyuŋ itiad ewen, sia mfo ikidiọŋọke idaha Idem-Mbubod ekedide inyaaŋa mfo.
YISỌS ANAAM EFE-UWA IDEM-MBUBOD ASAANA
Matio 21:12-17; Maak 11:15-19; Yọọn 2:12-25
45Ndien Yisọs ọduuk itie efe-uwa Idem-Mbubod, enye onyuŋ ebine mmọnido eyaamide mme ufeene ma mme mpọ mmọndiken ekamade efọp uwa.
46Ete mmọ, «Mmọ ama ewewed, k'ufọk ni ede efe-uwa etiede ebọŋ akam, ede mfo inam enye akabade ede itie inọ.»
47Ndien Yisọs ọtọọŋọ epeebi mmọ mpọ k'usen k'usen ke efe-uwa Idem-Mbubod. Ede mme oku-uwa ma me epeebi-mbed ma mme nkenye-owom obio eyeemi usuŋ nte mmọ epe owodde Yisọs. 48Ede mmọ ikwe nte mmọ epe anaamde, sia mfifien owom ọsuk ekene eme mbaak mmọ okop ikọọ ise.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.