Luk 18
18
MBUK ABAAŊADE EBEPA MA EBIEDIPE
Luk 18:1-8
1Ndien edikem Yisọs ọnọ mme nsaŋa-utom ise mbuk. Enye epeebi mmọ ke anante mmọ ọbọŋ akam mfifien ini inyuŋ iyiyak sọ ukam ekwere mmọ. 2Enye ete, «Ebiedipe eke odu k'obio keen, enye ikinyeneke mbaak nọ Idem-Mbubod, inyuŋ idaha owom berikeen nte mpọ. 3Ndien ebepa onyuŋ odu k'obio okoro. Enye esedikaa ebeeŋe ebiedipe iken k'uwak idaha ete eme, ‹Pe ipe mi ma owom eyemde ituk min bọọ unen ni nnọ min.›
4«Ede Ebiedipe inyiimeke ke mme uwak idaha enye akaade. Ndien enye ete k'esid ese, oposukede nte mme mbaakke Idem-Mbubod, nyuŋ ndaha owom nte mpọ, 5sia ebepa eken m'iyakke mbọ emem nka inọ eme unen ise, mbaak enye ayak min mbọ emem, enye idi ntee mfifien ini afina min.
6«Ndien Yisọs ete, ikop se idiọk Ebiedipe eke atiŋde. 7Edie eke ukwaŋ ebiere ipe ekemede inwam owom, nte mf'ikereke ke Idem-Mbubod akayak unen ndimek ntitọọŋ nse emi ekaade iso ebọŋ akam mfifien ini inọ mmọ? Nte enye aka ibiad ini k'inwam mmọ? Uwa, imihi ibiad ini. 8Nte mfo ntee, enye ikaikud ibe ke mmọ ọbọọ ebeeŋe mmọ iwiiwaa. Ede ami, Eyen-Owom maana ndi, nkankwa nkud sọ owom berikeen ke odorobod emi enumde Idem-Mbubod ke apanikọọ?»
MBUK ABAAŊADE FARISI MA ABỌỌ ATAASI
Luk 18:9-14
9Ndien Yisọs ọnọ mmọ mbuk ewen ete, usuuk owom edudo emi eke kuude idem mmọ nte mme mfọn ma owom, ede ekuud mmọn ewen nte mbubuu mpọ. 10«Enye ete mmọ, owom ibaa eke akaa efe-uwa Idem-Mbubod ke obio Yedusedem, ibọọŋ akam, keen ede Farisi eyeeken ede ọbọọ-ataasi. 11Owom Farisi ebeene ọtọọŋọ ọbọŋ akam k'idem ise ete, ‹Idem-Mbubod mmekọm fin, sia emi naaŋa nte owom mmọnidiken enaade, mme ọbọi owom mpọ ke nkan-ubọk, ndehe inọ, nyuŋ asaaŋake eseen, nte owom ọbọọ-ataasi eken. 12Nture ndia akaba k'udua, mpe mbaak keen ke duop ke mfifien inyene mi nọ fin.
13«Ede owom ọbọọ-ataasi adaa nsan-nsan inyuŋ inyiimeke imeene enyin ise Idem-Mbubod ke edem-onyuŋ sia enye okudde idem ise nte eme idodke, ede ada ubọk ise ododi k'ipanesid ese ke mbuuŋọ-esid ete, «Idem-Mbubod, mbọk tuaa min mbọm ke emi nde anaam idiọk-mpọ. Mmbeeŋe fin yak atua min mbọm onyuŋ efeen ọnọ min!»
14Nte mfo ke ọbọọ-ataasi eken onyuŋ ufọk ise nte eyem Idem-Mbubod efeen ọnọ, ede owom Farisi onyuŋ ma ubiom ipe. Sia Idem-Mbubod eka isuuhọde owom keen ekedede emi emeenede idem ise k'onyuŋ, ede owom ekesuhọdede idem ise Idem-Mbubod akaimeene eme enum ke itie upono.
YISỌS ỌDIỌŊ MPARA NTITỌỌŊ
Luk 18:15-17; Matio 19:13-15; Maak 10:13-16
15Usen keen, mme ntaa ma mme nne eda mpara ntitọọŋ esọk Yisọs, mbaak enye ododi mmọ ubọk onyuŋ ọdiọŋ mmọ. Ede mme Nsaŋa-utom ise ekekuud ntoro, mmọ atua ọnọ mmọ 16Ede Yisọs okood mmọ ọnọ idem ise ete mme nsaŋa-utom ise, «Iyak mpara ntitọọŋ ekene min. Ikipan sọ mmọ ikene min, sia obio-ubọọŋ Idem-Mbubod eyemde mmọnimi ọsuhọrede idem nte mpara ntitọọŋ. 17Ntiŋ apanikọọ nọ mfo nte, owom keen ekedede imiyiimeke obio-ubọọŋ Idem-Mbubod nte mpara eyen imihiduk k'esid.»
ỌSỌSỌŊ MMỌN INYENE IDUK OBIO UBỌỌŊ IDEM-MBUBOD
Luk 18:18-30; Matio 19:16-22; Maak 10:17-22
18Usen keen, ọbọọŋ keen k'otu mme Yuu edibib Yisọs mbiime ete eme, «Eti Ette-ufọk, nne nsutọọ mpọ ke menam mbaak emi nyene nsinsi uwem?»
19Ede Yisọs ete eme, «Iduhe owom berikeen ọfọnde imidehe Idem-Mbubod ọpọọŋ. Ede idem apa min ofo ebede ke ami mmefọn.» 20Ọdiọŋọ se ibed Idem-Mbubod eke ọnọde Muses atiŋde, «Ku usaŋasọ eseen. Kuwod sọ owom, kuyip sọ inọ, kuude ntie ntiense nsuu, pono ntaa fo ma nne fo.»
21Ọbọọŋ okoro ete Yisọs, «menum mfifien mme ibed iken sike k'idaha ntitọọŋ ni.
22Ndien k'idaha Yisọs okopde se enye atiŋde, enye ete eme, mpọ keen ọsuọhọ fin inam, kaayam mfifien se eyenede mben deeme nọ mme ubueene, ndien ofo akainyene mpọuto ke Edem-Onyuŋ fiak disaŋa ma ami.
23Ndien enye ekekop ikọọ iken, enye ọfuhọ etiti, sia enye eyenede uwak inyene. 24Yisọs ekekud ke enye ọfuhọ, enye ete mmọn ekedude kendo nkoro, «ọsọsọŋ nte mmọn inyene emikande iduk obio-ubọọŋ Idem-Mbubod!
25Yisọs emene enyin ese eme, ete mme nsaŋa-utom ise, «Ede ataa meme-meme mpọ enaŋ ebei iduk k'udaaŋ abiabuen akan owom inyene iduk obio-ubọọŋ Idem-Mbubod.»
26Ndien mmọnido ekekopde ikọọ iken ete, «Nenye owom ndien emi ibọhọ?»
27Ndien Yisọs ete, «Odu mme mpọ owom ikanke inam, ede Idem-Mbubod ekeme inam mpọ keen ekedede.»
28Pite ete Yisọs, «Se, nnyin imasaana mfifien se nnyin ikinyenede iyak ikene fin nte nsaŋa-utom fo.»
29Ndien Yisọs ete mmọ, «Ntiŋ apanikọọ nọ mfo, owom berikeen iduhe emi eke ọpọŋde ufọk ise, mme anwaan ese, ntitọọŋ eyen-eka ese, ma ntaa ma nne nse, mme ntitọọŋ nse ke ntak Obio-Ubọọŋ Idem-Mbubod. 30Ndien akaibọ etiti utip oponde akan odo esi ubọk Idem-Mbubod ke emana eken, ma ke edem-onyuŋ k'iso ma nsinsi uwem.»
YISỌS AMAANA ATIŊ ABAAŊA MPA NSE
Luk 18:31-34; Matio 20:17-19; Maak 10:32-34
31Ekem Yisọs ada mme nsaŋa-utom ise duopebaa akanade ada edem keen, onyuŋ ete mmọ, Ipaŋ utọŋ, «Nnyin imikaa obio Yedusedem ataa idaha ikoro. Idaha nnyin imidude kendo, mfifien se mme asiak-uduak Idem-Mbubod ekewede abaaŋa Eyen-Owom k'esed akaa iwọọrọ isu. 32Sia mmọ ekaiyak min isin k'ubọk mme Yental, mmọ akainyuŋ idọọŋi min ndọk, esọŋọ min enyin, mmọ aka onyuŋ afiaadi min etap. 33Ndien mmọ eka imia min onyuŋ wod min ede k'ọyọhọ usen ita, Aminka iseedi ke mpa.»
34Ede mme mpọ nken Enye eketiŋde ikinwaŋake mme nsaŋa-utom ise. Ikọọ iken onyuŋ edibe mmọ, mmọ inyuŋ idiọŋọke se enye atiŋde berikeen.
YISỌS ANAM OWOM NNAN AMEENE USUŊ
Luk 18:35-43; Matio 20:29-34; Maak 10:46-52
35Ndien Yisọs ma mme nsaŋa-utom ise eke asaaŋa epere obio Yediko, ndien owom nnan keen ekedudo etie ke mben usuŋ ọsuk ebeeŋe mpọ. 36Owom nnan nken eke okop nte otu owom ọsuuk asaŋade ebubei, enye ebib mmọ, neso ede? 37Ndien mmọ ete eme ke Yisọs eyen Nasaded ebei.
38Ndien owom nnan nken amiaa mpubio, okood, «Yisọs, eyen Defed, tuaa min mbọm. 39Ede mmọnido ọsuuk ebeide aka k'iso etuaa enọ eme, ete eme, «Kubi inua fo, mmekayene ime.» Ede enye ọdidiọŋ amia mpubio ete, «Eyen Defed, tuaa min mbọm.»
40Yisọs ekekop mpubio nken, enye atuak adaa, ọnọ uyo ete mmọ, «Ida eme ọsọk min.» Ndien enye eke asaaŋa epede Yisọs ebib eme, 41«Eyeem namso nọ fin?» Owom nnan nken ọbọọrọ Yisọs ete, «Ọbọọŋ, nam min meene usuŋ.»
42Yisọs ete eme. «Kuud usuŋ, sia mbuọdidem fo ke ami anyaaŋa fin.»
43Idaha-idaha ikoro enye emene usuŋ, onyuŋ ekene Yisọs, onyuŋ akaiso amiaa mpubio ete, «Itoro enyene Idem-Mbubod! Ndien mfifien owom eke okudde kendo nkoro, eterede mpubio idara ete, «Itoro enyene Idem-Mbubod!»
ទើបបានជ្រើសរើសហើយ៖
Luk 18: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 18
18
MBUK ABAAŊADE EBEPA MA EBIEDIPE
Luk 18:1-8
1Ndien edikem Yisọs ọnọ mme nsaŋa-utom ise mbuk. Enye epeebi mmọ ke anante mmọ ọbọŋ akam mfifien ini inyuŋ iyiyak sọ ukam ekwere mmọ. 2Enye ete, «Ebiedipe eke odu k'obio keen, enye ikinyeneke mbaak nọ Idem-Mbubod, inyuŋ idaha owom berikeen nte mpọ. 3Ndien ebepa onyuŋ odu k'obio okoro. Enye esedikaa ebeeŋe ebiedipe iken k'uwak idaha ete eme, ‹Pe ipe mi ma owom eyemde ituk min bọọ unen ni nnọ min.›
4«Ede Ebiedipe inyiimeke ke mme uwak idaha enye akaade. Ndien enye ete k'esid ese, oposukede nte mme mbaakke Idem-Mbubod, nyuŋ ndaha owom nte mpọ, 5sia ebepa eken m'iyakke mbọ emem nka inọ eme unen ise, mbaak enye ayak min mbọ emem, enye idi ntee mfifien ini afina min.
6«Ndien Yisọs ete, ikop se idiọk Ebiedipe eke atiŋde. 7Edie eke ukwaŋ ebiere ipe ekemede inwam owom, nte mf'ikereke ke Idem-Mbubod akayak unen ndimek ntitọọŋ nse emi ekaade iso ebọŋ akam mfifien ini inọ mmọ? Nte enye aka ibiad ini k'inwam mmọ? Uwa, imihi ibiad ini. 8Nte mfo ntee, enye ikaikud ibe ke mmọ ọbọọ ebeeŋe mmọ iwiiwaa. Ede ami, Eyen-Owom maana ndi, nkankwa nkud sọ owom berikeen ke odorobod emi enumde Idem-Mbubod ke apanikọọ?»
MBUK ABAAŊADE FARISI MA ABỌỌ ATAASI
Luk 18:9-14
9Ndien Yisọs ọnọ mmọ mbuk ewen ete, usuuk owom edudo emi eke kuude idem mmọ nte mme mfọn ma owom, ede ekuud mmọn ewen nte mbubuu mpọ. 10«Enye ete mmọ, owom ibaa eke akaa efe-uwa Idem-Mbubod ke obio Yedusedem, ibọọŋ akam, keen ede Farisi eyeeken ede ọbọọ-ataasi. 11Owom Farisi ebeene ọtọọŋọ ọbọŋ akam k'idem ise ete, ‹Idem-Mbubod mmekọm fin, sia emi naaŋa nte owom mmọnidiken enaade, mme ọbọi owom mpọ ke nkan-ubọk, ndehe inọ, nyuŋ asaaŋake eseen, nte owom ọbọọ-ataasi eken. 12Nture ndia akaba k'udua, mpe mbaak keen ke duop ke mfifien inyene mi nọ fin.
13«Ede owom ọbọọ-ataasi adaa nsan-nsan inyuŋ inyiimeke imeene enyin ise Idem-Mbubod ke edem-onyuŋ sia enye okudde idem ise nte eme idodke, ede ada ubọk ise ododi k'ipanesid ese ke mbuuŋọ-esid ete, «Idem-Mbubod, mbọk tuaa min mbọm ke emi nde anaam idiọk-mpọ. Mmbeeŋe fin yak atua min mbọm onyuŋ efeen ọnọ min!»
14Nte mfo ke ọbọọ-ataasi eken onyuŋ ufọk ise nte eyem Idem-Mbubod efeen ọnọ, ede owom Farisi onyuŋ ma ubiom ipe. Sia Idem-Mbubod eka isuuhọde owom keen ekedede emi emeenede idem ise k'onyuŋ, ede owom ekesuhọdede idem ise Idem-Mbubod akaimeene eme enum ke itie upono.
YISỌS ỌDIỌŊ MPARA NTITỌỌŊ
Luk 18:15-17; Matio 19:13-15; Maak 10:13-16
15Usen keen, mme ntaa ma mme nne eda mpara ntitọọŋ esọk Yisọs, mbaak enye ododi mmọ ubọk onyuŋ ọdiọŋ mmọ. Ede mme Nsaŋa-utom ise ekekuud ntoro, mmọ atua ọnọ mmọ 16Ede Yisọs okood mmọ ọnọ idem ise ete mme nsaŋa-utom ise, «Iyak mpara ntitọọŋ ekene min. Ikipan sọ mmọ ikene min, sia obio-ubọọŋ Idem-Mbubod eyemde mmọnimi ọsuhọrede idem nte mpara ntitọọŋ. 17Ntiŋ apanikọọ nọ mfo nte, owom keen ekedede imiyiimeke obio-ubọọŋ Idem-Mbubod nte mpara eyen imihiduk k'esid.»
ỌSỌSỌŊ MMỌN INYENE IDUK OBIO UBỌỌŊ IDEM-MBUBOD
Luk 18:18-30; Matio 19:16-22; Maak 10:17-22
18Usen keen, ọbọọŋ keen k'otu mme Yuu edibib Yisọs mbiime ete eme, «Eti Ette-ufọk, nne nsutọọ mpọ ke menam mbaak emi nyene nsinsi uwem?»
19Ede Yisọs ete eme, «Iduhe owom berikeen ọfọnde imidehe Idem-Mbubod ọpọọŋ. Ede idem apa min ofo ebede ke ami mmefọn.» 20Ọdiọŋọ se ibed Idem-Mbubod eke ọnọde Muses atiŋde, «Ku usaŋasọ eseen. Kuwod sọ owom, kuyip sọ inọ, kuude ntie ntiense nsuu, pono ntaa fo ma nne fo.»
21Ọbọọŋ okoro ete Yisọs, «menum mfifien mme ibed iken sike k'idaha ntitọọŋ ni.
22Ndien k'idaha Yisọs okopde se enye atiŋde, enye ete eme, mpọ keen ọsuọhọ fin inam, kaayam mfifien se eyenede mben deeme nọ mme ubueene, ndien ofo akainyene mpọuto ke Edem-Onyuŋ fiak disaŋa ma ami.
23Ndien enye ekekop ikọọ iken, enye ọfuhọ etiti, sia enye eyenede uwak inyene. 24Yisọs ekekud ke enye ọfuhọ, enye ete mmọn ekedude kendo nkoro, «ọsọsọŋ nte mmọn inyene emikande iduk obio-ubọọŋ Idem-Mbubod!
25Yisọs emene enyin ese eme, ete mme nsaŋa-utom ise, «Ede ataa meme-meme mpọ enaŋ ebei iduk k'udaaŋ abiabuen akan owom inyene iduk obio-ubọọŋ Idem-Mbubod.»
26Ndien mmọnido ekekopde ikọọ iken ete, «Nenye owom ndien emi ibọhọ?»
27Ndien Yisọs ete, «Odu mme mpọ owom ikanke inam, ede Idem-Mbubod ekeme inam mpọ keen ekedede.»
28Pite ete Yisọs, «Se, nnyin imasaana mfifien se nnyin ikinyenede iyak ikene fin nte nsaŋa-utom fo.»
29Ndien Yisọs ete mmọ, «Ntiŋ apanikọọ nọ mfo, owom berikeen iduhe emi eke ọpọŋde ufọk ise, mme anwaan ese, ntitọọŋ eyen-eka ese, ma ntaa ma nne nse, mme ntitọọŋ nse ke ntak Obio-Ubọọŋ Idem-Mbubod. 30Ndien akaibọ etiti utip oponde akan odo esi ubọk Idem-Mbubod ke emana eken, ma ke edem-onyuŋ k'iso ma nsinsi uwem.»
YISỌS AMAANA ATIŊ ABAAŊA MPA NSE
Luk 18:31-34; Matio 20:17-19; Maak 10:32-34
31Ekem Yisọs ada mme nsaŋa-utom ise duopebaa akanade ada edem keen, onyuŋ ete mmọ, Ipaŋ utọŋ, «Nnyin imikaa obio Yedusedem ataa idaha ikoro. Idaha nnyin imidude kendo, mfifien se mme asiak-uduak Idem-Mbubod ekewede abaaŋa Eyen-Owom k'esed akaa iwọọrọ isu. 32Sia mmọ ekaiyak min isin k'ubọk mme Yental, mmọ akainyuŋ idọọŋi min ndọk, esọŋọ min enyin, mmọ aka onyuŋ afiaadi min etap. 33Ndien mmọ eka imia min onyuŋ wod min ede k'ọyọhọ usen ita, Aminka iseedi ke mpa.»
34Ede mme mpọ nken Enye eketiŋde ikinwaŋake mme nsaŋa-utom ise. Ikọọ iken onyuŋ edibe mmọ, mmọ inyuŋ idiọŋọke se enye atiŋde berikeen.
YISỌS ANAM OWOM NNAN AMEENE USUŊ
Luk 18:35-43; Matio 20:29-34; Maak 10:46-52
35Ndien Yisọs ma mme nsaŋa-utom ise eke asaaŋa epere obio Yediko, ndien owom nnan keen ekedudo etie ke mben usuŋ ọsuk ebeeŋe mpọ. 36Owom nnan nken eke okop nte otu owom ọsuuk asaŋade ebubei, enye ebib mmọ, neso ede? 37Ndien mmọ ete eme ke Yisọs eyen Nasaded ebei.
38Ndien owom nnan nken amiaa mpubio, okood, «Yisọs, eyen Defed, tuaa min mbọm. 39Ede mmọnido ọsuuk ebeide aka k'iso etuaa enọ eme, ete eme, «Kubi inua fo, mmekayene ime.» Ede enye ọdidiọŋ amia mpubio ete, «Eyen Defed, tuaa min mbọm.»
40Yisọs ekekop mpubio nken, enye atuak adaa, ọnọ uyo ete mmọ, «Ida eme ọsọk min.» Ndien enye eke asaaŋa epede Yisọs ebib eme, 41«Eyeem namso nọ fin?» Owom nnan nken ọbọọrọ Yisọs ete, «Ọbọọŋ, nam min meene usuŋ.»
42Yisọs ete eme. «Kuud usuŋ, sia mbuọdidem fo ke ami anyaaŋa fin.»
43Idaha-idaha ikoro enye emene usuŋ, onyuŋ ekene Yisọs, onyuŋ akaiso amiaa mpubio ete, «Itoro enyene Idem-Mbubod! Ndien mfifien owom eke okudde kendo nkoro, eterede mpubio idara ete, «Itoro enyene Idem-Mbubod!»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.