Luk 17
17
MBUỌDIDEM MA UTOM
Luk 17:1-10; Matio 18:6-7; Maak 9:42
1Ndien Yisọs ete mme mbed nse ntee, «Mpọ idomo akaidu eminamde yak owom edue Idem-Mbubod nkuk-nkuk, ede mbọm mbọm owom eken emiside ke eme mpọ idomo iken edi. 2Ipa ikwaipe ma utọọ owom okoro mmọ epeben akwaa itiad udem isip ọkọŋ eme k'itọŋ, otop esin ke ntutuŋe mmuuŋ ndiọhọ akan enye ipinam keen k'otu mpara ntitọọŋ nken onumde min ke apanikọọ ọduọ 3Ede ineŋede ipeme idem mfo nte mfo idude uwem. Ndien eyen-ette fo emi onumde min ke apanikọọ idue fin, tuaa nọ eme, ede enye epetua mpọfiọk ke edinam ese, dahado nnọ eme. 4Nkoŋ, eyen-ette fo emi onumde min ke apanikọọ inaam fin idiọk-mpọ akatiaba k'usen keen, amaana edipei fin ubọk akatiaba k'usen keen, anante ofo adahado ọnọ eme.»
MBUỌDIDEM MA UTOM
Matio 17:19-21; Maak 9:28-29
5Ekem mme nsaŋa-utom ise ete «Ọbọọŋ, Waam nnyin mbaak mbuodidem nnyin ke Idem-Mbubod opon akan nte edede.»
6Ndien Yisọs ọbọọrọ mmọ, «Ipikọọm mfo inyene mbuodidem eke atakde nte apara mfuri eto ke Idem-Mbubod. Mf'ipaidọhọ itak ukum#17:6 Krik: mulberi: Ede ataa akwaa eto emi oponde nte ukum, ofum inyuŋ ikemeke ibedi eme itọọ wuuhọde k'ọtọọ mmi nken kaa ke wuuhọ k'inyaŋ, ndien enye ipainam uyoo mfo.
7«Ede enyee owom k'otu mfo, emi enyende eyen-ufọk eke obodde isọŋ me epeeme erọŋ ọnọ eme, k'idaha enye eside inwaŋ edi, ete eme, ‹Sọsọbdi, titiee ke mmi nken dian ndia?› 8Ede imihikwaa ibe eme, puuhe idem, nam ndia itudoyo nnọ min. Daabed tutu ndia ma ofo adia okwo 9Ette-ufọk ise aka ikọm eyen-ufọk ikoro esee ke ntak enye okop uyo ise. 10«Nsọ ntoro nkoŋ ke mf'iminam mfifien se Idem-Mbubod ebede mf'inam, nte eyen-ufọk. Ndien anaa ofo ekere, nnyin ide ntitọọŋ ufọk, emi'dodke itoro, ede nnyin inaam ubiọŋ utom eken anaade nte nnyin inam.»
YISỌS ỌKỌK MMỌN EPAMFIA DUOP
Luk 17:11-19
11Ndien k'usen keen nte Yisọs ma mme nsaŋa-utom ise asaŋade akaa obio Yedusedem, mmọ ebei ke adaaŋa esid obio Samedia ma idak ukara Kadidi. 12Ndien nte Yisọs ma mme nsaŋa-utom ise odukde k'esid obio keen, mmọn epamfia duop edisisobo ma eme, onyuŋ edidak ke nsan nsan. 13Ebeene uyoo mmọ okood ete, «Yisọs, ette-ufọk nnyin, tuaa nnyin mbọm.»
14Ndien k'idaha Yisọs okudde mmọ, enye ete mmọ ntee, «Ida idem mfo ik'iwuri mme oku ke Yedusedem mbaak mmọ ese me mfo ibọ ukọk idaha ikoro.» Ik'idaha mmọ ọsuk asaaŋade akaa, mmọ okob nsọŋidem. 15Ndien mmọ mfifien okud ke mmọ ikop nsọŋidem, keen k'otu mmọ ọyuurọ amana ebine Yisọs, osio mpo idara onyuŋ otooro Idem-Mbubod ke inam enye ikop nsọŋidem. 16Ndien enye ọduọọ ọfọri iso ise k'isọŋ k'ukod Yisọs, ọwuri upono onyuŋ ọkọm eme, ede owom eken ekesi ipehe ukara Samedia.
17Yisọs ete, «Mmọnido ekedude ma eme, Idem-Mbubod ọkọk mmọn epamfia duop. Ndien neso ede owom anankeen idiken iyurọkeidikọm Idem-Mbubod? 18Owom berikeen ewen k'otu mmọ idiehe edikọm Idem-Mbubod, ke ebeeide eseen owom eken idehe Yuu!» 19Ndien Yisọs ete Ette eken, «Beene, kaa mbubehe fo, sia mbuọdidem mfo ke Idem-Mbubod anaam fin okop nsọŋidem.»
YISỌS EPEEBI MPỌ ABAAŊA OBIO UBỌỌŊ IDEM-MBUBOD
Luk 17:20-37
20Usen keen, mmọn Farisi ebib Yisọs ebaaŋa idaha Obio Ubọọŋ Idem-Mbubod emidide, enye ọbọọrọ mmọ ete, «Obio Ubọọŋ Idem-Mbubod, idehe k'ido nte owom esede k'enyin.» 21Owom emihi ibe, se obio-ubọọŋ Idem-Mbubod odu ke mmi! Me odu ke nko! Sia obio-ubọọŋ Idem-Mbubod odudu k'otu mfo.
22«Ndien Yisọs amana ete mme mbed nse, ini ọsuuk edi eke mf'iminyeemde iyem nte mfo idu keen ama ami, Eyen-Owom, ikọm k'usen keen, ede mfo imihikuud. 23Ndien kutọ mme usen ntoro, mmọ akaibe mfo ‹Sese enye koo, sese enye mi.› Ikikaa sọ, ik'inyuŋ ikene sọ mmọ ede idu ke ọtọ mfo idude. 24Nsọ nte mfifien owom okudde ọfọnfọn nte ayaamade k'ipa onyuŋ edem keen, ayaama esibi edem-edem ipa onyuŋ nken, nsọ ntoro ke emikud Eyen-Owom k'usen enye emidide. 25Ede mbemiso odo etibe ami naa nte mbọ akwa ufen, ndien mmọn odorobod eken ekaisin min.
26«Itei se eketibede ke oyo Nuua mbemiso edim ukwọ edep. Nsọ ntoro ke emide k'usen ami Eyen-Owom emidide ke odorobod. 27Mbemiso edim ukwọ ekedi, mmọn owom emadia ndia ọtọ keen enyuŋ onwuŋ mpọ, ideeni ma ibaani edidọọrọ. Ndien mmọ anam ntee tutu ekesimi usen ikoro Nuua ekedukde k'ubom iken enye eke ọkọŋde. Ndien edim ukwọ edisobo mfifien mmọnido ikiduke ubom ido.
28«Nsọ ntoro kemide mmaana ndi, emi inaa nte ekedede sisi ko k'idaha Dọọd ekedude ke odorobod. Mmọn obio Sọdọm eke idiandia ọtọkeen, edeebi amaana anyaami mme mpọ, mmọ onyuŋ ọtọọ inwaŋ afiak ọbọọbi ufọk. 29Ede k'usen ikoro Dọọd eke ọwọọrọde ke Sọdọm, ikaŋ ma itiad esi ke onyuŋ edep owoodi mmọ mfifien.
30«Nsọ ntoro ke emide k'usen ikoro ami Eyen-Owom mme maanade ndi k'ini owom berikeen idoriken enyin. 31K'usen ikoro owom eken odorode ke onyuŋ ọkọm ufọk, yak enye isusuhọ sọ iduuk esid ufọk ibe eme isioŋo mpọ eme. Nsọ ntoro nkoŋ ma owom eke odude k'inwaŋ idedei sọ imaana ifiak ikaa ufọk. 32Mfo itei se eketibede ọnọ anwaan Dọọd ikidaha enye eke eniinide uyo Idem-Mbubod. 33Koro owom ekedede eyemde inyaaŋa uwem ise ke odorobod iken, akaiduọk, ede owom ekeyakde uwem ise ke ntak ide mbed ni akainyene uwem nsinsi. 34Nte mfo ntee, ini ikem mme maanade ndi, owom ibaa ekainaa ke ọtọ keen idai idap. Idem-Mbubod akaida owom keen ọpọŋ enyeken mmọ ekenaade ntoro. 35Ibaani ibaa akaidu k'itie ukọk upa, Idem-Mbubod ekaidaa keen, ayak eyendiken. 36Ideeni ibaa aka inaam utom k'inwaŋ, Idem-Mbubod ekaidaa keen ayak keen.»
37Ndien mmọ ebib eme ete, «Ọbọọŋ mpọ nken emitibe ke mme?» Yisọs ọbọrọ mmọ, «Mfifien owom ekaidọọŋọ ini mpọ nken emitibede, ukem nte mfifien owom ọdiọọŋọde ọtọ opupo mpọ odude k'idaha utere obohode kendo.»
ទើបបានជ្រើសរើសហើយ៖
Luk 17: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 17
17
MBUỌDIDEM MA UTOM
Luk 17:1-10; Matio 18:6-7; Maak 9:42
1Ndien Yisọs ete mme mbed nse ntee, «Mpọ idomo akaidu eminamde yak owom edue Idem-Mbubod nkuk-nkuk, ede mbọm mbọm owom eken emiside ke eme mpọ idomo iken edi. 2Ipa ikwaipe ma utọọ owom okoro mmọ epeben akwaa itiad udem isip ọkọŋ eme k'itọŋ, otop esin ke ntutuŋe mmuuŋ ndiọhọ akan enye ipinam keen k'otu mpara ntitọọŋ nken onumde min ke apanikọọ ọduọ 3Ede ineŋede ipeme idem mfo nte mfo idude uwem. Ndien eyen-ette fo emi onumde min ke apanikọọ idue fin, tuaa nọ eme, ede enye epetua mpọfiọk ke edinam ese, dahado nnọ eme. 4Nkoŋ, eyen-ette fo emi onumde min ke apanikọọ inaam fin idiọk-mpọ akatiaba k'usen keen, amaana edipei fin ubọk akatiaba k'usen keen, anante ofo adahado ọnọ eme.»
MBUỌDIDEM MA UTOM
Matio 17:19-21; Maak 9:28-29
5Ekem mme nsaŋa-utom ise ete «Ọbọọŋ, Waam nnyin mbaak mbuodidem nnyin ke Idem-Mbubod opon akan nte edede.»
6Ndien Yisọs ọbọọrọ mmọ, «Ipikọọm mfo inyene mbuodidem eke atakde nte apara mfuri eto ke Idem-Mbubod. Mf'ipaidọhọ itak ukum#17:6 Krik: mulberi: Ede ataa akwaa eto emi oponde nte ukum, ofum inyuŋ ikemeke ibedi eme itọọ wuuhọde k'ọtọọ mmi nken kaa ke wuuhọ k'inyaŋ, ndien enye ipainam uyoo mfo.
7«Ede enyee owom k'otu mfo, emi enyende eyen-ufọk eke obodde isọŋ me epeeme erọŋ ọnọ eme, k'idaha enye eside inwaŋ edi, ete eme, ‹Sọsọbdi, titiee ke mmi nken dian ndia?› 8Ede imihikwaa ibe eme, puuhe idem, nam ndia itudoyo nnọ min. Daabed tutu ndia ma ofo adia okwo 9Ette-ufọk ise aka ikọm eyen-ufọk ikoro esee ke ntak enye okop uyo ise. 10«Nsọ ntoro nkoŋ ke mf'iminam mfifien se Idem-Mbubod ebede mf'inam, nte eyen-ufọk. Ndien anaa ofo ekere, nnyin ide ntitọọŋ ufọk, emi'dodke itoro, ede nnyin inaam ubiọŋ utom eken anaade nte nnyin inam.»
YISỌS ỌKỌK MMỌN EPAMFIA DUOP
Luk 17:11-19
11Ndien k'usen keen nte Yisọs ma mme nsaŋa-utom ise asaŋade akaa obio Yedusedem, mmọ ebei ke adaaŋa esid obio Samedia ma idak ukara Kadidi. 12Ndien nte Yisọs ma mme nsaŋa-utom ise odukde k'esid obio keen, mmọn epamfia duop edisisobo ma eme, onyuŋ edidak ke nsan nsan. 13Ebeene uyoo mmọ okood ete, «Yisọs, ette-ufọk nnyin, tuaa nnyin mbọm.»
14Ndien k'idaha Yisọs okudde mmọ, enye ete mmọ ntee, «Ida idem mfo ik'iwuri mme oku ke Yedusedem mbaak mmọ ese me mfo ibọ ukọk idaha ikoro.» Ik'idaha mmọ ọsuk asaaŋade akaa, mmọ okob nsọŋidem. 15Ndien mmọ mfifien okud ke mmọ ikop nsọŋidem, keen k'otu mmọ ọyuurọ amana ebine Yisọs, osio mpo idara onyuŋ otooro Idem-Mbubod ke inam enye ikop nsọŋidem. 16Ndien enye ọduọọ ọfọri iso ise k'isọŋ k'ukod Yisọs, ọwuri upono onyuŋ ọkọm eme, ede owom eken ekesi ipehe ukara Samedia.
17Yisọs ete, «Mmọnido ekedude ma eme, Idem-Mbubod ọkọk mmọn epamfia duop. Ndien neso ede owom anankeen idiken iyurọkeidikọm Idem-Mbubod? 18Owom berikeen ewen k'otu mmọ idiehe edikọm Idem-Mbubod, ke ebeeide eseen owom eken idehe Yuu!» 19Ndien Yisọs ete Ette eken, «Beene, kaa mbubehe fo, sia mbuọdidem mfo ke Idem-Mbubod anaam fin okop nsọŋidem.»
YISỌS EPEEBI MPỌ ABAAŊA OBIO UBỌỌŊ IDEM-MBUBOD
Luk 17:20-37
20Usen keen, mmọn Farisi ebib Yisọs ebaaŋa idaha Obio Ubọọŋ Idem-Mbubod emidide, enye ọbọọrọ mmọ ete, «Obio Ubọọŋ Idem-Mbubod, idehe k'ido nte owom esede k'enyin.» 21Owom emihi ibe, se obio-ubọọŋ Idem-Mbubod odu ke mmi! Me odu ke nko! Sia obio-ubọọŋ Idem-Mbubod odudu k'otu mfo.
22«Ndien Yisọs amana ete mme mbed nse, ini ọsuuk edi eke mf'iminyeemde iyem nte mfo idu keen ama ami, Eyen-Owom, ikọm k'usen keen, ede mfo imihikuud. 23Ndien kutọ mme usen ntoro, mmọ akaibe mfo ‹Sese enye koo, sese enye mi.› Ikikaa sọ, ik'inyuŋ ikene sọ mmọ ede idu ke ọtọ mfo idude. 24Nsọ nte mfifien owom okudde ọfọnfọn nte ayaamade k'ipa onyuŋ edem keen, ayaama esibi edem-edem ipa onyuŋ nken, nsọ ntoro ke emikud Eyen-Owom k'usen enye emidide. 25Ede mbemiso odo etibe ami naa nte mbọ akwa ufen, ndien mmọn odorobod eken ekaisin min.
26«Itei se eketibede ke oyo Nuua mbemiso edim ukwọ edep. Nsọ ntoro ke emide k'usen ami Eyen-Owom emidide ke odorobod. 27Mbemiso edim ukwọ ekedi, mmọn owom emadia ndia ọtọ keen enyuŋ onwuŋ mpọ, ideeni ma ibaani edidọọrọ. Ndien mmọ anam ntee tutu ekesimi usen ikoro Nuua ekedukde k'ubom iken enye eke ọkọŋde. Ndien edim ukwọ edisobo mfifien mmọnido ikiduke ubom ido.
28«Nsọ ntoro kemide mmaana ndi, emi inaa nte ekedede sisi ko k'idaha Dọọd ekedude ke odorobod. Mmọn obio Sọdọm eke idiandia ọtọkeen, edeebi amaana anyaami mme mpọ, mmọ onyuŋ ọtọọ inwaŋ afiak ọbọọbi ufọk. 29Ede k'usen ikoro Dọọd eke ọwọọrọde ke Sọdọm, ikaŋ ma itiad esi ke onyuŋ edep owoodi mmọ mfifien.
30«Nsọ ntoro ke emide k'usen ikoro ami Eyen-Owom mme maanade ndi k'ini owom berikeen idoriken enyin. 31K'usen ikoro owom eken odorode ke onyuŋ ọkọm ufọk, yak enye isusuhọ sọ iduuk esid ufọk ibe eme isioŋo mpọ eme. Nsọ ntoro nkoŋ ma owom eke odude k'inwaŋ idedei sọ imaana ifiak ikaa ufọk. 32Mfo itei se eketibede ọnọ anwaan Dọọd ikidaha enye eke eniinide uyo Idem-Mbubod. 33Koro owom ekedede eyemde inyaaŋa uwem ise ke odorobod iken, akaiduọk, ede owom ekeyakde uwem ise ke ntak ide mbed ni akainyene uwem nsinsi. 34Nte mfo ntee, ini ikem mme maanade ndi, owom ibaa ekainaa ke ọtọ keen idai idap. Idem-Mbubod akaida owom keen ọpọŋ enyeken mmọ ekenaade ntoro. 35Ibaani ibaa akaidu k'itie ukọk upa, Idem-Mbubod ekaidaa keen, ayak eyendiken. 36Ideeni ibaa aka inaam utom k'inwaŋ, Idem-Mbubod ekaidaa keen ayak keen.»
37Ndien mmọ ebib eme ete, «Ọbọọŋ mpọ nken emitibe ke mme?» Yisọs ọbọrọ mmọ, «Mfifien owom ekaidọọŋọ ini mpọ nken emitibede, ukem nte mfifien owom ọdiọọŋọde ọtọ opupo mpọ odude k'idaha utere obohode kendo.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.