Luk 16
16
MBUK ABAAŊADE IDIỌK ESE-UTOM
Luk 16:1-15
1Yisọs amana ọnọ mme mbed nse mbuk ete, «Owom inyene keen ekedu ekenyenede ese-utom, emi eke esede mpọ abaaŋa mme inyene ise. Ndien owom inyene iken edi okop ke idiọk ese-utom eme ọsuuk atuaan mme inyene iken esee. 2Ndien enye okood idiọk ese-utom ise ete eme, mmekop ke ofo atua-tuan mme inyene mi. Nemke esid ma ofo. Dinam ibaad utom fo nọ min sia ofo umihiude ese-utom mi ewen.
3Ndien idiọk ese-utom ete ke esid ese, ndiọọŋọke se mpenamde idaha ikoro, sia Ette-ufọk mi akaiso min k'utom. Ami nyeneke ukam inam akwaa utom itibi isọŋ, ede obuud imihi onyuŋ iyak min mbeeŋe mmọn owom oyoomo. 4Mme diọọŋọ se menaamde, mbaak idaha enye osio min k'utom, nyene mme ufan emi adade min esin k'ufọk mmọ.
5Ndien ese-utom okood mfifien mmọn se ekekamade Ette-ufọk ise isọn, onyuŋ ebib apa owom, akama Ette-ufọk ni ibad oyoomo ifaŋ?
6Owom eken ọbọọrọ eme, epeme adan ọdif tọusin ita ma ikie-itiaba. Idiọk ese-utom ete eme, se ŋwed isọn fo, suktitie inyikeen wed ke eme ikama epeme adan ọdif tọusinkeen ma ikie-itiaita ma abaa ma duop.
7Enye amaana ete owom ewen, akama Ette-ufọk ni isọn ibaad oyoomo ifaŋ? Enye ọbọọrọ eme, nkama epad upa tọusin keen. Ndien idiọk ese-utom ete eme, bọọ ŋwed isọn mfo, wed ndomo epad upa ikie-itiaita.
8Ndien Ette-ufọk ise ekekop se idiọk ese-utom iken anaamde, enye otooro eme sia enye esinde ndiọọŋọ-idem ke se enye anamde, ekerede abaaŋa ini-iso. Enyem ọwudi ke mmọn odorobod anaami mpọ ma mmọn mmọ esin ndiọọŋọ-idem akan mmọnimi nken odude ke unwana. 9Ede nte mfo ntee, ikama oyoomo mfo inyenede ke odorobod nken inwam mmọn owom mbaak esike odo mmọ ede ufan mfo. Sia ofo upa umehe ukan unyene se ofo emi ikamade inyene odorobod unam. Ede mme ufan ido okwo eka idara fin ke edem-onyuŋ emi ofo emi iduŋde ke nsinsi.
10Ofo unam apanikọọ ke apapara mpọ, akainyuŋ inam apanikọọ ke akwakwaa mpọ. Ede ofo ukunamke apanikọọ ke ataa apapara mpọ, umuhunyuŋ unam sọ apanikọọ ke akwakwaa mpọ. 11Ndien idehe mfo unamke apanikọọ k'inyene odorobod nken, nam mf'idiọọŋ ke Idem-Mbubod imihi inyiime iyaak ataa mme imọ edem-onyuŋ isin fin k'ubọk. 12Idehe ofo usunamke apanikọọ ke mpọ enyenede owom ewen emi ofo akamade, Yaak nam fin ọdiọọŋọ ke Idem-Mbubod imihi inyiime iyak mpọ berikeen eke emi edede okwo isin mfin k'ubọk.
13Mama eyen-ufọk keen ekemede inam utom inọ Ette-ufọk ibaa inyikeen. Enye aka ituaa keen ama keen, m'idehe-ntoro, enye aka isọọŋọidaa ma keen, ede esin enyeken ke ndek. Mf'ikeemeke ipono Idem-Mbubod ma inyene odorobod nken.»
IBED MUSES MA OBIO UBỌỌŊ
14Ede mme Farisi nkoŋ, emi edede mme ama oyoomo, okop mme ikọọ iken, mmọ onyuŋ amuua Yisọs imuam. 15Ede Yisọs ete mmọ, «Mf'ide mmọnimi nken inaamde owom abad mfo nte ntiti ibon, ede Idem-Mbubod ọdiọọŋọ esid udu mfo. Mpọ nse owom eseede nte ataa akwaa nen-nen mpọ ede opupo mpọ k'iso Idem-Mbubod.
16Ibed Muses ma ŋwed mme asiak-uduak ekesede mpọ ndausuŋ tutu Yọọn ọduọk owom mmuuŋ edikwọrọ. Ede idahaiken, ami ndi kwọrọ etiti mbuk Idem-Mbubod ndien uwak owom enyene ataa udọŋ nte mmọ epe enyenede udeme ke obio Ubọọŋ Idem-Mbubod. 17Ede mfifien ikọọ mmọ ekewedde ke ibed Idem-Mbubod akaa iwuri isu. Ede, ede memmem ipa onyuŋ ma odorobod ibei ifep, akan apara ntọi ikọọ keen k'ibed iture isu.
18Owom keen ekedede inaaŋa osio anwaan ese ndọ amaana ekedọ anwaan ewen. Enye epe anam ntoro, enye esin efube. Nkoŋ, inaaŋa ideeni berikeen ọdọ eyen ibaani iken ọwọrọde ndọ. Onyono nkoro nkoŋ ede inam efube.»
OWOM INYENE MA DASỌDỌS
Luk 16:19-31
19Ndien Yisọs ete, «Owom inyene keen amaodu, enye esine ataa nsọŋ udua etiti nduod-nduod mfọrọ-idem, onyuŋ adia ntiti ndia mfifien usen. 20Ubueene keen amaodu emi ekekerede Dasọdọs, emi ekese anaande ke nsaŋa nduk owom inyene, ma nkwa unan ke mfifien idem ise. Mmọn owom ese ama iben eme idinum ke nsaŋa nduk ufọk owom inyene iken. 21Enye onyuŋ eyem idia mme mpata ndia ọduọŋọde ke idak opokodo owom inyene. Ede, mme ebuaa edidai eme enyin unan iken esee kwa ini.
22«Ndien ke apature, owom ubueene iken edi mpa. Mme enyere eben eme enye ekedu ma ntaa ntaa nnyin Ebraham. Owom inyene iken edi apa sọ, mmọ onyuŋ ọbuuk eme. 23Ede k'obio-epo owom inyene iken ekesine ke ataa akwaa ufen, enye ekemeene enyin ese okud Ebraham ke anyan usuŋ ndien Dasọdọs etie ma eme k'itie upono. 24Ndien owom inyene amia mpubio okood ete, ‹Ntaa Ebraham, tuaa min mbọm asid, be yak Dasọdọs, adaa nuen ubọk ise edeebi ke mmuuŋ edi osuuk min itọŋ, sia ami nduke ataa ufen k'ufiop ikaŋ iken›.
25«Ede Ebraham ọbọọrọ eme, ‹Eyen mi, tei nte ofo ekeudde ke mfọnọ-mpọ k'ofuri oyo uwem fo, ma nte Dasọdọs ekedude k'ikuudi, ndien idaha iken enye odu k'idara ma ami, nte ofo odude sọ ke akwaa ufen.› 26‹Akande odo, akwaa ebeek abaahade nnyin ma ofo, mbaak owom isi ke mi nken ikanade idi edem ndonkoro, owom inyuŋ isi ọtọndo nkoro idi edem nken ndiken.›
27«Ndien owom inyene iken ọbọọrọ, ‹Ntaa Ebraham, mmepe fin ubọk ndien esiid, nte ọdọŋ Dasọdọs akaa ufọk ntaa ami. 28Sia mmeyene ntitọọŋ eyeneka ition. Yak enye eke ọnọ ipan mmọ ekaabade esid mbaak mmọ idi sọ itie akwaa ufen iken ami ndude.
29«Ede Ebraham ete eme, ntitọọŋ eyen-eka fo enyene ibed Muses ma ŋwed se mme asiak-uduak ekewedde sisi ko. Yak mmọ okop se mmọ eke wedde onyuŋ ekebade esid!
30Ndien owom inyene ete eme, Ntaa Ebraham, onyono ikemeke! Ede owom epe esi k'obio epo eken eketiŋ ọnọ mmọ, mmọ akaa ikabaraesid iwiiwaa.
31Ndien Ebraham ete owom inyene, idehe mmọ ikopke uyoo Muses ma mme asiak-uduak Idem-Mbubod, mmọ imihinyuŋ inum uyoo owom eken emi eside obio epo ikaa.» K'apanikọọ.
ទើបបានជ្រើសរើសហើយ៖
Luk 16: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 16
16
MBUK ABAAŊADE IDIỌK ESE-UTOM
Luk 16:1-15
1Yisọs amana ọnọ mme mbed nse mbuk ete, «Owom inyene keen ekedu ekenyenede ese-utom, emi eke esede mpọ abaaŋa mme inyene ise. Ndien owom inyene iken edi okop ke idiọk ese-utom eme ọsuuk atuaan mme inyene iken esee. 2Ndien enye okood idiọk ese-utom ise ete eme, mmekop ke ofo atua-tuan mme inyene mi. Nemke esid ma ofo. Dinam ibaad utom fo nọ min sia ofo umihiude ese-utom mi ewen.
3Ndien idiọk ese-utom ete ke esid ese, ndiọọŋọke se mpenamde idaha ikoro, sia Ette-ufọk mi akaiso min k'utom. Ami nyeneke ukam inam akwaa utom itibi isọŋ, ede obuud imihi onyuŋ iyak min mbeeŋe mmọn owom oyoomo. 4Mme diọọŋọ se menaamde, mbaak idaha enye osio min k'utom, nyene mme ufan emi adade min esin k'ufọk mmọ.
5Ndien ese-utom okood mfifien mmọn se ekekamade Ette-ufọk ise isọn, onyuŋ ebib apa owom, akama Ette-ufọk ni ibad oyoomo ifaŋ?
6Owom eken ọbọọrọ eme, epeme adan ọdif tọusin ita ma ikie-itiaba. Idiọk ese-utom ete eme, se ŋwed isọn fo, suktitie inyikeen wed ke eme ikama epeme adan ọdif tọusinkeen ma ikie-itiaita ma abaa ma duop.
7Enye amaana ete owom ewen, akama Ette-ufọk ni isọn ibaad oyoomo ifaŋ? Enye ọbọọrọ eme, nkama epad upa tọusin keen. Ndien idiọk ese-utom ete eme, bọọ ŋwed isọn mfo, wed ndomo epad upa ikie-itiaita.
8Ndien Ette-ufọk ise ekekop se idiọk ese-utom iken anaamde, enye otooro eme sia enye esinde ndiọọŋọ-idem ke se enye anamde, ekerede abaaŋa ini-iso. Enyem ọwudi ke mmọn odorobod anaami mpọ ma mmọn mmọ esin ndiọọŋọ-idem akan mmọnimi nken odude ke unwana. 9Ede nte mfo ntee, ikama oyoomo mfo inyenede ke odorobod nken inwam mmọn owom mbaak esike odo mmọ ede ufan mfo. Sia ofo upa umehe ukan unyene se ofo emi ikamade inyene odorobod unam. Ede mme ufan ido okwo eka idara fin ke edem-onyuŋ emi ofo emi iduŋde ke nsinsi.
10Ofo unam apanikọọ ke apapara mpọ, akainyuŋ inam apanikọọ ke akwakwaa mpọ. Ede ofo ukunamke apanikọọ ke ataa apapara mpọ, umuhunyuŋ unam sọ apanikọọ ke akwakwaa mpọ. 11Ndien idehe mfo unamke apanikọọ k'inyene odorobod nken, nam mf'idiọọŋ ke Idem-Mbubod imihi inyiime iyaak ataa mme imọ edem-onyuŋ isin fin k'ubọk. 12Idehe ofo usunamke apanikọọ ke mpọ enyenede owom ewen emi ofo akamade, Yaak nam fin ọdiọọŋọ ke Idem-Mbubod imihi inyiime iyak mpọ berikeen eke emi edede okwo isin mfin k'ubọk.
13Mama eyen-ufọk keen ekemede inam utom inọ Ette-ufọk ibaa inyikeen. Enye aka ituaa keen ama keen, m'idehe-ntoro, enye aka isọọŋọidaa ma keen, ede esin enyeken ke ndek. Mf'ikeemeke ipono Idem-Mbubod ma inyene odorobod nken.»
IBED MUSES MA OBIO UBỌỌŊ
14Ede mme Farisi nkoŋ, emi edede mme ama oyoomo, okop mme ikọọ iken, mmọ onyuŋ amuua Yisọs imuam. 15Ede Yisọs ete mmọ, «Mf'ide mmọnimi nken inaamde owom abad mfo nte ntiti ibon, ede Idem-Mbubod ọdiọọŋọ esid udu mfo. Mpọ nse owom eseede nte ataa akwaa nen-nen mpọ ede opupo mpọ k'iso Idem-Mbubod.
16Ibed Muses ma ŋwed mme asiak-uduak ekesede mpọ ndausuŋ tutu Yọọn ọduọk owom mmuuŋ edikwọrọ. Ede idahaiken, ami ndi kwọrọ etiti mbuk Idem-Mbubod ndien uwak owom enyene ataa udọŋ nte mmọ epe enyenede udeme ke obio Ubọọŋ Idem-Mbubod. 17Ede mfifien ikọọ mmọ ekewedde ke ibed Idem-Mbubod akaa iwuri isu. Ede, ede memmem ipa onyuŋ ma odorobod ibei ifep, akan apara ntọi ikọọ keen k'ibed iture isu.
18Owom keen ekedede inaaŋa osio anwaan ese ndọ amaana ekedọ anwaan ewen. Enye epe anam ntoro, enye esin efube. Nkoŋ, inaaŋa ideeni berikeen ọdọ eyen ibaani iken ọwọrọde ndọ. Onyono nkoro nkoŋ ede inam efube.»
OWOM INYENE MA DASỌDỌS
Luk 16:19-31
19Ndien Yisọs ete, «Owom inyene keen amaodu, enye esine ataa nsọŋ udua etiti nduod-nduod mfọrọ-idem, onyuŋ adia ntiti ndia mfifien usen. 20Ubueene keen amaodu emi ekekerede Dasọdọs, emi ekese anaande ke nsaŋa nduk owom inyene, ma nkwa unan ke mfifien idem ise. Mmọn owom ese ama iben eme idinum ke nsaŋa nduk ufọk owom inyene iken. 21Enye onyuŋ eyem idia mme mpata ndia ọduọŋọde ke idak opokodo owom inyene. Ede, mme ebuaa edidai eme enyin unan iken esee kwa ini.
22«Ndien ke apature, owom ubueene iken edi mpa. Mme enyere eben eme enye ekedu ma ntaa ntaa nnyin Ebraham. Owom inyene iken edi apa sọ, mmọ onyuŋ ọbuuk eme. 23Ede k'obio-epo owom inyene iken ekesine ke ataa akwaa ufen, enye ekemeene enyin ese okud Ebraham ke anyan usuŋ ndien Dasọdọs etie ma eme k'itie upono. 24Ndien owom inyene amia mpubio okood ete, ‹Ntaa Ebraham, tuaa min mbọm asid, be yak Dasọdọs, adaa nuen ubọk ise edeebi ke mmuuŋ edi osuuk min itọŋ, sia ami nduke ataa ufen k'ufiop ikaŋ iken›.
25«Ede Ebraham ọbọọrọ eme, ‹Eyen mi, tei nte ofo ekeudde ke mfọnọ-mpọ k'ofuri oyo uwem fo, ma nte Dasọdọs ekedude k'ikuudi, ndien idaha iken enye odu k'idara ma ami, nte ofo odude sọ ke akwaa ufen.› 26‹Akande odo, akwaa ebeek abaahade nnyin ma ofo, mbaak owom isi ke mi nken ikanade idi edem ndonkoro, owom inyuŋ isi ọtọndo nkoro idi edem nken ndiken.›
27«Ndien owom inyene iken ọbọọrọ, ‹Ntaa Ebraham, mmepe fin ubọk ndien esiid, nte ọdọŋ Dasọdọs akaa ufọk ntaa ami. 28Sia mmeyene ntitọọŋ eyeneka ition. Yak enye eke ọnọ ipan mmọ ekaabade esid mbaak mmọ idi sọ itie akwaa ufen iken ami ndude.
29«Ede Ebraham ete eme, ntitọọŋ eyen-eka fo enyene ibed Muses ma ŋwed se mme asiak-uduak ekewedde sisi ko. Yak mmọ okop se mmọ eke wedde onyuŋ ekebade esid!
30Ndien owom inyene ete eme, Ntaa Ebraham, onyono ikemeke! Ede owom epe esi k'obio epo eken eketiŋ ọnọ mmọ, mmọ akaa ikabaraesid iwiiwaa.
31Ndien Ebraham ete owom inyene, idehe mmọ ikopke uyoo Muses ma mme asiak-uduak Idem-Mbubod, mmọ imihinyuŋ inum uyoo owom eken emi eside obio epo ikaa.» K'apanikọọ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.