Luk 15
15
MBUK ABAAŊADE EDỌŊ EKEN OSOPDE USUŊ
Luk 15:1-7; Matio 18:10-14
1Ndien uwak mmọn ọbọọ-ataasi ma mme ndiọi owom ekanade Yisọs ekuk mbaak mmọ okop upeebi mpọ nse. 2Ede mme Farisi ma mme epeebi-mbed Yuu ọtọọŋọ emimini ete, «owom eken adadara mme ndiọi owom, onyuŋ adia ndia ma mmọ.»
3Ndien Yisọs ọnọ mmọ mbuk ete, 4«Epere owom keen k'otu mfo epenyene edọŋ ikie, ede keen k'otu okoro ọbọhọ eme osop. Ke apanikọọ Enye aka isaaŋa anaaŋ ma efurenaaŋ ayak ke nsaad-isọŋ onyuŋ ọwọrọ ekeyem keen ikoro tutu enye ekekud eme. 5Ndien enye ikud eme, eben eme ododi ke afada ese ma idadesid. 6Ndien k'idaha enye esimide ufọk, okood mmọn adaa ese ma mmọn mbọhọiduŋ ise, ete mmọ, ‹Ididara ma emi sia mmekud edọŋ odo ọkum ekesopde.› 7Yisọs ete, ukem ntoro ke Idem-Mbubod ma mme enyere nse ke edem-onyuŋ emi inemesid ke ntak idiọk owom keen akabadede esid ekene Idem-Mbubod, akan ntiti owom anaaŋ ma efurenaaŋ eken iyemke ikabade-esid.»
MBUK ABAAŊADE OYOOMO EKE OSOPDE
Luk 15:8-10
8Yisọs ọnọ Mbuk ewen. Enye ete, «Epere nte eyen-ibaani epenyene ibaad kọbọ#15:8 Ọkọbọ ke mmi ọwọrọ oyoomo usen utom keen emi ekedede ntak nkan oyoomo duop, ede keen ọbọhọ eme osop. Nte enye ipidomoke utuenikaŋ ida ayaaŋa ọtum ọkwuọhi mfifien ufọk, tutu enye okud? 9Ndien enye ikud, okood mmọn adaa ese ma mme mbọhọiduŋ ise obok ọtọkeen ete mmọ, ‹Idara ma ami, sia mmekud oyoomo odo ọkum ekesomde. 10Yisọs ete, ukem ntoro ke ndọhọ mfo, Idem-Mbubod ma mme enyere nse ekainam akwaa idara ke ntak idiọk owom keen akabadede esid onyuŋ ekene Idem-Mbubod.
MBUK ABAAŊADE ETTE ESID-MBỌM
Luk 15:11-32
11Yisọs amana ọnọ mmọ mbuk, «Ette keen eke enyene ntitọọŋ ideeni ibaa. 12Udọ ete ntaa nse, ‹Ntaa, mbọk, nnọ min udeme mpọ ọkum idaha iken odude inye apa.› Ntaa nse eyiime onyuŋ edeeme inyene ise ọnọ mmọ mbumbaa.
13«Mme usen ifaŋ ekebei, Udọ okoono mfifien inyene ise enye ekeyenede anyaami, eben mfifien oyoomo ese adaha anyan usuŋ isaŋ. Enye ekesibi oto odo enye ekekaade, enye atahade mfifien oyoomo ese ke idiọk usuŋ ma mme ibaani usaaŋa essen. 14Sia imaikitahade mfifien inyene ise imaa, ikum ma nsọŋọ mpọ ọduk idud ikoro enye ekedude. Enye ebuene, ọbiọọŋ ọdọŋ eme. 15Udọ adaha eke anam utom ọnọ owom ọtọọ inwaŋ ke obio okoro. Ete eken ọnọ eme ekepeme inwaŋ edi ese.#15:15 Edi ede ndidieene mpọ ọnọ mmọn Yuu 16Ọbiọọŋ edi ọdọŋ eme tutu enye enyene udọŋ ikene idia ndia#15:16 Ke Krik, ndia edi ekede mfuri Karob. Karob ekede mfuri mmọn owom ekese akamade ọbọọk ufeene. Udia edii, ede ikiduhe owom ọnọde eme ndia.
17«Usen keen enyin editara eme, enye okud idiọk itie ise, ete, ‹Okud, k'utọ mmọn utom ntaa mi enyenede, inyeneke se mmọ akamade ndia anam, ede medipa ọbiọŋ! 18Nka mbeene nyuŋ nkene ntaa mi, nkaa, nte eme ntee, Ntaa, ami mmenam idiọk-mpọ k'iso Idem-Mbubod emi odude ke edem-onyuŋ, mmeyuŋ ndue fin. 19Ke ntoro ndodke ewen ide eyen fo. Itumọkedo, mbọk da min nte keen k'otu ntitọọŋ-utom fo.› 20Ndien enye ebeene wup ibiadke ini, adaha afiak onyuŋ ekene ntaa nse. Ede Ntaa nse ekekud eme ke nsan-nsan, enyene mbọm abaaŋa eme, onyuŋ efehe eke awaŋa eme ke itọŋ, onyuŋ adara eme.
21Ndien Udọ ete Ntaa nse, ‹Ntaa, ami mmenam idiọk-mpọ k'iso Idem-Mbubod emi odude ke edem-onyuŋ, mmeyuŋ ndue fin. Ede mbọk, da min nte keen k'otu mmọn utom fo.›
MFAFAHA USUŊ
22«Ede Ntaa nse ọdọhọ ntitọọŋ ufọk ise, ‹Isọsọp ida etiti ofufa mfọrọ-idem mmi idisin eme, isin eme mpanuọn k'ubọk ma ipaukod k'ukod 23Ikaa ikida etiti ayaai idem enaŋ iwod, inam nnyin idia akwaa usọrọ, inem idem nnyin esid ọtọkeen. 24Sia eyen eken ọkum amaapa, amaana eseedi k'uwem enye ama osop, nnyin ikud eme!› Mmọ ọtọọŋọ usọrọ, ebre mme mbre.
25Ndien Apan ese ọsuk anam utom k'inwaŋ. K'usuŋ enye ekeọsuk asaŋade esed, ọtọọŋọ okop ke mpere ufọk mme ikwọọ ma mme nsio-nsio mbre, mmọn owom ọsuk enekunek. 26Enye okood eyen-ufọk mmọ keen, ebib, ‹Neso ede mmọn owom adarade utọ idara iken?› 27Eyen ufọk ọbọọrọ eme ete, ‹Eyen-eka fo esed edi. Ntaa fo ama owod ayaai idem enaŋ ke ntak okudde eme nte enye esedde ma uwem.›
28«Apan eka ese akabade ayadesid, inyiimeke iduk ufọk. Ndien ntaa nse ọwọrọ edipei eme yak ọduk ufọk. 29Apan ọbọọrọ Ntaa nse k'iyadesid, ‹Ofo okud ke mmenam utom nnọ fin k'uwak itua iken nte nde ifun, akenanam ninike uyoo fo apa. Ede akenanam ofo unọhọ min apara mpọ nte iyen ebed keen apa, ube min nda nkama nam usọrọ ma mmọn adaa mmi. 30Ede sia Udo fo esed edi, ami ekebende mme inyene fo ekidia ma mmọn ibaani usaŋa eseen. Nso anam ofo adarade eme, edi wod uyai idem enaŋ anam usọrọ ọnọ eme?›
31«Ntaa nse ete eme, ‹Edima eyen ni, ofo odudukeen ma ami mfifien ini, mfifien inyene iken ọkum, ede okwo. 32Ede odod se nnyin idarade inyuŋ inem idem esid, sia eyen-eka eken okwo amaapa, ede amaana odu uwem, ama osop, ede nnyin ikud eme!›»
ទើបបានជ្រើសរើសហើយ៖
Luk 15: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 15
15
MBUK ABAAŊADE EDỌŊ EKEN OSOPDE USUŊ
Luk 15:1-7; Matio 18:10-14
1Ndien uwak mmọn ọbọọ-ataasi ma mme ndiọi owom ekanade Yisọs ekuk mbaak mmọ okop upeebi mpọ nse. 2Ede mme Farisi ma mme epeebi-mbed Yuu ọtọọŋọ emimini ete, «owom eken adadara mme ndiọi owom, onyuŋ adia ndia ma mmọ.»
3Ndien Yisọs ọnọ mmọ mbuk ete, 4«Epere owom keen k'otu mfo epenyene edọŋ ikie, ede keen k'otu okoro ọbọhọ eme osop. Ke apanikọọ Enye aka isaaŋa anaaŋ ma efurenaaŋ ayak ke nsaad-isọŋ onyuŋ ọwọrọ ekeyem keen ikoro tutu enye ekekud eme. 5Ndien enye ikud eme, eben eme ododi ke afada ese ma idadesid. 6Ndien k'idaha enye esimide ufọk, okood mmọn adaa ese ma mmọn mbọhọiduŋ ise, ete mmọ, ‹Ididara ma emi sia mmekud edọŋ odo ọkum ekesopde.› 7Yisọs ete, ukem ntoro ke Idem-Mbubod ma mme enyere nse ke edem-onyuŋ emi inemesid ke ntak idiọk owom keen akabadede esid ekene Idem-Mbubod, akan ntiti owom anaaŋ ma efurenaaŋ eken iyemke ikabade-esid.»
MBUK ABAAŊADE OYOOMO EKE OSOPDE
Luk 15:8-10
8Yisọs ọnọ Mbuk ewen. Enye ete, «Epere nte eyen-ibaani epenyene ibaad kọbọ#15:8 Ọkọbọ ke mmi ọwọrọ oyoomo usen utom keen emi ekedede ntak nkan oyoomo duop, ede keen ọbọhọ eme osop. Nte enye ipidomoke utuenikaŋ ida ayaaŋa ọtum ọkwuọhi mfifien ufọk, tutu enye okud? 9Ndien enye ikud, okood mmọn adaa ese ma mme mbọhọiduŋ ise obok ọtọkeen ete mmọ, ‹Idara ma ami, sia mmekud oyoomo odo ọkum ekesomde. 10Yisọs ete, ukem ntoro ke ndọhọ mfo, Idem-Mbubod ma mme enyere nse ekainam akwaa idara ke ntak idiọk owom keen akabadede esid onyuŋ ekene Idem-Mbubod.
MBUK ABAAŊADE ETTE ESID-MBỌM
Luk 15:11-32
11Yisọs amana ọnọ mmọ mbuk, «Ette keen eke enyene ntitọọŋ ideeni ibaa. 12Udọ ete ntaa nse, ‹Ntaa, mbọk, nnọ min udeme mpọ ọkum idaha iken odude inye apa.› Ntaa nse eyiime onyuŋ edeeme inyene ise ọnọ mmọ mbumbaa.
13«Mme usen ifaŋ ekebei, Udọ okoono mfifien inyene ise enye ekeyenede anyaami, eben mfifien oyoomo ese adaha anyan usuŋ isaŋ. Enye ekesibi oto odo enye ekekaade, enye atahade mfifien oyoomo ese ke idiọk usuŋ ma mme ibaani usaaŋa essen. 14Sia imaikitahade mfifien inyene ise imaa, ikum ma nsọŋọ mpọ ọduk idud ikoro enye ekedude. Enye ebuene, ọbiọọŋ ọdọŋ eme. 15Udọ adaha eke anam utom ọnọ owom ọtọọ inwaŋ ke obio okoro. Ete eken ọnọ eme ekepeme inwaŋ edi ese.#15:15 Edi ede ndidieene mpọ ọnọ mmọn Yuu 16Ọbiọọŋ edi ọdọŋ eme tutu enye enyene udọŋ ikene idia ndia#15:16 Ke Krik, ndia edi ekede mfuri Karob. Karob ekede mfuri mmọn owom ekese akamade ọbọọk ufeene. Udia edii, ede ikiduhe owom ọnọde eme ndia.
17«Usen keen enyin editara eme, enye okud idiọk itie ise, ete, ‹Okud, k'utọ mmọn utom ntaa mi enyenede, inyeneke se mmọ akamade ndia anam, ede medipa ọbiọŋ! 18Nka mbeene nyuŋ nkene ntaa mi, nkaa, nte eme ntee, Ntaa, ami mmenam idiọk-mpọ k'iso Idem-Mbubod emi odude ke edem-onyuŋ, mmeyuŋ ndue fin. 19Ke ntoro ndodke ewen ide eyen fo. Itumọkedo, mbọk da min nte keen k'otu ntitọọŋ-utom fo.› 20Ndien enye ebeene wup ibiadke ini, adaha afiak onyuŋ ekene ntaa nse. Ede Ntaa nse ekekud eme ke nsan-nsan, enyene mbọm abaaŋa eme, onyuŋ efehe eke awaŋa eme ke itọŋ, onyuŋ adara eme.
21Ndien Udọ ete Ntaa nse, ‹Ntaa, ami mmenam idiọk-mpọ k'iso Idem-Mbubod emi odude ke edem-onyuŋ, mmeyuŋ ndue fin. Ede mbọk, da min nte keen k'otu mmọn utom fo.›
MFAFAHA USUŊ
22«Ede Ntaa nse ọdọhọ ntitọọŋ ufọk ise, ‹Isọsọp ida etiti ofufa mfọrọ-idem mmi idisin eme, isin eme mpanuọn k'ubọk ma ipaukod k'ukod 23Ikaa ikida etiti ayaai idem enaŋ iwod, inam nnyin idia akwaa usọrọ, inem idem nnyin esid ọtọkeen. 24Sia eyen eken ọkum amaapa, amaana eseedi k'uwem enye ama osop, nnyin ikud eme!› Mmọ ọtọọŋọ usọrọ, ebre mme mbre.
25Ndien Apan ese ọsuk anam utom k'inwaŋ. K'usuŋ enye ekeọsuk asaŋade esed, ọtọọŋọ okop ke mpere ufọk mme ikwọọ ma mme nsio-nsio mbre, mmọn owom ọsuk enekunek. 26Enye okood eyen-ufọk mmọ keen, ebib, ‹Neso ede mmọn owom adarade utọ idara iken?› 27Eyen ufọk ọbọọrọ eme ete, ‹Eyen-eka fo esed edi. Ntaa fo ama owod ayaai idem enaŋ ke ntak okudde eme nte enye esedde ma uwem.›
28«Apan eka ese akabade ayadesid, inyiimeke iduk ufọk. Ndien ntaa nse ọwọrọ edipei eme yak ọduk ufọk. 29Apan ọbọọrọ Ntaa nse k'iyadesid, ‹Ofo okud ke mmenam utom nnọ fin k'uwak itua iken nte nde ifun, akenanam ninike uyoo fo apa. Ede akenanam ofo unọhọ min apara mpọ nte iyen ebed keen apa, ube min nda nkama nam usọrọ ma mmọn adaa mmi. 30Ede sia Udo fo esed edi, ami ekebende mme inyene fo ekidia ma mmọn ibaani usaŋa eseen. Nso anam ofo adarade eme, edi wod uyai idem enaŋ anam usọrọ ọnọ eme?›
31«Ntaa nse ete eme, ‹Edima eyen ni, ofo odudukeen ma ami mfifien ini, mfifien inyene iken ọkum, ede okwo. 32Ede odod se nnyin idarade inyuŋ inem idem esid, sia eyen-eka eken okwo amaapa, ede amaana odu uwem, ama osop, ede nnyin ikud eme!›»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.