Luk 14
14
YISỌS ỌKỌK UDỌỌŊỌ K'USEN IBED MME YUU
Luk 14:1-6
1Usen keen, apan-owom Farisi keen okood Yisọs ndia k'ufọk ise k'usen ibed mme Yuu. Mme Farisi ma mme epeebi-mbed Muses atiŋ enyiŋ ese eme mme enye aka idue se anamde ma se enye etiŋde. 2Ke miipeneke, owom keen amaodu emi ọdọŋọde nyọọhi edi adaa eme k'iso. 3Ndien Yisọs ebib mme epeebi-mbed ma mme Farisi, «Nte ede nen-nen mpọ k'ibed Muses ikọk udọŋọ k'usen ibed mme Yuu mme ideehe? 4Ede mmọ oture ibọọrọ eme. Ndien Yisọs anyan ubọk otuuk ọmum owom eken, ọkọk eme udọŋọ, onyuŋ osio eme unyuŋ.
5«Ede Yisọs ete mmọ, Nenye owom k'otu mfo epe enyene eyen mme iyen-enaŋ ndien enaŋ ese epe ọduọ ọduk odu enye ipiduke isio eme k'usen ibed mme Yuu? Eeh, mf'ipa inam.» 6Ede mmọ ikanke ibọọrọ eme mme mbiime nken.
YISỌS ỌNỌ UPEEBI MPỌ ABAAŊA NSUHỌDE-IDEM MA ETI EDUNAM
Luk 14:7-14
7Ndien Yisọs okud ke mmọn essen-owom emi owom Farisi ekekoode mmọ ndia eyeemi usuŋ nte mmọ epe ititiemde ke mpan itie ke opokoro. Ndien enye ete mmọ,
8«Ke ini owom ikood fin usọrọ ndọ, k'uyem itie ke akwaa itie, mbaak ide mmọ ama okoodsọ owom eke oponde itie akan fin. 9Ndien owom eken idi, enyeem ekekodde fin usọrọ ndọ nken edite fin, ‹Mbọk, beene nnọ akwaa owom itie.› Ndien ofo aka ibeene kendo nkoro eketie k'usuhọde itie. Utọ mpọ ntee ekainam obuud anam fin. 10Itumọkedo, owom ikood fin usọrọ, ukaa tie k'usuuhọde itie. Ndien k'idaha owom eken ekekodde fin usọrọ edide, enye edite fin, ‹Adaa, dọọkditie k'iso ọtọmmi nken ayaide.› Idaha ikoro ofo enyene upono k'iso mfifien mmọnimi ekedide itie usọrọ ikoro. 11Ede itei ibe ke Idem-Mbubod aka isuọhọde mmọnido ebeenede idem mmọ.»
12«Ndien Yisọs ete owom okoro ekekoode eme ndia k'ufọk ise, «k'idaha ofo enyende ndia uweme ma ek'itudoyo, kukood sọ mmọn adaa fo ọpọọŋ, mme ntitọọŋ ete fo, mme ọdiọŋọ fo, ma mmọn imọ owom ke mbọhọiduŋ-iduŋ fo, mbaak mmọ nkoŋ ikood sọ fin, k'usiene. 13Itumọkedo, idaha ofo enyenede usọrọ, kood mmọnido inyeneke oyoomo, mmọn mpọ-nam, mmọnido ikanke isaŋa etiti, ma mmọnido ọdọŋọde nan. 14Ndien ofo unam ntoro, akaaibọ edidioŋ esi ubọk Idem-Mbubod, sia utọọ mmọnido imiŋinyene se mmọ akamade osio fin usiene, sia Idem-Mbubod akainọ fin usiene k'idaha enye eminamde mfifien ntiti owom eseedi ke mpa iduk k'uwem.»
MBUK ABAAŊADE AKWAA IBI
Luk 14:15-24; Matio 22:1-14
15Ede k'idaha owom keen eke etiede k'itie ndia ma Yisọs okopde ikọọ iken, ete Yisọs, ‹Ọfọfọn ọnọ owom eken emidiade ndia ke obio-ubọọŋ Idem-Mbubod!›
16Ndien Yisọs ọnọ eme mbuk nken, «Owom keen eke enyeen ndia aminam akwaa usọrọ, ndien enye okood uwak owom ete mmọdi. 17K'idaha mfifien mpọ ididia oboonode ekem ibad, enye ọdọŋ eyen-ufọk ise ọnọ mfifien mmọn essen-owom ese enye ekekoodde ete, ‹Mfifien mpọ oboono k'itie! Mbọk ididia ndia!›
18«Mmọ keen-keen ọtọọŋọ ma ikọọ mfaaŋa, eyem se mmọ emi ọbọọrọde eme. Apa owom ọnọ ebeeŋe, ‹Mmedep inwaŋ, anaade nte nkaa nkese, mbọk yak nkaa nkese kaŋandi.›
19«Ọyọhọ owom ibaa ete eyen-ufọk iken, ‹Ataa idaha ikoro ke ndep asaaŋa ibaa enaŋ utom ition, nyem ikidomo mmọ nse nte mmọ adiade ndia ọtọ keen. Mbọk, kop ebeeŋe mi. 20«Owom ewen ete eyen-ufọk ikoro, ‹mmedọ anwaan, ke ntak nkoro meŋe nkan ndi. Mbọk kop mpe ubọk mi.›
21«Eyen-ufọk ido esed editiŋ mfifien se mmọ keen-keen eketiiŋide. Ndien ette-ufọk ise ayadesid ma mmọnido, ete eyen-ufọk, ‹Sọsọp wọrọ kaa ke mme efaak obio ma mpara usuŋ ikọd obio, kood mmọnido inyeneke oyoomo, mmọn mpọ-nam, mmọnido ikanke isaŋa etiti, ma mmọnido ọdọŋọde nan yak mmọ edidia ndia.
22«Eyen-ufọk ekenam se ete-ufọk ise ekebede enye anam, ‹Ette-ufọk, menam nte ofo ọkọdọhọde, ede itie ọsuk ọsusuhọ.›
23«Ndien ette-ufọk ete eyen-ufọk, ‹kaa ke ọpọ-usuŋ ma usuŋ esid obio, pei mmọ ọwọrọ edi, mbaak usọrọ mi ọyọhọ.› 24Ede nte mfo ntee, ‹beriberi owom keen k'otu mmọnido nke koode apa imihi itabike se ediadia berikeen ami nkenamde.›»
MME MPỌ ANAMDE OFO EDE MBED
Luk 14:25-35; Matio 10:34-39
25Usen keen akwaa otu owom ama asaŋa ma Yisọs idaha enye ọsuk akaade obio Yedusedem. Ndien enye akanade ese mmọ, onyuŋ ete,
26«Edieke owom eyemde ikene min, yak ima enye enyenede ọnọ min opon akan ima enye enyenede ọnọ nne ma ntaa nse. Yak ima enye enyenede ọnọ min opon akan eke enyenede ọnọ anwaan ma ntitọọŋ nse, ima ise opon akan eke ntitọọŋ eyen-eka ese ideeni ma ibaani. Ndien ima enye enyenede ọnọ min ana opon akan eke enye enyenede ọnọ idem ise. Mmidehe ntoro, enye imihikan ide mbed ni.
27Utọ owom okoro anaa eben eto-mpa nse ke afada, emi ọwọrọde ke anante enye ebeeŋeidem ibọ ufen tutu ke mpa ke ntak enye ekenede min. Epere imihi ikanke inam ntoro, enye imihi ikan ide mbed ni.
28«Owom epe eyem ibọb anyan ufọk, anaa enye ebemiso ada ini anam ibad ọdiọŋọ se utọ ufọk ikoro emipade eme. Mbaak enye ọdiọŋọ mme enye enyene oyoomo se ekemde ibọb utọ ufọk ikoro isibi apature. 29M'idehe ntoro, utom akaa ikak eme ke ntak unana oyoomo k'idaha enye imaikitọọŋọ itiad idak-isọŋ. Ndien mfifien mmọnimi okudde nte enye oturede ufọk iken k'usuŋ ọtọọŋọ amuua eme. 30Mmọ aka ibe, ‹Owom eken eke ọtọọŋọ ibọp anyan ufọk iken, ede ikanke ibọp isimi apature.
31«Ukem ntee ke ọbọọŋ eken eyemde ikaa ekọŋ ma ọbọọŋ ewen, ana enye ọsuuk etie kaŋa ọkọọk ibuod. Enye akaikere mme eme ikaikan ikama tọusin mmọn ekọŋ duop inwana ma ọbọọŋ eken akamade tọusin mmọn ekọŋ edip ikan. 32Epere ọbọọŋ enyeken ma tọusin mmọn ekọŋ duop, okudde ebe ke eme inyeneke ukam inwana ekọŋ eken nkan k'idem eme, enye akaidọŋ eyen-utom ọnọ ọbọọŋ eyeken k'idaha enye ọsuk odude ke anyan usuŋ. Mmọ ebib eme se aminamde yak emem odu. 33Ukem usuŋ ikoro nkoŋ, ofo ukemeke ude mbed ni ibọhọke ofo ebeeŋeidem isaaŋa mfifien mpọ se ofo ekenyenede iyak.
INUŊ EKEN INYENEKE INEM
Luk 14:34-35; Matio 5:13; Maak 9:50
34«Ndien Yisọs ete, inuŋ ọfọn, ede inuŋ inana inem ise, inyeneke se eminamde yak enye amaana afiak enyene inem. 35Utọ inuŋ ikoro inamke ufọn berikeen nkọm mmọ epe ada eme esin k'isọŋ nte mpadia mbaak enye anam isọŋ ọfọn mpo, ndien mmọn owom etop eme eduọk. Owom ekedede eyemde se emi ntiŋde emi anwaaŋa eme, yak eneŋede apaŋ utọŋ.»
ទើបបានជ្រើសរើសហើយ៖
Luk 14: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 14
14
YISỌS ỌKỌK UDỌỌŊỌ K'USEN IBED MME YUU
Luk 14:1-6
1Usen keen, apan-owom Farisi keen okood Yisọs ndia k'ufọk ise k'usen ibed mme Yuu. Mme Farisi ma mme epeebi-mbed Muses atiŋ enyiŋ ese eme mme enye aka idue se anamde ma se enye etiŋde. 2Ke miipeneke, owom keen amaodu emi ọdọŋọde nyọọhi edi adaa eme k'iso. 3Ndien Yisọs ebib mme epeebi-mbed ma mme Farisi, «Nte ede nen-nen mpọ k'ibed Muses ikọk udọŋọ k'usen ibed mme Yuu mme ideehe? 4Ede mmọ oture ibọọrọ eme. Ndien Yisọs anyan ubọk otuuk ọmum owom eken, ọkọk eme udọŋọ, onyuŋ osio eme unyuŋ.
5«Ede Yisọs ete mmọ, Nenye owom k'otu mfo epe enyene eyen mme iyen-enaŋ ndien enaŋ ese epe ọduọ ọduk odu enye ipiduke isio eme k'usen ibed mme Yuu? Eeh, mf'ipa inam.» 6Ede mmọ ikanke ibọọrọ eme mme mbiime nken.
YISỌS ỌNỌ UPEEBI MPỌ ABAAŊA NSUHỌDE-IDEM MA ETI EDUNAM
Luk 14:7-14
7Ndien Yisọs okud ke mmọn essen-owom emi owom Farisi ekekoode mmọ ndia eyeemi usuŋ nte mmọ epe ititiemde ke mpan itie ke opokoro. Ndien enye ete mmọ,
8«Ke ini owom ikood fin usọrọ ndọ, k'uyem itie ke akwaa itie, mbaak ide mmọ ama okoodsọ owom eke oponde itie akan fin. 9Ndien owom eken idi, enyeem ekekodde fin usọrọ ndọ nken edite fin, ‹Mbọk, beene nnọ akwaa owom itie.› Ndien ofo aka ibeene kendo nkoro eketie k'usuhọde itie. Utọ mpọ ntee ekainam obuud anam fin. 10Itumọkedo, owom ikood fin usọrọ, ukaa tie k'usuuhọde itie. Ndien k'idaha owom eken ekekodde fin usọrọ edide, enye edite fin, ‹Adaa, dọọkditie k'iso ọtọmmi nken ayaide.› Idaha ikoro ofo enyene upono k'iso mfifien mmọnimi ekedide itie usọrọ ikoro. 11Ede itei ibe ke Idem-Mbubod aka isuọhọde mmọnido ebeenede idem mmọ.»
12«Ndien Yisọs ete owom okoro ekekoode eme ndia k'ufọk ise, «k'idaha ofo enyende ndia uweme ma ek'itudoyo, kukood sọ mmọn adaa fo ọpọọŋ, mme ntitọọŋ ete fo, mme ọdiọŋọ fo, ma mmọn imọ owom ke mbọhọiduŋ-iduŋ fo, mbaak mmọ nkoŋ ikood sọ fin, k'usiene. 13Itumọkedo, idaha ofo enyenede usọrọ, kood mmọnido inyeneke oyoomo, mmọn mpọ-nam, mmọnido ikanke isaŋa etiti, ma mmọnido ọdọŋọde nan. 14Ndien ofo unam ntoro, akaaibọ edidioŋ esi ubọk Idem-Mbubod, sia utọọ mmọnido imiŋinyene se mmọ akamade osio fin usiene, sia Idem-Mbubod akainọ fin usiene k'idaha enye eminamde mfifien ntiti owom eseedi ke mpa iduk k'uwem.»
MBUK ABAAŊADE AKWAA IBI
Luk 14:15-24; Matio 22:1-14
15Ede k'idaha owom keen eke etiede k'itie ndia ma Yisọs okopde ikọọ iken, ete Yisọs, ‹Ọfọfọn ọnọ owom eken emidiade ndia ke obio-ubọọŋ Idem-Mbubod!›
16Ndien Yisọs ọnọ eme mbuk nken, «Owom keen eke enyeen ndia aminam akwaa usọrọ, ndien enye okood uwak owom ete mmọdi. 17K'idaha mfifien mpọ ididia oboonode ekem ibad, enye ọdọŋ eyen-ufọk ise ọnọ mfifien mmọn essen-owom ese enye ekekoodde ete, ‹Mfifien mpọ oboono k'itie! Mbọk ididia ndia!›
18«Mmọ keen-keen ọtọọŋọ ma ikọọ mfaaŋa, eyem se mmọ emi ọbọọrọde eme. Apa owom ọnọ ebeeŋe, ‹Mmedep inwaŋ, anaade nte nkaa nkese, mbọk yak nkaa nkese kaŋandi.›
19«Ọyọhọ owom ibaa ete eyen-ufọk iken, ‹Ataa idaha ikoro ke ndep asaaŋa ibaa enaŋ utom ition, nyem ikidomo mmọ nse nte mmọ adiade ndia ọtọ keen. Mbọk, kop ebeeŋe mi. 20«Owom ewen ete eyen-ufọk ikoro, ‹mmedọ anwaan, ke ntak nkoro meŋe nkan ndi. Mbọk kop mpe ubọk mi.›
21«Eyen-ufọk ido esed editiŋ mfifien se mmọ keen-keen eketiiŋide. Ndien ette-ufọk ise ayadesid ma mmọnido, ete eyen-ufọk, ‹Sọsọp wọrọ kaa ke mme efaak obio ma mpara usuŋ ikọd obio, kood mmọnido inyeneke oyoomo, mmọn mpọ-nam, mmọnido ikanke isaŋa etiti, ma mmọnido ọdọŋọde nan yak mmọ edidia ndia.
22«Eyen-ufọk ekenam se ete-ufọk ise ekebede enye anam, ‹Ette-ufọk, menam nte ofo ọkọdọhọde, ede itie ọsuk ọsusuhọ.›
23«Ndien ette-ufọk ete eyen-ufọk, ‹kaa ke ọpọ-usuŋ ma usuŋ esid obio, pei mmọ ọwọrọ edi, mbaak usọrọ mi ọyọhọ.› 24Ede nte mfo ntee, ‹beriberi owom keen k'otu mmọnido nke koode apa imihi itabike se ediadia berikeen ami nkenamde.›»
MME MPỌ ANAMDE OFO EDE MBED
Luk 14:25-35; Matio 10:34-39
25Usen keen akwaa otu owom ama asaŋa ma Yisọs idaha enye ọsuk akaade obio Yedusedem. Ndien enye akanade ese mmọ, onyuŋ ete,
26«Edieke owom eyemde ikene min, yak ima enye enyenede ọnọ min opon akan ima enye enyenede ọnọ nne ma ntaa nse. Yak ima enye enyenede ọnọ min opon akan eke enyenede ọnọ anwaan ma ntitọọŋ nse, ima ise opon akan eke ntitọọŋ eyen-eka ese ideeni ma ibaani. Ndien ima enye enyenede ọnọ min ana opon akan eke enye enyenede ọnọ idem ise. Mmidehe ntoro, enye imihikan ide mbed ni.
27Utọ owom okoro anaa eben eto-mpa nse ke afada, emi ọwọrọde ke anante enye ebeeŋeidem ibọ ufen tutu ke mpa ke ntak enye ekenede min. Epere imihi ikanke inam ntoro, enye imihi ikan ide mbed ni.
28«Owom epe eyem ibọb anyan ufọk, anaa enye ebemiso ada ini anam ibad ọdiọŋọ se utọ ufọk ikoro emipade eme. Mbaak enye ọdiọŋọ mme enye enyene oyoomo se ekemde ibọb utọ ufọk ikoro isibi apature. 29M'idehe ntoro, utom akaa ikak eme ke ntak unana oyoomo k'idaha enye imaikitọọŋọ itiad idak-isọŋ. Ndien mfifien mmọnimi okudde nte enye oturede ufọk iken k'usuŋ ọtọọŋọ amuua eme. 30Mmọ aka ibe, ‹Owom eken eke ọtọọŋọ ibọp anyan ufọk iken, ede ikanke ibọp isimi apature.
31«Ukem ntee ke ọbọọŋ eken eyemde ikaa ekọŋ ma ọbọọŋ ewen, ana enye ọsuuk etie kaŋa ọkọọk ibuod. Enye akaikere mme eme ikaikan ikama tọusin mmọn ekọŋ duop inwana ma ọbọọŋ eken akamade tọusin mmọn ekọŋ edip ikan. 32Epere ọbọọŋ enyeken ma tọusin mmọn ekọŋ duop, okudde ebe ke eme inyeneke ukam inwana ekọŋ eken nkan k'idem eme, enye akaidọŋ eyen-utom ọnọ ọbọọŋ eyeken k'idaha enye ọsuk odude ke anyan usuŋ. Mmọ ebib eme se aminamde yak emem odu. 33Ukem usuŋ ikoro nkoŋ, ofo ukemeke ude mbed ni ibọhọke ofo ebeeŋeidem isaaŋa mfifien mpọ se ofo ekenyenede iyak.
INUŊ EKEN INYENEKE INEM
Luk 14:34-35; Matio 5:13; Maak 9:50
34«Ndien Yisọs ete, inuŋ ọfọn, ede inuŋ inana inem ise, inyeneke se eminamde yak enye amaana afiak enyene inem. 35Utọ inuŋ ikoro inamke ufọn berikeen nkọm mmọ epe ada eme esin k'isọŋ nte mpadia mbaak enye anam isọŋ ọfọn mpo, ndien mmọn owom etop eme eduọk. Owom ekedede eyemde se emi ntiŋde emi anwaaŋa eme, yak eneŋede apaŋ utọŋ.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.