Luk 13
13
IKOOD NKABADESID
Luk 13:1-5
1Ke ukem idaha ikoro, usuk owom edi ebine Yisọs onyuŋ ọdọhọ eme ke Paided ama ọnọ odudu ete ewod usuk owom ke idak ukara Kadidi. Mmọn ekọŋ ese ama owod mmọn owom k'idaha mmọ ọsuk awaade uwa. 2K'ibọọrọ Yisọs ete mmọ, «Nte mf'ikere ke mmọn idak ukara Kadidi iken mmọ owodde anam idiọk-mpọ akan mfifien owom ke idak ukara Kadidi? 3Uwaa, idehe ntoro, ede idehe mf'ikikabakede esid ke idiọk-mpọ mfo, mfo mfifien ikaipaaŋ. 4Neso ede owom efureeta ido ekepade k'idaha tọwa Saidoom ekeduọde ọtọọ mmọ? Mfo ikere ibe ke mmọ ekenam idiọk-mpọ akan mfifien mọnimi ọduŋde ke obio Yedusedem? 5Uwaa, Nte mfo ntee, idehe ntak owodo. Mbe mf'ikikabakede esid k'idiọk-mpọ mfo, mfo mfifien ikaipaaŋa?»
MBUK ABAŊAADE ETO FIK EKEDEDE ADAA
Luk 13:6-9
6Ndien Yisọs atiŋ mbuk ọnọ mmọ ete, «Ete keen ekedudo ekenyenede eto fik k'inwaŋ fain ise. K'idaha eto eken epenaade nte onwum mfuri, enye ediyem mfuri k'eto eken ede ikwe mfuri berikeen. 7Ekem enye ete, Esee enyin k'inwaŋ mfuri nse, ‹Se eto eken! Nsuk nse nyeemi mfuri k'itak ise ke itua iken ita ebeide, ede nkwe mfuri berikeen. Biere eme duọọk! K'uyak sọ enye abaaha isọŋ iken.›
8«Ede Esee enyin ke inwaŋ mfuri ọbọọrọ ete, ‹Ete, mbọk yak amaana adaa k'inwaŋ itua keen ewen, nkantibi mben nse akanade nkuk, nyuŋ ndọŋ mme mpadiaha k'esid. 9Ede idehe enye onwum mfuri k'itua ewen, ọfọn, ede epere inwumke, mbiere eme nduọk.»›
YISỌS ỌKỌK EYEN IBAANI MBUŊỌ K'USEN IBED MME YUU
Luk 13:10-17
10Yisọs ekesuk epeebi mmọn owom mpọ k'usen ibed mme Yuu ke Efe-upono. 11Ede ibaani keen emi ekenyenede sibidid idem-epo ekedudo. Sibidid eken amaatuhọhọ eme k'itua efureeta. Emi ekenyenede ekuŋ edem inyuŋ ikanke imeene ida. 12Ndien k'idaha Yisọs okudde eme, esin uyoo okood eme ete, ‹‹Mma, Idem-Mbubod ọkọk fin udọŋọ fo.›› 13Ndien Yisọs onyuŋ ododi eme ubọk ke edem, ndien idaha-idaha ikoro enye enehede asaaŋa, onyuŋ ọtọọŋọ otooro Idem-Mbubod ke enye ikọk eme.
14Ede adaibuod efe-upono Idem-Mbubod ayadesid ke ntak Yisọs ọkọkde owom eken udọŋọ k'usen ibed mme Yuu. Adaa-ibuod iken ete otu owom, ibed ebe nnyin inam utom k'usen iteken k'udua. Ndien ke mme usen ikoro, idọhọ Idem-Mbubod yak ọkọk mfo udọdọŋọ. Kusudi sọ k'usen ibed mme Yuu sia idehe nen-nen mpọ.
15Ede ọbọọŋ ọbọọrọ eme, «Mfo, mmọn mbubuk, mfo keen-keen isitad enaŋ-mbiomo mfo mfifien usen, ma usen ibed, inyuŋ eben mmọ ika esen ikinọ mmọ mmuuŋ yak mmọ onwuŋ. 16Ede ide eyen-ibaani iken, ededde ubon Ebraham, emi sibidid idem-epo eke esinde k'ufun k'ofuri itua efureeta iken, nte mpentadke eme uruk udọŋọ k'usen ibed mme Yuu.
17Ede k'idaha Yisọs atiŋde ikọọ iken, obuud anam mfifien mmọn atuaa ise, mfifien otu owom okoro okop inemesid abaaŋa mme utibe-mpọ nken enye anaamide.
MBUK ABAAŊADE OBIO UBỌỌŊ IDEM-MBUBOD
Luk 13:18-21; Matio 13:31-32; Maak 4:30-32
18Ndien Yisọs amaana ebib mmọ ete, «Obio Idem-Mbubod ebied so? Nne so ke epeda edomo ma eme? 19Enye ebid apara mfuri eto#13:19 Apara mfuri eto eken owom ebende ọtọọ k'inwaŋ ise, ndien enye ọkọri onyuŋ opon itak, oforo akwaa eto, ndien mme inuen esetitọd ke mme nkikọk nse.
YISỌS ỌNỌ MBUK ABAAŊA NDOM-UYOO
20Yisọs amaana ebib mmọ, «Nenso ke mpeda ndomo ma obio-ubọọŋ Idem-Mbubod?
21Ebied ndom-uyoo, ibaani ebende eseen ke ndomo ndom-uyoo ita, tutu ndom-uyoo iken ofuudi ọyọhọ ndom-uyoo.
MFAFAHA USUŊ
Luk 13:22-30; Matio 7:13-14
22Nte Yisọs eke asaaŋa akaa obio Yedusedem ma mme mbed nse, Enye epeebi mmọn owom mpọ ke mme obio ma mme esid obio k'usuŋ. 23Owom obub eme, «Ọbọọŋ, nte Idem-Mbubod eminyaaŋa ibad-ibad owom pọd osio ke idiọk-mpọ? Yisọs ọbọọrọ mfifien owom kendo. 24«Obio ubọọŋ Idem-Mbubod etie nte ufọk iken enyenede mfafaha usuŋ. Anante ofo odomo ukeme etiti iduk usuŋ ikoro. Nte mfo nte ke uwak owom aka iyem iduk. Ede mmọ imihi ikan isaaŋa ndo ibei iduk. 25Inyikeen eke nyinyene ufọk emenede onyuŋ eberi udọk, ini aka ibiara, mfo ika ida ke eseen, ikọŋ udọk, ipei, ‹Ete, bere usuŋ nnọ nnyin!› Ede nyiinyene ufọk aka ibe ke eme idiọŋọke mfo.› 26«Mf'ika itọọŋọ itiŋ ibe, ‹Ette-ufọk nnyin ima idiandia ma ofo. Ndien ofo onyuŋ epeebi nnyin mpọ ke mme efaak obio nnyin.›
27«Ede enye aka idọhọ mfo, ‹Ami neŋekede ndiọŋọ mfo ma ọtọ mf'iside idi. Idiaŋa ipọŋ min, mfo mfifien mme anam idiọk-mpọ.› 28«Ndien ntuaaŋa ma ntaa-eded k'iyadesid, sia mf'imikude Ebraham, ma Aisik, ma Yekọb, ma mfifien mme asiak-uduak ke obio-ubọọŋ Idem-Mbubod, ede mfo k'idem mfo imihiduk. 29Ede uwak Yental#13:29 Mme Yental idehe Yuu, eka isi mfifien ndaha ke ofuri odorobod edi diandia ke obio-ubọọŋ Idem-Mbubod. 30Mmọnido owom ibadke nte mpan owom mfin, emi ikabade ide mpan owom mpọŋ.»
IMA YISỌS ENYENEDE ỌNỌ MMỌN OBIO YEDUSEDEM
Luk 13:31-35
31Ke ukem usen ikoro, usuk mmọn Farisi edite Yisọs, «nnyin inọ fin item daha ke mmi ka ọtọ ewen, sia ọbọọŋ Erọd eyem iwod fin.
32Ede Yisọs ete mmọ, «Erọd anante ebua-ikọd! Ikaa ikidọhọ eme, nka itọọŋọ mbine mme sibidid idem-epo nyuŋ nkọk mmọn owom udọŋọ ke apara ibio ini, imihi ipene nka nkwere utom mi. 33Nte epedede, Ami nyene nkaiso k'isaŋ mi ke mme usen mbaak nkesim obio Yedusedem, sia anante Yedusedem ede itie mfifien mme asiak-uduak anade nte mmọ apa.
YISỌS ASEME ABAAŊA OBIO YEDUSEDEM
Matio 23:37-39
34«O! Mmọn obio Yedusedem, ami mmeŋende mfuhọ mbaaŋa mfo! Mf'ikokoi iwoodi mme asiak-uduak emi Idem-Mbubod eke ọdọŋọde ọnọ mfo ke mf'itọọŋi mmọ k'itiad nwoodi! Mmese nyem itad ubọk mi mfuk mfifien mmọn mfo, ukem nte eka-unen adaade mbaa nse ọfuk ntitọọŋ nse, ede mfo mf'inyiimeke! 35Ndien ipaŋ utọŋ, Idem-Mbubod akainam ufọk mfo akabade ndoon. Ineŋede idiọŋọke mf'imihi ikud min ewen, tutu mfi ibe, ‹Iyak nnyin itoro enyem emidide k'unen odudu ọbọọŋ.›››
ទើបបានជ្រើសរើសហើយ៖
Luk 13: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 13
13
IKOOD NKABADESID
Luk 13:1-5
1Ke ukem idaha ikoro, usuk owom edi ebine Yisọs onyuŋ ọdọhọ eme ke Paided ama ọnọ odudu ete ewod usuk owom ke idak ukara Kadidi. Mmọn ekọŋ ese ama owod mmọn owom k'idaha mmọ ọsuk awaade uwa. 2K'ibọọrọ Yisọs ete mmọ, «Nte mf'ikere ke mmọn idak ukara Kadidi iken mmọ owodde anam idiọk-mpọ akan mfifien owom ke idak ukara Kadidi? 3Uwaa, idehe ntoro, ede idehe mf'ikikabakede esid ke idiọk-mpọ mfo, mfo mfifien ikaipaaŋ. 4Neso ede owom efureeta ido ekepade k'idaha tọwa Saidoom ekeduọde ọtọọ mmọ? Mfo ikere ibe ke mmọ ekenam idiọk-mpọ akan mfifien mọnimi ọduŋde ke obio Yedusedem? 5Uwaa, Nte mfo ntee, idehe ntak owodo. Mbe mf'ikikabakede esid k'idiọk-mpọ mfo, mfo mfifien ikaipaaŋa?»
MBUK ABAŊAADE ETO FIK EKEDEDE ADAA
Luk 13:6-9
6Ndien Yisọs atiŋ mbuk ọnọ mmọ ete, «Ete keen ekedudo ekenyenede eto fik k'inwaŋ fain ise. K'idaha eto eken epenaade nte onwum mfuri, enye ediyem mfuri k'eto eken ede ikwe mfuri berikeen. 7Ekem enye ete, Esee enyin k'inwaŋ mfuri nse, ‹Se eto eken! Nsuk nse nyeemi mfuri k'itak ise ke itua iken ita ebeide, ede nkwe mfuri berikeen. Biere eme duọọk! K'uyak sọ enye abaaha isọŋ iken.›
8«Ede Esee enyin ke inwaŋ mfuri ọbọọrọ ete, ‹Ete, mbọk yak amaana adaa k'inwaŋ itua keen ewen, nkantibi mben nse akanade nkuk, nyuŋ ndọŋ mme mpadiaha k'esid. 9Ede idehe enye onwum mfuri k'itua ewen, ọfọn, ede epere inwumke, mbiere eme nduọk.»›
YISỌS ỌKỌK EYEN IBAANI MBUŊỌ K'USEN IBED MME YUU
Luk 13:10-17
10Yisọs ekesuk epeebi mmọn owom mpọ k'usen ibed mme Yuu ke Efe-upono. 11Ede ibaani keen emi ekenyenede sibidid idem-epo ekedudo. Sibidid eken amaatuhọhọ eme k'itua efureeta. Emi ekenyenede ekuŋ edem inyuŋ ikanke imeene ida. 12Ndien k'idaha Yisọs okudde eme, esin uyoo okood eme ete, ‹‹Mma, Idem-Mbubod ọkọk fin udọŋọ fo.›› 13Ndien Yisọs onyuŋ ododi eme ubọk ke edem, ndien idaha-idaha ikoro enye enehede asaaŋa, onyuŋ ọtọọŋọ otooro Idem-Mbubod ke enye ikọk eme.
14Ede adaibuod efe-upono Idem-Mbubod ayadesid ke ntak Yisọs ọkọkde owom eken udọŋọ k'usen ibed mme Yuu. Adaa-ibuod iken ete otu owom, ibed ebe nnyin inam utom k'usen iteken k'udua. Ndien ke mme usen ikoro, idọhọ Idem-Mbubod yak ọkọk mfo udọdọŋọ. Kusudi sọ k'usen ibed mme Yuu sia idehe nen-nen mpọ.
15Ede ọbọọŋ ọbọọrọ eme, «Mfo, mmọn mbubuk, mfo keen-keen isitad enaŋ-mbiomo mfo mfifien usen, ma usen ibed, inyuŋ eben mmọ ika esen ikinọ mmọ mmuuŋ yak mmọ onwuŋ. 16Ede ide eyen-ibaani iken, ededde ubon Ebraham, emi sibidid idem-epo eke esinde k'ufun k'ofuri itua efureeta iken, nte mpentadke eme uruk udọŋọ k'usen ibed mme Yuu.
17Ede k'idaha Yisọs atiŋde ikọọ iken, obuud anam mfifien mmọn atuaa ise, mfifien otu owom okoro okop inemesid abaaŋa mme utibe-mpọ nken enye anaamide.
MBUK ABAAŊADE OBIO UBỌỌŊ IDEM-MBUBOD
Luk 13:18-21; Matio 13:31-32; Maak 4:30-32
18Ndien Yisọs amaana ebib mmọ ete, «Obio Idem-Mbubod ebied so? Nne so ke epeda edomo ma eme? 19Enye ebid apara mfuri eto#13:19 Apara mfuri eto eken owom ebende ọtọọ k'inwaŋ ise, ndien enye ọkọri onyuŋ opon itak, oforo akwaa eto, ndien mme inuen esetitọd ke mme nkikọk nse.
YISỌS ỌNỌ MBUK ABAAŊA NDOM-UYOO
20Yisọs amaana ebib mmọ, «Nenso ke mpeda ndomo ma obio-ubọọŋ Idem-Mbubod?
21Ebied ndom-uyoo, ibaani ebende eseen ke ndomo ndom-uyoo ita, tutu ndom-uyoo iken ofuudi ọyọhọ ndom-uyoo.
MFAFAHA USUŊ
Luk 13:22-30; Matio 7:13-14
22Nte Yisọs eke asaaŋa akaa obio Yedusedem ma mme mbed nse, Enye epeebi mmọn owom mpọ ke mme obio ma mme esid obio k'usuŋ. 23Owom obub eme, «Ọbọọŋ, nte Idem-Mbubod eminyaaŋa ibad-ibad owom pọd osio ke idiọk-mpọ? Yisọs ọbọọrọ mfifien owom kendo. 24«Obio ubọọŋ Idem-Mbubod etie nte ufọk iken enyenede mfafaha usuŋ. Anante ofo odomo ukeme etiti iduk usuŋ ikoro. Nte mfo nte ke uwak owom aka iyem iduk. Ede mmọ imihi ikan isaaŋa ndo ibei iduk. 25Inyikeen eke nyinyene ufọk emenede onyuŋ eberi udọk, ini aka ibiara, mfo ika ida ke eseen, ikọŋ udọk, ipei, ‹Ete, bere usuŋ nnọ nnyin!› Ede nyiinyene ufọk aka ibe ke eme idiọŋọke mfo.› 26«Mf'ika itọọŋọ itiŋ ibe, ‹Ette-ufọk nnyin ima idiandia ma ofo. Ndien ofo onyuŋ epeebi nnyin mpọ ke mme efaak obio nnyin.›
27«Ede enye aka idọhọ mfo, ‹Ami neŋekede ndiọŋọ mfo ma ọtọ mf'iside idi. Idiaŋa ipọŋ min, mfo mfifien mme anam idiọk-mpọ.› 28«Ndien ntuaaŋa ma ntaa-eded k'iyadesid, sia mf'imikude Ebraham, ma Aisik, ma Yekọb, ma mfifien mme asiak-uduak ke obio-ubọọŋ Idem-Mbubod, ede mfo k'idem mfo imihiduk. 29Ede uwak Yental#13:29 Mme Yental idehe Yuu, eka isi mfifien ndaha ke ofuri odorobod edi diandia ke obio-ubọọŋ Idem-Mbubod. 30Mmọnido owom ibadke nte mpan owom mfin, emi ikabade ide mpan owom mpọŋ.»
IMA YISỌS ENYENEDE ỌNỌ MMỌN OBIO YEDUSEDEM
Luk 13:31-35
31Ke ukem usen ikoro, usuk mmọn Farisi edite Yisọs, «nnyin inọ fin item daha ke mmi ka ọtọ ewen, sia ọbọọŋ Erọd eyem iwod fin.
32Ede Yisọs ete mmọ, «Erọd anante ebua-ikọd! Ikaa ikidọhọ eme, nka itọọŋọ mbine mme sibidid idem-epo nyuŋ nkọk mmọn owom udọŋọ ke apara ibio ini, imihi ipene nka nkwere utom mi. 33Nte epedede, Ami nyene nkaiso k'isaŋ mi ke mme usen mbaak nkesim obio Yedusedem, sia anante Yedusedem ede itie mfifien mme asiak-uduak anade nte mmọ apa.
YISỌS ASEME ABAAŊA OBIO YEDUSEDEM
Matio 23:37-39
34«O! Mmọn obio Yedusedem, ami mmeŋende mfuhọ mbaaŋa mfo! Mf'ikokoi iwoodi mme asiak-uduak emi Idem-Mbubod eke ọdọŋọde ọnọ mfo ke mf'itọọŋi mmọ k'itiad nwoodi! Mmese nyem itad ubọk mi mfuk mfifien mmọn mfo, ukem nte eka-unen adaade mbaa nse ọfuk ntitọọŋ nse, ede mfo mf'inyiimeke! 35Ndien ipaŋ utọŋ, Idem-Mbubod akainam ufọk mfo akabade ndoon. Ineŋede idiọŋọke mf'imihi ikud min ewen, tutu mfi ibe, ‹Iyak nnyin itoro enyem emidide k'unen odudu ọbọọŋ.›››
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.