Luk 10
10
YISỌS OSIO MBED ATA MA DUOP ỌDỌŊ UTOM
Luk 10:1-12
1Sia mme mpọ nken imaikebei, Ọbọọŋ Yisọs osio mbed ata ma duop, onyuŋ ete mmọ isaŋa ibaa-ibaa idukke mme obio ma esid obio emi enye k'idem ise eyemde ikaa. 2Mbemiso enye ọnọ mmọ adaaŋa, ete mmọ, «Uwak owom odudo ebeeŋede idem ikop ikọọ Idem-Mbubod. Ede owom iwake se adaade ikọọ iken ọsọk mmọ.#10:2 Idọk opon ekese, ede mmọn utom ukwake Ke ntoro, Ibeeŋeidem-Mbubod, emi eyemde mfifien owom enum eme ke apanikọọ, yak enye ọdọŋ uwak owom ikinwam mmọn owom isaaŋa ikene eme. 3Ndien ikaa, ede paŋ utọŋ! Ndọŋ mfo, mf'ikaikud mpọ umim nte iyen-edọŋ k'otu mme anawuri epe. 4Ikikama sọ epad oyoomo, me epad isaŋ, me ipa ukod ewen. Ikibiad sọ ini kọm owom berikeen k'usuŋ odo mfikakaa do.
5Ede ufọk keen ekedede mf'idukde, ibemiso idọhọ, Yak emem Idem-Mbubod odu k'ufọk iken! 6Epede owom amade emem odu kendo, emem edidiọŋ mfo akaidu ma eme. Ede epere enye idehe owom eken amade emem, imihi ibọọ emem edidiọŋ mfo. 7Ikisaŋa k'ufọk k'ufọk, ede iduk k'ufọk ikoro, idia, itaa, inyuŋ iwuuŋ se mmọ ọnọnọ mfo. Ikiture sọ ibọ essen eken mmọ adarade mfo. Sia anam utom odod ibọ utip utom eken enye anamde.
8«Obio keen ekedede mf'idukde, mmọn obio okoro adaara mfo, idia se mmọ ọnọnọ mfo. 9Inyuŋ ikọk mmọn ọdọŋọde ke obio okoro, idọhọ mmọ ke Obio ubọọŋ idem-Mbudod ekpere mfo. 10Ede obio ekedede mf'idukde, mmọn obio okoro idaarake mfo, iwọrọ ikaa efaak ikidọhọ mmọn owom, 11Nnyin ikeŋ ntọŋ obio mfo eke adianade nnyin k'ipad nte idiọŋọ ibe ke Idem-Mbubod aka ipe-ipe ma mfo. Payeeodo, nnyin iyem mf'idiọŋọke Obio Ubọọŋ Idem-Mbubod epere mfo! 12Yisọs akaaiso ete, «Nte mfo ntee k'usen ipe, Idem Mbudod akainyene mbọm ọnọ mmọn obio Sọdọm ikan utọ obio okoro.
MBỌMBỌM OBIO EKEN INYIIMEKE IKABADE ESID
Luk 10:13-16
13«Mbọm-mbọm mmọn obio Kọrasin ma obio Bedsaida! Sia epede mme utibe-mpọ namde ma mfo, nkenam nọ mmọn obio Taide ma Sidọn mmọ ipa ikabade esid ke ataa anyan ini, isine ọfọŋ mpa owom itie ke ntọŋ, iwuri nkabadesid. 14K'usen Idem-Mbubod emi ipedeipe inọ mfifien owom, enye akaa ineŋede inọ mmọn obio Korasin ma Bedsaida ufen opon akan eke mmọn obio Taide ma Sidọn. 15Ede ofo, mmọn obio Kapanum, nte mfo ikaibọọ upono k'edem-onyuŋ, Iduhe! Utukedo, ekaisuhọde fin isin k'itie-ufen.
16Ndien enye ete mme mbed nse, «Owom ekekopde ikọọ mfo, okop ikọọ mi, ede eke esinde mfo, esin min, eke esinde min, esin Idem-Mbubod nken ọdọŋde min.»
MBED YISỌS ATA MA DUOP ESED EDI
Luk 10:17-20
17Ndien mbed Yisọs ataa ma duop ekenam se Yisọs ekebede mmọ anam. Mmọ ekesidedi, mmọ enem esid, ete, «Ette-ufọk, mme sibidid idem-epo ekene sọ esuk ibuod enọ nnyin ikamade odudu fo ibin mmọ sioŋo mmọn owom k'idem.»
18«Ede Yisọs ọbọọrọ mmọ ete, Idaha sibidid idem-epo oponode uyo mfo, ami mmekud nte mf'ikande idem-epo ipeneke enye esi edem-onyuŋ ediduọ nte ọfọnfọn. 19Ndien Yisọs ete, mme nnọ mfo Odudu nte mf'idiooŋi uruk-ikọd ma mme ipeyen k'ipad. Emi ọwọrọde ke mmenọ mfo odudu ikan odudu mmọn atuaa mfo, mpọ berikeen ikomke mfo.#10:19 Uruk ikọd ma ipeyen adaa ọnọ mmọn utua Yisọs ke sibidid 20K'utọọ ntak nkoro mf'ikidara sọ, ke mme sibidid idem-epo esuk ibuod enọ mfo, ede ikop idadesid ke Idem-Mbubod ewed enyiŋ mfo ke edem-onyuŋ esin ke ŋwed nsinsi uwem.»
YISỌS ỌKỌM NTAA NSE
Luk 10:21-24; Matio 11:25-27
21Ke ata idaha-idaha ikoro, Yisọs okop idadesid eken eside Nsasana Sibidid ete, «Mmekọm fin, O, Ntaa mi, Ofo ede Ọbọọŋ enyeem akarade edem-onyuŋ ma isọŋ. Ami mme tooro fin sia ofo ayaara mme mpọ nken ọnọ mmọnimi anaade nte mpara ntitọọŋ. Ede uyaarake unọ mmọn nta-ifiok ma mme akaa ŋwed. Ntaa mi, mmediọŋọ ke nsọ ntoro ke ofo ama inam.
22«Ndien Yisọs ete mmọn owom, Ntaa mi ama ayak unen mfifien ọnọ min. Iduhe owom ekemede idiọŋọ min, Eyen ibọŋọke Ntaa mi, ndien owom inyuŋ idiọŋọke Ntaa mi ibọhọke emi Eyen ma mmọnido emi Eyen mmekde iyaara Idem-Mbubod inọọ.»
23Yisọs akanade enyin ese mme mbed nse, ete mmọ ke ndibe-ndibe, «Idem-Mbubod ọdiọŋ mfo mfifien nken ikudde mme mpọ nken. 24Nyem inam mf'idiọŋọ k'uwak mme asiak-uduak ma mme mbọọŋ ke esed ama enyene udọŋ ikud mme mpọ nken mf'ikudde, ede mmọ ik'ikwe, mmọ ama onyuŋ enyene udọŋ ikop se mf'ikopde emi, ede mmọ ikikopke.»
NENYE EDE MBỌHỌIDUŊ MI?
Luk 10:25-37; Matio 22:34-40; Maak 12:28-34
25Ekem k'idaha Yisọs ọsuk epeebide mmọ mpọ, keen k'otu mme epeebi-mbed Muses asaaŋa epere eme ekebib eme mbib mbaak enye ese se enye emibọọrọde. Ndien enye ebib Yisọs, «Ette-ufọk, neso ke mme nam mbaak esike odo Idem-Mbubod ọnọ min nsinsi uwem?»
26Yisọs ọbọọrọ eme, «Muses ekewed so k'ibed abaaŋa mpọ nken? Ofo akabade ndo ntewe?»
27Epeebi mbed ọbọọrọ Yisọs, ete, «Ibed ete, mma Idem-Mbubod fo k'ofuri esid fo, ma k'ofuri upọŋ fo, ma ke ofuri ukeme fo, ma k'ofuri ekikere fo, ede anaa ofo ama mbọhọiduŋ fo nte amaade idemfo.» 28Yisọs ọbọọrọ eme, «Ofo ọbọọrọ nen-nen. Ofo unam mme mbed nken, Idem-Mbubod akainọ fin nsinsi uwem.»
29Ede enye awana nte epe ọwuride ke eme ebib Yisọs nen-nen mbiibme ke ntak nkoro enye ete, «Nenye ataa ede mbọhọiduŋ mi?» 30Ndien Yisọs ada mbuk ọbọọrọ eme ete, «Ete keen ekesi obio Yedusedem edikaa obio Yediko, enye ekeduk k'ubọk mmọn inọ, mmọ eyuubi eme enọọŋọ eme unan, ebọi eme mfọrọ-idem ise ma mfifien se enye ekekamade, asaaŋa eme ayak onum mpa mpa. 31Ndien nte enye ekeọsuk anaade kendo nkoro, oku mme Yuu keen edibei k'usuŋ ikoro. Enye okud owom eken unan ọyọhọde mfifien idem, ede enye ebei eme edem keen. 32Ikipeeneke owom ubon Defaid#10:32 Mme Defaid ekesi ubon Defaid emi ekese enwamde mme oku-uwa ke efe-uwa mme Yuu keen emi anamde utom ke efe-uwa edibei sọ kendo nkoro, okud owom eken mmọn inọ ekeyuubide, asaaŋa onyuŋ edibei eme edem keen. 33Ke apature, owom obio Samedia keen ekekaade isaŋ, edisibi ọtọọ odo owom okoro anaade. Ede enye ekekud owom eken mmọ eke ọnọọŋọde unan, enye atuaa eme mbọm. 34Enye asaaŋa epere eme, ada ukọd eyed eme iso unan, onyuŋ ọduọk adan, ọbọp unan ikoro. Ndien ebeen eme ododi k'onyuŋ enaŋ ese, akaa k'itie uduọhọ udu onyuŋ ese eme enyin ke itudoyo. 35Ke edem usen ikọrọ mbem-iso enye ọpọŋ itie uduọhọ udu ikoro, enye osio oyoomo#10:35 Oyoomo: Ke usem mmọn Krik ede dainari: Dainari ekede oyoomo mmọn Rum ekese ekamade emi keen ise ekedede oyoomo utom usen utom usen ibaa ọnọ mmọn nyiinyene itie uduọhọ udu ikoro ete mmọ, ‹Mbọk kama enyeem se mpọ baaŋa ete eken, se mfo umubibiad mmaana ndi, nkaipe mfo.›
36Ndien Yisọs ebib epeebi-mbed Muses, ke ekikere fo, enye owom k'otu owom ita ikoro ede ataa mbọhọiduŋ ọnọ owom eken mmọn inọ eke ọmumde?»
37Ndien epeebi-mbed nken ọbọọrọ eme, ‹Ede owom eken eke atuaade eme mbọm.› Yisọs ete eme, ‹Kaa kenam ukem ikoro.»›
YISỌS AKAA UFỌK MMATA MA MBEDI
Luk 10:38-42
38Ekedikem nte Yisọs ma nsaŋa-utom ise asaaŋade isaŋ akaa Yedusedem, mmọ oduk esid obio keen. Eyen ibaani keen ekekerede Mmata adaara mmọ onyuŋ okood mmọ esen akaa ufọk ise. 39Ede Mmata enyene apara eyen-eka ibaani, emi ekekerede, Mbedi, onyuŋ etie k'isọŋ epeere Yisọs okop upeep mpọ ikọọ Idem-Mbubod. 40Ede sia mfeeŋe ukama esen eke'pon akan Mmata, enye edidọhọ Yisọs ete, «Ọbọọŋ, ofo ukereke ube ke Mbedi eyen-eka mi ipaidi inwam min inam usuk mpọ? Ede ayak mfifien mpọ ọnọ min ọpọọŋ. Dọhọ eme asid edinwam min.»
41Ndien Yisọs ọbọọrọ eme ete, «Mmata, Mmata, ofo afafina idemfo ekese abaaŋa mfifien mpọ. 42Ede apan mpọ keen odu. Mbedi emek ataa apan mpọ nken owom imihikanke ibọọ eme.»
ទើបបានជ្រើសរើសហើយ៖
Luk 10: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 10
10
YISỌS OSIO MBED ATA MA DUOP ỌDỌŊ UTOM
Luk 10:1-12
1Sia mme mpọ nken imaikebei, Ọbọọŋ Yisọs osio mbed ata ma duop, onyuŋ ete mmọ isaŋa ibaa-ibaa idukke mme obio ma esid obio emi enye k'idem ise eyemde ikaa. 2Mbemiso enye ọnọ mmọ adaaŋa, ete mmọ, «Uwak owom odudo ebeeŋede idem ikop ikọọ Idem-Mbubod. Ede owom iwake se adaade ikọọ iken ọsọk mmọ.#10:2 Idọk opon ekese, ede mmọn utom ukwake Ke ntoro, Ibeeŋeidem-Mbubod, emi eyemde mfifien owom enum eme ke apanikọọ, yak enye ọdọŋ uwak owom ikinwam mmọn owom isaaŋa ikene eme. 3Ndien ikaa, ede paŋ utọŋ! Ndọŋ mfo, mf'ikaikud mpọ umim nte iyen-edọŋ k'otu mme anawuri epe. 4Ikikama sọ epad oyoomo, me epad isaŋ, me ipa ukod ewen. Ikibiad sọ ini kọm owom berikeen k'usuŋ odo mfikakaa do.
5Ede ufọk keen ekedede mf'idukde, ibemiso idọhọ, Yak emem Idem-Mbubod odu k'ufọk iken! 6Epede owom amade emem odu kendo, emem edidiọŋ mfo akaidu ma eme. Ede epere enye idehe owom eken amade emem, imihi ibọọ emem edidiọŋ mfo. 7Ikisaŋa k'ufọk k'ufọk, ede iduk k'ufọk ikoro, idia, itaa, inyuŋ iwuuŋ se mmọ ọnọnọ mfo. Ikiture sọ ibọ essen eken mmọ adarade mfo. Sia anam utom odod ibọ utip utom eken enye anamde.
8«Obio keen ekedede mf'idukde, mmọn obio okoro adaara mfo, idia se mmọ ọnọnọ mfo. 9Inyuŋ ikọk mmọn ọdọŋọde ke obio okoro, idọhọ mmọ ke Obio ubọọŋ idem-Mbudod ekpere mfo. 10Ede obio ekedede mf'idukde, mmọn obio okoro idaarake mfo, iwọrọ ikaa efaak ikidọhọ mmọn owom, 11Nnyin ikeŋ ntọŋ obio mfo eke adianade nnyin k'ipad nte idiọŋọ ibe ke Idem-Mbubod aka ipe-ipe ma mfo. Payeeodo, nnyin iyem mf'idiọŋọke Obio Ubọọŋ Idem-Mbubod epere mfo! 12Yisọs akaaiso ete, «Nte mfo ntee k'usen ipe, Idem Mbudod akainyene mbọm ọnọ mmọn obio Sọdọm ikan utọ obio okoro.
MBỌMBỌM OBIO EKEN INYIIMEKE IKABADE ESID
Luk 10:13-16
13«Mbọm-mbọm mmọn obio Kọrasin ma obio Bedsaida! Sia epede mme utibe-mpọ namde ma mfo, nkenam nọ mmọn obio Taide ma Sidọn mmọ ipa ikabade esid ke ataa anyan ini, isine ọfọŋ mpa owom itie ke ntọŋ, iwuri nkabadesid. 14K'usen Idem-Mbubod emi ipedeipe inọ mfifien owom, enye akaa ineŋede inọ mmọn obio Korasin ma Bedsaida ufen opon akan eke mmọn obio Taide ma Sidọn. 15Ede ofo, mmọn obio Kapanum, nte mfo ikaibọọ upono k'edem-onyuŋ, Iduhe! Utukedo, ekaisuhọde fin isin k'itie-ufen.
16Ndien enye ete mme mbed nse, «Owom ekekopde ikọọ mfo, okop ikọọ mi, ede eke esinde mfo, esin min, eke esinde min, esin Idem-Mbubod nken ọdọŋde min.»
MBED YISỌS ATA MA DUOP ESED EDI
Luk 10:17-20
17Ndien mbed Yisọs ataa ma duop ekenam se Yisọs ekebede mmọ anam. Mmọ ekesidedi, mmọ enem esid, ete, «Ette-ufọk, mme sibidid idem-epo ekene sọ esuk ibuod enọ nnyin ikamade odudu fo ibin mmọ sioŋo mmọn owom k'idem.»
18«Ede Yisọs ọbọọrọ mmọ ete, Idaha sibidid idem-epo oponode uyo mfo, ami mmekud nte mf'ikande idem-epo ipeneke enye esi edem-onyuŋ ediduọ nte ọfọnfọn. 19Ndien Yisọs ete, mme nnọ mfo Odudu nte mf'idiooŋi uruk-ikọd ma mme ipeyen k'ipad. Emi ọwọrọde ke mmenọ mfo odudu ikan odudu mmọn atuaa mfo, mpọ berikeen ikomke mfo.#10:19 Uruk ikọd ma ipeyen adaa ọnọ mmọn utua Yisọs ke sibidid 20K'utọọ ntak nkoro mf'ikidara sọ, ke mme sibidid idem-epo esuk ibuod enọ mfo, ede ikop idadesid ke Idem-Mbubod ewed enyiŋ mfo ke edem-onyuŋ esin ke ŋwed nsinsi uwem.»
YISỌS ỌKỌM NTAA NSE
Luk 10:21-24; Matio 11:25-27
21Ke ata idaha-idaha ikoro, Yisọs okop idadesid eken eside Nsasana Sibidid ete, «Mmekọm fin, O, Ntaa mi, Ofo ede Ọbọọŋ enyeem akarade edem-onyuŋ ma isọŋ. Ami mme tooro fin sia ofo ayaara mme mpọ nken ọnọ mmọnimi anaade nte mpara ntitọọŋ. Ede uyaarake unọ mmọn nta-ifiok ma mme akaa ŋwed. Ntaa mi, mmediọŋọ ke nsọ ntoro ke ofo ama inam.
22«Ndien Yisọs ete mmọn owom, Ntaa mi ama ayak unen mfifien ọnọ min. Iduhe owom ekemede idiọŋọ min, Eyen ibọŋọke Ntaa mi, ndien owom inyuŋ idiọŋọke Ntaa mi ibọhọke emi Eyen ma mmọnido emi Eyen mmekde iyaara Idem-Mbubod inọọ.»
23Yisọs akanade enyin ese mme mbed nse, ete mmọ ke ndibe-ndibe, «Idem-Mbubod ọdiọŋ mfo mfifien nken ikudde mme mpọ nken. 24Nyem inam mf'idiọŋọ k'uwak mme asiak-uduak ma mme mbọọŋ ke esed ama enyene udọŋ ikud mme mpọ nken mf'ikudde, ede mmọ ik'ikwe, mmọ ama onyuŋ enyene udọŋ ikop se mf'ikopde emi, ede mmọ ikikopke.»
NENYE EDE MBỌHỌIDUŊ MI?
Luk 10:25-37; Matio 22:34-40; Maak 12:28-34
25Ekem k'idaha Yisọs ọsuk epeebide mmọ mpọ, keen k'otu mme epeebi-mbed Muses asaaŋa epere eme ekebib eme mbib mbaak enye ese se enye emibọọrọde. Ndien enye ebib Yisọs, «Ette-ufọk, neso ke mme nam mbaak esike odo Idem-Mbubod ọnọ min nsinsi uwem?»
26Yisọs ọbọọrọ eme, «Muses ekewed so k'ibed abaaŋa mpọ nken? Ofo akabade ndo ntewe?»
27Epeebi mbed ọbọọrọ Yisọs, ete, «Ibed ete, mma Idem-Mbubod fo k'ofuri esid fo, ma k'ofuri upọŋ fo, ma ke ofuri ukeme fo, ma k'ofuri ekikere fo, ede anaa ofo ama mbọhọiduŋ fo nte amaade idemfo.» 28Yisọs ọbọọrọ eme, «Ofo ọbọọrọ nen-nen. Ofo unam mme mbed nken, Idem-Mbubod akainọ fin nsinsi uwem.»
29Ede enye awana nte epe ọwuride ke eme ebib Yisọs nen-nen mbiibme ke ntak nkoro enye ete, «Nenye ataa ede mbọhọiduŋ mi?» 30Ndien Yisọs ada mbuk ọbọọrọ eme ete, «Ete keen ekesi obio Yedusedem edikaa obio Yediko, enye ekeduk k'ubọk mmọn inọ, mmọ eyuubi eme enọọŋọ eme unan, ebọi eme mfọrọ-idem ise ma mfifien se enye ekekamade, asaaŋa eme ayak onum mpa mpa. 31Ndien nte enye ekeọsuk anaade kendo nkoro, oku mme Yuu keen edibei k'usuŋ ikoro. Enye okud owom eken unan ọyọhọde mfifien idem, ede enye ebei eme edem keen. 32Ikipeeneke owom ubon Defaid#10:32 Mme Defaid ekesi ubon Defaid emi ekese enwamde mme oku-uwa ke efe-uwa mme Yuu keen emi anamde utom ke efe-uwa edibei sọ kendo nkoro, okud owom eken mmọn inọ ekeyuubide, asaaŋa onyuŋ edibei eme edem keen. 33Ke apature, owom obio Samedia keen ekekaade isaŋ, edisibi ọtọọ odo owom okoro anaade. Ede enye ekekud owom eken mmọ eke ọnọọŋọde unan, enye atuaa eme mbọm. 34Enye asaaŋa epere eme, ada ukọd eyed eme iso unan, onyuŋ ọduọk adan, ọbọp unan ikoro. Ndien ebeen eme ododi k'onyuŋ enaŋ ese, akaa k'itie uduọhọ udu onyuŋ ese eme enyin ke itudoyo. 35Ke edem usen ikọrọ mbem-iso enye ọpọŋ itie uduọhọ udu ikoro, enye osio oyoomo#10:35 Oyoomo: Ke usem mmọn Krik ede dainari: Dainari ekede oyoomo mmọn Rum ekese ekamade emi keen ise ekedede oyoomo utom usen utom usen ibaa ọnọ mmọn nyiinyene itie uduọhọ udu ikoro ete mmọ, ‹Mbọk kama enyeem se mpọ baaŋa ete eken, se mfo umubibiad mmaana ndi, nkaipe mfo.›
36Ndien Yisọs ebib epeebi-mbed Muses, ke ekikere fo, enye owom k'otu owom ita ikoro ede ataa mbọhọiduŋ ọnọ owom eken mmọn inọ eke ọmumde?»
37Ndien epeebi-mbed nken ọbọọrọ eme, ‹Ede owom eken eke atuaade eme mbọm.› Yisọs ete eme, ‹Kaa kenam ukem ikoro.»›
YISỌS AKAA UFỌK MMATA MA MBEDI
Luk 10:38-42
38Ekedikem nte Yisọs ma nsaŋa-utom ise asaaŋade isaŋ akaa Yedusedem, mmọ oduk esid obio keen. Eyen ibaani keen ekekerede Mmata adaara mmọ onyuŋ okood mmọ esen akaa ufọk ise. 39Ede Mmata enyene apara eyen-eka ibaani, emi ekekerede, Mbedi, onyuŋ etie k'isọŋ epeere Yisọs okop upeep mpọ ikọọ Idem-Mbubod. 40Ede sia mfeeŋe ukama esen eke'pon akan Mmata, enye edidọhọ Yisọs ete, «Ọbọọŋ, ofo ukereke ube ke Mbedi eyen-eka mi ipaidi inwam min inam usuk mpọ? Ede ayak mfifien mpọ ọnọ min ọpọọŋ. Dọhọ eme asid edinwam min.»
41Ndien Yisọs ọbọọrọ eme ete, «Mmata, Mmata, ofo afafina idemfo ekese abaaŋa mfifien mpọ. 42Ede apan mpọ keen odu. Mbedi emek ataa apan mpọ nken owom imihikanke ibọọ eme.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.