Luk 11
11
YISỌS EPEEBI MMỌ IBỌŊ AKAM ỌBỌỌŊ
Luk 11:1-13; Matio 6:9-15
1Usen keen, Yisọs ekeọsuk ọbọŋ akam ke ọtọ keen, enye ekekwere ibọŋ akam, keen k'otu mme mbed nse edite eme, «Ọbọọŋ, peebi nnyiŋ ibọŋ akam, nte Yọọn ọduọk owom mmuuŋ eke epeebide mbed nse.»
2Ndien Yisọs ete mmọ, idaha mfo imibọŋde akam, ibọŋ ntee,
«Ntaa nnyin,
Yak mfifien owom epono enyin fo.
Yak ukara fo edi.
Yak mfifien owom enam uduak fo k'isoŋ.
Nte mmọ anamde ke edem-onyuŋ.
3Nọ nnyiŋ ndia k'usen k'usen. 4Nyuŋ dahado nọ nnyin ke mme ndiọi mpọ nnyin.
Ntee nnyiŋ idahadedo inọ mmọnimi eduede nnyin.
K'uyaksọ nnyin iduọiduk k'idomo.
Ede sioŋo nnyin fep k'idiọk-mpọ.»
MFAAŊ MI EDI K'UFỌD ITUDOYO
5Ndien Yisọs ete mme mbed nse, «Enye k'otu mfo epenyene mfaaŋ epefehede ekedeeme eme k'ufọd itudoyo, ete eme, ‹Mfaaŋ buọd min eboho uyoo itaa, 6sia mfaaŋ ni keen, ekekaade mbubehe edi waha ọkum k'itudoyo, ede nyeneke ndia se nọde eme adia.› 7Ndien mfaaŋ odo ese odude k'esid ufọk ise, ọbọọrọ eme ete, ‹Kufina sọ min. Mma nsesin usuŋ itudoyo iken, ndien ntitọọŋ ni ọduk idap? Mmeŋe nkan mbeene ndinọ fin mpọ berikeen idaha ikoro.› 8Ndien Yisọs ete, ke enye imihi ibeene inọ fin k'ntak edede mfaaŋ nse, ede ke ntak eyirede eme, enye akaimeene nọ fin mfifien se eyeemde.
KAAISO BEEŊE, YEEM, NYUŊ KỌŊ
Matio 7:7-11
9«Ndien ntee ke ndọhọ mfo nte, ibeeŋe, Idem-Mbubod akainọ mfo. Iyem, ndien mf'ikaikud. Ikọŋ, ke Idem-Mbubod akaisio usuŋ inọ mfo. 10Sia mfifien owom eke ebeeŋede Idem-Mbubod mpọ eka-ibọọ. Owom ek'eyemde, Idem-Mbubod akainam enye okud. Mmọnimi ekọŋde, Idem-Mbubod akaisio usuŋ inọ mmọ.
11«Epere mpọ-mpọ eyen fo ebeeŋede fin iyak. Nenye ntaa epenọ eyen okoro esee uruk-ikọd?#11:11 Usuk mbaai ŋwed k'ikọọ mmọn Krik ete, «Eyen fo ipibeeŋe fin uyoo, ofo ada itiad ọnọ eme? Mme ibeeŋe fin iyak ofo ọnọ eme uruk-ikọd?» Iduhe owom ko! 12Enye owom k'otu eken ekemfo epe ọnọ eyen ese ipeyen k'idaha enye ebeeŋede eme nsen-unen? Iduhe owom ko! 13Payeeodo mf'ideeŋede mme abaadi, mf'idiọŋọ inọ ntitọọŋ mfo ntiti mpọ. Idiọŋọ ibe ke ntaa mfo emi odude ke edem-onyuŋ ede etiti. Enye akainọ mmọnimi ebeeŋede eme Nsasana Sibidid
YISỌS EBIN MME SIBIDID IDEM-EPO KE ODUDU IDEM-MBUBOD
Luk 11:14-23; Matio 12:22-23; Maak 3:22-27
14Usen keen Yisọs ebine mme sibidid idem-epo, emi ekenamde ete keen ede imuuk ọduọk. Ekedikem idaha mme sibidid idem-epo eken ọwọọŋọde ọpọŋ eme, enye ọtọọŋọ atiŋ ikọọ. Ndien idem apa mfifien owom. 15Ede usuk owom k'otu okoro eneme k'idem mmọ ete, «Yisọs adaa odudu idem-epo ebin mme sibidid idem-epo osiooŋo mmọn owom k'idem, emi edede etubom mme sibidid idem-epo.» 16Mmọn ewen edi idomo Yisọs ete, Enye ọwuri mmọ idiọŋọ enyeem eside ke edem-onyuŋ mbaak anaante ke Idem-Mbubod ọdọŋ eme.
17Ede sia Yisọs imaik'idiọọŋọ se odude mmọ k'esid, enye ete mmọ, «Obio eke edede anwanade ma idem ise, odu ke nwuure, ndien ufọk keen eke abahadede adaa akaidu ke nsobo. 18«Idehe idem-epo ma mme sibidid idem-epo nkoŋ abahade adaa anwana ma idem ise, ukara ise ikemeke isọọŋọidaa. Ntiŋ ntee ke natak mf'ibede ke nda odudu idem-epo mbin mme sibidid idem-epo nduọọŋọ. 19«Ede mme nsaŋa fo ese ebine sọ mme sibidid idem-epo. Ndien newe unen ke mmọn asaaŋade ma ofo esekamabine sibidid idem-epo? Ke apanikọọ ede k'unen Idem-epo. Ndien mmọ k'idem mmọ ekainam ofo ọdiọŋọ ke ndoduyo fo idehe nen-nen. 20Ede idehe nda odudu Idem-Mbubod mbin mme sibidid idem-epo nduọọŋọ, emi ọwọrọ k'ukara Idem-Mbubod edisim mfo.
21Yisọs atiŋ mbuk ọnọ mmọ ete, «ọpọsọŋ owom nte idem-epo ọbọọbọ mbọọbọ-ekọŋ epeme efe ese, idaha ikoro mpọ ufọk ise odu ke upeme. 22Ede idaha owom eken enyenede ukam akan eme edide edinwana ma eme onyuŋ akan eme ubọk, ndide nkoro akande eme ubọk ọbọ eme mfifien mpọ ekọŋ ese enye ke ọbuọdeidem k'esid, amaana ataŋ mfifien inyene ise edeeme ọnọ mmọn ufan ise.
23Mmọn ek'idehe mfaaŋ ni mmọ edeeŋe mme atua mi. Owom eken ik'ikeeneke min ibok mmọn owom inọ Idem-Mbubod ede ananam mmọ efeeŋe ọpọŋ Idem-Mbubod.
MME SIBIDID IDEM-EPO AMAANA ESEDE EDI
Luk 11:24-26; Matio 12:43-45
24Ndien Yisọs akaaiso, k'idaha sibidid idem-epo ọwọrọde owom k'idem, enye asaaŋa efeŋ ke nsaad-isọŋ eyem ọtọ enye ọduọhọde udu. Ede sia ikwe, enye ete yak maana nkaa nkeduk idem owom odo nke wọrọde. 25K'idaha enye esede edi, okud ke owom okoro etie nte ọpọpọŋọ ufọk owom iduŋke k'esid emi ekwọọhide asana enyuŋ eneeŋe enum. 26Enye amana ekekikoro mme sibidid idem-epo itiaba ewen, ọdiọide akan eme, ndien mmọ ediduk eme idem ọduŋ. Ndien apature itie owom okoro edidiọk akan apa.»
MMỌNIDO IDEM-MBUBOD ỌDIỌŊDE
Luk 11:27-28
27K'ini Yisọs ọsuk epeebide mpọ, ibaani keen k'otu owom ebeene uyo ise ete, «Idem-Mbubod ama enehede ọdiọŋ eyen-ibaani iken ekemande onyuŋ ọbọọkde fin.»
28Ede Yisọs ọbọọrọ ete, «Idem-Mbubod enehede ọdiọŋ mmọnido okopde ikọọ ise onyuŋ anam se enye ọdọhọde.»
MMỌN OWOM EYEM UTIBE MPỌ
Luk 11:29-32; Matio 12:38-42
29Ede nte otu owom ekanade Yisọs awakde akaa, enye ete mmọ, «Mfo mmọn emana eken idioi, sia mfo iyeemde nam utibe-mpọ mbaak nwuri ke Idem-Mbubod ekedọŋ min. Ede utibe-mpọ mfo imi'kudde anaante se eketibede ma Yona asiak-uduak.#11:29 Yona ekede asiak-uduak Idem-Mbubod tọọŋọ ke esed. Akwaa iyak emen eme. Ede ke ọyọhọ usen ita, Idem-Mbubod anam iyak ido ọkọk Yona onum ke ọpọ obod 30Nsọ nte Yona asiak-uduak ekedede idiọŋọ ọnọ mmọn ekeduŋde ke obio Ninife, nsọ ntoro ke Ami Eyen-Owom mmenam nwuri mmọn amana eken ke Idem-Mbubod ekedọŋ min. 31K'usen ipe, ọbọọŋ anwaan Seba eside usuk-usuk aka ibeene idaa ibiom mmọn emana eken ipe k'idiọk ido mmọ. Sia enye eside k'apature obio edikop ikọọ ikike ọbọọŋ Sọrọmọn. Ede enyeem nken enyenede ikike oponde akan Sọrọmọn odumi ede mf'ipaŋke utọŋ inọ eme. 32K'idaha ipe, mmọn Ninife ekaibene idaa ibiom mmọn emana eken ipe k'idọk mpọ mmọ, sia mmọ ama ekaabade esid k'ukwọọrọ ikọọ Yona. Ndien yak ndọhọ mfo ke enyem nken oponde akan Yona odumi ede mfo inyiimeke ikabade esid.
UTUENIKAŊ IPỌKIDEM
Luk 11:33-36; Matio 6:22-23
33«Ndien Yisọs ete, owom berikeen idomoke utuenikaŋ iben idiọọk ikubi, utumọkeodo ekọọŋ eme ke mpọ ukọŋikaŋ mbaak ayaama ọnọ owom keen ekedede ọdukde ufọk ikoro. 34Enyin owom anante utuenikaŋ ipọkidem ise. Owom eken akande emeene usuŋ mfọn-mfọn, eminaa nte mfifien idem ise ọyọhọ ma unwana. Ede owom eken ikanke ikud usuŋ ọfọn, eminaa nte mfifien idem ise ọyọhọ ma ekum. 35Ndien ipeme do mbaak unwana iken odude mfo k'idem ikabade ide ekum. 36Ndien idehe mfifien idem owom ọyọhọ ma unwana, mamaa ekum berikeen iduhe eme k'idem, mfifien idem ise akabade ọyọhọ ma unwana. Ukem nte akwaa unwana ayaama ọfuk fin.»
MBỌM-MBỌM MMỌN FARISI MA MME EPEEBI-MBED
37Nte Yisọs eke atiŋde ikọọ iken ama, owom Farisi keen okood eme ete edidia ndia ma eme k'ufọk ise. Ndien Yisọs ọduk ufọk ise eke ọsuuk etie idia ndia. 38#11:38 Mmọn Yuu enyene ido uyede ubọk ke nsasana usuŋ inye mmọ adia ndia k'ido upono obod mmọ. Mme Farisi ekere ke inam ntee ede apan ataa mpọEde k'idaha owom Farisi okudde ke Yisọs ikiyereke ubọk nte ido mmọn Yuu edede inye enye adia ndia, idem apa eme.
39Ede Ọbọọŋ Yisọs ete eme, «Mfo mmọn Farisi inaa nte mmọnimi eseyedde edem kọọp ma usan asaana, ede mf'iyedke esid. Mf'iyed ubọk ede esid mfo ọyọhọ ma idiọk itọŋ ma ibak. 40Mf'ideeŋe mme ntutun! Mf'idiọŋọke ke Idem-Mbubod nken obodde ipọkidem mfo ke nsọ enye obod esid mfo? 41Ede mfiikide sọ mmọn idiọk itọŋ ma mmọn ibak. Ede nnọ mme ubueene se enyenede ke ofuri esid mfo ndien mf'ika inehede isana k'iso Idem-Mbubod.
42«Ede mbọm-mbọm mfo mmọn Farisi! Sia mfo ipe mbaak keen ke duop ke mpọ nken idehe apan mpọ nte, utọọŋ, ikọọ, ma mme ifaŋ inwaŋ ewen, ede mf'isin apan mpọ nte, inam se ọfọnde ma mmọn owom ma ima Idem-Mbubod. Mfo ipikwa itum inam mme mpan mpọ nken ma mme mpara mmọnidiken.
43«Ede mbọm-mbọm mfo mmọn Farisi! Sia mf'iyeemde itie ke nkwaa itie k'efe-upono, inyuŋ imade owom ọkọm mfo ma upono ke anwa udua.
44Mbọm-mbọm mfo mme epeebi-mbed Muses ma mmọn Farisi sia mf'inaa nte ndibe udi k'inwaŋ, emi mmọn owom ọdọọkde esaaŋa sia mmọ idiọŋọke k'udi odu kendo emi anamde mmọ edehe.»
45Ede owom keen k'otu mme epeebi-mbed Muses ete Yisọs, «Atitia, ofo ọsọŋọ nnyin enyin, k'ikọọ iken ofo atiŋde ma mmọn Farisi.»
46Ede Yisọs ọbọọrọ eme ete, «Mbọm-mbọm mfo, mme epeebi-mbed Muses, sia mf'ibọpde mbed nken ọsọŋde inam inọ mmọn owom, ede mfo k'idem mfo idomoke ukeme inam mme utọ mbed nkoro. 47Ede mbọm-mbọm mfo mme epeebi-mbed Muses! Sia mf'ibọọbide udi mme asiak-uduak mbaak mf'ipono mmọ, emi mme ntaa-ntaa mfo eke owoodide. 48Ke mf'inam ntee, mf'inyiime inyuŋ isọọŋọ se mme ntaa ntaa mfo ekenamde. Mmọ owoodi mme asiak-uduak, mfo inyuŋ ibọọbi udi mmọ. 49Ke ntak ibak mf'ikinamide, Idem-Mbubod ke ikike ise ete, ‹Nkaa idọŋ mme asiak-uduak ma mme nsaŋa-utom nnọ mfo mmọn Isuel, mmọ aka ikọbọ usuk mmọ enyuŋ owoodi mmọnidiken.› 50«Ndien mmọn emaana eken ekaibọ ufen ke mpa mme asiak-uduak emi mme ntaa-ntaa mfo ekewoodide tọọŋọ ke ntọọŋọ odorobod. 51Emi ede mfifien mme asiak-uduak tọọŋọde ke Ebel tutu esibi ini mme ntaa-ntaa mfo ekewodde Sakaraya. Mmọ ekewod eme ke ufọọd okpokoro-uwa ma efe-uwa. Ede ekaiben ufen ikoro edodi mmọn emana eken ikidem.#11:51 Ebel ekede ataa apa owom ekewodde ke Akaani Ediomi. Yenesis 4:8 Sakaraya ede apature mmọ ekewodde 2Kronicle 24:20-22.
52«Mbọm-mbọm mfo, mme epeebi-mbed! Sia mfo iben itadusuŋ iken eberede usuŋ idiọŋọ Idem-Mbubod, mfo k'idem mfo idiọŋọke Idem-Mbubod, ede mfo ipan mmọnimi eyemde idiọŋọ eme.»
53Ndien Yisọs ekepọŋ ufọk owom Farisi okoro, mme Farisi ma mme epeebi-mbed Muses etọọŋọ enam mfina ma eme, ebiime eme mbime ebaaŋa uwak mpọ. 54Mmọ eyeemi usuŋ nte enye epe atiŋde idiọọk ikọọ mbaak mmọ efik eme ọmum eben ekaa ipe.
ទើបបានជ្រើសរើសហើយ៖
Luk 11: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 11
11
YISỌS EPEEBI MMỌ IBỌŊ AKAM ỌBỌỌŊ
Luk 11:1-13; Matio 6:9-15
1Usen keen, Yisọs ekeọsuk ọbọŋ akam ke ọtọ keen, enye ekekwere ibọŋ akam, keen k'otu mme mbed nse edite eme, «Ọbọọŋ, peebi nnyiŋ ibọŋ akam, nte Yọọn ọduọk owom mmuuŋ eke epeebide mbed nse.»
2Ndien Yisọs ete mmọ, idaha mfo imibọŋde akam, ibọŋ ntee,
«Ntaa nnyin,
Yak mfifien owom epono enyin fo.
Yak ukara fo edi.
Yak mfifien owom enam uduak fo k'isoŋ.
Nte mmọ anamde ke edem-onyuŋ.
3Nọ nnyiŋ ndia k'usen k'usen. 4Nyuŋ dahado nọ nnyin ke mme ndiọi mpọ nnyin.
Ntee nnyiŋ idahadedo inọ mmọnimi eduede nnyin.
K'uyaksọ nnyin iduọiduk k'idomo.
Ede sioŋo nnyin fep k'idiọk-mpọ.»
MFAAŊ MI EDI K'UFỌD ITUDOYO
5Ndien Yisọs ete mme mbed nse, «Enye k'otu mfo epenyene mfaaŋ epefehede ekedeeme eme k'ufọd itudoyo, ete eme, ‹Mfaaŋ buọd min eboho uyoo itaa, 6sia mfaaŋ ni keen, ekekaade mbubehe edi waha ọkum k'itudoyo, ede nyeneke ndia se nọde eme adia.› 7Ndien mfaaŋ odo ese odude k'esid ufọk ise, ọbọọrọ eme ete, ‹Kufina sọ min. Mma nsesin usuŋ itudoyo iken, ndien ntitọọŋ ni ọduk idap? Mmeŋe nkan mbeene ndinọ fin mpọ berikeen idaha ikoro.› 8Ndien Yisọs ete, ke enye imihi ibeene inọ fin k'ntak edede mfaaŋ nse, ede ke ntak eyirede eme, enye akaimeene nọ fin mfifien se eyeemde.
KAAISO BEEŊE, YEEM, NYUŊ KỌŊ
Matio 7:7-11
9«Ndien ntee ke ndọhọ mfo nte, ibeeŋe, Idem-Mbubod akainọ mfo. Iyem, ndien mf'ikaikud. Ikọŋ, ke Idem-Mbubod akaisio usuŋ inọ mfo. 10Sia mfifien owom eke ebeeŋede Idem-Mbubod mpọ eka-ibọọ. Owom ek'eyemde, Idem-Mbubod akainam enye okud. Mmọnimi ekọŋde, Idem-Mbubod akaisio usuŋ inọ mmọ.
11«Epere mpọ-mpọ eyen fo ebeeŋede fin iyak. Nenye ntaa epenọ eyen okoro esee uruk-ikọd?#11:11 Usuk mbaai ŋwed k'ikọọ mmọn Krik ete, «Eyen fo ipibeeŋe fin uyoo, ofo ada itiad ọnọ eme? Mme ibeeŋe fin iyak ofo ọnọ eme uruk-ikọd?» Iduhe owom ko! 12Enye owom k'otu eken ekemfo epe ọnọ eyen ese ipeyen k'idaha enye ebeeŋede eme nsen-unen? Iduhe owom ko! 13Payeeodo mf'ideeŋede mme abaadi, mf'idiọŋọ inọ ntitọọŋ mfo ntiti mpọ. Idiọŋọ ibe ke ntaa mfo emi odude ke edem-onyuŋ ede etiti. Enye akainọ mmọnimi ebeeŋede eme Nsasana Sibidid
YISỌS EBIN MME SIBIDID IDEM-EPO KE ODUDU IDEM-MBUBOD
Luk 11:14-23; Matio 12:22-23; Maak 3:22-27
14Usen keen Yisọs ebine mme sibidid idem-epo, emi ekenamde ete keen ede imuuk ọduọk. Ekedikem idaha mme sibidid idem-epo eken ọwọọŋọde ọpọŋ eme, enye ọtọọŋọ atiŋ ikọọ. Ndien idem apa mfifien owom. 15Ede usuk owom k'otu okoro eneme k'idem mmọ ete, «Yisọs adaa odudu idem-epo ebin mme sibidid idem-epo osiooŋo mmọn owom k'idem, emi edede etubom mme sibidid idem-epo.» 16Mmọn ewen edi idomo Yisọs ete, Enye ọwuri mmọ idiọŋọ enyeem eside ke edem-onyuŋ mbaak anaante ke Idem-Mbubod ọdọŋ eme.
17Ede sia Yisọs imaik'idiọọŋọ se odude mmọ k'esid, enye ete mmọ, «Obio eke edede anwanade ma idem ise, odu ke nwuure, ndien ufọk keen eke abahadede adaa akaidu ke nsobo. 18«Idehe idem-epo ma mme sibidid idem-epo nkoŋ abahade adaa anwana ma idem ise, ukara ise ikemeke isọọŋọidaa. Ntiŋ ntee ke natak mf'ibede ke nda odudu idem-epo mbin mme sibidid idem-epo nduọọŋọ. 19«Ede mme nsaŋa fo ese ebine sọ mme sibidid idem-epo. Ndien newe unen ke mmọn asaaŋade ma ofo esekamabine sibidid idem-epo? Ke apanikọọ ede k'unen Idem-epo. Ndien mmọ k'idem mmọ ekainam ofo ọdiọŋọ ke ndoduyo fo idehe nen-nen. 20Ede idehe nda odudu Idem-Mbubod mbin mme sibidid idem-epo nduọọŋọ, emi ọwọrọ k'ukara Idem-Mbubod edisim mfo.
21Yisọs atiŋ mbuk ọnọ mmọ ete, «ọpọsọŋ owom nte idem-epo ọbọọbọ mbọọbọ-ekọŋ epeme efe ese, idaha ikoro mpọ ufọk ise odu ke upeme. 22Ede idaha owom eken enyenede ukam akan eme edide edinwana ma eme onyuŋ akan eme ubọk, ndide nkoro akande eme ubọk ọbọ eme mfifien mpọ ekọŋ ese enye ke ọbuọdeidem k'esid, amaana ataŋ mfifien inyene ise edeeme ọnọ mmọn ufan ise.
23Mmọn ek'idehe mfaaŋ ni mmọ edeeŋe mme atua mi. Owom eken ik'ikeeneke min ibok mmọn owom inọ Idem-Mbubod ede ananam mmọ efeeŋe ọpọŋ Idem-Mbubod.
MME SIBIDID IDEM-EPO AMAANA ESEDE EDI
Luk 11:24-26; Matio 12:43-45
24Ndien Yisọs akaaiso, k'idaha sibidid idem-epo ọwọrọde owom k'idem, enye asaaŋa efeŋ ke nsaad-isọŋ eyem ọtọ enye ọduọhọde udu. Ede sia ikwe, enye ete yak maana nkaa nkeduk idem owom odo nke wọrọde. 25K'idaha enye esede edi, okud ke owom okoro etie nte ọpọpọŋọ ufọk owom iduŋke k'esid emi ekwọọhide asana enyuŋ eneeŋe enum. 26Enye amana ekekikoro mme sibidid idem-epo itiaba ewen, ọdiọide akan eme, ndien mmọ ediduk eme idem ọduŋ. Ndien apature itie owom okoro edidiọk akan apa.»
MMỌNIDO IDEM-MBUBOD ỌDIỌŊDE
Luk 11:27-28
27K'ini Yisọs ọsuk epeebide mpọ, ibaani keen k'otu owom ebeene uyo ise ete, «Idem-Mbubod ama enehede ọdiọŋ eyen-ibaani iken ekemande onyuŋ ọbọọkde fin.»
28Ede Yisọs ọbọọrọ ete, «Idem-Mbubod enehede ọdiọŋ mmọnido okopde ikọọ ise onyuŋ anam se enye ọdọhọde.»
MMỌN OWOM EYEM UTIBE MPỌ
Luk 11:29-32; Matio 12:38-42
29Ede nte otu owom ekanade Yisọs awakde akaa, enye ete mmọ, «Mfo mmọn emana eken idioi, sia mfo iyeemde nam utibe-mpọ mbaak nwuri ke Idem-Mbubod ekedọŋ min. Ede utibe-mpọ mfo imi'kudde anaante se eketibede ma Yona asiak-uduak.#11:29 Yona ekede asiak-uduak Idem-Mbubod tọọŋọ ke esed. Akwaa iyak emen eme. Ede ke ọyọhọ usen ita, Idem-Mbubod anam iyak ido ọkọk Yona onum ke ọpọ obod 30Nsọ nte Yona asiak-uduak ekedede idiọŋọ ọnọ mmọn ekeduŋde ke obio Ninife, nsọ ntoro ke Ami Eyen-Owom mmenam nwuri mmọn amana eken ke Idem-Mbubod ekedọŋ min. 31K'usen ipe, ọbọọŋ anwaan Seba eside usuk-usuk aka ibeene idaa ibiom mmọn emana eken ipe k'idiọk ido mmọ. Sia enye eside k'apature obio edikop ikọọ ikike ọbọọŋ Sọrọmọn. Ede enyeem nken enyenede ikike oponde akan Sọrọmọn odumi ede mf'ipaŋke utọŋ inọ eme. 32K'idaha ipe, mmọn Ninife ekaibene idaa ibiom mmọn emana eken ipe k'idọk mpọ mmọ, sia mmọ ama ekaabade esid k'ukwọọrọ ikọọ Yona. Ndien yak ndọhọ mfo ke enyem nken oponde akan Yona odumi ede mfo inyiimeke ikabade esid.
UTUENIKAŊ IPỌKIDEM
Luk 11:33-36; Matio 6:22-23
33«Ndien Yisọs ete, owom berikeen idomoke utuenikaŋ iben idiọọk ikubi, utumọkeodo ekọọŋ eme ke mpọ ukọŋikaŋ mbaak ayaama ọnọ owom keen ekedede ọdukde ufọk ikoro. 34Enyin owom anante utuenikaŋ ipọkidem ise. Owom eken akande emeene usuŋ mfọn-mfọn, eminaa nte mfifien idem ise ọyọhọ ma unwana. Ede owom eken ikanke ikud usuŋ ọfọn, eminaa nte mfifien idem ise ọyọhọ ma ekum. 35Ndien ipeme do mbaak unwana iken odude mfo k'idem ikabade ide ekum. 36Ndien idehe mfifien idem owom ọyọhọ ma unwana, mamaa ekum berikeen iduhe eme k'idem, mfifien idem ise akabade ọyọhọ ma unwana. Ukem nte akwaa unwana ayaama ọfuk fin.»
MBỌM-MBỌM MMỌN FARISI MA MME EPEEBI-MBED
37Nte Yisọs eke atiŋde ikọọ iken ama, owom Farisi keen okood eme ete edidia ndia ma eme k'ufọk ise. Ndien Yisọs ọduk ufọk ise eke ọsuuk etie idia ndia. 38#11:38 Mmọn Yuu enyene ido uyede ubọk ke nsasana usuŋ inye mmọ adia ndia k'ido upono obod mmọ. Mme Farisi ekere ke inam ntee ede apan ataa mpọEde k'idaha owom Farisi okudde ke Yisọs ikiyereke ubọk nte ido mmọn Yuu edede inye enye adia ndia, idem apa eme.
39Ede Ọbọọŋ Yisọs ete eme, «Mfo mmọn Farisi inaa nte mmọnimi eseyedde edem kọọp ma usan asaana, ede mf'iyedke esid. Mf'iyed ubọk ede esid mfo ọyọhọ ma idiọk itọŋ ma ibak. 40Mf'ideeŋe mme ntutun! Mf'idiọŋọke ke Idem-Mbubod nken obodde ipọkidem mfo ke nsọ enye obod esid mfo? 41Ede mfiikide sọ mmọn idiọk itọŋ ma mmọn ibak. Ede nnọ mme ubueene se enyenede ke ofuri esid mfo ndien mf'ika inehede isana k'iso Idem-Mbubod.
42«Ede mbọm-mbọm mfo mmọn Farisi! Sia mfo ipe mbaak keen ke duop ke mpọ nken idehe apan mpọ nte, utọọŋ, ikọọ, ma mme ifaŋ inwaŋ ewen, ede mf'isin apan mpọ nte, inam se ọfọnde ma mmọn owom ma ima Idem-Mbubod. Mfo ipikwa itum inam mme mpan mpọ nken ma mme mpara mmọnidiken.
43«Ede mbọm-mbọm mfo mmọn Farisi! Sia mf'iyeemde itie ke nkwaa itie k'efe-upono, inyuŋ imade owom ọkọm mfo ma upono ke anwa udua.
44Mbọm-mbọm mfo mme epeebi-mbed Muses ma mmọn Farisi sia mf'inaa nte ndibe udi k'inwaŋ, emi mmọn owom ọdọọkde esaaŋa sia mmọ idiọŋọke k'udi odu kendo emi anamde mmọ edehe.»
45Ede owom keen k'otu mme epeebi-mbed Muses ete Yisọs, «Atitia, ofo ọsọŋọ nnyin enyin, k'ikọọ iken ofo atiŋde ma mmọn Farisi.»
46Ede Yisọs ọbọọrọ eme ete, «Mbọm-mbọm mfo, mme epeebi-mbed Muses, sia mf'ibọpde mbed nken ọsọŋde inam inọ mmọn owom, ede mfo k'idem mfo idomoke ukeme inam mme utọ mbed nkoro. 47Ede mbọm-mbọm mfo mme epeebi-mbed Muses! Sia mf'ibọọbide udi mme asiak-uduak mbaak mf'ipono mmọ, emi mme ntaa-ntaa mfo eke owoodide. 48Ke mf'inam ntee, mf'inyiime inyuŋ isọọŋọ se mme ntaa ntaa mfo ekenamde. Mmọ owoodi mme asiak-uduak, mfo inyuŋ ibọọbi udi mmọ. 49Ke ntak ibak mf'ikinamide, Idem-Mbubod ke ikike ise ete, ‹Nkaa idọŋ mme asiak-uduak ma mme nsaŋa-utom nnọ mfo mmọn Isuel, mmọ aka ikọbọ usuk mmọ enyuŋ owoodi mmọnidiken.› 50«Ndien mmọn emaana eken ekaibọ ufen ke mpa mme asiak-uduak emi mme ntaa-ntaa mfo ekewoodide tọọŋọ ke ntọọŋọ odorobod. 51Emi ede mfifien mme asiak-uduak tọọŋọde ke Ebel tutu esibi ini mme ntaa-ntaa mfo ekewodde Sakaraya. Mmọ ekewod eme ke ufọọd okpokoro-uwa ma efe-uwa. Ede ekaiben ufen ikoro edodi mmọn emana eken ikidem.#11:51 Ebel ekede ataa apa owom ekewodde ke Akaani Ediomi. Yenesis 4:8 Sakaraya ede apature mmọ ekewodde 2Kronicle 24:20-22.
52«Mbọm-mbọm mfo, mme epeebi-mbed! Sia mfo iben itadusuŋ iken eberede usuŋ idiọŋọ Idem-Mbubod, mfo k'idem mfo idiọŋọke Idem-Mbubod, ede mfo ipan mmọnimi eyemde idiọŋọ eme.»
53Ndien Yisọs ekepọŋ ufọk owom Farisi okoro, mme Farisi ma mme epeebi-mbed Muses etọọŋọ enam mfina ma eme, ebiime eme mbime ebaaŋa uwak mpọ. 54Mmọ eyeemi usuŋ nte enye epe atiŋde idiọọk ikọọ mbaak mmọ efik eme ọmum eben ekaa ipe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.