Luk 9
9
YISỌS ỌDỌŊ NSAŊA UTOM ISE DUOPEBAA EKEKWỌỌRỌ IKỌỌ ENYUŊ EKỌK MMỌN OWOM UDỌŊỌ
Matio 10:5-15; Luk 9:1-6
1Ekem Yisọs okood mme nsaŋa-utom nse duopebaa obon ọtọkeen. Ọnọ mmọ odudu ma uneen ibine mfifien mme sibidid idem-epo nsioŋo mmọn owom k'idem, nyuŋ nkọk mmọnido ọdọŋọde. 2Ndien enye onyuŋ ọdọŋ mmọ ete eka mme nsio-nsio itie ekekwọọrọ edidi obio-ubọọŋ Idem-Mbubod enọ mmọn owom, amaana anam mmọnimi ọdọŋọde ekop nsọŋidem. 3Yisọs onyuŋ ọdọhọ mmọ ete, ikikama mpọ beriberikeen k'isaŋ mfo, ikikama esaŋ, epad ma ndia. Ikikama sọ oyoomo ma upuhe idem. 4Ufọk eke okoodde mfo, mf'ikaa, idu kendo tutu ekemini mfo imiyuŋde. 5Ede ọtọ ekedede mmọn owom inyiimeke mfo, ikeŋ ntan ipad mfo, nte mf'ipọŋde obio okoro nte ntiense ke mmọ inyiimeke mfo. Enyeem aka iwuri ke mmọ ede ntak mmọ ibọhọ edinyaaŋa Idem Mbudod. 6Ndien mme nsaŋa-utom Yisọs adaha akaa ke mme esid obio keen keen ekekwọọrọ etiti mbuk amana ọkọk mmọn owom udọŋọ ke mfifien mme itie.
ỌBỌỌŊ ERỌD IMUMKE IBUOD IBAAŊA YISỌS
Matio 14:1-12; Maak 6:14-29
7Ede Erọd Adaa-ibuod k'idak ukara Kadidi ekeokop abaaŋa mfifien utibe-mpọ se etibede. Ekikere ese etimede etiti, sia mmọn owom eketiŋide nsio-nsio mpọ ebaaŋa Yisọs, usuk mmọ ete ke enye ede Yọọn eseedide ke mpa. 8Ede usuk owom ete, asiak-uduak Idaiya amaana edi, mmọnidiken ete, owom keen k'otu mme asiak-uduak Idem-Mbubod ke esed amaana edi. 9Ndien Erọd ekere ke esid ese ete, «Ikemeke ide Yọọn sia ma ndọŋ mmọn ekọŋ mi ekebiere eme ibuod. Ede nenye epeworo nkopde utọọ utibe-mpọ nken mbaaŋa eme?» Ndien Erọd eyeemi usuŋ nte enye epe okudde Yisọs.
YISỌS ỌNỌ OWOM TỌUSIN ITION NDIA
Matio 14:13-21; Maak 6:30-44; Yọọn 6:1-15
10Edikem mme nsaŋa-utom Yisọs duopebaa, ekesere edi, mmọ edibuk ọnọ Yisọs mfifien se mmọ ekenamde. Ndien Yisọs ada mmọ ọpọŋ ke ndibe akaa ke nsaad isọŋ eperede obio Bedsaida. 11Ede otu owom ekediọŋọ ọtọ Yisọs ma nsaŋa-utom ise ekekaade, mmọ ekene akaa do. Mmọ ekesim, Yisọs enem esid ikud mmọ onyuŋ epeebi mmọ mpọ abaŋa obio-ubọọŋ Idem-Mbubod, ọkọk mmọnido ekedọŋọde.
12K'idaha oyo ọtọọŋọ isuuk, mme nsaŋa-utom Yisọs duopebaa esaaŋa epere Yisọs enọ ekikere ete, atitia, mbọk dọhọ otu owom eken enyuŋe mbaak mmọ akaa nkan-nkuk obio ma inwaŋ ekeda ndia edia enyuŋ eyeem itie se mmọ eminaade, sia nnyin idu mi ke oporo.
13Ede Yisọs ete mmọ, mfo k'idem mfo inọ mmọ ndia. Ede mmọ ọbọọrọ, nnyin iminam ntewe inam ami? Nnyin inyene mpara uyoo ition ma mpara iyak ibaa. Nnyin inyeneke uwak ndia ibọhọke nnyin ikakaa ikidep ndia inọ mmọn owom eken. 14Mmọ eketiŋ emi sia ibad ideeni k'otu owom eken ama ọyọhọ mpọ nte tọusin ition. Ede Yisọs ọdọhọ mme nsaŋa-utom nse yak mmọ anam mmọn owom ọsuk etie k'otu abaa ma-duop ma-duop. 15Mmọ anam nte enye ọkọdọhọde, mfifien owom enyuŋ etie k'otu. 16Ndien Yisọs eben uyo ition ma iyak ibaa ido, edibede enyin ke onyuŋ ọkọm Idem-Mbubod, obuŋ uyoo ma iyak ikoro. Ayak ọnọ mme nsaŋa-utom nse yak mmọ edeeme enọ otu owom. 17Ndien mmọ mfifien edia nsa ọyọk mmọ, nsaŋa-utom ise ekoono nsuhọ ndia ọyọhọ epasa duopebaa, duopebaa.
PITE AYAARA KE YISỌS EDE KRAIS
Matio 16:13-20; Maak 8:27-30
18Usen keen nte Yisọs ọbọŋde akam ọpọọŋ, mme nsaŋa-utom ise ekeodudo epere. Enye ekebọŋ ama ebib mmọ, «Mmọn owom ebe ke ami nde enye?»
19Mmọ ọbọọrọ eme ete, «Usuk owom ekere ke ofo ede Yọọn ọduọk owom mmuuŋ, emi Idem-Mbubod ekenamde enye eseedi ke mpa. Mmọndiken ete, ke ofo ede asiak-uduak Idaiya emi amaanade esi edem-onyuŋ edi, mmọn ewen ete, ke ofo ede keen k'otu mme asiak-uduak Idem-Mbubod emi eke apade ndien amaana eseedide.»
20Ede Yisọs ebib mmọ, «Mfo-o? Mf'ibe ke emi nde enye?» Pite ọbọọrọ eme, «Ofo ede Andinyaaŋa eside Idem-Mbubod.»
YISỌS ETIŊ ABAAŊA MPA NSE MA EDISED KE MPA
Matio 16:20-23; Maak 8:30-33
21Ndien enye ọnọ mmọ ewuhọ ete, «Owom mfo berikeen ititiŋ sọ ikọọ iken inọ owom beriberikeen.» 22Ndien enye anam anwaŋa mmọ ete, «Odod min Eyen-Owom ikud uwak ọpọsọŋ ukuud. Nkenye-owom mme Yuu, oku-uwa, ma mmọn epeebi-mbed Muses akaibe k'idehe ami nde Andinyaaŋa. Mmọ akaiwod min, ede Idem-Mbubod akainam min nsed k'ọyọhọ usen ita.»
IKOOD IDI ISAAŊA MA YISỌS
Matio 16:24-27; Maak 8:34-38
23Ndien Yisọs ete mmọ mfifien, «Owom ekedede emi eyemde ide mbed ni, anante enye ayak mfifien udọŋ ise, ebeeŋeidem ibọ ufen nyuŋ mpa. Ndien enye ekeme ide mbed ni. 24Koro owom ekedede eyemde inyaaŋa uwem ise ke odorobod iken, akaiduọk, ede owom ekeyakde uwem ise ke ntak ide mbed ni akainyene uwem nsinsi. 25Sọ emide udodi ofo unyene mfifien inyene odorobod eken ede unyeneke uwem nsinsi? 26Ede ofo ubaak obuud ubaaŋa min ma ikọọ mi, ami Eyen-Owom nka ibaak obuud mbaaŋa fin k'idaha maana ndi odorobod k'ubọọŋ mi ma eke ntaa mi ma eke mme nsasana mme enyere emi idide ma ami. 27Ede ntiŋ apanikọọ nnọ mfo, usuk owom odudo edidakde ke mi nken imhi itabi mpa tutu mmọ okud obio-ubọọŋ Idem-Mbubod.
YISỌS OPUHE UDUOOD KE OPUPO
Matio 16:28; 17:9; Maak 9:2-10
28Ke mpọ nte usen itiaita imaikibei YISỌS atiŋde mme mpọ nken, enye eben Pite, Yọọn ma Yemsi akaa ibọŋ akam ke opupo. 29Nte enye ọsuk ọbọŋde akam, iso ma mfọrọ-idem ise opuhe, akabade ayaama nte ọfọnfọn. 30Ndien ke ataa idaha-idaha ikoro owom ibaa ekede Muses ma Idaiya eneme-neme ma Yisọs. 31Mmọ ọwọrọ k'ubọọŋ etọọŋọ eneme ebaaŋa edidi ma mpa nse ma nte enye eminamde uduak Idem-Mbubod ọwọrọ esu ke obio Yedusedem. 32Ndien ọpọsọŋ idap ama ọmum Pite ma nsaŋa-utom ibaa iken. Ede mmọ ekedeeme, mmọ okud Yisọs ayaama nte unwana ikaŋ. Mmọ onyuŋ okud ideeni ibaa emi ekedaade adiaana eme. 33Ndien nte ideeni ibaa ikoro ekemi idahade, Pite ete Yisọs, «Atitia ipa ifọn nnyin iduduŋ ke mmi nken. Yak nnyin ibọp atayad ita, keen enyene fin, keen enyene Muses, keen onyuŋ enyene Idaiya.» Sia enye ikidiọŋọke se enye eke atiŋde.
34Ede nte Pite ọsuk entiŋde ikọọ k'inua, ntọŋ onyuŋ edifuk mmọ. Ndien umim anam mme nsaŋa-utom nte ntọŋ onyuŋ ọfukde mmọ. 35Ndien Idem-Mbubod atiŋ ikọọ ke ntọŋ onyuŋ ete, «Enyeem ede eyen ni. Ami mmemek eme. Ikop uyoo Ise.» 36Idem-Mbubod eketiŋ ikọọ amaa, mmọ okud ke Yisọs ọpọọŋ okodu do ma mmọ. Mmọ ikitiŋke inọ owom berikeen se mmọ ekekudde onyuŋ okopde ke anyan ini.
YISỌS EBINE SIBIDID IDEM-EPO OSIO APARA EYEN IDEENI K'IDEM
Matio 17:14-21; Maak 9:14-29
37Nte Yisọs ma nsaŋa-utom ise esuhọdede ke opupo edi ke edem usen, akwaa otu owom ekesuk adaa ebed eme. 38Ndien idaha-idaha ikoro ete keen k'otu owom okood Yisọs ete, «Atitia, mmempe fin ubọk, nyaaŋa nkukweeŋe eyen ideeni keen nyenede.» 39Mme sibidid Idem-epo esewak idiooŋi eme ikikam tutu enye etedede mpubio. Onyuŋ ọtuhọde eme afai-afai tutu ọpọ-etap ọwọrọ eme k'inua. Mme sibidid idem-epo enọọŋọ eme unan inyiimeke idaha ipọŋ eme. 40«Mma ndipei mme nsaŋa-utom fo yak mmọ ebin mme sibidid idem-epo eken osio eme k'idem, ede mmọ ikikanke.»
41Ndien Yisọs ekekop ntoro ete, «Mfo inum ke Idem-Mbubod ke apanikọọ, mfo ide mme anaam idiọk! Ami mmedu ma mfo mpeene ede mfo inum ke min ke apanikọọ!» Ndien Yisọs ete ete okoro, «Ben eyen fo di nse.»
42Nte enye ebende eyen ese asaaŋa ebine Yisọs, sibidid idem-epo eben eme ọtọ k'isọŋ, onyuŋ odiooŋi eme afai-afai. Ede Yisọs ọnọ mme sibidid idem-epo eken ipan, ete asaaŋa eme ayak. Enye ọkọk eyen okoro onyuŋ ayak eme ọnọ ntaa nse.
YISỌS ỌNỌ UYAARA ABAAŊA MPA NSE
Matio 17:22-23; Maak 9:30-32
43Idem amaapa mfifien owom okudde akwaa odudu Idem-Mbubod. Ede k'idaha mmọ mfifien ọsuk odude ke mpaidem abaaŋa mfifien utibe-mpọ se Yisọs anamde, enye ete mme nsaŋa-utom ise duopebaa.
44«Ineŋede ipaŋ utọŋ inọ min inyuŋ mum ikọọ iken isin ke esid mfo. Imihipeene mmọ ekaitab min Eyen-owom inọ mmọn ndiọi owom. 45Edese Yisọs eketiŋde ikiwaaŋake mme nsaŋa-utom ise, sia ema edib mmọ mpọ nken. Ede umim amaanam mmọ ibib Yisọs se utọ ikọọ iken enye atiŋde ọwọrọde.
46Ede mmọ ọtọọŋọ niniine k'idem mmọ ete, mme enye owom k'otu mmọ emide akwaa owom. 47Ede Yisọs ama ọdiọŋọ ekikere esid mmọ. Enye ọmum apara eyen k'ubọk anam enye adaa eme ke nkaŋ, 48Ete mme nsaŋa-utom ise, owom ekenyiimede apara eyen nte enyem nken ke ntak mmi, enye ekenyiime min. Ndien owom eke enyiimede min onyuŋ enyiime Idem-Mbubod emi ekedọŋde min. Sia owom eke atakde akan, enye ede mpon nkan k'iso Idem-Mbubod.
49Ndien Yọọn ọbọọrọ ete, «Atitia, nnyin imaikud owom ebinede idem-epo osiooŋo mmọn owom k'idem ke odudu enyiŋ fo. Ede nnyin inyuŋ ipan eme sia enye ibuaanake mpọ ma nnyin.» 50Ede Yisọs ete eme ntee, «Ikipan sọ utọ owom okoro, sia owom eken ibiọŋọke nnyin, adadaa ma nnyin.
MMỌN SAMEDIA ESIN YISỌS
Luk 9:51-56
51Ede usen ekedikem emi anaade nte Yisọs afiak onyuŋ edem-onyuŋ, enye amaanam ubiere ikaa obio Yedusedem. 52Ndien enye ọdọŋ mme isuŋ-utom ebem eme iso ekaa, mmọ adaha obio keen k'idak ukara Samedia, mbaak mmọ ọtum itie ebeeŋe eme. 53Ede mmọn obio okoro esin Yisọs ma nsaŋa-utom ise itie ke obio mmọ, sia mmọ enehede ọdiọŋọ ke enye emidikaa obio Yedusedem. 54Ede mme nsaŋa-utom ise, Yemsi ma Yọọn okudde ntee, mmọ ete eme, Ọbọọŋ upa uyiime nnyin ikood ikaŋ esi edem-onyuŋ edita mmọ ukem nte Idaiya ekenamde? 55Ede Yisọs ọwuŋọde atuaa ọnọ mmọ, onyuŋ ete, «mfo idiọŋọke utọọ sibidid eke mf'inyenede.» 56Sia eyen-owom ikidihe isobo uwem owom ede ekedi mbaak anyaaŋa, ndien mmọ ebei akaa obio ewen.
IDEHE MEMMEM MPỌ ISAAŊA MA YISỌS
Matio 8:18-22
57Nte Yisọs ma mme nsaŋa-utom ise esaaŋade epere Yedusedem, ete keen asaaŋa epere Yisọs ete, «Ọbọọŋ nka nkeene fin nka ọtọ amukakaa.
58Ndien Yisọs ete eme, ebuua ikọd enyene udaŋ ise, inuen-onyuŋ ọnyuŋ enyene efọk, ede ami Eyen-Owom nyeneke ọtọ naade.
59Ede Yisọs ete owom eyeken, «keene min dide mbed mi.» Ede enye ete eme, «Ọbọọŋ nkwa yak kaaŋa mbemiso nkebuuk ntaa mi kaŋa.»
60Yisọs ọbọọrọ eme ete, «Mmọnido iponoke Idem-Mbubod anante mme apampa. Yak mmọnido apaaŋade ke sibidid ebuk mme apa-mpaaŋa mmọ#9:60 Mmọnido idiọŋọke Idem-Mbubod anante mme apa-mpa, ede yak mmọ ọbuk mme apa-mpa mmọ ede ofo, kaa ke kwọọrọ ikọọ obio-ubọọŋ Idem-Mbubod.»
61Owom ewen ete Yisọs, «Ọbọọŋ, mmebeeŋe idem ikene fin nte mbed fo, ede yak mbemiso nkekọm mmọn ufọk nnyin apature ekọm.»
62Ede Yisọs ete eme, owom ekedede mbed mmi ndien enye eyeem imaana iyuurọ ikidu akaani uwem ise enye idodke ide anam utom obio-ubọọŋ Idem-Mbubod.
ទើបបានជ្រើសរើសហើយ៖
Luk 9: NKZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 9
9
YISỌS ỌDỌŊ NSAŊA UTOM ISE DUOPEBAA EKEKWỌỌRỌ IKỌỌ ENYUŊ EKỌK MMỌN OWOM UDỌŊỌ
Matio 10:5-15; Luk 9:1-6
1Ekem Yisọs okood mme nsaŋa-utom nse duopebaa obon ọtọkeen. Ọnọ mmọ odudu ma uneen ibine mfifien mme sibidid idem-epo nsioŋo mmọn owom k'idem, nyuŋ nkọk mmọnido ọdọŋọde. 2Ndien enye onyuŋ ọdọŋ mmọ ete eka mme nsio-nsio itie ekekwọọrọ edidi obio-ubọọŋ Idem-Mbubod enọ mmọn owom, amaana anam mmọnimi ọdọŋọde ekop nsọŋidem. 3Yisọs onyuŋ ọdọhọ mmọ ete, ikikama mpọ beriberikeen k'isaŋ mfo, ikikama esaŋ, epad ma ndia. Ikikama sọ oyoomo ma upuhe idem. 4Ufọk eke okoodde mfo, mf'ikaa, idu kendo tutu ekemini mfo imiyuŋde. 5Ede ọtọ ekedede mmọn owom inyiimeke mfo, ikeŋ ntan ipad mfo, nte mf'ipọŋde obio okoro nte ntiense ke mmọ inyiimeke mfo. Enyeem aka iwuri ke mmọ ede ntak mmọ ibọhọ edinyaaŋa Idem Mbudod. 6Ndien mme nsaŋa-utom Yisọs adaha akaa ke mme esid obio keen keen ekekwọọrọ etiti mbuk amana ọkọk mmọn owom udọŋọ ke mfifien mme itie.
ỌBỌỌŊ ERỌD IMUMKE IBUOD IBAAŊA YISỌS
Matio 14:1-12; Maak 6:14-29
7Ede Erọd Adaa-ibuod k'idak ukara Kadidi ekeokop abaaŋa mfifien utibe-mpọ se etibede. Ekikere ese etimede etiti, sia mmọn owom eketiŋide nsio-nsio mpọ ebaaŋa Yisọs, usuk mmọ ete ke enye ede Yọọn eseedide ke mpa. 8Ede usuk owom ete, asiak-uduak Idaiya amaana edi, mmọnidiken ete, owom keen k'otu mme asiak-uduak Idem-Mbubod ke esed amaana edi. 9Ndien Erọd ekere ke esid ese ete, «Ikemeke ide Yọọn sia ma ndọŋ mmọn ekọŋ mi ekebiere eme ibuod. Ede nenye epeworo nkopde utọọ utibe-mpọ nken mbaaŋa eme?» Ndien Erọd eyeemi usuŋ nte enye epe okudde Yisọs.
YISỌS ỌNỌ OWOM TỌUSIN ITION NDIA
Matio 14:13-21; Maak 6:30-44; Yọọn 6:1-15
10Edikem mme nsaŋa-utom Yisọs duopebaa, ekesere edi, mmọ edibuk ọnọ Yisọs mfifien se mmọ ekenamde. Ndien Yisọs ada mmọ ọpọŋ ke ndibe akaa ke nsaad isọŋ eperede obio Bedsaida. 11Ede otu owom ekediọŋọ ọtọ Yisọs ma nsaŋa-utom ise ekekaade, mmọ ekene akaa do. Mmọ ekesim, Yisọs enem esid ikud mmọ onyuŋ epeebi mmọ mpọ abaŋa obio-ubọọŋ Idem-Mbubod, ọkọk mmọnido ekedọŋọde.
12K'idaha oyo ọtọọŋọ isuuk, mme nsaŋa-utom Yisọs duopebaa esaaŋa epere Yisọs enọ ekikere ete, atitia, mbọk dọhọ otu owom eken enyuŋe mbaak mmọ akaa nkan-nkuk obio ma inwaŋ ekeda ndia edia enyuŋ eyeem itie se mmọ eminaade, sia nnyin idu mi ke oporo.
13Ede Yisọs ete mmọ, mfo k'idem mfo inọ mmọ ndia. Ede mmọ ọbọọrọ, nnyin iminam ntewe inam ami? Nnyin inyene mpara uyoo ition ma mpara iyak ibaa. Nnyin inyeneke uwak ndia ibọhọke nnyin ikakaa ikidep ndia inọ mmọn owom eken. 14Mmọ eketiŋ emi sia ibad ideeni k'otu owom eken ama ọyọhọ mpọ nte tọusin ition. Ede Yisọs ọdọhọ mme nsaŋa-utom nse yak mmọ anam mmọn owom ọsuk etie k'otu abaa ma-duop ma-duop. 15Mmọ anam nte enye ọkọdọhọde, mfifien owom enyuŋ etie k'otu. 16Ndien Yisọs eben uyo ition ma iyak ibaa ido, edibede enyin ke onyuŋ ọkọm Idem-Mbubod, obuŋ uyoo ma iyak ikoro. Ayak ọnọ mme nsaŋa-utom nse yak mmọ edeeme enọ otu owom. 17Ndien mmọ mfifien edia nsa ọyọk mmọ, nsaŋa-utom ise ekoono nsuhọ ndia ọyọhọ epasa duopebaa, duopebaa.
PITE AYAARA KE YISỌS EDE KRAIS
Matio 16:13-20; Maak 8:27-30
18Usen keen nte Yisọs ọbọŋde akam ọpọọŋ, mme nsaŋa-utom ise ekeodudo epere. Enye ekebọŋ ama ebib mmọ, «Mmọn owom ebe ke ami nde enye?»
19Mmọ ọbọọrọ eme ete, «Usuk owom ekere ke ofo ede Yọọn ọduọk owom mmuuŋ, emi Idem-Mbubod ekenamde enye eseedi ke mpa. Mmọndiken ete, ke ofo ede asiak-uduak Idaiya emi amaanade esi edem-onyuŋ edi, mmọn ewen ete, ke ofo ede keen k'otu mme asiak-uduak Idem-Mbubod emi eke apade ndien amaana eseedide.»
20Ede Yisọs ebib mmọ, «Mfo-o? Mf'ibe ke emi nde enye?» Pite ọbọọrọ eme, «Ofo ede Andinyaaŋa eside Idem-Mbubod.»
YISỌS ETIŊ ABAAŊA MPA NSE MA EDISED KE MPA
Matio 16:20-23; Maak 8:30-33
21Ndien enye ọnọ mmọ ewuhọ ete, «Owom mfo berikeen ititiŋ sọ ikọọ iken inọ owom beriberikeen.» 22Ndien enye anam anwaŋa mmọ ete, «Odod min Eyen-Owom ikud uwak ọpọsọŋ ukuud. Nkenye-owom mme Yuu, oku-uwa, ma mmọn epeebi-mbed Muses akaibe k'idehe ami nde Andinyaaŋa. Mmọ akaiwod min, ede Idem-Mbubod akainam min nsed k'ọyọhọ usen ita.»
IKOOD IDI ISAAŊA MA YISỌS
Matio 16:24-27; Maak 8:34-38
23Ndien Yisọs ete mmọ mfifien, «Owom ekedede emi eyemde ide mbed ni, anante enye ayak mfifien udọŋ ise, ebeeŋeidem ibọ ufen nyuŋ mpa. Ndien enye ekeme ide mbed ni. 24Koro owom ekedede eyemde inyaaŋa uwem ise ke odorobod iken, akaiduọk, ede owom ekeyakde uwem ise ke ntak ide mbed ni akainyene uwem nsinsi. 25Sọ emide udodi ofo unyene mfifien inyene odorobod eken ede unyeneke uwem nsinsi? 26Ede ofo ubaak obuud ubaaŋa min ma ikọọ mi, ami Eyen-Owom nka ibaak obuud mbaaŋa fin k'idaha maana ndi odorobod k'ubọọŋ mi ma eke ntaa mi ma eke mme nsasana mme enyere emi idide ma ami. 27Ede ntiŋ apanikọọ nnọ mfo, usuk owom odudo edidakde ke mi nken imhi itabi mpa tutu mmọ okud obio-ubọọŋ Idem-Mbubod.
YISỌS OPUHE UDUOOD KE OPUPO
Matio 16:28; 17:9; Maak 9:2-10
28Ke mpọ nte usen itiaita imaikibei YISỌS atiŋde mme mpọ nken, enye eben Pite, Yọọn ma Yemsi akaa ibọŋ akam ke opupo. 29Nte enye ọsuk ọbọŋde akam, iso ma mfọrọ-idem ise opuhe, akabade ayaama nte ọfọnfọn. 30Ndien ke ataa idaha-idaha ikoro owom ibaa ekede Muses ma Idaiya eneme-neme ma Yisọs. 31Mmọ ọwọrọ k'ubọọŋ etọọŋọ eneme ebaaŋa edidi ma mpa nse ma nte enye eminamde uduak Idem-Mbubod ọwọrọ esu ke obio Yedusedem. 32Ndien ọpọsọŋ idap ama ọmum Pite ma nsaŋa-utom ibaa iken. Ede mmọ ekedeeme, mmọ okud Yisọs ayaama nte unwana ikaŋ. Mmọ onyuŋ okud ideeni ibaa emi ekedaade adiaana eme. 33Ndien nte ideeni ibaa ikoro ekemi idahade, Pite ete Yisọs, «Atitia ipa ifọn nnyin iduduŋ ke mmi nken. Yak nnyin ibọp atayad ita, keen enyene fin, keen enyene Muses, keen onyuŋ enyene Idaiya.» Sia enye ikidiọŋọke se enye eke atiŋde.
34Ede nte Pite ọsuk entiŋde ikọọ k'inua, ntọŋ onyuŋ edifuk mmọ. Ndien umim anam mme nsaŋa-utom nte ntọŋ onyuŋ ọfukde mmọ. 35Ndien Idem-Mbubod atiŋ ikọọ ke ntọŋ onyuŋ ete, «Enyeem ede eyen ni. Ami mmemek eme. Ikop uyoo Ise.» 36Idem-Mbubod eketiŋ ikọọ amaa, mmọ okud ke Yisọs ọpọọŋ okodu do ma mmọ. Mmọ ikitiŋke inọ owom berikeen se mmọ ekekudde onyuŋ okopde ke anyan ini.
YISỌS EBINE SIBIDID IDEM-EPO OSIO APARA EYEN IDEENI K'IDEM
Matio 17:14-21; Maak 9:14-29
37Nte Yisọs ma nsaŋa-utom ise esuhọdede ke opupo edi ke edem usen, akwaa otu owom ekesuk adaa ebed eme. 38Ndien idaha-idaha ikoro ete keen k'otu owom okood Yisọs ete, «Atitia, mmempe fin ubọk, nyaaŋa nkukweeŋe eyen ideeni keen nyenede.» 39Mme sibidid Idem-epo esewak idiooŋi eme ikikam tutu enye etedede mpubio. Onyuŋ ọtuhọde eme afai-afai tutu ọpọ-etap ọwọrọ eme k'inua. Mme sibidid idem-epo enọọŋọ eme unan inyiimeke idaha ipọŋ eme. 40«Mma ndipei mme nsaŋa-utom fo yak mmọ ebin mme sibidid idem-epo eken osio eme k'idem, ede mmọ ikikanke.»
41Ndien Yisọs ekekop ntoro ete, «Mfo inum ke Idem-Mbubod ke apanikọọ, mfo ide mme anaam idiọk! Ami mmedu ma mfo mpeene ede mfo inum ke min ke apanikọọ!» Ndien Yisọs ete ete okoro, «Ben eyen fo di nse.»
42Nte enye ebende eyen ese asaaŋa ebine Yisọs, sibidid idem-epo eben eme ọtọ k'isọŋ, onyuŋ odiooŋi eme afai-afai. Ede Yisọs ọnọ mme sibidid idem-epo eken ipan, ete asaaŋa eme ayak. Enye ọkọk eyen okoro onyuŋ ayak eme ọnọ ntaa nse.
YISỌS ỌNỌ UYAARA ABAAŊA MPA NSE
Matio 17:22-23; Maak 9:30-32
43Idem amaapa mfifien owom okudde akwaa odudu Idem-Mbubod. Ede k'idaha mmọ mfifien ọsuk odude ke mpaidem abaaŋa mfifien utibe-mpọ se Yisọs anamde, enye ete mme nsaŋa-utom ise duopebaa.
44«Ineŋede ipaŋ utọŋ inọ min inyuŋ mum ikọọ iken isin ke esid mfo. Imihipeene mmọ ekaitab min Eyen-owom inọ mmọn ndiọi owom. 45Edese Yisọs eketiŋde ikiwaaŋake mme nsaŋa-utom ise, sia ema edib mmọ mpọ nken. Ede umim amaanam mmọ ibib Yisọs se utọ ikọọ iken enye atiŋde ọwọrọde.
46Ede mmọ ọtọọŋọ niniine k'idem mmọ ete, mme enye owom k'otu mmọ emide akwaa owom. 47Ede Yisọs ama ọdiọŋọ ekikere esid mmọ. Enye ọmum apara eyen k'ubọk anam enye adaa eme ke nkaŋ, 48Ete mme nsaŋa-utom ise, owom ekenyiimede apara eyen nte enyem nken ke ntak mmi, enye ekenyiime min. Ndien owom eke enyiimede min onyuŋ enyiime Idem-Mbubod emi ekedọŋde min. Sia owom eke atakde akan, enye ede mpon nkan k'iso Idem-Mbubod.
49Ndien Yọọn ọbọọrọ ete, «Atitia, nnyin imaikud owom ebinede idem-epo osiooŋo mmọn owom k'idem ke odudu enyiŋ fo. Ede nnyin inyuŋ ipan eme sia enye ibuaanake mpọ ma nnyin.» 50Ede Yisọs ete eme ntee, «Ikipan sọ utọ owom okoro, sia owom eken ibiọŋọke nnyin, adadaa ma nnyin.
MMỌN SAMEDIA ESIN YISỌS
Luk 9:51-56
51Ede usen ekedikem emi anaade nte Yisọs afiak onyuŋ edem-onyuŋ, enye amaanam ubiere ikaa obio Yedusedem. 52Ndien enye ọdọŋ mme isuŋ-utom ebem eme iso ekaa, mmọ adaha obio keen k'idak ukara Samedia, mbaak mmọ ọtum itie ebeeŋe eme. 53Ede mmọn obio okoro esin Yisọs ma nsaŋa-utom ise itie ke obio mmọ, sia mmọ enehede ọdiọŋọ ke enye emidikaa obio Yedusedem. 54Ede mme nsaŋa-utom ise, Yemsi ma Yọọn okudde ntee, mmọ ete eme, Ọbọọŋ upa uyiime nnyin ikood ikaŋ esi edem-onyuŋ edita mmọ ukem nte Idaiya ekenamde? 55Ede Yisọs ọwuŋọde atuaa ọnọ mmọ, onyuŋ ete, «mfo idiọŋọke utọọ sibidid eke mf'inyenede.» 56Sia eyen-owom ikidihe isobo uwem owom ede ekedi mbaak anyaaŋa, ndien mmọ ebei akaa obio ewen.
IDEHE MEMMEM MPỌ ISAAŊA MA YISỌS
Matio 8:18-22
57Nte Yisọs ma mme nsaŋa-utom ise esaaŋade epere Yedusedem, ete keen asaaŋa epere Yisọs ete, «Ọbọọŋ nka nkeene fin nka ọtọ amukakaa.
58Ndien Yisọs ete eme, ebuua ikọd enyene udaŋ ise, inuen-onyuŋ ọnyuŋ enyene efọk, ede ami Eyen-Owom nyeneke ọtọ naade.
59Ede Yisọs ete owom eyeken, «keene min dide mbed mi.» Ede enye ete eme, «Ọbọọŋ nkwa yak kaaŋa mbemiso nkebuuk ntaa mi kaŋa.»
60Yisọs ọbọọrọ eme ete, «Mmọnido iponoke Idem-Mbubod anante mme apampa. Yak mmọnido apaaŋade ke sibidid ebuk mme apa-mpaaŋa mmọ#9:60 Mmọnido idiọŋọke Idem-Mbubod anante mme apa-mpa, ede yak mmọ ọbuk mme apa-mpa mmọ ede ofo, kaa ke kwọọrọ ikọọ obio-ubọọŋ Idem-Mbubod.»
61Owom ewen ete Yisọs, «Ọbọọŋ, mmebeeŋe idem ikene fin nte mbed fo, ede yak mbemiso nkekọm mmọn ufọk nnyin apature ekọm.»
62Ede Yisọs ete eme, owom ekedede mbed mmi ndien enye eyeem imaana iyuurọ ikidu akaani uwem ise enye idodke ide anam utom obio-ubọọŋ Idem-Mbubod.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nkari Bible by Beyond Translation is licensed under Creative Commons Attribution-ShareAlike 4.0 License.