Duk 8
8
MBABAA MEE EKE-WAMA YISỌS
1Me ada amaake abughu, Yisọs ama-adine isan̄ aka nsio-nsio mme idọn̄, Anyii ama-akaisiu akuọrọ ikuo ano atan̄ ano mme anwe eti mbọg ukrag Abasi, mme abọsul esiu dughu-iba n̄ko emaeba de mme Anyii. 2Mme usọg mbabaa n̄ko emaesan̄a mme Yisọs. Anyii ama-kpoog emmo ayaag me ubaag ndedeghe Sịbidid ano akoog emmo udun̄ọ. Kian̄ me atuk emmo akede Mmedi mee aketukko idọn̄ Makdadin Me Yisọs ama-akebịn dimọn itagha-aba asighe anyii me idee. 3Anwa-anwaa ufịn̄ akede Yoanna anwaa Chusa. Anyii akede andikana inyi ufaag adidem Erọd. Anwa-anwaa ufịn̄ akede Susanna. Mme adiwaag mbaaba ufin emaeno eba de ame Yisọs ama-akekoog. Afịd mbaaba anịm ekan̄a enwam Yisọs mme abọsul esiu me se emmo eyeyịm.
UKPIAB-NKPO MME ATO INWAN̄
(Mat 13:1-9; Mak 4:1-9)
4Usiu kian̄ uwaag atuk anwe emaetuk nsio-nsio idọn̄ edibịne Yisọs. Ndiin anyii ama-abii uwuud n̄kpo anịm akpiab emmo n̄kpo. 5Atoo, ato inwan̄ kian̄ ama-aka adisuan mme akpasịk me inwan̄. Nte anyii akesuana mme mkpasịk, usọg emmo ema eduọn̄n̄ọ me mbed akpodighe. Mme anwe ema-esan̄a efii ebughu, mme inughu anyọn̄ eno etan afịd emmo eta. 6Usọg mkpasịk ema-eduon̄n̄ọ me isọn̄ itiad, emmo ekod, ade ediyieme siade mmọn̄ ntekian̄ ikiibaa ino emmo me isọn̄ itiad. 7Usọg mkpasịk ufịn̄ ema eduon̄n̄ọ me isọn̄ nkukim. Etuu nkukịm akọd ato-kian̄ mme mkpasịk anịm ano afọg emmo awu. 8Usọg mkpasịk eduon̄n̄o me eti isọn̄. Emaekọd eno ewuum mfịd utịp ikieg se eke eto. Anyii amaake atan̄ mme nkii anịm ama,
Anyii ama-adogho mee atuk-anwe anịm me akpọsọn̄ọ uyiu atoo, Adieke ayịn̄ iben̄eke idii adikpan̄-utọn̄ ndiin Ikpan̄-utọn̄.
YISỌS ANE ANWAGHA UWUUD-N̄KPO ME ABAN̄A ATO-INWAN̄
(Mat 13:10-17; Mak 4:10-12)
9Ndiin mme mbed Yisọs emaebub anyii yaag atan̄ no anwagha se nkii anịm awuo 10Ade, anyii amaabọọrọ emmo atoo, “Abasi ama-ayaag yinne idiọn̄n̄ọ mme akpanikuo mme anwe akedidiọn̄n̄ọke me akpa iban̄a ukrag Abasi. Ade mme mbun ufịn, Amii n̄kpiab mme n̄kpo anịm me nkii, mbaag adisu se brọfed Aisaya aketan̄,
emmo eyaekịd se nne ade imi-inwaghake emmo se awuo.
Ndiin emmo eyaekuk se ntan̄, ade imi-inwaghake emmo se awuo.
11Ndiin se nkii anịm awuo ade: mkpasịk aba nte ikuo Abasi. 12Usọg anwe eba nte ufan̄-adighe me usọg mme mkpasịk eduọn̄n̄ọke. Emmo ekuk ikuo Abasi, ade andidiog adi ano atan̄ ikuo Abasi afeb me esịd emmo. Ntre, ibun anịm inịmke anyii mee akpanikuo ndiin Abasi ifaagke emmo. 13Usọg mme anwe eba nte isọn̄-itiad me usọg mme mkpasịk aduọn̄n̄ọ. Me inii emmo ekuk ikuo Abasi, emmo enịm anyii me akpanikuo idaara-idaara. Ade emmo iyagha ikuo Abasi adọg ntun̄n̄ọ-ntun̄n̄ọ me esịd emmo, ntre emmo enịm me akpanikuo me etuk etuk inii, ade me inii idimi, emmo etre adinịm Abasi me akpanikuo. 14Usọg mme anwe eba nte itighe etuu nkukịm me ubaag mme mkpasịk eduọn̄n̄ọ. Emmo ekuk ikuo Abasi, ade nte inii akaa, emmo ewagha ekpọn̄ ikuo Abasi ano mme ikikre, inyii me mme inịk n̄kpo unwe anịm. Me ntre, emmo ikikọddọ ikọd idọg ukpu-ndagha ame Sịbidid. 15Usọg anwe eda nte nti isọn̄ me usọg mme mkpasịk akedugho. Emmo ekuk ikuo Abasi me afịd esịd. Ndiin akaisiu adinịm me akpanikuo eno enwum uwaag mfịd mme esid ime.
MME IKUO YISỌS ADA NTE UTINIKAN̄
(Mak 4:21-25)
16N̄ko, me inii anwe adumeke utini-ikan̄, anyii isi-ibiike aban̄ ifọg mme adibii nsin̄ me idag akpokoro. Utuk me ada akiduk me n̄kpo udukikan̄, mbaag atukde ano afịd anwe mme ufaag uwan̄a. 17Sia, n̄kpo akedede me edịppe idagha anịm eya-efọghọ eno eyaara, ndiin ndedịbe n̄kpo akedede mi-idaa anim, eyaene anwagha afịd anwe 18Me ntaag ntre, inakka ikpan̄-utọn̄ ino n̄kpo se nkpiab, sia mme anwe mee eyịme ikuo amii anwaa emmo, Abasi aya ane anakka anwaa emmo, ade amaade mbun̄ mee idiyinne no anwaa emmo, Abasi aya abugho emmo ifiog mee emmo ekenyiyii.”
EKIE NNO YISỌS MME NDITO EKIE
(Mat 12:46-50; Mak 3:31-35)
19Adikem nan̄a ekie mme ndito ekie Yisọs edika aditan̄ ikuo mme anyii. Ade emmo ikiikide ufan isịm anyii idii sia adiwaag anwe ema ekan Yisọs ekọg. 20Anwe amaadi adogho Yisọs, “Uka mme ndito-uka mme eda me asọn̄ eyim aditan̄ ikuo mme afe,”
21Ade Yisọs abọọrọ afịd anwe mee ekeba ade, “mme anwe se ekuk ikuo Abasi nno nne, emmo eba nte ekie amii mme ndito ekie amii.”
AYUBIO AKUK UYIU ANO YISỌS
(Mat 8:23-27; Mak 4:35-41)
22Usiu kian mme inii ada, Yisọs mme mbed esiu emaedog ubu ndiin anyii adogho emmo atoo, “Yaag ayịd ika edii akpa Kadidi nkan̄ adin̄ke, mme ntre emmo emaewad ubu edan̄a.” 23Nte emmo ekesog ekaa, idee ama-abii Yisọs. Me unana mbenidii akpa amaadagha tutuk awawa ato mmọn̄ ayoog ubu, me ntre ataa ndik amaane emmo ke ubu ayaasịb.
24Anee, mme san̄a san̄a isọn̄-utu esiu dudghu-iba ema eka aketoi Yisọs me idee etoo anyii, “Abọn̄! Abọn̄! nwam yire ke ayịd iyaisip.”
Ndiin anyii ama-atoiyo me idee ano akpan afịm mme ayubio ate etre ano edubo, ndiin emmo ema edubo. 25Ndiin Yisọs adogho san̄a san̄a isọn̄-utu esiu dughu-iba atoo, “ntaagha ayịn̄ m-miineme mii me akpanikuo?” Mkpaidii mme nyaagidii amaane san̄a san̄a isọn̄-utu esiu dughu-iba, emmo emaenime me atuk emmo ato, “mee nse-e anwe aside anịm?” mee afịm mme ayubio esiog ibuog eno anyii?
YISỌS ABIIN̄ N̄DEDEGHE SỊBIDID ASIKKE
(Mat 8:28—9:1; Mak 5:1-20)
26Yisọs me mme mbed esiu emaeke ebagha me esọg mkpere idọn̄ Kerasa ame ada me nsagisiu akpa me idọn̄ Kadidi. 27Me Yisọs me mme mbed esiu eka ekebagha, enwuon̄n̄ọ me ubu, anwe me ndiọi Sịbidid ake akrag amaadibịne anyii. Anwe anịm eke akan adọn̄ me ufaag esiu me idọn̄ Kerasa, ade akedi idọn̄ me itighe uduọn̄o akpo. Ama akpene eti-eti anwe anịm isineke afon ntekian me idii. 28Me inii anwe anịm akekidde Yisọs anyii amaasikke nkpuk. Anyii ano aton̄n̄ọ-edon̄ me isiu Yisọs. Ndiin abọọn̄ me akpasọn̄ọ uyiu. “Yisọs, ayiu Abasi andikpu nkieg, ntaag afe ituokede yire? Mboog ku-umia yire ufeen.” 29Anwe anịm akekpii ubaag anịm sia yisọs amake sin̄n̄e anyii ndiọi sịbidid me idii. Sia ndiọi sịbidid ake-kraag unwe esiu me ataa ayan inii. Mme anwe ema-ebughu anyii ubaag mme ukuk mme n̄kpon̄o eno ekpimi anyii, ade anwe anịm amaakan aboon̄ mme n̄kpon̄o anịm ndiin ndiọi sịbidid abii anyii aka isọn̄-ntaikan̄.
30Yisọs ama-abub anyii atoo, “Afe ase-kre dighe?
Anyii amaabọọrọ Yisọs atoo, Ayịn amii idee udịm ekon̄g. Anyii ake-atan̄ anịm sia ndiọi sịbidid ekekraag anyii.” 31Ndiin mme ndiọi sịbidid ema-ekaisiu ekpii Yisọs ubaag etoo anyii aku-ubiin mmimo ika hel.
32Nte anịm akekaa isiu, udịm atuk edik ekesog edia n̄kpo me mkpre-abod de. Mme ndiọi sịbidid ema-ekpii Yisọs ubaag etoo ayaag mmimo iki-idọn̄n̄ọ me mme edịk ada. Anyii ama ayịmme ano emmo. 33Me ntre, ndiọi sịbidid ema ewoun̄n̄ọ me idii anwe ada edun̄n̄o udịm edik ada . Ndiin udịm atuk edik ada ema-efinghe usọp usọp me udiadda abod eduon̄n̄o edun̄ọ me edịk.
34Me inii mme akpimi edik ada ema-ekekid se aketippe ano mme edik anịm emmo ema-efịnghe mme ndịk. Emmo eka isọn̄ idọn̄ emmo mme nkan-nkọk ada eno etan̄ eno afịd anwe se aketịppe. 35Ndiin mme anwe ema-edikade adikikịd se aketịppe. Emmo ema-edika itighe ame Yisọs akeaba, edikịd nte anwe ame Yisọs ake-abịne ndiọi sịbidid nan̄a atighe mme Yisọs nnakka-nnakka. Anyii ama anakka afọn asịne ano anakka atighe. Me emmo ekekịdde anịm ndịk Yisọs ama-ane emmo. 36Mbun se ema-ekekịd se-ikitippe emaetan̄ eno mbun se ekedi nan̄a Yisọs ake-asin̄eke ndiọi Sịbidid me idii. 37Ndiin mbun mkpre idọn̄ Kerasa ema-edogho Yisọs atoo akpọn̄ efaag mmimo, sia ataa ndik ama-ane emmo. me ntre Yisọs mme san̄a-san̄a mbed dughu-iba esiu ema-edog ubu ekpọn̄ de.
38mbemisiu Yisọs mme san̄a san̄a isọn̄-utu esiu dughu-iba ekpọn̄ de, anwe mee ndiọi Sịbidid akewuo me idii ama-akpii Yisọs ubaag, atoo, “Yaag amii nsan̄a mme afe.” Ade Yisọs atoo anyii nyọn̄ ebine mbun afe. 39“Ana nte afe anyọn̄ ufaag ayịn ndiin ketan̄ no mme anwe afịd utippe n̄kpo se Abasi ane uno fii.” me ntre anwe ada ama-anyọn̄ aka ano aketan̄ ano afịd anwe me idọn̄ aban̄a mme utippe n̄kpo se Yisọs ane ano anyii.
YISỌS AKOOG ANWA-ANWAA UWUO IYIIP ANO ANE NKAIFRE ASED
40Me inii Yisọs mme san̄a-san̄a isọn̄-utu esiu dughu iba ema-editimme eyọn̄ edii akpa emmo eketukko edi adiwaag anwe emaedi daara anyii sia emmo ekesọg ebed anyii aditimme ndi. 41Akekem, anwe kian̄ ame akekre Yairus amaadibịne Yisọs. Anyii akede adaibughu kian̄ me Sinakọk. Anyii amaadi iniọg ibughu ano Yisọs ano akpii anyii ubaag atoo mboog diika ufaag amii, 42nno dikoog akpunwa amii, Anyii adun̄n̄ọ eti-eti akped mkpa. Apunwa esiu akede ayiu isua dughu-iba ano ade nkukre ayiu esiu.
Yisọs amayịmme ano akọn̄n̄ọ anyii. Nte anyii akesọg akaa ufaag Yarius, mme anwe ema-efọg anyii ekan ekọg. 43Me atuk udịm anwe ada, amaanyi anwa anwaa ame ake-dun̄n̄o uwuo iyiip, me isua duogho iba mee iyiip akweuo ke anyii, anyii ikinyii unen aditiog anwe mee n̄kpo, me inii uwuo iyịb anịm. Anyii ama-abiad akok esiu amaano mme Abia ibog ade anwe ntekian̄ iki-ikoddo ikoog anyii. 44Anwa anwaa anịm amaadibe atuk edii aketiog uton̄ afonidii Yisọs maa atukde ibugho adikoog ndiin me ukem idagha ada uwuo iyịb ada ama-atre.
45Ndiin Yisọs ama-abub atuk anwe se ikiba de atoo, “Anii anwe isi ntiog mii?”
Me anwe se ikan anyii ekọk etoo mmimọ itiogke anyii. Ndiin Bita mme mbun se ekeba de atoo, Abọn̄, me afịd udịm anwe mee ufig fii mo, me ntre anwe akedede akime adu-utiog fii.
46Ade Yisọs atoo, Amii mme-diọn̄n̄ọ ntoo, “Anwe antiọg mii” Siade Amii mee-kuk ke aduduk adikoog atuk mii idii awuọ.
47Me inii anwa anwaa ada akekidde ke imo imi-ikọddọ idub, anwe ama awuọ adii mme nyikidii adiniọg ibughu ano Yisọs. Me isiu afịd anwe, anwa anwaa anịm ama-atan̄ ntaagha imo iki-itogho Yisọs mme nan̄a imo ibuoghu adikoog me ukem idaghada. 48Yisọs ato anyii, “Adimeeg ayiu ekieg, ukoog fii sia afe anịm me ke amii mmekịmme adu-ukoog fii. Nyọn̄ ufaag afe no kenyi emem mme Abasi.”
49Nan̄a Yisọs akesọg atan̄a ikuo mme anwa anwaa anịm, anwe ama-atuk ufaag Yarius me Sinakọk adidogho anyii, “Akpu waa afee amaakpa! me ntre ufon̄ ibaa adifinna Abọn̄ aba.”
50Me inii Yisọs ama-akekuk se anwe ada aketan̄, Anyii ama-adogho Yarius, “Ku ufin̄ghe ndik, ade kap nnim mii me akpanikuo, ndiin Amii nyaafag anyii nsị̇kke me mkpa.”
51Me inii Yisọs asịme ufaag Yarius, Anyii akebii mme san̄a san̄a isọn̄-utu esiu ite Bita, Yọọn mme Yemsi, mme etii mme ekie ayiu ada adọg ubed mee akpo ayiu ada akenna. 52Emmo emaekedọg, mme anwe se ekeaba me ufaag ekesọg etua-ayiig me akpasọn̄ọ uyiu. Siade ayiu ada ama-akpa. Ade Yisọs ato emmo, itre utua-ayiig, siade anyii ikpake ade adedee.
53Me inii emmo ema-ekekuk se Yisọs aketan̄ emmo ema-esag eno ebii ikuo esiu ene nyoo, sia emmo ema edion̄n̄o ke ayiu ada ama-akpakpa. 54Ade Yisọs amaabukko abine ayiu ada ama-akekpa abana anyii ubaag ndiin adogho me akpasọn̄ọ uyiu ato, etuk nkaifre daghada. 55Ndiin me ukem inii ada etuk ayiu nkaifre ada ama-atime aduk unwe ano adaghada me anyọn̄. Yisọs adogho etii mme ekie eto eno anyii n̄kpo adia. 56Idii ama anakka akpa etii mme ekie esiu, ade Yisọs akpan emmo eto eku-utan̄ ino anwen ntekian̄ se ikiitippe.
ទើបបានជ្រើសរើសហើយ៖
Duk 8: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 8
8
MBABAA MEE EKE-WAMA YISỌS
1Me ada amaake abughu, Yisọs ama-adine isan̄ aka nsio-nsio mme idọn̄, Anyii ama-akaisiu akuọrọ ikuo ano atan̄ ano mme anwe eti mbọg ukrag Abasi, mme abọsul esiu dughu-iba n̄ko emaeba de mme Anyii. 2Mme usọg mbabaa n̄ko emaesan̄a mme Yisọs. Anyii ama-kpoog emmo ayaag me ubaag ndedeghe Sịbidid ano akoog emmo udun̄ọ. Kian̄ me atuk emmo akede Mmedi mee aketukko idọn̄ Makdadin Me Yisọs ama-akebịn dimọn itagha-aba asighe anyii me idee. 3Anwa-anwaa ufịn̄ akede Yoanna anwaa Chusa. Anyii akede andikana inyi ufaag adidem Erọd. Anwa-anwaa ufịn̄ akede Susanna. Mme adiwaag mbaaba ufin emaeno eba de ame Yisọs ama-akekoog. Afịd mbaaba anịm ekan̄a enwam Yisọs mme abọsul esiu me se emmo eyeyịm.
UKPIAB-NKPO MME ATO INWAN̄
(Mat 13:1-9; Mak 4:1-9)
4Usiu kian̄ uwaag atuk anwe emaetuk nsio-nsio idọn̄ edibịne Yisọs. Ndiin anyii ama-abii uwuud n̄kpo anịm akpiab emmo n̄kpo. 5Atoo, ato inwan̄ kian̄ ama-aka adisuan mme akpasịk me inwan̄. Nte anyii akesuana mme mkpasịk, usọg emmo ema eduọn̄n̄ọ me mbed akpodighe. Mme anwe ema-esan̄a efii ebughu, mme inughu anyọn̄ eno etan afịd emmo eta. 6Usọg mkpasịk ema-eduon̄n̄ọ me isọn̄ itiad, emmo ekod, ade ediyieme siade mmọn̄ ntekian̄ ikiibaa ino emmo me isọn̄ itiad. 7Usọg mkpasịk ufịn̄ ema eduon̄n̄ọ me isọn̄ nkukim. Etuu nkukịm akọd ato-kian̄ mme mkpasịk anịm ano afọg emmo awu. 8Usọg mkpasịk eduon̄n̄o me eti isọn̄. Emaekọd eno ewuum mfịd utịp ikieg se eke eto. Anyii amaake atan̄ mme nkii anịm ama,
Anyii ama-adogho mee atuk-anwe anịm me akpọsọn̄ọ uyiu atoo, Adieke ayịn̄ iben̄eke idii adikpan̄-utọn̄ ndiin Ikpan̄-utọn̄.
YISỌS ANE ANWAGHA UWUUD-N̄KPO ME ABAN̄A ATO-INWAN̄
(Mat 13:10-17; Mak 4:10-12)
9Ndiin mme mbed Yisọs emaebub anyii yaag atan̄ no anwagha se nkii anịm awuo 10Ade, anyii amaabọọrọ emmo atoo, “Abasi ama-ayaag yinne idiọn̄n̄ọ mme akpanikuo mme anwe akedidiọn̄n̄ọke me akpa iban̄a ukrag Abasi. Ade mme mbun ufịn, Amii n̄kpiab mme n̄kpo anịm me nkii, mbaag adisu se brọfed Aisaya aketan̄,
emmo eyaekịd se nne ade imi-inwaghake emmo se awuo.
Ndiin emmo eyaekuk se ntan̄, ade imi-inwaghake emmo se awuo.
11Ndiin se nkii anịm awuo ade: mkpasịk aba nte ikuo Abasi. 12Usọg anwe eba nte ufan̄-adighe me usọg mme mkpasịk eduọn̄n̄ọke. Emmo ekuk ikuo Abasi, ade andidiog adi ano atan̄ ikuo Abasi afeb me esịd emmo. Ntre, ibun anịm inịmke anyii mee akpanikuo ndiin Abasi ifaagke emmo. 13Usọg mme anwe eba nte isọn̄-itiad me usọg mme mkpasịk aduọn̄n̄ọ. Me inii emmo ekuk ikuo Abasi, emmo enịm anyii me akpanikuo idaara-idaara. Ade emmo iyagha ikuo Abasi adọg ntun̄n̄ọ-ntun̄n̄ọ me esịd emmo, ntre emmo enịm me akpanikuo me etuk etuk inii, ade me inii idimi, emmo etre adinịm Abasi me akpanikuo. 14Usọg mme anwe eba nte itighe etuu nkukịm me ubaag mme mkpasịk eduọn̄n̄ọ. Emmo ekuk ikuo Abasi, ade nte inii akaa, emmo ewagha ekpọn̄ ikuo Abasi ano mme ikikre, inyii me mme inịk n̄kpo unwe anịm. Me ntre, emmo ikikọddọ ikọd idọg ukpu-ndagha ame Sịbidid. 15Usọg anwe eda nte nti isọn̄ me usọg mme mkpasịk akedugho. Emmo ekuk ikuo Abasi me afịd esịd. Ndiin akaisiu adinịm me akpanikuo eno enwum uwaag mfịd mme esid ime.
MME IKUO YISỌS ADA NTE UTINIKAN̄
(Mak 4:21-25)
16N̄ko, me inii anwe adumeke utini-ikan̄, anyii isi-ibiike aban̄ ifọg mme adibii nsin̄ me idag akpokoro. Utuk me ada akiduk me n̄kpo udukikan̄, mbaag atukde ano afịd anwe mme ufaag uwan̄a. 17Sia, n̄kpo akedede me edịppe idagha anịm eya-efọghọ eno eyaara, ndiin ndedịbe n̄kpo akedede mi-idaa anim, eyaene anwagha afịd anwe 18Me ntaag ntre, inakka ikpan̄-utọn̄ ino n̄kpo se nkpiab, sia mme anwe mee eyịme ikuo amii anwaa emmo, Abasi aya ane anakka anwaa emmo, ade amaade mbun̄ mee idiyinne no anwaa emmo, Abasi aya abugho emmo ifiog mee emmo ekenyiyii.”
EKIE NNO YISỌS MME NDITO EKIE
(Mat 12:46-50; Mak 3:31-35)
19Adikem nan̄a ekie mme ndito ekie Yisọs edika aditan̄ ikuo mme anyii. Ade emmo ikiikide ufan isịm anyii idii sia adiwaag anwe ema ekan Yisọs ekọg. 20Anwe amaadi adogho Yisọs, “Uka mme ndito-uka mme eda me asọn̄ eyim aditan̄ ikuo mme afe,”
21Ade Yisọs abọọrọ afịd anwe mee ekeba ade, “mme anwe se ekuk ikuo Abasi nno nne, emmo eba nte ekie amii mme ndito ekie amii.”
AYUBIO AKUK UYIU ANO YISỌS
(Mat 8:23-27; Mak 4:35-41)
22Usiu kian mme inii ada, Yisọs mme mbed esiu emaedog ubu ndiin anyii adogho emmo atoo, “Yaag ayịd ika edii akpa Kadidi nkan̄ adin̄ke, mme ntre emmo emaewad ubu edan̄a.” 23Nte emmo ekesog ekaa, idee ama-abii Yisọs. Me unana mbenidii akpa amaadagha tutuk awawa ato mmọn̄ ayoog ubu, me ntre ataa ndik amaane emmo ke ubu ayaasịb.
24Anee, mme san̄a san̄a isọn̄-utu esiu dudghu-iba ema eka aketoi Yisọs me idee etoo anyii, “Abọn̄! Abọn̄! nwam yire ke ayịd iyaisip.”
Ndiin anyii ama-atoiyo me idee ano akpan afịm mme ayubio ate etre ano edubo, ndiin emmo ema edubo. 25Ndiin Yisọs adogho san̄a san̄a isọn̄-utu esiu dughu-iba atoo, “ntaagha ayịn̄ m-miineme mii me akpanikuo?” Mkpaidii mme nyaagidii amaane san̄a san̄a isọn̄-utu esiu dughu-iba, emmo emaenime me atuk emmo ato, “mee nse-e anwe aside anịm?” mee afịm mme ayubio esiog ibuog eno anyii?
YISỌS ABIIN̄ N̄DEDEGHE SỊBIDID ASIKKE
(Mat 8:28—9:1; Mak 5:1-20)
26Yisọs me mme mbed esiu emaeke ebagha me esọg mkpere idọn̄ Kerasa ame ada me nsagisiu akpa me idọn̄ Kadidi. 27Me Yisọs me mme mbed esiu eka ekebagha, enwuon̄n̄ọ me ubu, anwe me ndiọi Sịbidid ake akrag amaadibịne anyii. Anwe anịm eke akan adọn̄ me ufaag esiu me idọn̄ Kerasa, ade akedi idọn̄ me itighe uduọn̄o akpo. Ama akpene eti-eti anwe anịm isineke afon ntekian me idii. 28Me inii anwe anịm akekidde Yisọs anyii amaasikke nkpuk. Anyii ano aton̄n̄ọ-edon̄ me isiu Yisọs. Ndiin abọọn̄ me akpasọn̄ọ uyiu. “Yisọs, ayiu Abasi andikpu nkieg, ntaag afe ituokede yire? Mboog ku-umia yire ufeen.” 29Anwe anịm akekpii ubaag anịm sia yisọs amake sin̄n̄e anyii ndiọi sịbidid me idii. Sia ndiọi sịbidid ake-kraag unwe esiu me ataa ayan inii. Mme anwe ema-ebughu anyii ubaag mme ukuk mme n̄kpon̄o eno ekpimi anyii, ade anwe anịm amaakan aboon̄ mme n̄kpon̄o anịm ndiin ndiọi sịbidid abii anyii aka isọn̄-ntaikan̄.
30Yisọs ama-abub anyii atoo, “Afe ase-kre dighe?
Anyii amaabọọrọ Yisọs atoo, Ayịn amii idee udịm ekon̄g. Anyii ake-atan̄ anịm sia ndiọi sịbidid ekekraag anyii.” 31Ndiin mme ndiọi sịbidid ema-ekaisiu ekpii Yisọs ubaag etoo anyii aku-ubiin mmimo ika hel.
32Nte anịm akekaa isiu, udịm atuk edik ekesog edia n̄kpo me mkpre-abod de. Mme ndiọi sịbidid ema-ekpii Yisọs ubaag etoo ayaag mmimo iki-idọn̄n̄ọ me mme edịk ada. Anyii ama ayịmme ano emmo. 33Me ntre, ndiọi sịbidid ema ewoun̄n̄ọ me idii anwe ada edun̄n̄o udịm edik ada . Ndiin udịm atuk edik ada ema-efinghe usọp usọp me udiadda abod eduon̄n̄o edun̄ọ me edịk.
34Me inii mme akpimi edik ada ema-ekekid se aketippe ano mme edik anịm emmo ema-efịnghe mme ndịk. Emmo eka isọn̄ idọn̄ emmo mme nkan-nkọk ada eno etan̄ eno afịd anwe se aketịppe. 35Ndiin mme anwe ema-edikade adikikịd se aketịppe. Emmo ema-edika itighe ame Yisọs akeaba, edikịd nte anwe ame Yisọs ake-abịne ndiọi sịbidid nan̄a atighe mme Yisọs nnakka-nnakka. Anyii ama anakka afọn asịne ano anakka atighe. Me emmo ekekịdde anịm ndịk Yisọs ama-ane emmo. 36Mbun se ema-ekekịd se-ikitippe emaetan̄ eno mbun se ekedi nan̄a Yisọs ake-asin̄eke ndiọi Sịbidid me idii. 37Ndiin mbun mkpre idọn̄ Kerasa ema-edogho Yisọs atoo akpọn̄ efaag mmimo, sia ataa ndik ama-ane emmo. me ntre Yisọs mme san̄a-san̄a mbed dughu-iba esiu ema-edog ubu ekpọn̄ de.
38mbemisiu Yisọs mme san̄a san̄a isọn̄-utu esiu dughu-iba ekpọn̄ de, anwe mee ndiọi Sịbidid akewuo me idii ama-akpii Yisọs ubaag, atoo, “Yaag amii nsan̄a mme afe.” Ade Yisọs atoo anyii nyọn̄ ebine mbun afe. 39“Ana nte afe anyọn̄ ufaag ayịn ndiin ketan̄ no mme anwe afịd utippe n̄kpo se Abasi ane uno fii.” me ntre anwe ada ama-anyọn̄ aka ano aketan̄ ano afịd anwe me idọn̄ aban̄a mme utippe n̄kpo se Yisọs ane ano anyii.
YISỌS AKOOG ANWA-ANWAA UWUO IYIIP ANO ANE NKAIFRE ASED
40Me inii Yisọs mme san̄a-san̄a isọn̄-utu esiu dughu iba ema-editimme eyọn̄ edii akpa emmo eketukko edi adiwaag anwe emaedi daara anyii sia emmo ekesọg ebed anyii aditimme ndi. 41Akekem, anwe kian̄ ame akekre Yairus amaadibịne Yisọs. Anyii akede adaibughu kian̄ me Sinakọk. Anyii amaadi iniọg ibughu ano Yisọs ano akpii anyii ubaag atoo mboog diika ufaag amii, 42nno dikoog akpunwa amii, Anyii adun̄n̄ọ eti-eti akped mkpa. Apunwa esiu akede ayiu isua dughu-iba ano ade nkukre ayiu esiu.
Yisọs amayịmme ano akọn̄n̄ọ anyii. Nte anyii akesọg akaa ufaag Yarius, mme anwe ema-efọg anyii ekan ekọg. 43Me atuk udịm anwe ada, amaanyi anwa anwaa ame ake-dun̄n̄o uwuo iyiip, me isua duogho iba mee iyiip akweuo ke anyii, anyii ikinyii unen aditiog anwe mee n̄kpo, me inii uwuo iyịb anịm. Anyii ama-abiad akok esiu amaano mme Abia ibog ade anwe ntekian̄ iki-ikoddo ikoog anyii. 44Anwa anwaa anịm amaadibe atuk edii aketiog uton̄ afonidii Yisọs maa atukde ibugho adikoog ndiin me ukem idagha ada uwuo iyịb ada ama-atre.
45Ndiin Yisọs ama-abub atuk anwe se ikiba de atoo, “Anii anwe isi ntiog mii?”
Me anwe se ikan anyii ekọk etoo mmimọ itiogke anyii. Ndiin Bita mme mbun se ekeba de atoo, Abọn̄, me afịd udịm anwe mee ufig fii mo, me ntre anwe akedede akime adu-utiog fii.
46Ade Yisọs atoo, Amii mme-diọn̄n̄ọ ntoo, “Anwe antiọg mii” Siade Amii mee-kuk ke aduduk adikoog atuk mii idii awuọ.
47Me inii anwa anwaa ada akekidde ke imo imi-ikọddọ idub, anwe ama awuọ adii mme nyikidii adiniọg ibughu ano Yisọs. Me isiu afịd anwe, anwa anwaa anịm ama-atan̄ ntaagha imo iki-itogho Yisọs mme nan̄a imo ibuoghu adikoog me ukem idaghada. 48Yisọs ato anyii, “Adimeeg ayiu ekieg, ukoog fii sia afe anịm me ke amii mmekịmme adu-ukoog fii. Nyọn̄ ufaag afe no kenyi emem mme Abasi.”
49Nan̄a Yisọs akesọg atan̄a ikuo mme anwa anwaa anịm, anwe ama-atuk ufaag Yarius me Sinakọk adidogho anyii, “Akpu waa afee amaakpa! me ntre ufon̄ ibaa adifinna Abọn̄ aba.”
50Me inii Yisọs ama-akekuk se anwe ada aketan̄, Anyii ama-adogho Yarius, “Ku ufin̄ghe ndik, ade kap nnim mii me akpanikuo, ndiin Amii nyaafag anyii nsị̇kke me mkpa.”
51Me inii Yisọs asịme ufaag Yarius, Anyii akebii mme san̄a san̄a isọn̄-utu esiu ite Bita, Yọọn mme Yemsi, mme etii mme ekie ayiu ada adọg ubed mee akpo ayiu ada akenna. 52Emmo emaekedọg, mme anwe se ekeaba me ufaag ekesọg etua-ayiig me akpasọn̄ọ uyiu. Siade ayiu ada ama-akpa. Ade Yisọs ato emmo, itre utua-ayiig, siade anyii ikpake ade adedee.
53Me inii emmo ema-ekekuk se Yisọs aketan̄ emmo ema-esag eno ebii ikuo esiu ene nyoo, sia emmo ema edion̄n̄o ke ayiu ada ama-akpakpa. 54Ade Yisọs amaabukko abine ayiu ada ama-akekpa abana anyii ubaag ndiin adogho me akpasọn̄ọ uyiu ato, etuk nkaifre daghada. 55Ndiin me ukem inii ada etuk ayiu nkaifre ada ama-atime aduk unwe ano adaghada me anyọn̄. Yisọs adogho etii mme ekie eto eno anyii n̄kpo adia. 56Idii ama anakka akpa etii mme ekie esiu, ade Yisọs akpan emmo eto eku-utan̄ ino anwen ntekian̄ se ikiitippe.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.