Duk 9
9
YISỌS ADỌN̄ MBED DUGHU-IBA
(Mat 10:5-15)
1Akema, Yisọs abọọn̄ mme mbed esiu dughu-iba#9:1 mme mbed esiu dughu-iba. Emmo akedee san̄a-san̄a isọn̄-utu nno Yisọs. Emmo ikidee mme mbed Yisọs mbun anịn̄ke. abun̄o me isiu esiu, ndiin ano emmo aduduk mme uku adibịn̄ afịd ndiọi Sịbidid ekpọn̄ mme anwe mme adino n̄koog mbun mee edun̄n̄ọ. 2Ndiin anyii ama-adogho emmo eka mme nsio-nsio itighe eno ekuọrọ eno mme anwe eban̄a adidii ukrag Abasi nno n̄koog mme anwe mee ekedun̄ọ. 3Mbemisiu emmo edan̄a, Yisọs ama-ano emmo uyiu atoo, “Ikiibi n̄kpo ntekian̄ me atuk mme n̄kpo anịm ikana nte ayịn̄ ikaa isan̄: esan̄, ekpad uka isan̄, ndidia ntekian̄, akọg mee mme ukpughu afọn̄ 4Me inii ayịn̄ idọg idọn̄, ndiin anwe ntekian̄ idaara yinne adiba me ufaag imo, iba kpa me ufaag ada nte asio-anwe tutuk ayịn̄ ikpọn̄ idọn̄ ada.” 5Akpede mme anwe me idọn̄ ada iyimme adidaara yinne, ikpọn̄ idọn̄ ada. Me inii ayịn̄ ikpọn̄, ikịn̄ nditeeg idọn̄ ada ikpọn̄ ukuk ayịn̄. Anịm aya ade ntighe nkiin ano mbun idọn̄ ada atoo ke Abasi aya-amia emmo ufeen iboghoke emmo ekappa esịd. 6Me ntre, mme san̄a-san̄a isọn̄-utu esiu ema-ekpọn̄ de eno eka mme adiwaag idọn̄ me nkan̄-nkọk ada. Afịd itighe nte emmo eka, emmo ekuọrọ etii-etuk eno mme anwe, eno ekoog mbun mee ekedun̄ọ.
ERỌD, ANDIKRAG ATIMIDE-ESỊD ABAN̄A YISỌS
(Mat 14:1-12; Mak 6:14-29)
7Me inii Erọd, andikrag efaag Kadidi, akuk aban̄a afịd n̄kpo se Yisọs anee, anyii anakka atimmere esịd. Sia mme anwe ema-etan̄ adiwaag n̄kpo eban̄a Yisọs. Usọg emmo ekedogho eto ke anyii ade Yọọn aduogmmọn̄ me aketọn̄n̄ọ ntaag aduk unwe. 8Mbun ufịn etoo, “Yisọs ade brọfed Idaiya, mee aketimme awuo awuud idii mme isọn̄”. Ndiin usọg mbun ufịn̄ etoo, “Anyii ade brọfed ufịn̄ mee akekpaa me ayan inii, ndiin atọn̄n̄ọ ntaag adiduk unwe!” 9Ade Erọd adogho idi-esiu atoo, “Ikimike adide Yọọn sia Amii mma-nno mbun ekon̄ amii uyiu nte yaag ekpagha ibughu Yọọn. Ndiin, anie se ade anwe anịm mee nkuk uto mme n̄kpo mkpaidii anịm mban̄a?” Ada ama-akebughu, Erọd ayịm adisiobo mme Yisọs.
YISỌS ANO ANWE N̄KPO NTE TỌSỊN ITION NDIDIA
(Mat 14:13-21; Mak 6:30-44; Yn 6:1-15)
10Akema, mme abọsul me Yisọs akesịkke adọn̄ eyọn̄ isan̄ emmo edi. Emmo edogho Yisọs afịd mme n̄kpo se emmo ekedan̄n̄a. Ndiin Yisọs abii emmo aka idọn̄ me ebọọn̄ọ Bedsaida, me emmo ekimi adiba ikpọn̄ atokian̄. 11Me inii mme anwe ema-ekediọn̄n̄ọ itighe nte Yisọs mme san̄a-san̄a isọn̄-utu esiu ekekaiya, emmo n̄ko ema eka de. Me inii emmo ema-ekesịm, Yisọs amaadaara emmo ano akpiab emmo n̄kpo aban̄a ukrag Abasi ano akoog mbun anwe se ekedun̄ọ.
12Me inii utin ama-aketọn̄n̄ọ adisioghọ, mme mbed dughu-iba ema-esan̄a ekpre Yisọs eno ebub anyii too, “Andikpiab, mboog dogho mme anwe enyọn mbaag emmo eka mme nkan̄-nkọk idọn̄ mme inwan̄ mbaag ekedịk se eki-idia, eno enyi itighe se ena, sia ayịd ibaa me isọn̄-ntaikan̄”
13Ade Yisọs adogho emmo atoo, “Ayịn me idii ayịn̄ ino emmo n̄kpo edia.”
Emmo ema-ebọọrọ, “Ayịd se ikimi dighe adine ada? Ayịd inyi etuk uyiu itịun mme ntuk uteti iyaag iba. Ayịd inyii uwaag ndidia ibọghọke ayịd ika ikidik se akem afịd anwe anịm.” 14Emmo eketan̄ anịm sia n̄kpo aninie-anwe tọsịn anwe itiun san̄a san̄a ekeba me inii anwe mi-isine mbaaba mme ntuk-ayiu me atuk anwe de. Ade Yisọs adogho mme mbed esiu ene afịd anwe etighe me ebughu me n̄kpo nte anwe aba mme dughu me ebughu kian̄. 15Ndiin, emmo ene nte Yisọs akedogho, ndiin afịd mme anwe ema-etighe me ebughu. 16Yisọs ama-abii uyu itiun̄ mme iyaag iba ano akiin anyọn̄. Anyii ama-akwam Abasi me ndidia ada, ndiin abọn̄ uyu mme iyaag me mben̄e. Ndiin anyii akaisiu ano mme mbed ato emmo ediama eno mme anwe. 17Ndiin afịd anwe emaedia nte emmo ekeyịm. Akema, mme mbed emaetan̄ nyoog-nsugho ndidia ada edọn̄ eyoog ikad dughu-iba me ekebaa me emmo.
BITA ATAN̄ AYAARA KE YISỌS ADE MESAYA
(Mat 16:13-20; Mak 8:27-30)
18Inii kian̄, Yisọs akeaba ikpon̄ abọọn̄ akam ano Abasi mme mbed esiu emaeba ekpre. Me inii anyii ake abọọn̄ akam ama, Yisọs amaabub emmo, “Anie ke mme anwe ekre eto Amii nde?”
19Mme mbed ema-ebọọrọ etoo, “Usọg anwe edogho eto ke afe ade Yọọn aduogmmọn mee aduk unwe idaagha anịm. Ade mbun ufịn eto ke afe ade brọfed Idaiya mee ake-timme awuo awuud idii mme isọn̄. Ndiin usọg mbun ufịn eto ke afe brofed ufịn me atuk mme brọfed me ekekpan̄n̄a ayan̄ inii ke-e, ndiin atọn̄n̄ọ ntaag eduk unwe idaagha anịm.”
20Ndiin Yisọs ama-abub emmo atoo, “Ade nse-e ke ayịn̄ me idii ayịn̄ ikre iban̄a mii? Anie ke ayịn̄ idoghoke Amii nde?”
Bita amaabọọrọ anyii atoo, “Afe ade Mesaya mee atukko Abasi.”
YISỌS ATAN ABANA MKPA MME ADISED ESIU
(Mat 16:20-23; Mak 8:30-33)
21Yisọs ama-adọd emmo utọn ataa akpọsọn̄ọ atoo, Iki-itan̄ anịm ino anwe ntekian̄ 22Ndiin anyii ama-ane anwagha emmo, “Aduk amii, Ayiu Anwe adibuogho ufeen me adiwaag n̄kpo mme anyii ndik. Mme adaidagha Yuu, mme ikpo-akuk, me mme akpiab ibed eyaesịn adiyịmme mii nte Mesaya. Mme anwe eyaewu mii. Ade me ayoog usiu ite, mmake kpa, Abasi aya-ane amii nsed mme mkpa.”
SE AWUO ME ADIKỌN̄Ọ YISỌS
(Mat 16:24-27; Mak 8:34-38)
23Ndiin Yisọs ama-adogho afịd mme anwe atoo, “Anwe ntekian̄ me ayịmme adide mbed amii, ana anyii abiu krọs esiu me idii esiu, n̄ko ana esan̄a afịd se emmo eyịm adine eyaag, ndiin anyii akimi adika-isiu ide mbed amii. 24Sia anwe ntekian̄ me ayịmme adikpimi unwe esiu me isọn̄ anịm imi-iyii nsi-nsi unwe, ade anwe ntekian̄ akpeyaag unwe eisu sia anyii ade mbed amii, ukpọn̄ esiu aya anyii nsi-nsi unwe. 25Akpesog ade, inyii ufo adieke anwe anyii afịd inyi me aderimbod anịm ade aduog nsi-nsi unwe me Abasi. 26Adieke anwe akuk abuud aban̄a mii mme ukpiab n̄kpo Amii, ndiin Amii, Ayiu Anwe nyaakuk abuud mban̄a me inii se Amii nkitimme ndii isọn̄ me ubọn̄ Amii mme ubon̄ Etii Amii, mme me ndisana enyel me ikisan̄a mme amii. 27Amii ntan̄ akpanikuo ino yinne nto ke usọg anyịn̄ mo mfịn imiikpaa mbemisiu anyịn ikịd ukrag Abasi.”
UDUOD YISỌS AMAAKPUGHU MEE AKPUGHU ABOD
(Mak 9:2-10)
28N̄kpo nte usiu itagha-ete akebughu me Yisọs ama-aketan̄ mme n̄kpo anịm, anyii ama-adọọg aka abod adikibọọn̄ akam de. Anyii ama-adogho Bita, Yọọn, mme Yemsi yaag ekọn̄ọ anyii. 29Nte Yisọs akebọọn̄ akam, isiu mme afọn̄ esiu ama-akpughu. Ema-ekappa nyamma afia nte akepkep. 30Ndiin ndo-ndo ada, aninie-anwe iba ema-ewuo ewuud idii enno etan̄ ikuo mme Yisọs. Emmo ekede brọfed Mosis mme Idaiya. 31Emmo n̄ko ema-ewuo ewuud idii me nyayamma afia, ndiin emmo etan̄ ikuo mme Yisọs eban̄a adidii mkpa esiu mme nan̄a anyii akine anịm asuu me uduag Abasi me idọn̄ Yerusedem. 32Me adee, Bita me mme mbed iba ufịn emaeyed idee, ade me inii etoiyo me idee, emmo emaekịd Yisọs nte ayama ano asem. Emmo n̄ko emaekịd ninie-anwe iba mee eke adaa mme anyii. 33Me inii Mosis mme Idaiya eketọn̄n̄ọ adikpọn̄ Yisọs, Bita atoo, “Andikpiab, afoo nte afịd ayid iba mo me nsi-nsi itighe idọn̄. Ayịd iya ine atayad ite mo; kian̄ anyii fii, kian̄ anyii Mosis, ndiin kian̄ anyii Idiaya!” Bita aketan̄ anịm sia anyii ikinakka idiọn̄n̄ọ se anyii aketan̄ aban̄a.
34Me inii Bita akesọg atan̄ ikuo, ntọn̄ anyọn̄ adii, ndiin akan emmo akọg. Mme mbed ema-ekuk ndịk nte ntọn̄-anyọn̄ ake akan emmo akọg. 35Ndiin emmo ema-ekuk uyiu Abasi mee atukko ntọn̄-ayọn̄ atoo, “Anim ade ayiu amii, ada se amii mmag. Ikpan̄utọn̄ ino isiọg ibughu ino anyii.” 36Abasi amaake atan̄ ikuo ama, mme mbed ekekịd Yisọs ikpọn̄. Mme mbed emaekap inua eban̄a afịd n̄kpo se aketippe me abod. Emmo itan̄a ino anwe ntekian̄ iban̄a mme n̄kpo mkpaidii anim mme ayan inii.
YISỌS ABỊN NDIỌI SỊBIDID ASỊKKE ETUK AYIU ANINIE-ANWE MEE IDII
(Mat 17:14-21; Mak 9:14-29)
37Edi usiu, Yisọs ama-asoyo me abod ano asan̄a mme mbed esiu ite, ndiin adiwaag mme anwe edi adisobo Yisọs. 38Ndiin me ndo-ndo ada, anwe kian̄ me atuk adiwaag anwe ada ama-abọọn̄ Yisọs atoo, “Andikpiab, mme-kpeiye mme afe, nee n̄kpo ban̄a adiwam nkukre ayiu amii! 39ndiọi Sịbidid ubaag inii akra anyii, ndiin me unana mben̄idii aya-ane anyii asịkke nkpuk, ano anyagha anyii ntimi-ntimi tutuk anyii asighe efuud nteeg me inua. Ndiọi Sịbidid anakka ane anyii akpughu ibaag ano aba nte imikpon̄ọ-kpọn̄ anyii. 40Amii mma-akpeiye mme mbed afe nto adibịn̄ anyii asịkke, ade emmo ikikọddọ ine!”
41Me inii Yisọs akuk ada, anyii ama-adogho mme anwe usiu ada, “Ayịn me akpan ibuọdke idi me Abasi ino ide mbun ane ndiọi n̄kpo! Amii mmaaba mme ayịn̄ me ayan̄ inii, ade ayịn̄ ikibuọdke idii me Amii!” Ndiin Yisọs adogho anwe ada atoo, “Bii ayiu afe dii mo.”
42Nte etuk ayiu aninie-anwe akesan̄a akpre Yisọs, ndiọi Sịbidid ama-atuk etuk ayiu aninie-anwe ada aduog me isọn̄, ndiin atuag anyii ntịmi-ntịmi. Ade Yisọs ama-ano ndiọi Sịbidid uyiu ato akpọn̄ etuk ayiu aninie-anwe ada anyii akoog ayiu ada, ndiin adogho etii etuk ayiu aninie-anwe ada atoo, “Kiin ayiu afe aninie-anwe mo.” 43Me inii mme anwe ekekịd anịm, idii amaakpa afịd anwe adikịd akpọsọn̄oọ aduduk Abasi, anyii ama-adogho mme mbed esiu atoo, 44“ana ayịn̄ inakka ikpan̄-utọn̄ ino itee se ntan̄: Amii, Ayiu Anwe, eyaesọp eyaag mii esịn mee ukrag mme anwe.” 45Ade mme mbed ikidion̄n̄oke uduag esiu, sia ema edịb emmo se awuo. Me ntaag ada, iki-inwaaghake emmo. Ade emmo ema-efin̄ghe ndịk adibup anyii se mme ikuo esiu awuọn̄ọ.
46Mme mbed ematọn̄n̄ọ adifan̄a mme kian̄ ufịn iban̄a anie me atuk emmo se akpu ndaagha akieg? 47Ade Yisọs ama-adiọn̄n̄ọ se ake akaisiu me akikre emmo. Anee, anyii amam etuk ayiu aninie-anwe me ubaag, ndiin ane anyii ada akpre idii esiu. 48Ndiin Yisọs ama-adogho mme mbed esiu atoo, “anwe ntekian̄ mee abuoghọ etuk ayiu nte anịm me ntaag amii, anyii adaara mii, ndiin anwe ntekian̄ mee abuoghọ mii, n̄ko abuoghọ Abasi mee akedọn̄n̄o mii. Sia anwe mee asiọgke idii akieg, anyii ade anwe mee anakka akpu akieg me isiu Abasi.”
ANWE MEE ADIWANAKE MEE AMII, ADA MME AMII.
(Mak 9:38-41)
49Ndiin Yọọn adogho Yisọs atoo, “Etii-ufaag, ayịd imiikịd anwe abii enyịn̄ afe abịn dimon nsịn̄ghe mme anwe me idii, ndiin ayịd ima-inwana adikpan anyii me adine ada sia anyii ibaa mme ebughu ayịd.”
50Yisọs amaabọọrọ atoo, “Ku-utre mme anwe nte anyii sia anwe ntekian̄ mee adiwanake fii awawam fii.”
MME ANWE ME IDỌN SAMERIA IKIIYIMEKE YISỌS
51Nte inii asan̄a akpre, me inii ikiibi Yisọs ntọn̄n̄ọ ntaag ndọg Efịn̄, Yisọs asiọn̄n̄ọ aben̄e idii adika idọn̄ Yerusedem, ndiin ama-atọn̄n̄ọ adika de mee mme mbed esiu. 52Anyii adogho usọg mme isọn̄-utu esiu yaag ebughu anyii isiu. Emmo ema eka idọn̄ me efaag Sameria, mbaag ekenakka n̄kpo ebunu eno Yisọs mme mbun ufịn adiba akunayiig ada. 53Ade me inii mme anwe me idọn̄ Sameria edidiọn̄n̄ọ ke Yisọs akeka idọn̄ Yerusedem adikpuno Abasi, emmo ikiiyaagke Yisọs aba de mme emmo. 54Me inii mme mbed esiu Yemsi mme Yọọn ekekuk anịm, emmo emaebub Yisọs, “Abọn̄, afe aya-ameeg yaag ayịd ibọọn̄ ikan̄ atuk Efịn, ndiin adisobo mme anwe anịm nan̄a Idaiya n̄ko akenee?” 55Ndiin Yisọs ama-akana asua ano emmo. 56Ndiin anyii me mme mbed esiu ema eka idọn̄ ufịn̄. “Sia Ayiu Anwe ikidiye adisobo mme ukpọn̄ anwe ade akedii adifaag.”
USỌK MMO SE EKEYỊM ADIKỌNỌ YISỌS
(Mat 8:18-22)
57Nte Yisọs me mme mbed ekesan̄a eka me adighe mee akaa Yerusedem, anwe amaadi abịne Yisọs, ndiin adogho atoo, “Abọn̄, amii nya ade mbed afe nno nkọn̄n̄ọ fii itighe nte afe akaaka”.
58Yisọs adogho anyii atoo, “mme ewa ikoog edọn̄ me mme aduk, mme me inughu mee efuro me anyọn̄ ena me mme efoog. Ade Amii, Ayiu Anwe nyii ufaag se nna nduog-aduduk.”
59Ndiin Yisọs adogho anwe ufịn̄, “Di san̄a mee amii nno de mbed amii.”
Ade anwe ada amaabọọrọ atoo, “Abọn̄, yaag mbed tutuk n̄kọd mbuog etii amii.”
60Ade Yisọs amaabọọrọ anyii atoo, “Yaag mbun mme ekpaa mee Sịbidid ebuọg mbun me atuk emmo me ekekpaa. Afe, nte akpedede, kaa, ke kuọrọ nno mme anwe ban̄a ukrag Abasi.”
61Ndiin anwe kian̄ ufịn̄ ama-adogho Yisọs atoo, “Abọn̄, Amii nyịm adide mbed afe. Ade akpa, yaag mii ntịmme n̄ka ubun amii nkedọghọ emmo, itịm iba.”
62Ade Yisọs amaabọọrọ, “Anwe ntekian̄ me adee mbed amii, ndiin ayịm aditịmme nyọn̄ akana unwe esiu idukke adine utum me ukrag Abasi.”
ទើបបានជ្រើសរើសហើយ៖
Duk 9: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 9
9
YISỌS ADỌN̄ MBED DUGHU-IBA
(Mat 10:5-15)
1Akema, Yisọs abọọn̄ mme mbed esiu dughu-iba#9:1 mme mbed esiu dughu-iba. Emmo akedee san̄a-san̄a isọn̄-utu nno Yisọs. Emmo ikidee mme mbed Yisọs mbun anịn̄ke. abun̄o me isiu esiu, ndiin ano emmo aduduk mme uku adibịn̄ afịd ndiọi Sịbidid ekpọn̄ mme anwe mme adino n̄koog mbun mee edun̄n̄ọ. 2Ndiin anyii ama-adogho emmo eka mme nsio-nsio itighe eno ekuọrọ eno mme anwe eban̄a adidii ukrag Abasi nno n̄koog mme anwe mee ekedun̄ọ. 3Mbemisiu emmo edan̄a, Yisọs ama-ano emmo uyiu atoo, “Ikiibi n̄kpo ntekian̄ me atuk mme n̄kpo anịm ikana nte ayịn̄ ikaa isan̄: esan̄, ekpad uka isan̄, ndidia ntekian̄, akọg mee mme ukpughu afọn̄ 4Me inii ayịn̄ idọg idọn̄, ndiin anwe ntekian̄ idaara yinne adiba me ufaag imo, iba kpa me ufaag ada nte asio-anwe tutuk ayịn̄ ikpọn̄ idọn̄ ada.” 5Akpede mme anwe me idọn̄ ada iyimme adidaara yinne, ikpọn̄ idọn̄ ada. Me inii ayịn̄ ikpọn̄, ikịn̄ nditeeg idọn̄ ada ikpọn̄ ukuk ayịn̄. Anịm aya ade ntighe nkiin ano mbun idọn̄ ada atoo ke Abasi aya-amia emmo ufeen iboghoke emmo ekappa esịd. 6Me ntre, mme san̄a-san̄a isọn̄-utu esiu ema-ekpọn̄ de eno eka mme adiwaag idọn̄ me nkan̄-nkọk ada. Afịd itighe nte emmo eka, emmo ekuọrọ etii-etuk eno mme anwe, eno ekoog mbun mee ekedun̄ọ.
ERỌD, ANDIKRAG ATIMIDE-ESỊD ABAN̄A YISỌS
(Mat 14:1-12; Mak 6:14-29)
7Me inii Erọd, andikrag efaag Kadidi, akuk aban̄a afịd n̄kpo se Yisọs anee, anyii anakka atimmere esịd. Sia mme anwe ema-etan̄ adiwaag n̄kpo eban̄a Yisọs. Usọg emmo ekedogho eto ke anyii ade Yọọn aduogmmọn̄ me aketọn̄n̄ọ ntaag aduk unwe. 8Mbun ufịn etoo, “Yisọs ade brọfed Idaiya, mee aketimme awuo awuud idii mme isọn̄”. Ndiin usọg mbun ufịn̄ etoo, “Anyii ade brọfed ufịn̄ mee akekpaa me ayan inii, ndiin atọn̄n̄ọ ntaag adiduk unwe!” 9Ade Erọd adogho idi-esiu atoo, “Ikimike adide Yọọn sia Amii mma-nno mbun ekon̄ amii uyiu nte yaag ekpagha ibughu Yọọn. Ndiin, anie se ade anwe anịm mee nkuk uto mme n̄kpo mkpaidii anịm mban̄a?” Ada ama-akebughu, Erọd ayịm adisiobo mme Yisọs.
YISỌS ANO ANWE N̄KPO NTE TỌSỊN ITION NDIDIA
(Mat 14:13-21; Mak 6:30-44; Yn 6:1-15)
10Akema, mme abọsul me Yisọs akesịkke adọn̄ eyọn̄ isan̄ emmo edi. Emmo edogho Yisọs afịd mme n̄kpo se emmo ekedan̄n̄a. Ndiin Yisọs abii emmo aka idọn̄ me ebọọn̄ọ Bedsaida, me emmo ekimi adiba ikpọn̄ atokian̄. 11Me inii mme anwe ema-ekediọn̄n̄ọ itighe nte Yisọs mme san̄a-san̄a isọn̄-utu esiu ekekaiya, emmo n̄ko ema eka de. Me inii emmo ema-ekesịm, Yisọs amaadaara emmo ano akpiab emmo n̄kpo aban̄a ukrag Abasi ano akoog mbun anwe se ekedun̄ọ.
12Me inii utin ama-aketọn̄n̄ọ adisioghọ, mme mbed dughu-iba ema-esan̄a ekpre Yisọs eno ebub anyii too, “Andikpiab, mboog dogho mme anwe enyọn mbaag emmo eka mme nkan̄-nkọk idọn̄ mme inwan̄ mbaag ekedịk se eki-idia, eno enyi itighe se ena, sia ayịd ibaa me isọn̄-ntaikan̄”
13Ade Yisọs adogho emmo atoo, “Ayịn me idii ayịn̄ ino emmo n̄kpo edia.”
Emmo ema-ebọọrọ, “Ayịd se ikimi dighe adine ada? Ayịd inyi etuk uyiu itịun mme ntuk uteti iyaag iba. Ayịd inyii uwaag ndidia ibọghọke ayịd ika ikidik se akem afịd anwe anịm.” 14Emmo eketan̄ anịm sia n̄kpo aninie-anwe tọsịn anwe itiun san̄a san̄a ekeba me inii anwe mi-isine mbaaba mme ntuk-ayiu me atuk anwe de. Ade Yisọs adogho mme mbed esiu ene afịd anwe etighe me ebughu me n̄kpo nte anwe aba mme dughu me ebughu kian̄. 15Ndiin, emmo ene nte Yisọs akedogho, ndiin afịd mme anwe ema-etighe me ebughu. 16Yisọs ama-abii uyu itiun̄ mme iyaag iba ano akiin anyọn̄. Anyii ama-akwam Abasi me ndidia ada, ndiin abọn̄ uyu mme iyaag me mben̄e. Ndiin anyii akaisiu ano mme mbed ato emmo ediama eno mme anwe. 17Ndiin afịd anwe emaedia nte emmo ekeyịm. Akema, mme mbed emaetan̄ nyoog-nsugho ndidia ada edọn̄ eyoog ikad dughu-iba me ekebaa me emmo.
BITA ATAN̄ AYAARA KE YISỌS ADE MESAYA
(Mat 16:13-20; Mak 8:27-30)
18Inii kian̄, Yisọs akeaba ikpon̄ abọọn̄ akam ano Abasi mme mbed esiu emaeba ekpre. Me inii anyii ake abọọn̄ akam ama, Yisọs amaabub emmo, “Anie ke mme anwe ekre eto Amii nde?”
19Mme mbed ema-ebọọrọ etoo, “Usọg anwe edogho eto ke afe ade Yọọn aduogmmọn mee aduk unwe idaagha anịm. Ade mbun ufịn eto ke afe ade brọfed Idaiya mee ake-timme awuo awuud idii mme isọn̄. Ndiin usọg mbun ufịn eto ke afe brofed ufịn me atuk mme brọfed me ekekpan̄n̄a ayan̄ inii ke-e, ndiin atọn̄n̄ọ ntaag eduk unwe idaagha anịm.”
20Ndiin Yisọs ama-abub emmo atoo, “Ade nse-e ke ayịn̄ me idii ayịn̄ ikre iban̄a mii? Anie ke ayịn̄ idoghoke Amii nde?”
Bita amaabọọrọ anyii atoo, “Afe ade Mesaya mee atukko Abasi.”
YISỌS ATAN ABANA MKPA MME ADISED ESIU
(Mat 16:20-23; Mak 8:30-33)
21Yisọs ama-adọd emmo utọn ataa akpọsọn̄ọ atoo, Iki-itan̄ anịm ino anwe ntekian̄ 22Ndiin anyii ama-ane anwagha emmo, “Aduk amii, Ayiu Anwe adibuogho ufeen me adiwaag n̄kpo mme anyii ndik. Mme adaidagha Yuu, mme ikpo-akuk, me mme akpiab ibed eyaesịn adiyịmme mii nte Mesaya. Mme anwe eyaewu mii. Ade me ayoog usiu ite, mmake kpa, Abasi aya-ane amii nsed mme mkpa.”
SE AWUO ME ADIKỌN̄Ọ YISỌS
(Mat 16:24-27; Mak 8:34-38)
23Ndiin Yisọs ama-adogho afịd mme anwe atoo, “Anwe ntekian̄ me ayịmme adide mbed amii, ana anyii abiu krọs esiu me idii esiu, n̄ko ana esan̄a afịd se emmo eyịm adine eyaag, ndiin anyii akimi adika-isiu ide mbed amii. 24Sia anwe ntekian̄ me ayịmme adikpimi unwe esiu me isọn̄ anịm imi-iyii nsi-nsi unwe, ade anwe ntekian̄ akpeyaag unwe eisu sia anyii ade mbed amii, ukpọn̄ esiu aya anyii nsi-nsi unwe. 25Akpesog ade, inyii ufo adieke anwe anyii afịd inyi me aderimbod anịm ade aduog nsi-nsi unwe me Abasi. 26Adieke anwe akuk abuud aban̄a mii mme ukpiab n̄kpo Amii, ndiin Amii, Ayiu Anwe nyaakuk abuud mban̄a me inii se Amii nkitimme ndii isọn̄ me ubọn̄ Amii mme ubon̄ Etii Amii, mme me ndisana enyel me ikisan̄a mme amii. 27Amii ntan̄ akpanikuo ino yinne nto ke usọg anyịn̄ mo mfịn imiikpaa mbemisiu anyịn ikịd ukrag Abasi.”
UDUOD YISỌS AMAAKPUGHU MEE AKPUGHU ABOD
(Mak 9:2-10)
28N̄kpo nte usiu itagha-ete akebughu me Yisọs ama-aketan̄ mme n̄kpo anịm, anyii ama-adọọg aka abod adikibọọn̄ akam de. Anyii ama-adogho Bita, Yọọn, mme Yemsi yaag ekọn̄ọ anyii. 29Nte Yisọs akebọọn̄ akam, isiu mme afọn̄ esiu ama-akpughu. Ema-ekappa nyamma afia nte akepkep. 30Ndiin ndo-ndo ada, aninie-anwe iba ema-ewuo ewuud idii enno etan̄ ikuo mme Yisọs. Emmo ekede brọfed Mosis mme Idaiya. 31Emmo n̄ko ema-ewuo ewuud idii me nyayamma afia, ndiin emmo etan̄ ikuo mme Yisọs eban̄a adidii mkpa esiu mme nan̄a anyii akine anịm asuu me uduag Abasi me idọn̄ Yerusedem. 32Me adee, Bita me mme mbed iba ufịn emaeyed idee, ade me inii etoiyo me idee, emmo emaekịd Yisọs nte ayama ano asem. Emmo n̄ko emaekịd ninie-anwe iba mee eke adaa mme anyii. 33Me inii Mosis mme Idaiya eketọn̄n̄ọ adikpọn̄ Yisọs, Bita atoo, “Andikpiab, afoo nte afịd ayid iba mo me nsi-nsi itighe idọn̄. Ayịd iya ine atayad ite mo; kian̄ anyii fii, kian̄ anyii Mosis, ndiin kian̄ anyii Idiaya!” Bita aketan̄ anịm sia anyii ikinakka idiọn̄n̄ọ se anyii aketan̄ aban̄a.
34Me inii Bita akesọg atan̄ ikuo, ntọn̄ anyọn̄ adii, ndiin akan emmo akọg. Mme mbed ema-ekuk ndịk nte ntọn̄-anyọn̄ ake akan emmo akọg. 35Ndiin emmo ema-ekuk uyiu Abasi mee atukko ntọn̄-ayọn̄ atoo, “Anim ade ayiu amii, ada se amii mmag. Ikpan̄utọn̄ ino isiọg ibughu ino anyii.” 36Abasi amaake atan̄ ikuo ama, mme mbed ekekịd Yisọs ikpọn̄. Mme mbed emaekap inua eban̄a afịd n̄kpo se aketippe me abod. Emmo itan̄a ino anwe ntekian̄ iban̄a mme n̄kpo mkpaidii anim mme ayan inii.
YISỌS ABỊN NDIỌI SỊBIDID ASỊKKE ETUK AYIU ANINIE-ANWE MEE IDII
(Mat 17:14-21; Mak 9:14-29)
37Edi usiu, Yisọs ama-asoyo me abod ano asan̄a mme mbed esiu ite, ndiin adiwaag mme anwe edi adisobo Yisọs. 38Ndiin me ndo-ndo ada, anwe kian̄ me atuk adiwaag anwe ada ama-abọọn̄ Yisọs atoo, “Andikpiab, mme-kpeiye mme afe, nee n̄kpo ban̄a adiwam nkukre ayiu amii! 39ndiọi Sịbidid ubaag inii akra anyii, ndiin me unana mben̄idii aya-ane anyii asịkke nkpuk, ano anyagha anyii ntimi-ntimi tutuk anyii asighe efuud nteeg me inua. Ndiọi Sịbidid anakka ane anyii akpughu ibaag ano aba nte imikpon̄ọ-kpọn̄ anyii. 40Amii mma-akpeiye mme mbed afe nto adibịn̄ anyii asịkke, ade emmo ikikọddọ ine!”
41Me inii Yisọs akuk ada, anyii ama-adogho mme anwe usiu ada, “Ayịn me akpan ibuọdke idi me Abasi ino ide mbun ane ndiọi n̄kpo! Amii mmaaba mme ayịn̄ me ayan̄ inii, ade ayịn̄ ikibuọdke idii me Amii!” Ndiin Yisọs adogho anwe ada atoo, “Bii ayiu afe dii mo.”
42Nte etuk ayiu aninie-anwe akesan̄a akpre Yisọs, ndiọi Sịbidid ama-atuk etuk ayiu aninie-anwe ada aduog me isọn̄, ndiin atuag anyii ntịmi-ntịmi. Ade Yisọs ama-ano ndiọi Sịbidid uyiu ato akpọn̄ etuk ayiu aninie-anwe ada anyii akoog ayiu ada, ndiin adogho etii etuk ayiu aninie-anwe ada atoo, “Kiin ayiu afe aninie-anwe mo.” 43Me inii mme anwe ekekịd anịm, idii amaakpa afịd anwe adikịd akpọsọn̄oọ aduduk Abasi, anyii ama-adogho mme mbed esiu atoo, 44“ana ayịn̄ inakka ikpan̄-utọn̄ ino itee se ntan̄: Amii, Ayiu Anwe, eyaesọp eyaag mii esịn mee ukrag mme anwe.” 45Ade mme mbed ikidion̄n̄oke uduag esiu, sia ema edịb emmo se awuo. Me ntaag ada, iki-inwaaghake emmo. Ade emmo ema-efin̄ghe ndịk adibup anyii se mme ikuo esiu awuọn̄ọ.
46Mme mbed ematọn̄n̄ọ adifan̄a mme kian̄ ufịn iban̄a anie me atuk emmo se akpu ndaagha akieg? 47Ade Yisọs ama-adiọn̄n̄ọ se ake akaisiu me akikre emmo. Anee, anyii amam etuk ayiu aninie-anwe me ubaag, ndiin ane anyii ada akpre idii esiu. 48Ndiin Yisọs ama-adogho mme mbed esiu atoo, “anwe ntekian̄ mee abuoghọ etuk ayiu nte anịm me ntaag amii, anyii adaara mii, ndiin anwe ntekian̄ mee abuoghọ mii, n̄ko abuoghọ Abasi mee akedọn̄n̄o mii. Sia anwe mee asiọgke idii akieg, anyii ade anwe mee anakka akpu akieg me isiu Abasi.”
ANWE MEE ADIWANAKE MEE AMII, ADA MME AMII.
(Mak 9:38-41)
49Ndiin Yọọn adogho Yisọs atoo, “Etii-ufaag, ayịd imiikịd anwe abii enyịn̄ afe abịn dimon nsịn̄ghe mme anwe me idii, ndiin ayịd ima-inwana adikpan anyii me adine ada sia anyii ibaa mme ebughu ayịd.”
50Yisọs amaabọọrọ atoo, “Ku-utre mme anwe nte anyii sia anwe ntekian̄ mee adiwanake fii awawam fii.”
MME ANWE ME IDỌN SAMERIA IKIIYIMEKE YISỌS
51Nte inii asan̄a akpre, me inii ikiibi Yisọs ntọn̄n̄ọ ntaag ndọg Efịn̄, Yisọs asiọn̄n̄ọ aben̄e idii adika idọn̄ Yerusedem, ndiin ama-atọn̄n̄ọ adika de mee mme mbed esiu. 52Anyii adogho usọg mme isọn̄-utu esiu yaag ebughu anyii isiu. Emmo ema eka idọn̄ me efaag Sameria, mbaag ekenakka n̄kpo ebunu eno Yisọs mme mbun ufịn adiba akunayiig ada. 53Ade me inii mme anwe me idọn̄ Sameria edidiọn̄n̄ọ ke Yisọs akeka idọn̄ Yerusedem adikpuno Abasi, emmo ikiiyaagke Yisọs aba de mme emmo. 54Me inii mme mbed esiu Yemsi mme Yọọn ekekuk anịm, emmo emaebub Yisọs, “Abọn̄, afe aya-ameeg yaag ayịd ibọọn̄ ikan̄ atuk Efịn, ndiin adisobo mme anwe anịm nan̄a Idaiya n̄ko akenee?” 55Ndiin Yisọs ama-akana asua ano emmo. 56Ndiin anyii me mme mbed esiu ema eka idọn̄ ufịn̄. “Sia Ayiu Anwe ikidiye adisobo mme ukpọn̄ anwe ade akedii adifaag.”
USỌK MMO SE EKEYỊM ADIKỌNỌ YISỌS
(Mat 8:18-22)
57Nte Yisọs me mme mbed ekesan̄a eka me adighe mee akaa Yerusedem, anwe amaadi abịne Yisọs, ndiin adogho atoo, “Abọn̄, amii nya ade mbed afe nno nkọn̄n̄ọ fii itighe nte afe akaaka”.
58Yisọs adogho anyii atoo, “mme ewa ikoog edọn̄ me mme aduk, mme me inughu mee efuro me anyọn̄ ena me mme efoog. Ade Amii, Ayiu Anwe nyii ufaag se nna nduog-aduduk.”
59Ndiin Yisọs adogho anwe ufịn̄, “Di san̄a mee amii nno de mbed amii.”
Ade anwe ada amaabọọrọ atoo, “Abọn̄, yaag mbed tutuk n̄kọd mbuog etii amii.”
60Ade Yisọs amaabọọrọ anyii atoo, “Yaag mbun mme ekpaa mee Sịbidid ebuọg mbun me atuk emmo me ekekpaa. Afe, nte akpedede, kaa, ke kuọrọ nno mme anwe ban̄a ukrag Abasi.”
61Ndiin anwe kian̄ ufịn̄ ama-adogho Yisọs atoo, “Abọn̄, Amii nyịm adide mbed afe. Ade akpa, yaag mii ntịmme n̄ka ubun amii nkedọghọ emmo, itịm iba.”
62Ade Yisọs amaabọọrọ, “Anwe ntekian̄ me adee mbed amii, ndiin ayịm aditịmme nyọn̄ akana unwe esiu idukke adine utum me ukrag Abasi.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.