Duk 7
7
YISỌS AKOOG AYIU-UFAAG AKPUGHU ANWE EKỌN̄
(Mat 8:5-13)
1Me inii Yisọs ama-akekre adikpiab n̄kpo afịd mme anwe n̄kpo ada ano mme anwe, anyii ama-aka idọn̄ Kapanọm. 2Akpughu anwe ekọn̄ Rum#7:2 Sentudiọn akede akpugho anwe ekọn̄ Rum mee akekrag n̄kpo nte mbun ekọn̄ Iki-kian̄. amaaba me idọn̄ ada. Anyii ama-anyi ayiu-ufaag me anyii akemeeg eti-eti. Ayiu-ufaag ada ama-anakka adun̄ọ mee akekpre adikpa. 3Me inii akpughu anwe-ekọn̄ akekuk aban̄a Yisọs, anyii ama-adọn̄ ubaag mme adaidagha Yuu eka ebịn̄e Yisọs. Anyii ama-adogho emmo ekedogho Yisọs, “mboog dii, dikoog ayiu ufaag amii.” 4Ndiin emmo emaedi ebịn̄e Yisọs, emmo ekpeiye Yisọs akpọsọn̄ọ-akpọsọn̄ọ yaag asan̄a mme emmo ano anwam akpughu anwe-ekọn̄ ada. Emmo etoo, “Anwe ekọn̄ anịm aduk se afe anwam anyii me adighe ntịm. 5Sia anyii imeeg yire, mbun Yuu, ndiin me akpan, anyii ade anwe se akebuu Sinakọk ino yire.” 6Ndiin Yisọs ama-asan̄a mme emmo aka ufaag akpughu anwe-ekọn̄ Rum ada.
Me inii Yisọs akekpre ufaag, akpughu anwe ekọn̄ ama-adọn̄ usọg mme nsan̄ esiu ekedogho Yisọs, “Etii-ufaag, Kufana idii afe me adidii ufaag amii. Sia Amii ndukke se afe adidi ufaag amii. 7Ndiin Amii nnakkake nduk adidii mbịne fii. Utuk me ada, no ewuọgho me itighe nte afe aba. Amii mmediọn̄n̄ọ ke anyii aya-atịmme akuk nsọn̄-idii. 8Amii ntan̄ anịm sia amii n̄ko nde anwe mee mbaa me idag-ukrag mbun ufịn ndiin nnyi mbun ekọn̄ me idag ukrag amii. Inii ntekian̄ mee ndogho kian̄ me atuk emmo, Kaa de, ndiin anyii aka, ndiin inii ntekian̄ mee ndogho anwe ufịn̄, di mo, anyii adi. Inii ntekian̄ mee ndogho ayiu-ufaag amii, Nee utum anịm, anyii anee.”
9Me inii Yisọs akuk se anyii aketan̄, idii amaakpa anyii. Ndiin anyii akana anyig akiin mme anwe ekekọn̄n̄ọke anyii, ano adogho atoo, “mmesiọn̄ọ yinne, akenene nsoboke anwe Isred me anịm mii me akpanikuo akpọsọn̄ọ nte anwe anịm me adidee Yuu anee!” 10Ndiin mme nsan̄ akpughu anwe-ekọn̄ ema-etịmme enyọn̄ ufaag esiu. Me inii emmo ekesịm de, emmo emaekịd eto ke ayiu-ufaag esiu amaakuk nsọn̄-idii ayogho-ayogho.
AWNE MKPA ATỌNỌ-NTAAG ADUK UNWE
11Usọg inii ama-akebughu, Yisọs amaaka idọn̄ mee ekebọọn̄ Nain. Mme mbed esiu mme adiwaag atuk-anwe emaesan̄a mme anyii.
YISỌS ANNE AYIU ANWAA-EKPA ASỊD MEE MKPA
12Nte emmo esan̄a ekpre ntuk-ndọk idọn̄, emmo emaekịd usọg anwe nte ebii akpo etuk-akparawa eka adibuog anyii. Ekieg-esiu akede anwaa-akpa, ndiin anyii ikinyii ayiu ufịn̄. Adiwaag anwe me idọn̄ ada n̄ko ema-esan̄a mme anwaa-akpa eka ubuog-akpo ayiu ada. 13Me inii Abọn̄ Yisọs akekịd mma ada, anyii amaatua mma ada udọg. Anyii adogho mma ada atoo, “Ku-utua aba.”
14Ndiin Yisọs ama-asan̄a akpre akibi akpo anwe ano atiọg anyii. Mme anwe me ekebii akibi akpo-anwe emaetuag eda. Ndiin Yisọs adogho atoo, “Akparawa, me no fii uyiu adidagha-nda!” 15Usọp-usọp, akparawa ada me akekpaa ama-akappa aduk-unwe ano adagha-atighe, ndiin atọn̄n̄ọ aditan̄-ikuo. Yisọs ndiin amaabi anyii asọog ekieg-esiu.
16Mme anwe emaekịd se aketịppe ndiin idii ama-akpa afịd emmo ndiin eno etoro Abasi. Emmo etoo; “Akpọsọn̄o brọfed adii adiba me ufọd ayịd! Abasi adii adiwam yire!” 17Mme anwe emaesan̄a mee afịd nkan-n̄kọk Yudia mme me afịd nkan̄-nkọk mme me itighe me akpre de eno edogho mbun ufịn̄ se Yisọs akene.
YỌỌN̄ ADUOGMMỌN̄ ADỌN̄ MME ISỌN̄-UTU EBỊN̄E YISỌS
(Mat 11:2-19)
18Me inii Yọọn aduogmmọn̄ akebaa me ufaag- n̄kpakọb, mme mbed esiu emaedogho anyii afịd n̄kpo se Yisọs akene. Ndiin, Yọọn abọọn iba me atuk mbed esiu. 19ano adọn̄ mme mbed esiu ebịn̄e Abọn̄ Yisọs adikibub anyii, “Nte afe ade Andiyagha mee Abasi akewuọn̄ọke ke aya adii, mne ayịd iyịm anwe ufịn̄?”
20Me inii mme mbed ekedi ebịn̄e Yisọs, emmo edogho anyii etoo, Yọọn aduogmmọn̄ adọn̄ yire idibup fii, “Mee afe ade Andiyaagha mee Abasi akewuọn̄ọke aya adi, mme ayịd iyịm anwe ufịn̄?”
21Me ukem inii ada, me inii mme mbed Yọọn ekeba ade Yisọs akoog adiwaag-anwe se ekeba de udun̄ọ, mme adiwaag anwe mee ndiọi Sịbidid akekrag, ndiin anyii ane adiwaag mbun nnan emọn̄ọ-n̄kpo. 22Ndiin Yisọs abọọrọ mme mbed Yọọn atoo, “Ayịn̄ imiikịd ino ikuk nan̄a amii nne adiwaag mme utịppe-n̄kpo. Idaghada, itịmme ibịne Yọọn ino idogho anyii iban̄a mme n̄kpo anịm. Mbun nna emọn̄ọ-n̄kpo, ndiin mbun mbun̄n̄ọ esan̄a-isan̄. Amii mmekoog mme anwe akpa-mfia. Mbun imum ekuk ikuo ndiin. Mme anwe mee ekpan̄a etọn̄n̄ọ-ntaag eduk unwe. Amii n̄kuọrọ eti-etuk nno mme ubuene. 23N̄ko, dogho Yọọn atoo, Abasi aya adiọn̄ anwe mee adinyii eyiagha iban̄a mii;”
24Me inii mme isọn̄-utu Yọọn iba ema ekekpọn̄, Yisọs amaatọn̄n̄ọ aditan̄ nno uwaag atuk anwe mban̄a Yọọn: “Me inii Yọọn akekuọrọke-ikuo, nse-e ke ayịn̄ iki-iwuọn̄n̄ọ ika isọn̄-ntaikan̄ adikịd? Ayịn ikiwuo ika adikịd nyagha me afum anyaagha?#7:24 Anwe mee adinyii iwuọg. Anyii mee inii, mee inii akpughu mme akikre esiu sia anyii ane n̄kpo akọn̄ọ se mme anwe ekre eban̄a anyii. Me adinakka ntan̄. Idee! 25Ade, akpede ayịn̄ ikikaa de adikid ada, nse-e ke ayịn̄ ikiiwuo ika adikid? Mme anwe mee esineke mme nsọn̄-udua afọn̄? Me adinakka ntan̄ Idee! Sia mme anwe mee esinịke nsọn̄-udua afọn̄ eno eden̄e imo eban̄n̄a me ufaag adidem. 26Ade, nse-e ke ayịn̄ ikiiwuo ika adikịd? Ayịn ikiiwuo ika adikịd brọfed? Ih, me akpan̄, Yọọn akede brọfed! Ade amii idogho yinne ntoo ke anyii akpu mee atuk mme brọfed. 27Sia Yọọn ade isọn̄-utu me brọfed akewadda aban̄a ayan inii ke-e. Anyii ama-awad, Abasi adogho Andiyagha;
Amii nya adọn̄ isọn̄-utu amii mbem-isiu ndọn̄ fii.
Anyii aya-atịm adighe me adidii afe. 28Me akpan ke Amii ndogho yinne, Yọọn akpu akieg anwe ntekian̄ ufịn̄ se akemamana. Ade kpa nsịp-n̄kieg me ukrag Abasi akpu akieg nte anyii adee!.”
29Me inii emmo ekuk anịm, afịd anwe, nkọrọ mme abuogho taksi, eyịmme etoo, ke Abasi anen, ndiin emmo eyaag Yọọn aduọg emmo mmọn̄. 30Ade mme farisi mme me akpiab ibed Mosis esịn adiyịmme uduag Abasi me idii emmo, sia emmo emaesịn̄ no Yọọn aduog emmo mmọn̄.
31“Yisọs akaisiu adogho atoo, Nse-e ke nkimi adibii ndimi me idiog utoo mme anwe me ebaa mfịn̄? Nse-e ke emmo ebịd? 32Ayịn̄ ine nte ntuk-ayiu me abre mbre me asọn̄-udua, ubaag ntuk-ayiu ebọọn̄ mbun ufịn̄:
Ayịd imaine ikuo idaara mee abukpon ino fii!
ade afe ukunakke.
Ndiin ayịd ikwuo ikuo mfughọ,
ade ayịn̄ ikiituaa!
33Ayịn̄ iba nte ntuk-ayiu ada, sia me inii Yọọn aduogmmọn̄ akedii ibịne yinne, anyii ikidiaa nkan̄ga ndidia me anwọn̄ ukoog. Ade ayịn̄ iduk anyii-uyiu adinyii dimon. 34Ade ama-ade Amii, Ayiu Anwe, ndia nkan̄ga ndidia nno nwọn̄ ukoog nte mbun ufịn̄ enee, ade ayịn̄ isịn mii itoo, ke mmedia ndidia mbra nno nwọn̄ ukoog mbra, Amii nno nsan̄a mme mee abogho taksi mme mee ndiọi anwe ufịn. 35Nte akpede, ewu ke ifiog Abasi anen me unwe mbun se eyịmme anyii.”
YISỌS AFEEN MME NDIỌI-N̄KPO ANWA-ANWAA ADA
36Usiu kian̄, Saimọn, mee akede anwe Farisi ama-abọọn̄ Yisọs adidia mbubịk mme anyii, ndiin Yisọs amaaka ufaag esiu ano aketighe adidia n̄kpo. 37Me idọn̄ ada, amaaba anwa-anwaa kian̄ me akeduk idiog unwe. Anyii amaakuk atoo ke Yisọs asọg adia ndidia me ufaag anwe Farisi. Ndiin ama-abii nsọn̄-udua ekpimi anịk-ufịk adeeg, ano aka de. 38Anyii amaadọg ufaag, ndiin anyii ada me edii Yisọs. Anyii ama-atọn̄n̄ọ atua ayiig, anyii ane ukuk esiu adịn̄ghe mme mmọn̄-anyig esiu, Nte mmọn̄-anyig akeduogho me ukuk Yisọs, anyii ama akwuogho mme idịk esiu, ndiin anyii atịm inua me ikpeeg yisọs. Anyii ndiin aduog anịk-ufịk adeeg me atug ano afiọn̄ọ anyii me ikpeeg Yisọs.
39Me inii anwe Farisi me akebọọn̄ Yisọs ufaag akịd anịm, anyii amaakre, “Akpede anwe anịm anakka ade brọfed, anyii akpa-adiọn̄n̄ọ uto anwa-anwaa me atiọg anyii, anyii akpa-adiọn̄n̄ọ eduk-unwe esiu, ke anyii ade anwa-anwaa ane idiogn̄kpo!”
40Yisọs amaasikke uyiu atan̄ ano adogho anyii atoo, “Saimọn, Amii mmenyi n̄kpo se nku-dogho fii”, Ndiin Saimọn abọọrọ atoo,
“Ih, Etii-ufaag, mboog dogho mii.”
41Ndiin Yisọs adogho emmo mbọg anịm: “Inii-kian̄ amaaba anwe me akebuọd anwe iba akọg. Anwe kian̄ abuọd akọg me akeduk utum usiu iki-itiin, ndiin ufịn abuọd akọg me akeduk utum usiu aba mme dughu. 42Mme inii anwe iba mee ekebuọd akọg etuk abuọd akọg akedikọddọ ikpi anyii aba, anyii ama afeen emmo ato, afe inaa nte ikpii isọn̄ afe aba. Me ntre, ibọọrọ mii, akie-e ke ayịn̄ ikre ikimeeg abuọd-akọg ikieg?”
43Saimọn abọọrọ atoo, “Nkre ke ade anwe mee akebuọd uwaag akọg ndiin inyii ikpii aba ke efeen anyii ekieg.” Ndiin Yisọs adogho Saimọn atoo,
“Ibọrọ afe anen.”
44Ndiin Yisọs ama-akana akiin anwa-anwaa ada ano adogho Saimọn atoo, “Kre ban̄a se anwa-anwaa anịm ane idaghada. Afe ade anwe se akebọọn̄ mii ufaag afe, ade afe uku-kpunoke mii me adino mmọn̄ mbaag nyiig-ukuk, ade anwa-anwaa anịm ayiig mii ikpeeg me mmọn̄-ayig esiu ano akwuogho mii ikpeeg mme idịk esiu. 45Afe ukukwamake mii me adife. Ade, tọn̄n̄ọ me inii se mba mo me ufaag afe, anwa-anwaa anịm atịm mii ikpeeg kwa-inii kwa-inii, adiwuu ukpuno esiu. 46Afe uku-udaarake mii me adifiọn̄ọ adeeg Odif me ibughu amii. Ade anyii ama-adaara mii me adifiọn̄ọ mii nsọn̄-udua anịk-ufịk adeeg me ikpeeg amii. 47Me ntaag ada, Amii ndogho fii ntoo ke efeen eno anyii me adiwaag idiogn̄kpo se anyii akene. Akpughu ima esiu awuu ada.”
48Ndiin Yisọs adogho anwa-anwaa ada atoo, Mma, “Abasi afeen ano fii me afịd mme idiogn̄kpo se afe akenee.”
49Ndiin mbun ufịn me ekedia n̄kpo mme anyii me akpokoro ebub idii emmo, “Anwe anịm se akre atoo imo isiide anie-anwe? Anyii n̄ko akre ke imo imiinyi Ukuu adifeen mme idiogn̄kpo anwe me Abasi ikpọn̄ akọdadine.”
50Ndiin Yisọs ama-akaisiu adogho anwa-anwaa ada, “Mbuọdidii afe me amii ama anyagha fii me mme ndiọi n̄kpo afe. Kaa ndiin yaag Abasi akaisiu ano fii emem esiu.”
ទើបបានជ្រើសរើសហើយ៖
Duk 7: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 7
7
YISỌS AKOOG AYIU-UFAAG AKPUGHU ANWE EKỌN̄
(Mat 8:5-13)
1Me inii Yisọs ama-akekre adikpiab n̄kpo afịd mme anwe n̄kpo ada ano mme anwe, anyii ama-aka idọn̄ Kapanọm. 2Akpughu anwe ekọn̄ Rum#7:2 Sentudiọn akede akpugho anwe ekọn̄ Rum mee akekrag n̄kpo nte mbun ekọn̄ Iki-kian̄. amaaba me idọn̄ ada. Anyii ama-anyi ayiu-ufaag me anyii akemeeg eti-eti. Ayiu-ufaag ada ama-anakka adun̄ọ mee akekpre adikpa. 3Me inii akpughu anwe-ekọn̄ akekuk aban̄a Yisọs, anyii ama-adọn̄ ubaag mme adaidagha Yuu eka ebịn̄e Yisọs. Anyii ama-adogho emmo ekedogho Yisọs, “mboog dii, dikoog ayiu ufaag amii.” 4Ndiin emmo emaedi ebịn̄e Yisọs, emmo ekpeiye Yisọs akpọsọn̄ọ-akpọsọn̄ọ yaag asan̄a mme emmo ano anwam akpughu anwe-ekọn̄ ada. Emmo etoo, “Anwe ekọn̄ anịm aduk se afe anwam anyii me adighe ntịm. 5Sia anyii imeeg yire, mbun Yuu, ndiin me akpan, anyii ade anwe se akebuu Sinakọk ino yire.” 6Ndiin Yisọs ama-asan̄a mme emmo aka ufaag akpughu anwe-ekọn̄ Rum ada.
Me inii Yisọs akekpre ufaag, akpughu anwe ekọn̄ ama-adọn̄ usọg mme nsan̄ esiu ekedogho Yisọs, “Etii-ufaag, Kufana idii afe me adidii ufaag amii. Sia Amii ndukke se afe adidi ufaag amii. 7Ndiin Amii nnakkake nduk adidii mbịne fii. Utuk me ada, no ewuọgho me itighe nte afe aba. Amii mmediọn̄n̄ọ ke anyii aya-atịmme akuk nsọn̄-idii. 8Amii ntan̄ anịm sia amii n̄ko nde anwe mee mbaa me idag-ukrag mbun ufịn ndiin nnyi mbun ekọn̄ me idag ukrag amii. Inii ntekian̄ mee ndogho kian̄ me atuk emmo, Kaa de, ndiin anyii aka, ndiin inii ntekian̄ mee ndogho anwe ufịn̄, di mo, anyii adi. Inii ntekian̄ mee ndogho ayiu-ufaag amii, Nee utum anịm, anyii anee.”
9Me inii Yisọs akuk se anyii aketan̄, idii amaakpa anyii. Ndiin anyii akana anyig akiin mme anwe ekekọn̄n̄ọke anyii, ano adogho atoo, “mmesiọn̄ọ yinne, akenene nsoboke anwe Isred me anịm mii me akpanikuo akpọsọn̄ọ nte anwe anịm me adidee Yuu anee!” 10Ndiin mme nsan̄ akpughu anwe-ekọn̄ ema-etịmme enyọn̄ ufaag esiu. Me inii emmo ekesịm de, emmo emaekịd eto ke ayiu-ufaag esiu amaakuk nsọn̄-idii ayogho-ayogho.
AWNE MKPA ATỌNỌ-NTAAG ADUK UNWE
11Usọg inii ama-akebughu, Yisọs amaaka idọn̄ mee ekebọọn̄ Nain. Mme mbed esiu mme adiwaag atuk-anwe emaesan̄a mme anyii.
YISỌS ANNE AYIU ANWAA-EKPA ASỊD MEE MKPA
12Nte emmo esan̄a ekpre ntuk-ndọk idọn̄, emmo emaekịd usọg anwe nte ebii akpo etuk-akparawa eka adibuog anyii. Ekieg-esiu akede anwaa-akpa, ndiin anyii ikinyii ayiu ufịn̄. Adiwaag anwe me idọn̄ ada n̄ko ema-esan̄a mme anwaa-akpa eka ubuog-akpo ayiu ada. 13Me inii Abọn̄ Yisọs akekịd mma ada, anyii amaatua mma ada udọg. Anyii adogho mma ada atoo, “Ku-utua aba.”
14Ndiin Yisọs ama-asan̄a akpre akibi akpo anwe ano atiọg anyii. Mme anwe me ekebii akibi akpo-anwe emaetuag eda. Ndiin Yisọs adogho atoo, “Akparawa, me no fii uyiu adidagha-nda!” 15Usọp-usọp, akparawa ada me akekpaa ama-akappa aduk-unwe ano adagha-atighe, ndiin atọn̄n̄ọ aditan̄-ikuo. Yisọs ndiin amaabi anyii asọog ekieg-esiu.
16Mme anwe emaekịd se aketịppe ndiin idii ama-akpa afịd emmo ndiin eno etoro Abasi. Emmo etoo; “Akpọsọn̄o brọfed adii adiba me ufọd ayịd! Abasi adii adiwam yire!” 17Mme anwe emaesan̄a mee afịd nkan-n̄kọk Yudia mme me afịd nkan̄-nkọk mme me itighe me akpre de eno edogho mbun ufịn̄ se Yisọs akene.
YỌỌN̄ ADUOGMMỌN̄ ADỌN̄ MME ISỌN̄-UTU EBỊN̄E YISỌS
(Mat 11:2-19)
18Me inii Yọọn aduogmmọn̄ akebaa me ufaag- n̄kpakọb, mme mbed esiu emaedogho anyii afịd n̄kpo se Yisọs akene. Ndiin, Yọọn abọọn iba me atuk mbed esiu. 19ano adọn̄ mme mbed esiu ebịn̄e Abọn̄ Yisọs adikibub anyii, “Nte afe ade Andiyagha mee Abasi akewuọn̄ọke ke aya adii, mne ayịd iyịm anwe ufịn̄?”
20Me inii mme mbed ekedi ebịn̄e Yisọs, emmo edogho anyii etoo, Yọọn aduogmmọn̄ adọn̄ yire idibup fii, “Mee afe ade Andiyaagha mee Abasi akewuọn̄ọke aya adi, mme ayịd iyịm anwe ufịn̄?”
21Me ukem inii ada, me inii mme mbed Yọọn ekeba ade Yisọs akoog adiwaag-anwe se ekeba de udun̄ọ, mme adiwaag anwe mee ndiọi Sịbidid akekrag, ndiin anyii ane adiwaag mbun nnan emọn̄ọ-n̄kpo. 22Ndiin Yisọs abọọrọ mme mbed Yọọn atoo, “Ayịn̄ imiikịd ino ikuk nan̄a amii nne adiwaag mme utịppe-n̄kpo. Idaghada, itịmme ibịne Yọọn ino idogho anyii iban̄a mme n̄kpo anịm. Mbun nna emọn̄ọ-n̄kpo, ndiin mbun mbun̄n̄ọ esan̄a-isan̄. Amii mmekoog mme anwe akpa-mfia. Mbun imum ekuk ikuo ndiin. Mme anwe mee ekpan̄a etọn̄n̄ọ-ntaag eduk unwe. Amii n̄kuọrọ eti-etuk nno mme ubuene. 23N̄ko, dogho Yọọn atoo, Abasi aya adiọn̄ anwe mee adinyii eyiagha iban̄a mii;”
24Me inii mme isọn̄-utu Yọọn iba ema ekekpọn̄, Yisọs amaatọn̄n̄ọ aditan̄ nno uwaag atuk anwe mban̄a Yọọn: “Me inii Yọọn akekuọrọke-ikuo, nse-e ke ayịn̄ iki-iwuọn̄n̄ọ ika isọn̄-ntaikan̄ adikịd? Ayịn ikiwuo ika adikịd nyagha me afum anyaagha?#7:24 Anwe mee adinyii iwuọg. Anyii mee inii, mee inii akpughu mme akikre esiu sia anyii ane n̄kpo akọn̄ọ se mme anwe ekre eban̄a anyii. Me adinakka ntan̄. Idee! 25Ade, akpede ayịn̄ ikikaa de adikid ada, nse-e ke ayịn̄ ikiiwuo ika adikid? Mme anwe mee esineke mme nsọn̄-udua afọn̄? Me adinakka ntan̄ Idee! Sia mme anwe mee esinịke nsọn̄-udua afọn̄ eno eden̄e imo eban̄n̄a me ufaag adidem. 26Ade, nse-e ke ayịn̄ ikiiwuo ika adikịd? Ayịn ikiiwuo ika adikịd brọfed? Ih, me akpan̄, Yọọn akede brọfed! Ade amii idogho yinne ntoo ke anyii akpu mee atuk mme brọfed. 27Sia Yọọn ade isọn̄-utu me brọfed akewadda aban̄a ayan inii ke-e. Anyii ama-awad, Abasi adogho Andiyagha;
Amii nya adọn̄ isọn̄-utu amii mbem-isiu ndọn̄ fii.
Anyii aya-atịm adighe me adidii afe. 28Me akpan ke Amii ndogho yinne, Yọọn akpu akieg anwe ntekian̄ ufịn̄ se akemamana. Ade kpa nsịp-n̄kieg me ukrag Abasi akpu akieg nte anyii adee!.”
29Me inii emmo ekuk anịm, afịd anwe, nkọrọ mme abuogho taksi, eyịmme etoo, ke Abasi anen, ndiin emmo eyaag Yọọn aduọg emmo mmọn̄. 30Ade mme farisi mme me akpiab ibed Mosis esịn adiyịmme uduag Abasi me idii emmo, sia emmo emaesịn̄ no Yọọn aduog emmo mmọn̄.
31“Yisọs akaisiu adogho atoo, Nse-e ke nkimi adibii ndimi me idiog utoo mme anwe me ebaa mfịn̄? Nse-e ke emmo ebịd? 32Ayịn̄ ine nte ntuk-ayiu me abre mbre me asọn̄-udua, ubaag ntuk-ayiu ebọọn̄ mbun ufịn̄:
Ayịd imaine ikuo idaara mee abukpon ino fii!
ade afe ukunakke.
Ndiin ayịd ikwuo ikuo mfughọ,
ade ayịn̄ ikiituaa!
33Ayịn̄ iba nte ntuk-ayiu ada, sia me inii Yọọn aduogmmọn̄ akedii ibịne yinne, anyii ikidiaa nkan̄ga ndidia me anwọn̄ ukoog. Ade ayịn̄ iduk anyii-uyiu adinyii dimon. 34Ade ama-ade Amii, Ayiu Anwe, ndia nkan̄ga ndidia nno nwọn̄ ukoog nte mbun ufịn̄ enee, ade ayịn̄ isịn mii itoo, ke mmedia ndidia mbra nno nwọn̄ ukoog mbra, Amii nno nsan̄a mme mee abogho taksi mme mee ndiọi anwe ufịn. 35Nte akpede, ewu ke ifiog Abasi anen me unwe mbun se eyịmme anyii.”
YISỌS AFEEN MME NDIỌI-N̄KPO ANWA-ANWAA ADA
36Usiu kian̄, Saimọn, mee akede anwe Farisi ama-abọọn̄ Yisọs adidia mbubịk mme anyii, ndiin Yisọs amaaka ufaag esiu ano aketighe adidia n̄kpo. 37Me idọn̄ ada, amaaba anwa-anwaa kian̄ me akeduk idiog unwe. Anyii amaakuk atoo ke Yisọs asọg adia ndidia me ufaag anwe Farisi. Ndiin ama-abii nsọn̄-udua ekpimi anịk-ufịk adeeg, ano aka de. 38Anyii amaadọg ufaag, ndiin anyii ada me edii Yisọs. Anyii ama-atọn̄n̄ọ atua ayiig, anyii ane ukuk esiu adịn̄ghe mme mmọn̄-anyig esiu, Nte mmọn̄-anyig akeduogho me ukuk Yisọs, anyii ama akwuogho mme idịk esiu, ndiin anyii atịm inua me ikpeeg yisọs. Anyii ndiin aduog anịk-ufịk adeeg me atug ano afiọn̄ọ anyii me ikpeeg Yisọs.
39Me inii anwe Farisi me akebọọn̄ Yisọs ufaag akịd anịm, anyii amaakre, “Akpede anwe anịm anakka ade brọfed, anyii akpa-adiọn̄n̄ọ uto anwa-anwaa me atiọg anyii, anyii akpa-adiọn̄n̄ọ eduk-unwe esiu, ke anyii ade anwa-anwaa ane idiogn̄kpo!”
40Yisọs amaasikke uyiu atan̄ ano adogho anyii atoo, “Saimọn, Amii mmenyi n̄kpo se nku-dogho fii”, Ndiin Saimọn abọọrọ atoo,
“Ih, Etii-ufaag, mboog dogho mii.”
41Ndiin Yisọs adogho emmo mbọg anịm: “Inii-kian̄ amaaba anwe me akebuọd anwe iba akọg. Anwe kian̄ abuọd akọg me akeduk utum usiu iki-itiin, ndiin ufịn abuọd akọg me akeduk utum usiu aba mme dughu. 42Mme inii anwe iba mee ekebuọd akọg etuk abuọd akọg akedikọddọ ikpi anyii aba, anyii ama afeen emmo ato, afe inaa nte ikpii isọn̄ afe aba. Me ntre, ibọọrọ mii, akie-e ke ayịn̄ ikre ikimeeg abuọd-akọg ikieg?”
43Saimọn abọọrọ atoo, “Nkre ke ade anwe mee akebuọd uwaag akọg ndiin inyii ikpii aba ke efeen anyii ekieg.” Ndiin Yisọs adogho Saimọn atoo,
“Ibọrọ afe anen.”
44Ndiin Yisọs ama-akana akiin anwa-anwaa ada ano adogho Saimọn atoo, “Kre ban̄a se anwa-anwaa anịm ane idaghada. Afe ade anwe se akebọọn̄ mii ufaag afe, ade afe uku-kpunoke mii me adino mmọn̄ mbaag nyiig-ukuk, ade anwa-anwaa anịm ayiig mii ikpeeg me mmọn̄-ayig esiu ano akwuogho mii ikpeeg mme idịk esiu. 45Afe ukukwamake mii me adife. Ade, tọn̄n̄ọ me inii se mba mo me ufaag afe, anwa-anwaa anịm atịm mii ikpeeg kwa-inii kwa-inii, adiwuu ukpuno esiu. 46Afe uku-udaarake mii me adifiọn̄ọ adeeg Odif me ibughu amii. Ade anyii ama-adaara mii me adifiọn̄ọ mii nsọn̄-udua anịk-ufịk adeeg me ikpeeg amii. 47Me ntaag ada, Amii ndogho fii ntoo ke efeen eno anyii me adiwaag idiogn̄kpo se anyii akene. Akpughu ima esiu awuu ada.”
48Ndiin Yisọs adogho anwa-anwaa ada atoo, Mma, “Abasi afeen ano fii me afịd mme idiogn̄kpo se afe akenee.”
49Ndiin mbun ufịn me ekedia n̄kpo mme anyii me akpokoro ebub idii emmo, “Anwe anịm se akre atoo imo isiide anie-anwe? Anyii n̄ko akre ke imo imiinyi Ukuu adifeen mme idiogn̄kpo anwe me Abasi ikpọn̄ akọdadine.”
50Ndiin Yisọs ama-akaisiu adogho anwa-anwaa ada, “Mbuọdidii afe me amii ama anyagha fii me mme ndiọi n̄kpo afe. Kaa ndiin yaag Abasi akaisiu ano fii emem esiu.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.