Duk 6
6
YISỌS ADE ABỌN̄ SABAD
(Mat 12:1-8; Mak 2:23-28)
1Me usiu Sabad kian̄, Yisọs mme mbed esiu emaesan̄a ebukko me mme inwan̄ abakpa. Mme mbed esiu emaetọn̄n̄ọ adiwag abakpa. Emmo emaetọn̄n̄ọ adifon̄ nno mbiag nta. 2Ama-aba mme farisi me ekekịd se mme mbed ekenee. Me ntre emmo ebub emmo, “Ntaag me ayịn̄ iwaiyaa abakpa me usiu Sabad?” Ade ibed akpan̄ adine ntre.
3Yisọs amaabọọrọ atoo, Nte ayịn̄ ikudke me n̄wad Abasi se adidem Defịd akene me inii anyii mme mbun me ekeban̄ake mme anyii me inii akan̄ akedọn̄ emmo? 4Defịd ama adog atayad#6:4 Tabernacle: Atayad akede akpuko itighe mee mbun Yuu ekanenee uwaa eno Abasi mme itighe mee Abasi akan-ayarakeidii ano emmo. Abasi, abii n̄kpo me ekewaa eno Abasi. Anyii amaadia, ndiin ano mbun se kesan̄a mme anyii n̄ko edia akpesọg ade ibed ama-akpan̄ ke miiboghoke akuk ikpọn̄ akpedia. 5Me akpatre, Yisọs atoo, “Amii, Ayiu Anwe mmenyi unen me se an̄we akpene mme se akpidine me usiu Sabad.”
YISỌS AKOOG ANWE ME USIU SABAD
(Mat 12:9-14; Mak 3:1-6)
6Me usiu Sabad ufịn, Yisọs ama-adika esịd Sinakọk ndiin atọn̄n̄ọ adikpiab mme anwe n̄kpo. Aninie- anwe kian̄ mee ubaag udu esiu ama-akekpa amaaba ade. 7Usọg mme Farisi me mme akpiab ibed me ekeba ade emaeyịm n̄kpo ndudughu se ekpebii ebium Yisọs ikpii. Me ntre, emmo ewuug anyig ekiin anyii adikịd mee anyii aya akoog anwe mbun̄ọ anịm me usiu Sabad. 8Ade Yisọs ama-adiọn̄n̄ọ se emmo ekekre, me ntre, anyii ama-adogho anwe anyi mbiikpa ubaag ato, daghada no afịd anwe ekịd fii. Ndiin anwe ada ama-adaghada.
9Ndiin Yisọs abub mme Farisi me mme andikpiab ibed, “Amii mmenyi mbumi ino yinne; Nse ke ibed ayịn̄ asedogho ene me usiu Sabad? Nte ade adinwam me adine anwe idiog? Mme adinyagha unwe anwe me adisobo anyii?.”
10Me inii Yisọs ama akekiin emmo afịd akana, anyii adogho anwe mbikpa ubaag atoo, “Yaan ubaag afe” anwe ada amaane nte anyii akedoghoke. 11Me inii mme Farisi mee andikpiab ibed emaekekịd anịm, esịd ama anakka ayad emmo. Ndiin emmo etọn̄n̄ọ adineme me atuk idii emmo se ekpene Yisọs.
YISỌS AMAG ABOSUL DUGHU IBA
(Mat 10:1-4; Mak 3:13-19)
12Me usiu ifan̄ ama akebughu Yisọs amadiwuo akpọn̄ idọn̄ ada adika mben anyọn̄ abod adikiiba ikpọn̄ mbọọn̄ akam. Anyii amaaba de afịd akun-ayiig ada abọọn̄ akam ano Abasi. 13Me abughu-usiu, Anyii amaabọọn̄ afịd mbed-esiu, ndiin emmo emaedii ebịn̄e anyii. Anyii amamag aninie-anwe dughu-iba me atuk emmo ato ede abọsul esiu . 14Mme anyịn̄ emmo ekeden̄n̄e anịm: Saimọn mme Yisọs akebọọn̄ọ Bita, ayiu ekieg esiu Andru, Yemsi, Yọọn, Fidib, Batodomiu. 15Matiu, Tọmọs, Yemsi ayiu Alfiọs mme Saimọn ame akedee asịn-ifịk#6:15 6:15 Simọn akede akaan anwe me udịm mbun mee ekenwana adifaag mme Yuu nsịkke me idag ukrag Rum. me une- n̄kpo. 16Yudas mee akedee ayiu nno Yemsi, mme Yudas Iskariot me akedidee anditap Yisọs nno mkpa aketukko idọn̄ Keriot.
YISỌS AKOOG ADIWAAG ATUK ANWE
(Mat 4:24,25; Mak 3:7-12)
17Me inii Yisọs mme mbed esiu emaekesoiyo me anyọn̄ abod edii, emmo ema-esọn̄ eda me akpughu una-isọn̄. Dee, emmo emaedisobo mme ataa adiwaag abọsul esiu ufịn me eketukko mme idọn̄ me nkan-n̄kok idọn̄ Yudia mme Yerusedem, mme idọn̄ mben esọg Taya mme Saidọn. 18Adiwaag anwe emaedii adikpan-utọn̄ ino ukpiab n̄kpo esiu. Mbun udun̄ọ emaeyịm anyii akoog mmiimo. Anyii amaano akoog mbun se ndiọi Sịbidid aketughọde. 19Afịd anwe emaenwana aditiọg Yisọs, siade anyii akekoog afịd anwe mme aduduk esiu.
MME ADIDIỌN̄ INIAN̄ MME ISIUN̄O INIAN̄
(Mat 5:1-12)
20Me ada ama akebughu, Yisọs akiin mme mbed, ndiin adogho emmo atoo, “Abasi aya adiọn̄ yinne mbun ada me ebueneke, sia ayịn̄ iya inyi udiama me ukrag Abasi. 21Abasi aya adiọn̄ mbun ada mee akan̄ adọn̄n̄ọ, siade ayịn̄ iya ikuk uyogho. Abasi aya adiọn̄ mbun ada me ibaa me mfughọ idagha anịm, siade ayịn̄ iya isag mme idaara. 22Abasi aya adiọn̄ yinne me inii mme anwe esua yinne, eno esadada yinne, ndiin esọn̄n̄ọ yinne anyig eno etan̄ ndiọi ikuo eban̄a yinne sia ayịn̄ imagke adikọn̄n̄ọ mii, Ayiu Anwe. 23Me inii ada, ikuk inịk-esịd ino idaara, siade Abasi aya anakka akpuno yinne me Efịn. Sia mme etii-etii emmo emaene mme ukem n̄kpo anịm eno mme Brọfed me mme usiu edii.
IKUO NDỌD-UTỌN̄
24Ade ayịn̄ mme imo anwe iya inyi akpughu mfịna, siade ayịn̄ imaitọtọn̄n̄ọ me unwe anịm inyi afịd ntii-n̄kpo se ayịn̄ ikpeyịmme. 25Ayịn̄ ada mee idia iyogho iya inyi mfịna, siade ataa akan̄ aya adọn̄ yinne. Ayịn̄ ada mee isagha mme idaara idaghada iya inyi mfịna, siade ayịn̄ iya itua mme mfughọ. 26Ayịn̄ ada ame afịd anwe etooroke idagha anịm iya inyi ataa mfịna, siade mme eti-eti emmo emaetan̄ ikuo me ukem adighe anịm eban̄a mme mbun abian̄a mme eke edogho ke iden̄n̄e mme Brọfed.
MEEG MME ASUA AFE
(Mat 5:38-48)
27Yisọs ama akaisiu akpiab-n̄kpo ndiin atoo, se ntan̄ ade anịm ino yinne me ekpan̄-utọn̄ ino mii: Ayịn̄ ana nte imeeg asua ayịn̄, ino ine eti-n̄kpo ino afịd mbun meeg esua yinne. 28Ibian̄a Abasi adiọn̄ mbun adaa mee esughu yinne. Ibọọn̄ akam ino mbun ada miikina yinne me idiog adighe. 29Adieke anwe akedede amia kian̄ me atuk ayịn̄ ufia me mban̄ adisọn̄n̄ọ yinne anyig, iyaag anyii imia yinne mban̄ ufịn n̄ko. Adieke anwe ibughọ yinne ufughọ atugho ayịn̄, ikpọn̄ afọn̄idii ayịn̄ n̄ko ino anyii. 30Adieke anwe akedede ibian̄ake yinne n̄kpo, ino anyii, ndiin anwe akpebughọ yinne n̄kpo ayịn̄, ikuyịm adibughọ anyii aba. 31Duk-unwe mme mbun ufịn ukem se afe ayịm emmo eduk mee afe. 32Adieke ayịn̄ imeeg sọg mbun se emeg yinne kpọd, ndiin ayịn̄ inee n̄kpo ntekian̄ me adukko itooro ituk anwe ntekian̄. Siade, akab ade mbun ada me adikpunoke Abasi emeeg mbun se emeeg emmo. 33Ndiin adieke ayịn̄ inee eti-n̄kpo ino mbun ada me enee eti-n̄kpo ino yinne ikpọn̄, ayịn̄ ineke n̄kpo ntekian̄ mee adukko itooro atuk anwe ntekian̄, sia, akab ade mbun me adikpunoke Abasi ene eti-n̄kpo eno mbun mee enee eti-n̄kpo eno emmo. 34Ndiin adieke ayịn̄ ibuọd akọg ino anwe me ayịn̄ iduk-anyig ke aya-akọd atọnn̄ọ ntaag akpọn ino yinne, ayịn̄ inee n̄kpo ntekian̄ me aduk itooro atuk anwe, sia akab ade mbun me adikukke itii Abasi n̄ko, ebuọd akọg emmo eno utoo ibun ada, mbaag emmo ebughọ akọg se emmo ema ekebuọd. 35Ikpinaa ayịn̄ iba ntre, utuk me ada, imeeg mme asua ayịn̄ ino ikana emmo afoo. Buọd emmo akọg ku utọn̄n̄ọ ntaag uyịm. Adieke ayịn̄ inee anịm, ndiin ayịn̄ iyaibughọ akpughu utịp, ndiin anịm ayawuu atoo ke ayịn̄ ide ndito Abasi ataa andikpu nkieg. Siade Abasi afoo ano afịd anwe nkọrọ mme anana esịd ekọm mme anan̄a ndiọi. 36Itua anwe mbọm ukem nan̄a Etii ayịn̄ mee aba me Efịn̄ atua afịd anwe mbọm.
KU UKPII-IKPII UNO MME ANWE
(Mat 7:1-5)
37Yisọs ama akaisiu akpiab n̄kpo; adogho atoo, ku uduk anwe uyiu atoo ke ane idiogn̄kpo, mbaag anwe adino iduk yinne uyiu, ikipii ukwan̄ ikpii ino mbun ufịn mbaag anwe adino ikpii ino yinne. Feen no mme anwe me ene-ndiọi ndiin eyaefeen ino yinne. 38Noo mme anwe se ade unana emmo, ndiin ayịn̄ iyaibughọ se ayịn̄ inana. Eyaino yinne ayogho-ayogho, etii-udumo, efịk enyeghe tutuk ufan̄ aba se edọn̄ ufịn, anakka ayoog aduoiyọ akide udiama ayịn̄. Sia se ayịn̄ idumo ino anwe, kpa ukem ke ekiidumo ino yinne.” 39Ndiin Yisọs amana ano emmo mbọg anịm, Nnan ikimike adiwuu nnan adighe. Me akpanikuo emmo mbiiba eyaeduọn̄n̄ọ edun̄n̄ọ me abubịk. 40Mbed isikpuu ikieg etii ufaag esiu, ade kwa mbed me anakkake abughọ afịd ukpiab n̄kpo, ayaaba nte etii ufaag esiu 41Iminaa ayịn̄ ifana idii iban̄a ataa etuk ntọn̄ me anyig ufịn̄ anwe me inii isikke anyig ikpọn akpughu abukpọg me anyig ayịn̄. 42Isiine dighe ikre adidogho itoo, nsan̄, yaag unwam fii nsịkke nyiu mbiu me anyig ayịn̄? Ayịn̄ mbun mbubịk, bughu isiu isịkke ekieg mbag etu me anyig maa atukde ayịn̄ ikọd imọnọ isịkke etuk ntọn me asịneke me anyig mbun ufịn.
EDIỌN̄Ọ ETUU ETUK MFỊD ETU
(Mat 7:15-20)
43Yisọs ama akaisiu akpiab-n̄kpo, ndiin adogho atoo, etii etuu iwumke idiog mfịd. Me ukem adighe ada, idiog etuu iwumke etii mfịd. 44Me ukem ntre, ebii mfịd etuu ediọn̄n̄ọ etuu#6:44 fig mme Grape, sia anwe isikịppeke fịk mme Krape ituk ikog. 45Me ukem ada, etii anwe atan̄ ntii- n̄kpo sia akikre esịd emmo adee etii. Idiog anwe anan̄a ndiọi sia akikre emmo aden̄n̄e ndiọi. Me ntre, se anwe atan̄ awuu uto akikre se anyii anyi.
UTO MME ABUU UFAAG IBA
(Mat 7:21-27)
46Ade ntaag ayịn̄ ibọn̄n̄ọ mii “Abọn̄, Abọn̄, ndiin ayịn̄ inee mme n̄kpo se amii nyịm nto ayịn̄ ine? 47Nyanne no anwagha yinne nan̄a aba me inii anwe adiye abịne mii, akpan̄-utọn̄ ano ukpiab n̄kpo amii, ndiin ane se ntan̄. 48Emmo eda nte anwe ame abuu ufaag. Asiag isọn̄ atun̄n̄ọ tutuk akesịm itiad me idag, ndiin anyii abuu ufaag me anyọn̄ itiad ada. Adikem, me inii ato mmon̄ akedii, awaawa ato ufaag ada, ade ikikọddọ iwuud ufaag ada, siade ama-anyi eti itiad idag-isọn̄. 49Ade adieke anwe ntekian akpan̄-utọn̄ ano ukpiab n̄kpo Amii, ndiin inee uyiu amii, anyii aba nte anwe me akedisiagke isọn̄ atun̄n̄ọ adisịn itiad idag-isọn̄ ufaag esiu, ada abuu ufaag me anyọn̄-isọn̄. Adikemme inii awa-awa aditoo ufaag ada, anyii amawuud ufaag ada afịd-afịd.”
ទើបបានជ្រើសរើសហើយ៖
Duk 6: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 6
6
YISỌS ADE ABỌN̄ SABAD
(Mat 12:1-8; Mak 2:23-28)
1Me usiu Sabad kian̄, Yisọs mme mbed esiu emaesan̄a ebukko me mme inwan̄ abakpa. Mme mbed esiu emaetọn̄n̄ọ adiwag abakpa. Emmo emaetọn̄n̄ọ adifon̄ nno mbiag nta. 2Ama-aba mme farisi me ekekịd se mme mbed ekenee. Me ntre emmo ebub emmo, “Ntaag me ayịn̄ iwaiyaa abakpa me usiu Sabad?” Ade ibed akpan̄ adine ntre.
3Yisọs amaabọọrọ atoo, Nte ayịn̄ ikudke me n̄wad Abasi se adidem Defịd akene me inii anyii mme mbun me ekeban̄ake mme anyii me inii akan̄ akedọn̄ emmo? 4Defịd ama adog atayad#6:4 Tabernacle: Atayad akede akpuko itighe mee mbun Yuu ekanenee uwaa eno Abasi mme itighe mee Abasi akan-ayarakeidii ano emmo. Abasi, abii n̄kpo me ekewaa eno Abasi. Anyii amaadia, ndiin ano mbun se kesan̄a mme anyii n̄ko edia akpesọg ade ibed ama-akpan̄ ke miiboghoke akuk ikpọn̄ akpedia. 5Me akpatre, Yisọs atoo, “Amii, Ayiu Anwe mmenyi unen me se an̄we akpene mme se akpidine me usiu Sabad.”
YISỌS AKOOG ANWE ME USIU SABAD
(Mat 12:9-14; Mak 3:1-6)
6Me usiu Sabad ufịn, Yisọs ama-adika esịd Sinakọk ndiin atọn̄n̄ọ adikpiab mme anwe n̄kpo. Aninie- anwe kian̄ mee ubaag udu esiu ama-akekpa amaaba ade. 7Usọg mme Farisi me mme akpiab ibed me ekeba ade emaeyịm n̄kpo ndudughu se ekpebii ebium Yisọs ikpii. Me ntre, emmo ewuug anyig ekiin anyii adikịd mee anyii aya akoog anwe mbun̄ọ anịm me usiu Sabad. 8Ade Yisọs ama-adiọn̄n̄ọ se emmo ekekre, me ntre, anyii ama-adogho anwe anyi mbiikpa ubaag ato, daghada no afịd anwe ekịd fii. Ndiin anwe ada ama-adaghada.
9Ndiin Yisọs abub mme Farisi me mme andikpiab ibed, “Amii mmenyi mbumi ino yinne; Nse ke ibed ayịn̄ asedogho ene me usiu Sabad? Nte ade adinwam me adine anwe idiog? Mme adinyagha unwe anwe me adisobo anyii?.”
10Me inii Yisọs ama akekiin emmo afịd akana, anyii adogho anwe mbikpa ubaag atoo, “Yaan ubaag afe” anwe ada amaane nte anyii akedoghoke. 11Me inii mme Farisi mee andikpiab ibed emaekekịd anịm, esịd ama anakka ayad emmo. Ndiin emmo etọn̄n̄ọ adineme me atuk idii emmo se ekpene Yisọs.
YISỌS AMAG ABOSUL DUGHU IBA
(Mat 10:1-4; Mak 3:13-19)
12Me usiu ifan̄ ama akebughu Yisọs amadiwuo akpọn̄ idọn̄ ada adika mben anyọn̄ abod adikiiba ikpọn̄ mbọọn̄ akam. Anyii amaaba de afịd akun-ayiig ada abọọn̄ akam ano Abasi. 13Me abughu-usiu, Anyii amaabọọn̄ afịd mbed-esiu, ndiin emmo emaedii ebịn̄e anyii. Anyii amamag aninie-anwe dughu-iba me atuk emmo ato ede abọsul esiu . 14Mme anyịn̄ emmo ekeden̄n̄e anịm: Saimọn mme Yisọs akebọọn̄ọ Bita, ayiu ekieg esiu Andru, Yemsi, Yọọn, Fidib, Batodomiu. 15Matiu, Tọmọs, Yemsi ayiu Alfiọs mme Saimọn ame akedee asịn-ifịk#6:15 6:15 Simọn akede akaan anwe me udịm mbun mee ekenwana adifaag mme Yuu nsịkke me idag ukrag Rum. me une- n̄kpo. 16Yudas mee akedee ayiu nno Yemsi, mme Yudas Iskariot me akedidee anditap Yisọs nno mkpa aketukko idọn̄ Keriot.
YISỌS AKOOG ADIWAAG ATUK ANWE
(Mat 4:24,25; Mak 3:7-12)
17Me inii Yisọs mme mbed esiu emaekesoiyo me anyọn̄ abod edii, emmo ema-esọn̄ eda me akpughu una-isọn̄. Dee, emmo emaedisobo mme ataa adiwaag abọsul esiu ufịn me eketukko mme idọn̄ me nkan-n̄kok idọn̄ Yudia mme Yerusedem, mme idọn̄ mben esọg Taya mme Saidọn. 18Adiwaag anwe emaedii adikpan-utọn̄ ino ukpiab n̄kpo esiu. Mbun udun̄ọ emaeyịm anyii akoog mmiimo. Anyii amaano akoog mbun se ndiọi Sịbidid aketughọde. 19Afịd anwe emaenwana aditiọg Yisọs, siade anyii akekoog afịd anwe mme aduduk esiu.
MME ADIDIỌN̄ INIAN̄ MME ISIUN̄O INIAN̄
(Mat 5:1-12)
20Me ada ama akebughu, Yisọs akiin mme mbed, ndiin adogho emmo atoo, “Abasi aya adiọn̄ yinne mbun ada me ebueneke, sia ayịn̄ iya inyi udiama me ukrag Abasi. 21Abasi aya adiọn̄ mbun ada mee akan̄ adọn̄n̄ọ, siade ayịn̄ iya ikuk uyogho. Abasi aya adiọn̄ mbun ada me ibaa me mfughọ idagha anịm, siade ayịn̄ iya isag mme idaara. 22Abasi aya adiọn̄ yinne me inii mme anwe esua yinne, eno esadada yinne, ndiin esọn̄n̄ọ yinne anyig eno etan̄ ndiọi ikuo eban̄a yinne sia ayịn̄ imagke adikọn̄n̄ọ mii, Ayiu Anwe. 23Me inii ada, ikuk inịk-esịd ino idaara, siade Abasi aya anakka akpuno yinne me Efịn. Sia mme etii-etii emmo emaene mme ukem n̄kpo anịm eno mme Brọfed me mme usiu edii.
IKUO NDỌD-UTỌN̄
24Ade ayịn̄ mme imo anwe iya inyi akpughu mfịna, siade ayịn̄ imaitọtọn̄n̄ọ me unwe anịm inyi afịd ntii-n̄kpo se ayịn̄ ikpeyịmme. 25Ayịn̄ ada mee idia iyogho iya inyi mfịna, siade ataa akan̄ aya adọn̄ yinne. Ayịn̄ ada mee isagha mme idaara idaghada iya inyi mfịna, siade ayịn̄ iya itua mme mfughọ. 26Ayịn̄ ada ame afịd anwe etooroke idagha anịm iya inyi ataa mfịna, siade mme eti-eti emmo emaetan̄ ikuo me ukem adighe anịm eban̄a mme mbun abian̄a mme eke edogho ke iden̄n̄e mme Brọfed.
MEEG MME ASUA AFE
(Mat 5:38-48)
27Yisọs ama akaisiu akpiab-n̄kpo ndiin atoo, se ntan̄ ade anịm ino yinne me ekpan̄-utọn̄ ino mii: Ayịn̄ ana nte imeeg asua ayịn̄, ino ine eti-n̄kpo ino afịd mbun meeg esua yinne. 28Ibian̄a Abasi adiọn̄ mbun adaa mee esughu yinne. Ibọọn̄ akam ino mbun ada miikina yinne me idiog adighe. 29Adieke anwe akedede amia kian̄ me atuk ayịn̄ ufia me mban̄ adisọn̄n̄ọ yinne anyig, iyaag anyii imia yinne mban̄ ufịn n̄ko. Adieke anwe ibughọ yinne ufughọ atugho ayịn̄, ikpọn̄ afọn̄idii ayịn̄ n̄ko ino anyii. 30Adieke anwe akedede ibian̄ake yinne n̄kpo, ino anyii, ndiin anwe akpebughọ yinne n̄kpo ayịn̄, ikuyịm adibughọ anyii aba. 31Duk-unwe mme mbun ufịn ukem se afe ayịm emmo eduk mee afe. 32Adieke ayịn̄ imeeg sọg mbun se emeg yinne kpọd, ndiin ayịn̄ inee n̄kpo ntekian̄ me adukko itooro ituk anwe ntekian̄. Siade, akab ade mbun ada me adikpunoke Abasi emeeg mbun se emeeg emmo. 33Ndiin adieke ayịn̄ inee eti-n̄kpo ino mbun ada me enee eti-n̄kpo ino yinne ikpọn̄, ayịn̄ ineke n̄kpo ntekian̄ mee adukko itooro atuk anwe ntekian̄, sia, akab ade mbun me adikpunoke Abasi ene eti-n̄kpo eno mbun mee enee eti-n̄kpo eno emmo. 34Ndiin adieke ayịn̄ ibuọd akọg ino anwe me ayịn̄ iduk-anyig ke aya-akọd atọnn̄ọ ntaag akpọn ino yinne, ayịn̄ inee n̄kpo ntekian̄ me aduk itooro atuk anwe, sia akab ade mbun me adikukke itii Abasi n̄ko, ebuọd akọg emmo eno utoo ibun ada, mbaag emmo ebughọ akọg se emmo ema ekebuọd. 35Ikpinaa ayịn̄ iba ntre, utuk me ada, imeeg mme asua ayịn̄ ino ikana emmo afoo. Buọd emmo akọg ku utọn̄n̄ọ ntaag uyịm. Adieke ayịn̄ inee anịm, ndiin ayịn̄ iyaibughọ akpughu utịp, ndiin anịm ayawuu atoo ke ayịn̄ ide ndito Abasi ataa andikpu nkieg. Siade Abasi afoo ano afịd anwe nkọrọ mme anana esịd ekọm mme anan̄a ndiọi. 36Itua anwe mbọm ukem nan̄a Etii ayịn̄ mee aba me Efịn̄ atua afịd anwe mbọm.
KU UKPII-IKPII UNO MME ANWE
(Mat 7:1-5)
37Yisọs ama akaisiu akpiab n̄kpo; adogho atoo, ku uduk anwe uyiu atoo ke ane idiogn̄kpo, mbaag anwe adino iduk yinne uyiu, ikipii ukwan̄ ikpii ino mbun ufịn mbaag anwe adino ikpii ino yinne. Feen no mme anwe me ene-ndiọi ndiin eyaefeen ino yinne. 38Noo mme anwe se ade unana emmo, ndiin ayịn̄ iyaibughọ se ayịn̄ inana. Eyaino yinne ayogho-ayogho, etii-udumo, efịk enyeghe tutuk ufan̄ aba se edọn̄ ufịn, anakka ayoog aduoiyọ akide udiama ayịn̄. Sia se ayịn̄ idumo ino anwe, kpa ukem ke ekiidumo ino yinne.” 39Ndiin Yisọs amana ano emmo mbọg anịm, Nnan ikimike adiwuu nnan adighe. Me akpanikuo emmo mbiiba eyaeduọn̄n̄ọ edun̄n̄ọ me abubịk. 40Mbed isikpuu ikieg etii ufaag esiu, ade kwa mbed me anakkake abughọ afịd ukpiab n̄kpo, ayaaba nte etii ufaag esiu 41Iminaa ayịn̄ ifana idii iban̄a ataa etuk ntọn̄ me anyig ufịn̄ anwe me inii isikke anyig ikpọn akpughu abukpọg me anyig ayịn̄. 42Isiine dighe ikre adidogho itoo, nsan̄, yaag unwam fii nsịkke nyiu mbiu me anyig ayịn̄? Ayịn̄ mbun mbubịk, bughu isiu isịkke ekieg mbag etu me anyig maa atukde ayịn̄ ikọd imọnọ isịkke etuk ntọn me asịneke me anyig mbun ufịn.
EDIỌN̄Ọ ETUU ETUK MFỊD ETU
(Mat 7:15-20)
43Yisọs ama akaisiu akpiab-n̄kpo, ndiin adogho atoo, etii etuu iwumke idiog mfịd. Me ukem adighe ada, idiog etuu iwumke etii mfịd. 44Me ukem ntre, ebii mfịd etuu ediọn̄n̄ọ etuu#6:44 fig mme Grape, sia anwe isikịppeke fịk mme Krape ituk ikog. 45Me ukem ada, etii anwe atan̄ ntii- n̄kpo sia akikre esịd emmo adee etii. Idiog anwe anan̄a ndiọi sia akikre emmo aden̄n̄e ndiọi. Me ntre, se anwe atan̄ awuu uto akikre se anyii anyi.
UTO MME ABUU UFAAG IBA
(Mat 7:21-27)
46Ade ntaag ayịn̄ ibọn̄n̄ọ mii “Abọn̄, Abọn̄, ndiin ayịn̄ inee mme n̄kpo se amii nyịm nto ayịn̄ ine? 47Nyanne no anwagha yinne nan̄a aba me inii anwe adiye abịne mii, akpan̄-utọn̄ ano ukpiab n̄kpo amii, ndiin ane se ntan̄. 48Emmo eda nte anwe ame abuu ufaag. Asiag isọn̄ atun̄n̄ọ tutuk akesịm itiad me idag, ndiin anyii abuu ufaag me anyọn̄ itiad ada. Adikem, me inii ato mmon̄ akedii, awaawa ato ufaag ada, ade ikikọddọ iwuud ufaag ada, siade ama-anyi eti itiad idag-isọn̄. 49Ade adieke anwe ntekian akpan̄-utọn̄ ano ukpiab n̄kpo Amii, ndiin inee uyiu amii, anyii aba nte anwe me akedisiagke isọn̄ atun̄n̄ọ adisịn itiad idag-isọn̄ ufaag esiu, ada abuu ufaag me anyọn̄-isọn̄. Adikemme inii awa-awa aditoo ufaag ada, anyii amawuud ufaag ada afịd-afịd.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.