Duk 5
5
YISỌS ABỌỌN MME MBED ESIU
(Mat 4:18-22; Mak 1:16-20)
1Usiu kian̄ Yisọs akesọg ada me mben esọg akpa Genesided#5:1 Mee eno edion̄oke nko nte akpa kadidi, mme anwe ema ekan anyii ekọg nte ekesọg ekpan̄-utọn̄ eno ikuo Abasi. 2Yisọs amaakịd ukpog ubu ukwuoiyaag iba nan̄a abun̄o akpre mben esọg-akpa, ame mme akwuoiyaag ema ekekpọn̄ emmo de, eka adiyin̄ghe iyire emmo me mkpre ada. 3Kian̄ me atuk ubu ada ake anyi Saimọn. Yisọs ama akedọg atoo Saimọn awad asịkke etuk akpọn̄ isọn̄. Ndiin Yisọs asiọg atighe atọn̄n̄ọ adikpiab mme anwe n̄kpo.
4Me inii anyii amaake akpiab mme anwe n̄kpo ama, Anyii atoo Saimọn, weeg ubu dọọg utun̄n̄ọ mmọn̄, ndiin tuk iyire sịn nno mam mme iyaag.
5Saimọn amaabọọrọ atoo, “Abọn̄ ayịd ima-inakka itimi afịd akun-ayiig anịm adimam iyaag ade ayịd ikiimamke n̄kpo ntekian̄. Ade me idagha ada afe adoghokede, nyaane”.
6Me inii Saimọn mme mbun nsan̄ ubu esiu ekenee nte Yisọs akedoghoke, emmo emaemam ataa uwaag iyaag. Iyaag ama awaag tutuk iyire emmo amaayịm adiwaiya. 7Emmo ema emag mme akwuoiyaag me ubu ufịn ubaag atoo edi edinwam mmimo. Emmo emaedii, ndiin emmo emaedidọn̄ iyaag me ubu mmiiba tutuk ubu amaayịm adisịp.
8Me inii Saimọn Bita akekịd nte iyaag ake awaagha, anyii ama aniọg ibughu me ukuk Yisọs ano adogho anyii atoo; “Abọn̄ mboog kpọn̄ mii, siade amii nde ane idiogn̄kpo.” 9Bita aketan̄ ntre siade anyii mee mbun nsan̄ esiu ekebaa me ubu ema enakka ekuk mkpaidii me idagha ibad iyaag se ekemam. 10Yemsi mme Yọọn, ame ekedee nsan̄ ukwuoiyaag Saimọn, idii amaakpa emmo n̄ko, emmo mmiiba ekede ndito Sebedi.
Ndiin Yisọs adogho Saimọn atoo, kufịn̄ghe ndịk. Me akpa, afe akekan akwuoiyaag, ade tọn̄n̄ọ me anịm kaisiu, afe uku-ukan ubii mme anwe no edinịm mii me akpanikuo 11Mme akwuoiyaag ekuud ubu edọg me esọg, emmo emaeyaag afịd n̄kpo ebun̄o ekpọn̄ itighe ukwuoiyaag ekọn̄n̄ọ anyii adi-ikide Abosul esiu.
YISỌS AKOOG ANWE AKPA-MFIA
(Mat 8:1-4; Mak 1:40-45)
12Adikem usiu kian̄ nte Yisọs akebaa me idọn̄ kian̄ dee me nkan-nkọk Kadidi, anwe kian̄ amaaba dee ame-akedun̄oke akpa-mfia. Anyii ama-akekịd Yisọs, anyii ama-atọn̄n̄ọ edọn̄ ano asiọg-isiu me ison̄ me ido ukpun̄o akpii Yisọs ubaag ayịm unwam, anyii atoo, “Abọn, amii mmediọn̄ọ ntoo afe ukpuuyịm adinwam mii, afe amekọd adikoog mii.”
13Me ntre, Yisọs ama-ayan ubaag esiu atiọg anyii ano atoo, “Amii mmeyịm adukoog fii. Buogho adikoog.” Inii kian̄ anwe ada ama-abuogho adikoog. Anyii ikiidun̄ọke akpa-mfia aba.
14Ndiin Yisọs atoo anyii, “Kuutan̄ uno anwe ntekian̄ nan̄a eke esan̄a ukoog fii. Ade kewuu akuk idii afe me tembul me Yerusedem no yaag anyii akiin fii idii ano asiọn̄n̄ọ ke ekoog fii. Ndiin ka kenee uwaa usana idii nte ibed Mosis akedogho atoo ene. Me adine anịm, mme anwe eyaediọn̄n̄ọ eto ke ekoog fii.”
15Akpesọg adee Yisọs akedoghoke ukuutan̄ uno mme anwe, ade mbọg aban̄ake anyii ama-atrag ano mme adiwaag anwe. Me ntaag ada, adiwaag anwe emaediyoog eto ekpan̄-utọn̄ eno ukpiab n̄kpo esiu mme adino nne Anyii akoog emmo udun̄ọ. 16Ade Yisọs ama-akan awaag adikpọn̄ atuk anwe n̄kan itighe se adibi nkebọọn akam ino Abasi.
YISỌS AFEEN ANO ANWE MBUN̄Ọ ANO AKOOG ANYII
(Mat 9:2-8; Mak 2:1-12)
17Me usiu ufịn, nan̄a Yisọs akesọg akpiab n̄kpo, ubaag mme Farisi#5:17 Mme Farisi ekede udịm mbun ido ukpon̄ọ mme Yuu me mem akpiab ibed#5:17 Mme akpiab ibed Mosis akede mbun mee ebughu ukpiab n̄kpo, mee eno ekpiab n̄kpo mme mbun ade mee ekpappake mbed Mosis, nkro mme mbigh Yuu ufin mme anwan̄ake mme ubon̄ọ n̄kpo emmo. Adiwaag mme akpiab n̄kpo ekede mbun Farisi, ade idee afid Farisi ekede mme akpiab ibed. Mosis emaetighe de. Emmo emaetuk mme uwaag idọn̄ me Kadidi mme Yudia nkọrọ idọn̄ Yerusedem . Me inii ada, aduduk Abasi amaaba de mme anyii adikoog mbun udun̄ọ. 18Nte Yisọs akesọg akpiab n̄kpo, uwaag aninie an̄we ebii an̄we mbun̄o me mbịd edisoog anyii. Emmo ema ewana adibii anwe mbun̄ọ ndọg esịd ufaag nkenịm me isiu Yisọs. 19Ade siade uwaag udịm anwe emaeba, emmo ikikọddọ ikịd ufan̄ idọg esịd ufaag. Me ntre, ebii anwe ada ediọn̄ anyọn̄ akom ufaag. Emaeyaa ufan̄ me anyọn̄ akom ufaag ada, eno esiọg anwe mbun̄ọ ada mme mbịd me ufọd atuk anwe enịm me isiu Yisọs.
20Yisọs akekị̇d ato ke emmo ebuọdidii me anyii adikoog anwe mbun̄ọ anịm, ndiin anyii atoo anwe mbun̄ọ, “Ayiu ekieg, efeen mme idiogn̄kpo afe.”
21Mme akpiab ibed me mme Farisi etọn̄n̄ọ adibub idi emmo, Anie asede anịm me atan̄ ikuo nte imo ide Abasi? Ayịd imidiọn̄n̄ọ itoo ke Abasi ikpọn̄ ade adaa ame akemeke adifeen mme idiogn̄kpo. 22Yisọs ama-adion̄n̄o se emmo ekekre, ndiin anyii abub emmo atoo, “Ntaag ayịn̄ ikree ntre? 23N̄kpo iba aba se amii nkpedogho anwe anịm: ‘Emefeen mme idiogn̄kpo afe,’ mme ‘Daghada no san̄a’. Ake isi imii ikieg? 24Ade idaghada Amii nyakoog udun̄ọ anịm mbaag atukde ayịn̄ idiọn̄n̄ọ itoo Amii, Ayiu Anwe mmenyi un̄en mo me aderimbud adifeen mme idiogn̄kpo” Anyii ama-aketan̄ anịm ama, Yisọs ama-akana akiin anwe mbun̄ọ ndiin atoo, “Amii udogho fii, daghada fọd mbịd afe, bii nyọn̄ ufaag afe”. 25Ndiin me ndo-ndo ada, nte afịd anwe ekesọg ekiin, anwe mbun̄ọ ama atamma me anyọn̄; Abii mbịd esiu, ndiin atooro Abasi ano anyọn̄ ufaag. 26Idii amaakpa afịd anwe se ekeba de eno etọọn̄ọ adidogho etoo, Itooro anyi Abasi, “se emmo ekekịd amaakpa emmo idii, emmo atoo, ayịd imiikịd mme utịppe n̄kpo mfịn̄.”
YISỌS AMAG DIFAI (MATIU) ADIDE MBED ESIU
(Mat 9:9-13; Mak 2:13-17)
27Me mme n̄kpo anịm ama aketịppe, Yisọs amaakpọn̄ ufaag ada, ndiin nte anyii akaa me adighe amaakịd abuoghọ taxsi mee aketighe me itighe utum esiu. Anyịn̄ esiu akede Difai mee ekeno ediọn̄n̄ọke nte Matiu. Ndiin Yisọs anakka isiu akiin anyii atoo anyii, “Dii de mbed amii.” 28Ndiin Difai ama-adaghada, akpọn̄ utum ubuoghọ taxsi esiu, ndiin anyii atọn̄n̄ọ adikọn̄n̄ọ Yisọs nte mbed esiu.
29Akema, Difai amaane akpughu usọrọ me ufaag esiu adikpuno Yisọs. Adiwaag mme abuoghọ taxsi mme me isio-anwe ufịn emaeba n̄ko edia n̄kpo. 30Usọg mme Farisi, me mme akpiab ibed Mosis me atuk emmo n̄ko ema edukunnọ mme mbed Yisọs. Emmo ebub emmo etoo, “Ntaag me ayịn̄ idia usọrọ mme me abuoghọ taxsi me mme ane idiogn̄kpo anịm-e?”
31Yisọs abọọrọ emmo, “ade mbun udun̄ọ eyịm unwam abia-ukoog nsọn̄idii, idee mbun mee idii asọn̄.
YISỌS AKPIAB MME ANWE N̄KPO ABAN̄A UTRE-UDIA
32Utum amii idee adidogho mme anwe ame ekreke etoo ke mmimo imiinen atoo ekappa esịd, ade nkedii adibọọn̄ mme ane idiogn̄kpo etịmme edibịne Abasi ekpọn̄ idiogn̄kpo emmo.” 33Me inii ada, usọg anwe emaebub Yisọs etoo, “Mme mbed Yọọn aduog anwe mmọn̄ etre udia eno ebọọn̄ akam afịd inii. Mbun me ekpuno ukpiab n̄kpo Farisi n̄ko etre udia eno ebọọn̄ akam. Ade mme mbed afe itreke udia me inii uboọn̄ akam. Ntaagha?”
34Yisọs amaabọọrọ atoo, nte ayịn̄ ikpatre mme nsan̄ mme ebịk-ndo ndidia me itighe usọrọ ndo me inii ebịk ndo aba mme emmo? ikpitịppeke? 35Ade aya-aba usiu mee mme anwe ekiibi ebịk-ndo ikpọn̄ mme nsan̄-esiu. Me inii ntre emmo ekimi aditre udia.
36Akema Yisọs ama-atan̄ uwudn̄kpo ufịn ano emmo atoo, “Mme anwe isiikpakake usiaa ufaa afọn̄ ikiikịm iduk me anyọn̄ akaan afọn̄. Siade afe aya abiad ufaa afọn̄ ada. Ndiin n̄ko ufaa se ekịm edian̄ ada imiiyieke me anyọn̄ akaan afọn̄ 37Me ukem adighe ada, anwe isibii ufaa ukoog idọn̄ me akaan ikuk ukoog ikpee una. Siade ufaa ukoog amaadọg udaan̄, aya-afịd ndiin akaan ikuk ikpee una aya-abiara. Ukoog aya-aduọiyọ ataag, ndiin ikuk ikpee una aya abiara. 38Me ntaag ntre, mme anwe ana nte edọn̄ ufaag ukoog me ufaa ikuk ikpee una mbaag atukde ukoog mme ikuk akpena no afoo. 39Ade akpanikuo n̄ko nto ke mme anwe mee ekan enwọn̄ akaan ukoog inyii udọn̄ ino ufaa ukoog, siade emmo etoo, ‘ke akaan ukoog anịk akieg ufaa ukoog.’ ”
ទើបបានជ្រើសរើសហើយ៖
Duk 5: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 5
5
YISỌS ABỌỌN MME MBED ESIU
(Mat 4:18-22; Mak 1:16-20)
1Usiu kian̄ Yisọs akesọg ada me mben esọg akpa Genesided#5:1 Mee eno edion̄oke nko nte akpa kadidi, mme anwe ema ekan anyii ekọg nte ekesọg ekpan̄-utọn̄ eno ikuo Abasi. 2Yisọs amaakịd ukpog ubu ukwuoiyaag iba nan̄a abun̄o akpre mben esọg-akpa, ame mme akwuoiyaag ema ekekpọn̄ emmo de, eka adiyin̄ghe iyire emmo me mkpre ada. 3Kian̄ me atuk ubu ada ake anyi Saimọn. Yisọs ama akedọg atoo Saimọn awad asịkke etuk akpọn̄ isọn̄. Ndiin Yisọs asiọg atighe atọn̄n̄ọ adikpiab mme anwe n̄kpo.
4Me inii anyii amaake akpiab mme anwe n̄kpo ama, Anyii atoo Saimọn, weeg ubu dọọg utun̄n̄ọ mmọn̄, ndiin tuk iyire sịn nno mam mme iyaag.
5Saimọn amaabọọrọ atoo, “Abọn̄ ayịd ima-inakka itimi afịd akun-ayiig anịm adimam iyaag ade ayịd ikiimamke n̄kpo ntekian̄. Ade me idagha ada afe adoghokede, nyaane”.
6Me inii Saimọn mme mbun nsan̄ ubu esiu ekenee nte Yisọs akedoghoke, emmo emaemam ataa uwaag iyaag. Iyaag ama awaag tutuk iyire emmo amaayịm adiwaiya. 7Emmo ema emag mme akwuoiyaag me ubu ufịn ubaag atoo edi edinwam mmimo. Emmo emaedii, ndiin emmo emaedidọn̄ iyaag me ubu mmiiba tutuk ubu amaayịm adisịp.
8Me inii Saimọn Bita akekịd nte iyaag ake awaagha, anyii ama aniọg ibughu me ukuk Yisọs ano adogho anyii atoo; “Abọn̄ mboog kpọn̄ mii, siade amii nde ane idiogn̄kpo.” 9Bita aketan̄ ntre siade anyii mee mbun nsan̄ esiu ekebaa me ubu ema enakka ekuk mkpaidii me idagha ibad iyaag se ekemam. 10Yemsi mme Yọọn, ame ekedee nsan̄ ukwuoiyaag Saimọn, idii amaakpa emmo n̄ko, emmo mmiiba ekede ndito Sebedi.
Ndiin Yisọs adogho Saimọn atoo, kufịn̄ghe ndịk. Me akpa, afe akekan akwuoiyaag, ade tọn̄n̄ọ me anịm kaisiu, afe uku-ukan ubii mme anwe no edinịm mii me akpanikuo 11Mme akwuoiyaag ekuud ubu edọg me esọg, emmo emaeyaag afịd n̄kpo ebun̄o ekpọn̄ itighe ukwuoiyaag ekọn̄n̄ọ anyii adi-ikide Abosul esiu.
YISỌS AKOOG ANWE AKPA-MFIA
(Mat 8:1-4; Mak 1:40-45)
12Adikem usiu kian̄ nte Yisọs akebaa me idọn̄ kian̄ dee me nkan-nkọk Kadidi, anwe kian̄ amaaba dee ame-akedun̄oke akpa-mfia. Anyii ama-akekịd Yisọs, anyii ama-atọn̄n̄ọ edọn̄ ano asiọg-isiu me ison̄ me ido ukpun̄o akpii Yisọs ubaag ayịm unwam, anyii atoo, “Abọn, amii mmediọn̄ọ ntoo afe ukpuuyịm adinwam mii, afe amekọd adikoog mii.”
13Me ntre, Yisọs ama-ayan ubaag esiu atiọg anyii ano atoo, “Amii mmeyịm adukoog fii. Buogho adikoog.” Inii kian̄ anwe ada ama-abuogho adikoog. Anyii ikiidun̄ọke akpa-mfia aba.
14Ndiin Yisọs atoo anyii, “Kuutan̄ uno anwe ntekian̄ nan̄a eke esan̄a ukoog fii. Ade kewuu akuk idii afe me tembul me Yerusedem no yaag anyii akiin fii idii ano asiọn̄n̄ọ ke ekoog fii. Ndiin ka kenee uwaa usana idii nte ibed Mosis akedogho atoo ene. Me adine anịm, mme anwe eyaediọn̄n̄ọ eto ke ekoog fii.”
15Akpesọg adee Yisọs akedoghoke ukuutan̄ uno mme anwe, ade mbọg aban̄ake anyii ama-atrag ano mme adiwaag anwe. Me ntaag ada, adiwaag anwe emaediyoog eto ekpan̄-utọn̄ eno ukpiab n̄kpo esiu mme adino nne Anyii akoog emmo udun̄ọ. 16Ade Yisọs ama-akan awaag adikpọn̄ atuk anwe n̄kan itighe se adibi nkebọọn akam ino Abasi.
YISỌS AFEEN ANO ANWE MBUN̄Ọ ANO AKOOG ANYII
(Mat 9:2-8; Mak 2:1-12)
17Me usiu ufịn, nan̄a Yisọs akesọg akpiab n̄kpo, ubaag mme Farisi#5:17 Mme Farisi ekede udịm mbun ido ukpon̄ọ mme Yuu me mem akpiab ibed#5:17 Mme akpiab ibed Mosis akede mbun mee ebughu ukpiab n̄kpo, mee eno ekpiab n̄kpo mme mbun ade mee ekpappake mbed Mosis, nkro mme mbigh Yuu ufin mme anwan̄ake mme ubon̄ọ n̄kpo emmo. Adiwaag mme akpiab n̄kpo ekede mbun Farisi, ade idee afid Farisi ekede mme akpiab ibed. Mosis emaetighe de. Emmo emaetuk mme uwaag idọn̄ me Kadidi mme Yudia nkọrọ idọn̄ Yerusedem . Me inii ada, aduduk Abasi amaaba de mme anyii adikoog mbun udun̄ọ. 18Nte Yisọs akesọg akpiab n̄kpo, uwaag aninie an̄we ebii an̄we mbun̄o me mbịd edisoog anyii. Emmo ema ewana adibii anwe mbun̄ọ ndọg esịd ufaag nkenịm me isiu Yisọs. 19Ade siade uwaag udịm anwe emaeba, emmo ikikọddọ ikịd ufan̄ idọg esịd ufaag. Me ntre, ebii anwe ada ediọn̄ anyọn̄ akom ufaag. Emaeyaa ufan̄ me anyọn̄ akom ufaag ada, eno esiọg anwe mbun̄ọ ada mme mbịd me ufọd atuk anwe enịm me isiu Yisọs.
20Yisọs akekị̇d ato ke emmo ebuọdidii me anyii adikoog anwe mbun̄ọ anịm, ndiin anyii atoo anwe mbun̄ọ, “Ayiu ekieg, efeen mme idiogn̄kpo afe.”
21Mme akpiab ibed me mme Farisi etọn̄n̄ọ adibub idi emmo, Anie asede anịm me atan̄ ikuo nte imo ide Abasi? Ayịd imidiọn̄n̄ọ itoo ke Abasi ikpọn̄ ade adaa ame akemeke adifeen mme idiogn̄kpo. 22Yisọs ama-adion̄n̄o se emmo ekekre, ndiin anyii abub emmo atoo, “Ntaag ayịn̄ ikree ntre? 23N̄kpo iba aba se amii nkpedogho anwe anịm: ‘Emefeen mme idiogn̄kpo afe,’ mme ‘Daghada no san̄a’. Ake isi imii ikieg? 24Ade idaghada Amii nyakoog udun̄ọ anịm mbaag atukde ayịn̄ idiọn̄n̄ọ itoo Amii, Ayiu Anwe mmenyi un̄en mo me aderimbud adifeen mme idiogn̄kpo” Anyii ama-aketan̄ anịm ama, Yisọs ama-akana akiin anwe mbun̄ọ ndiin atoo, “Amii udogho fii, daghada fọd mbịd afe, bii nyọn̄ ufaag afe”. 25Ndiin me ndo-ndo ada, nte afịd anwe ekesọg ekiin, anwe mbun̄ọ ama atamma me anyọn̄; Abii mbịd esiu, ndiin atooro Abasi ano anyọn̄ ufaag. 26Idii amaakpa afịd anwe se ekeba de eno etọọn̄ọ adidogho etoo, Itooro anyi Abasi, “se emmo ekekịd amaakpa emmo idii, emmo atoo, ayịd imiikịd mme utịppe n̄kpo mfịn̄.”
YISỌS AMAG DIFAI (MATIU) ADIDE MBED ESIU
(Mat 9:9-13; Mak 2:13-17)
27Me mme n̄kpo anịm ama aketịppe, Yisọs amaakpọn̄ ufaag ada, ndiin nte anyii akaa me adighe amaakịd abuoghọ taxsi mee aketighe me itighe utum esiu. Anyịn̄ esiu akede Difai mee ekeno ediọn̄n̄ọke nte Matiu. Ndiin Yisọs anakka isiu akiin anyii atoo anyii, “Dii de mbed amii.” 28Ndiin Difai ama-adaghada, akpọn̄ utum ubuoghọ taxsi esiu, ndiin anyii atọn̄n̄ọ adikọn̄n̄ọ Yisọs nte mbed esiu.
29Akema, Difai amaane akpughu usọrọ me ufaag esiu adikpuno Yisọs. Adiwaag mme abuoghọ taxsi mme me isio-anwe ufịn emaeba n̄ko edia n̄kpo. 30Usọg mme Farisi, me mme akpiab ibed Mosis me atuk emmo n̄ko ema edukunnọ mme mbed Yisọs. Emmo ebub emmo etoo, “Ntaag me ayịn̄ idia usọrọ mme me abuoghọ taxsi me mme ane idiogn̄kpo anịm-e?”
31Yisọs abọọrọ emmo, “ade mbun udun̄ọ eyịm unwam abia-ukoog nsọn̄idii, idee mbun mee idii asọn̄.
YISỌS AKPIAB MME ANWE N̄KPO ABAN̄A UTRE-UDIA
32Utum amii idee adidogho mme anwe ame ekreke etoo ke mmimo imiinen atoo ekappa esịd, ade nkedii adibọọn̄ mme ane idiogn̄kpo etịmme edibịne Abasi ekpọn̄ idiogn̄kpo emmo.” 33Me inii ada, usọg anwe emaebub Yisọs etoo, “Mme mbed Yọọn aduog anwe mmọn̄ etre udia eno ebọọn̄ akam afịd inii. Mbun me ekpuno ukpiab n̄kpo Farisi n̄ko etre udia eno ebọọn̄ akam. Ade mme mbed afe itreke udia me inii uboọn̄ akam. Ntaagha?”
34Yisọs amaabọọrọ atoo, nte ayịn̄ ikpatre mme nsan̄ mme ebịk-ndo ndidia me itighe usọrọ ndo me inii ebịk ndo aba mme emmo? ikpitịppeke? 35Ade aya-aba usiu mee mme anwe ekiibi ebịk-ndo ikpọn̄ mme nsan̄-esiu. Me inii ntre emmo ekimi aditre udia.
36Akema Yisọs ama-atan̄ uwudn̄kpo ufịn ano emmo atoo, “Mme anwe isiikpakake usiaa ufaa afọn̄ ikiikịm iduk me anyọn̄ akaan afọn̄. Siade afe aya abiad ufaa afọn̄ ada. Ndiin n̄ko ufaa se ekịm edian̄ ada imiiyieke me anyọn̄ akaan afọn̄ 37Me ukem adighe ada, anwe isibii ufaa ukoog idọn̄ me akaan ikuk ukoog ikpee una. Siade ufaa ukoog amaadọg udaan̄, aya-afịd ndiin akaan ikuk ikpee una aya-abiara. Ukoog aya-aduọiyọ ataag, ndiin ikuk ikpee una aya abiara. 38Me ntaag ntre, mme anwe ana nte edọn̄ ufaag ukoog me ufaa ikuk ikpee una mbaag atukde ukoog mme ikuk akpena no afoo. 39Ade akpanikuo n̄ko nto ke mme anwe mee ekan enwọn̄ akaan ukoog inyii udọn̄ ino ufaa ukoog, siade emmo etoo, ‘ke akaan ukoog anịk akieg ufaa ukoog.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.