Duk 21
21
ENO ANWE UBUENE MME ANWE INYI
(Mak 12:41-44)
1Me inii Yisọs me mme mbed esiu ekesọg ebaa me afigh tembul, Yisọs ama-akiin akana, ndiin akịd mme imo-anwe nan̄a esịn akọg emmo me utan̄-etịbe tembul. 2Ndiin anyii ama-ano akịd ataa ubuene ebịk-akpa kian̄ nte adii. Anyii ama-asịn eno mme etuk akọg iba mee akedinyii akpọsọn̄ọ ekọmudua. 3Yisọs adogho mme mbed esiu atoo, “Me akpanikuo ke amii ndogho yinne nto ke se ubuene ebịk-akpa anịm ano anyi ufoo ano Abasi akieg afịd akọg se mbun ufịn ekeno. 4Sia afịd mbun imo-anwe ada, eno etuk ubaag me adiwaag inyi emmo. Ade akpesọg ade ebịk-akpa anịm ade ataa ubuene, amaano afịd n̄kpo se anyii akenyi adibii iduk unwe.”
YISỌS ATAN̄ ABAN̄A NSOOBO TEMBUL ME YERUSADEM
(Mat 24:1,2; Mak 13:1,2)
5Ade ada ama-akebughu, usọg mme mbed ema-etọn̄n̄ọ aditan̄ mban̄a tembul. Emmo ema-edogho, Kiin mme mfuọn-itiad tembul! N̄ko, kiin mme utịppe eno se mme anwe eno Abasi adidiọn̄ anyii! Ade Yisọs adogho atoo, 6“Ama ade mme n̄kpo anịm ayịn̄ ikiine mo, mme usiu aya adii me kpa itiad kian̄ imiibaa mee akisoghọ me itighe esiu. Mme usua mbun ekọn̄ eya ebịk afịd itiad eduog me isọn̄, eno esoobo tembul anịm.”
ADIWUD TEMBUL MME IDIỌN̄Ọ UTỊD EMANA
(Mat 24:3-14; Mak 13:3-13)
7Mme mbed esiu ebub anyii etoo, “Andikpiab, inii akie se ikisoobo tembul ndiin nse-e ikiino iwuu yire ke mme n̄kpo anịm aya atịppe?”
8Ndiin Yisọs adogho emmo atoo, “Ikpimi ito ke anwe ntekian̄ iyianke yinne iban̄a inii se ayiig ada akide. Amii ntan̄ anịm sia me ayiig isiu, adiwaag anwe eya esuk-nsuk edogho eto ke mmimo iminyi uku amii. Emmo eyaene nte mmimo ide Mesaya. Emmo eyaedogho n̄ko eto, ‘Utịd aderimbod anịm akpre.!’ Ade inaa ayịn̄ inịm emmo me akpanikuo. 9Me inii ayịn̄ ikuk ito ke mme idud esọg enwana, ndiin ke mme anwe esọg esọn̄-ibughu me mme ukrag emmo, ikiifịn̄ghe ndịk. Sia mme n̄kpo anịm akena nte atuk atịppe, ade utịd aderimbod imi-idike usọp-usọp.”
10Ndiin Yisọs n̄ko adogho emmo atoo, “Mme anwe me nsio-nsio idud eya enwana mme anwe me mme idud ufịn, ndiin mme anwe mee andikrag kian̄ akragke eya enwana me mme anwe me andikrag ufịn akragke. 11Akpọsọn̄ọ unyag-isọn̄ n̄ko ayaaba, ndiin akan̄ aya awu mme anwe, emmo n̄ko eya ekpan̄a atuk mme ndiọi udun̄ọ me afịd aderimbod. Ndiin afịd utoo mme anyi ndịk idiọn̄ọ eyaewuo ewud-idii, mme utịppe-n̄kpo eya etịppe me ikpa-anyọn̄ me akinyi mme anwe ndịk ano awuud ato ke utịd aderimbod anịm akpre.
12Ade mbem-isiu mme n̄kpo anịm atịppe, mme asua ayịn̄ eya emam usọg ayịn̄ eno eduk yinne uyiu me isiu mme adidagha me mme Sinakọk, ndiin emmo eya ekọb yinne! emmo eyaebii yinne ekaisiu mme mbọn̄ me mme Andikrag no ebirii ikpii ayịn̄. Emmo eyaene mme n̄kpo anịm mme ayịn̄, sia ayịn̄ ide mme mbed amii. 13Ada aya ade ifed ano yinne adidogho emmo mban̄a ukrag Abasi. 14Me ntre, isiọn̄n̄ọ ibirii ke ayịn̄ ineke mben̄idii iban̄a se ayịn̄ ikiitan̄ adifan̄a idii ayịn̄ me ikpii. 15Sia amii nya ano yinne aniọn̄ adidiọn̄n̄ọ se ikiitan̄. Ibaa anwe ntekian̄ me atuk mbun se eduk yinne uyiu mee ikikọd ifan̄a yinne mee aditan ito ke ayịn̄ imi-idughu. 16Kpa mme ekie ayịn̄, mme etii- ayịn̄, mme ndito ekie ayịn̄ aninie-anwe, mme iman, mee mme nsan̄ Eyaetap yinne eno mme ukrag; ndiin mme ukrag eyaewu usọg ayịn̄. 17Afịd utoo anwe akedede eyaesua yinne, siade ayịn̄ iden̄n̄e mme mbed amii. 18Ade Abasi aya anịm yinne me ifure asịkke me nsinsi nsoobo. 19Adieke ayịn̄ iyọ utoo akpọsọn̄ọ inii ada, imiduogho mbuọd-idii ayịn̄ me amii, Abasi aya ano ukpọn̄ ayịn̄ nsinsi unwe.”
NSOOBO YERUSADEM
(Mat 24:15-28; Mak 13:14-23)
20Ade me inii ayịn̄ ikịd mbun ekọn̄ usua etọn̄n̄ọ adikan idọn̄ Yerusedem nkọk, ndiin ayịn̄ iya idiọn̄n̄ọ ito ke emmo eya esoobo idọn̄ ada afịd-afịd, mbaag anwe ntekian̄ adisughọ de. 21Me inii ada, ayịn̄ mbun me idọn̄n̄ọ me nkan-n̄kọk Yudia ana ifịn̄ghe inyọn̄ akpughu abod ikidịbe. Ayịn mbun me ibaa me idọn̄ Yerusedem ana iwuo ikpọn̄ de, ndiin ayịn̄ mee ibaa me inwan̄ inaa nte idọg idọn̄. 22Sia me inii anịm, Abasi aya amia mbun Yerusedem ufeen. Ufeen anịm aki-isuu me afịd se mme brọfed eketan̄ eno ewad eban̄a anyii me ikuo Abasi. 23Akide ataa akpọsọn̄ọ inii ino mbaaba me esan̄a mme idịp mme mbaaba me ekan̄a ntuk- ayiu me inii ada. Sia mme anwe eya ebuoghọ akpọsọn̄ọ ukud me afịd isọn̄, ndiin Abasi aya amia ibun anịm akpọsọn̄ọ ufeen. 24Usọg emmo, mbun ekọn̄ eyaewu me afịịd, eno emam mbun ufịn, ndiin ebii enyọn̄ nsio-nsio idud. Mbun me adidee Yuu eya ekon ekieg Yerusedem, eno efịk mbun esiu tutuk asịm inii me Abasi ake aduag adibii ukrag emmo nsịm utịd.
ADIDII AYIU ANWE
(Mat 24:29-31; Mak 13:24-27)
25Ada ama-akebughu, mme utịppe idiọn̄n̄ọ ayaaba me utịn, afiọn̄, me mme ntanta-afiọn̄ me awuu ke utịd idud akpre. Mme anwe aderimbod anịm eyaeba me ataa akpugho mfịna eno edutịn mee ntaag akpọsọn̄ọ uyiu mmọn̄ mee akpa. 26Adiwaag anwe eyaekuk ndịk me ikiine emmo esọkkọ, sia emmo eya eyịk eban̄a mme utịppe-n̄kpo me ndịk mi-ikitọn̄n̄ọ aditịppe me isọn̄. Abasi aya anyakka ntanta-afiọn̄ mme n̄kpo ufịn asịn̄ghe me ataa itighe me ikpa-anyọn̄ 27Me inii ada, mme anwe me afịd itighe eyaekịd mii, Ayiu Anwe. Amii nya adii isọn̄ me ntọn̄-anyọn̄, nwud akpughu aduduk mme akwa uyama. 28Me inii mme n̄kpo anịm atọn̄n̄ọ aditịppe, isọn̄n̄ọ ida uku-uku, ino idịppe ibughu ayịn̄ me nsiọn̄n̄ọ-nda, sia ade Abasi aya asọp adifaag yinne asịkke me idiog mme ufeen.
NKII ETU FỊG
(Mat 24:32-35; Mak 13:28-31)
29Ndiin Yisọs abii uwudn̄kpo anịm aditan̄ no anwagha utịd inii. Anyii adogho atoo, “Kre ban̄a se aketịppe ano etuu mfịd mme etuu ntekian̄ ufịn. 30Me inii mme anwe ekịd nte mfan̄ emmo atọn̄n̄ọ adiwuo, emmo ekọd ekịd mee idii emmo, ndiin emmo ediọn̄n̄ọ etoo ke akem inii nda-ayiig. 31Ndiin me inii ayịn̄ ikịd mme anyi- ndịk idiọn̄n̄ọ me nkedogho yinne mban̄a nte atịppe, ayịn̄ imikimi adinakka idiọn̄n̄ọke ukrag Abasi aya asọp atọn̄n̄ọ.
32Me akpanikuo, Amii ndogho yinne ntoo, afịd mme anwe me ebaa idagha anịm imi-ikpaa mbemisiu afịd mme n̄kpo anịm atịppe. 33Isọn̄ mme ikpa-anyọn̄ eya esoobo usiu kian̄. Ade ama ade mme ikuo se nketan̄ imitreke aditịppe.
IKAISIU IBEN̄N̄E IDII IBED ADIDII YISỌS
(Mat 24:36-44; Mak 13:32-37)
34Iba-me ukpimi, atuk mme n̄kpo se ikine yinne iwagha ikpọn̄ adikọn̄n̄ọ mii me akpanikuo nte udia unwe, unwọn̄ akpọsọn̄ọ ukoog, mme adikre mban̄a me n̄kpo se ayịn̄ iyịm me isọn̄. Adieke ayịn̄ ifịk esịd me n̄kpo mbun ada, ayịn̄ imiben̄n̄eke idii ibed adidii amii. Aditọn̄n̄ọ ntaag ndii Amii akitịppe me unana iduk-anyii nte afia me amam una. 35Se akitịppe me usiu ada aya asịm afịd anwe me ebaa me afịd aderimbod. 36Iba me ukpimi afịd-afịd inii. Ibọọn̄ akam Abasi adino yinne ukeme adine akpanikuo me afịd se akitịppe ada, mme adida me unana-abud me isiu amii, Ayiu Anwe me ayiig-isiu.”
37Me inii unweme, Yisọs aya akpiab n̄kpo me afigh tembul, ndiin afịd mbubịg, anyii aya awuo akpọn̄ idọn̄ akeba me etuk-abod me ekebọn̄n̄ọ Abod Ọdịf. 38Mbaag-mbaag abughusiu, adiwaag anwe se ekekpan̄-utọn̄ eno ukpiab n̄kpo esiu, ema-etịmme eka afigh tembul adikuk nte anyii akpiab n̄kpo.
ទើបបានជ្រើសរើសហើយ៖
Duk 21: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 21
21
ENO ANWE UBUENE MME ANWE INYI
(Mak 12:41-44)
1Me inii Yisọs me mme mbed esiu ekesọg ebaa me afigh tembul, Yisọs ama-akiin akana, ndiin akịd mme imo-anwe nan̄a esịn akọg emmo me utan̄-etịbe tembul. 2Ndiin anyii ama-ano akịd ataa ubuene ebịk-akpa kian̄ nte adii. Anyii ama-asịn eno mme etuk akọg iba mee akedinyii akpọsọn̄ọ ekọmudua. 3Yisọs adogho mme mbed esiu atoo, “Me akpanikuo ke amii ndogho yinne nto ke se ubuene ebịk-akpa anịm ano anyi ufoo ano Abasi akieg afịd akọg se mbun ufịn ekeno. 4Sia afịd mbun imo-anwe ada, eno etuk ubaag me adiwaag inyi emmo. Ade akpesọg ade ebịk-akpa anịm ade ataa ubuene, amaano afịd n̄kpo se anyii akenyi adibii iduk unwe.”
YISỌS ATAN̄ ABAN̄A NSOOBO TEMBUL ME YERUSADEM
(Mat 24:1,2; Mak 13:1,2)
5Ade ada ama-akebughu, usọg mme mbed ema-etọn̄n̄ọ aditan̄ mban̄a tembul. Emmo ema-edogho, Kiin mme mfuọn-itiad tembul! N̄ko, kiin mme utịppe eno se mme anwe eno Abasi adidiọn̄ anyii! Ade Yisọs adogho atoo, 6“Ama ade mme n̄kpo anịm ayịn̄ ikiine mo, mme usiu aya adii me kpa itiad kian̄ imiibaa mee akisoghọ me itighe esiu. Mme usua mbun ekọn̄ eya ebịk afịd itiad eduog me isọn̄, eno esoobo tembul anịm.”
ADIWUD TEMBUL MME IDIỌN̄Ọ UTỊD EMANA
(Mat 24:3-14; Mak 13:3-13)
7Mme mbed esiu ebub anyii etoo, “Andikpiab, inii akie se ikisoobo tembul ndiin nse-e ikiino iwuu yire ke mme n̄kpo anịm aya atịppe?”
8Ndiin Yisọs adogho emmo atoo, “Ikpimi ito ke anwe ntekian̄ iyianke yinne iban̄a inii se ayiig ada akide. Amii ntan̄ anịm sia me ayiig isiu, adiwaag anwe eya esuk-nsuk edogho eto ke mmimo iminyi uku amii. Emmo eyaene nte mmimo ide Mesaya. Emmo eyaedogho n̄ko eto, ‘Utịd aderimbod anịm akpre.!’ Ade inaa ayịn̄ inịm emmo me akpanikuo. 9Me inii ayịn̄ ikuk ito ke mme idud esọg enwana, ndiin ke mme anwe esọg esọn̄-ibughu me mme ukrag emmo, ikiifịn̄ghe ndịk. Sia mme n̄kpo anịm akena nte atuk atịppe, ade utịd aderimbod imi-idike usọp-usọp.”
10Ndiin Yisọs n̄ko adogho emmo atoo, “Mme anwe me nsio-nsio idud eya enwana mme anwe me mme idud ufịn, ndiin mme anwe mee andikrag kian̄ akragke eya enwana me mme anwe me andikrag ufịn akragke. 11Akpọsọn̄ọ unyag-isọn̄ n̄ko ayaaba, ndiin akan̄ aya awu mme anwe, emmo n̄ko eya ekpan̄a atuk mme ndiọi udun̄ọ me afịd aderimbod. Ndiin afịd utoo mme anyi ndịk idiọn̄ọ eyaewuo ewud-idii, mme utịppe-n̄kpo eya etịppe me ikpa-anyọn̄ me akinyi mme anwe ndịk ano awuud ato ke utịd aderimbod anịm akpre.
12Ade mbem-isiu mme n̄kpo anịm atịppe, mme asua ayịn̄ eya emam usọg ayịn̄ eno eduk yinne uyiu me isiu mme adidagha me mme Sinakọk, ndiin emmo eya ekọb yinne! emmo eyaebii yinne ekaisiu mme mbọn̄ me mme Andikrag no ebirii ikpii ayịn̄. Emmo eyaene mme n̄kpo anịm mme ayịn̄, sia ayịn̄ ide mme mbed amii. 13Ada aya ade ifed ano yinne adidogho emmo mban̄a ukrag Abasi. 14Me ntre, isiọn̄n̄ọ ibirii ke ayịn̄ ineke mben̄idii iban̄a se ayịn̄ ikiitan̄ adifan̄a idii ayịn̄ me ikpii. 15Sia amii nya ano yinne aniọn̄ adidiọn̄n̄ọ se ikiitan̄. Ibaa anwe ntekian̄ me atuk mbun se eduk yinne uyiu mee ikikọd ifan̄a yinne mee aditan ito ke ayịn̄ imi-idughu. 16Kpa mme ekie ayịn̄, mme etii- ayịn̄, mme ndito ekie ayịn̄ aninie-anwe, mme iman, mee mme nsan̄ Eyaetap yinne eno mme ukrag; ndiin mme ukrag eyaewu usọg ayịn̄. 17Afịd utoo anwe akedede eyaesua yinne, siade ayịn̄ iden̄n̄e mme mbed amii. 18Ade Abasi aya anịm yinne me ifure asịkke me nsinsi nsoobo. 19Adieke ayịn̄ iyọ utoo akpọsọn̄ọ inii ada, imiduogho mbuọd-idii ayịn̄ me amii, Abasi aya ano ukpọn̄ ayịn̄ nsinsi unwe.”
NSOOBO YERUSADEM
(Mat 24:15-28; Mak 13:14-23)
20Ade me inii ayịn̄ ikịd mbun ekọn̄ usua etọn̄n̄ọ adikan idọn̄ Yerusedem nkọk, ndiin ayịn̄ iya idiọn̄n̄ọ ito ke emmo eya esoobo idọn̄ ada afịd-afịd, mbaag anwe ntekian̄ adisughọ de. 21Me inii ada, ayịn̄ mbun me idọn̄n̄ọ me nkan-n̄kọk Yudia ana ifịn̄ghe inyọn̄ akpughu abod ikidịbe. Ayịn mbun me ibaa me idọn̄ Yerusedem ana iwuo ikpọn̄ de, ndiin ayịn̄ mee ibaa me inwan̄ inaa nte idọg idọn̄. 22Sia me inii anịm, Abasi aya amia mbun Yerusedem ufeen. Ufeen anịm aki-isuu me afịd se mme brọfed eketan̄ eno ewad eban̄a anyii me ikuo Abasi. 23Akide ataa akpọsọn̄ọ inii ino mbaaba me esan̄a mme idịp mme mbaaba me ekan̄a ntuk- ayiu me inii ada. Sia mme anwe eya ebuoghọ akpọsọn̄ọ ukud me afịd isọn̄, ndiin Abasi aya amia ibun anịm akpọsọn̄ọ ufeen. 24Usọg emmo, mbun ekọn̄ eyaewu me afịịd, eno emam mbun ufịn, ndiin ebii enyọn̄ nsio-nsio idud. Mbun me adidee Yuu eya ekon ekieg Yerusedem, eno efịk mbun esiu tutuk asịm inii me Abasi ake aduag adibii ukrag emmo nsịm utịd.
ADIDII AYIU ANWE
(Mat 24:29-31; Mak 13:24-27)
25Ada ama-akebughu, mme utịppe idiọn̄n̄ọ ayaaba me utịn, afiọn̄, me mme ntanta-afiọn̄ me awuu ke utịd idud akpre. Mme anwe aderimbod anịm eyaeba me ataa akpugho mfịna eno edutịn mee ntaag akpọsọn̄ọ uyiu mmọn̄ mee akpa. 26Adiwaag anwe eyaekuk ndịk me ikiine emmo esọkkọ, sia emmo eya eyịk eban̄a mme utịppe-n̄kpo me ndịk mi-ikitọn̄n̄ọ aditịppe me isọn̄. Abasi aya anyakka ntanta-afiọn̄ mme n̄kpo ufịn asịn̄ghe me ataa itighe me ikpa-anyọn̄ 27Me inii ada, mme anwe me afịd itighe eyaekịd mii, Ayiu Anwe. Amii nya adii isọn̄ me ntọn̄-anyọn̄, nwud akpughu aduduk mme akwa uyama. 28Me inii mme n̄kpo anịm atọn̄n̄ọ aditịppe, isọn̄n̄ọ ida uku-uku, ino idịppe ibughu ayịn̄ me nsiọn̄n̄ọ-nda, sia ade Abasi aya asọp adifaag yinne asịkke me idiog mme ufeen.
NKII ETU FỊG
(Mat 24:32-35; Mak 13:28-31)
29Ndiin Yisọs abii uwudn̄kpo anịm aditan̄ no anwagha utịd inii. Anyii adogho atoo, “Kre ban̄a se aketịppe ano etuu mfịd mme etuu ntekian̄ ufịn. 30Me inii mme anwe ekịd nte mfan̄ emmo atọn̄n̄ọ adiwuo, emmo ekọd ekịd mee idii emmo, ndiin emmo ediọn̄n̄ọ etoo ke akem inii nda-ayiig. 31Ndiin me inii ayịn̄ ikịd mme anyi- ndịk idiọn̄n̄ọ me nkedogho yinne mban̄a nte atịppe, ayịn̄ imikimi adinakka idiọn̄n̄ọke ukrag Abasi aya asọp atọn̄n̄ọ.
32Me akpanikuo, Amii ndogho yinne ntoo, afịd mme anwe me ebaa idagha anịm imi-ikpaa mbemisiu afịd mme n̄kpo anịm atịppe. 33Isọn̄ mme ikpa-anyọn̄ eya esoobo usiu kian̄. Ade ama ade mme ikuo se nketan̄ imitreke aditịppe.
IKAISIU IBEN̄N̄E IDII IBED ADIDII YISỌS
(Mat 24:36-44; Mak 13:32-37)
34Iba-me ukpimi, atuk mme n̄kpo se ikine yinne iwagha ikpọn̄ adikọn̄n̄ọ mii me akpanikuo nte udia unwe, unwọn̄ akpọsọn̄ọ ukoog, mme adikre mban̄a me n̄kpo se ayịn̄ iyịm me isọn̄. Adieke ayịn̄ ifịk esịd me n̄kpo mbun ada, ayịn̄ imiben̄n̄eke idii ibed adidii amii. Aditọn̄n̄ọ ntaag ndii Amii akitịppe me unana iduk-anyii nte afia me amam una. 35Se akitịppe me usiu ada aya asịm afịd anwe me ebaa me afịd aderimbod. 36Iba me ukpimi afịd-afịd inii. Ibọọn̄ akam Abasi adino yinne ukeme adine akpanikuo me afịd se akitịppe ada, mme adida me unana-abud me isiu amii, Ayiu Anwe me ayiig-isiu.”
37Me inii unweme, Yisọs aya akpiab n̄kpo me afigh tembul, ndiin afịd mbubịg, anyii aya awuo akpọn̄ idọn̄ akeba me etuk-abod me ekebọn̄n̄ọ Abod Ọdịf. 38Mbaag-mbaag abughusiu, adiwaag anwe se ekekpan̄-utọn̄ eno ukpiab n̄kpo esiu, ema-etịmme eka afigh tembul adikuk nte anyii akpiab n̄kpo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.