Duk 22
22
YUDAS ANYIMME ADITAP YISỌS
(Mat 26:1-5,14-16; Mak 14:1,2,10,11; Yn 11:45-53)
1Usiu mme Yuu adine usọrọ-uyiu anwe mmi-isine lefin me mme anwe ekebọn̄n̄ọ Basofa#22:1 Akede ndidia usọrọ mme Yuu. ama adikpre. 2Mme ikpo-akuk, mme akpiab ibed Mosis, ekesọg eyịm adighe nan̄a ekpewu Yisọs me ndịbe, sia emmo ekefịn̄ghe mbun anwe me ekekpan̄-utọn̄ eno Yisọs. 3Adikem, satan ama-adọg esịd Yudas me aketukko idọn̄ Keriọt, me akedee kian̄ me atuk mme Abosul Yisọs dughu-iba. 4Yudas amakeneme mme me ikpo-akuk me mme akpimi tembul adighe nan̄a anyii akpekọd atap Yisọs ano emmo. 5Mme ikpo-akuk me mme akpimi tembul emaekuk inịk-esịd, ndiin emmo ema-eyịmme adino Yudas akọg me anyii adinwam emmo mmam Yisọs. 6Yudas ama ayịmme, ndiin atọn̄n̄ọ adiyịm eti-ufan̄ aditap Yisọs me inii atuk anwe adiba-a.
YISỌS ADIA AKPATRE NDIDIA MME ABOSUL ESIU
7Amaadikem usiu usọrọ adita uyiu me Lefin mi-isịneke, ake ano ade inii akenaa nte ewuu edọn̄-uwaa Basofa. 8Me ntre, Yisọs ama-asịkke Bita mme Yọọn adọn̄ atoo, “Ikaa Yerusedem ikine ndidia usọrọ Basofa#22:8 akede ndidia usọrọ mme Yuu. maa atukde ayị̇d ikọn̄n̄ọ idia Basofa atokian.”
9Emmo ema-ebub anyii etoo, mee nkịm se ayịm no ikine ndidia Basofa?
10Ndiin anyii adogho emmo atoo, “ikpanuton, imaidọg isọn̄ idọn̄ Yerusedem, Anwe kian̄ me akanake aban̄-mmọn̄ me afrag esiu aya adikịd yinne. Ikọn̄n̄ọ anyii, ino ika ufaag mee anyii adọg. 11Ayịn iya idogho anyi ufaag itoo, Andikpiab ayịd adogho atoo, ubed asio-anwe akie-e ke ikidia usọrọ Basofa mme mbed imo? 12Ndiin anyii aya awuu yinne akpughu ubed me ufaag anyọn̄, ema ekeben̄n̄e ibed yire. Ine ndidia de.”
13Bita mme Yọọn ema-eka idọn̄ ada, eno ekekịd afịd n̄kpo ukem-ukem nan̄a Yisọs akedogho, ndiin emmo eben̄n̄e ndidia Basofa de.
YISỌS ANE UFAA EDIOMO ME MME ABOSUL ESIU
14Me inii udia ndidia Basofa amakekem, Yisọs, me mme Abosul esiu dughu-iba ema-eka ubed ufaag anyọn̄, ndiin etighe me akpokoro ndidia. 15Yisọs ato emmo, Amii mmenakka nyii ataa udọn̄ adidia Basofa anịm mme ayịn̄ mbemisiu amii mbuoghọ ndutughọ ndiin mkpa. 16Ade amii idogho yinne anịm ntoo, mme-ndiake ndidia Basofa ufịn aba mme ayịn̄ tutuk se anyii awuo adisu me Ukrag Abasi.
17Ndiin anyii ama-abii kọọb a-wain̄ me ubaag esiu, ndiin ano Abasi ekwam aban̄a anyii. Anyii adogho mme abọsul esiu atoo, ibuoghọ a-wain anịm ino idiama me atuk ayịn̄. 18Amii idogho yinne ntoo, Amii mmenwọn̄ọ a-wain aba tutuk Ukrag Abasi adii.
19Ndiin Yisọs ama-abii bred me ubaag esiu, ano Abasi ekwam. Anyii akpagha ano emmo, ndiin adogho atoo, Bred anịm ade ikpoogidii amii me inoo yinne, ine anịm adibii itoiyo mii.
20Me ukem adighe ada, me emmo emaekedia ndidia mbubịg ema, Yisọs ama-abii kọọb a-wain ano adogho atoo, Kọọb a-wain anịm ade ufaa ediomo mee Abasi akenee me mbun esiu. Ufaa ediomo anịm atọn̄n̄ọ me iyịb amii me ekeduogho nte uwaa me ufoo ayịn̄. 21Ade ikpan-utọn̄! Anwe ada me ikitap mii ino mme asua amii mmo-adia n̄kpo me akpokoro anịm mme amii. 22Anịm atịppe sia Abasi ama abebiiri ayan inii ke-e atoo Amii, Ayiu Anwe, ana nte mkpa. Ade aya anakka adiog me anwe me akituk ubaag esiu, mme asua amii emam mii. 23Me inii mme Abosul esiu ema ekekuk anịm, emmo ema-etọn̄n̄ọ adibub mme atuk emmo eto, mme anie anwe se akiine uto idiog-n̄kpo anịm.
YISỌS AMAN̄A AKPIAB-N̄KPO ABAN̄A NSIỌGHỌ-IDII
24Akema, mfan̄a ama adiba me atuk emmo, nte me anie-anwe me atuk emmo ke ekre nte akpede nkpu-n̄kieg mbed. 25Ade Yisọs ato emmo, “Mme ndidem mbun me adidee Yuu ekrag mbun emmo nte ememee me aduduk. Mme andikrag ekana ukrag efịk emmo, ndiin eyịm ebọọn̄ emmo, nte mbun me enwam mme anwe. 26Ade inaa ayịn̄ iba nte emmo, utuk me ada, yaag anwe se akpuu akieg yinne ade ada me asiọghọke-idii. Ndiin anwe me adee adidagha ayịn̄, akappa aba nte ayiu-ufaag. 27Nyịm ayịn̄ ikre ise, anwe me atighe me akpokoro adia n̄kpo me ada me abii ndidia adino, anie anwe se ade n̄kpuu nkieg? Afịd anwe ediọn̄n̄ọke ade ada me atighe adia-n̄kpo. Ade amii nkappa mba nte ayiu ufaag me atuk ayịn̄. 28Ayịn ide mbun ada me ikibaa me amii me inii idimi amii. 29Me ntre, Amii nyano yinne unen adikrag nte mme ndidem, ukem nan̄a Etii amii akenoo mii unen adikrag nte adidem. 30Me ntaag ada, me Ukrag Amii, ayịn̄ iya idia ino inwọn̄ me amii me akpokoro Amii, ndiin ayịn̄ iya itighe n̄ko me mme ebekpo nte mme abiiri-ikpii adikrag mme esiin Isred dughu-iba.
YISỌS ATO BITA AYA AKAN̄N̄ IMO
(Mat 26:31-35; Mak 14:27-31; Yn 13:36-38)
31Yisọs ndiin ato Saimọn Bita; Saimọn Saimọn; nakka kpan-utọn̄! Satan ama abian̄a adinyi unen me unwe afịd ayịn̄ adine yinne itre adibuọd-idii me amii. Anyii aya akeen̄ afịd ayịn̄ nte ato-inwan̄ abagha abakpa me n̄kpotuk. 32Ade mmabọọn akam nno fii Saimọn Bita, mbaag mbuọdidii afe adikpuu. Ma atukde nan̄a uku-utịmme udagha uda me mbuọdidii, afe aya anwam mme mbed ufịn adesiọn̄n̄ọ me mbuọdidii me amii.”
33Ade Saimọn Bita ato Yisọs, Abọn̄, amii mmeben̄n̄e idii adisan̄a mme afe n̄ka ufaag nkpakọb, ndiin mmeben̄n̄e idii n̄ko adikpa me afe.
34Ade Yisọs ato anyii, “Bita, ndogho fii ntoo, mbemisiu akikoog unii usịghe akpoog mfịn, afe aya adogho mme anwe ukpa ite, ato ke imo idiọn̄n̄ọke Yisọs ada.”
35Ndiin Yisọs akana abub mme mbed, Nte idagha amii nkisin̄n̄eke yinne ndọn̄ nto ika mme nsio-nsio idọn̄ nte ikikuọrọ eti-etuk, ade ikukana ekpad akọg, mee ndidia, mee ikpegukuk ufịn, nte n̄kpo ntekian̄ ama anana yinne? Emmo eto, mmimo ikinanake
n̄kpo ntekian̄.
36Yisọs ato emmo, Ade idagha anịm, mme anwe iminwamke yinne aba. Ndiin, anwe akededee me anyi ekpad akọg mme ekpad uka-isan̄, yaag abii akana, ndiin anwe akededee me adinyii eduad, yaag anyie afọn̄idii esiu akedịk kian̄. 37Amii nsiọn̄n̄ọ yinne nto, ke se ekewad me ikuo Abasi aya atịppe ano mii. Anyii ama-awad, Emmo eya ebad anyii esịn me atuk mme adughu ibed. Me akpanikuo, afịd se mme brọfed ekewad eban̄a mii aya asọp atịppe.
38Mme mbed Yisọs eto anyii, Abọn̄, kiin, iminyi eduad iba mo. Yisọs abọọrọ emmo atoo, “Ada akem.”
YISỌS ABỌỌN̄ AKAM ANO ETII ME ABOD ỌDIF
(Mat 26:36-46; Mak 14:32-42; Yn 18:1)
39Ndiin Yisọs amadikpọn̄ idọn̄ Yerusedem, adika abod Ọdịf nte ido esiu akan adee, mme mbed esiu ema-ekọn̄n̄ọ anyii n̄ko. 40Me emmo ema-ekesịm de, Yisọs ato mbed esiu, “Ibọọn akam ito Abasi anwam yinne mbaag ayịn̄ ididọg idimi.” 41Yisọs ama-asan̄a akpọn̄ mme mbed esiu etuk, ake-atiọn̄n̄ọ edọn̄ abọọn akam ano Abasi. 42Ato Etii Amii, adieke adee unyịmme afe, bii kọọb ufeen anịm kpọn̄ mii. Ade, mboog yaag akude unyịmme amii, yaag ade nte afe ayịmmeke. 43Ndiin Abasi amaadọn̄ enyel atuk me anyọn̄ adisiọn̄n̄ọ anyii idii. 44Me ada ama akebughu, Yisọs amaaba me mbun̄n̄ọ esịd, anyii anakka abọọn̄ akam akpan-akpan akieg akpa tutuk abibiag mee awuo anyii me idii akappa abiid ikpo ntọi iyịb, ano aduogho me isọn̄.
45Me anyii ama akebọọn̄ akam ama, adagha-ada de, adibịne mme mbed esiu adikịd ke emmo esọg edee idee, sia emmo ekebaa me mfuoghọ. 46“Anyii ama-atoiyo emmo me idee ano adogho emmo atoo, Ideke inii idee ade anịm ino yinne! Idagha ida, ino ibọọn̄ akam ito, Abasi adinwam yinne mbaag ayịn̄ ididọg me idimi.”
EMAM YISỌS
(Mat 26:47-56; Mak 14:43-52; Yn 18:1-11)
47Ndiin nte Yisọs akesọg atan̄ ikuo me mme mbed esiu, atuk anwe ema-edii de. Yudas me akedee kian̄ me atuk mme Abosul Yisọs dughu-iba amaabii emmo akpodighe. Anyii amasan̄a abịne Yisọs adikwam anyii me ntịm-inua me mban̄. 48Ndiin Yisọs ato anyii, “Yudas, nte afe abii ntịm-inua aditap mii,” Ayiu Anwe ano mme asua amii? 49Me inii mme Abosul Yisọs ekekịd se ayịm aditịppe, emmo ema-ebub Yisọs etoo, “Abọn̄, nte imikimi adinwana emmo mme eduad ayịd?” 50Ndiin, anwe kian̄ me atuk mme abọsul Yisọs ama-asịkke eduad adian̄n̄a utọn̄ udu ayiu ufaag akwa-akuk. 51Ade Yisọs ama-adogho ato, yaag atre de! Ku-une aba. Anyii ama-atiọg utọn̄ ayiu ufaag ada ano akoog anyii. 52Yisọs akana adogho mme ikpo-akuk, me mme ikpo me akpimi tembul mme adaidagha me atuk mbun se ekedii adimam anyii atoo, “ntaag me ayịn̄ iwuọn̄ọ idii mme eduad mme akpetii nte ika adimam anwe ino? 53Idagha inii amii nkeba me ayịn̄ afịd usiu me afigh tembul, ade ibaa anwe ayịn̄ akedimike adimam mii de. Ade inii ayịn̄ ade anịm, ndiin aduduk ekịm asọg ane utum.”
BITA AKAN̄N̄ YISỌS
(Mat 26:69-75; Mak 14:66-72; Yn 18:13-18,25-27)
54Me inii mme akpimi tembul ema-eke emam Yisọs, ndiin ebii anyii eka ufaag akwa-akuk. Bita ama-adọd ikpe-isan̄ akọn̄n̄ọ anyii nsan̄-nsan̄. 55Me emmo ema-ekesịm, usọg emmo ema ebra ikan̄ me ufọd nkan-n̄kọk ufaag akwa akuk. Ndiin emmo ema esiọg ebuno atokian̄ ekpre adiwii ikan. Bita n̄ko amaadi aditighe me atuk emmo. 56Nte Bita akesọg atighe de mme emmo, ayiu-ufaag anwa-anwaa kian̄ amaakịd anyii me uyama ikan̄. Anyii anakka akiin anyii, ndiin adogho mbun se ekeba de atoo, “Anwe anịm n̄ko akeba mme Yisọs.” 57Ade Bita adogho ato, ikidee akpanikuo. Anyii atoo, Nkaifre, amii ndiọn̄n̄ọke Anwe ada-o? 58Me etuk inii, anwe ufịn ama-akịd Bita ndiin atoo, “Afe n̄ko ade kian̄ me atuk mbun se ekeba mme anwe anịm emamaa mo!” Ade Bita ato, “Iyoo! Abọn̄-anwe, amii ndeke kian̄ me atuk emmo-o!” 59Me n̄kpo nte awaa kian̄ ama-akebughu, ufịn anwe adisọg asiọn̄n̄ọ atoo, “me adinakka ntan̄ akpanikuo, anwe anịm ama-aba mme Yisọs, sia anyii n̄ko atuk nkan-n̄kọk Kadidi.” 60Ade Bita ato anyii, “Abọn̄ anwe, Nyii ifiog mban̄a se afe atan̄ ada-o!”. Ndo-ndo ada, me inii Bita akesọg atan̄ ikuo anịm, akikoog unii ama akpoog. 61Me ukem inii ada, Abọn̄ Yisọs amaakana ano akiin Bita. Idagha ada, Bita amaatoiyo ikuo se Abọn̄ akedogho anyii akun-ayiig ada atoo, “Mbemisiu akikoog unii akpoog abughu-usiu mkpọn̄, afe aya akan̄n̄ mii ukpa ite ato ke imo idiọn̄n̄ọke mii.” 62Bita ama-ake-atoiyo anịm, anyii amaawuo akpọn̄ nkan-n̄kọk ada, ndiin aketua me ataa esịd mbọm.
MBUN UKPIMI ENO YISỌS NNYỌ
(Mat 26:67,68; Mak 14:65)
63Ndiin mbun ekọn̄ me eke ekpimi Yisọs emaetọn̄n̄ọ adino anyii nnyiọ eno emia anyii. 64Emmo ema-etiubi anyii n̄kịm me anyi, ndiin emmo edogho anyii etoo, “Wuu yire ke afe ade Brọfed!. Tan̄ nno yire anwe se atuag fii.” 65Emmo ema ekaisiu esọn̄n̄ọ Yisọs anyi me adiwaag adighe ufịn.
MME ADAIDAGHA YUU EBUB YISỌS MBUMI
(Mat 26:57-68; Mak 14:61-64; Yn 18:12-14,19-24)
66Ayiig ama-akesịghe, afịd adaidagha mme Yuu, nkọrọ mme ikpo-akuk me mme akpiab ibed ema edibuno itighe kian̄. Ndiin ema-ebii Yisọs ekaisiu akwa-esob emmo. 67Ndiin emmo ema-edogho Yisọs eto, “Adieke afe adee Yisọs tan̄ ino yire. Ade anyii adogho emmo atoo, Adieke amii idogho yinne nto ke Amii nde Krais, ayịn̄ iminịmke mii me akpanikuo. 68Ndiin adieke amii mbub yinne mbimi mban̄a anịm, ayịn̄ imibọọrọke mii. 69Ade ataa etuk-etuk inii, Amii, Ayiu Anwe nkitighe me itighe ukpuno mme aduduk me ubaag udu akpọsọn̄ọ Abasi. 70Ndiin afịd emmo ema-ebub Yisọs etoo, Nte afe ade Ayiu Abasi? Yisọs abọọrọ emmo ato, Ayịn imitatan̄ ke amii nde Krais 71Emmo ndiin edogho kian̄ ufịn eto, Ayịd me idii ayịd ima-ikuk se anyii aketan̄ aban̄a idii esiu! Ndiin ayịd iyịmke mme anwe ufịn aba, aditan̄ ikuo ntighe-nkiin idian̄ anyii!.”
ទើបបានជ្រើសរើសហើយ៖
Duk 22: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 22
22
YUDAS ANYIMME ADITAP YISỌS
(Mat 26:1-5,14-16; Mak 14:1,2,10,11; Yn 11:45-53)
1Usiu mme Yuu adine usọrọ-uyiu anwe mmi-isine lefin me mme anwe ekebọn̄n̄ọ Basofa#22:1 Akede ndidia usọrọ mme Yuu. ama adikpre. 2Mme ikpo-akuk, mme akpiab ibed Mosis, ekesọg eyịm adighe nan̄a ekpewu Yisọs me ndịbe, sia emmo ekefịn̄ghe mbun anwe me ekekpan̄-utọn̄ eno Yisọs. 3Adikem, satan ama-adọg esịd Yudas me aketukko idọn̄ Keriọt, me akedee kian̄ me atuk mme Abosul Yisọs dughu-iba. 4Yudas amakeneme mme me ikpo-akuk me mme akpimi tembul adighe nan̄a anyii akpekọd atap Yisọs ano emmo. 5Mme ikpo-akuk me mme akpimi tembul emaekuk inịk-esịd, ndiin emmo ema-eyịmme adino Yudas akọg me anyii adinwam emmo mmam Yisọs. 6Yudas ama ayịmme, ndiin atọn̄n̄ọ adiyịm eti-ufan̄ aditap Yisọs me inii atuk anwe adiba-a.
YISỌS ADIA AKPATRE NDIDIA MME ABOSUL ESIU
7Amaadikem usiu usọrọ adita uyiu me Lefin mi-isịneke, ake ano ade inii akenaa nte ewuu edọn̄-uwaa Basofa. 8Me ntre, Yisọs ama-asịkke Bita mme Yọọn adọn̄ atoo, “Ikaa Yerusedem ikine ndidia usọrọ Basofa#22:8 akede ndidia usọrọ mme Yuu. maa atukde ayị̇d ikọn̄n̄ọ idia Basofa atokian.”
9Emmo ema-ebub anyii etoo, mee nkịm se ayịm no ikine ndidia Basofa?
10Ndiin anyii adogho emmo atoo, “ikpanuton, imaidọg isọn̄ idọn̄ Yerusedem, Anwe kian̄ me akanake aban̄-mmọn̄ me afrag esiu aya adikịd yinne. Ikọn̄n̄ọ anyii, ino ika ufaag mee anyii adọg. 11Ayịn iya idogho anyi ufaag itoo, Andikpiab ayịd adogho atoo, ubed asio-anwe akie-e ke ikidia usọrọ Basofa mme mbed imo? 12Ndiin anyii aya awuu yinne akpughu ubed me ufaag anyọn̄, ema ekeben̄n̄e ibed yire. Ine ndidia de.”
13Bita mme Yọọn ema-eka idọn̄ ada, eno ekekịd afịd n̄kpo ukem-ukem nan̄a Yisọs akedogho, ndiin emmo eben̄n̄e ndidia Basofa de.
YISỌS ANE UFAA EDIOMO ME MME ABOSUL ESIU
14Me inii udia ndidia Basofa amakekem, Yisọs, me mme Abosul esiu dughu-iba ema-eka ubed ufaag anyọn̄, ndiin etighe me akpokoro ndidia. 15Yisọs ato emmo, Amii mmenakka nyii ataa udọn̄ adidia Basofa anịm mme ayịn̄ mbemisiu amii mbuoghọ ndutughọ ndiin mkpa. 16Ade amii idogho yinne anịm ntoo, mme-ndiake ndidia Basofa ufịn aba mme ayịn̄ tutuk se anyii awuo adisu me Ukrag Abasi.
17Ndiin anyii ama-abii kọọb a-wain̄ me ubaag esiu, ndiin ano Abasi ekwam aban̄a anyii. Anyii adogho mme abọsul esiu atoo, ibuoghọ a-wain anịm ino idiama me atuk ayịn̄. 18Amii idogho yinne ntoo, Amii mmenwọn̄ọ a-wain aba tutuk Ukrag Abasi adii.
19Ndiin Yisọs ama-abii bred me ubaag esiu, ano Abasi ekwam. Anyii akpagha ano emmo, ndiin adogho atoo, Bred anịm ade ikpoogidii amii me inoo yinne, ine anịm adibii itoiyo mii.
20Me ukem adighe ada, me emmo emaekedia ndidia mbubịg ema, Yisọs ama-abii kọọb a-wain ano adogho atoo, Kọọb a-wain anịm ade ufaa ediomo mee Abasi akenee me mbun esiu. Ufaa ediomo anịm atọn̄n̄ọ me iyịb amii me ekeduogho nte uwaa me ufoo ayịn̄. 21Ade ikpan-utọn̄! Anwe ada me ikitap mii ino mme asua amii mmo-adia n̄kpo me akpokoro anịm mme amii. 22Anịm atịppe sia Abasi ama abebiiri ayan inii ke-e atoo Amii, Ayiu Anwe, ana nte mkpa. Ade aya anakka adiog me anwe me akituk ubaag esiu, mme asua amii emam mii. 23Me inii mme Abosul esiu ema ekekuk anịm, emmo ema-etọn̄n̄ọ adibub mme atuk emmo eto, mme anie anwe se akiine uto idiog-n̄kpo anịm.
YISỌS AMAN̄A AKPIAB-N̄KPO ABAN̄A NSIỌGHỌ-IDII
24Akema, mfan̄a ama adiba me atuk emmo, nte me anie-anwe me atuk emmo ke ekre nte akpede nkpu-n̄kieg mbed. 25Ade Yisọs ato emmo, “Mme ndidem mbun me adidee Yuu ekrag mbun emmo nte ememee me aduduk. Mme andikrag ekana ukrag efịk emmo, ndiin eyịm ebọọn̄ emmo, nte mbun me enwam mme anwe. 26Ade inaa ayịn̄ iba nte emmo, utuk me ada, yaag anwe se akpuu akieg yinne ade ada me asiọghọke-idii. Ndiin anwe me adee adidagha ayịn̄, akappa aba nte ayiu-ufaag. 27Nyịm ayịn̄ ikre ise, anwe me atighe me akpokoro adia n̄kpo me ada me abii ndidia adino, anie anwe se ade n̄kpuu nkieg? Afịd anwe ediọn̄n̄ọke ade ada me atighe adia-n̄kpo. Ade amii nkappa mba nte ayiu ufaag me atuk ayịn̄. 28Ayịn ide mbun ada me ikibaa me amii me inii idimi amii. 29Me ntre, Amii nyano yinne unen adikrag nte mme ndidem, ukem nan̄a Etii amii akenoo mii unen adikrag nte adidem. 30Me ntaag ada, me Ukrag Amii, ayịn̄ iya idia ino inwọn̄ me amii me akpokoro Amii, ndiin ayịn̄ iya itighe n̄ko me mme ebekpo nte mme abiiri-ikpii adikrag mme esiin Isred dughu-iba.
YISỌS ATO BITA AYA AKAN̄N̄ IMO
(Mat 26:31-35; Mak 14:27-31; Yn 13:36-38)
31Yisọs ndiin ato Saimọn Bita; Saimọn Saimọn; nakka kpan-utọn̄! Satan ama abian̄a adinyi unen me unwe afịd ayịn̄ adine yinne itre adibuọd-idii me amii. Anyii aya akeen̄ afịd ayịn̄ nte ato-inwan̄ abagha abakpa me n̄kpotuk. 32Ade mmabọọn akam nno fii Saimọn Bita, mbaag mbuọdidii afe adikpuu. Ma atukde nan̄a uku-utịmme udagha uda me mbuọdidii, afe aya anwam mme mbed ufịn adesiọn̄n̄ọ me mbuọdidii me amii.”
33Ade Saimọn Bita ato Yisọs, Abọn̄, amii mmeben̄n̄e idii adisan̄a mme afe n̄ka ufaag nkpakọb, ndiin mmeben̄n̄e idii n̄ko adikpa me afe.
34Ade Yisọs ato anyii, “Bita, ndogho fii ntoo, mbemisiu akikoog unii usịghe akpoog mfịn, afe aya adogho mme anwe ukpa ite, ato ke imo idiọn̄n̄ọke Yisọs ada.”
35Ndiin Yisọs akana abub mme mbed, Nte idagha amii nkisin̄n̄eke yinne ndọn̄ nto ika mme nsio-nsio idọn̄ nte ikikuọrọ eti-etuk, ade ikukana ekpad akọg, mee ndidia, mee ikpegukuk ufịn, nte n̄kpo ntekian̄ ama anana yinne? Emmo eto, mmimo ikinanake
n̄kpo ntekian̄.
36Yisọs ato emmo, Ade idagha anịm, mme anwe iminwamke yinne aba. Ndiin, anwe akededee me anyi ekpad akọg mme ekpad uka-isan̄, yaag abii akana, ndiin anwe akededee me adinyii eduad, yaag anyie afọn̄idii esiu akedịk kian̄. 37Amii nsiọn̄n̄ọ yinne nto, ke se ekewad me ikuo Abasi aya atịppe ano mii. Anyii ama-awad, Emmo eya ebad anyii esịn me atuk mme adughu ibed. Me akpanikuo, afịd se mme brọfed ekewad eban̄a mii aya asọp atịppe.
38Mme mbed Yisọs eto anyii, Abọn̄, kiin, iminyi eduad iba mo. Yisọs abọọrọ emmo atoo, “Ada akem.”
YISỌS ABỌỌN̄ AKAM ANO ETII ME ABOD ỌDIF
(Mat 26:36-46; Mak 14:32-42; Yn 18:1)
39Ndiin Yisọs amadikpọn̄ idọn̄ Yerusedem, adika abod Ọdịf nte ido esiu akan adee, mme mbed esiu ema-ekọn̄n̄ọ anyii n̄ko. 40Me emmo ema-ekesịm de, Yisọs ato mbed esiu, “Ibọọn akam ito Abasi anwam yinne mbaag ayịn̄ ididọg idimi.” 41Yisọs ama-asan̄a akpọn̄ mme mbed esiu etuk, ake-atiọn̄n̄ọ edọn̄ abọọn akam ano Abasi. 42Ato Etii Amii, adieke adee unyịmme afe, bii kọọb ufeen anịm kpọn̄ mii. Ade, mboog yaag akude unyịmme amii, yaag ade nte afe ayịmmeke. 43Ndiin Abasi amaadọn̄ enyel atuk me anyọn̄ adisiọn̄n̄ọ anyii idii. 44Me ada ama akebughu, Yisọs amaaba me mbun̄n̄ọ esịd, anyii anakka abọọn̄ akam akpan-akpan akieg akpa tutuk abibiag mee awuo anyii me idii akappa abiid ikpo ntọi iyịb, ano aduogho me isọn̄.
45Me anyii ama akebọọn̄ akam ama, adagha-ada de, adibịne mme mbed esiu adikịd ke emmo esọg edee idee, sia emmo ekebaa me mfuoghọ. 46“Anyii ama-atoiyo emmo me idee ano adogho emmo atoo, Ideke inii idee ade anịm ino yinne! Idagha ida, ino ibọọn̄ akam ito, Abasi adinwam yinne mbaag ayịn̄ ididọg me idimi.”
EMAM YISỌS
(Mat 26:47-56; Mak 14:43-52; Yn 18:1-11)
47Ndiin nte Yisọs akesọg atan̄ ikuo me mme mbed esiu, atuk anwe ema-edii de. Yudas me akedee kian̄ me atuk mme Abosul Yisọs dughu-iba amaabii emmo akpodighe. Anyii amasan̄a abịne Yisọs adikwam anyii me ntịm-inua me mban̄. 48Ndiin Yisọs ato anyii, “Yudas, nte afe abii ntịm-inua aditap mii,” Ayiu Anwe ano mme asua amii? 49Me inii mme Abosul Yisọs ekekịd se ayịm aditịppe, emmo ema-ebub Yisọs etoo, “Abọn̄, nte imikimi adinwana emmo mme eduad ayịd?” 50Ndiin, anwe kian̄ me atuk mme abọsul Yisọs ama-asịkke eduad adian̄n̄a utọn̄ udu ayiu ufaag akwa-akuk. 51Ade Yisọs ama-adogho ato, yaag atre de! Ku-une aba. Anyii ama-atiọg utọn̄ ayiu ufaag ada ano akoog anyii. 52Yisọs akana adogho mme ikpo-akuk, me mme ikpo me akpimi tembul mme adaidagha me atuk mbun se ekedii adimam anyii atoo, “ntaag me ayịn̄ iwuọn̄ọ idii mme eduad mme akpetii nte ika adimam anwe ino? 53Idagha inii amii nkeba me ayịn̄ afịd usiu me afigh tembul, ade ibaa anwe ayịn̄ akedimike adimam mii de. Ade inii ayịn̄ ade anịm, ndiin aduduk ekịm asọg ane utum.”
BITA AKAN̄N̄ YISỌS
(Mat 26:69-75; Mak 14:66-72; Yn 18:13-18,25-27)
54Me inii mme akpimi tembul ema-eke emam Yisọs, ndiin ebii anyii eka ufaag akwa-akuk. Bita ama-adọd ikpe-isan̄ akọn̄n̄ọ anyii nsan̄-nsan̄. 55Me emmo ema-ekesịm, usọg emmo ema ebra ikan̄ me ufọd nkan-n̄kọk ufaag akwa akuk. Ndiin emmo ema esiọg ebuno atokian̄ ekpre adiwii ikan. Bita n̄ko amaadi aditighe me atuk emmo. 56Nte Bita akesọg atighe de mme emmo, ayiu-ufaag anwa-anwaa kian̄ amaakịd anyii me uyama ikan̄. Anyii anakka akiin anyii, ndiin adogho mbun se ekeba de atoo, “Anwe anịm n̄ko akeba mme Yisọs.” 57Ade Bita adogho ato, ikidee akpanikuo. Anyii atoo, Nkaifre, amii ndiọn̄n̄ọke Anwe ada-o? 58Me etuk inii, anwe ufịn ama-akịd Bita ndiin atoo, “Afe n̄ko ade kian̄ me atuk mbun se ekeba mme anwe anịm emamaa mo!” Ade Bita ato, “Iyoo! Abọn̄-anwe, amii ndeke kian̄ me atuk emmo-o!” 59Me n̄kpo nte awaa kian̄ ama-akebughu, ufịn anwe adisọg asiọn̄n̄ọ atoo, “me adinakka ntan̄ akpanikuo, anwe anịm ama-aba mme Yisọs, sia anyii n̄ko atuk nkan-n̄kọk Kadidi.” 60Ade Bita ato anyii, “Abọn̄ anwe, Nyii ifiog mban̄a se afe atan̄ ada-o!”. Ndo-ndo ada, me inii Bita akesọg atan̄ ikuo anịm, akikoog unii ama akpoog. 61Me ukem inii ada, Abọn̄ Yisọs amaakana ano akiin Bita. Idagha ada, Bita amaatoiyo ikuo se Abọn̄ akedogho anyii akun-ayiig ada atoo, “Mbemisiu akikoog unii akpoog abughu-usiu mkpọn̄, afe aya akan̄n̄ mii ukpa ite ato ke imo idiọn̄n̄ọke mii.” 62Bita ama-ake-atoiyo anịm, anyii amaawuo akpọn̄ nkan-n̄kọk ada, ndiin aketua me ataa esịd mbọm.
MBUN UKPIMI ENO YISỌS NNYỌ
(Mat 26:67,68; Mak 14:65)
63Ndiin mbun ekọn̄ me eke ekpimi Yisọs emaetọn̄n̄ọ adino anyii nnyiọ eno emia anyii. 64Emmo ema-etiubi anyii n̄kịm me anyi, ndiin emmo edogho anyii etoo, “Wuu yire ke afe ade Brọfed!. Tan̄ nno yire anwe se atuag fii.” 65Emmo ema ekaisiu esọn̄n̄ọ Yisọs anyi me adiwaag adighe ufịn.
MME ADAIDAGHA YUU EBUB YISỌS MBUMI
(Mat 26:57-68; Mak 14:61-64; Yn 18:12-14,19-24)
66Ayiig ama-akesịghe, afịd adaidagha mme Yuu, nkọrọ mme ikpo-akuk me mme akpiab ibed ema edibuno itighe kian̄. Ndiin ema-ebii Yisọs ekaisiu akwa-esob emmo. 67Ndiin emmo ema-edogho Yisọs eto, “Adieke afe adee Yisọs tan̄ ino yire. Ade anyii adogho emmo atoo, Adieke amii idogho yinne nto ke Amii nde Krais, ayịn̄ iminịmke mii me akpanikuo. 68Ndiin adieke amii mbub yinne mbimi mban̄a anịm, ayịn̄ imibọọrọke mii. 69Ade ataa etuk-etuk inii, Amii, Ayiu Anwe nkitighe me itighe ukpuno mme aduduk me ubaag udu akpọsọn̄ọ Abasi. 70Ndiin afịd emmo ema-ebub Yisọs etoo, Nte afe ade Ayiu Abasi? Yisọs abọọrọ emmo ato, Ayịn imitatan̄ ke amii nde Krais 71Emmo ndiin edogho kian̄ ufịn eto, Ayịd me idii ayịd ima-ikuk se anyii aketan̄ aban̄a idii esiu! Ndiin ayịd iyịmke mme anwe ufịn aba, aditan̄ ikuo ntighe-nkiin idian̄ anyii!.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.