Duk 20
20
MME ADIDAGHA YUU EBUB YISỌS MBIMI
(Mat 21:23-27; Mak 11:27-33)
1Usiu kian̄, Yisọs akekpiab mme anwe n̄kpo me afigh tembul, ano adogho emmo eti-mbọg aban̄a ukrag Abasi. Usọg mme ikpo-akuk, mme akpiab ibed, me mme adaidagha ebịne anyii. 2Emmo ema-eyịm adidiọn̄n̄ọ, “Dogho yire, nse-e ukuu ke afe anyi adinan̄a mme n̄kpo” anịm? “Ndiin anie anwe se adọn̄ fii adinan̄a emmo?”
3Anyii ama-adogho emmo atoo, “Akpa, nya abub yinne mbimi, ndiin ayịn̄ iya idogho mii ibọọrọ. 4Nte ukuu Yọọn adiduog mme anwe mmọn̄ atuk Abasi mee atuk mme anwe?”
5Emmo emaetọn̄n̄ọ adineme me idii emmo, “Ayịd isikitan̄ se-e? Adieke ayịd ibọọrọ, ‘Ukuu esiu aketuk Abasi,’ ndiin anyii aya abub yire ‘ntaag me ayịd ikidinịmme etuk esiu me akpanikuo.’ 6Ade adieke ayịd idogho ito ke anwe akedọn̄ Yọọn adiduog mme anwe mmọn̄, ndiin mbun Yuu ayịd eya-etiọn̄ yire me itiad, eno ewu yire. Sia afịd mme anwe enakka enịm me akpanikuo eto ke Yọọn akede brọfed.”
7Ndiin mme adaidagha mme Yuu ebọọrọ Yisọs etoo, “Ayịd idiọn̄n̄ọke anwe se ano Yọọn unen adiduog mme anwe mmọn̄.”
8Yisọs amaabọọrọ atoo, “Sia ayịn̄ idibọọrọke mbimi amii, Amii n̄ko mmiidoghoke yinne anwe se akeno mii ukuu adine mme n̄kpo anịm.”
YISỌS ATUK NKII ABAN̄A MME NDIỌI NDITO-UFAAG
(Mat 21:33-46; Mak 12:1-12)
9Ndiin Yisọs ama-atọn̄n̄ọ adidogho mme anwe mbọg anịm, “Ama-aba anwe kian̄ me akenyi inwan̄ grep. Ndiin anyii ayaag ano mme ato-inwan̄ me ukpii akọg. Akema, anyii adagha idud ufịn ano akebaa de me ayan inii. 10Me inii akedikem adidoog mme grep, ndinyi adọn̄ kian̄ me atuk ndito-ufaag esiu eka ebịne ato-inwan̄ adikibuoghọ emmo udiama n̄kpo esiu nte ekeyịmmeke. Ade mme ato-inwan̄ grep ema-etịm ayiu-ufaag ada, eno ebịne anyii anyọn̄, ade emmo ikino-o anyii n̄kpo ntekian̄. 11N̄ko, ndinyi inwan adọn ayiu-ufaag ufịn abịne mme ato-inwan̄ adikibuoghọ udiama n̄kpo idoog esiu. Ade emmo ema-etịm ayiu-ufaag anịm n̄ko, ndiin esun̄o anyii eno ebịn anyii anyọn̄, ade emmo ikino-o anyii n̄kpo ntekian̄. 12N̄ko, ane ukpa-ite, adinyi inwan̄ adọn̄ ayiu-ufaag abịne mme ato-inwan̄. Ade emmo ema-eno ayiu-ufaag anịm unan, eno etuk anyii esịkke mee inwan̄ grep.
13Me inii ndinyi inwan̄ grep akekuk anịm, anyii ama-adogho idii esiu atoo, Nse-e amii nkinee idaghada? Amii nya-adọn̄ ayiu amii me mmeeg eti-eti. Akimi adide, emmo eyaekpuno anyii, ndiin eno anyii se emmo ekana mii.
14Ndiin ndinyi inwan̄ adọn̄ ayiu esiu. Ade me inii mme ato-inwan̄ ekịd ayiu esiu nte adii, emmo ema-eneme se emmo ekpenee. Emmo ema-edogho me atuk idii emmo eto, Kiin ayiu ndinyi inwan̄ adi mmo. Yaag iwu anyii. Ndiin ayịd ikinyi inwan̄ anịm. 15Ndiin mme ato- inwan ema-etuk ayiu ndinyi inwan̄ esịkke me inwan̄ grep, eno ewu anyii. Ndiin Yisọs abub,
Idagha ada, idogho mii se ndinyi inwan̄ akiinee me mme ato-inwan̄ ada? me inii anyii adiọn̄n̄ọ se emmo ekenee. 16Anyii aya aka inwan̄ grep esiu ano awu mme ato-inwan̄ ada. Ndiin anyii aya-ano mme ato-inwan̄ ufịn inwan̄ ada me ukpii akọg.
Me inii mme anwe ekekuk anịm, emmo edogho eto, Ke Abasi ayag anịm atịppe!
17Yisọs ama-atịn̄ anyii akiin emmo, ndiin abub emmo ato, Adieke ayịn̄ idogho itoo, inaa nte anịm atịppe, ndiin anịm ase awuo nse-e me inii Abasi adogho me ikuo esiu aban̄a Krais, anyii aba nte
itiad me mme abuu-ufaag ekesịne-e,
ade Abasi amaane anyii ade ataa akpan-itiad ufaag.
18Anwe me asịne-e Andiyaagha aba nte anwe mme adughọ me akpughu itiad. Anyii aya abumo mbai-mbai.#20:18 Moo itiad ada ano Yisọs. Yisọs akedoghoke mme anwe mee esịnee imo ke eya esoobo”
19Mme akpiab ibed me mme ikpo-akuk ema-ediọn̄n̄ọ eto ke Yisọs atan̄ mbọg anịm adian̄ mmimo. Ndiin, emmo ema-eyịm adimam anyii ukpakian̄. Ade emmo ikimamke anyii, sia emmo ekefịn̄ghe ndịk se mme anwe ekpenee.
MME ADAIDAGHA YUU ENWANA ADIMAM YISỌS ME MBIMI MEE ABAN̄AKE TAKSI
(Mat 22:15-22; Mak 12:13-17)
20Ndiin mme ikpo-akuk me mme akpiab ibed ema-enakka ekpimi Yisọs eno ekpii usọg anwe akọg adika ikiyian Yisọs ine nte mmimo iden̄n̄e mme ane akpanikuo. Emmo ema-enwana adimam anyii me se anyii akitan̄ mbaag emmo ekọd anyii eno asọn̄ aduduk ada-ukrag Rum yaag eno anyii ufeen. 21Me inii mme anwe se ekekpii akọg edibịne Yisọs, emmo edogho anyii atoo, Andikpiab, ayịd imidiọn̄n̄ọ ke ukpiab n̄kpo afe ade nnen-nnen, ndiin afe uten̄n̄eke anwe kian̄ ukpọn̄ ufịn. Afe akan akpiab akpanikuo aban̄a se Abasi ayịm mme anwe ene. 22Ndiin emmo ebub anyii, Nte ibed Mosis ayag yire ikpii taksi ino akpughu adidem Ciisa mee iyagha?
23Ade Yisọs ama-adiọn̄n̄ọ ato, ke emmo enwana adimam anyii. Ndiin anyii adogho emmo atoo, Ntaag me ayịn̄ idimi mii-i? 24“Wuu mii akọg Rum se ekan ebii ekpii taksi. Dogho mii nkukiin mme anyịn anie anwe se emịn̄ me akọg anịm?” “Nkukiin mme anyịn̄ Ciisa,” emmo ebọọrọ anyii.
25Ndiin anyii adogho emmo atoo, “Me ntaag ada, ikpii ino Ciisa se anyi Ciisa, ndiin no Abasi se anyi Abasi.”
26Ndiin, mme anwe se ekekpii akọg ikikọddọ imam Yisọs me n̄kpo ntekian̄ se anyii aketan̄ me isiu mme anwe. Emmo ema-ekap inua sia idii ama-akpa emmo me nan̄a anyii akebọọrọ emmo.
MBIMI ME ABAN̄AKE ADISED MME MKPA
27Ada ama-akebughu, usọg mme Sadusi ema-edi ebịne Yisọs. Mbun anịm me akpanikuo eto, ke Abasi iminee mme anwe esed me mkpa. Emmo ema-ebub anyii etoo, 28“Andikpiab,” me ibed me Mosis akewad ano yire mme Yuu, anyii atoo adieke anwe me adoo nwaa akpa-a, ndiin inyike ndito, ndiin ayiu-ekie aninie-anwe ana ado ebịk-akpa ada mbaag anyii akọd anyi ayiu atuk ebịk-akpa ada. Akpa ayiu aninie-anwe akiiba nte ayiu aninie-anwe ayiu-ekie esiu mee akekpaa. 29Inii kian̄ ke-e, ama-aba ndito-ekie aninie-anwe itagha-eba mee ubun. Akpa ado ndo, ade anyii akpa inyike ndito ntekian̄ 30Ane iba ado ebịk-akpa ayiu ekie esiu, ade anyii n̄ko akpa inyike ndito ntekian̄. 31Ukem n̄kpo anịm atịppe ano ayogho aninie-anwe ite n̄ko. Me akpatre, afịd aninie-anwe itagha-eba edo ebịk-akpa ada eno ekpan̄n̄a inyike ndito ntekian̄. 32Me ataa afịd akpatre, ebịk-akpa ada n̄ko akpa. 33Me ntre, me inii Abasi ane mme anwe esed me mkpa eduk unwe, akieg se anyii akido nte ebịk? Anyii ama-ado afịd emmo anwe itagha-eba.
34Yisọs amaabọọrọ atoo, “Mme anwe mee aderimbod mfịn edo ndo. 35Ade mme anwe ada mee Abasi akịd nte eduk adinyi unwe ada, nno n̄sed me mkpa imi-idoo ndo. 36Ndiin emmo imi-ikọddọ ikpa aba. Emmo ikiiba nte mme enyel, ndiin eya-ede ndito Abasi, sia ema-ene emmo esed me mkpa eduk unwe. 37Me adidian̄ me ada, ayịn̄ inenke adikre ito, ke mme akpa-mkpa imi-ikọddọ iduk unwe aba. Sia me ikuo-Abasi, Mosis amaawad se Abasi akedogho anyii tọn̄n̄ọ me ikoog ame ake ataa ikan̄. Dee, Abasi akewuu idii esiu nte Abasi Ebraham, mme Abasi Aisịk, mme Abasi Yekọb. 38Anyii idee Abasi mme akpa-mkpa. Akap ade, Abasi mme aduk unwe. Mee Abasi, afịd mbun esiu eduk unwe.”
39Ndiin usọg mme akpiab ibed me akediyịmmeke me mme Sadusi edogho eto, “Andikpiab, afe amebọọrọ yaag afo.” 40Ada ama-akebughu, emmo emaefịn̄ghe ndịk adibub Yisọs mbimi ntekian̄ ufịn.
NTE KRAIS ADE AYIU DEFỊD
(Mat 22:41-46; Mak 12:35-37)
41Ndiin Yisọs adogho mme adaidagha mme Yuu, atoo “Emmo edogho eto ke Mesaya ade aduk Defịd. Ayịn isi ikappa ada dighe? 42Sia Adidem Defịd me idii esiu amaawad aban̄a Krais me n̄wad me ebọn̄n̄ọ Saams atoo,
Abasi atan̄ ano Abọn̄ amii atoo,
Dii, tighe mo me ubaag nkan̄-udu, me ataa akpan itighe ukpuno,
43nte Amii nkikieg afịd mme asua ayịn̄ ayogho-ayogho.
Amii nyaane emmo nte n̄kpo uduk ikpeeg ayịn̄.
44Ndiin adieke Krais anakka ade aduk adidem Defịd, Nse-e ane Defịd abọọn̄ Anyii ‘Abọn̄ esiu?’ ”
IKPIMI IDII ME MME AKPIAB IBED MOSIS
(Mat 23:1-7; Mak 12:38-40)
45Ndiin Yisọs atan̄ ano mme mbed esiu me inii afịd anwe ufịn ekesọg ekpan̄-utọn̄. 46“Ikikọn̄n̄ọ idiog uwud-n̄kpo mme akpiab ibed. Emmo eyịm adisan̄a nkana mme nsọn̄-udua afọn, ndiin emmo eyịm mme anwe ekwam emmo mee ukpuno me asọn̄ udua. Emmo n̄ko emee aditighe mee ataa akpan-itighe me mme Sinakọk, ufaag akam mme Yuu. Ndiin emmo emee aditighe me mme itighe ukpuno me usọrọ. 47Emmo eyian mme ebịk-akpa eno ebuoghọ mme ufaag emmo. Ndiin emmo edịb idiog-eduk unwe emmo me ayan akam. Me ntaag anịm, ufeen emmo aya akpuu akieg mbun ufịn.”
ទើបបានជ្រើសរើសហើយ៖
Duk 20: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 20
20
MME ADIDAGHA YUU EBUB YISỌS MBIMI
(Mat 21:23-27; Mak 11:27-33)
1Usiu kian̄, Yisọs akekpiab mme anwe n̄kpo me afigh tembul, ano adogho emmo eti-mbọg aban̄a ukrag Abasi. Usọg mme ikpo-akuk, mme akpiab ibed, me mme adaidagha ebịne anyii. 2Emmo ema-eyịm adidiọn̄n̄ọ, “Dogho yire, nse-e ukuu ke afe anyi adinan̄a mme n̄kpo” anịm? “Ndiin anie anwe se adọn̄ fii adinan̄a emmo?”
3Anyii ama-adogho emmo atoo, “Akpa, nya abub yinne mbimi, ndiin ayịn̄ iya idogho mii ibọọrọ. 4Nte ukuu Yọọn adiduog mme anwe mmọn̄ atuk Abasi mee atuk mme anwe?”
5Emmo emaetọn̄n̄ọ adineme me idii emmo, “Ayịd isikitan̄ se-e? Adieke ayịd ibọọrọ, ‘Ukuu esiu aketuk Abasi,’ ndiin anyii aya abub yire ‘ntaag me ayịd ikidinịmme etuk esiu me akpanikuo.’ 6Ade adieke ayịd idogho ito ke anwe akedọn̄ Yọọn adiduog mme anwe mmọn̄, ndiin mbun Yuu ayịd eya-etiọn̄ yire me itiad, eno ewu yire. Sia afịd mme anwe enakka enịm me akpanikuo eto ke Yọọn akede brọfed.”
7Ndiin mme adaidagha mme Yuu ebọọrọ Yisọs etoo, “Ayịd idiọn̄n̄ọke anwe se ano Yọọn unen adiduog mme anwe mmọn̄.”
8Yisọs amaabọọrọ atoo, “Sia ayịn̄ idibọọrọke mbimi amii, Amii n̄ko mmiidoghoke yinne anwe se akeno mii ukuu adine mme n̄kpo anịm.”
YISỌS ATUK NKII ABAN̄A MME NDIỌI NDITO-UFAAG
(Mat 21:33-46; Mak 12:1-12)
9Ndiin Yisọs ama-atọn̄n̄ọ adidogho mme anwe mbọg anịm, “Ama-aba anwe kian̄ me akenyi inwan̄ grep. Ndiin anyii ayaag ano mme ato-inwan̄ me ukpii akọg. Akema, anyii adagha idud ufịn ano akebaa de me ayan inii. 10Me inii akedikem adidoog mme grep, ndinyi adọn̄ kian̄ me atuk ndito-ufaag esiu eka ebịne ato-inwan̄ adikibuoghọ emmo udiama n̄kpo esiu nte ekeyịmmeke. Ade mme ato-inwan̄ grep ema-etịm ayiu-ufaag ada, eno ebịne anyii anyọn̄, ade emmo ikino-o anyii n̄kpo ntekian̄. 11N̄ko, ndinyi inwan adọn ayiu-ufaag ufịn abịne mme ato-inwan̄ adikibuoghọ udiama n̄kpo idoog esiu. Ade emmo ema-etịm ayiu-ufaag anịm n̄ko, ndiin esun̄o anyii eno ebịn anyii anyọn̄, ade emmo ikino-o anyii n̄kpo ntekian̄. 12N̄ko, ane ukpa-ite, adinyi inwan̄ adọn̄ ayiu-ufaag abịne mme ato-inwan̄. Ade emmo ema-eno ayiu-ufaag anịm unan, eno etuk anyii esịkke mee inwan̄ grep.
13Me inii ndinyi inwan̄ grep akekuk anịm, anyii ama-adogho idii esiu atoo, Nse-e amii nkinee idaghada? Amii nya-adọn̄ ayiu amii me mmeeg eti-eti. Akimi adide, emmo eyaekpuno anyii, ndiin eno anyii se emmo ekana mii.
14Ndiin ndinyi inwan̄ adọn̄ ayiu esiu. Ade me inii mme ato-inwan̄ ekịd ayiu esiu nte adii, emmo ema-eneme se emmo ekpenee. Emmo ema-edogho me atuk idii emmo eto, Kiin ayiu ndinyi inwan̄ adi mmo. Yaag iwu anyii. Ndiin ayịd ikinyi inwan̄ anịm. 15Ndiin mme ato- inwan ema-etuk ayiu ndinyi inwan̄ esịkke me inwan̄ grep, eno ewu anyii. Ndiin Yisọs abub,
Idagha ada, idogho mii se ndinyi inwan̄ akiinee me mme ato-inwan̄ ada? me inii anyii adiọn̄n̄ọ se emmo ekenee. 16Anyii aya aka inwan̄ grep esiu ano awu mme ato-inwan̄ ada. Ndiin anyii aya-ano mme ato-inwan̄ ufịn inwan̄ ada me ukpii akọg.
Me inii mme anwe ekekuk anịm, emmo edogho eto, Ke Abasi ayag anịm atịppe!
17Yisọs ama-atịn̄ anyii akiin emmo, ndiin abub emmo ato, Adieke ayịn̄ idogho itoo, inaa nte anịm atịppe, ndiin anịm ase awuo nse-e me inii Abasi adogho me ikuo esiu aban̄a Krais, anyii aba nte
itiad me mme abuu-ufaag ekesịne-e,
ade Abasi amaane anyii ade ataa akpan-itiad ufaag.
18Anwe me asịne-e Andiyaagha aba nte anwe mme adughọ me akpughu itiad. Anyii aya abumo mbai-mbai.#20:18 Moo itiad ada ano Yisọs. Yisọs akedoghoke mme anwe mee esịnee imo ke eya esoobo”
19Mme akpiab ibed me mme ikpo-akuk ema-ediọn̄n̄ọ eto ke Yisọs atan̄ mbọg anịm adian̄ mmimo. Ndiin, emmo ema-eyịm adimam anyii ukpakian̄. Ade emmo ikimamke anyii, sia emmo ekefịn̄ghe ndịk se mme anwe ekpenee.
MME ADAIDAGHA YUU ENWANA ADIMAM YISỌS ME MBIMI MEE ABAN̄AKE TAKSI
(Mat 22:15-22; Mak 12:13-17)
20Ndiin mme ikpo-akuk me mme akpiab ibed ema-enakka ekpimi Yisọs eno ekpii usọg anwe akọg adika ikiyian Yisọs ine nte mmimo iden̄n̄e mme ane akpanikuo. Emmo ema-enwana adimam anyii me se anyii akitan̄ mbaag emmo ekọd anyii eno asọn̄ aduduk ada-ukrag Rum yaag eno anyii ufeen. 21Me inii mme anwe se ekekpii akọg edibịne Yisọs, emmo edogho anyii atoo, Andikpiab, ayịd imidiọn̄n̄ọ ke ukpiab n̄kpo afe ade nnen-nnen, ndiin afe uten̄n̄eke anwe kian̄ ukpọn̄ ufịn. Afe akan akpiab akpanikuo aban̄a se Abasi ayịm mme anwe ene. 22Ndiin emmo ebub anyii, Nte ibed Mosis ayag yire ikpii taksi ino akpughu adidem Ciisa mee iyagha?
23Ade Yisọs ama-adiọn̄n̄ọ ato, ke emmo enwana adimam anyii. Ndiin anyii adogho emmo atoo, Ntaag me ayịn̄ idimi mii-i? 24“Wuu mii akọg Rum se ekan ebii ekpii taksi. Dogho mii nkukiin mme anyịn anie anwe se emịn̄ me akọg anịm?” “Nkukiin mme anyịn̄ Ciisa,” emmo ebọọrọ anyii.
25Ndiin anyii adogho emmo atoo, “Me ntaag ada, ikpii ino Ciisa se anyi Ciisa, ndiin no Abasi se anyi Abasi.”
26Ndiin, mme anwe se ekekpii akọg ikikọddọ imam Yisọs me n̄kpo ntekian̄ se anyii aketan̄ me isiu mme anwe. Emmo ema-ekap inua sia idii ama-akpa emmo me nan̄a anyii akebọọrọ emmo.
MBIMI ME ABAN̄AKE ADISED MME MKPA
27Ada ama-akebughu, usọg mme Sadusi ema-edi ebịne Yisọs. Mbun anịm me akpanikuo eto, ke Abasi iminee mme anwe esed me mkpa. Emmo ema-ebub anyii etoo, 28“Andikpiab,” me ibed me Mosis akewad ano yire mme Yuu, anyii atoo adieke anwe me adoo nwaa akpa-a, ndiin inyike ndito, ndiin ayiu-ekie aninie-anwe ana ado ebịk-akpa ada mbaag anyii akọd anyi ayiu atuk ebịk-akpa ada. Akpa ayiu aninie-anwe akiiba nte ayiu aninie-anwe ayiu-ekie esiu mee akekpaa. 29Inii kian̄ ke-e, ama-aba ndito-ekie aninie-anwe itagha-eba mee ubun. Akpa ado ndo, ade anyii akpa inyike ndito ntekian̄ 30Ane iba ado ebịk-akpa ayiu ekie esiu, ade anyii n̄ko akpa inyike ndito ntekian̄. 31Ukem n̄kpo anịm atịppe ano ayogho aninie-anwe ite n̄ko. Me akpatre, afịd aninie-anwe itagha-eba edo ebịk-akpa ada eno ekpan̄n̄a inyike ndito ntekian̄. 32Me ataa afịd akpatre, ebịk-akpa ada n̄ko akpa. 33Me ntre, me inii Abasi ane mme anwe esed me mkpa eduk unwe, akieg se anyii akido nte ebịk? Anyii ama-ado afịd emmo anwe itagha-eba.
34Yisọs amaabọọrọ atoo, “Mme anwe mee aderimbod mfịn edo ndo. 35Ade mme anwe ada mee Abasi akịd nte eduk adinyi unwe ada, nno n̄sed me mkpa imi-idoo ndo. 36Ndiin emmo imi-ikọddọ ikpa aba. Emmo ikiiba nte mme enyel, ndiin eya-ede ndito Abasi, sia ema-ene emmo esed me mkpa eduk unwe. 37Me adidian̄ me ada, ayịn̄ inenke adikre ito, ke mme akpa-mkpa imi-ikọddọ iduk unwe aba. Sia me ikuo-Abasi, Mosis amaawad se Abasi akedogho anyii tọn̄n̄ọ me ikoog ame ake ataa ikan̄. Dee, Abasi akewuu idii esiu nte Abasi Ebraham, mme Abasi Aisịk, mme Abasi Yekọb. 38Anyii idee Abasi mme akpa-mkpa. Akap ade, Abasi mme aduk unwe. Mee Abasi, afịd mbun esiu eduk unwe.”
39Ndiin usọg mme akpiab ibed me akediyịmmeke me mme Sadusi edogho eto, “Andikpiab, afe amebọọrọ yaag afo.” 40Ada ama-akebughu, emmo emaefịn̄ghe ndịk adibub Yisọs mbimi ntekian̄ ufịn.
NTE KRAIS ADE AYIU DEFỊD
(Mat 22:41-46; Mak 12:35-37)
41Ndiin Yisọs adogho mme adaidagha mme Yuu, atoo “Emmo edogho eto ke Mesaya ade aduk Defịd. Ayịn isi ikappa ada dighe? 42Sia Adidem Defịd me idii esiu amaawad aban̄a Krais me n̄wad me ebọn̄n̄ọ Saams atoo,
Abasi atan̄ ano Abọn̄ amii atoo,
Dii, tighe mo me ubaag nkan̄-udu, me ataa akpan itighe ukpuno,
43nte Amii nkikieg afịd mme asua ayịn̄ ayogho-ayogho.
Amii nyaane emmo nte n̄kpo uduk ikpeeg ayịn̄.
44Ndiin adieke Krais anakka ade aduk adidem Defịd, Nse-e ane Defịd abọọn̄ Anyii ‘Abọn̄ esiu?’ ”
IKPIMI IDII ME MME AKPIAB IBED MOSIS
(Mat 23:1-7; Mak 12:38-40)
45Ndiin Yisọs atan̄ ano mme mbed esiu me inii afịd anwe ufịn ekesọg ekpan̄-utọn̄. 46“Ikikọn̄n̄ọ idiog uwud-n̄kpo mme akpiab ibed. Emmo eyịm adisan̄a nkana mme nsọn̄-udua afọn, ndiin emmo eyịm mme anwe ekwam emmo mee ukpuno me asọn̄ udua. Emmo n̄ko emee aditighe mee ataa akpan-itighe me mme Sinakọk, ufaag akam mme Yuu. Ndiin emmo emee aditighe me mme itighe ukpuno me usọrọ. 47Emmo eyian mme ebịk-akpa eno ebuoghọ mme ufaag emmo. Ndiin emmo edịb idiog-eduk unwe emmo me ayan akam. Me ntaag anịm, ufeen emmo aya akpuu akieg mbun ufịn.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.