Duk 19
19
YISỌS ADIKA UFAAG SAKIYỌS
1Adikem, Yisọs mme mbed esiu ema-edidọg idọn̄ Yeriko esan̄a ebughu. 2Ete kian̄ ama-aba mee akekre Sakiyọs mee akedee abọn̄ mme abuoghọ taxsi, ano ade anyi n̄kpo anwe. 3Nan̄a Yisọs akesọg asan̄a abughu me idọn̄ ada, Sakiyọs amaayịm adikịd me Yisos asede anie, ade anyii ikiikọddọ inakka imọnọ Yisọs me atuk an̄we, sia anyii akede imuk anwe. 4Me ntre, Sakiyọs ama-afịn̄ghe akaisiu ake adọg anyọn̄ etu fịk sia anyii akedee imuk anwe ma-atukde anyii akpekịd Yisọs mee ake ayịmme adisan̄a de mbughu.
5Yisọs ama-adisịm itag etu ada, anyii amaakiin anyii me anyọn̄ ato anyii; Sakiyọs sọsọp soiyo dii. Sia Amii nkiba me ufaag afe mfịn anịm. 6Ndiin Sakiyọs asoiyo adii me etu usọp-usọp ano adaara anyii asịn me ufaag esiu.
7Ade afịd anwe me ekebaa emaekịd anịm, emmo emaetọn̄n̄ọ adikunnọ nno ndogho nto, “Anyii adika akebaa me ufaag ane ‘idiog-n̄kpo.’ ”
8Akedikem me usiu ada, Sakiyọs amaadagha ada ano adogho Abọn̄ Yisọs, “Mboog kpan̄-utọn̄ mmo, Abọn̄. Amii mewun̄n̄ọ adino mme ubuene mbaag ubaag inyi amii, ndiin adieke amii nkefịk anwe ake adedee mbuoghọ taksi me ufọg, nyatọn̄n̄ọ ntaag nkpọn̄ nno mme utịp inian̄.”
9Ndiin Yisọs ato anyii, “Mfịn-anịm, Abasi ama-anyaagha fii mme afịd ufaag afe, sia afe adee aduk Ebraham n̄ko. 10Siade Amii Ayiu Anwe mmedi aderimbod adiyịm mbun ada mee ekesiu nno nyangha emmo nsịkke me ufeen idiog-n̄kpo.”
MBỌG ADIDEM MME NDITO-UFAAG ESIU DUGHU
(Mat 25:14-30)
11Mme atuk anwe ekesọg ekpan̄-utọn̄ eno afịd n̄kpo se Yisọs ake atan̄. Anyii akaisiu ano atan̄ mbọg ufịn ano emmo, sia anyii amadedii adikpre idọn̄ Yerusedem, ndiin mme anwe emaekre eto ke ukrag Abasi akiitọn̄n̄ọ me Yerusedem inii kian̄, me inii anyii adogho idọn̄ Yerusedem. 12Me ntaag ntre, anyii adogho emmo atoo, Ete kian̄ ame akedee awuo-isiu-anwe ama-ane isan̄ aka ayan-adighe idọn̄ me esen idud adikibuoghọ unen ukrag ituk akpughu anwe ukrag ma atukde anyọn̄ idikrag idọn̄ esiu. 13mbemisiu anyii adagha, anyii ama-abọọn̄ ndito-ufaag esiu dughu ato edii. Amaano emmo akọg#19:13 Akọg mme Grik dughu ndiin adogho emmo atoo, ibii anịm inwana akọg ino mii tutuk nnyọn̄ ndii.
14Ade mbun idọn esiu ikimeeg anyii, ndiin emmo ema esịkke mme isọn̄-utu edọn̄ ebịne anyii adikidogho akpughu anwe ukrag atoo, “Ke ayịd iyịmke anwe anịm ade adidem ayịd.”
15Akedima, akpughu anwe ukrag ada ama amag anyii adidem, ndiin anyii ama-anyọn̄ adii ufaag. Ndiin anyii abọọn̄ ndito-ufaag dughu me anyii ake ano akọg. Anyii akeyịm adidiọọn̄ọ adan̄a akọg ufịn se emmo ekenyi nte uduk udua.
16Akpa ayiu ufaag amadii ndiin ato anyii, adidem, akọg afe anwana dughu ufịn ano fii.
17Adidem ada ato ayiu-ufaag, “ ‘Ame ane afoo, afe ade etii ayiu-ufaag; Sia afe anee akpanikuo me ataa etuk-etuk n̄kpo ano mii, me uno fii unen adikrag mme idọn̄ dughu.’
18Ayoog ayiu-ufaag iba amaadi, ndiin ato anyii, adidem, amii mmenwana uduk akọg itiun ufịn uno fii me se afe akeno mii.
19Ukem ada, etii-ufaag ato anyii, mme uno fii unen adikrag mme idọn̄ itiun.
20Ayoog ayiu-ufaag ite amaadi ndiin ato anyii, adidem, kiin akọg afe mmo. Mma-anwan̄ me ukpagha-afọn̄ ndiin ndịp anyii nnịm noo afoo. 21‘Amii nkenee anịm sia amii mfefịn̄ghe fii, sia mmediọn̄n̄ọ ke afe ade akpọsọn̄ọ anwe. Afe akana abii me itighe afe mukunịmke, ano adog me itighe se umu-ukutoo.
22Adidem abọọrọ anyii atoo, Amii nkibii ikwuo inua afe mkpii ikpii uno fii, afe ibag ayiu ufaag. Afe ama adiọn̄n̄ọ ke nde akpọsọn̄ọ anwe, amii n̄kan mbii me itighe amii mmekinịmme nno ndoog me itighe nkiditoo. 23Akpede ntre, ntagha afe akedubii akọg amii ukusịn me itighe unịm akọg nno atukde amii nkpetuk ndii, amii nkpekebuoghọ akọg amii mee uduk.
24Adidem ato mbun mee ekedaa ekpre ato, ibuoghọ anyii akọg ada, ino anwe mee anyii akọg dughu.
25Ade ndito-ufaag esiu eto anyii, adidem ayiu-ufaag ada ayenyi akọg dughu.
26Etii-ufaag amaabọọrọ atoo: Amii nsiọn̄n̄ọ yinne ntoo, Abasi aya ano mme anwe adiwaag me enee akpanikuo me mme n̄kpo se emmo enyi, ade ama ade mme anwe me adineke akpanikuo, n̄kọm akpede ke emmo enyi etuk-etuk kpọd, Abasi aya abuoghọ akpọn̄ emmo. 27Ade ama ade mme asua amii, mee ekediyịmke amii nde adidem nno nkrag emmo, bii emmo ediwu mo me isiu amii no nkịd.’ ”
YISỌS ADỌG IDỌN̄ YERUSADEM NTE ADIDEM
(Mat 21:1-11; Mak 11:1-11; Yn 12:12-19)
28Me inii Yisọs ama-aketan̄ afịd anịm ama, anyii ama-abughu isiu asan̄a me mme mbed esiu aka idọn̄ Yerusedem . 29Adikem nan̄a nte emmo ema ekesan̄a ekepre Betfes mme Betani, me mkpre abod me akekre abod Ọdịf, ke Yisọs ake-asịkke Mbed esiu iba adọn̄. 30Mbemisiu Anyii asịkke emmo adọn̄, Anyii atoo, “Ikaa-ikidọg idọn̄ me ada ke me isiu. Ima-isịm de, ayịn̄ iya ikịd enan̄ afia-anwe nan̄a ayire, adee ake-anene anwe ntekian̄ itighe-akpa; Tad anyii bii dii mo. 31Adieke anwe ntekian̄ akpi-ibub yinne, Ntagha ayịn̄ itadda anyii? Ayịn ikibọọrọ anyii itoo, ‘Abọn̄ ayịm’ ”.
32Me ntre, mme Abosul mee Yisọs akedọn̄n̄ọ ato eka, ema-edika idọn ada eno ekekịd afịd n̄kpo de nan̄a Yisọs ake-ano adoghoke emmo. 33Ade nan̄a nte emmo eketadda enan̄ afia-anwe ada, mme ndinyi ema-ebub emmo atoo, “Nse-e ide noo itad anyii?.”
34Ndiin emmo ema-ebọọrọ, “Abọn ayịm;”
35Emmo ema-ebii enan̄ afia-anwe ada esog Yisọs. Emmo ema-ebịd mme afọn̄idii me edii enan̄ afia-anwe. Ndiin emmo ema enwam Yisọs aditighe de. 36Ndiin nte Yisọs ake-aweeg akika idọn̄ Yerusedem, mme anwe ema-etad mme afọn̄ emmo ebịd me adighe eno Yisọs aweeg abughu me ukpuno.
37Nan̄a Yisọs akedisịmme itighe usoiyo-abod me akidion̄n̄ọ ika abud ọdịf, afịd udịm mme mbed esiu esịkke mkpuk idaara mme itooro eno Abasi sia emmo ema-ekekịd afịd ikpo utịppe n̄kpo se Yisọs akenee.
38“Etoo, Abasi anakka afoo ido me adidem ayịd mee adiiye me aduduk esiu!”
Idagha ada ayịd iminyi emem mme Abasi me aba me Efịn, ndiin yaag mme itooro anyi Abasi me aba me ataa nkon-n̄kie Efịn!.
39Mme usọg mme Farisi mee ekebaa me udịm ada ema-edidogho Yisos etoo, “Andikpiab, kpan mme mbed afe aditan̄ mme n̄kpo anịm.”
40Ade Yisọs amaabọọrọ emmo atoo, “Amii idogho yinne nto, adieke ibun anịm ekitre adibọọn̄ mkpuk itooro Abasi, mme itiad anịm eya-esịkke uyiu etooro Abasi.”
YISỌS AMA AFUGHỌ ABAN̄A MBUN YERUSEDEM
41Me inii Yisọs akekpre Yerusedem ano akịd idọn̄ ada, Anyii ama-afughọ aban̄a idọn̄ Yerusedem mme me ndidọn̄ me esịd. 42Anyii ato, “O, mbọm Yerusedem mme mbun se edọn̄ me esịd, ubagha nte ayịn̄ anịm, ikpikidiọn̄n̄ọke mfịn anịm mme n̄kpo se akpibii emem asog yinne mme Abasi. Ade idagha-ada ade ndịbe n̄kpo me anyi ayịn̄. 43Sia inii mfịna aya adii a-mee asua ayịn̄ ekibuu ibibene ikana yinne ikọk, eno ifọg yinne me afịd nkan̄. 44Emmo eya esobo yinne mme afịd mbun ayịn̄. Emmo eya-enakka ewud ufaag ayịn̄ mme ibibene afịd idọn̄ ayịn̄ tutuk itiad ntekian̄ idruke me itiad, sia ayịn̄ ikidiọn̄n̄ọke inii me Abasi akidi iditua yinne mbọm.”
YISỌS ABỊN MME ANYIE N̄KPO ASỊKKE ME TEMBUL
(Mat 21:12-17; Mak 11:15-19; Yn 2:12-25)
45Ndiin Yisọs ama-adọg Yerusedem, ano akedọg afigh tembul. Ndiin anyii ama-atọn̄n̄ọ adibịn mbun se ekenyie mme una me mme n̄kpo uwa ufịn. 46Yisọs ato emmo, “Ema-ewawad” me ikuo Abasi etoo, “ ‘tembul amii akide ufaag ubọọn̄ akam, ade ayịn̄ imibii inịm ufaag nwoo mme itighe udịbe mbun ino.’ ”
47Adikem, Yisọs amaakpiab n̄kpo afịd usiu me tembul. Ade idagha me ikpo-akuk mme akpiab ibed, me mme adidagha mbun mme Yuu ekesọg ekiin Anyii eno eyịm adighe adiwu Anyii. 48Ndiin emmo ikikịdde adighe adine n̄kpo ntekian̄, Sia afịd anwe ema-enakka eba me n̄kpan̄-utọn̄ adikuk se Yisọs akekpiab.
ទើបបានជ្រើសរើសហើយ៖
Duk 19: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 19
19
YISỌS ADIKA UFAAG SAKIYỌS
1Adikem, Yisọs mme mbed esiu ema-edidọg idọn̄ Yeriko esan̄a ebughu. 2Ete kian̄ ama-aba mee akekre Sakiyọs mee akedee abọn̄ mme abuoghọ taxsi, ano ade anyi n̄kpo anwe. 3Nan̄a Yisọs akesọg asan̄a abughu me idọn̄ ada, Sakiyọs amaayịm adikịd me Yisos asede anie, ade anyii ikiikọddọ inakka imọnọ Yisọs me atuk an̄we, sia anyii akede imuk anwe. 4Me ntre, Sakiyọs ama-afịn̄ghe akaisiu ake adọg anyọn̄ etu fịk sia anyii akedee imuk anwe ma-atukde anyii akpekịd Yisọs mee ake ayịmme adisan̄a de mbughu.
5Yisọs ama-adisịm itag etu ada, anyii amaakiin anyii me anyọn̄ ato anyii; Sakiyọs sọsọp soiyo dii. Sia Amii nkiba me ufaag afe mfịn anịm. 6Ndiin Sakiyọs asoiyo adii me etu usọp-usọp ano adaara anyii asịn me ufaag esiu.
7Ade afịd anwe me ekebaa emaekịd anịm, emmo emaetọn̄n̄ọ adikunnọ nno ndogho nto, “Anyii adika akebaa me ufaag ane ‘idiog-n̄kpo.’ ”
8Akedikem me usiu ada, Sakiyọs amaadagha ada ano adogho Abọn̄ Yisọs, “Mboog kpan̄-utọn̄ mmo, Abọn̄. Amii mewun̄n̄ọ adino mme ubuene mbaag ubaag inyi amii, ndiin adieke amii nkefịk anwe ake adedee mbuoghọ taksi me ufọg, nyatọn̄n̄ọ ntaag nkpọn̄ nno mme utịp inian̄.”
9Ndiin Yisọs ato anyii, “Mfịn-anịm, Abasi ama-anyaagha fii mme afịd ufaag afe, sia afe adee aduk Ebraham n̄ko. 10Siade Amii Ayiu Anwe mmedi aderimbod adiyịm mbun ada mee ekesiu nno nyangha emmo nsịkke me ufeen idiog-n̄kpo.”
MBỌG ADIDEM MME NDITO-UFAAG ESIU DUGHU
(Mat 25:14-30)
11Mme atuk anwe ekesọg ekpan̄-utọn̄ eno afịd n̄kpo se Yisọs ake atan̄. Anyii akaisiu ano atan̄ mbọg ufịn ano emmo, sia anyii amadedii adikpre idọn̄ Yerusedem, ndiin mme anwe emaekre eto ke ukrag Abasi akiitọn̄n̄ọ me Yerusedem inii kian̄, me inii anyii adogho idọn̄ Yerusedem. 12Me ntaag ntre, anyii adogho emmo atoo, Ete kian̄ ame akedee awuo-isiu-anwe ama-ane isan̄ aka ayan-adighe idọn̄ me esen idud adikibuoghọ unen ukrag ituk akpughu anwe ukrag ma atukde anyọn̄ idikrag idọn̄ esiu. 13mbemisiu anyii adagha, anyii ama-abọọn̄ ndito-ufaag esiu dughu ato edii. Amaano emmo akọg#19:13 Akọg mme Grik dughu ndiin adogho emmo atoo, ibii anịm inwana akọg ino mii tutuk nnyọn̄ ndii.
14Ade mbun idọn esiu ikimeeg anyii, ndiin emmo ema esịkke mme isọn̄-utu edọn̄ ebịne anyii adikidogho akpughu anwe ukrag atoo, “Ke ayịd iyịmke anwe anịm ade adidem ayịd.”
15Akedima, akpughu anwe ukrag ada ama amag anyii adidem, ndiin anyii ama-anyọn̄ adii ufaag. Ndiin anyii abọọn̄ ndito-ufaag dughu me anyii ake ano akọg. Anyii akeyịm adidiọọn̄ọ adan̄a akọg ufịn se emmo ekenyi nte uduk udua.
16Akpa ayiu ufaag amadii ndiin ato anyii, adidem, akọg afe anwana dughu ufịn ano fii.
17Adidem ada ato ayiu-ufaag, “ ‘Ame ane afoo, afe ade etii ayiu-ufaag; Sia afe anee akpanikuo me ataa etuk-etuk n̄kpo ano mii, me uno fii unen adikrag mme idọn̄ dughu.’
18Ayoog ayiu-ufaag iba amaadi, ndiin ato anyii, adidem, amii mmenwana uduk akọg itiun ufịn uno fii me se afe akeno mii.
19Ukem ada, etii-ufaag ato anyii, mme uno fii unen adikrag mme idọn̄ itiun.
20Ayoog ayiu-ufaag ite amaadi ndiin ato anyii, adidem, kiin akọg afe mmo. Mma-anwan̄ me ukpagha-afọn̄ ndiin ndịp anyii nnịm noo afoo. 21‘Amii nkenee anịm sia amii mfefịn̄ghe fii, sia mmediọn̄n̄ọ ke afe ade akpọsọn̄ọ anwe. Afe akana abii me itighe afe mukunịmke, ano adog me itighe se umu-ukutoo.
22Adidem abọọrọ anyii atoo, Amii nkibii ikwuo inua afe mkpii ikpii uno fii, afe ibag ayiu ufaag. Afe ama adiọn̄n̄ọ ke nde akpọsọn̄ọ anwe, amii n̄kan mbii me itighe amii mmekinịmme nno ndoog me itighe nkiditoo. 23Akpede ntre, ntagha afe akedubii akọg amii ukusịn me itighe unịm akọg nno atukde amii nkpetuk ndii, amii nkpekebuoghọ akọg amii mee uduk.
24Adidem ato mbun mee ekedaa ekpre ato, ibuoghọ anyii akọg ada, ino anwe mee anyii akọg dughu.
25Ade ndito-ufaag esiu eto anyii, adidem ayiu-ufaag ada ayenyi akọg dughu.
26Etii-ufaag amaabọọrọ atoo: Amii nsiọn̄n̄ọ yinne ntoo, Abasi aya ano mme anwe adiwaag me enee akpanikuo me mme n̄kpo se emmo enyi, ade ama ade mme anwe me adineke akpanikuo, n̄kọm akpede ke emmo enyi etuk-etuk kpọd, Abasi aya abuoghọ akpọn̄ emmo. 27Ade ama ade mme asua amii, mee ekediyịmke amii nde adidem nno nkrag emmo, bii emmo ediwu mo me isiu amii no nkịd.’ ”
YISỌS ADỌG IDỌN̄ YERUSADEM NTE ADIDEM
(Mat 21:1-11; Mak 11:1-11; Yn 12:12-19)
28Me inii Yisọs ama-aketan̄ afịd anịm ama, anyii ama-abughu isiu asan̄a me mme mbed esiu aka idọn̄ Yerusedem . 29Adikem nan̄a nte emmo ema ekesan̄a ekepre Betfes mme Betani, me mkpre abod me akekre abod Ọdịf, ke Yisọs ake-asịkke Mbed esiu iba adọn̄. 30Mbemisiu Anyii asịkke emmo adọn̄, Anyii atoo, “Ikaa-ikidọg idọn̄ me ada ke me isiu. Ima-isịm de, ayịn̄ iya ikịd enan̄ afia-anwe nan̄a ayire, adee ake-anene anwe ntekian̄ itighe-akpa; Tad anyii bii dii mo. 31Adieke anwe ntekian̄ akpi-ibub yinne, Ntagha ayịn̄ itadda anyii? Ayịn ikibọọrọ anyii itoo, ‘Abọn̄ ayịm’ ”.
32Me ntre, mme Abosul mee Yisọs akedọn̄n̄ọ ato eka, ema-edika idọn ada eno ekekịd afịd n̄kpo de nan̄a Yisọs ake-ano adoghoke emmo. 33Ade nan̄a nte emmo eketadda enan̄ afia-anwe ada, mme ndinyi ema-ebub emmo atoo, “Nse-e ide noo itad anyii?.”
34Ndiin emmo ema-ebọọrọ, “Abọn ayịm;”
35Emmo ema-ebii enan̄ afia-anwe ada esog Yisọs. Emmo ema-ebịd mme afọn̄idii me edii enan̄ afia-anwe. Ndiin emmo ema enwam Yisọs aditighe de. 36Ndiin nte Yisọs ake-aweeg akika idọn̄ Yerusedem, mme anwe ema-etad mme afọn̄ emmo ebịd me adighe eno Yisọs aweeg abughu me ukpuno.
37Nan̄a Yisọs akedisịmme itighe usoiyo-abod me akidion̄n̄ọ ika abud ọdịf, afịd udịm mme mbed esiu esịkke mkpuk idaara mme itooro eno Abasi sia emmo ema-ekekịd afịd ikpo utịppe n̄kpo se Yisọs akenee.
38“Etoo, Abasi anakka afoo ido me adidem ayịd mee adiiye me aduduk esiu!”
Idagha ada ayịd iminyi emem mme Abasi me aba me Efịn, ndiin yaag mme itooro anyi Abasi me aba me ataa nkon-n̄kie Efịn!.
39Mme usọg mme Farisi mee ekebaa me udịm ada ema-edidogho Yisos etoo, “Andikpiab, kpan mme mbed afe aditan̄ mme n̄kpo anịm.”
40Ade Yisọs amaabọọrọ emmo atoo, “Amii idogho yinne nto, adieke ibun anịm ekitre adibọọn̄ mkpuk itooro Abasi, mme itiad anịm eya-esịkke uyiu etooro Abasi.”
YISỌS AMA AFUGHỌ ABAN̄A MBUN YERUSEDEM
41Me inii Yisọs akekpre Yerusedem ano akịd idọn̄ ada, Anyii ama-afughọ aban̄a idọn̄ Yerusedem mme me ndidọn̄ me esịd. 42Anyii ato, “O, mbọm Yerusedem mme mbun se edọn̄ me esịd, ubagha nte ayịn̄ anịm, ikpikidiọn̄n̄ọke mfịn anịm mme n̄kpo se akpibii emem asog yinne mme Abasi. Ade idagha-ada ade ndịbe n̄kpo me anyi ayịn̄. 43Sia inii mfịna aya adii a-mee asua ayịn̄ ekibuu ibibene ikana yinne ikọk, eno ifọg yinne me afịd nkan̄. 44Emmo eya esobo yinne mme afịd mbun ayịn̄. Emmo eya-enakka ewud ufaag ayịn̄ mme ibibene afịd idọn̄ ayịn̄ tutuk itiad ntekian̄ idruke me itiad, sia ayịn̄ ikidiọn̄n̄ọke inii me Abasi akidi iditua yinne mbọm.”
YISỌS ABỊN MME ANYIE N̄KPO ASỊKKE ME TEMBUL
(Mat 21:12-17; Mak 11:15-19; Yn 2:12-25)
45Ndiin Yisọs ama-adọg Yerusedem, ano akedọg afigh tembul. Ndiin anyii ama-atọn̄n̄ọ adibịn mbun se ekenyie mme una me mme n̄kpo uwa ufịn. 46Yisọs ato emmo, “Ema-ewawad” me ikuo Abasi etoo, “ ‘tembul amii akide ufaag ubọọn̄ akam, ade ayịn̄ imibii inịm ufaag nwoo mme itighe udịbe mbun ino.’ ”
47Adikem, Yisọs amaakpiab n̄kpo afịd usiu me tembul. Ade idagha me ikpo-akuk mme akpiab ibed, me mme adidagha mbun mme Yuu ekesọg ekiin Anyii eno eyịm adighe adiwu Anyii. 48Ndiin emmo ikikịdde adighe adine n̄kpo ntekian̄, Sia afịd anwe ema-enakka eba me n̄kpan̄-utọn̄ adikuk se Yisọs akekpiab.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.