Duk 18
18
NKII EBỊK-EKPA MME ABIIRI-IKPII
1Ndiin Yisọs adogho mme mbed esiu mbọg anịm. Anyii akeyịm adikpiab emmo itoo ke ana emmo ekaisiu ebọọn̄ akam, ikiino ikpa mba. 2Anyii adogho emmo atoo, “Amaaba abiiri-ikpi mee akebaa me idọn̄ kian̄. Anyii ikikpuno Abasi mme anwe. 3Ebik-akpa ama-aba n̄ko me idọn̄ ada. Anyii kwa-inii aka abịne abiiri-ikpii ano akekpii anyii ubaag, ‘Nno utịppe ikpii me utoog imo mme asua imo.’
4Me etuk inii, abiiri-ikpii ikinyii udọn̄ adinwam anyii. Ade akedikem, anyii adikpii abiiri me idii esiu atoo, ade akpanikuo ke amii mfịngheke Abasi nno nkpunoke anwe ntekian̄. 5Ade nte akpededee, amii nyaane se anen nno anyii, sia anwa-anwaa anịm akaisiu afịna mii idii abra. Adieke amii mmennee ntre, anyii aya akaisiu afịna mii tutuk akaag mii. ”
6Ndiin Abọn̄ Yisọs adogho n̄ko atoo, “Akpesọg ade abiiri-ikpi akedidee adinen anwe, nakka kre ban̄a se anyii aketan̄. 7Adieke ukwan̄ anwe akinwamma anwe, nte ayịn̄ ikre ke Abasi me akpan ayanno mme ndimag ikọd esiu utịppe-ikpii me ekaisui ekpii anyii ubaag? Nte anyii aya abiad inii me adinwam emmo? Iyoo, anyii imiibiadke inii. 8Amii Mmekimi adidogho yinne ntoo ke emmo eyaabuoghọ utịppe-ikpii usọp-usọp . Ade me inii Amii, Ayiu Anwe ntịmme ndii, nte Amii nyaakịd ntoo ke mme anwe me isọn̄ enịm Abasi me akpanikuo?”
MBỌG ANWE FARISI MME ABUGHỌ TAKSI
9Ndiin Yisọs n̄ko atan̄ mbọg ufịn ano usọg mme anwe mme adiwaag atuk anwe se ekekpan̄-utọn̄ eno anyii. Mme anwe anịm ema enakka enịm ke emmo esiọg-ibughu eno ibed Abasi, ndiin ane emmo ekiin afịd anwe ufịn me mbiu. 10Yisọs adogho atoo, usiu kian̄, anwe iba ekeka tembul me Yerusedem adibọọn̄ akam nno Abasi. Anwe kian̄ akede Farisi. Anwe adịn̄ke akede abughọ taksi. 11Anwe Farisi adagha ada ano abọọn̄ akam me idii esiu, O Abasi, Amii mme kwam fii ke amii ndee ane idiogn̄kpo nte mme anwe ufịn. Amii ndee amauke mme anwe me adinee akpanikuo. Akenenee nsịne efịbe. Amii mbaa nte anwe abuoghọ taksi anịm. 12Amii mmag aditre udia ukpa-iba me udua, ndiin mkpii mbag kian̄ me itighe dughu mme afịd n̄kpo se nnyi.
13Ade abughọ taksi amaada mme nsiọghọde idii asana ada akpọn̄ mbun ufịn ano akịd ke imo idukke kpa adibana anyi nkiin Abasi me Efịn. Anyii akana ubaag esiu atuag me esịd adiwu eseme. Ndiin anyii abọọn̄ akam atoo, “Mboog, Abasi, amii nde ane idiog-n̄kpo. Mmekpii fii ubaag aditua mii mbọm no feen nno mii! 14Amii ndogho yinne ntoo, me inii anwe iba anịm ekenyọn̄ ufaag, akede abuoghọ taksi, ndiin ikidee anwe Farisi ke Abasi akedoghoke anen. Sia Abasi ayaasiọghọ afịd anwe mee ebanake idii emmo nte akpan-anwe, ndiin anyii aya akpuno afịd anwe mee esiọghọke idii emmo.”
YISỌS ADIỌN̄ NTUK AYIU
(Mat 19:13-15; Mak 10:13-16)
15Usiu kian̄, usọg mme etii mme ekie emaebii ntuk ayiu emmo edisoog Yisọs mbaag anyii atiọg ano adiọn̄ emmo. Ade me inii mme mbed esiu ekekịd anịm, emmo esua eno etii mme ekieg yaag enyọn̄n̄ọ. 16Ade Yisọs adogho mme mbed esiu atoo, “Yaag ntuk ayiu edii ebịne mii, ku-ukpan emmo adidii ibịne mii. Sia mme anwe me esiọghọke idii nte mme ntuk ayiu, ikiiba me ukrag Abasi. 17Me akpanikuo ke amii ndogho yinne, adieke anwe ntekian̄ imiisioghoke idii adiyịmme ukrag Abasi nte etuk ayiu anee, anyii imiideke mbun esiu me ukrag esiu!”
ASỌN̄IDII MME IMO ANWE ADIDỌG UKRAG ABASI
(Mat 19:16-22; Mak 10:17-22)
18Andikrag mme Yuu emaedii ebịne Yisọs ndiin ebub anyii etoo, “Etii Andikpiab, nse-e utum ke ana nte amii nne mbaag atukde Abasi ano mii nsi-nsi unwe?”
19Ade Yisọs adogho anyii atoo, “Iyoo, ibaa anwe se anakka afoo ama ibughoke Abasi ikpọn̄. Ndiin, kre ban̄a se afe atan̄ me inii afe abọọn̄ mii etii. 20Afe amediọn̄n̄ọ mme ibed Abasi; ku usịn efịbe, ku uwu anwe ntekian̄, ku uyịb n̄kpo anwe ntekian̄. Ku usug-nsug uban̄a mbun ufin. Noo uso mme uka ukpuno.”
21Anyii adogho Yisọs atoo, “Amii mmesiọg ibughu nno afịd ibed tọn̄n̄ọ amii nkede etuk akparawa.”
22Me inii Yisọs akekuk anịm, anyii amadogho anyii atoo “Asughọ n̄kpo kian̄ ufịn me anaa afe ane. Nyie afịd n̄kpo se anyi. Diama akọg no mme ubuene. Adieke afe ane ada, Abasi aya ano fii utịp mme inyi me Efịn. Ndiin kọn̄n̄ọ mii noo kappa de mbed amii!”
23Me inii adaidagha akekuk se Yisọs atan̄, idii amaabogho anyii, sia anyii ama anakka anyi n̄kpo, ndiin ikiyịmke adino se anyii akenyi. 24Yisọs ama-akịd nan̄a anwe ada akefughọ. Ndiin anyii adogho mme anwe se ekeba ade atoo, “Anakka asọn̄ mme imo anwe adidọg ukrag Abasi! 25Asọn̄-idii eti-eti imo anwe adidọg ukrag Abasi nkieg nte enan̄-afia anwe adibughu mee ifian̄ abiabun.”
26Me inii atuk anwe ekuk anịm, emmo emaebub anyii etoo, “Anwe ntekian̄ se ikiisan̄a dighe ibogho?”
27Yisọs adogho emmo atoo, “Aba usọg n̄kpo se mme anwe adikọddọ ine, ade Abasi akimi adinee n̄kpo kian̄ akededee.”
28Ndiin Bita abub Yisọs atoo, “Toiyo, ayịd imaikpọn̄ afịd n̄kpo se ikiinyi mbaag ikọn̄n̄ọ fii nte mme mbed afe. Nte ayịd iyaibogho?”
29Yisọs abọọrọ atoo, “Amii ndogho yinne ntoo, afịd anwe mee ekekpọn̄ afịd n̄kpo n̄kọrọ ufaag esiu mme anwaa esiu mme ndito-esiu mee etii mme ekie mme ndito me ntaag Ukrag Abasi, 30aya abuoghọ afịd mme n̄kpo anịm adiwaag inii me unwe isọn̄. Ndiin, me Efịn̄ anyii aya abuoghọ nsi-nsi unwe n̄ko.”
YISỌS ATỌN̄N̄Ọ NTAAG ATAN̄ ABAN̄A MKPA ESIU
(Mat 20:17-19; Mak 10:32-34)
31Anịm ama akebughu, Yisọs abii mme abọsul esiu dughu-iba adagha akpọn̄ mme anwe ano adogho atoo, “Kiin, ayịd iba me akpodighe adika Yerusedem . Afịd n̄kpo se mme brọfed ekewad ayan inii ke-e eban̄a mii, Ayiu Anwe, aya atịppe de. 32Mme anwe eya eyaag mii eno mbun me adidee mme Yuu yaag esaag eno esuno mii, eno eto mii ntee. Ndiin emmo ema eyap mii ema, emmo eyaewu mii. 33Ade me ane usiu ite, me anyii amaake akpa, Anyii aya atọn̄n̄ọ ntaag anyọn̄ adii unwe me mkpa.”
34Mme mbed ikidiọn̄n̄ọke se Yisọs aketan̄ aban̄a. Emmo ikinyii ifiog iban̄a se ikwuo esiu awuo, sia se mme n̄kpo anịm awuọn̄n̄ọ ama-adịbe emmo.
YISỌS AKOOG NNAN ABIAN̄A EBIAN̄A
(Mat 20:29-34; Mak 10:46-52)
35Me akpodighe me ekaa Yerusedem, Yisọs mme mbed se ekebaa mee anyii esan̄a ekpre idọn̄ Yeriko. Me mben akpodighe, amaaba anwe nnan abian̄a ebian̄a, atighe ano adogho mme anwe yaag enwam anyii. 36Me inii anwe nnan anịm akekuk uyiu afịd mme anwe se ekesan̄a ebughu anyii, anyii ama-abub mme anwe se ekekpre anyii, “Nse-e atịppe?” 37Usọg mme anwe emaebọọrọ anyii etoo, anwe me akreke Yisọs mee atukko idọn̄ Nasared akesan̄a abughu.
38Ndiin, anwe nnan ama-abọọn̄ mme akpọsọn̄ọ uyiu, “Yisọs, aduk Adidem Defịd, tua mii mbọm!”
39Mme anwe se ekeba me isiu atuk anwe emaekpan̄ anyii, etoo, Tre adibọọn̄ n̄kpuk, kap inua; Ade anyii amaabọọn̄ uyiu asọn akieg, “Yisọs, aduk Adidem Defịd tua mii mbọm.”
40Me inii Yisọs akekuk anyii, anyii ama-atuaag ada, ndiin ano emmo uyiu, yaag ebii anwe ada esoog imo. Me inii anwe ada asan̄a akpre, Yisọs abub anyii, 41“Nse-e ke afe ayịm amii nne nno fii?”
“Anyii akpeyie, Abọn̄ Yisọs,” “mboog koog mii mbaag atukde Amii nkọd ntọn̄n̄ọ ntaag mmọnọ n̄kpo!”
42Yisọs adogho anyii atoo, “afe amekimi adimọnọ n̄kpo idaghada! Ekoog fii, sia afe abuọd-idii me mii.” 43Usọp-usọp, anwe nnan ada ama atịmme ntaag amọnọ n̄kpo. Anyii atọn̄n̄ọ adikọn̄n̄ọ Yisọs me akpodighe, ndiin anyii amaatooro Abasi. Adiwaag mme anwe emaekịd se aketịppe, ndiin emmo n̄ko etooro Abasi.
ទើបបានជ្រើសរើសហើយ៖
Duk 18: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 18
18
NKII EBỊK-EKPA MME ABIIRI-IKPII
1Ndiin Yisọs adogho mme mbed esiu mbọg anịm. Anyii akeyịm adikpiab emmo itoo ke ana emmo ekaisiu ebọọn̄ akam, ikiino ikpa mba. 2Anyii adogho emmo atoo, “Amaaba abiiri-ikpi mee akebaa me idọn̄ kian̄. Anyii ikikpuno Abasi mme anwe. 3Ebik-akpa ama-aba n̄ko me idọn̄ ada. Anyii kwa-inii aka abịne abiiri-ikpii ano akekpii anyii ubaag, ‘Nno utịppe ikpii me utoog imo mme asua imo.’
4Me etuk inii, abiiri-ikpii ikinyii udọn̄ adinwam anyii. Ade akedikem, anyii adikpii abiiri me idii esiu atoo, ade akpanikuo ke amii mfịngheke Abasi nno nkpunoke anwe ntekian̄. 5Ade nte akpededee, amii nyaane se anen nno anyii, sia anwa-anwaa anịm akaisiu afịna mii idii abra. Adieke amii mmennee ntre, anyii aya akaisiu afịna mii tutuk akaag mii. ”
6Ndiin Abọn̄ Yisọs adogho n̄ko atoo, “Akpesọg ade abiiri-ikpi akedidee adinen anwe, nakka kre ban̄a se anyii aketan̄. 7Adieke ukwan̄ anwe akinwamma anwe, nte ayịn̄ ikre ke Abasi me akpan ayanno mme ndimag ikọd esiu utịppe-ikpii me ekaisui ekpii anyii ubaag? Nte anyii aya abiad inii me adinwam emmo? Iyoo, anyii imiibiadke inii. 8Amii Mmekimi adidogho yinne ntoo ke emmo eyaabuoghọ utịppe-ikpii usọp-usọp . Ade me inii Amii, Ayiu Anwe ntịmme ndii, nte Amii nyaakịd ntoo ke mme anwe me isọn̄ enịm Abasi me akpanikuo?”
MBỌG ANWE FARISI MME ABUGHỌ TAKSI
9Ndiin Yisọs n̄ko atan̄ mbọg ufịn ano usọg mme anwe mme adiwaag atuk anwe se ekekpan̄-utọn̄ eno anyii. Mme anwe anịm ema enakka enịm ke emmo esiọg-ibughu eno ibed Abasi, ndiin ane emmo ekiin afịd anwe ufịn me mbiu. 10Yisọs adogho atoo, usiu kian̄, anwe iba ekeka tembul me Yerusedem adibọọn̄ akam nno Abasi. Anwe kian̄ akede Farisi. Anwe adịn̄ke akede abughọ taksi. 11Anwe Farisi adagha ada ano abọọn̄ akam me idii esiu, O Abasi, Amii mme kwam fii ke amii ndee ane idiogn̄kpo nte mme anwe ufịn. Amii ndee amauke mme anwe me adinee akpanikuo. Akenenee nsịne efịbe. Amii mbaa nte anwe abuoghọ taksi anịm. 12Amii mmag aditre udia ukpa-iba me udua, ndiin mkpii mbag kian̄ me itighe dughu mme afịd n̄kpo se nnyi.
13Ade abughọ taksi amaada mme nsiọghọde idii asana ada akpọn̄ mbun ufịn ano akịd ke imo idukke kpa adibana anyi nkiin Abasi me Efịn. Anyii akana ubaag esiu atuag me esịd adiwu eseme. Ndiin anyii abọọn̄ akam atoo, “Mboog, Abasi, amii nde ane idiog-n̄kpo. Mmekpii fii ubaag aditua mii mbọm no feen nno mii! 14Amii ndogho yinne ntoo, me inii anwe iba anịm ekenyọn̄ ufaag, akede abuoghọ taksi, ndiin ikidee anwe Farisi ke Abasi akedoghoke anen. Sia Abasi ayaasiọghọ afịd anwe mee ebanake idii emmo nte akpan-anwe, ndiin anyii aya akpuno afịd anwe mee esiọghọke idii emmo.”
YISỌS ADIỌN̄ NTUK AYIU
(Mat 19:13-15; Mak 10:13-16)
15Usiu kian̄, usọg mme etii mme ekie emaebii ntuk ayiu emmo edisoog Yisọs mbaag anyii atiọg ano adiọn̄ emmo. Ade me inii mme mbed esiu ekekịd anịm, emmo esua eno etii mme ekieg yaag enyọn̄n̄ọ. 16Ade Yisọs adogho mme mbed esiu atoo, “Yaag ntuk ayiu edii ebịne mii, ku-ukpan emmo adidii ibịne mii. Sia mme anwe me esiọghọke idii nte mme ntuk ayiu, ikiiba me ukrag Abasi. 17Me akpanikuo ke amii ndogho yinne, adieke anwe ntekian̄ imiisioghoke idii adiyịmme ukrag Abasi nte etuk ayiu anee, anyii imiideke mbun esiu me ukrag esiu!”
ASỌN̄IDII MME IMO ANWE ADIDỌG UKRAG ABASI
(Mat 19:16-22; Mak 10:17-22)
18Andikrag mme Yuu emaedii ebịne Yisọs ndiin ebub anyii etoo, “Etii Andikpiab, nse-e utum ke ana nte amii nne mbaag atukde Abasi ano mii nsi-nsi unwe?”
19Ade Yisọs adogho anyii atoo, “Iyoo, ibaa anwe se anakka afoo ama ibughoke Abasi ikpọn̄. Ndiin, kre ban̄a se afe atan̄ me inii afe abọọn̄ mii etii. 20Afe amediọn̄n̄ọ mme ibed Abasi; ku usịn efịbe, ku uwu anwe ntekian̄, ku uyịb n̄kpo anwe ntekian̄. Ku usug-nsug uban̄a mbun ufin. Noo uso mme uka ukpuno.”
21Anyii adogho Yisọs atoo, “Amii mmesiọg ibughu nno afịd ibed tọn̄n̄ọ amii nkede etuk akparawa.”
22Me inii Yisọs akekuk anịm, anyii amadogho anyii atoo “Asughọ n̄kpo kian̄ ufịn me anaa afe ane. Nyie afịd n̄kpo se anyi. Diama akọg no mme ubuene. Adieke afe ane ada, Abasi aya ano fii utịp mme inyi me Efịn. Ndiin kọn̄n̄ọ mii noo kappa de mbed amii!”
23Me inii adaidagha akekuk se Yisọs atan̄, idii amaabogho anyii, sia anyii ama anakka anyi n̄kpo, ndiin ikiyịmke adino se anyii akenyi. 24Yisọs ama-akịd nan̄a anwe ada akefughọ. Ndiin anyii adogho mme anwe se ekeba ade atoo, “Anakka asọn̄ mme imo anwe adidọg ukrag Abasi! 25Asọn̄-idii eti-eti imo anwe adidọg ukrag Abasi nkieg nte enan̄-afia anwe adibughu mee ifian̄ abiabun.”
26Me inii atuk anwe ekuk anịm, emmo emaebub anyii etoo, “Anwe ntekian̄ se ikiisan̄a dighe ibogho?”
27Yisọs adogho emmo atoo, “Aba usọg n̄kpo se mme anwe adikọddọ ine, ade Abasi akimi adinee n̄kpo kian̄ akededee.”
28Ndiin Bita abub Yisọs atoo, “Toiyo, ayịd imaikpọn̄ afịd n̄kpo se ikiinyi mbaag ikọn̄n̄ọ fii nte mme mbed afe. Nte ayịd iyaibogho?”
29Yisọs abọọrọ atoo, “Amii ndogho yinne ntoo, afịd anwe mee ekekpọn̄ afịd n̄kpo n̄kọrọ ufaag esiu mme anwaa esiu mme ndito-esiu mee etii mme ekie mme ndito me ntaag Ukrag Abasi, 30aya abuoghọ afịd mme n̄kpo anịm adiwaag inii me unwe isọn̄. Ndiin, me Efịn̄ anyii aya abuoghọ nsi-nsi unwe n̄ko.”
YISỌS ATỌN̄N̄Ọ NTAAG ATAN̄ ABAN̄A MKPA ESIU
(Mat 20:17-19; Mak 10:32-34)
31Anịm ama akebughu, Yisọs abii mme abọsul esiu dughu-iba adagha akpọn̄ mme anwe ano adogho atoo, “Kiin, ayịd iba me akpodighe adika Yerusedem . Afịd n̄kpo se mme brọfed ekewad ayan inii ke-e eban̄a mii, Ayiu Anwe, aya atịppe de. 32Mme anwe eya eyaag mii eno mbun me adidee mme Yuu yaag esaag eno esuno mii, eno eto mii ntee. Ndiin emmo ema eyap mii ema, emmo eyaewu mii. 33Ade me ane usiu ite, me anyii amaake akpa, Anyii aya atọn̄n̄ọ ntaag anyọn̄ adii unwe me mkpa.”
34Mme mbed ikidiọn̄n̄ọke se Yisọs aketan̄ aban̄a. Emmo ikinyii ifiog iban̄a se ikwuo esiu awuo, sia se mme n̄kpo anịm awuọn̄n̄ọ ama-adịbe emmo.
YISỌS AKOOG NNAN ABIAN̄A EBIAN̄A
(Mat 20:29-34; Mak 10:46-52)
35Me akpodighe me ekaa Yerusedem, Yisọs mme mbed se ekebaa mee anyii esan̄a ekpre idọn̄ Yeriko. Me mben akpodighe, amaaba anwe nnan abian̄a ebian̄a, atighe ano adogho mme anwe yaag enwam anyii. 36Me inii anwe nnan anịm akekuk uyiu afịd mme anwe se ekesan̄a ebughu anyii, anyii ama-abub mme anwe se ekekpre anyii, “Nse-e atịppe?” 37Usọg mme anwe emaebọọrọ anyii etoo, anwe me akreke Yisọs mee atukko idọn̄ Nasared akesan̄a abughu.
38Ndiin, anwe nnan ama-abọọn̄ mme akpọsọn̄ọ uyiu, “Yisọs, aduk Adidem Defịd, tua mii mbọm!”
39Mme anwe se ekeba me isiu atuk anwe emaekpan̄ anyii, etoo, Tre adibọọn̄ n̄kpuk, kap inua; Ade anyii amaabọọn̄ uyiu asọn akieg, “Yisọs, aduk Adidem Defịd tua mii mbọm.”
40Me inii Yisọs akekuk anyii, anyii ama-atuaag ada, ndiin ano emmo uyiu, yaag ebii anwe ada esoog imo. Me inii anwe ada asan̄a akpre, Yisọs abub anyii, 41“Nse-e ke afe ayịm amii nne nno fii?”
“Anyii akpeyie, Abọn̄ Yisọs,” “mboog koog mii mbaag atukde Amii nkọd ntọn̄n̄ọ ntaag mmọnọ n̄kpo!”
42Yisọs adogho anyii atoo, “afe amekimi adimọnọ n̄kpo idaghada! Ekoog fii, sia afe abuọd-idii me mii.” 43Usọp-usọp, anwe nnan ada ama atịmme ntaag amọnọ n̄kpo. Anyii atọn̄n̄ọ adikọn̄n̄ọ Yisọs me akpodighe, ndiin anyii amaatooro Abasi. Adiwaag mme anwe emaekịd se aketịppe, ndiin emmo n̄ko etooro Abasi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.