Duk 17
17
MBUỌDIDII MME UTUM
(Mat 18:6,7; Mak 9:42)
1Ndiin Yisọs adogho mme mbed esiu atoo, idimi ayaakan̄ aba ame ikinee mme anwe edughu Abasi, ade aya adiog ano mme anwe me edimi mbun ufịn no ene idiogn̄kpo. 2Akpaafo etuk uto anwe ada esịn me inyan̄ me emaekebuu ndedighe itiad me itọn̄ akieg anyii adine anwe me adidughuke n̄kpo ntekian̄ me atuk anịm anee idiogn̄kpo. 3Ndiin ikpimi idii itoo, ke ayịn̄ idimike mbun ufịn adinee idiogn̄kpo.
Adieke anwe me anịm mii me akpanikuo anee idiogn̄kpo, isua ino anyii, anyii akpekappa esịd akpọn̄ idiogn̄kpo esiu, ifeen ino anyii. 4Nkọm anwe me anịm mii me akpanikuo anee fii idiogn̄kpo ukpa itagha-eba me usiu kian̄, ndiin kwa inii anyii adii abịne fii, adogho ato, amii mmekappa esịd, ndiin ana afe afeen ano anyii kwa inii.
5Ndiin mme abọsul edogho Abọn̄ Yisọs etoo, Nwam yire adinịm Abasi me akpanikwuo ataa ayogho-ayogho.
6Ndiin Yisọs amaabọọrọ emmo atoo, Adieke ayịn̄ ikpiinyi ataa nsịp-nkieg mbuọd-idii me Abasi, ayịn̄ iyaikọd ino ikpo etu mfịd anịm uyiu itoo, wukkọ nno ke too idii afe me inyan̄; ndiin se afe atan̄ aya atịppe.
7“Adieke kian̄ me atuk ayịn̄ anyi ayiu-ufaag me afun̄n̄o-inwan̄ mee akpimi edọn̄, anyọn̄ adii me utum-inwan̄, mee ukpimi edọn̄, nte afe me aditim ntan̄, umu-udoghoke ayiu-ufaag ada, dii, tighe mo nno dia n̄kpo. 8Utuk me ada, afe aya adogho ayiu-ufaag afe atoo, Nee ndidia mbubịg nno mii! Ndiin sịne ndisana afọn̄ ndiin nno mii ndidia amii nno ndia. Mma ndia ndidia amii mma, ndiin afe amekimi adidia ame afe. 9N̄ko, afe umu-ukwamma ayiu-ufaag ada me adine utum se ekedogho anyii ane kpọd. 10Ukem ada ke ade mme ayịn̄; me inii ayịn̄ inee afịd n̄kpo se Abasi akedogho yinne ine, ayịn̄ ana ikre itoo, ayịd ide nkan̄a ndito-ufaag ino idukke ekwam, ayịd ikiine utum ayịd kpọd-kpọd.”
YISỌS AKOOG ANWE AKPA-MFIA
11Usiu kian̄ nte Yisọs akaisiu me isan̄ mme mbed esiu adika idọn̄ Yerusedem, emmo emaesan̄a ebughu me efaag mme ufọd efaag Sameria mme Kadidi. 12Nte Yisọs me mme mbed esiu ekekpre adidọg idọn̄ ada, anwe dughu me eke udun̄o akpa-mfia edi esobo anyii. Emmo ikisan̄ake ikpre Yisọs. 13Emmo ebọọn̄ anyii me akpọsọn̄ọ uyiu etoo “Yisọs, Etii-ufaag ayịd, tuaa yire mbọm no koog yire.”
14Yisọs amaakiin emmo ano adogho atoo, “Ikaa ibịne mme akuk me Yerusedem mbaag emmo ekekiin yinne idii etoo, ke ekoog yinne idagha-ada.” Me inii emmo esọg eka me akpodighe adibịne mme akuk, idii amaasọn̄ emmo.
15Afịd emmo emaediọn̄n̄ọ ke ekoog mmimo, ade kian̄ me atuk emmo ama-atịmme abịne Yisọs abọọn̄ n̄kpuk idaara ano atooro Abasi me adikoog anyii. 16Ndiin anyii atọn̄ọ edọn̄ ukpuno-ukpuno me isiu Yisọs usọp-usọp ano akwam anyii. Ndiin anwe anịm akede amana isọn̄ me Sameria, ikidee Yuu.
17Yisọs adogho mbun se ekebaa mme anyii etoo, “Abasi akekoog afịd anwe akpa-mfia dughu. Ndiin ntaag me anwe mbun ufịn aditịmmeke idii n̄ko aditooro Abasi?” 18Ade kian̄ kpọd me atuk akpa-mfia dughu atịmme adii adibịne mii adikwam Abasi, ndiin anwe ada idee kpa Yuu. 19Ndiin Yisọs adogho anwe ada, “Dagha ada nyọn̄. Afe ama abuọd-idii me Abasi ndiin anyii amaakoog fii.”
ADIDII UKRAG ABASI
20Usiu kian̄, mme Farisi emaebub Yisọs, “Inii akie se ukrag Abasi akiidi? Yisọs amaabọọrọ atoo, Mme idiọn̄n̄ọ ntekian̄ imiibaa me awuddo ato ke ukrag Abasi asọg adii. 21Mme anwe imiidoghoke itoo, ‘Kiin, ukrag Abasi aba mo! Mee kiin, aba ke-e!’ Sia, ukrag Abasi ababa mo me ufọd ayịn̄.”
22Yisọs adogho mme mbed esiu atoo; Inii aya adii me ayịn̄ ikiyịm adikịd n̄kọm akpede usiu kian̄ me inii Amii Ayiu Anwe nkidikrag, ade imiidee mmịk-mmịk. 23Mme anwe eyaedogho, Kiin, Andiyaagha aba dee mee Andiyaagha aba mo. Kuu uwuo ikiyịm anyii; iba me itighe nte iba. 24Sia nte afịd anwe ekịd akepkep me inii anyii akeppeke me afịd ikpa-anyọn̄, mee ukem adighe ada, afịd anwe eyaekịd mii, Ayiu Anwe me usiu se nkitịmme ndii. 25Ade mbemisiu anịm, ana Amii mbughọ akpọsọn̄ọ ufeen, me mme anwe mee eduk unwe me aderimbod mfịn eno esịn mii.
26Mbemisiu edịm-ukwuo adii, ayan inii ke-e me inii Nua akebaa me unwe, mme anwe ekeduk unwe ukem adighe me mme anwe ikiiduk mbemisiu Amii Ayiu Anwe ntịmme ndii. 27Mbemisiu edịm ukwuo adii, afịd anwe ekesọg ene se ekan ene, edia n̄kpo, enwọn̄, ndiin edo-ndo, tutuk usiu mee Nua mme ubun esiu ekedọkkọ ubu. Ndiin me unan̄a mben̄e-idii, edịm ukwuo amaadi ano awu afịd anwe se akedi ibaa me esịd ubu.
28Ukem ada, mmantịmme ndii, akiiba nte akede me ayan inii ke-e me inii Dọd akebaa me isọn̄. Mme anwe me idọn̄ Sodom ema edon̄ ubaag edia n̄kpo, eno enyie udua me atuk idii emmo, eto inwan̄, eno ebu mme ufaag. 29Ade me ataa usiu ada, Dọd ama akpọn idọn Sodom esiu, Abasi amaane ikan̄ mme itiad-ikan̄ atuk me Efịn adịk nte edịm ano awu afịd anwe.
30“Me ukem adighe ada, me usiu me Amii, Ayiu Anwe nkiitịmme ndii, akide me unana-iduk-anyi mme iwa-iwa. 31Me usiu ada, anwe ame aba me anyọn̄ ufaag, inaa asoiyo aka ufaag adibii n̄kpo ndọn̄ ufaag ntekian̄; Me ukem adighe ada, anwe ntekian̄ me akebaa me inwan̄ inaa nte atịmme aka ufaag. 32Kpiab n̄kpo me se aketịppe ano anwaa Dọd me inii anyii akesọn̄ ibughu mme Abasi: 33Sia anwe ntekian̄ mee ayịm adikpimi unwe esiu me isọn̄ anịm iminyii nsi-nsi unwe, ade anwe ntekian̄ akpeyaag unwe esiu sia anyii ade mbed amii, ukpọn̄ esiu aya anyi nsinsi unwe. 34Amii ndogho yinne ntoo, me inii Amii nkitịmme ndii, anwe iba eyaena me n̄kpanna, Abasi aya abii anwe kian̄, ndiin adagha akpọn̄ adin̄ke. 35N̄ko, adieke mbaaba iba ebaa me itighe kian̄ ene ndidia, Abasi ayaebii anwe kian̄ akpọn, ade aya adagha akpọn̄ adin̄ke.” 36Adieke aninie-anwe iba ebaa atokian̄ eto n̄kpo me inwan̄. Abasi aya abii kian̄, ndiin adagha akpọn̄ kian̄.
37Ndiin emmo emaebub anyii etoo, “Abọn̄, mee nkịm se n̄kpo anịm akitịppe? Anyii amaabọọrọ, Afịd anwe eyaediọn̄n̄ọ itighe se ada akiitịppe ukem nte afịd anwe ediọn̄n̄ọke, itighe akpo anwe aba, dee ke utrede ebun̄o.”
ទើបបានជ្រើសរើសហើយ៖
Duk 17: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 17
17
MBUỌDIDII MME UTUM
(Mat 18:6,7; Mak 9:42)
1Ndiin Yisọs adogho mme mbed esiu atoo, idimi ayaakan̄ aba ame ikinee mme anwe edughu Abasi, ade aya adiog ano mme anwe me edimi mbun ufịn no ene idiogn̄kpo. 2Akpaafo etuk uto anwe ada esịn me inyan̄ me emaekebuu ndedighe itiad me itọn̄ akieg anyii adine anwe me adidughuke n̄kpo ntekian̄ me atuk anịm anee idiogn̄kpo. 3Ndiin ikpimi idii itoo, ke ayịn̄ idimike mbun ufịn adinee idiogn̄kpo.
Adieke anwe me anịm mii me akpanikuo anee idiogn̄kpo, isua ino anyii, anyii akpekappa esịd akpọn̄ idiogn̄kpo esiu, ifeen ino anyii. 4Nkọm anwe me anịm mii me akpanikuo anee fii idiogn̄kpo ukpa itagha-eba me usiu kian̄, ndiin kwa inii anyii adii abịne fii, adogho ato, amii mmekappa esịd, ndiin ana afe afeen ano anyii kwa inii.
5Ndiin mme abọsul edogho Abọn̄ Yisọs etoo, Nwam yire adinịm Abasi me akpanikwuo ataa ayogho-ayogho.
6Ndiin Yisọs amaabọọrọ emmo atoo, Adieke ayịn̄ ikpiinyi ataa nsịp-nkieg mbuọd-idii me Abasi, ayịn̄ iyaikọd ino ikpo etu mfịd anịm uyiu itoo, wukkọ nno ke too idii afe me inyan̄; ndiin se afe atan̄ aya atịppe.
7“Adieke kian̄ me atuk ayịn̄ anyi ayiu-ufaag me afun̄n̄o-inwan̄ mee akpimi edọn̄, anyọn̄ adii me utum-inwan̄, mee ukpimi edọn̄, nte afe me aditim ntan̄, umu-udoghoke ayiu-ufaag ada, dii, tighe mo nno dia n̄kpo. 8Utuk me ada, afe aya adogho ayiu-ufaag afe atoo, Nee ndidia mbubịg nno mii! Ndiin sịne ndisana afọn̄ ndiin nno mii ndidia amii nno ndia. Mma ndia ndidia amii mma, ndiin afe amekimi adidia ame afe. 9N̄ko, afe umu-ukwamma ayiu-ufaag ada me adine utum se ekedogho anyii ane kpọd. 10Ukem ada ke ade mme ayịn̄; me inii ayịn̄ inee afịd n̄kpo se Abasi akedogho yinne ine, ayịn̄ ana ikre itoo, ayịd ide nkan̄a ndito-ufaag ino idukke ekwam, ayịd ikiine utum ayịd kpọd-kpọd.”
YISỌS AKOOG ANWE AKPA-MFIA
11Usiu kian̄ nte Yisọs akaisiu me isan̄ mme mbed esiu adika idọn̄ Yerusedem, emmo emaesan̄a ebughu me efaag mme ufọd efaag Sameria mme Kadidi. 12Nte Yisọs me mme mbed esiu ekekpre adidọg idọn̄ ada, anwe dughu me eke udun̄o akpa-mfia edi esobo anyii. Emmo ikisan̄ake ikpre Yisọs. 13Emmo ebọọn̄ anyii me akpọsọn̄ọ uyiu etoo “Yisọs, Etii-ufaag ayịd, tuaa yire mbọm no koog yire.”
14Yisọs amaakiin emmo ano adogho atoo, “Ikaa ibịne mme akuk me Yerusedem mbaag emmo ekekiin yinne idii etoo, ke ekoog yinne idagha-ada.” Me inii emmo esọg eka me akpodighe adibịne mme akuk, idii amaasọn̄ emmo.
15Afịd emmo emaediọn̄n̄ọ ke ekoog mmimo, ade kian̄ me atuk emmo ama-atịmme abịne Yisọs abọọn̄ n̄kpuk idaara ano atooro Abasi me adikoog anyii. 16Ndiin anyii atọn̄ọ edọn̄ ukpuno-ukpuno me isiu Yisọs usọp-usọp ano akwam anyii. Ndiin anwe anịm akede amana isọn̄ me Sameria, ikidee Yuu.
17Yisọs adogho mbun se ekebaa mme anyii etoo, “Abasi akekoog afịd anwe akpa-mfia dughu. Ndiin ntaag me anwe mbun ufịn aditịmmeke idii n̄ko aditooro Abasi?” 18Ade kian̄ kpọd me atuk akpa-mfia dughu atịmme adii adibịne mii adikwam Abasi, ndiin anwe ada idee kpa Yuu. 19Ndiin Yisọs adogho anwe ada, “Dagha ada nyọn̄. Afe ama abuọd-idii me Abasi ndiin anyii amaakoog fii.”
ADIDII UKRAG ABASI
20Usiu kian̄, mme Farisi emaebub Yisọs, “Inii akie se ukrag Abasi akiidi? Yisọs amaabọọrọ atoo, Mme idiọn̄n̄ọ ntekian̄ imiibaa me awuddo ato ke ukrag Abasi asọg adii. 21Mme anwe imiidoghoke itoo, ‘Kiin, ukrag Abasi aba mo! Mee kiin, aba ke-e!’ Sia, ukrag Abasi ababa mo me ufọd ayịn̄.”
22Yisọs adogho mme mbed esiu atoo; Inii aya adii me ayịn̄ ikiyịm adikịd n̄kọm akpede usiu kian̄ me inii Amii Ayiu Anwe nkidikrag, ade imiidee mmịk-mmịk. 23Mme anwe eyaedogho, Kiin, Andiyaagha aba dee mee Andiyaagha aba mo. Kuu uwuo ikiyịm anyii; iba me itighe nte iba. 24Sia nte afịd anwe ekịd akepkep me inii anyii akeppeke me afịd ikpa-anyọn̄, mee ukem adighe ada, afịd anwe eyaekịd mii, Ayiu Anwe me usiu se nkitịmme ndii. 25Ade mbemisiu anịm, ana Amii mbughọ akpọsọn̄ọ ufeen, me mme anwe mee eduk unwe me aderimbod mfịn eno esịn mii.
26Mbemisiu edịm-ukwuo adii, ayan inii ke-e me inii Nua akebaa me unwe, mme anwe ekeduk unwe ukem adighe me mme anwe ikiiduk mbemisiu Amii Ayiu Anwe ntịmme ndii. 27Mbemisiu edịm ukwuo adii, afịd anwe ekesọg ene se ekan ene, edia n̄kpo, enwọn̄, ndiin edo-ndo, tutuk usiu mee Nua mme ubun esiu ekedọkkọ ubu. Ndiin me unan̄a mben̄e-idii, edịm ukwuo amaadi ano awu afịd anwe se akedi ibaa me esịd ubu.
28Ukem ada, mmantịmme ndii, akiiba nte akede me ayan inii ke-e me inii Dọd akebaa me isọn̄. Mme anwe me idọn̄ Sodom ema edon̄ ubaag edia n̄kpo, eno enyie udua me atuk idii emmo, eto inwan̄, eno ebu mme ufaag. 29Ade me ataa usiu ada, Dọd ama akpọn idọn Sodom esiu, Abasi amaane ikan̄ mme itiad-ikan̄ atuk me Efịn adịk nte edịm ano awu afịd anwe.
30“Me ukem adighe ada, me usiu me Amii, Ayiu Anwe nkiitịmme ndii, akide me unana-iduk-anyi mme iwa-iwa. 31Me usiu ada, anwe ame aba me anyọn̄ ufaag, inaa asoiyo aka ufaag adibii n̄kpo ndọn̄ ufaag ntekian̄; Me ukem adighe ada, anwe ntekian̄ me akebaa me inwan̄ inaa nte atịmme aka ufaag. 32Kpiab n̄kpo me se aketịppe ano anwaa Dọd me inii anyii akesọn̄ ibughu mme Abasi: 33Sia anwe ntekian̄ mee ayịm adikpimi unwe esiu me isọn̄ anịm iminyii nsi-nsi unwe, ade anwe ntekian̄ akpeyaag unwe esiu sia anyii ade mbed amii, ukpọn̄ esiu aya anyi nsinsi unwe. 34Amii ndogho yinne ntoo, me inii Amii nkitịmme ndii, anwe iba eyaena me n̄kpanna, Abasi aya abii anwe kian̄, ndiin adagha akpọn̄ adin̄ke. 35N̄ko, adieke mbaaba iba ebaa me itighe kian̄ ene ndidia, Abasi ayaebii anwe kian̄ akpọn, ade aya adagha akpọn̄ adin̄ke.” 36Adieke aninie-anwe iba ebaa atokian̄ eto n̄kpo me inwan̄. Abasi aya abii kian̄, ndiin adagha akpọn̄ kian̄.
37Ndiin emmo emaebub anyii etoo, “Abọn̄, mee nkịm se n̄kpo anịm akitịppe? Anyii amaabọọrọ, Afịd anwe eyaediọn̄n̄ọ itighe se ada akiitịppe ukem nte afịd anwe ediọn̄n̄ọke, itighe akpo anwe aba, dee ke utrede ebun̄o.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.