Duk 16
16
NKII MBUFIOG AKANA UTUM
1Yisọs amaano atan̄ mbọg anịm ano mme mbed esiu atoo, “Anwe inyi kian̄ amaaba me ake anyi akana utum me anyii akekpii utum, Ade mme anwe emaeduk akana utum anim uyiu ke anyii ataghade inyi etii-ufaag. 2Me ntre, anwe inyi anịm amaabọọn akana utum, ndiin atoo anyii, nkukke inịk-esịd mban̄a se etan̄ anịm eban̄a fii. Dinee ibad nno mii ke amii nyịmke fii aba.
3Akana-utum amaakre me idii esiu atoo, Nkpesene se idaagha ada. Etii ufaag amii aya-abuoghọ mii utum. Mmikọddọ ndoog isọn̄ nne utum inwan̄, abud imiyaagha nkọd nsan̄a mbian̄a ebian̄a. 4Mekpii mbiiri se nkiine!, ma-atukde utum amii amaakre, nkpenyi mme nsan̄ se nkikan̄ n̄ka ufaag emmo.
5Me inii akan̄a-utum ada amaatọọn̄ọ adisịn̄ nkuog-ibughu esiu me utum; Anyii ama adibọọn̄ afịd mbun isun̄ etii-ufaag ato edii, ndiin ato akpa-anwe, ifan̄ ke ase-akan̄a etii-ufaag amii?
6Anyii amaabọọrọ, Nkana tian̄ adeeg Odif ikii-kian; akana-utum ato anyii, sọp idii, bii nwad isun̄ afe siọg tighe, kpagha wad tian̄ adeeg aba mme dughu.
7Anyii ano abub anwe ufịn; Ndiin afe asekana ifan̄? Anyii ato, Nkan̄a ekpad abakpa tosịn-kian̄. Ndiin akan̄a utum ato anyii, bii nwad isun̄ wad ikii-itiagha-ete.
8Me ntre, etii-ufaag ama-atooro idiog akana-utum anịm me akukko nan̄a anyii ake ane inii isiu esiu, sia anyii ama aben̄e-idii aban̄a inii isiu esiu, sia mbun aderimbod anịm enakka enyi ifiog-nkrag une-n̄kpo me emana emmo ekieg ndito unwana. 9Ndiin Amii ndogho yinne ntoo, Inyi ayịn̄ me isọn anịm imiibaa mme ayịn̄ me nsi-nsi. Me ntre, ikana inwam mme anwe mo me isọn ino ine nsan̄ me emmo. Ndiin me inii ayịn̄ isịm nsi-nsi itighe idọn̄, emmo eyaeba de adidaara yinne.
10Sia anwe ada me anee akpanikuo me etuk-etuk n̄kpo akimi adine akpanikuo me akpughu n̄kpo; ndiin anwe ada me adinee akpanikuo me etuk-etuk n̄kpo imiikimike adine akpanikuo me akpugho n̄kpo. 11Me ntaag ntre, adieke afe mukọddọ une akpanikuo me inyi aderimbod, n̄ko, Abasi imiisịn̄e yinne ataa inyi Abiọ Ubọn̄ me ubaag. 12Me ntre, adieke ayịn̄ imiinee akpanikuo me inyi anwe ufịn, me akpanikuo, Abasi n̄ko iminoo yinne ame ayịn̄ n̄ko ato ikana.
13Ayiu-ufaag ntekian̄ ikimike adinyi etii-ufaag iba nno nne n̄kpo nno emmo ukem-ukem inii kian̄. Sia anyii aya akappa amee kian̄ ndiin asua kian̄, miidee anyii aya akpuno kian̄ ndiin amium anịn̄ke. Ukimike adine n̄kpo nno Abasi mme inyi aderimbod inii kian̄.”
IBED MOSIS MME ABIO UBỌN̄ ABASI
14Me inii usọg mme Farisi ekekuk nte Yisọs atan̄ mme n̄kpo anịm, emmo ema-etuun Yisọs inua sia emmo ekedee mme adiog-itọn̄ akọg. 15Ndiin Yisọs amaadogho emmo atoo, “ayịn̄ ide mbun ada mme-imee adibad idii nte mme ndinen anwe me isiu anwe, ade Abasi adiọn̄n̄ọ esịd ayịn̄. Mme n̄kpo a-mee anwe e-nakkake ebii nte akpan̄ n̄kpo ade itagesịd me anyi Abasi.
16Ibed Mosis mme se mme Brọfed ekewad akede ukpimi ayịn̄ tutuk Yọọn aduogmmọn adikuọrọ. Ade tọọn̄ọ me inii ada, amii nkuọrọ eti-etuk Ukrag Abasi, ndiin adiwaag anwe esuk-enwana adinyi udiama me Abio Ubọn̄ Abasi. 17Ndiin ade ataa miimịk n̄kpo ikpa anyọn̄ mme aderimbod adibughu mfed akieg etuk ntọi ikwuo kian̄ me ibed Mosis ada adikpuu.
18Anwe akededee me asịkke anwaa esiu ndo akedo anwa-anwaa ufịn asịn efube, ndiin anwe akededee me adoo anwa-anwaa ebịk ake asịkke ndo asịn efube n̄ko.
AYII N̄KPO ANWE MME DASAROS
19Yisọs atoo, anwe inyi kian̄ amaaba me ake akan̄a asineke nsọn̄-udua afọn̄ ano adia nti n̄kpo afịd usiu. 20Amaano aba ubuene anwe me akekreke Dasarọs me iniaa aketaa anyii afịd idii. Mme anwe ema-ekan̄ ebii anyii ekenịm me inua-atuk ufaag anyii n̄kpo anwe anịm. 21Ndiin anyii amaakan ayịm nte imo ikpiikọd ikan̄ itan̄ mbighe ndidia me akpokro anwe inyi anịm idia. Amaade ntre, mme ewa eya edii adiyiada anyii iniaa.
22Adikem me akpatre ubuene anwe anịm adikpa, ndiin mme enyel emaebii anyii eka ikpanesịd Ebraham. Anyi n̄kpo anwe amaadikpa, ndiin ebuog anyii n̄ko. 23Ndiin anwe inyi ama anyọn̄ akeaba me hel. Nte anyii akebaa me ufeen, anyii amaabana anyi me anyọn̄ akịd Ebraham me ayan adighe mme Dasarọs me ikpanesịd esiu nana atighe 24Me ntre, anyi n̄kpo anwe amaatua ndiin ato, Etii ayịd Ebraham, ntua mii mbọm, noo don̄ Dasarọs no akap adedap ibuog nyunnun ubaag esiu me mmọn̄ adintogho mii me edi noo ansiog-iton̄ ke me nakka mbugho ufen me ufiop ikan̄ anịm.
25Ade Ebraham amaabọọrọ atoo, ayiu amii toiyo ban̄a ato, me ayiu-unwe afe amaabọi mme ntii n̄kpo afe, ade Dasarọs n̄ko amaabọi mme ndioi n̄kpo; ade idaagha ada Dasarọs asuk abuoghọ ndọn̄esịd ndiin afe abuoghọ ufeen. 26Ke esịkke ada efeb, me ufọd ayịd mme afe ataa akpughu abubịk mmo aba, me mmiiyagha anwe adikọd atuk mo adisịm fii, mee adituk de ndii mo.
27Anyii atoo, amii mmenakka ukpii fii Etii ayịd, nto afe akpe-adọn anyii ano ufaag etii amii, 28Ke mmeyii ndito ekie aninie-anwe itiọn no anyii aka akedogho emmo ekappa esịd, mbaag emmo n̄ko ekuduba mo me itighe ufen anịm.
29Ade Ebraham amaabọọrọ anyii atoo, ndito-uka enyii ibed Mosis mme se mme Brọfed ekewad eno emmo, yaag emmo ebii ada eno ekappa esịd.
30Ndiin anwe inyi atoo iyoo, Etii ayịd Ebraham, ada imiikimike adine emmo ekakpaesịd. Ade an̄we akekpaa akpesed me mkpa aka akedogho emmo eyaekappa esịd.
31Ade anyii ato anwe inyi, adieke emmo imiinịmme ibed Mosis me mme Brọfed, ake isukide akpọsọnọ n̄kpo ano emmo adikappa esịd ekpekọm anwe ased me mkpa aketan̄ ano emmo.”
ទើបបានជ្រើសរើសហើយ៖
Duk 16: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 16
16
NKII MBUFIOG AKANA UTUM
1Yisọs amaano atan̄ mbọg anịm ano mme mbed esiu atoo, “Anwe inyi kian̄ amaaba me ake anyi akana utum me anyii akekpii utum, Ade mme anwe emaeduk akana utum anim uyiu ke anyii ataghade inyi etii-ufaag. 2Me ntre, anwe inyi anịm amaabọọn akana utum, ndiin atoo anyii, nkukke inịk-esịd mban̄a se etan̄ anịm eban̄a fii. Dinee ibad nno mii ke amii nyịmke fii aba.
3Akana-utum amaakre me idii esiu atoo, Nkpesene se idaagha ada. Etii ufaag amii aya-abuoghọ mii utum. Mmikọddọ ndoog isọn̄ nne utum inwan̄, abud imiyaagha nkọd nsan̄a mbian̄a ebian̄a. 4Mekpii mbiiri se nkiine!, ma-atukde utum amii amaakre, nkpenyi mme nsan̄ se nkikan̄ n̄ka ufaag emmo.
5Me inii akan̄a-utum ada amaatọọn̄ọ adisịn̄ nkuog-ibughu esiu me utum; Anyii ama adibọọn̄ afịd mbun isun̄ etii-ufaag ato edii, ndiin ato akpa-anwe, ifan̄ ke ase-akan̄a etii-ufaag amii?
6Anyii amaabọọrọ, Nkana tian̄ adeeg Odif ikii-kian; akana-utum ato anyii, sọp idii, bii nwad isun̄ afe siọg tighe, kpagha wad tian̄ adeeg aba mme dughu.
7Anyii ano abub anwe ufịn; Ndiin afe asekana ifan̄? Anyii ato, Nkan̄a ekpad abakpa tosịn-kian̄. Ndiin akan̄a utum ato anyii, bii nwad isun̄ wad ikii-itiagha-ete.
8Me ntre, etii-ufaag ama-atooro idiog akana-utum anịm me akukko nan̄a anyii ake ane inii isiu esiu, sia anyii ama aben̄e-idii aban̄a inii isiu esiu, sia mbun aderimbod anịm enakka enyi ifiog-nkrag une-n̄kpo me emana emmo ekieg ndito unwana. 9Ndiin Amii ndogho yinne ntoo, Inyi ayịn̄ me isọn anịm imiibaa mme ayịn̄ me nsi-nsi. Me ntre, ikana inwam mme anwe mo me isọn ino ine nsan̄ me emmo. Ndiin me inii ayịn̄ isịm nsi-nsi itighe idọn̄, emmo eyaeba de adidaara yinne.
10Sia anwe ada me anee akpanikuo me etuk-etuk n̄kpo akimi adine akpanikuo me akpughu n̄kpo; ndiin anwe ada me adinee akpanikuo me etuk-etuk n̄kpo imiikimike adine akpanikuo me akpugho n̄kpo. 11Me ntaag ntre, adieke afe mukọddọ une akpanikuo me inyi aderimbod, n̄ko, Abasi imiisịn̄e yinne ataa inyi Abiọ Ubọn̄ me ubaag. 12Me ntre, adieke ayịn̄ imiinee akpanikuo me inyi anwe ufịn, me akpanikuo, Abasi n̄ko iminoo yinne ame ayịn̄ n̄ko ato ikana.
13Ayiu-ufaag ntekian̄ ikimike adinyi etii-ufaag iba nno nne n̄kpo nno emmo ukem-ukem inii kian̄. Sia anyii aya akappa amee kian̄ ndiin asua kian̄, miidee anyii aya akpuno kian̄ ndiin amium anịn̄ke. Ukimike adine n̄kpo nno Abasi mme inyi aderimbod inii kian̄.”
IBED MOSIS MME ABIO UBỌN̄ ABASI
14Me inii usọg mme Farisi ekekuk nte Yisọs atan̄ mme n̄kpo anịm, emmo ema-etuun Yisọs inua sia emmo ekedee mme adiog-itọn̄ akọg. 15Ndiin Yisọs amaadogho emmo atoo, “ayịn̄ ide mbun ada mme-imee adibad idii nte mme ndinen anwe me isiu anwe, ade Abasi adiọn̄n̄ọ esịd ayịn̄. Mme n̄kpo a-mee anwe e-nakkake ebii nte akpan̄ n̄kpo ade itagesịd me anyi Abasi.
16Ibed Mosis mme se mme Brọfed ekewad akede ukpimi ayịn̄ tutuk Yọọn aduogmmọn adikuọrọ. Ade tọọn̄ọ me inii ada, amii nkuọrọ eti-etuk Ukrag Abasi, ndiin adiwaag anwe esuk-enwana adinyi udiama me Abio Ubọn̄ Abasi. 17Ndiin ade ataa miimịk n̄kpo ikpa anyọn̄ mme aderimbod adibughu mfed akieg etuk ntọi ikwuo kian̄ me ibed Mosis ada adikpuu.
18Anwe akededee me asịkke anwaa esiu ndo akedo anwa-anwaa ufịn asịn efube, ndiin anwe akededee me adoo anwa-anwaa ebịk ake asịkke ndo asịn efube n̄ko.
AYII N̄KPO ANWE MME DASAROS
19Yisọs atoo, anwe inyi kian̄ amaaba me ake akan̄a asineke nsọn̄-udua afọn̄ ano adia nti n̄kpo afịd usiu. 20Amaano aba ubuene anwe me akekreke Dasarọs me iniaa aketaa anyii afịd idii. Mme anwe ema-ekan̄ ebii anyii ekenịm me inua-atuk ufaag anyii n̄kpo anwe anịm. 21Ndiin anyii amaakan ayịm nte imo ikpiikọd ikan̄ itan̄ mbighe ndidia me akpokro anwe inyi anịm idia. Amaade ntre, mme ewa eya edii adiyiada anyii iniaa.
22Adikem me akpatre ubuene anwe anịm adikpa, ndiin mme enyel emaebii anyii eka ikpanesịd Ebraham. Anyi n̄kpo anwe amaadikpa, ndiin ebuog anyii n̄ko. 23Ndiin anwe inyi ama anyọn̄ akeaba me hel. Nte anyii akebaa me ufeen, anyii amaabana anyi me anyọn̄ akịd Ebraham me ayan adighe mme Dasarọs me ikpanesịd esiu nana atighe 24Me ntre, anyi n̄kpo anwe amaatua ndiin ato, Etii ayịd Ebraham, ntua mii mbọm, noo don̄ Dasarọs no akap adedap ibuog nyunnun ubaag esiu me mmọn̄ adintogho mii me edi noo ansiog-iton̄ ke me nakka mbugho ufen me ufiop ikan̄ anịm.
25Ade Ebraham amaabọọrọ atoo, ayiu amii toiyo ban̄a ato, me ayiu-unwe afe amaabọi mme ntii n̄kpo afe, ade Dasarọs n̄ko amaabọi mme ndioi n̄kpo; ade idaagha ada Dasarọs asuk abuoghọ ndọn̄esịd ndiin afe abuoghọ ufeen. 26Ke esịkke ada efeb, me ufọd ayịd mme afe ataa akpughu abubịk mmo aba, me mmiiyagha anwe adikọd atuk mo adisịm fii, mee adituk de ndii mo.
27Anyii atoo, amii mmenakka ukpii fii Etii ayịd, nto afe akpe-adọn anyii ano ufaag etii amii, 28Ke mmeyii ndito ekie aninie-anwe itiọn no anyii aka akedogho emmo ekappa esịd, mbaag emmo n̄ko ekuduba mo me itighe ufen anịm.
29Ade Ebraham amaabọọrọ anyii atoo, ndito-uka enyii ibed Mosis mme se mme Brọfed ekewad eno emmo, yaag emmo ebii ada eno ekappa esịd.
30Ndiin anwe inyi atoo iyoo, Etii ayịd Ebraham, ada imiikimike adine emmo ekakpaesịd. Ade an̄we akekpaa akpesed me mkpa aka akedogho emmo eyaekappa esịd.
31Ade anyii ato anwe inyi, adieke emmo imiinịmme ibed Mosis me mme Brọfed, ake isukide akpọsọnọ n̄kpo ano emmo adikappa esịd ekpekọm anwe ased me mkpa aketan̄ ano emmo.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.