Duk 15
15
NKII MEE ABAN̄A EDỌN̄ MEE AKESIU
(Mat 18:10-14)
1Ndiin adiwaag mme abughọ taxsi mme mbun ufịn, me mme anwe ekekịdde nte mme ane idiogn̄kpo emaebunno ekan Yisọs ekọg adikpan̄-utọn̄ ino anyii. 2Ade mme Farisi mme me akpiab ibed emaetọn̄n̄ọ adikunọ mban̄a Yisọs me adidogho idii emmo etoo, “Anwe anịm adaara mme me ane idiogn̄kpo, ano adia ndidia mme emmo me ufaag emmo.”
3Ndiin Yisọs atan̄ mbọg anịm ano emmo atoo, 4“Akpede afe anyi edọn̄ ikii, ndiin kian̄ asiu, afe ase akune dighe? Afe aya akpọn̄ anian̄ mme efuk mme inian̄ me itighe uta mbiu me itighe nte mme anwe ntekian̄ akedidọn̄n̄ọ adika nkeyịm kian̄ ada me asiuu tutuk anyii akịd anyii.” 5Ndiin me inii anyii akịd edọn̄ kian̄ ada, anyii adaara ano anịk esịd adibii anyii iduk me afrag esiu. 6Ndiin anyii anyọn̄ adii ufaag esiu. Akema, anyii abọọn̄ mme nsan̄ mme mboogidọn̄ esiu ato, Idii ufaag amii ididaara me amii, siade mmekịd edọn̄ amii mee akesiuu!. 7Yisọs atoo, Me ukem ido ada, Abasi me mme enyel esiu me Efịn eya edaara akpughu-akpughu me ntaag ane idiog kian̄ me akana abịne Abasi akieg nti anwe anian̄ mme efuk mme inian̄ me adinyii ntaag ukappa esịd.
MBỌG AKỌG MME AKE ASIU
8Yisọs atan̄ mbọg ufịn. Anyii atoo, “Akpede anwa-anwaa anyi akọg Sidifa dughu#15:8 Akọg Sidifa dughu ade drachmas dughu me akebaa nte denaruis. Anyii akeduk akọg ukpii utum usiu kian̄ ano nkan̄a anwe utum., ndiin aduog kian̄. Nte anyii imidimike utini-ikan̄, afiọn̄ ufaag, ano ayịm me ufaag mme ntịn-anyii akọg Sidifa esiu tutuk anyii akịd?. 9Anyii amaakekịd, anyii abọọn̄ mme nsan̄ mme mboogidọn̄ yaag edi ufaag imo, ndiin adogho emmo ato, Idii ididaara mme amii, siade mmekịd akọg amii me akesiuu!. 10Yisọs adogho atoo, Me ukem ido ada, Abasi me mme enyel eya edaara akpughu-akpughu me ntaag ane idiog kian̄ me akappake abịne Abasi.”
MBỌG AYIU MME AKESIU
11Ndiin Yisọs atan̄ mbọg ufịn. Anyii adogho atoo, “Anwe akenyi ndito aninie-anwe iba. 12Etuk ayiu aninie-anwe adogho etii-esiu atoo, Mboog nno mii idaagha-ada ame amii udiama inyi mbemisiu afe akpa. Etii-esiu ayịmme adine anịm ano adiama inyi esiu me ufọd ndito esiu aninie-anwe iba.
13Akema usiu ifan̄, etuk ayiu aninie-anwe anịm ama n̄kpo-ufaag esiu, ndiin akpọn̄ ufaag aka ayan idud mee akọg se akenyi. Dee, anyii ama ataghade afịd akọg esiu me adiduk n̄kpun-unwe mme unwe use. 14Ndiin anyii amaake ataghade afịd akọg esiu ama, akpọsọn̄ọ akan̄ amaaba me idud ada, ndiin etuk inii, anyii ama-akappa ade ubuene mme anwe akan̄. 15Ndiin, anyii amaaka akenee utum ano ato-inwan̄ me idọn̄ ada. Anwe ada amaadọn̄ anyii akekiin n̄kpo aban̄a mme edịk#15:15 Ibed mme Yuu akedogho ato ke edịk eden̄e ndiniaag una. Me ibed anịm, mme Yuu ikin̄aa nte eta una edịk. Ndiin, mbun Yuu ekekiin edịk mme anwe me akpimi edịk me n̄kpo ndịk me inwan̄. 16Ayiu ada amaakuk akan̄ ntịm ane anyii akeyịm adidia se mme edịk edia, ade anwe ntekian̄ ikinoo anyii n̄kpo ntekian̄ yaag adia
17Me inii anyii akịdde nan̄a imo ikisimi, Anyii amaadogho idii esiu atoo, Afịd mbun se ene utum eno etii amii enyi adiwaag se edia, ade me ade mo, akan̄ asọg adọn̄ mii!. 18Amii nya atịmme mbịne etii amii inii kian̄. Me inii nkịdde anyii, nyadogho anyii ntoo, Etii, Amii mmene idiogn̄kpo ndian Abasi nno nne fii ukwan̄. 19Me ntre, mboog kubọọn̄ mii ayiu afe aba. Amii ndukke ukpuno ada. Ade yaag mii nde kian̄ me atuk mbun utum afe me akpii akọg. 20Ndiin anyii amatọọn̄ọ isan̄ unyọn̄ mbịne etii. Ade nte anyii ada me n̄san-n̄san akpọn̄ ufaag, etii-esiu amaakịd nte anyii adii, ndiin esịd ayogho mme mbọm ano anyii. Anyii ama afin̄ghe awuo abịne anyii, ndiin afee anyii ano adaara anyii asịn me ufaag.
21Ayiu aninie-anwe ada amaadogho etii atoo, Etii amii, mmene idiogn̄kpo ndian Abasi nno nne fii ukwan̄. Ntre, amii ndukke afe adibọọn̄ mii ayiu afe.
22Ade etii esiu adogho mbun utum esiu, ndiin ano emmo uyiu atoo, Sọp-idii. Bii ataa nyie-n̄kieg afọn̄ me ufaag idisịne anyii. Sịn̄e anyii mkpannun me nnun-ubaag esiu mme nyie ikpeeg-ukuk yaag asịn̄e me ukuk. 23Ndiin ika ikibii nyiu enan̄ se anyi isek, iwu anyii, ino itii. Yaag ayịd ine usọrọ adidaara adinyọn̄ ndii ayiu amii anịm!. 24Akebaa nte ayiu amii amaakpa, ndiin idaagha ada aduk unwe. Akebaa nte anyii asiu, ndiin idaagha ada mmekịd anyii! Ndiin emmo etọọn̄ọ usọrọ.
25Me inii anịm aketịppeke, akpe-ekie esiu akeaba me inwan̄ ane utum. Mbubịg ada, nte anyii asan̄a anyọn̄ akpre ufaag, anyii amaakuk uyiu mme anwe nte ebre n̄kpo mme unak. 26Me inii anyii adisịm, akpe-ayiu amaabọọn̄ kian̄ mee atuk ndito-ufaag ano abub se aketịppe. 27Ndiin ayiu-ufaag amaabọọrọ anyii atoo, Udo-uka ama anyọn̄ adii ufaag. Uso amaawuu nyiu enan̄ se anyi isek adidaara sia anyii anyọn̄ adii ufaag mee unwe.
28Ndiin akpe-ekie esiu ama anakka ayad esịd akediyịmke adidọg n̄ka ufaag. Ndiin, etii-esiu awuo adii asọn̄ ano akpeiye anyii adọg adii. 29Ade anyii amaabọọrọ etii esiu me iyadesịd, Kpan̄-utọn̄! Afịd mme isua anịm mmaane n̄kpo nte ifịn̄ uno fii. Akenenee nsọn̄ke ibughu me ewuoghọ afe ntekian̄. Ade, akenenee afe unoo mii kpa etuk ebuu kian̄ mbaag nne idaara me mme nsan̄ amii. 30Ade ayiu afe me ake ataghade afịd akọg afe mme mbaaba use, anyọn̄ adii ufaag idaagha ada, nse-e ane afe adaara adinyọn̄ ndii esiu me adiwu nyiu enan̄ me anyi isek ino anyii?
31‘Ndiin etii-esiu adogho atoo, adimeeg ayiu amii, afe aba mo me amii afịd inii, ndiin afịd inyi amii ade afe anyi. 32Ade idaagha ada, anen ayịd adidaara ino inịk-esịd, siade akebaa nte ayiu-uka amaakpa, ndiin idaagha ada aduk unwe. Akebaa nte anyii amaasiu, ndiin idaagha ada, Amii mmekịd anyii!.’ ”
ទើបបានជ្រើសរើសហើយ៖
Duk 15: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 15
15
NKII MEE ABAN̄A EDỌN̄ MEE AKESIU
(Mat 18:10-14)
1Ndiin adiwaag mme abughọ taxsi mme mbun ufịn, me mme anwe ekekịdde nte mme ane idiogn̄kpo emaebunno ekan Yisọs ekọg adikpan̄-utọn̄ ino anyii. 2Ade mme Farisi mme me akpiab ibed emaetọn̄n̄ọ adikunọ mban̄a Yisọs me adidogho idii emmo etoo, “Anwe anịm adaara mme me ane idiogn̄kpo, ano adia ndidia mme emmo me ufaag emmo.”
3Ndiin Yisọs atan̄ mbọg anịm ano emmo atoo, 4“Akpede afe anyi edọn̄ ikii, ndiin kian̄ asiu, afe ase akune dighe? Afe aya akpọn̄ anian̄ mme efuk mme inian̄ me itighe uta mbiu me itighe nte mme anwe ntekian̄ akedidọn̄n̄ọ adika nkeyịm kian̄ ada me asiuu tutuk anyii akịd anyii.” 5Ndiin me inii anyii akịd edọn̄ kian̄ ada, anyii adaara ano anịk esịd adibii anyii iduk me afrag esiu. 6Ndiin anyii anyọn̄ adii ufaag esiu. Akema, anyii abọọn̄ mme nsan̄ mme mboogidọn̄ esiu ato, Idii ufaag amii ididaara me amii, siade mmekịd edọn̄ amii mee akesiuu!. 7Yisọs atoo, Me ukem ido ada, Abasi me mme enyel esiu me Efịn eya edaara akpughu-akpughu me ntaag ane idiog kian̄ me akana abịne Abasi akieg nti anwe anian̄ mme efuk mme inian̄ me adinyii ntaag ukappa esịd.
MBỌG AKỌG MME AKE ASIU
8Yisọs atan̄ mbọg ufịn. Anyii atoo, “Akpede anwa-anwaa anyi akọg Sidifa dughu#15:8 Akọg Sidifa dughu ade drachmas dughu me akebaa nte denaruis. Anyii akeduk akọg ukpii utum usiu kian̄ ano nkan̄a anwe utum., ndiin aduog kian̄. Nte anyii imidimike utini-ikan̄, afiọn̄ ufaag, ano ayịm me ufaag mme ntịn-anyii akọg Sidifa esiu tutuk anyii akịd?. 9Anyii amaakekịd, anyii abọọn̄ mme nsan̄ mme mboogidọn̄ yaag edi ufaag imo, ndiin adogho emmo ato, Idii ididaara mme amii, siade mmekịd akọg amii me akesiuu!. 10Yisọs adogho atoo, Me ukem ido ada, Abasi me mme enyel eya edaara akpughu-akpughu me ntaag ane idiog kian̄ me akappake abịne Abasi.”
MBỌG AYIU MME AKESIU
11Ndiin Yisọs atan̄ mbọg ufịn. Anyii adogho atoo, “Anwe akenyi ndito aninie-anwe iba. 12Etuk ayiu aninie-anwe adogho etii-esiu atoo, Mboog nno mii idaagha-ada ame amii udiama inyi mbemisiu afe akpa. Etii-esiu ayịmme adine anịm ano adiama inyi esiu me ufọd ndito esiu aninie-anwe iba.
13Akema usiu ifan̄, etuk ayiu aninie-anwe anịm ama n̄kpo-ufaag esiu, ndiin akpọn̄ ufaag aka ayan idud mee akọg se akenyi. Dee, anyii ama ataghade afịd akọg esiu me adiduk n̄kpun-unwe mme unwe use. 14Ndiin anyii amaake ataghade afịd akọg esiu ama, akpọsọn̄ọ akan̄ amaaba me idud ada, ndiin etuk inii, anyii ama-akappa ade ubuene mme anwe akan̄. 15Ndiin, anyii amaaka akenee utum ano ato-inwan̄ me idọn̄ ada. Anwe ada amaadọn̄ anyii akekiin n̄kpo aban̄a mme edịk#15:15 Ibed mme Yuu akedogho ato ke edịk eden̄e ndiniaag una. Me ibed anịm, mme Yuu ikin̄aa nte eta una edịk. Ndiin, mbun Yuu ekekiin edịk mme anwe me akpimi edịk me n̄kpo ndịk me inwan̄. 16Ayiu ada amaakuk akan̄ ntịm ane anyii akeyịm adidia se mme edịk edia, ade anwe ntekian̄ ikinoo anyii n̄kpo ntekian̄ yaag adia
17Me inii anyii akịdde nan̄a imo ikisimi, Anyii amaadogho idii esiu atoo, Afịd mbun se ene utum eno etii amii enyi adiwaag se edia, ade me ade mo, akan̄ asọg adọn̄ mii!. 18Amii nya atịmme mbịne etii amii inii kian̄. Me inii nkịdde anyii, nyadogho anyii ntoo, Etii, Amii mmene idiogn̄kpo ndian Abasi nno nne fii ukwan̄. 19Me ntre, mboog kubọọn̄ mii ayiu afe aba. Amii ndukke ukpuno ada. Ade yaag mii nde kian̄ me atuk mbun utum afe me akpii akọg. 20Ndiin anyii amatọọn̄ọ isan̄ unyọn̄ mbịne etii. Ade nte anyii ada me n̄san-n̄san akpọn̄ ufaag, etii-esiu amaakịd nte anyii adii, ndiin esịd ayogho mme mbọm ano anyii. Anyii ama afin̄ghe awuo abịne anyii, ndiin afee anyii ano adaara anyii asịn me ufaag.
21Ayiu aninie-anwe ada amaadogho etii atoo, Etii amii, mmene idiogn̄kpo ndian Abasi nno nne fii ukwan̄. Ntre, amii ndukke afe adibọọn̄ mii ayiu afe.
22Ade etii esiu adogho mbun utum esiu, ndiin ano emmo uyiu atoo, Sọp-idii. Bii ataa nyie-n̄kieg afọn̄ me ufaag idisịne anyii. Sịn̄e anyii mkpannun me nnun-ubaag esiu mme nyie ikpeeg-ukuk yaag asịn̄e me ukuk. 23Ndiin ika ikibii nyiu enan̄ se anyi isek, iwu anyii, ino itii. Yaag ayịd ine usọrọ adidaara adinyọn̄ ndii ayiu amii anịm!. 24Akebaa nte ayiu amii amaakpa, ndiin idaagha ada aduk unwe. Akebaa nte anyii asiu, ndiin idaagha ada mmekịd anyii! Ndiin emmo etọọn̄ọ usọrọ.
25Me inii anịm aketịppeke, akpe-ekie esiu akeaba me inwan̄ ane utum. Mbubịg ada, nte anyii asan̄a anyọn̄ akpre ufaag, anyii amaakuk uyiu mme anwe nte ebre n̄kpo mme unak. 26Me inii anyii adisịm, akpe-ayiu amaabọọn̄ kian̄ mee atuk ndito-ufaag ano abub se aketịppe. 27Ndiin ayiu-ufaag amaabọọrọ anyii atoo, Udo-uka ama anyọn̄ adii ufaag. Uso amaawuu nyiu enan̄ se anyi isek adidaara sia anyii anyọn̄ adii ufaag mee unwe.
28Ndiin akpe-ekie esiu ama anakka ayad esịd akediyịmke adidọg n̄ka ufaag. Ndiin, etii-esiu awuo adii asọn̄ ano akpeiye anyii adọg adii. 29Ade anyii amaabọọrọ etii esiu me iyadesịd, Kpan̄-utọn̄! Afịd mme isua anịm mmaane n̄kpo nte ifịn̄ uno fii. Akenenee nsọn̄ke ibughu me ewuoghọ afe ntekian̄. Ade, akenenee afe unoo mii kpa etuk ebuu kian̄ mbaag nne idaara me mme nsan̄ amii. 30Ade ayiu afe me ake ataghade afịd akọg afe mme mbaaba use, anyọn̄ adii ufaag idaagha ada, nse-e ane afe adaara adinyọn̄ ndii esiu me adiwu nyiu enan̄ me anyi isek ino anyii?
31‘Ndiin etii-esiu adogho atoo, adimeeg ayiu amii, afe aba mo me amii afịd inii, ndiin afịd inyi amii ade afe anyi. 32Ade idaagha ada, anen ayịd adidaara ino inịk-esịd, siade akebaa nte ayiu-uka amaakpa, ndiin idaagha ada aduk unwe. Akebaa nte anyii amaasiu, ndiin idaagha ada, Amii mmekịd anyii!.’ ”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.