Duk 14
14
YISỌS AKOOG UDUN̄O ME USIU SABAD
1Me usiu Sabad kian̄, akpughu anwe Farisi kian̄ ama-abọọn Yisọs ndia me ufaag esiu mme mbun̄ Farisi me mme akpiab ibed Mosis ufịn. Ade emmo ema etin̄-anyi ekiin me anyii aya ane n̄kpo ntekian̄ adughu. 2Anwe kian̄ amaaba de me ukuk mme ubaag esiu akeyogho Anyii ake adun̄o udun̄o nyiog. 3Yisọs ama-abub mme Farisi me mme akpiab ibed Mosis atoo, nte ibed Mosis ayaag anwe adikoog anwe udun̄o me usiu Sabad, mme iyaagke? 4Ade emmo emaesin adibọọrọ Yisọs. Ndiin me ntre, Yisọs ama-atiog anwe udun̄o ada, akoog anyii ndiin atoo anyii nyọn̄.
5Yisọs ato emmo, “Anie me atuk ayịn̄ akpe-anyi ayiu, mee enan̄, mee ake adugho adọg abubịk me usiu Sabad. Nte anyii akpatre adisọp nsikke anyii me usiu Sabad”? 6Ndiin emmo ikikọddọ ibọọrọ anyii se anyii ake-abub emmo.
SIỌGHỌ IDII NO FOO EDUK
7Me inii Yisos ama-akekid ato ke mbun ufịn mee anwe Farisi akebọọn̄ọ ndidia eke enwana aditighe me nkpan itighe me akpokoro. Ndiin Yisọs adogho emmo mbọg atoo, 8“Anwe akpe-abọọn̄ fii usọrọ ndo ku-ukumag uno idii afe mme itighe se ekenịm eno mbun ukpuno. Siade anwe se anyi usọrọ n̄ko abọọn̄ mme anwe me anyi ukpunu akieg yinne.” 9Adieke anwe me awuo-isiu akieg yinne adisim, anyi usọrọ amee akebọọn̄ọ ayin mmiba aya adii abịne fii ano adidogho ato, “Mboog ana afe kpọn̄ itighe afe ano anwe anịm.” Ndiin afe aya adika ataa usoghode itighe. Anịm aya ane abud anakka amam fii. 10Utuk me ada, anwe akpe-abọọn̄ fii usọrọ, tighe me ataa usughode itighe. Ndiin me inii anyi usọrọ akid fii, anyii aya adii ano adogho fii atoo, “Nsan amii, dii ditighe me itighe ataa akpan itighe.” “Ndiin afịd isio-anwe eya-ekịd nan̄a anyi usoro akpuno fii.” 11“Ana nte afe aba ntre, sia anwe akedede enwanake adikpuno idii-esiu, Abasi aya asiogho anyii, ade anwe akedede me asiọghọke idii- esiu Abasi aya akpuno anyii.”
12Ndiin Yisọs adogho anwe me ake-abọọn̄ọ anyii usọrọ atoo: “Me inii abọọn̄ọ anwe usoro mee anoo mme anwe ndia, ku ubọọn̄ mme nsan̄ afe, mme ubun, mme iman, mee mme mboogidọn̄ afe, mme-edee mme imo anwe. Ukpuune, emmo n̄ko eyaeno ebọọn̄ fii usọrọ emmo, ndiin emmo eya ekpii fii usieni. 13Ade utuk me ada, inii ntekian me afe anyi ndia, bọọn mme ubuene, mbun mme edee inyion, mme mbuno, mme mbun me edee nnan. 14Uma une ada, Ndiin Abasi aya adiọn̄ fii, sia mme anwe se afe akebọọn̄ imiikọddọ ino fii usieni; ade Abasi aya-ano fii usiene me inii anyii akiine mme ndinen me ekpana etọn̄n̄ọ ntaag eduk unwe.”
NKII AKPUGHU USỌRỌ
(Mat 22:1-14)
15Me adikuk anịm, kian̄ me atuk mbun se ekedia n̄kpo mme Yisọs edogho etoo, mme anwe se ikidia n̄kpo me usọrọ ukrag Abasi eya enakka efoo isiu eti-eti.
16Ndiin Yisọs adogho anyii mboog anịm, “Amaaba anwe kian̄ mee ake-anee akpughu usọrọ ndiin anyii amaabọọn̄ adiwaag anwe ato edi. 17Me inii emaeke-ben̄e afịd n̄kpo ama, anyii amaadọn̄ ayiu-ufaag esiu ato asan̄a abọọn afịd mbun se eke edogho usọrọ anịm atoo, idii, ke ene afịd ndutịm ema.
18Ade ataa afịd emmo emaetọn̄n̄ọ adino anyii nsii nsii ntaag se ade no mmimo idimiikọddọ idii. Akpa anwe ato anyii, Nkedịk ufaa ikoog, ndiin nyim adika nke kiin nan̄a aba.
19Ndiin ayoog anwe iba atoo anyii, Mmedịk enan̄ utoo inwan̄ dughu, ndiin nyịm adikikiin nte emmo ekinee utum. Mboog kuyad-esịd, kuk mkpii-ubaag amii.
20Me ukem ada, anwe ufịn atoo, nsuk ndo nyuufaa anwa-anwaa idagha ada ikpeneke, ayaasọn̄ amii adiwuo mkpọn̄. Kuk mkpii ubaag amii kuuyad esịd.
21Ayiu-ufaag ama-anyọn̄ aditan̄ ano etii ufaag esiu afịd se ikitịppe anịm me ntre etii-ufaag amaakuk iyadesịd mme emmo, ato, ayiu-ufaag, sosọp idii kaa kedọg efaag mme inuk isọn̄ idọn̄ anịm, bọọn̄ mme ubuene, mbun n̄kpo-nne, mme mbun̄ọ me mme nnan ibii edii usọrọ.
22Ayiu-ufaag ama-akene uyu etii ufaag anyọn̄ adii, anyii atoo, amii mmene nte afe ake-ndọn̄ọ mii. Ade adiwaag itighe asuk ababa ano mbun ufịn̄.
23Etii-ufaag amaadogho anyii atoo, Wuo kpọn idọn̄, ade kaa mme akpọdighe, mme afịd mbenikoog kịd ato afịd anwe edii tutuk ufaag ayoog. 24Ntịm ke amii idogho yinne ntoo, baaba anwe ntekian̄ me ekebọọn̄ọ akpa no esịn miikidia usọrọ anịm aba. ”
ADIDE MBED
(Mat 10:34-39)
25Usiu kian̄, mme udịm anwe ekesọg esan̄a mme Yisọs eka idọn̄ Yerusedem . Anyii amaakana isiu akiin emmo, ndiin adogho emmo atoo, 26“Adieke ayịmme adide mbed amii, ana afe amee mii akieg nte amee etii-afe mme ekie afe, anwaa afe, ndito mme ndito-uka aninie-anwe mme mbaaba, Ih kpa mme idii unwe afe n̄ko inaa nte afe meeg nkieg mii. Mmiidee ntre, afe umukoddo ude mbed amii. 27Ana anwe ada abii krọs#14:27 Me inii Yisọs, anwe me ekekpii ikpi adikọn̄ me krọs, emaene yaag anyii abiu Krọs me nkie ubaag. Anyii amaabii aka itighe se ikikọn̄ anyii. me afrag esiu, mee awuo, ana anyii aben̄e idii adibugho ufeen me ewuu mme ntaag anyii adikọn̄ọ mii. Adieke anwe ada adiyimme adine ada, anyii imiikoddo ide mbed amii.
28Akpede, anwe ayịm adibuu ufaag anyọn̄. Akpa, anyii aya asiog atighe diin me isọn, ndiin ane ibad adidiọn̄ọ se akikpa. Ndiin anyii aya akiin mme anyii anyi akọg se akem adibii mbuu ufaag ada mma. 29Mbaag adidee me anyii ama akesin itiad idagisọn̄ ama, ndiin ikọddọ adibuu-mma. Me ntre, afịd anwe se ekịd eyaeno anyii inua, 30Etoo, Anwe anịm ikoddo ibuu ufaag anyọn̄ me aketọn̄n̄ọke.
31Nko, adieke adidem ayịm adiki inwana adidem ufịn, me akpa-ifed, anyii aya atuaagha atighe ano aduag. Anyii aya abiiri mee anyii mme mbun ekọn̄ esiu tosịn dughu eyaekimme adikieg adidem ufin me anyii mbun ekọn̄ tosịn edịb. 32Adieke adidem adiọn̄n̄ọ ato akide ataa akpọsọn̄ọ n̄kpo anyii adikieg me ekọn̄ ada, ndiin anyii aya adọn̄ mme isọn̄-utu ano adidem mme adee asua esiu, me inii adidem ada mme mbun ekọn̄ esiu esog ebaa me ayan adighe adikibub itoo, Nse ana ayịd ine, mbaag ayịd idiwana. 33Ukem ada ke ade mee ayịn̄. Anwe ayịn̄ nkian̄-nkian ana abiiri me anyii aben̄e-idi adide mbed amii, sia ayịn̄ ikimike adide mbed amii ibughoke anyii asana ataa afịd-afịd n̄kpo se anyi ayaag.
ANA MME MBED YISOS EBA NTE INỌN̄
(Mat 5:13; Mak 9:50)
34Kpa nte ayịn̄ idiọn̄n̄ọke ito ke inọn̄ anyi ufoo, ade inọn̄ adinyii inịk aba, ese-ekine dighe no anyi atọn̄n̄ọ ntaag anyi inịk. 35Uto inọn̄ ada ibake ufoo nte ndidia isọn̄, ndiin mme anwe etuk anyii eduog.
Ayịn mbun ada mee ikpan̄-utọn̄, yaag ake anyii utọn̄, ikre iban̄a se ayin ikuk anịm.”
ទើបបានជ្រើសរើសហើយ៖
Duk 14: ETB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 14
14
YISỌS AKOOG UDUN̄O ME USIU SABAD
1Me usiu Sabad kian̄, akpughu anwe Farisi kian̄ ama-abọọn Yisọs ndia me ufaag esiu mme mbun̄ Farisi me mme akpiab ibed Mosis ufịn. Ade emmo ema etin̄-anyi ekiin me anyii aya ane n̄kpo ntekian̄ adughu. 2Anwe kian̄ amaaba de me ukuk mme ubaag esiu akeyogho Anyii ake adun̄o udun̄o nyiog. 3Yisọs ama-abub mme Farisi me mme akpiab ibed Mosis atoo, nte ibed Mosis ayaag anwe adikoog anwe udun̄o me usiu Sabad, mme iyaagke? 4Ade emmo emaesin adibọọrọ Yisọs. Ndiin me ntre, Yisọs ama-atiog anwe udun̄o ada, akoog anyii ndiin atoo anyii nyọn̄.
5Yisọs ato emmo, “Anie me atuk ayịn̄ akpe-anyi ayiu, mee enan̄, mee ake adugho adọg abubịk me usiu Sabad. Nte anyii akpatre adisọp nsikke anyii me usiu Sabad”? 6Ndiin emmo ikikọddọ ibọọrọ anyii se anyii ake-abub emmo.
SIỌGHỌ IDII NO FOO EDUK
7Me inii Yisos ama-akekid ato ke mbun ufịn mee anwe Farisi akebọọn̄ọ ndidia eke enwana aditighe me nkpan itighe me akpokoro. Ndiin Yisọs adogho emmo mbọg atoo, 8“Anwe akpe-abọọn̄ fii usọrọ ndo ku-ukumag uno idii afe mme itighe se ekenịm eno mbun ukpuno. Siade anwe se anyi usọrọ n̄ko abọọn̄ mme anwe me anyi ukpunu akieg yinne.” 9Adieke anwe me awuo-isiu akieg yinne adisim, anyi usọrọ amee akebọọn̄ọ ayin mmiba aya adii abịne fii ano adidogho ato, “Mboog ana afe kpọn̄ itighe afe ano anwe anịm.” Ndiin afe aya adika ataa usoghode itighe. Anịm aya ane abud anakka amam fii. 10Utuk me ada, anwe akpe-abọọn̄ fii usọrọ, tighe me ataa usughode itighe. Ndiin me inii anyi usọrọ akid fii, anyii aya adii ano adogho fii atoo, “Nsan amii, dii ditighe me itighe ataa akpan itighe.” “Ndiin afịd isio-anwe eya-ekịd nan̄a anyi usoro akpuno fii.” 11“Ana nte afe aba ntre, sia anwe akedede enwanake adikpuno idii-esiu, Abasi aya asiogho anyii, ade anwe akedede me asiọghọke idii- esiu Abasi aya akpuno anyii.”
12Ndiin Yisọs adogho anwe me ake-abọọn̄ọ anyii usọrọ atoo: “Me inii abọọn̄ọ anwe usoro mee anoo mme anwe ndia, ku ubọọn̄ mme nsan̄ afe, mme ubun, mme iman, mee mme mboogidọn̄ afe, mme-edee mme imo anwe. Ukpuune, emmo n̄ko eyaeno ebọọn̄ fii usọrọ emmo, ndiin emmo eya ekpii fii usieni. 13Ade utuk me ada, inii ntekian me afe anyi ndia, bọọn mme ubuene, mbun mme edee inyion, mme mbuno, mme mbun me edee nnan. 14Uma une ada, Ndiin Abasi aya adiọn̄ fii, sia mme anwe se afe akebọọn̄ imiikọddọ ino fii usieni; ade Abasi aya-ano fii usiene me inii anyii akiine mme ndinen me ekpana etọn̄n̄ọ ntaag eduk unwe.”
NKII AKPUGHU USỌRỌ
(Mat 22:1-14)
15Me adikuk anịm, kian̄ me atuk mbun se ekedia n̄kpo mme Yisọs edogho etoo, mme anwe se ikidia n̄kpo me usọrọ ukrag Abasi eya enakka efoo isiu eti-eti.
16Ndiin Yisọs adogho anyii mboog anịm, “Amaaba anwe kian̄ mee ake-anee akpughu usọrọ ndiin anyii amaabọọn̄ adiwaag anwe ato edi. 17Me inii emaeke-ben̄e afịd n̄kpo ama, anyii amaadọn̄ ayiu-ufaag esiu ato asan̄a abọọn afịd mbun se eke edogho usọrọ anịm atoo, idii, ke ene afịd ndutịm ema.
18Ade ataa afịd emmo emaetọn̄n̄ọ adino anyii nsii nsii ntaag se ade no mmimo idimiikọddọ idii. Akpa anwe ato anyii, Nkedịk ufaa ikoog, ndiin nyim adika nke kiin nan̄a aba.
19Ndiin ayoog anwe iba atoo anyii, Mmedịk enan̄ utoo inwan̄ dughu, ndiin nyịm adikikiin nte emmo ekinee utum. Mboog kuyad-esịd, kuk mkpii-ubaag amii.
20Me ukem ada, anwe ufịn atoo, nsuk ndo nyuufaa anwa-anwaa idagha ada ikpeneke, ayaasọn̄ amii adiwuo mkpọn̄. Kuk mkpii ubaag amii kuuyad esịd.
21Ayiu-ufaag ama-anyọn̄ aditan̄ ano etii ufaag esiu afịd se ikitịppe anịm me ntre etii-ufaag amaakuk iyadesịd mme emmo, ato, ayiu-ufaag, sosọp idii kaa kedọg efaag mme inuk isọn̄ idọn̄ anịm, bọọn̄ mme ubuene, mbun n̄kpo-nne, mme mbun̄ọ me mme nnan ibii edii usọrọ.
22Ayiu-ufaag ama-akene uyu etii ufaag anyọn̄ adii, anyii atoo, amii mmene nte afe ake-ndọn̄ọ mii. Ade adiwaag itighe asuk ababa ano mbun ufịn̄.
23Etii-ufaag amaadogho anyii atoo, Wuo kpọn idọn̄, ade kaa mme akpọdighe, mme afịd mbenikoog kịd ato afịd anwe edii tutuk ufaag ayoog. 24Ntịm ke amii idogho yinne ntoo, baaba anwe ntekian̄ me ekebọọn̄ọ akpa no esịn miikidia usọrọ anịm aba. ”
ADIDE MBED
(Mat 10:34-39)
25Usiu kian̄, mme udịm anwe ekesọg esan̄a mme Yisọs eka idọn̄ Yerusedem . Anyii amaakana isiu akiin emmo, ndiin adogho emmo atoo, 26“Adieke ayịmme adide mbed amii, ana afe amee mii akieg nte amee etii-afe mme ekie afe, anwaa afe, ndito mme ndito-uka aninie-anwe mme mbaaba, Ih kpa mme idii unwe afe n̄ko inaa nte afe meeg nkieg mii. Mmiidee ntre, afe umukoddo ude mbed amii. 27Ana anwe ada abii krọs#14:27 Me inii Yisọs, anwe me ekekpii ikpi adikọn̄ me krọs, emaene yaag anyii abiu Krọs me nkie ubaag. Anyii amaabii aka itighe se ikikọn̄ anyii. me afrag esiu, mee awuo, ana anyii aben̄e idii adibugho ufeen me ewuu mme ntaag anyii adikọn̄ọ mii. Adieke anwe ada adiyimme adine ada, anyii imiikoddo ide mbed amii.
28Akpede, anwe ayịm adibuu ufaag anyọn̄. Akpa, anyii aya asiog atighe diin me isọn, ndiin ane ibad adidiọn̄ọ se akikpa. Ndiin anyii aya akiin mme anyii anyi akọg se akem adibii mbuu ufaag ada mma. 29Mbaag adidee me anyii ama akesin itiad idagisọn̄ ama, ndiin ikọddọ adibuu-mma. Me ntre, afịd anwe se ekịd eyaeno anyii inua, 30Etoo, Anwe anịm ikoddo ibuu ufaag anyọn̄ me aketọn̄n̄ọke.
31Nko, adieke adidem ayịm adiki inwana adidem ufịn, me akpa-ifed, anyii aya atuaagha atighe ano aduag. Anyii aya abiiri mee anyii mme mbun ekọn̄ esiu tosịn dughu eyaekimme adikieg adidem ufin me anyii mbun ekọn̄ tosịn edịb. 32Adieke adidem adiọn̄n̄ọ ato akide ataa akpọsọn̄ọ n̄kpo anyii adikieg me ekọn̄ ada, ndiin anyii aya adọn̄ mme isọn̄-utu ano adidem mme adee asua esiu, me inii adidem ada mme mbun ekọn̄ esiu esog ebaa me ayan adighe adikibub itoo, Nse ana ayịd ine, mbaag ayịd idiwana. 33Ukem ada ke ade mee ayịn̄. Anwe ayịn̄ nkian̄-nkian ana abiiri me anyii aben̄e-idi adide mbed amii, sia ayịn̄ ikimike adide mbed amii ibughoke anyii asana ataa afịd-afịd n̄kpo se anyi ayaag.
ANA MME MBED YISOS EBA NTE INỌN̄
(Mat 5:13; Mak 9:50)
34Kpa nte ayịn̄ idiọn̄n̄ọke ito ke inọn̄ anyi ufoo, ade inọn̄ adinyii inịk aba, ese-ekine dighe no anyi atọn̄n̄ọ ntaag anyi inịk. 35Uto inọn̄ ada ibake ufoo nte ndidia isọn̄, ndiin mme anwe etuk anyii eduog.
Ayịn mbun ada mee ikpan̄-utọn̄, yaag ake anyii utọn̄, ikre iban̄a se ayin ikuk anịm.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.