Mark 7
7
Kerongnal tei borogni ikim
(Mothi 15:1-20)
1Ephugw Jirusalemni phainai kainwi kaitham Phorisirok bai kerongnal phwrangsa rok Jisuni dayw kuthumlaikha. 2Bok nungkha, Jisuni sagrirokni bisingni kainwi kaitham yak suyagwi#7:2 yak suyagwi baithak yak sunai ongkhadwi Phorisirokni kathar ongnaini kwrwngsa ikim. Bokni bagwi yak suyagwi chani achuknai ongkhadwi unthani kwrwngsa sidom. untha ongwi chani achuklaikha. 3Phorisirok bai Jihudi dophani borogrok ago agoni jimin okara hodaipirirokni rwnai je sudam ongwi phaidok, o ikimni maping yak suya karwi chalaiya. 4Hatini phaywi bok yak suya bader mungsabw chalaiya, arw bok kabangma ikimroknw paleyw, obw ongkha baswn, bati, nwngkhap tei twk lok masuo.
5Jerw Phorisirok bai kerongnal phwrangsa rok Jisunw swnglaikha, "Hodaipirirokni rwnai sudam jebw ongwi phaidok nini sagrirok tamani obonw paleya? Bok tamani baithak khalaywi yak suya karwi chamung cha?
6Jisu boknw saba, "Nokhlai phatra! nokhni kothoyw diyari Jisaiyo daijw kokmuai sajak. Bw ai hinwi suywi kalangjak:
I borogrok keber bukhokbai Anw borom rwgw,
matwr bokni bakha Ani daini kachalw tongw.
7Bok Anw alangkase lobw,
Twmwi himba bok keber borogni banainai sudamnwse kerongnal hinwi phwrwngw."
8Nokhlai Kaitor rwnai tholmwngroknw yakarwi rwgwi borog rwnai ikimnwse paleyw."
9Jisu boknw arwbw sakha, "Kaitorni tholmaroknw yakarwi sak banainai ikimnw palainai lamnwlai nokh gam khlaywi siyw. 10Twmwi hinba Kaitor sajak, "Ma phanw borom rwdi' arw 'Je borogrok bokni kok lambai ma phanw seja khalayw, boknw buthalwi mapairwnai.' 11-12Matwr Nokh sagwi tongw, Kaisaswk jwtini bini ma eba phanw hinw, 'Ang jeba rwgwi nokhnw chubaman, obwnw Kaitorni dayw rwgwi rwjak.'#7:11-12 "Corban" Jisu Ibriyo kok bai Corban yakwl khalaijak, jebwni sema ongkha Kaitornw heli rwnai. Imwtwjar borogroknw nokh bokni ma phanw chubani rwya. 13Ai khlaywi nokh nokhni ikimnw phwrwngwi Kaitorni koknw khakdok, tei omoni baderbw imwtwijar kodur chaya samung tangdok."
14Omwni jerw Jisu arwbw borogroknw Bini dayw ringkhogwi sakha, "Nokh jothobw Ani koknw khanadi tei bijidi. 15-16Phatarni jebw borogni bisingw thang obw borognw untha khalaiya, matwr borogni bisingni jebw phatarw akhogwi phai obose borognw untha khalaiyw."
17Omwni jerw Jisu jephugw borogroknw yakarwi nogw hapkha, ephugw sagrirok Bwnw o naisrwngni sema swngkha. 18Jisu boknw hinkha, "Nokh tama iswkdwi buju kwrwi? Nokh tama bijiya, phatarni jebw borogni bisingw hab obw borognw untha khalaimanya? 19Twmwi hinba obw borogni bakha bisingw habya, owk bisingwse habw, jerw omo basak bisingni akhogwi thangw." I koknw samani bisingtwi Jisu borogroknw sagwi rwkha je, jotho chamungnw chamanw.
20Jisu arw sakha. "Borogni bisingni jebw akho obwse borognw untha khalayw. 21-22Tamni himba borogni bisingni eba bakha bisingnise chaya oansokma, lalaiya bader tonglainai, sikok khalainai, buthalnai, sinal, lopha, arw kaisani chaya khalaini muchunai, phemlokma, kikhiri, khamre, seja, borai tei butua akhogwi phayw. 23I jotho chayarok borogni bisingnise aghogwi phayw tei borognw untha khalayw.
Bejihudi birokmani paitokma
24Jisu orwni akhogwi Sor auli thangkha. Bw nainiya Bw orw tongw hinwi kaisaswk sithwk. Bw nok khungsao habkha, hekphung bw huijagwi tongmaliya. 25Odayw bwrwima kaisa tongw, jeni baschwk chaya phalabai rumjajak, Bw Jisuni kothoyw khanagwi phaywi Bini yathwyw kalai phaikha. 26O bwrwima ongkhadwi Bejihudi arw Surphoinikiao achayw. Bw Jisunw basajwkni bisingni chaya phala kariywi hodi hinwi kabokni nangkha.
27Jisu bwnw sakha, "Sakang basarok wplwngsa chathwk, twmwi himba basarokni chamungnw swirokni sakangw khibimani gamya.
28O bwrwima sakha, "Subrai, nwng daijw kokse sakha, matwr hekphwng basarokni majwkni kalainai chamungnw swise chagw?"
29Jisu bwnw saba, "Nwng gam kok sakha, tabuk nokgw thangwi naidi, chaya phala naschwkni bisingni akhogwi thangjak."
30O bwrwima aiphugw nugw thangwi nungkha, bini basajwknw thuyamw rokojak tei bini bisingni chaya phala akhogwi thangjak.
Nathong bai khona borogsa gam ongkha
31Jerw Jisu Sor jila yakarwi Sidon aulini bisingtwi khalaywi Galil twithuni koreni Dikapoli jilani kamirokgw thangkha. 32Odayo kainwi kaitham borog nathong tei khona borog kaisanw Jisuni dayw twbwka, arw Jisu o borogsani sakao yak tonnaitwi kabokni nangkha.
33Jisu o borogsanw borog beser bisingni pang kaisao tilangwi, bini khunjur bisingw Bini sakni yesi tonkha. Jerw khuktwi khibiywi o borogsani salai rumkha. 34Omo paikhlai Jisu nokha aita naisagwi hangala kalok hogwi o borognw hinkha, "Ephata," omoni gatha ongkha "Phiyok Jakdi."
35Loge loge o borogsani khunjur phiyokjakha, bini salaibw hamkha arw bw kokbw gam khalaywi samankha. 36Jisu o kothoyw kaisanwbw tasadi hinwi borogroknw mathakkha. Matwr Bw jeswk boknw mathak iswkse bok arw o kothoy lagwi salaini nangkha. 37Jebwrok khanaka bok amok chalaikha tei sakha, "Bw bwswk machang khalaywi samung tang! Bw nathong roknw khana rwgw, kok maya roknw kok manrwgw.
ទើបបានជ្រើសរើសហើយ៖
Mark 7: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh