Mark 3
3
Lengkhonai salw Jisu yak sorainw hamrwkha
(Mothi 12:9-14; Luk 6:6-11)
1Jerw Jisu arwbw thumnogw thangkha, odayw kaisa borog tongw, bini yak kongsa sorai ongjak. 2Kainwi kaitham borog Jisunw khatta rwni bagwi Jisuni chayaroknw rutubwi tonglaijak, Jisu lengkhonai salw o borogsanw hamdwi hamrwnw omwnw naini bagwi o borogrok betha khalaywi naichwmwi tonglaikha. 3Aiphuo Jisu o yak sorai borogsanw sakha, "Jothoni sakangw bacha phaidi."
4Jerw Jisu boknw swngkha, "Ikimni maping lengkhonai salw ta khalaiman? Gam khalaimani na chaya khalaimani?" Langmanw rwkkhiya khalaimani na buthalwi phairwmani. Matwr bok mwngsabw saliya."
5Aiphuo Jisu thamchi mokolbai bokni aita naikhokha tei bokni rakhwn kha nungwi Bw duguchak ongkha tei o borogsanw sakha, "Nini yak hokodi." Jerw o borogsa yak yapha khalai o borogsani yak gam ongwi phaikha. 6Jerw Phorisirok phatarw thangwi Herodiyo rokbai salaini nangkha, tama khalaiywi bok Jisunw buthalwi pairwmannw.
Subrai Jisuni ukhum ukhum thangnairok
7Jerw Jisu Bini sagrirokbai baksa twithu kandao thangkha. Odayo Galil amchoini kodur borogrokbw bini ukhum ukhum thanglaikha. 8Jisu je samung roknw tangjak obwroknw khanagwi Jihudiya, Jirusalem, Idom, Jordon twibukni uijang narni tei Sor arw Sidon aulini korekarani kabangma borogrok bini orw phailaikha. 9Borog cherepni bisingw kaisabw bwbai phaiywi takjaphaiyatwi, aithani Jisu bini sagriroknw Bini bagwi rung khungsa jugalwi tongdi hinwi sakha. 10Bw kabangma borognw hamrwjak hinwi jotho hayarok Bwnw rumni bagwi sunglaywi tonglaikha.
11Chaya phalarok jephuo Bwnw nung aiphuo Bini sakangw hagw khalayw tei chirigwi sagw, "Nwngse Kaitorni Sajla." 12Matwr Bw boknw mathagwi sagw, bok Bini sinimwngnw kaisanwbw sayatwi.
Kai chinwi sagrinw pirisai banaikha
(Mothi 10:1-4; Luk 6:12-16)
13Jerw Jisu hapong sakagw kakha tei Bini muchumungni maping borognw Bini dayw ringkhokha, arw o borogrok Bini dayw phaikha. 14Bw kai chinwi borognw saywi lakha tei bokni bwmwng rwkha pirisai. Jisu boknw saywi lakha jate bok Bwbai baksa tongmanaitwi tei boknw Kaitorni kothoma pirni homanaitwi. 15Arw bok chaya phala kariywi honi bagurai mannaitwi. 16Je kai chinwi sagrinw saywi lajak bok ongkhadwi: Simon, jeni bumung Bw Pitor rwkha, 17Sibdiyoni basala Jakob arw Jakobni takhuk Johon, (O kainwinw Jisu Boyarnergis hinwi bwmwng rwkha, jebwni sema ongha thatani basalarok), 18arw Andriyo, Philip, Bortholmoy, Mothi, Thoma, Alpheyoni basala Jakob, Thoddeyo arw Hauar Lobai Simon, 19arw Jihuda Iskoriyot, jeba Jisunw kena rokni yagw rumrwgwi rwjak.
Subrai Jisu tei chaya phalarokni bugra
(Mothi 12:22-32,46-50; Luk 8:19-21; 11:14-23; 12:10)
20Jerw Bw nugw philwi thangkha tei odaywbw iswk jora borog thumjalaikha jebwni bagwi Bw tei Bini sagrirok mwngsabw chani hoda jo manliya. 21Obwnw khanagwi Jisuni nokni borogrok Bwnw lani phailaikha, twmwi hinba borogrok sagw, "Bw kwbwr ongwi paikha."
22Jirusalemni phainai kerongnal phwrangsarok sakha, "Bw Belsbulsbai manjakha. Chaya phalarokni bugrani chubamungbaise bw chaya phalaroknw hogw."
23Ephuo bw boknw koriyw ringkhogwi naisrwngrokni bisingtwi sakha, "Soitan barai khalaiywi Saitannw rwkhlaywi homan? 24Auar kwrwngsachwk jwtini sakni bisingw bagjagwi thangw hinkhlai o auarbw tiki tongya. 25Arw nukhung kwrwngsa jwtini sakni bisingw bagjagwi thangw hingkalai o nukhungbw tikiywi tongmaya. 26Arai khalaiywi Soitanbw jwtini bini sakni baithe bw bachagw hingkalai bwbo tikiywi tongmaya, bw nachra ongnai. 27I kokbw daijwse, kaisa pharan ganang borognw pwilagw khaya bader bini nok bisingw habwi bini mandwi khudwinw kaisabw tilangwi thangma galak. Bwnw khagwi tonhalaise jerw bini nok lutiywi tilangwi thangmanw. 28Ang nokhnw kwbwi sadok, borogni jotho somsok samung, arw Kaitornw mwng chaya rwnairok, obwroknibw nakarma tongw. 29Matwr je borog phala katharni baithe seja khalai, bw sumsokni oaisabw nakarmwng mangalak, obwtwijar borogni sumsok thwiya kusungsa tongnai."
30Kerongnal phwrangsa rok sajak, "Bw chaya phalabai manjajak, "Bokni o kokrokni bagwise Jisu imwtwijar koknw samani.
31Jerw Jisuni boma tei Bini takhukrok odaiyw phaikha arw phataro bachagwi Jisunw ringkhoni kaisanw hokha. 32Aiphuo Jisuni korekara alok borog achuklaijak. Bok Jisunw sakha, "Namabai nophoyong rok nwnw phatarw nasinglaidok."
33Jisu sakha, "Swrw ani ama tei swrw ani takhukrok?"
34Jerw jebwrok bini korekara achuklaijak, bw bokni aita naikhogwi sakha, "Naidi, Ani ama tei Ani takhuroknw! 35Twmwi himba kaisachwk jwtini Kaitorni muchu mwngtwi choleo hingkhalai bokse Ani ama bokse Ani takhuk bukhuk."
ទើបបានជ្រើសរើសហើយ៖
Mark 3: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh