Mark 11
11
Jirusalemw habmani
(Mothi 21:1-11; Luk 19:28-40; Johon 12:12-19)
1Jisu bai Bini sagrirok tei borogrok Jirusalemni korekara phaikha tei Bwitphogi arw Bwithoniya kamiyw suikha jebw Joipal Hapong koreyw. Aiphuo Jisu Bini sagri rokni bisingni kainwinw hokha, 2imwnw sagwi, "Nokh o sakangni kamio thangdi, Kamio habphini koraitua basa masa khajak nungnai. Bini sakagw kaisabw oaisabw achokjiya, obwnw khengwi twbwdi." 3Kaisaswk jwtini swngkhlai, 'Nokh tani koraitua basanw khengdok?' Aiphuo sadi, 'Subraini nangnw, aiphuo bw o koraitua basanw honai.'"
4Aiphuo bok odayw thangwi nungkha, koraitua basa masa nok duar koreo khajak tongo. Tei bok jephini obwnw khengdok, 5Aiphuo jebwrok orw bachagwi tongjak bok sakha, "Nokh ta khalaidok? Koraitua basanw tani khengdok?"
6Jisu sagriroknw jekhalaywi sajak, bok o borogroknw obonw sakha. Aiphuo o borogrok koraitua basanw tilangni rwkha. 7Bok koraituanw Jisuni dayw twbwgwi oboni sakagw bokni sakni gadunw bogwi rwkha, Jisu bini sakagw achukha. 8Aiphuo kabangma borogrok bokni sakni rinw lamao bogwi rwkha, arw kaisakwinwi borogrok harungni bophangni balaibai akor bedek tanwi twbwgwi lamao sabragwi rwkha. 9Tei Jebwrok Jisuni sakang arw ulo thanglaidok bok chirigwi sani nangkha,
"Hosanna! Hamsachak Bw, Jebw Subraini mwngtwi phaidok Bw lobjakthwk!
10Chini apha Dayudni auar jebw phaidok obo hamsachak.
Chukhaobw Hosanna!"
11Oboni jerw Jisu Jirusalemni noktharw thangkha tei obwni korekara jotho naikhokha. Matwr sal thangkha hinwi bini chinwi sagrinw lagwi Bw Bwithoniyagw thangkha.
Noktharw Subrai Jisu
(Mothi 21:12-19; Luk 19:45-48)
12Jerwni salw bok jephuo Bwithoniya yakarwi thandok aiphuo Jisu ukhrijakha. 13Kachalni Bw dwrmw bophang phangsa nungkha, jeba balaibai kwplwng. Ephuo bw ow bophangw bathaide tong hinwi naini thangkha. Matwr jephuo Bw orw thangkha aiphuo Bw keber balai misin nungkha, twmwi hinba aiphuobw bathai thainai jo ongjiyakho. 14Aithani Bw o bophang aita naikhogwi sakha, "Tabokni jimin arw kaisabw nini bathai chagalak. Ow koknw Bini sagrirok khanakha."
Jisu nokthar saph khalaikha
15Jirusalemw suywi Jisu noktharw habkha tei odayw jebwrok pailaidok phallaidok boknw rwkhlaywi honi rumkha. Arw rang bodlainai borogrokni majwk tei jebwrok pharuk phaldok, bokni achuknai jeganw ultai pairwkha. 16Noktharni kholatwi Bw painai phalnai manwiroknw tilangni rwliya.
17Bw boknw phwrwngni nangkha arw sakha, "Elembagw tama i kok suijak kwrwi, 'Ani nok jotho dophani borog rokni surinai nok hinjaknai?' Matwr nokh ibwnw taidarokni gop rwnai jega khalaywi tisakha!" 18Chontai ojarok arw kerongnal phwrangsa rok i koknw khanagwi Jisunw buthalni hal rutubni nangkha. Bok Jisunw kirio, twmwi himba jotho borogrok Jisuni phwrwngmabai amok ongjak.
19Arw swinda ongkhalai Jisu Bini sagri roknw lagwi aulini phatarw thangkha.
Paitokmani pharan
(Mothi 21:20-22)
20Phurungw bok Jirusalemw philwi thangphuni bok nungkha o dwrmw bophang yarum bai akor ramprogwi paijak. 21Ephuo Pitor miyani salni koknw bakha kagwi Jisunw sakha, "Elim, naikhogara, Nwng sraimung rwnai dwrmw bophang ramprogwi thwywi thangkha."
22Aiphuni Jisu boknw sakha, "Kaitorni sakagw paitokma tondi. 23"Ang nokhnw kwbwi sadok, kaisaswk khao mwngsa khabaseyagwi i hapongnw sagw, 'thangwi twijlangw kalaidi' tei bw jwtini paitogw bw jebw sajak obw ongnai, iswkhalai bini bagwi obw khalai jaknai. 24Okwithani ang nokhnw sadokba, surimwngtwi nokh jebw bi, omonw jwtini manha hinwi paitogw, halai obw nokhni ongnai. 25Tei nokh jephuo surini bachanw, aiphuo nokhni chukhani Apha nokhni sumsoknw nakarwi rwnaitwi, aithani kaisaswkni baithe jwtini nokhni mwngsaswk kok tongw hinkhlai bwnw nakarwi rwdi." 26[Matwr nokh jwtini kotheroknw nakarma rwya khalai nokhni Aphabw nokhnw nakarma rwgalak.]#11:26 Markni kwrwngsa kwrwngnwi kacham Grik bijabw i khep kwrwi.
Subrai Jisuni bagurai lagwi swngmwng
(Mothi 21:23-27; Luk 20:1-8)
27-28Jerw Jisubai Bini sagrirok Jirusalemw arwbw phailaikha, tei Bw noktharni kholagw himwi beredok, o jorao chontai oja, kerongnal phwrangsa rok arw okara chakararok Bini dayw phaywi swngkha, "Nwng bw baguraibai imorok khalaidok? Swrw Nwnw i bagurainw rwkha?" 29Jisu sakha, "Ang nokhnw kok khoksa swngnw, nokh jwtini Anw obwni joba rwmanw hingkhlai Angbw nokhnw sanw Ang bw baguraibai imoroknw khlaidok. 30Nokh Anw sadi, Johonni baptismo ta chukhani na borogni daini?" 31Ephuo bok saknibai sak salailaikha, "Chwng jwtini sagw, 'Chukha daini' halai Bw sanw, 'Iswkhlai nokh Bwnw twmwi paitokliya?' 32Arw, 'Borogni daini, hinwi sakhlai,'" bok borogroknw kiriyw, twmwi hinba jotho borog Johonnw kaisa daijjw diyari hinwi bakha kagw. 33Aithani bok Jisunw sakha, "Chwng sia."
Ephuo Jisu boknw sakha, "Halai Angbw saya bw bagurai bai Ang imwrok khlaidok."
ទើបបានជ្រើសរើសហើយ៖
Mark 11: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh