Mothi 28
28
Jisu thwinainw mechenkha
1Lengkhonai salni jerw Mogdolini Moriyom bai kothe Moriyom hatini pwila salni aichok aita mangkhornw naini thangkha. 2Ephuo atakkiani bangla kotor phaika, twmwi hinba suari kaisa chukhani akhogwi phaikha tei mangkhorni holongnw nwlwi obwni sakago achokha. 3Bini bomakhang nokha chiliknaini kosol tei bini ri chum phutlani kosol kuphul. 4Bwnw kiriywi sotaingrok kwlwini nangkha arw kwthwini kosol ongkha.
5Suari o birokroknw sakha, "Nokh takiridi, twmwi hinba ang sio, nokh Jisu jenw Sengkrak rok krus rwlaijak Bwnw naitubdok. 6Bw iro kwrwi. Bw jekhalayoi sajak bwtwijar khlaywi kathang ongwi kasajak. Phaidi Bw jedayo rokojak o jeganw naidi. 7Nokh Bini sagri roknw dodogwi thangoi saitangdi Bw kwthwini thangoi kasajak tei bokni nayoi sakango Galilo thangdok. Bok Bwnw oro nungnai. Naidi, ang nokhnw sagwi rwkha.
8O birokmarok kilai kirijak, matwr hekphwng khw tongthokmabai loge loge dodogwi mangkhorni thangkha arw Jisuni sagriroknw o kothonw rwni bagwi khalni nangkha. 9O joragw atakkiya khalaywi Jisu o birokmarokni sakango phaywi sakha, "Nokhni khakchang ongthwk."
Aiphuo o birokrok Bini dayo thangwi yathwi rumwi khulumwi Bwnw Kaitorni borom rwkha. 10Jisu boknw sakha, "Takiridi, Nokh thangwi Ani takhukroknw Galilo thangdi hinwi sadi. Bok odayo Anw nungnw."
11Aiphuo o birokmarok thangnai joragw sotaing rokni bisingni kainwi kaitham aulio thangkha tei jebw jebw ongkha obw chontai ojaroknw sakha. 12Eiphuo chontai ojarok tei okara chakararok kok salaikha tei o sotaing roknw rang kabang rwgwi sakha, 13"Nokh sadi, 'Chwng jephuo thudok aiphuo Bini sagrirok phaywi Bwnw khogwi tilangkha.' 14I koknw sakwlpha khanagw hingkhai chwng bwnw bujainw tei satok mannai daini nokhnw rwkkhia khalainw."
15Ephuo sotaingrok o rangnw lakha tei boknw jekhalaywi sakha obwtwijar khalaiyoi sakha. Tabok hoda o kok Jihudirokni bisingo pwlwngwi tongjak.
Jisuni paithak tholmwng
(Mark 16:14-18; Luk 24:36-49; Johon 20:19-23; Prerit 1:6-8)
16Jisu Bini sagriroknw Galilni hapong jedayo thangdi hinwi sajak o chisa sagri odayo thangkha. 17Odayw Jisunw nungwi bok Bwnw khulumkha, matwr kaisa kainwi kha haya khalaikha.
18Aiphuo Jisu koreo phaiywi sakha, "Chukha tei hayungni jotho juaima Anw rwjak. 19Aithani nokh thangwi jotho dophani borog roknw Ani sagri khalaidi. Pha, Sajla, Phala katharni mwngwi boknw baptismo rwdi. 20Boknw Ang nokhnw je tholmwng roknw rwjak obwroknw paleni phwrwngdi. Naidi, molni paithak jora jwnwm Ang nokhbai baksa baksa tongo.
ទើបបានជ្រើសរើសហើយ៖
Mothi 28: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
