Johon 9
9
Achai phangsini kana kaisanw Jisu nungrwkha
1Lamatwi himwi thangphini Jisu kana kaisanw nungkha, jebw achai phangsini nungya. 2Aiphuo sagrirok Jisunw swngkha, "Elim, swrwni sumsokni bagwi i borogsa kana ongwi achaikha? Bini sakni, na bini boma bophani sumsokni bagwi?"
3Jisu joba rwkha, "Bini sakni sumsok eba boma bophani sumsokni bagwi bw kana ongmaniya. Imw ongkha Kaitorni samung Bini bisingtwi saplang janaitwi. 4Jebw Anw hokha, sal tongphini chwng Bini samung khalaitai kalayw. Hor phaidok, aiphuo kaisabw samung khalaimanglak. 5Jeswksal Ang i hayungw tongw, iswksal Angse i hayungni pohor."
6O koknw sagwi paywi Bw hagw khuktwi khibiywi hapek khalaikha. Jerw o hapeknw Bw kanasani mokolw phulwi rwkha, 7arw sakha, "Thangdi, Siloho pukhirw thangwi suidi."(Siloho mane hokha.) Aiphuo o kanasa thangwi mokol sukha tei mokol nungwi bini nugw philwi thangkha.
8Obwnw nungwi bini takhuk bukhukrok tei jebwrok aguo bwnw birkha bimani nungjak bok jothobw salaini nangkha, "Imw ta o borogyadwi, jebw achugwi birkha binai?
9Kaisa kainwi sakha, "Owk, imwse o borogsa." Arwbw kaisa kainwi sakha, "Naikhalai bini kosol hekphwng bwya."
Matwr o borogsa sakha, "Owk, ang o borogse."
10Aiphuo bok bwnw sakha, "Matwr nwng tama khalaywi mokol nungkha?"
11Bw joba rwkha, "Borog kaisa Jenw Jisu hinwi ring Bw hapek banaywi ani mokolw phulwi rwgwi sakha, 'Siloho pukhirw thangwi sudi' tei ang thangwi sukha arw mokol nungkha."
12Bok bwnw swngkha, "O borogsa bwrw?"
Bw sakha, "Ang siya."
13Je borogsa kana ongwi tongjak, bwnw borogrok Phorisirokni dayw tilangkha. 14O sal ongkhadwi lengkhonai sal, Jisu jephuo hapek banaywi bini mokol phiyogwi rwjak. 15Obwni bagwi Phorisirok bwnw arwbw swngkha, nwng ta khalaywi mokol nungkha.
Bw boknw sakha, "Bw ani mokolw hapek phulwi rwkha tei ang obwnw sukhalai nungkha."
16Aiphuo Phorisirokni bisingni kainwi kaitham sakha, "O borogsa Kaitorni daini phaijiya, tamni hinba bw lengkhonai sal paleya."
Kothe Phorisirok saba, "Sumsokgnang borog tama khalaywi imwtwijar amok chanaijar samung tangman?" aikhalayoi bok kha juda onglaikha.
17Aiphuo bok o borogsanw arwbw swngkha, "Nwng Bini barke tama sa? Twmwi hinba bwlai nini mokolse phiyokjak."
O borogsa sakha, "Bw kaisa diyari."
18Jihudi ojarok o borogsa aguo nungya tei tabok nungw hinwi bini boma bophanw ringkhoyasak paitokniya. 19Bok o borogsani boma bophanw swngkha, "Imw tama nokhni o basadwi jenw nokh sagwi tong bw kana ongwi achaijak? Hai tabok tama khalaywi nungkha?"
20Bini boma bopha joba rwgwi sakha, "Chwng siyw bw chini basa, tei bw kana ongwi achaijak. 21Matwr tama khalaywi bw tabok nungkha obwnw chwng siya, tei swrw bini mokol phiyokkha obwnw chwng siya. Bini cha ongkha, bwnw swngdi. Bw sakni kothoyw sak sathwk."
22Bini boma bopha Jihudi ojamaroknw kiriywi i kokroknw sakha, tamni hinba Jihudi ojamarok aguni jimin thi khalaywi tonjak, kaisaswk Jisunw Khristo hinwi goseywi lakhalai bwnw thumnok daini akhorwgwi hojanai. 23Obwni bagwi bini boma bopha sakha, "Bini cha ongjak, bwnw swngdi."
24Aguo jebw kana o borogsanw ojamarok nwithek jorao ringkhogwi sakha, "Nwng daijw koknw sagwi Kaitornw lobdi. Chwnglai siyw o borogsa sumsokgnang."
25Bw joba rwkha, "Bw sumsok gnangdwi obonw ang siya, matwr kwrwngsa kothoyw siyw, ang aguo kana tei tabok nungkha."
26Ojamarok saba, "Bw nwnw tama khalaikha? Tama khalaywi Bw nini mokol phiyokkha?"
27Joba rwgwi borogsa boknw sakha, "Anglai aguobw nokhnw sajak, matwr nokh khanajiya. Hai tamani nokh arwbw khanani nai? Nokhbw tama Bini sagridwi ongni nai?"
28Obwbai ojamarok borogsanw lachima phunukha tei sakha, "Nwngse bini sagri, matwr chwng Mosini sagri. 29Chwng siyw Kaitor Mosibai kok sajak, matwr o borogsa bwdaini phaiha obwnw chwng siya."
30Aiphuo o borogsa boknw joba rwgwi sakha, "Anglai amok! Bw ani mokol phiyokkha matwr bw bwdaini phaikha obwnw nokh siya. 31Chwng siyw Kaitor sumsok ganangrokni kok khanaya. Matwr kaisaswk jwtini Kaitor lobai ongw tei Bini muchukmani kosol samung tangw hingkhalai Kaitor bini koknw khanao. 32I hayung takjagwi paywi oaisabw khanayokho, achai phangsini kana imwtwijar borogni mokol kaisaswk nungrwjak. 33Bw Kaitorni daini phaiya hingkhai mwngsabw khalai manyamw."
34Ojarok joba rwgwi sakha, "Nwnglai sumsogw se achaijak, arw Nwngse chwnw phwrwngni naidok?" Ai hinwi paikhlai bok bwnw kamisungni akhorwgwi hokha.
Pholangni kana
35Ojamarok o borogsanw akhorwgwi hojak hinwi Jisu khanakha. Tei jerw Bw o borogsanw naitubwi manwi sakha, "Nwng tama Borogni Sajlanw paitokgw?
36Bw joba rwgwi sakha, "Elim, Bw Swrw, anw sadi ang Bwnw paitokmannaitwi."
37Jisu bwnw sakha, "Nwng Bwnw nungjak, tei Bwse nwngbai kok sajak."
38Aiphuo borogsa sakha, "Elim, ang paitokgw." Ai hinwi bw Jisunw khulumkha tei lobkha.
39Jisu sakha, "Ang i hayungni nalchir khalaini phaiyw, jebwrok kana, bok nungnaitwi arw jebwrok nung, bok kana ongnaitwi."
40Kainwi kaitham Phorisi Jisubai baksa tongw. Bok i koknw khanagwi Jisunw sakha, "Halai nwng tama sani naiyo, chwngbw kana?"
41Jisu boknw sakha, "Nokh kanatilai nokhni sumsokni bagwi khatta tongyamu. Matwr nokh sagw je, nokh nungw hinwi, obwni bagwi nokhni khatta tongw.
ទើបបានជ្រើសរើសហើយ៖
Johon 9: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Johon 9
9
Achai phangsini kana kaisanw Jisu nungrwkha
1Lamatwi himwi thangphini Jisu kana kaisanw nungkha, jebw achai phangsini nungya. 2Aiphuo sagrirok Jisunw swngkha, "Elim, swrwni sumsokni bagwi i borogsa kana ongwi achaikha? Bini sakni, na bini boma bophani sumsokni bagwi?"
3Jisu joba rwkha, "Bini sakni sumsok eba boma bophani sumsokni bagwi bw kana ongmaniya. Imw ongkha Kaitorni samung Bini bisingtwi saplang janaitwi. 4Jebw Anw hokha, sal tongphini chwng Bini samung khalaitai kalayw. Hor phaidok, aiphuo kaisabw samung khalaimanglak. 5Jeswksal Ang i hayungw tongw, iswksal Angse i hayungni pohor."
6O koknw sagwi paywi Bw hagw khuktwi khibiywi hapek khalaikha. Jerw o hapeknw Bw kanasani mokolw phulwi rwkha, 7arw sakha, "Thangdi, Siloho pukhirw thangwi suidi."(Siloho mane hokha.) Aiphuo o kanasa thangwi mokol sukha tei mokol nungwi bini nugw philwi thangkha.
8Obwnw nungwi bini takhuk bukhukrok tei jebwrok aguo bwnw birkha bimani nungjak bok jothobw salaini nangkha, "Imw ta o borogyadwi, jebw achugwi birkha binai?
9Kaisa kainwi sakha, "Owk, imwse o borogsa." Arwbw kaisa kainwi sakha, "Naikhalai bini kosol hekphwng bwya."
Matwr o borogsa sakha, "Owk, ang o borogse."
10Aiphuo bok bwnw sakha, "Matwr nwng tama khalaywi mokol nungkha?"
11Bw joba rwkha, "Borog kaisa Jenw Jisu hinwi ring Bw hapek banaywi ani mokolw phulwi rwgwi sakha, 'Siloho pukhirw thangwi sudi' tei ang thangwi sukha arw mokol nungkha."
12Bok bwnw swngkha, "O borogsa bwrw?"
Bw sakha, "Ang siya."
13Je borogsa kana ongwi tongjak, bwnw borogrok Phorisirokni dayw tilangkha. 14O sal ongkhadwi lengkhonai sal, Jisu jephuo hapek banaywi bini mokol phiyogwi rwjak. 15Obwni bagwi Phorisirok bwnw arwbw swngkha, nwng ta khalaywi mokol nungkha.
Bw boknw sakha, "Bw ani mokolw hapek phulwi rwkha tei ang obwnw sukhalai nungkha."
16Aiphuo Phorisirokni bisingni kainwi kaitham sakha, "O borogsa Kaitorni daini phaijiya, tamni hinba bw lengkhonai sal paleya."
Kothe Phorisirok saba, "Sumsokgnang borog tama khalaywi imwtwijar amok chanaijar samung tangman?" aikhalayoi bok kha juda onglaikha.
17Aiphuo bok o borogsanw arwbw swngkha, "Nwng Bini barke tama sa? Twmwi hinba bwlai nini mokolse phiyokjak."
O borogsa sakha, "Bw kaisa diyari."
18Jihudi ojarok o borogsa aguo nungya tei tabok nungw hinwi bini boma bophanw ringkhoyasak paitokniya. 19Bok o borogsani boma bophanw swngkha, "Imw tama nokhni o basadwi jenw nokh sagwi tong bw kana ongwi achaijak? Hai tabok tama khalaywi nungkha?"
20Bini boma bopha joba rwgwi sakha, "Chwng siyw bw chini basa, tei bw kana ongwi achaijak. 21Matwr tama khalaywi bw tabok nungkha obwnw chwng siya, tei swrw bini mokol phiyokkha obwnw chwng siya. Bini cha ongkha, bwnw swngdi. Bw sakni kothoyw sak sathwk."
22Bini boma bopha Jihudi ojamaroknw kiriywi i kokroknw sakha, tamni hinba Jihudi ojamarok aguni jimin thi khalaywi tonjak, kaisaswk Jisunw Khristo hinwi goseywi lakhalai bwnw thumnok daini akhorwgwi hojanai. 23Obwni bagwi bini boma bopha sakha, "Bini cha ongjak, bwnw swngdi."
24Aguo jebw kana o borogsanw ojamarok nwithek jorao ringkhogwi sakha, "Nwng daijw koknw sagwi Kaitornw lobdi. Chwnglai siyw o borogsa sumsokgnang."
25Bw joba rwkha, "Bw sumsok gnangdwi obonw ang siya, matwr kwrwngsa kothoyw siyw, ang aguo kana tei tabok nungkha."
26Ojamarok saba, "Bw nwnw tama khalaikha? Tama khalaywi Bw nini mokol phiyokkha?"
27Joba rwgwi borogsa boknw sakha, "Anglai aguobw nokhnw sajak, matwr nokh khanajiya. Hai tamani nokh arwbw khanani nai? Nokhbw tama Bini sagridwi ongni nai?"
28Obwbai ojamarok borogsanw lachima phunukha tei sakha, "Nwngse bini sagri, matwr chwng Mosini sagri. 29Chwng siyw Kaitor Mosibai kok sajak, matwr o borogsa bwdaini phaiha obwnw chwng siya."
30Aiphuo o borogsa boknw joba rwgwi sakha, "Anglai amok! Bw ani mokol phiyokkha matwr bw bwdaini phaikha obwnw nokh siya. 31Chwng siyw Kaitor sumsok ganangrokni kok khanaya. Matwr kaisaswk jwtini Kaitor lobai ongw tei Bini muchukmani kosol samung tangw hingkhalai Kaitor bini koknw khanao. 32I hayung takjagwi paywi oaisabw khanayokho, achai phangsini kana imwtwijar borogni mokol kaisaswk nungrwjak. 33Bw Kaitorni daini phaiya hingkhai mwngsabw khalai manyamw."
34Ojarok joba rwgwi sakha, "Nwnglai sumsogw se achaijak, arw Nwngse chwnw phwrwngni naidok?" Ai hinwi paikhlai bok bwnw kamisungni akhorwgwi hokha.
Pholangni kana
35Ojamarok o borogsanw akhorwgwi hojak hinwi Jisu khanakha. Tei jerw Bw o borogsanw naitubwi manwi sakha, "Nwng tama Borogni Sajlanw paitokgw?
36Bw joba rwgwi sakha, "Elim, Bw Swrw, anw sadi ang Bwnw paitokmannaitwi."
37Jisu bwnw sakha, "Nwng Bwnw nungjak, tei Bwse nwngbai kok sajak."
38Aiphuo borogsa sakha, "Elim, ang paitokgw." Ai hinwi bw Jisunw khulumkha tei lobkha.
39Jisu sakha, "Ang i hayungni nalchir khalaini phaiyw, jebwrok kana, bok nungnaitwi arw jebwrok nung, bok kana ongnaitwi."
40Kainwi kaitham Phorisi Jisubai baksa tongw. Bok i koknw khanagwi Jisunw sakha, "Halai nwng tama sani naiyo, chwngbw kana?"
41Jisu boknw sakha, "Nokh kanatilai nokhni sumsokni bagwi khatta tongyamu. Matwr nokh sagw je, nokh nungw hinwi, obwni bagwi nokhni khatta tongw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh