Johon 10
10
Subrai Jisu gam mera bengnaisa
1Jisu saha, "Ang nokhnw kwbwi kwbwi sadok, kaisachwk jwtini mera nokni duartwi habya karwi kothe lamtwi habw hinhalai bw sikok eba dagait. 2Matwr je duartwi hap bwse mera bengnaisa. 3Mera nokni sotaing o mera bengnai sanwse duar khengwi rwgw. Merarok bini ringkhonainw khanagw, mera bengnaisa bini merarokni bumung khurwi ringkhogwi phatarw telangw. 4Bini jotho meraroknw akhorwgwi paihalai Bw bokni sakang sakang thangw arw merarok Bini ukhum ukhum thangw twmwi himba bok Bini kharangnw siniyw. 5Merarok siniya borogni ukhum ukhum thangya arwse bini daini khalwi thangw, twmwi himba bok siniya borogni kharangbw siniya. 6O Phorisiroknw phwrwngni bagwi Jisu i naisrwngnw saha matwr Bw tamanw saha bok obonw bijimaniya. 7Aithani Jisu arwbw sakha, "Ang nokhnw kwbwi sadok, Angse o merarokni duar. 8Ani sakangw jebwrok phaijak, bok jotho sikok arw dagai aithani merarok bokni koknw khanajiya. 9Angse duar. Kaisaswk Ani bisingtwi bisingw habhalai bw rwkkhiya mannai. Bw bisingw phainw phatarw thanw arw cherogwi chani jega mannw. 10Sikokrok keber khokni, buthalni arw phiyaknise phaiyw. Matwr Ang phaiha bok langma mannaitwi, arw o langma kopungba mannaitwi. 11Angse gam mera bengnai, gam mera bengnaisa merarokni bagwi sakni langmanw rwgo. 12Srangpai mannai jar kamula bw daijwni mera bengnaiya. Merarokbo bini sakniya, aithani bw jephini kenduanw phaimani nung aiphuo bw meraroknw tonwi khalwi thangw. Arw kendua boknw kaphrao tei bok sabrajagw. 13Rangni bagwi mera mwrwknai borogni merarokni bagwi uansokma kwrwi, aithani bw khalwi thangw. 14Angse gam mera bengnai. Ang Ani meraroknw siniyw tei bokbw anw siniyw, 15araikhalaywi Apha Anw siniyw tei Angbw Bwnw siniyw, merarokni bagwi Ang Ani langmanw rwgwi rwdok. 16Ani arw kothe mera tongw; matwr bok i uarukniya, boknwbw Ang matwphainw, arw bok ani kharang khananw, aiphuo jak kaisa mera ongnw tei kaisa mera bengnai ongnw. 17Apha Anw imwni bagwi hamjagw, twmwi hinba Ang Ani singli rwnai jate obwnw arwbw philwi lamannaitwi. 18Kaisabw Ani langmanw Ani daini swywi lamaya, matwr Ang sakse obwnw rwnw. Ani langma abwi rwnai bagri Ani tongw arw obwnw philwi mannai bagribw Ani tongw. Ang Ani Aphani dainise i tholmanw manw." 19Subrai Jisuni i kokrok arwbo Jihudirokni oro tokra tokri chengrwkha. 20Boni daini Kaisa kainwi saha, "Bini dayw chaya phala habjak, Bw kwbwr, tani Bini kok khana nokh?" 21Kothe borogrok hinka, "Kaisaswkni bisingw chaya phala habhalai kaisabw imwtwijar kok samanya. Chaya phala ta imwtwijar kaisaswknw mokol nungrwmanw jebw achai phangsini nungya?"
Kaitorni Sajla ongni bagwi Jisuni sanma
22Aiphuo ongkha maisingni jo tei obo ongkha Jirusalemni nokthar chengsama terni jo. 23Jisu noktharni kholao Solomonni nokchelao himdok. 24Aiphuo Jihudirok Bwnw kitinglaoi swngha, "Nwng arw bwswk jora chwnw daijoyani bisingw tonthai? Nwng jwtini kwbwi Mosiho ongw halai chwnw gam khalaywi sadi." 25Jisu saha, "Anglai nokhno omono sajak matwr nokh paitokjiya. Ani Aphani mwngwi Ang je samungrok tang omorok ongha imwni majra, 26matwr nokh Ani meraya, aithani nokh paitokya. 27Ani merarok Ani kharang siniyw, bokno Ang sinio arw bok Ani ukhum ukhum phaiyw. 28Ang boknw paiphlaiya langma rwgw, bok oaisabw thwigalak. Ani daini kaisabw bokno swywi lamangalak. 29Ani Apha Jebw boknw Ani yagw rwjak, Bw jothoni solai manchuk. Kaisabw Aphani daini mwngsabw swywi lamaya. 30Ani Apha bai Ang baksa." 31Jihudirok arwbw Jisunw buthalni bagwi holong twilaikha. 32Matwr Jisu sakha, "Apha Anw kabangma gam samung khalaini rwjak, obwroknw Ang nokhnw phunukjak. Odaini bw samungni bagwi nokh Anw holong kokni naidok?" 33Jihudirok saha, "Mwngsa gam samungni bagwiya matwr Nwng borog ongwibw saknw Kaitor hinwi yachagwi Kaitorni seja khalaidok aithani bagwise chwng Nwnw holong kokni naidok." 34Jisu boknw sakha, "Nokhni kerongnalw suijak kwrwi je, 'Ang saha nokh "Kaitor"'?#10:34 'Ang saha nokh "kaitor"'? Gitsonghita 82:6 35Kaitorni koktwng jebwrokni dayw saplangjajak, Bw boknw "kaitor" ringjak. (Kathar elembakni kok bodili manya), 36iswkkhai nokh Bini kothoyw ta sa Jebwnw Kaitor Bini sakni borog hinwi juda khalaywi tonjak arw i hayungw hojak. Ang saknw Kaitorni Sajla hinjak hinwi nokh tani Anw Kaitor seja khalainai hinwi dosa rwdok. 37Jwtini Ang Ani Aphani samungno tangya halai Anw ta paitokdi. 38Matwr Ang jwtini o samung roknw tangw, tei aiphuobw jwtini nokh Anw paitokya, halai o samung roknw phwng paitokdi, nokh siywi mannatwi tei bijimannaitwi Apha Ani bisingw tongw arw Angbw Bini bisingw tongw." 39Bini i koknw khanagwi bok arwbw Bwnw rumni naikha matwr Jisu bokni daini khalwi thangkha. 40Jisu Jordon twibukni ojang narw philwi thangha jedayw Johon aguo baptismo rwgw, odayw Bw tongkha. 41Kabangma borogrok phaywi Bini dayw thumjalaiha. Bok saha, "Johon chwnw mwngsa amok samung phunukjiya matwr bw I borogsani kothoyw jebw sajak jotho kwbwi." 42Arw odayw kabangma borog Jisunw paitoklaikha.
ទើបបានជ្រើសរើសហើយ៖
Johon 10: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
Johon 10
10
Subrai Jisu gam mera bengnaisa
1Jisu saha, "Ang nokhnw kwbwi kwbwi sadok, kaisachwk jwtini mera nokni duartwi habya karwi kothe lamtwi habw hinhalai bw sikok eba dagait. 2Matwr je duartwi hap bwse mera bengnaisa. 3Mera nokni sotaing o mera bengnai sanwse duar khengwi rwgw. Merarok bini ringkhonainw khanagw, mera bengnaisa bini merarokni bumung khurwi ringkhogwi phatarw telangw. 4Bini jotho meraroknw akhorwgwi paihalai Bw bokni sakang sakang thangw arw merarok Bini ukhum ukhum thangw twmwi himba bok Bini kharangnw siniyw. 5Merarok siniya borogni ukhum ukhum thangya arwse bini daini khalwi thangw, twmwi himba bok siniya borogni kharangbw siniya. 6O Phorisiroknw phwrwngni bagwi Jisu i naisrwngnw saha matwr Bw tamanw saha bok obonw bijimaniya. 7Aithani Jisu arwbw sakha, "Ang nokhnw kwbwi sadok, Angse o merarokni duar. 8Ani sakangw jebwrok phaijak, bok jotho sikok arw dagai aithani merarok bokni koknw khanajiya. 9Angse duar. Kaisaswk Ani bisingtwi bisingw habhalai bw rwkkhiya mannai. Bw bisingw phainw phatarw thanw arw cherogwi chani jega mannw. 10Sikokrok keber khokni, buthalni arw phiyaknise phaiyw. Matwr Ang phaiha bok langma mannaitwi, arw o langma kopungba mannaitwi. 11Angse gam mera bengnai, gam mera bengnaisa merarokni bagwi sakni langmanw rwgo. 12Srangpai mannai jar kamula bw daijwni mera bengnaiya. Merarokbo bini sakniya, aithani bw jephini kenduanw phaimani nung aiphuo bw meraroknw tonwi khalwi thangw. Arw kendua boknw kaphrao tei bok sabrajagw. 13Rangni bagwi mera mwrwknai borogni merarokni bagwi uansokma kwrwi, aithani bw khalwi thangw. 14Angse gam mera bengnai. Ang Ani meraroknw siniyw tei bokbw anw siniyw, 15araikhalaywi Apha Anw siniyw tei Angbw Bwnw siniyw, merarokni bagwi Ang Ani langmanw rwgwi rwdok. 16Ani arw kothe mera tongw; matwr bok i uarukniya, boknwbw Ang matwphainw, arw bok ani kharang khananw, aiphuo jak kaisa mera ongnw tei kaisa mera bengnai ongnw. 17Apha Anw imwni bagwi hamjagw, twmwi hinba Ang Ani singli rwnai jate obwnw arwbw philwi lamannaitwi. 18Kaisabw Ani langmanw Ani daini swywi lamaya, matwr Ang sakse obwnw rwnw. Ani langma abwi rwnai bagri Ani tongw arw obwnw philwi mannai bagribw Ani tongw. Ang Ani Aphani dainise i tholmanw manw." 19Subrai Jisuni i kokrok arwbo Jihudirokni oro tokra tokri chengrwkha. 20Boni daini Kaisa kainwi saha, "Bini dayw chaya phala habjak, Bw kwbwr, tani Bini kok khana nokh?" 21Kothe borogrok hinka, "Kaisaswkni bisingw chaya phala habhalai kaisabw imwtwijar kok samanya. Chaya phala ta imwtwijar kaisaswknw mokol nungrwmanw jebw achai phangsini nungya?"
Kaitorni Sajla ongni bagwi Jisuni sanma
22Aiphuo ongkha maisingni jo tei obo ongkha Jirusalemni nokthar chengsama terni jo. 23Jisu noktharni kholao Solomonni nokchelao himdok. 24Aiphuo Jihudirok Bwnw kitinglaoi swngha, "Nwng arw bwswk jora chwnw daijoyani bisingw tonthai? Nwng jwtini kwbwi Mosiho ongw halai chwnw gam khalaywi sadi." 25Jisu saha, "Anglai nokhno omono sajak matwr nokh paitokjiya. Ani Aphani mwngwi Ang je samungrok tang omorok ongha imwni majra, 26matwr nokh Ani meraya, aithani nokh paitokya. 27Ani merarok Ani kharang siniyw, bokno Ang sinio arw bok Ani ukhum ukhum phaiyw. 28Ang boknw paiphlaiya langma rwgw, bok oaisabw thwigalak. Ani daini kaisabw bokno swywi lamangalak. 29Ani Apha Jebw boknw Ani yagw rwjak, Bw jothoni solai manchuk. Kaisabw Aphani daini mwngsabw swywi lamaya. 30Ani Apha bai Ang baksa." 31Jihudirok arwbw Jisunw buthalni bagwi holong twilaikha. 32Matwr Jisu sakha, "Apha Anw kabangma gam samung khalaini rwjak, obwroknw Ang nokhnw phunukjak. Odaini bw samungni bagwi nokh Anw holong kokni naidok?" 33Jihudirok saha, "Mwngsa gam samungni bagwiya matwr Nwng borog ongwibw saknw Kaitor hinwi yachagwi Kaitorni seja khalaidok aithani bagwise chwng Nwnw holong kokni naidok." 34Jisu boknw sakha, "Nokhni kerongnalw suijak kwrwi je, 'Ang saha nokh "Kaitor"'?#10:34 'Ang saha nokh "kaitor"'? Gitsonghita 82:6 35Kaitorni koktwng jebwrokni dayw saplangjajak, Bw boknw "kaitor" ringjak. (Kathar elembakni kok bodili manya), 36iswkkhai nokh Bini kothoyw ta sa Jebwnw Kaitor Bini sakni borog hinwi juda khalaywi tonjak arw i hayungw hojak. Ang saknw Kaitorni Sajla hinjak hinwi nokh tani Anw Kaitor seja khalainai hinwi dosa rwdok. 37Jwtini Ang Ani Aphani samungno tangya halai Anw ta paitokdi. 38Matwr Ang jwtini o samung roknw tangw, tei aiphuobw jwtini nokh Anw paitokya, halai o samung roknw phwng paitokdi, nokh siywi mannatwi tei bijimannaitwi Apha Ani bisingw tongw arw Angbw Bini bisingw tongw." 39Bini i koknw khanagwi bok arwbw Bwnw rumni naikha matwr Jisu bokni daini khalwi thangkha. 40Jisu Jordon twibukni ojang narw philwi thangha jedayw Johon aguo baptismo rwgw, odayw Bw tongkha. 41Kabangma borogrok phaywi Bini dayw thumjalaiha. Bok saha, "Johon chwnw mwngsa amok samung phunukjiya matwr bw I borogsani kothoyw jebw sajak jotho kwbwi." 42Arw odayw kabangma borog Jisunw paitoklaikha.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh