Johon 20
20
Subrai Jisuni teisakthang
(Mothi 28:1-10; Mark 16:1-8; Luk 24:1-12)
1Hatibarni pwilani salw, phurung aisiri siri aiphuobw andar tongkho aiphini Mogdolini Moriyom o mangkhorw thangkha. Bw nungkha, mangkhor bukhokni holongnw nwljak. 2Obwni bagwi bw Simon Pitor tei Jisu hamjaknai o sagrirokni dayw khalwi thangwi sakha, "Borogrok Subrainw mangkhor daini tilangwi thangkha. Bwnw bwrw tonkha chwng obwnw siya."
3Pitorbai arw kaisa sagri ephuo akhogwi mangkhor aita thangni nangkha. 4Bok kainwi baksa khalaywi khallaikha, matwr arw kaisa sagri Pitorni sakang sakang khalwi bini aguo mangkhorw suiha. 5Bw kongwi naikhokha, Jisuni basakgw rabjak ri bechalarok kalaiywi tongjak. Matwr bw mangkhorni bisingw hapliya. 6Simon Pitor bini ukhum ukhum phaywi mangkhorni bisingw hapkha. Bw ri bechalaroknw kalaijak nungkha, 7arw nungkha Bini bukhorogw rapjak ri bechala. O bokhorokni ri arw kothe rirokbai baksa kwrwi, matwr omo juta khalaiywi chabjagwi tongjak. 8Pwilagw phainai sagrisa bwbw aiphuo bisingw habkha tei nungwi paitokha. 9(Bok aiphuobw elembakni koknw bijiywi manjiya je Jisu thwijakni mabachanw.) 10Obw paywi sagrirok nugw philwi thangkha.
Subrai Jisu Mogdolini Moriyomni dayw nungjakha
(Mark 16:9-11)
11Matwr Moriyom mangkhorni phatarw bachagwi karapni nagkha. Bw karaptwi karaptwi kongwi mangkhor bisingw naikhokha, 12arw nungkha ri kuphul chumjak suari kainwi Jisuni mangwda jerw tonjak orw achukjak, kaisa yathwi pang aita tei arw kaisa khurpang aita. 13Bok Moriyomnw sakha, "O birok nwng tani karapdok?"
Moriyom boknw saba, "Borogrok ani Subrainw tilangwi thangkha tei Bwnw bwrw tongkha ang siya."
14O koknw sagwi Moriyom ukhum aita phirokjakha tei nungkha Jisu bachagwi tongjak, matwr bw Jisunw sinijiya.
15Jisu bwnw sakha, "O birokma nwng tani karapdok? Swrwnw naitub?"
Jisunw bophang bwlwngni samung tangnai hinwi bakha kagwi Moriyom sakha, "Nwng jwtini Bwnw tilangwi thanjak hingkhalai halai Bwnw bwrw tonjak kisa Khakhamwi sadi." Ang Bwnw tilangwi thanw."
16Jisu bwnw sakha, "Moriyom."
Obwbai Moriyom ukhum aita phirogwi Oramiyo kokbai Jisunw sakha, "Robbuni." Obwni sema ongkha Elim.
17Jisu Moriyomnw sakha, "Anw rumwi tatondi, tamni hinba Ang tabokbw sakagw Aphani dayw thangyakho. Nwng thangwi Ani takhukrokni dayw saidi, Jebw Ani tei nokhni Apha, Jebw Ani tei nokhni Kaitor, Ang sakagw Bini dayw thangdok."
18Aiphuo Mogdolini Moriyom sagrirokni dayw thangwi sakha, "Ang Subrainw nungjak." Arw Jisu bwnw jebw sakha obwnw bw boknw sajak.
Subrai Jisu sagrirokbai nungjakha
(Mothi 28:16-20; Mark 16:14-18; Luk 24:36-49)
19Hatibarni pwilani sal, swindao sagrirok Jihudi ojaroknw kiriywi nokni jotho duwar khagwi jegakaisagw thumjalaijak. Aiphugw Jisu phaywi bokni kacharw bachagwi sakha, "Nokhbai baksa khakchangma tongthok." 20I koknw sagwi paywi, Bw Bini yak kongnwi tei panjarani aitanw sagriroknw phunukha. Subrainw nungwi sagrirok khw tongthok jalaikha.
21Jerw Jisu arwbw boknw sakha, "Nokhbai baksa khakchangma tongthwk. Apha jekhalaywi Anw hokha obwtwijar khalaywi Angbw nokhnw hodok." 22I koknw sagwi Bw sagriroknw phu rwgwi sakha, "Phala katharnw yachagwi ladi. 23Nokh kaisaswkni sumsok nakarwi rwgw hingkhalai bini sumsok nakarjanw, tei kaisaswkni sumsok nakar rwya hingkhalai bini sumsok nakar jagalak."
Jisu bai Thoma
24Jisu jephuo phaikha aiphuo Thoma hinwi o chinwi sagrirokni bisingw kaisa bokbai baksa kwrwi. (I Thomanw aphilbw hinw). 25Kothe sagrirok jerw Thomanw sakha, "Chwng Subrainw nungjak."
Thoma boknw saba, "Ang Bini yag kongnwini joloi bujanai sidomnw nungyakhalai tei o jegao yesi rwyakhalai arw Bini panjara aita yak rwyakhalai paitokgalak."
26Hatibar kaisani jerw sagrirok arwbw nok bisingw thumjalaikha, tei Thomabw bokbai baksa tongw. Duwar jotho khajakphwng Jisu phaywi bokni kacharw bachagwi sakha, "Nokhbai baksa khakchangma tongthok." 27Jerw Bw Thomanw sakha, "Nini yesi Ani irw tondi, Ani yak kongnwi naidi, arw nini yak hogwi Ani panjara aita tondi. Anw kha hamya takadi, paitokdi."
28Aiphuo Thoma sakha, "Ani Subrai, ani Kaitor."
29Jisu bwnw sakha, "Thoma, nwng Anw nungkha thanidwi paitokha? Jebwrok nungyakarwi paitok bok hamchajak."
Johonni bijapni bachung
30Jisu sagrirokni sakangw arw kothe kodur amok samung tangkha jebwrok i bijapw suijajiya. 31Matwr imwrok suijakha jate nokh paitoknaitwi Jisuse Mosiho, Kaitorni basa, tei paitogwi Bini mwngtwi langma mannaitwi.
ទើបបានជ្រើសរើសហើយ៖
Johon 20: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
