Johon 16
16
1"Nokh nokhni paitokma yakaryatwi hinwi Ang nokhnw imwroknw sadok. 2Bok nokhnw thum nok daini kariywi honw, arw imwtwijar jo phaidok, jephuni bok nokhnw buthalwi bakha kanw bok Kaitornwse mwngdok. 3Bok imwtwijar samung tangnw tamni himba bok Aphanw siya arw Anwbw siya. 4Matwr Ang nokhnw imwroknw sakha, jephuo bokni jora phainw aiphuo nokh bakha kamanaitwi je Ang nokhnw o borogrokni kothoyw kwrwk khalaywi rwjak. Ang pwilani jimin imwroknw sajiya twmwi himba Ang nokh bai baksase tongjak.
Phala katharni samung
5Matwr jebw Anw hojak Ang tabok Bini dayw thangdok, tei nokhni bisingni kaisabw Anw swngbw swngdokya, 'Nwng bwrw thandok?' 6Obwni naywi nokhnw i kokroknw sakha hinwi nokhni kha dugubai pwlwngkha. 7Hekphung Ang nokhnw kwbwi sadok, Ani thangnai nokhni bagwi gamse, twmwi himba Ang thangya halai nokhni o chubanaisa nokhni dayw phaigalak, matwr Ang thangw hinhalai Bwnw nokhni dayw honai. 8Tei Bw phaywi sumsokni kothoyw, raidattiyani kothoyw tei nalchirni kothoyw swngsarnw krojak hinwi majra rwnai. 9Bw boknw sumsokni kothoyw krojaknw phunogwi rwnai, twmwi himba bok Anw paitokya, 10Bw boknw raidattiyani kothoyw krojaknw phunugwi rwnai, twmwi himba Ang Aphani orw thangdok, nokh Anw arw nungalak, 11Bw boknw nalchirni kothoyw krojaknw phunugwi rwnai, twmwi himba i swngsarni sakwlphani nalchir ongwi paijak.
12Nokhni dayw tabokbw Ani kabangma kok sajanai tongw, matwr nokh tabok omoroknw soi mangalak. 13Kwbwi phala jephuo phainw aiphuo Bw nokhnw jotho kwbwi aita twidulnai, twmwi himba Bw sakni daini mwngsabw sagalak, matwr jebw khananw obwnw sanai, arw Bw nokhnw baiskangw ta ongnw obwnw sirwnai. 14Bw Anw chwngchuk khalainai, twmwi himba Ani jebw obwnw Bw yachagwi lanai arw obwnw nokhnw sirwnai. 15Aphani jebw tong, jotho Ani, aithani Ang sakha, o kwbwi phala Ani jebw obwnw yachagwi lanai arw nokhni dayw obwnw sirwnai."
Sagriroknw khasto rwkha
16Obwni jerw Jisu sakha, "Rangsa jorani jerw nokh Anw arw nungalak, matwr rangsa jorani jerw arwbw nokh Anw nungnw."
17Aiphuo sagrirokni bisingw kainwi kaitham obwnw lagwi kaisabai kaisa salaini nangkha, Bw chwnw imw tama sadok, 'Rangsa jorani jerw nokh Anw arw nungalak, matwr rangsa jorani jerw arwbw nokh Anw nungnw,' arwbw Bw sadok 'Twmwi himba Ang Aphani dayw thandok?' 18Bok arw sakha, "'Arw rangsa jorani jerw', imwnw sagwi Bw chwnw tama bijirwni nai? Bw ta sadok obwnw chwng biji mandokya."
19Jisu sijak bok Bwnw tama swngni naijak, aithani Bw boknw sakha, "Ang jephuo sakha, 'Rangsa jorani jerw nokh Anw arw nungalak, matwr rangsa jorani jerw arwbw nokh Anw nungnw,' imwni bisingtwi Ang tama bijirwni naidok imwnw lagwidwi nokh sakrokni bisingw salaidok? 20Ang nokhnw kwbwi kwbwi sadok, nokh karabnai tei dugu manwi baywi klainai matwr hayungni borogrok tongthoklainai. Nokh dugu mannw matwr jerw o dugu arw tongalak, o dugu tongthokma ongwi thangnw. 21Basa achaiphini birokrok tekto manw, tamni himba aiphuo bini basa achainai jo phaika. matwr basa achaywi paihalai, hayungo katal chakpe phaimani tongthokma bai bini bw o tektonw palogwi thangw. 22Thi omoni kosol, nokhbw tabok dugu mandok, matwr Ang arwbw nokhni dayw nungjak phainw, tei nokhni kha ephuo tongthokmabai phwlwngwi thangnw. Nokhni o thongthokma kaisabw nokhni daini swywi lamangalak. 23O salw nokh Ani dayw arw mwngsabw bigalak. Kwbwi kwbwi Ang nokhnw sadok, Ani mwngbai nokh Ani Aphani dayw mwngsaswk bikhalai, Ani Apha nokhnw omwnw rwnai. 24Tabok hoda, nokh Ani mwngwi Aphani dayw mwngsabw biyakho, bidi nokh mannw, nokhni tongthokma sohkpura ongnaitwi.
Jisu swngsarnw mechenjak
25Naisrwng tei arup semabai Ang nokhnw i kokroknw sajak matwr imwtwijar jora phaidok jephuni Ang nokhbai imwtwijar khalaywi kok sagalak. Aphani kothoyw jebw satai omonw prai prai khalaywi sanai. 26O salo nokh Ani bumungbai Aphani oro binw. Ang nokhnw sadokya je Angse nokhni ongwi Aphani oro binw. 27Apha sakbw nokhnw hamjagw, twmwi himba nokh Anw hamjajak tei paitokjak je Ang Apha Kaitorni daini phaimani. 28Ang Aphani daini swngsarw phaimani, Ang swngsar yakarwi Aphani dayw thandok." 29Aiphuo Bini sagrirok saha, "Taboklai Nwng naisrwng tei arup rwgwi sayakarwi prai prai khalaywi sadok. 30Tabok chwng bujiha, Nwng jotho siyw. Nwnw mwngsaswk swngnai aguo Nwng omoni joba rwmanw, omobai Chwng paitokkha Nwng Kaitorni daini phaimani." 31Jisu boknw swngkha, "Nokh ta tabok paitokdok?" 32Naidi, imwtwijar jo phaidok, obo tama tabok sukpaywise paijak, jephini nokh jotho Anw yakarwi jani nugw jan khalwi thangnw. Hekphung Ang saichong ongalak, twmwi himba Apha Angbai baksa tongw. 33Imwroknw Ang nokhnw sakha, nokh Ani daini khakchangma mannaitwi. Swngsarw nokh bedisao kalainw, matwr kharakdi, Angse swngsarnw mechenjak.
ទើបបានជ្រើសរើសហើយ៖
Johon 16: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
