Johon 12
12
Boithoniyao Jisuni kobolma
1Yokma terni saldok aguo Jisu Bwithoniya aulio thangkha. Jenw Jisu kwthwini kathang khalaijak o Lasar Boithoniyao tongw. 2Odayw bok Jisuni bagwi horni chamwng jugalkha. Martha chamwng bogwi rwdok tei Lasarbw Jisubai baksa chani achokjak rokni bisingw tongw.
3O joragw Moriyom ratham gramni kabangma moroknai thok mutum twbwgwi phaika tei Jisuni yathwyw lugwi bini khanaibai Jisuni yathwi huturubwi rwkha. O thokni mutumbai o khadal kwplwng ongkha. 4Jisuni sagrirokni bisingni kaisa, jebw Jisunw ulw kenarokni yagw rumwi rwnw, o Jihuda Iskoriyot sakha, 5"I thok mutumni morok bwisani srangpai. Imwnw phalwi bigra roknw rwmanakha mw. Tani omo khalaijaniya?"
6Bigrarokni koknw uansogwi bw I koknw sakha oboya matwr bw ongkha sikok. Bw rangni bakso bini dayw tonw arw odaini rang khogwi lagw.
7Jisu sakha, "Binibai bwnw tongni rw. Ani phubnai salni bagwi bw i thok mutumnw tonmani. 8Bigrarok lai jwnwm biti nokhni bisingo tongo, matwr Anw nokh jwnwmni mangalak."
9Jephini bok sikha Jisu Bwithaniao tongdok aiphuo kabangma Jihudi borog odayw phaikha. Bok je keber Jisuni bagwi odayo phaiha omoya, matwr jenw Jisu mwthang rwgwi tisajak o Lasarnwbw naini phaikha. 10Ephuo chontai ojarok Lasarnwbw buthalwi pairwni hinwi thi khalaikha, 11twmwi hinba Lasarni o teisakthangni bisingtwi Jihudini kabangma borogrok ojaroknw yakarwi Jisunw paitoklaikha.
Jisu Jirusalemw hapmani
(Mothi 21:1-11; Mark 11:1-11; Luk 19:28-40)
12Jebwrok terw thanglaijak bok jerwni salw khanalaikha je Jisu Jirusalemw phaidok. 13Aiphuo bok khajur balai lagwi Jisunw lamjaywi lani thangkha arw chirik chirigwi sani nagnkha,
"Hosanna,
Jebw Subraini mwngwi phaidok Bw hamchajak.
Jebw Israyelni bugra Bw hamchajak."
14Jisu koraitua masa rutubwi manwi obwni sakao achukkha, jekhalaywi Kathar Elemw suijak tong, 15"O Siyonni basajwk, takiridi. U naikhodi nini Bugra koraitua basani sakao kagwi phaidok."
16Jisuni sagrirok pwilago imoroknw bijimanlia. Jerw jephini Jisuni chwngsacha saplangjakha ephuo kathar elemni i kok Jisuni kothoywse suijakjak hinwi bokni bakha kakha, arw Bwbai baksa tama tama ongjak obwnwbw bakha kakha.
17Lasarnw mangkhorni mwthangrwgoi tisaphini jebwrok Jisuni oro tongjak bokse Lasarni teisakthangni kothoyw yakumu rwlaini nangkha. 18Obwni bagwise borogrok Jisunw lamjaywi lani thangmani, tamni hinba bok khanajak Jisuse o amok samungnw tangjak. 19Imwnw nungwi Phorisirok kaisabai kaisa salaikha, "Chini mwngsabw amrai ongdokya. Naidi, hayungni jotho borogrok Bini aita thangwi paikha."
Subrai Jisu sakni thwimwngni kothoyw sakha
20O terw jebwrok lobni phaijak bokni bisingo kaisa kainwi Grikbo tongo. 21Bok Philipni dayw phaywi Bwnw hayokkha, "Khakhamwi chwnw kisa Jisunw naini rwdi." Philip ongkha Galil amchoini Bwitsoda kamini borog. 22Philip thangwi o koknw Andriyonw saitangkha. Jerw Andriyo tei Philip Jisunw saitangkha.
23Jisu eiphuo Andrio bai Philipnw sakha, "Borogni sajlani chwngchuk ongnai jora sokphaikha. 24Ang nokhnw kwbwi sadok, gom bwchwlwi hagw kalaywi thwiya hingkhai hai o bwchwlwi keber kolsa chuchuise turogo, matwr obw thwio hingkhai hai obw arw kabang bwchwlwi achairwgo. 25Jebw sakni langmanw hamja bw omonw kamajanw, matwr je i hayungw bini langmanw naisli, bw omonw paiphlaiya langmani bagwi tisagwi tonnw. 26Kaisaswk Anw mwnni nayw hingklai bw Ang jebwnw khalai obwnw swrwngthwk. Ang jedayw tong Anw mwnnairokbw odayw tongnw. Kaisachwk Anw mwngo hingkhlai Apha bwnw borom rwnw.
27"Ani bakha tabok khaula ongwi kasadok. Ang ta i koknw satai, 'Apha, je jora tabok suphaikha, i jora daini Anw rwkkhiya khalaidi?' Ohwi, imwni bagwise Ang irw phaikha. 28Apha, Nini bwmwngnw chwngchuk khalaidi."
Ephuo Chukha daini i kok khanajakha, "Ang Ani bwmwngnw chwngchuk khalaikha tei Ang obwnw arwbw oaisa chwngchuk khalainai."
29Jebwrok odayo bachalaijak bok obonw khanagwi sakha, "Obw ongkha nokha gurum mani." Tei kaisa kainwi sakha, "Kaisa suari Bwbai kok sakha."
30Obobai Jisu sakha, "I kok Ani bagwi sajakjia matwr nokhni bagwise sajakgo. 31I hayungni borogrokni nalchirni jora sokphaikha, i hayungni sakwlphanw phatarw kokholwi honw. 32Anw jephuni ha daini kuchugo tisanw ephuo Ang jothonw Ani phaising twbwnw." 33Bini thwinai baraijar ongnw, omonw bijirwni bagwi Jisu i koknw saka.
34Ephuo borogrok Jisunw sakha, "Chwng kathar elembak daini khanakha Mosiho jwnwmni tongnai. Hai Nwng tamakhaywi samankha, 'Borogni sajlanw sakago matisanai?' Halai i Borogni sajla swrwbw?"
35Jisu boknw sakha, "Arw rangsani bagwise pohor nokhbai baksa baksa tongw. Pohor nokhbai baksa tongphini nokh himdi, jate andar nokhni sakao kalaiyatwi. Je andarw him, bw siya bw bwrw thang. 36Pohor nokhni dayw tongtwi tongtwi pohornw paitokdi, nokh o pohorni basa ongmanaitwi."
Paitoknai tei paitoyani bathai
I kokroknw sanai jerw Jisu borogrokni daini thangwi saknw huikha. 37Jisu bokni sakangw kabangma amok samung tangjakphwng borogrok Bwnw paitokjia. 38Imo ongkha Diyari Jisayoni i kok pwlwngnaitwi:
"Subrai, chini rwnai kotho swrw paitokha?
Swrwni dayw phwng Subraini pharan ganang yak saplang jakha?"#12:38 Jisaia 53:1
39O borogrok aithanise paitokmanjia, jekhalaywi Jisaiyo arw kwrwngsa jegao suijak, 40"Bw bokni mokol nungyajar khalairwkha arw bokni bakhanw rakhwng khalaika, omo khalaiya khlai bok mokolbai nungkhamw, kha bai bijikhamw, tei kha phirokkhamw, arw ang boknw hamrwkhamw."#12:40 Jisaia 6:9-10 41Jisaiyo Jisuni chwngsacha nungjak thani bw Bini kothoyw i kok sakha. 42Hekphwng ojarokni bisingni akkhuni Bini sakagw paitoklaikha, matwr Phorisirok boknw thumnok daini kariywi honw, aithani obonw kiriywi bok bukhokbai gosenia. 43Bok Kaitorni daini mung gam mannaini naikhlai borogrokni daini mung gam manani kabang hamjakgw.
44Jisu kharang gara khlaywi sakha, "Jeni paitokma Ani sakagw tong bini keber Ani sakagw paitokma tongw araiya, matwr Anw Je hokha Bini sakagwbw paitokma tongw. 45Anw je nung bw Anw Je hokha Bwnwse nungo. 46Ang i hayungni pohor hinwi phaikha Anw paitoknaisa bw andaro tongyatwi. 47Jwtini kaisachwk Ani kok khanagw matwr paleya, halai Ang bini nalchir khalaiya, tamni hinba Ang borogni nalchir khalaini phaijiya matwr boknw sumsokni yokrwnise phaiyw. 48Jebw Anw gelan laya arw Ani kok goseywi laya, bini bagwi kaisa nalchirai tongw. Je koknw Ang sajak o kokse paithakni salw bini nalchir khalainw, 49Tamni hinba Anglai Sakni daini mwngsabw sajiya, matwr Anw honaisa Ani o Aphase Anw tholo tanw tanw sathai. 50Ang sio Bini tholmwngse paiphlaiya langma. Aithani bagwi Apha anw jebw sani bagwi sajak Ang keber obwnwse sagw."
ទើបបានជ្រើសរើសហើយ៖
Johon 12: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
