Prerit 6
6
Kaisini mwngnaisa
1O jorao Khristonw rwknairok remthaio bangni nangkha. Ephuo Grik kok sanai paitoairok Ibriyo kok sanai paitoairokni baithe ai hinwi khatta rwkha je, salbiti nangnai manwi baknai jorao bokni randirok mwngsabw maya. 2Ephuo o kaichinwi pirsai jotho sagriroknw ringkhogwi sakha, "Kaitorni koknw pirnai yakarwi chamwng rwnai lagwi chwng kulokmanya ongwi tongthaiya. 3Takhukrok, nokh sakrokni bisingni kaisini borog saywi ladi jebwrok mwk ganang tei Phala Katharbai kwpwlwng hinwi gam sinimung tong. Chwng bokni sakao i samungni dai rwnw. 4Iswkhlai chwng surinai tei Kaitorni kok pirnai samungw kabang kha rwmannw." 5Bokni i kokroknw jothobw gam manjalaikha. Paitokmao tei Kathar Phalabai kwpwlwng Stiphannw bok saywi lakha. Obwni badebw bok Philip, Prokhor, Nikanor, Timon, Parmina tei Antiyokhiya aulini Nikolaynwbo saywi lakha. O Nikolay Bejihudi ongwibw Jihudi raida paleo. 6Jerw bok i borogroknw pirsairokni dayw tilangkha. Ephuo pirisairok bokni bagwi surilaikha tei bokni sakagw yak tonkha.
7Arai khalaywi Kaitorni kok saljakha, tei Jirusalemw sagrirokni remthai dodogwi bangni nangkha arw kabangma chontairok Khristo raida paitokmanw goseywi lakha.
Borogrok Stiphannw rumkha
8Stiphan Kaitorni khakhamma tei phranbai kwpwlwng ongwi borogrokni bisingw kodur amok chajanaijar samung tei sidomni samung khalaini nangkha. 9Matwr Jihudirokni bisingni dagisa borog phaywi Stiphanbai tokra rwlaini nangkha. Bokni bisingni dagisa Libortin rokni thumnokni phaimani, jebwrok ongkha Aleksandri tei Kurini aulini, arw dagisa ongkha Kilikiya tei Asia amchoi daini. Bok Stiphanbai tokra rwlaidok, 10matwr Stiphan Phala Katharni bisingtwi khw buju ganang kokni bisingtwi bokbai kok sani nangkha. Obwni bagwi bok bini baithe bacha laimanliya.
11Ephuo o Jihudirok bising bising kainwi kaitham borognw i koknw sadi hinwi phemlogwi rwkha, "Chwng Stiphannw Mosi tei Kaitorni baithe lachimani kok samani khanajak."
12Aikhalaywi bok borogroknw, okara chakara tei raida phwrangsa roknw thamchi tisakha arw Stiphannw rumwi hakra baichuk sakangw twbwkha. 13Bok kainwi kaitham misa sathai bacharwkha. O sathairok sakha, "I borogsa jwnwmbiti noktharni baithe tei Mosini kerongnalni baithe kok sagw." 14Chwng bwnw i koknw samani khanajak je, o Nasarot kamini Jisu i noktharnw sapaywi pairwnai tei Mosi rwnai kerongnalnwbw bodlainai. 15Ephuo hakra baichugw jebwrok achuklaijak bok jotho Stiphanni aita thi khalaywi naywi tongkha, Stiphanni makhang suarirokni makhangni kosol kwchwng.
ទើបបានជ្រើសរើសហើយ៖
Prerit 6: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
