Prerit 3
3
Pitor boyanw hamrwkha
1Salsa Pitor bai Johon diphorni dam tham aita surinai jogw noktharw thanglaidok. 2Jwnwm bitini kosol, noktharni Machang bumungni duar dayw kaisa borognw balwi twphaidok. Bw ongkhade achai phangsini boya. Noktharw thangnai rokni daini birkha bini bagwi bw sirw achugwi tongw. 3Pitor bai Johonnw noktharw habmani nungwi bw bokni dayw rang bikha. 4Pitor bai Johon o boyasani aita naikhoka tei Pitor sakha, "Chini aita naikhodi!" 5Bok kainwini kok khanagwi boyasa mwngsaswk manni khadungwi bokni aita naikhoha. 6Matwr Pitor sakha, "Ani dayw rangchak eba ruphai kwrwi, matwr jebw tong ang omonw nwnw rwdok. Nasorotni Jisu Khristoni mungbai bachadi tei himwi beredi." 7Obwni jerw bw o boyani yagra yak rumwi bwnw tisaha, arw aiphuo bini yathwi tei yakorai pharan maha, 8Bw bachluoi bachakha arw himni rumkha. Ulo bw himtwi himtwi, bachluktwi bachluktwi tei Kaitornw lobtwi lobtwi bokbai baksa noktharw thangkha. 9Jotho bwnw himmani tei Kaitornw lobmani nungkha. 10Borogrok bwnw sinikha aguo o borogsa noktharni Machang mwngni duar sakangw achugwi birkha biyw. O borogsani langmao jebw ongkha omw nungwi bok amok ongkha, bok bijimanliya imwtwijar amok haba ta khalaywi ongkha.
Pitorni yakumu
11O borogsa Pitor arw Johonnw rumwi bachagwi tongjak, tei jotho o borogsanw hamjak nungwi amok ongkha, tei obwni bagwi bok Solomon mwngwi je noksarw Pitor arw Johon bachagwi tongjak bok odayw khalwi phaikha. 12Imwnw nungwi Pitor borogroknw sakha, "Ani Jihudi takhukrok, nokh tamani iswk amok ongdok? Nokh tani chini aita arai khalaywi naikhodok? Nokh tama imwnw bakha kagw chini pharan tongw thani eba chwng raidia thani bwnw hamrw mangkha? 13Chini hodaipiri Abrahamni, Isohakni, tei Jakobni Kaitor, Bini sakni seleng Jisunw chwngchuk khalaijak. I Jisunw nokh buthalni bagwi kenarokni yagw tisagwi rwkha. O salw Pilat jephuni Jisunw yakarwi rwni hinwi bakhabai chongjak, aiphuo nokh Pilatni koknw khanayagwi bwnw sajak nokh Jisunw naiya. 14Nokh o Raidiasanw narang khalaywi kaisa borog buthalnai sanwse yakarwi rwdi hinwi Pilatnw kabokjak. 15Jebw langma rw Bwnwse nokh buthalwi pairwjak, matwr Kaitor Bwnw kwthwi daini kathang khalaywi tisajak, tei chwng ongkha omorokni sathai. 16Tabok nokh je boya borogsanw nungdok tei jebwnw nokh sini, bw Jisuni mwngwi paitokmani bisingtwi hamkha. Jisuni bisingtwi je paitokma phai o paitokmase nokhni jothoni sakangw bwnw hamrwjak.
17"Takhukrok, ang siyw nokhbw nokhni ojarokni kosol bijiya karwi i samungnw khalaikha. 18Matwr Kaitor, kabangma sal aguni jimin diyarirokni bisingtwi Khristoni satok buginai koknw saplangjak. Tei o kokroknw Kaitor arai khalaywi sohkrwkha. 19Aithani khamka nokh nokhni bakhanw sumsok daini phirogwi Kaitorni dayw phaidi, nokhni sumsok nakarjanaitwi, 20tei Subraini daini pholang pharan mannaitwi, Bw Jisunw honai Jebw ongkha Mosiho Jenw aguni jimin nokhni bagwi chongwi tonjak. 21Kaitor aguni jimin diyarirokni bukhoktwi sagwi tonjak Bw jotho arwbw aguni kosol khalainai. Bw jeswk sal jora Bini sanai koknw sohkrwya iswksal jora Jisu chukhao matongnai. 22Mosi sajak, 'Nokhni Subrai Kaitor nokhni Israyel takhuk rokni bisingnise nokhni bagwi ani kosol kaisa diyari tisanai. Bini kokni maping nokh mahimnai. 23Je Bini koknw khanagalak o borognw Bini borogrokni bisingni nachra khalaino.'
24"Arw jotho diyari, imw tama Somuyel tei bini jerw phainai jotho diyarirokbw i salni kok sagwi thangjak. 25Nokhlai diyarirokni bosongcheng, nokh Kaitorni o akhani pwingman, je akha Kaitor nokhni hodaipiri rokbai khalaijak. Bwlai Abrahamnw sajak, 'Nini bosongni bisingtwi swngsarni jotho dopha hamari mannai.' 26Kaitor jephini Bini selengnw tisakha, aiphuo Bw nokhnw chaya lama daini philrwgwi twbwnai bisingtwi khalaywi hamari rwni bagwi Bwnw pwilagw nokhni dayw hojak.
ទើបបានជ្រើសរើសហើយ៖
Prerit 3: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
