Prerit 18
18
Korinthogw Pol
1Omo paikhlai Pol Ethens yakarwi Korintho aulio thangka. 2Odayw Akila hinwi kaisa Jihudibai bw malaiha. Ponto amchoyo Akila achaijak. Miya ukhlise bw bini bihik Priskillanw lagwi Italini Korinthogw phaimani, twmwi himba Klodiyo jotho Jihudinw Romni akhogwi thandi hinwi tholma rwjak. 3Bok rinok banainai samung tangw je samungnw Polbw tangw aithani Polbw bokbai samung tangkha. 4Lengkhonai salbiti Pol thum nogw thangwi Jisuni kothoy lagwi kok sagw tei Grik arw Jihudiroknw Jisuni lamagw twni chaitogw. 5Sil arw Timothio Mesidoniyani Korinthogw phaikhlai, Pol Kaitorni kok piriywi bini jo honi nangkha. Bw Jihudi rokni dayw yakumu rwgo je Jisuse Mosiho. 6Matwr Jihudirok jephini Polni baithe kok sagwi bwnw lachima phunokni nangkha aiphuo Pol bokni baithe bini ri chum phutchakha tei sakha, "Nokh jwtini tekhokma maya hingkhlai omoni bagwi nokhse daicha. I kothoyw ani mwngsa khatta kwrwi. Tabokni jimin ang Bejihudi rokni daywse thanw. 7Omo paikhlai Pol thum nok yakarwi Titiyo Justo hinwi kaisani nogw kakha. O borogsani nok thum nokni koriyw tei bw Bejihudi ongwibw Kaitornw lobw. 8Thumnokni oja Krispo tei bini nokhorni jotho Subrainw paitokkha. Omoni bade Korinthiyo rokni bisingnibw akhuni borog Polni kok khanagwi paitokha tei baptismo lakha. 9Oaisa horo Subrai kwrwngsa imangni bisingtwi Polnw i kok sakha, "Takiridi, kok sagwi thangdi, phwrwk khalaywi ta tongdi. 10Twmwi himba Ang nwngbai baksa baksa tongw. Nwnw kaisabw kaphriywi nini guna khalai mangalak, twmwi himba i aulio Ani kabangma borog tongw." 11Omobai Pol odayw tongwi bisisanibo kabang borogroknw Kaitorni koknw phwrwngkha. 12Galliyo jephini Akhaya amchoini sakwlpha aiphuo Jihudirok jotho Polnw rumwi nalchirni jegao tilangkha. 13Bok sakha, "I borogsa jekhalaywi chwnw Kaitornw lobni bagwi phwrwngdok omo chini kerongnalni baithe. 14Pol jephuo kok sani naidok aiphuo Galliyo Jihudiroknw sakha, "Jihudirok, imo jwtini Rom kerongnalni benirai eba khattani kothoy hintilai ang nokhni kok khanamani thi ongkhamu. 15Matwr nokh jephini raidani bwmwng, raidani koktang tei nokhni sakni kerongnalni kothoyw swnglai aiphuo nokhnibai nokhse obonw nalchir khalailaidi. Ang imwtwijar kothoyrokni bagwi nalchir khalaigalak." 16I kok sagwi bw nalchirni jegani boknw kariywi hodi hinwi tholkha. 17Aiphuo o Jihudirok jotho baksa ongwi thumnokni oja Sosthininw rumwi nalchirni jega sakangw bukha tukkha, matwr Galliyo omonw nungwibw nungyani kosol khalaywi tongkha.
Priskilla, Akila tei Apollo
18Korintho aulio kabangma sal tongnai jerw Pol paitoai takhukrokni daini hamalai lagwi twijlang lamagw Suria aita thangka. Bwbai baksa Akila tei Priskillabw thangjak. Kwrwngsa baithak raidani samai #18:18 baithak raidani samai Gonona lobong 6:1-21 khep.sohkrwni bagwi Pol Kingkriyao phaywi bokhorokni khanai silwi pairwkha. 19Iphish aulio suiywi bw Priskilla tei Akilanw o aulio kalangwi thangkha. Matwr bw thum nogw thangka arw Jihudirokbai Jisuni kothoyw salaini nangkha. 20Jihudirok bwnw bokbai baksa aro salnwi saltham tongdi hinkha, matwr bw goseniya. 21Matwr odaini thangphini bw sakha, "Kaitorni muchuma ongkhalai ang arwbw philwi phainw." Omo paikhlai bw Iphis daini rungtorw kagwi thangkha. 22Bw Kwisoriya aulio suiywi rungtorni akhogwi Jirusalemw thangka. Odayw mothani borogroknw hamchang rwgwi paywi Antiyokhiyagw thangka. 23Antiokhiyagw talnwi taltham tongnai jerw bw o jeganw yakarwi thangka tei Galatiya tei Phorugiya jilani motharogw thangka arw odaini paituairoknw pharan ganang khalaika. 24Apollo hinwi kaisa Jihudi Iphisw phaika, bw Aleksandrio aulio achaijak. Bw kaisa kwrwng borog arw kathar Elembak gam khalaywi siyw. 25Apollo Subraini lamani kothoyw aguni jimin phwrwngma manjak. Bw kotor pharanbai kok sagw tei Jisuni kothoyw kro kwrwi jar khalaywi phwrwngw, matwr Johonni baptismoni bader arw mwngsa baptismoni kok bw siya. 26Apollo jephuo thum nogw kharagwi pirdok, o joragw Priskilla tei Akila bini kok khanagwi bwnw saichong khalaywi ringkhogwi tilangwi Kaitorni lamani kothoyw arw gam khalaywi bijirwkha. 27Apollo Akhayagw thangni muchukhalai Khristo paitoairok bwnw khabaja rwkha. Akhayani Khristo paitoai rok Apollonw yachagwi lanaitwi Iphisiyoni paitoai rok boknw koktun suiywi hokha. Akhayagw suihalai Apollo odaini Kaitorni khakhammani bisingtwi jebwrok paitoai ongjak boknw kabangma chubakha. 28Jisu je Mosiho bw obwnw kathar elembak daini majra rwkha tei jothoni sakangw nalchap rwgwi tokratokriyw Jihudiroknw mechenkha.
ទើបបានជ្រើសរើសហើយ៖
Prerit 18: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
