Mak Baak ptơơm bôôk

Baak ptơơm bôôk

Baak Sroong Klanh tênh Mak ptơơm pơơk bôôk u baak tơmbơh laah au laa “Baak Sroong Klanh Brah Jê-sus Krist ri, Koon Brah Ưn”. Brah Jê-sus kươt pơgeh bei lah di mbu bnih plah lơh u geh ch'bap. Geh ch'bap Pang ri tơrsau rlach baak tti kne, dang kmheng huôih a lơ chaak ap u knông ta krôih dôih 'baap aan bơl raih. Brah Jê-sus tơmoh sak nơơm Pang laa Koon Bnih ja luh jưr u teh aan piyơ sơmlaang rêh Pang ri jah a đoh chloong koon bnih sot rlach dôih 'baap.

Baak Sroong Klanh Mak tơmbơh Brah Jê-sus knông sơpong ngan, moh dang n'hai lngan dơơh u ntil Pang ja lơh huôih lah baak mor u baak tti kne Pang ri. Rlech baak ptơơm gleh pa Jang Bap-tit, bap-tem u baak dol chhôh nôôl Brah Jê-sus ri, nơơm 'bian kơndaal chhuôr kươi u baak kaar tti kne u tơmbah pơrtanh Pang ri. U n'hai bêl rlach hôm, bơl jơrnơ Brah Jê-sus ri gưt Pang srlah huôih, nei mat a kươi bơl ta wal Brah Jê-sus but dôih kmang n'hai Pang huôih. Ơp tap ptut krơơ chhuôr kaar a lơh knông rthôl ptut pơtiêng Brah Jê-sus ri a lơ teh, lah kaap phaat pơng đênh u baak rêh kươi Pang ri.

Kôq dap

Ptơơm bôôk daak Baak Sroong Klanh ri (1:1-13)

Kênh kaar srlah srlom Brah Jê-sus ri a kwaal Ga-li-lê (1:14 – 9:50)

Troong han a Ga-li-lê tơt Jê-ru-sa-lem (10:1-52)

Rthôl ptut pơtiêng dơơh u a Jê-ru-sa-lem (11:1 – 15:47)

Baak rêh kươi Brah Jê-sus (16:1-8)

Ơp ndơq luh tơrsau u baak hao u trôôk Brah ri Rêh Kươi (16:9-20)

ទើបបានជ្រើសរើសហើយ៖

Mak Baak ptơơm bôôk: SBL2024

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Sm'bưt Brah Pơrnơn Mhei