Ma-thi-ơ 28
28
Baak rêh kươi Brah Jê-sus ri
(Mak 16:1-10; Lu-ka 24:1-12; Jang 20:1-10)
1Rlach nar sa-'bat, plah aang brung brung nar muôi knông rthôl, Ma-ri Ma-đơ-len u Ma-ri nday han nhjook kmôôch. 2Tôw, teh rgu bơm yoh, đươm mbu lênh Brah ri a trôôk jưr, lôh pơrlam tmau sot u gôq lơ trôôk. 3Sm'aang lênh brah aang bei kao liêk u ao book bei kao tôk. 4Bơl lênh kray n'hông đat, pndrơm u but bei bnih chhưt. 5Dôh lênh brah lah n'hai bơl dơur laah: “Khơơm n'hông, đươm hei gưt bơl 'bei wơng Brah Jê-sus, Yaang ja dol pơng đênh lơ chhư rglaang. 6Pang 'bưn a au laang, Pang ja rêh kươi hơơi, bei baak Pang ja lah. Phrui han mơq ktôk Pang ja bêch. 7Phrui han tơmbơh gway aan bơl jơrnơ Pang gưt laah Pang ja rêh kươi a ktôk chhưt, u au, Pang han tơt Ga-li-lê noor bơl 'bei. Tu nei, bơl 'bei a kươi sau Pang. Nei laa ntil hei tơmbơh aan bơl 'bei.”
8Baar du dơur au gway kơndaal lơơi rlach kmôôch, n'hông ndêh broh ndêh, tprang han tơmbơh aan bơl jơrnơ Pang ri. 9A drot, Brah Jê-sus mơp bu u lah: “Chah bơl 'bei!” Bu lôh dơơh, ut jơng Pang u smbah Pang. 10Brah Jê-sus lah n'hai bu: “Khơơm n'hông, phrui han maanh bơl oh bi Hei han tơt Ga-li-lê, tu nei bu a kươi mơp Hei.”
Tak tơmbơh lênh kray ri u baak lư knông swich teh
11Knông plah baar du dơur au han, nei pal bah lênh kray kmôôch han mưt poh, krơơ aan bơl yau thwaai ndap ttơơm jôm kaar ja lôh tơt. 12Di kươi ja pơrgum pơrgênh n'hai bơl raanh ttơơm, bu aan bơl bah lênh m'baak prak tih, 13u pn'ak: “Phrui mor laah ‘bơl jơrnơ bu ri lôh lap ngơl mang, plah bơl hei nha bêch, u ttung pơih kơmôich hơơi.’ 14Mơq kaar au tơt tôr yau tông, bơl hei a kươi ndit bu nei, u het a roop aan bơl 'bei.” 15Bei nei bơl bu pơih prak u lơh bei baak bu pn'ak. Baak au kươt lư rlum knông raih Jo-thai aan tơt nar au.
Brah Jê-sus lôh sot tu Ga-li-lê
(Mak 16:14-18; Lu-ka 24:36-49; Jang 20:19-23; Kênh Kaar 1:6-8)
16Jmơt muôi jơrnơ han tơt kwaal Ga-li-lê, tơt yôq bnơm Brah Jê-sus ja chong aan bu.#Mat 26:32; Mak 14:28. 17Tơt sau Pang nei bu smbah Pang. Dôh mbu baar du nha nggich nggưl. 18Brah Jê-sus lôh u lah n'hai bu laah: “Leq sêch ch'bap kmheng lơ trôôk a teh ja ndơơp aan Hei. 19Bei nei, phrui han tak lơh bơl raih but jơrnơ Hei, phrui tơmoh chhak Brah Bươp, Brah Koon u Brah Wêêng lơh bap-tem aan bu#Kênh 1:8. 20u kne bu prap jôm ntil Hei ja tơmbơh aan bơl 'bei. U au, Hei gôq n'hai bơl 'bei yoot aan tơt ptut.”
ទើបបានជ្រើសរើសហើយ៖
Ma-thi-ơ 28: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 28
28
Baak rêh kươi Brah Jê-sus ri
(Mak 16:1-10; Lu-ka 24:1-12; Jang 20:1-10)
1Rlach nar sa-'bat, plah aang brung brung nar muôi knông rthôl, Ma-ri Ma-đơ-len u Ma-ri nday han nhjook kmôôch. 2Tôw, teh rgu bơm yoh, đươm mbu lênh Brah ri a trôôk jưr, lôh pơrlam tmau sot u gôq lơ trôôk. 3Sm'aang lênh brah aang bei kao liêk u ao book bei kao tôk. 4Bơl lênh kray n'hông đat, pndrơm u but bei bnih chhưt. 5Dôh lênh brah lah n'hai bơl dơur laah: “Khơơm n'hông, đươm hei gưt bơl 'bei wơng Brah Jê-sus, Yaang ja dol pơng đênh lơ chhư rglaang. 6Pang 'bưn a au laang, Pang ja rêh kươi hơơi, bei baak Pang ja lah. Phrui han mơq ktôk Pang ja bêch. 7Phrui han tơmbơh gway aan bơl jơrnơ Pang gưt laah Pang ja rêh kươi a ktôk chhưt, u au, Pang han tơt Ga-li-lê noor bơl 'bei. Tu nei, bơl 'bei a kươi sau Pang. Nei laa ntil hei tơmbơh aan bơl 'bei.”
8Baar du dơur au gway kơndaal lơơi rlach kmôôch, n'hông ndêh broh ndêh, tprang han tơmbơh aan bơl jơrnơ Pang ri. 9A drot, Brah Jê-sus mơp bu u lah: “Chah bơl 'bei!” Bu lôh dơơh, ut jơng Pang u smbah Pang. 10Brah Jê-sus lah n'hai bu: “Khơơm n'hông, phrui han maanh bơl oh bi Hei han tơt Ga-li-lê, tu nei bu a kươi mơp Hei.”
Tak tơmbơh lênh kray ri u baak lư knông swich teh
11Knông plah baar du dơur au han, nei pal bah lênh kray kmôôch han mưt poh, krơơ aan bơl yau thwaai ndap ttơơm jôm kaar ja lôh tơt. 12Di kươi ja pơrgum pơrgênh n'hai bơl raanh ttơơm, bu aan bơl bah lênh m'baak prak tih, 13u pn'ak: “Phrui mor laah ‘bơl jơrnơ bu ri lôh lap ngơl mang, plah bơl hei nha bêch, u ttung pơih kơmôich hơơi.’ 14Mơq kaar au tơt tôr yau tông, bơl hei a kươi ndit bu nei, u het a roop aan bơl 'bei.” 15Bei nei bơl bu pơih prak u lơh bei baak bu pn'ak. Baak au kươt lư rlum knông raih Jo-thai aan tơt nar au.
Brah Jê-sus lôh sot tu Ga-li-lê
(Mak 16:14-18; Lu-ka 24:36-49; Jang 20:19-23; Kênh Kaar 1:6-8)
16Jmơt muôi jơrnơ han tơt kwaal Ga-li-lê, tơt yôq bnơm Brah Jê-sus ja chong aan bu.#Mat 26:32; Mak 14:28. 17Tơt sau Pang nei bu smbah Pang. Dôh mbu baar du nha nggich nggưl. 18Brah Jê-sus lôh u lah n'hai bu laah: “Leq sêch ch'bap kmheng lơ trôôk a teh ja ndơơp aan Hei. 19Bei nei, phrui han tak lơh bơl raih but jơrnơ Hei, phrui tơmoh chhak Brah Bươp, Brah Koon u Brah Wêêng lơh bap-tem aan bu#Kênh 1:8. 20u kne bu prap jôm ntil Hei ja tơmbơh aan bơl 'bei. U au, Hei gôq n'hai bơl 'bei yoot aan tơt ptut.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.