Mak 1
1
Baak riêp kaar Brah Jê-sus ri
(1:1-13)
Kaar Jang Bap-tit ri
(Ma-thi-ơ 3:1-12; Lu-ka 3:1-18; Jang 1:19-28)
1Ptơơm Baak Sroong Klanh Brah Jê-sus Krist ri, Koon Brah Ưn.#1:1 Koon Brah Ưn: Knông m'baak plơơp 'bian ti 'bưn geh pal sêr au. 2Bei ja 'bian knông sm'bưt grnưt noor Ê-sai:
“Au, Hei maanh ndraanh Hei han di mat Koon,
Bnih a kươi kwaih troong aan Koon.
3Geh baak bnih khuôl knông trenh sngat:
Phrui kwaih troong aan Brah,
Lơh song pal rloong aan Pang;”
4Jang, bnih lơh bap-tem, ja lôh knông trenh sngat, chhuôr teq u ryơơng bap-tem teq u baak teq lơi dôih jah kươt krôih dôih.#1:4 Jang, bnih lơh bap-tem... kươt krôih dôih: Knông m'baak plơơp 'bian ti laa Jang ja lôh knông trenh sngat, lơh bap-tem n'hai chhuôr teq u ryơơng bap-tem teq lơi dôih jah kươt krôih dôih. 5Phung raih jôm kwaal Ju-đê u poh Jê-ru-sa-lem kot lôh u bu, teq lơi dôih nơơm u kươt bu lơh bap-tem a teh daak glung Jô-đanh. 6Jang dook ao snook seh joong kôw, wơnh chhei buq pêêk, sa pi krah u daak sut bri. 7Bu chhuôr kne laah: “Yaang lôh kươi hei, kmheng huôih hei, hei 'bưn dip jưr kun doh chhei sroom aan Pang ơơm. 8Hei lơh bap-tem aan bơl 'bei dơng daak, dôh Pang a kươi lơh bap-tem aan bơl 'bei dơng Brah Wêêng.”
Brah Jê-sus dol bap-tem u chaak ap lêch lung
(Ma-thi-ơ 3:13 – 4:11; Lu-ka 3:21,22; 4:1-13)
9Knông pal nar nei, Brah Jê-sus a poh Na-sa-ret klung kwaal Ga-li-lê lôh, u kươt Jang lơh bap-tem a teh daak glung Jô-đanh. 10Tơt mhei hao rlach daak, Pang sau pal lơyaang trôôk a pơơk, u Brah Wêêng smơ bei pi traap bat jưr lơ Pang. 11Hươi geh baak a trôôk lah: “Koon laa Koon êch srlanh Hei ri, klanh chưt Hei sơp!”#Mat 3:17; 12:18; Mak 9:7; Lu 3:22. 12Kơndaal plah nei, Brah Wêêng trôih trôl Pang han mưt trenh sngat. 13Pang gôq knông trenh sngat puôn jơt nar, dol Sa-tan lêch lung, rêh klung pai bri, u geh bơl lênh brah jraih kaar Pang.
Kênh kaar Brah Jê-sus tu kwaal Ga-li-lê
(1:14 – 9:50)
Brah Jê-sus ptơơm kaar – Bơl jơrnơ daak bôôk
(Ma-thi-ơ 4:12-22; Lu-ka 4:14,15; 5:1-11)
14Di kươi Jang dol teq khaam, Brah Jê-sus plơp siq kwaal Ga-li-lê, chhuôr Baak Sroong Klanh Brah Ưn ri. 15Pang lah: “Bêl ja sơp, nggoor Brah Ưn êch dơơh lôh, Bơl 'bei phrui teq lơi dôih u pơih jơ Baak Sroong Klanh.”#Mat 3:2. 16Tơt han rgoq tênh kơh daak rmưt Ga-li-lê, Pang sau Si-môn u oh laa Anh-rê plah rang moong a teh daak rmưt, đươm bu kot bơ kaar rang moong. 17Brah Jê-sus lah n'hai bu: “Phrui tênh Hei, Hei a kươi lơh bơl 'bei but ti rang moong bnih.” 18Bu kơndaal teq moong baah tênh Pang. 19Han ndêq nha, Pang sau Ja-kơ, koon Sê-bê-đê ri, u oh laa Jang plah jhênh moong lơ duuk. 20Kơndaal Pang khuôl bu. Bu teq bươp nơơm laa Sê-bê-đê a kươi lơ duuk n'hai bơl bnih lơh kaar buôn u ja nei tênh Pang.
Brah Jê-sus prơh chaak
(Lu-ka 4:31-37)
21Brah Jê-sus u bơl jơrnơ lôh u poh Ka-bê-na-um. Plah nar sa-'bat, Pang kơndaal mưt nhi pơrgum n'hai ptơơm chhuôr kne. 22Jôm bnih kot êêng aang teq u baak kne Pang ri, đươm Pang kne di troong geh ch'bap kmheng, 'bưn bei bơl yau gưt jhai.#Mat 7:28-29.
23Kơndaal plah nei, knông nhi pơrgum geh di mbu bnih dol wêêng 'bưn jrah rup, 24bu troh mơh: “Jê-sus bnih Na-sa-ret! Bơl hei n'hai Ay geh ta dơơh ơơn? Ay lôh jah lưm luôch bơl hei neh? Hei gưt Ay laa 'bơơn, lah Yaang Jrah Brah Ưn ri!” 25Dôh Brah Jê-sus gmhaar preet bu: “Rngơt ơơi! Phrui sot rlach bnih au!” 26Wêêng 'bưn jrah mrah dang bnih nei, bu troh mơh hơơi sot rlach bnih nei. 27Jôm bnih kot êêng aang lôh aan bu ta pooch tơrnang nơơm: “Baak ơơn bei nei? Di tơmbơh tti mhei geh bêêng ch'bap kmheng! Pang maanh aan leq wêêng 'bưn jrah, u bơl bu kot phrui lơh tênh!” 28Saak baak Brah Jê-sus kơndaal bu gưt lư jôm kwaal dơơh Ga-li-lê.
Brah Jê-sus tơmbah mei pôw Phi-e-rơ
(Ma-thi-ơ 8:14-17; Lu-ka 4:38,39)
29Mhei sot rlach nhi pơrgum, Brah Jê-sus pôl n'hai Ja-kơ u Jang mưt nhi Si-môn n'hai Anh-rê ri. 30Mei pôw Si-môn plah dol pơrtanh bêch lơ ndơl. Bu ơh drơh n'hai Pang teq u pơrtanh mei ur. 31Pang lôh dơơh, dơp ti kơldơk mei ur; mei ur phơơt baaq pơrtanh u ptơơm jraih kaar jôm bnih.
Brah Jê-sus lơh tênh pal chmlih chmleek n'hai tơmbơh chhuôr
(Lu-ka 4:40,41)
32Mau jơ ngôw, tơt mat nar mhei nhơp, bu nday liêu leq sêch bơl bnih pơrtanh n'hai bnih dol chaak rup lôh u Brah Jê-sus. 33Leq di poh pơrgum a bôôk lpôông. 34Pang tơmbah jôm bnih tanh ji geh ơk ntil pơrtanh nday, u prơh ơk chaak dôh 'bưn aan ch'bap chaak mor đươm bơl bu gưt Pang laa 'bơơn. 35Aang a ôi tơt, trôôk nha nh'ơơm jơ ngôw, Pang ja kah bêch, chwaat sot, han mưt ktôk sngat u r'bon dan tu nei. 36Si-môn n'hai bơl gnasaal han wơng Pang. 37Tơt ja amơp kươt Pang, bu ơh: “Jôm bnih plah han wơng Yau.” 38Dôh Pang lah n'hai bu: “Bơl bơn phrui han ktôk nday, mưt pal poh dêq rlum au jah Hei chhuôr kne a nei nha; đươm au laa rơ kheet baah Hei ja lôh.” 39Pang han jôm kwaal Ga-li-lê, tơmbơh chhuôr knông pal nhi pơrgum u prơh chaak.#Mat 4:23; 9:35.
Brah Jê-sus tơmbah pơrtanh dưn
(Ma-thi-ơ 8:1-4; Lu-ka 5:12-16)
40Geh mbu bnih dưn#1:40 dưn: Knông klap Brah Jê-sus, pơrtanh dưn chong teq u ơk til pơrtanh agaih êêng nday. Tênh ch'bap Môi-se, bnih a yơơt pơrtanh au dol mơq laa jrơơk jrơơm. lôh u Brah Jê-sus, [kơltut jưr n'hai]#1:40 [kơltut jưr n'hai]: Knông m'baak plơơp 'bian ti 'bưn geh pal sêr au. dan jjuh: “Mơq Ay êch, Ay geh lơh aan koon kươt jrah.” 41Brah Jê-sus rklơh chưt gmaak,#1:41 rklơh chưt gmaak: Knông m'baak plơơp 'bian ti laa hao nuih. lơơk koon ti buut bnih nei u lah: “Hei êch, phrui jrah ơơi.” 42Kơndaal dưn saap 'bat, bnih nei kươt jrah. 43Brah Jê-sus maanh bu nei han kơndaal, u rôn baak pn'ak: 44“Phrui njrang, Khơơm mor ơơn n'hai 'bơơn, dôh phrui han tơrsau yau thwaai, u piyơ thwaai teq u kaar koon kươt jrah tênh ntil Môi-se kne, bei di baak ndraanh aan bu.” 45Dôh bnih nei han, lư chhuôr baak au jôm ktôk, chhuôr leq jôm baak, lôh aan Brah Jê-sus 'bưn geh mưt poh srlah srlom kươt baah phrui gôq pal ktôk rhông rhaang mak gaaih poh. Phung raih a jôm ktôk raan lôh n'hai Pang.
ទើបបានជ្រើសរើសហើយ៖
Mak 1: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Mak 1
1
Baak riêp kaar Brah Jê-sus ri
(1:1-13)
Kaar Jang Bap-tit ri
(Ma-thi-ơ 3:1-12; Lu-ka 3:1-18; Jang 1:19-28)
1Ptơơm Baak Sroong Klanh Brah Jê-sus Krist ri, Koon Brah Ưn.#1:1 Koon Brah Ưn: Knông m'baak plơơp 'bian ti 'bưn geh pal sêr au. 2Bei ja 'bian knông sm'bưt grnưt noor Ê-sai:
“Au, Hei maanh ndraanh Hei han di mat Koon,
Bnih a kươi kwaih troong aan Koon.
3Geh baak bnih khuôl knông trenh sngat:
Phrui kwaih troong aan Brah,
Lơh song pal rloong aan Pang;”
4Jang, bnih lơh bap-tem, ja lôh knông trenh sngat, chhuôr teq u ryơơng bap-tem teq u baak teq lơi dôih jah kươt krôih dôih.#1:4 Jang, bnih lơh bap-tem... kươt krôih dôih: Knông m'baak plơơp 'bian ti laa Jang ja lôh knông trenh sngat, lơh bap-tem n'hai chhuôr teq u ryơơng bap-tem teq lơi dôih jah kươt krôih dôih. 5Phung raih jôm kwaal Ju-đê u poh Jê-ru-sa-lem kot lôh u bu, teq lơi dôih nơơm u kươt bu lơh bap-tem a teh daak glung Jô-đanh. 6Jang dook ao snook seh joong kôw, wơnh chhei buq pêêk, sa pi krah u daak sut bri. 7Bu chhuôr kne laah: “Yaang lôh kươi hei, kmheng huôih hei, hei 'bưn dip jưr kun doh chhei sroom aan Pang ơơm. 8Hei lơh bap-tem aan bơl 'bei dơng daak, dôh Pang a kươi lơh bap-tem aan bơl 'bei dơng Brah Wêêng.”
Brah Jê-sus dol bap-tem u chaak ap lêch lung
(Ma-thi-ơ 3:13 – 4:11; Lu-ka 3:21,22; 4:1-13)
9Knông pal nar nei, Brah Jê-sus a poh Na-sa-ret klung kwaal Ga-li-lê lôh, u kươt Jang lơh bap-tem a teh daak glung Jô-đanh. 10Tơt mhei hao rlach daak, Pang sau pal lơyaang trôôk a pơơk, u Brah Wêêng smơ bei pi traap bat jưr lơ Pang. 11Hươi geh baak a trôôk lah: “Koon laa Koon êch srlanh Hei ri, klanh chưt Hei sơp!”#Mat 3:17; 12:18; Mak 9:7; Lu 3:22. 12Kơndaal plah nei, Brah Wêêng trôih trôl Pang han mưt trenh sngat. 13Pang gôq knông trenh sngat puôn jơt nar, dol Sa-tan lêch lung, rêh klung pai bri, u geh bơl lênh brah jraih kaar Pang.
Kênh kaar Brah Jê-sus tu kwaal Ga-li-lê
(1:14 – 9:50)
Brah Jê-sus ptơơm kaar – Bơl jơrnơ daak bôôk
(Ma-thi-ơ 4:12-22; Lu-ka 4:14,15; 5:1-11)
14Di kươi Jang dol teq khaam, Brah Jê-sus plơp siq kwaal Ga-li-lê, chhuôr Baak Sroong Klanh Brah Ưn ri. 15Pang lah: “Bêl ja sơp, nggoor Brah Ưn êch dơơh lôh, Bơl 'bei phrui teq lơi dôih u pơih jơ Baak Sroong Klanh.”#Mat 3:2. 16Tơt han rgoq tênh kơh daak rmưt Ga-li-lê, Pang sau Si-môn u oh laa Anh-rê plah rang moong a teh daak rmưt, đươm bu kot bơ kaar rang moong. 17Brah Jê-sus lah n'hai bu: “Phrui tênh Hei, Hei a kươi lơh bơl 'bei but ti rang moong bnih.” 18Bu kơndaal teq moong baah tênh Pang. 19Han ndêq nha, Pang sau Ja-kơ, koon Sê-bê-đê ri, u oh laa Jang plah jhênh moong lơ duuk. 20Kơndaal Pang khuôl bu. Bu teq bươp nơơm laa Sê-bê-đê a kươi lơ duuk n'hai bơl bnih lơh kaar buôn u ja nei tênh Pang.
Brah Jê-sus prơh chaak
(Lu-ka 4:31-37)
21Brah Jê-sus u bơl jơrnơ lôh u poh Ka-bê-na-um. Plah nar sa-'bat, Pang kơndaal mưt nhi pơrgum n'hai ptơơm chhuôr kne. 22Jôm bnih kot êêng aang teq u baak kne Pang ri, đươm Pang kne di troong geh ch'bap kmheng, 'bưn bei bơl yau gưt jhai.#Mat 7:28-29.
23Kơndaal plah nei, knông nhi pơrgum geh di mbu bnih dol wêêng 'bưn jrah rup, 24bu troh mơh: “Jê-sus bnih Na-sa-ret! Bơl hei n'hai Ay geh ta dơơh ơơn? Ay lôh jah lưm luôch bơl hei neh? Hei gưt Ay laa 'bơơn, lah Yaang Jrah Brah Ưn ri!” 25Dôh Brah Jê-sus gmhaar preet bu: “Rngơt ơơi! Phrui sot rlach bnih au!” 26Wêêng 'bưn jrah mrah dang bnih nei, bu troh mơh hơơi sot rlach bnih nei. 27Jôm bnih kot êêng aang lôh aan bu ta pooch tơrnang nơơm: “Baak ơơn bei nei? Di tơmbơh tti mhei geh bêêng ch'bap kmheng! Pang maanh aan leq wêêng 'bưn jrah, u bơl bu kot phrui lơh tênh!” 28Saak baak Brah Jê-sus kơndaal bu gưt lư jôm kwaal dơơh Ga-li-lê.
Brah Jê-sus tơmbah mei pôw Phi-e-rơ
(Ma-thi-ơ 8:14-17; Lu-ka 4:38,39)
29Mhei sot rlach nhi pơrgum, Brah Jê-sus pôl n'hai Ja-kơ u Jang mưt nhi Si-môn n'hai Anh-rê ri. 30Mei pôw Si-môn plah dol pơrtanh bêch lơ ndơl. Bu ơh drơh n'hai Pang teq u pơrtanh mei ur. 31Pang lôh dơơh, dơp ti kơldơk mei ur; mei ur phơơt baaq pơrtanh u ptơơm jraih kaar jôm bnih.
Brah Jê-sus lơh tênh pal chmlih chmleek n'hai tơmbơh chhuôr
(Lu-ka 4:40,41)
32Mau jơ ngôw, tơt mat nar mhei nhơp, bu nday liêu leq sêch bơl bnih pơrtanh n'hai bnih dol chaak rup lôh u Brah Jê-sus. 33Leq di poh pơrgum a bôôk lpôông. 34Pang tơmbah jôm bnih tanh ji geh ơk ntil pơrtanh nday, u prơh ơk chaak dôh 'bưn aan ch'bap chaak mor đươm bơl bu gưt Pang laa 'bơơn. 35Aang a ôi tơt, trôôk nha nh'ơơm jơ ngôw, Pang ja kah bêch, chwaat sot, han mưt ktôk sngat u r'bon dan tu nei. 36Si-môn n'hai bơl gnasaal han wơng Pang. 37Tơt ja amơp kươt Pang, bu ơh: “Jôm bnih plah han wơng Yau.” 38Dôh Pang lah n'hai bu: “Bơl bơn phrui han ktôk nday, mưt pal poh dêq rlum au jah Hei chhuôr kne a nei nha; đươm au laa rơ kheet baah Hei ja lôh.” 39Pang han jôm kwaal Ga-li-lê, tơmbơh chhuôr knông pal nhi pơrgum u prơh chaak.#Mat 4:23; 9:35.
Brah Jê-sus tơmbah pơrtanh dưn
(Ma-thi-ơ 8:1-4; Lu-ka 5:12-16)
40Geh mbu bnih dưn#1:40 dưn: Knông klap Brah Jê-sus, pơrtanh dưn chong teq u ơk til pơrtanh agaih êêng nday. Tênh ch'bap Môi-se, bnih a yơơt pơrtanh au dol mơq laa jrơơk jrơơm. lôh u Brah Jê-sus, [kơltut jưr n'hai]#1:40 [kơltut jưr n'hai]: Knông m'baak plơơp 'bian ti 'bưn geh pal sêr au. dan jjuh: “Mơq Ay êch, Ay geh lơh aan koon kươt jrah.” 41Brah Jê-sus rklơh chưt gmaak,#1:41 rklơh chưt gmaak: Knông m'baak plơơp 'bian ti laa hao nuih. lơơk koon ti buut bnih nei u lah: “Hei êch, phrui jrah ơơi.” 42Kơndaal dưn saap 'bat, bnih nei kươt jrah. 43Brah Jê-sus maanh bu nei han kơndaal, u rôn baak pn'ak: 44“Phrui njrang, Khơơm mor ơơn n'hai 'bơơn, dôh phrui han tơrsau yau thwaai, u piyơ thwaai teq u kaar koon kươt jrah tênh ntil Môi-se kne, bei di baak ndraanh aan bu.” 45Dôh bnih nei han, lư chhuôr baak au jôm ktôk, chhuôr leq jôm baak, lôh aan Brah Jê-sus 'bưn geh mưt poh srlah srlom kươt baah phrui gôq pal ktôk rhông rhaang mak gaaih poh. Phung raih a jôm ktôk raan lôh n'hai Pang.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.