Mak 3
3
Brah tơmbah pơrtanh knông nar sa-'bat
(Ma-thi-ơ 12:9-14; Lu-ka 6:6-11)
1Wưt nday, Brah Jê-sus mưt nhi pơrgum; a nei geh di bu klau a kruôt di paang ti. 2Bu tênh miat mơq Pang geh tơmbah aan bnih nei knông nar sa-'bat 'bưn, jah pnđing Pang. 3Pang maanh bnih kruôt ti: “Phrui sot dơk nggơl klung au!” 4Ja nei Pang ôp bu: “Knông nar sa-'bat kươt ch'bap lơh kaar l'ưt paich kaar đơơk, đoh bnih laa lưm bnih?” Dôh bu kot ơt rngơt. 5Pang gleng mat mơq bu, di pak hao nuih di pak chhong đươm chưt bu kraam, ja nei lah n'hai bnih kruôt ti: “Phrui lơơk ti sot.” Bnih nei lơơk koon ti sot, nei ti kươt baaq. 6Bơl bnih Pha-ri-si han sot, kơndaal pơrgênh jmlôm n'hai bơl bnih tênh thap Hê-rôt wal Pang jah wơng troong lưm Pang.
Phung raih lơ kơh daak rmưt
7Brah Jê-sus n'hai bơl jơrnơ het kup sot maq daak rmưt; di phung bnih ơk đat a Ga-li-lê raan lôh tênh Pang. Gaaih nei nha ơk phung bnih mich ming nday lôh a Ju-đê, 8poh Jê-ru-sa-lem, kwaal I-đu-mê, kwaal mak tôw daak glung Jô-đanh, kwaal rlum poh Ti-rơ u poh Si-đôn, tơt ttang teq u jôm kaar Pang lơh, ja arot areet lôh u Pang. 9Đươm ơk đat bnih mơ Pang maanh bơl jơrnơ riêp ơơm aan Pang mlơm duuk, jah Pang het rlach dol bu jhoon tơl.#Mak 4:1; Lu 5:1-3. 10Pang ja tơmbah ơk bnih tanh; bei nei, 'bơơn geh pơrtanh kot khom jhiat dơơh Pang jah kươt buut teq u Pang. 11Khal êch wêêng 'bưn jrah sau Pang, bơl bu kot kun saak di mat Pang u khuôl: “Yau laa Koon Brah Ưn!” 12Dôh Pang pơrkaam 'bưn aan bơl bu klach Pang laa 'bơơn.
Brah Jê-sus sach jmơt baar du jơt jơng
(Ma-thi-ơ 10:1-4; Lu-ka 6:12-16)
13Brah Jê-sus han hao bnơm, khuôl bơl bnih Pang êch, nei bu lôh u Pang. 14Pang sach jmơt baar du, [chôôl laa jơt jơng],#3:14 chôôl laa jơt jơng: Knông m'baak plơơp 'bian ti 'bưn geh pal sêr au. jah gôq n'hai Pang, maanh bu han tơmbơh chhuôr, 15u ươn bu ch'bap kmheng prơh chaak. 16[Au laa jmơt baar du jơt jơng Pang ja sach:]#3:16 [Au... sach:] Knông m'baak plơơp 'bian ti 'bưn geh pal sêr au. Si-môn, Pang chôôl chhak laa Phi-e-rơ; 17Ja-kơ koon Sê-bê-đê, u Jang oh Ja-kơ, Pang chôôl chhak aan baar du laa Bô-a-net, rơih laa koon klau tơr kơlaih; 18Anh-rê, Phi-lip, Ba-thê-lê-mi, Ma-thi-ơ, Thô-ma, Ja-kơ koon A-phê, Tha-đê, Si-môn bnih Ka-na-nê-an#3:18 Ka-na-nê-an: Lôh sot a baak A-ram geh rơih lah “sôt sang, dang rmeh”. U kươi, phung au geh chhak Hi-lap lah “Sê-lôt”, di bơ kaar bnih Jo-thai ri srlanh teh daak đat ir, wal kơơi teh daak La-ma., 19u Ju-đa Ich-ka-ri-ôt laa bah ndun Pang.
Dôih 'baap tơt Brah Wêêng
(Ma-thi-ơ 12:22-32; Lu-ka 11:14-23; 12:10)
20Brah Jê-sus siq u nhi; leq di phung ơk kươi pơrgum tu nei lơh aan Pang u bơl jơrnơ 'bưn pơơn a sôông a sa kươt. 21Bnih nhi Pang ttang bei nei han wơng drơh jah dơp Pang lơơi, đươm bu nday mor laah “Pang ja dol saap gơrninh.”
22Bơl yau gưt jhai a poh Jê-ru-sa-lem jưr kươi mor: “Bnih au dol Bê-ên-sê-bun rup, u chkhôm kmheng snđach chaak ri baah prơh chaak.”#Mat 9:34; 10:25. 23Brah Jê-sus khuôl bu lôh, nhôq pn'geh ruk baah lah: “Lơh bei êch Sa-tan prơh Sa-tan kươt? 24Mơq di daak ta pơrlang khach êêng nei daak nei 'bưn geh jap kươt; 25mơq di nhi pơrlang khach êêng, nhi nei 'bưn geh jap kươt. 26Kot bei nei, mơq Sa-tan wal êêng chhak nơơm u ta pơrlang khach nei bu 'bưn geh jap kươt dôh bu ja tơt ptut nak hơơi! 27'Bưn geh 'bơơn awap mưt u nhi bnih kmlang jah ttung griêng mlơ baah 'bưn gênh kơt bnih nei noor; phrui kơt bnih nei, ja nei mơ ttung nhi bu kươt.
28A ngan, Hei maanh bơl 'bei, jôm dôih 'baap a kươi kươt krôih aan koon sau koon bnih, leq n'hai pal baak đam điêl bơl bu ja mor sot. 29Dôh 'bơơn jam joot tơt Brah Wêêng nei a kươi 'bưn khal êch kươt krôih, dôh phrui geh dôih yoot yôw.”#Lu 12:10. 30Pang lah bei nei đươm bu mor laah: “Bnih au dol wêêng 'bưn jrah rup.”
Mei u bơl oh Brah Jê-sus
(Ma-thi-ơ 12:46-50; Lu-ka 8:19-21)
31Mei u bơl oh Brah Jê-sus lôh, ta yoong mak gaaih u aan bnih mưt khuôl Pang. 32Phung ơk plah gôq rlum Pang, ơh n'hai Pang: “Tôw, mei u oh bi Yau#3:32 oh bi Yau: Knông m'baak plơơp 'bian ti laa Oh bi Yau n'hai ruh Yau. a gaaih tôw, plah wơng Yau.” 33Pang ơh: “'Bơơn laa mei Hei, 'Bơơn laa oh bi Hei?” 34Hươi Pang gleng mat mơq bơl bnih gôq rlum nơơm u mor: “Au laa mei Hei u oh bi Hei! 35'Bơơn lơh tênh rnđêch Brah Ưn nei laa oh bi, mei ruh, u mei Hei.”
ទើបបានជ្រើសរើសហើយ៖
Mak 3: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Mak 3
3
Brah tơmbah pơrtanh knông nar sa-'bat
(Ma-thi-ơ 12:9-14; Lu-ka 6:6-11)
1Wưt nday, Brah Jê-sus mưt nhi pơrgum; a nei geh di bu klau a kruôt di paang ti. 2Bu tênh miat mơq Pang geh tơmbah aan bnih nei knông nar sa-'bat 'bưn, jah pnđing Pang. 3Pang maanh bnih kruôt ti: “Phrui sot dơk nggơl klung au!” 4Ja nei Pang ôp bu: “Knông nar sa-'bat kươt ch'bap lơh kaar l'ưt paich kaar đơơk, đoh bnih laa lưm bnih?” Dôh bu kot ơt rngơt. 5Pang gleng mat mơq bu, di pak hao nuih di pak chhong đươm chưt bu kraam, ja nei lah n'hai bnih kruôt ti: “Phrui lơơk ti sot.” Bnih nei lơơk koon ti sot, nei ti kươt baaq. 6Bơl bnih Pha-ri-si han sot, kơndaal pơrgênh jmlôm n'hai bơl bnih tênh thap Hê-rôt wal Pang jah wơng troong lưm Pang.
Phung raih lơ kơh daak rmưt
7Brah Jê-sus n'hai bơl jơrnơ het kup sot maq daak rmưt; di phung bnih ơk đat a Ga-li-lê raan lôh tênh Pang. Gaaih nei nha ơk phung bnih mich ming nday lôh a Ju-đê, 8poh Jê-ru-sa-lem, kwaal I-đu-mê, kwaal mak tôw daak glung Jô-đanh, kwaal rlum poh Ti-rơ u poh Si-đôn, tơt ttang teq u jôm kaar Pang lơh, ja arot areet lôh u Pang. 9Đươm ơk đat bnih mơ Pang maanh bơl jơrnơ riêp ơơm aan Pang mlơm duuk, jah Pang het rlach dol bu jhoon tơl.#Mak 4:1; Lu 5:1-3. 10Pang ja tơmbah ơk bnih tanh; bei nei, 'bơơn geh pơrtanh kot khom jhiat dơơh Pang jah kươt buut teq u Pang. 11Khal êch wêêng 'bưn jrah sau Pang, bơl bu kot kun saak di mat Pang u khuôl: “Yau laa Koon Brah Ưn!” 12Dôh Pang pơrkaam 'bưn aan bơl bu klach Pang laa 'bơơn.
Brah Jê-sus sach jmơt baar du jơt jơng
(Ma-thi-ơ 10:1-4; Lu-ka 6:12-16)
13Brah Jê-sus han hao bnơm, khuôl bơl bnih Pang êch, nei bu lôh u Pang. 14Pang sach jmơt baar du, [chôôl laa jơt jơng],#3:14 chôôl laa jơt jơng: Knông m'baak plơơp 'bian ti 'bưn geh pal sêr au. jah gôq n'hai Pang, maanh bu han tơmbơh chhuôr, 15u ươn bu ch'bap kmheng prơh chaak. 16[Au laa jmơt baar du jơt jơng Pang ja sach:]#3:16 [Au... sach:] Knông m'baak plơơp 'bian ti 'bưn geh pal sêr au. Si-môn, Pang chôôl chhak laa Phi-e-rơ; 17Ja-kơ koon Sê-bê-đê, u Jang oh Ja-kơ, Pang chôôl chhak aan baar du laa Bô-a-net, rơih laa koon klau tơr kơlaih; 18Anh-rê, Phi-lip, Ba-thê-lê-mi, Ma-thi-ơ, Thô-ma, Ja-kơ koon A-phê, Tha-đê, Si-môn bnih Ka-na-nê-an#3:18 Ka-na-nê-an: Lôh sot a baak A-ram geh rơih lah “sôt sang, dang rmeh”. U kươi, phung au geh chhak Hi-lap lah “Sê-lôt”, di bơ kaar bnih Jo-thai ri srlanh teh daak đat ir, wal kơơi teh daak La-ma., 19u Ju-đa Ich-ka-ri-ôt laa bah ndun Pang.
Dôih 'baap tơt Brah Wêêng
(Ma-thi-ơ 12:22-32; Lu-ka 11:14-23; 12:10)
20Brah Jê-sus siq u nhi; leq di phung ơk kươi pơrgum tu nei lơh aan Pang u bơl jơrnơ 'bưn pơơn a sôông a sa kươt. 21Bnih nhi Pang ttang bei nei han wơng drơh jah dơp Pang lơơi, đươm bu nday mor laah “Pang ja dol saap gơrninh.”
22Bơl yau gưt jhai a poh Jê-ru-sa-lem jưr kươi mor: “Bnih au dol Bê-ên-sê-bun rup, u chkhôm kmheng snđach chaak ri baah prơh chaak.”#Mat 9:34; 10:25. 23Brah Jê-sus khuôl bu lôh, nhôq pn'geh ruk baah lah: “Lơh bei êch Sa-tan prơh Sa-tan kươt? 24Mơq di daak ta pơrlang khach êêng nei daak nei 'bưn geh jap kươt; 25mơq di nhi pơrlang khach êêng, nhi nei 'bưn geh jap kươt. 26Kot bei nei, mơq Sa-tan wal êêng chhak nơơm u ta pơrlang khach nei bu 'bưn geh jap kươt dôh bu ja tơt ptut nak hơơi! 27'Bưn geh 'bơơn awap mưt u nhi bnih kmlang jah ttung griêng mlơ baah 'bưn gênh kơt bnih nei noor; phrui kơt bnih nei, ja nei mơ ttung nhi bu kươt.
28A ngan, Hei maanh bơl 'bei, jôm dôih 'baap a kươi kươt krôih aan koon sau koon bnih, leq n'hai pal baak đam điêl bơl bu ja mor sot. 29Dôh 'bơơn jam joot tơt Brah Wêêng nei a kươi 'bưn khal êch kươt krôih, dôh phrui geh dôih yoot yôw.”#Lu 12:10. 30Pang lah bei nei đươm bu mor laah: “Bnih au dol wêêng 'bưn jrah rup.”
Mei u bơl oh Brah Jê-sus
(Ma-thi-ơ 12:46-50; Lu-ka 8:19-21)
31Mei u bơl oh Brah Jê-sus lôh, ta yoong mak gaaih u aan bnih mưt khuôl Pang. 32Phung ơk plah gôq rlum Pang, ơh n'hai Pang: “Tôw, mei u oh bi Yau#3:32 oh bi Yau: Knông m'baak plơơp 'bian ti laa Oh bi Yau n'hai ruh Yau. a gaaih tôw, plah wơng Yau.” 33Pang ơh: “'Bơơn laa mei Hei, 'Bơơn laa oh bi Hei?” 34Hươi Pang gleng mat mơq bơl bnih gôq rlum nơơm u mor: “Au laa mei Hei u oh bi Hei! 35'Bơơn lơh tênh rnđêch Brah Ưn nei laa oh bi, mei ruh, u mei Hei.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.