Mak 4
4
Pn'geh ruk u nggoor Brah Ưn
(Ma-thi-ơ 13:1-23; Lu-ka 8:1-15)
1Brah Jê-sus kươi lap chhuôr kne mak kơh daak rmưt. Geh di phung bnih ơk đat pơrgum rlum teq u Pang mơ Pang jưr gôq teq u duuk, nha leq sêch phung raih nei ta yoong a lơ kơh.#Lu 5:1-3. 2Pang nhôq pn'geh ruk kne bu ơk ntil. Plah kne, Pang lah: 3“Phrui iat au! Geh di mbu bnih han sot siêm ba. 4Plah siêm, m'baak grap a tup rgoq troong, chum lôh choh leq. 5M'baak grap nday a tup lơ teh tmau, dơơn geh ndêq teh, đươm bôôr 'bưn njru mơ gway hoon. 6Dôh tơt nar kơơt, tanh chhu huur nei bu ranh sdơơh leq đươm 'bưn geh driêh. 7M'baak nday a tup klung pih look; look hoon lơh aan sêêt soonh u 'bưn play kao kươt. 8M'baak nday nha a tup lơ ktôk teh klanh mơ play kao, hao ttih u ksot ndaang, di grap sot pei jơt, grap nday prau jơt, grap nday di riêng.” 9Pang kươi lah: “'Bơơn geh tôr jah iat, phrui iat!”
Rpach pn'geh ruk ri
10Tơt Brah Jê-sus nha a kươi mbu êêng, bơl bnih gôq rlum Pang pôl n'hai jmơt baar du jơt jơng lôh ôp Pang teq u pal pn'geh ruk. 11Pang lah: “Baak chmlih chmleek u nggoor Brah Ưn ja kươt ươn bơl 'bei; dôh teq u bơl bnih a gaaih, nei jôm baak kot a klung pal pn'geh ruk, 12jah bu:
Mơq nei mơq đêêl, khah 'bưn sau,
Iat nei iat đêêl, khah 'bưn gưt;
Ach laah bu rngơq baah kươt krôih dôih pan.”
13Ja nei Pang mor: “Bơl 'bei 'bưn gưt pn'geh ruk au laang? Bei nei lơh bei êch jah gưt kươt leq pal pn'geh ruk nday? 14Bnih siêm ba, nei laa siêm baak preh. 15Pal grap a rgoq troong laa bơl ja dol iat baak preh kươt siêm, dôh bu mhei iat luôih nei Sa-tan kơndaal lôh, prap teq baak preh ja siêm knông chưt bu. 16Bei nei đêêl, pal grap siêm ktôk steh tmau laa bơl bnih tơt iat baak preh nei broh s'bai wơơt pơih drơh; 17dôh baak preh 'bưn tam driêh knông chưt, dơơn nh'ơơm rbaq rbôông; mơ tơt geh r'baak paich nhôp kơt đươm baak preh, bu a kơq drơh. 18Pal grap tup klung pih look bei bơl bnih iat baak preh, 19dôh baak a gênh u klap au, baak lêch lung u khunh geh, u baak u êch pal ntil nday piit son chưt bu, lơh aan baak preh but a sêt a son, 'bưn play kao kươt. 20Nha pal grap kươt siêm lơ teh klanh bei bơl bnih iat baak preh nei wak wơơt u play kao, grap au sot pei jơt, grap tôw sot prau jơt, grap nday nha di riêng.”
Pn'geh ruk tơơm đeng
(Lu-ka 8:16-18)
21Brah Jê-sus kươi ôp bu: “Geh 'bơơn ơn đeng dơih a teh krôôm thông paich a teh krôôm ndơl, dôh ơn dơih lơ jơng đeng 'bưn?#Mat 5:15; Lu 11:33. 22Đươm 'bưn geh ntil ơơn pôn kơndơp baah 'bưn dol klach, 'bưn geh ntil ơơn pileng baah 'bưn dol ndơơp sot rơn aang.#Mat 10:26; Lu 12:2. 23Mơq 'bơơn geh tôr jah iat, phrui iat!” 24Pang kươi lah: “Phrui khom gênh ntil bơn iat. Bơl 'bei weh aan bu nday ggơr êch nei a kươi kươt weh kươi ggơr nei, u nha kươt aan top nha.#Mat 7:2; Lu 6:38. 25Đươm 'bơơn geh a kươi kươt aan top; nha 'bơơn 'bưn geh a kươi dol prap broih ntil bu geh nha.”#Mat 13:12; 25:29; Lu 19:26.
Pn'geh ruk grap ba
26Pang lah ndih: “Nggoor Brah Ưn kot bei di mbu chrôôi grap ba teq u steh; 27paich bêch paich kah, paich mang paich nar, grap ba nha khang ksot rmuk u hoon baah bnih nei 'bưn gưt bei êch. 28Đươm steh deh sot êêng tơơm griêng, a daak bôôk laa ba koon, ja nei lơh pưng u lôh play. 29Tơt ba ndum, bnih nei kơndaal liêu kơnđiêu han srut, đươm khal kach pơrgum tơt hơơi.”
Pn'geh ruk grap sbay
(Ma-thi-ơ 13:31,32; Lu-ka 13:18,19)
30Pang kươi lah: “Bơl bơn awap pơih ntil ơơn jah ta pndang paich nhôq pn'geh ruk êch jah mor teq u nggoor Brah Ưn? 31Nggoor nei bei di grap sbay, tơt liêu siêm, grap nei dêq đat knông pal grap ba a swich teh; 32Dôh tơt siêm hơơi, bu hoon, but ttih đat knông pal til chhei jhư, bling lla klôp lôh aan chum trôôk kươt lơh chhôm a lơ nei.” 33Pang nhôq ơk pn'geh ruk bei nei jah chhuôr baak preh, tênh kmlang iat pơih bu ri. 34Pang 'bưn khal êch chhuôr aan bu baah 'bưn nhôq pn'geh ruk; dôh tơt gôq êêng n'hai bơl jơrnơ, Pang rơ khach leq aan bu.
Kwaih chaal kuông daak rmưt
(Ma-thi-ơ 8:23-27; Lu-ka 8:22-25)
35Mau jơ ngôw nar nei, Brah Jê-sus maanh bơl jơrnơ: “Bơl bơn phrui han rlach mak tôw kơh.” 36Di kươi lơơi phung raih, Pang nha a knông duuk u bơl jơrnơ liêu Pang han; geh m'baak duuk nday kot han n'hai đêêl. 37Di chaal kuông ttih kn'hao, kmbuôl lngach mưt duuk lơh aan duuk bêêng daak; 38dôh Pang plah gôq mak kươi chưphơ, bêch kơl lơ knơơl bôôk. Jơrnơ pơrlay Pang u mor: “Yau ơi, Yau 'bưn ring bơl bơn chhưt laang?” 39Pang kah bêch, gmhaar chaal u maanh daak rmưt rlai laah: “Phrui rngơt ơơi, lhơn ơơi!” Chaal baah phơơt u rmưt rlai lhơn bei ơơm. 40Ja nei Pang lah bơl jơrnơ: “A hay bơl 'bei n'hông bei nei ir? 'Bưn geh chưt jơrnơ laang?” 41Bơl jơrnơ bơm yoh hơt mrơt, mor ta n'hai: “Bnih au laa 'bơơn baah leq dơng chaal u daak rmưt kot phrui iat baak bu?”
ទើបបានជ្រើសរើសហើយ៖
Mak 4: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Mak 4
4
Pn'geh ruk u nggoor Brah Ưn
(Ma-thi-ơ 13:1-23; Lu-ka 8:1-15)
1Brah Jê-sus kươi lap chhuôr kne mak kơh daak rmưt. Geh di phung bnih ơk đat pơrgum rlum teq u Pang mơ Pang jưr gôq teq u duuk, nha leq sêch phung raih nei ta yoong a lơ kơh.#Lu 5:1-3. 2Pang nhôq pn'geh ruk kne bu ơk ntil. Plah kne, Pang lah: 3“Phrui iat au! Geh di mbu bnih han sot siêm ba. 4Plah siêm, m'baak grap a tup rgoq troong, chum lôh choh leq. 5M'baak grap nday a tup lơ teh tmau, dơơn geh ndêq teh, đươm bôôr 'bưn njru mơ gway hoon. 6Dôh tơt nar kơơt, tanh chhu huur nei bu ranh sdơơh leq đươm 'bưn geh driêh. 7M'baak nday a tup klung pih look; look hoon lơh aan sêêt soonh u 'bưn play kao kươt. 8M'baak nday nha a tup lơ ktôk teh klanh mơ play kao, hao ttih u ksot ndaang, di grap sot pei jơt, grap nday prau jơt, grap nday di riêng.” 9Pang kươi lah: “'Bơơn geh tôr jah iat, phrui iat!”
Rpach pn'geh ruk ri
10Tơt Brah Jê-sus nha a kươi mbu êêng, bơl bnih gôq rlum Pang pôl n'hai jmơt baar du jơt jơng lôh ôp Pang teq u pal pn'geh ruk. 11Pang lah: “Baak chmlih chmleek u nggoor Brah Ưn ja kươt ươn bơl 'bei; dôh teq u bơl bnih a gaaih, nei jôm baak kot a klung pal pn'geh ruk, 12jah bu:
Mơq nei mơq đêêl, khah 'bưn sau,
Iat nei iat đêêl, khah 'bưn gưt;
Ach laah bu rngơq baah kươt krôih dôih pan.”
13Ja nei Pang mor: “Bơl 'bei 'bưn gưt pn'geh ruk au laang? Bei nei lơh bei êch jah gưt kươt leq pal pn'geh ruk nday? 14Bnih siêm ba, nei laa siêm baak preh. 15Pal grap a rgoq troong laa bơl ja dol iat baak preh kươt siêm, dôh bu mhei iat luôih nei Sa-tan kơndaal lôh, prap teq baak preh ja siêm knông chưt bu. 16Bei nei đêêl, pal grap siêm ktôk steh tmau laa bơl bnih tơt iat baak preh nei broh s'bai wơơt pơih drơh; 17dôh baak preh 'bưn tam driêh knông chưt, dơơn nh'ơơm rbaq rbôông; mơ tơt geh r'baak paich nhôp kơt đươm baak preh, bu a kơq drơh. 18Pal grap tup klung pih look bei bơl bnih iat baak preh, 19dôh baak a gênh u klap au, baak lêch lung u khunh geh, u baak u êch pal ntil nday piit son chưt bu, lơh aan baak preh but a sêt a son, 'bưn play kao kươt. 20Nha pal grap kươt siêm lơ teh klanh bei bơl bnih iat baak preh nei wak wơơt u play kao, grap au sot pei jơt, grap tôw sot prau jơt, grap nday nha di riêng.”
Pn'geh ruk tơơm đeng
(Lu-ka 8:16-18)
21Brah Jê-sus kươi ôp bu: “Geh 'bơơn ơn đeng dơih a teh krôôm thông paich a teh krôôm ndơl, dôh ơn dơih lơ jơng đeng 'bưn?#Mat 5:15; Lu 11:33. 22Đươm 'bưn geh ntil ơơn pôn kơndơp baah 'bưn dol klach, 'bưn geh ntil ơơn pileng baah 'bưn dol ndơơp sot rơn aang.#Mat 10:26; Lu 12:2. 23Mơq 'bơơn geh tôr jah iat, phrui iat!” 24Pang kươi lah: “Phrui khom gênh ntil bơn iat. Bơl 'bei weh aan bu nday ggơr êch nei a kươi kươt weh kươi ggơr nei, u nha kươt aan top nha.#Mat 7:2; Lu 6:38. 25Đươm 'bơơn geh a kươi kươt aan top; nha 'bơơn 'bưn geh a kươi dol prap broih ntil bu geh nha.”#Mat 13:12; 25:29; Lu 19:26.
Pn'geh ruk grap ba
26Pang lah ndih: “Nggoor Brah Ưn kot bei di mbu chrôôi grap ba teq u steh; 27paich bêch paich kah, paich mang paich nar, grap ba nha khang ksot rmuk u hoon baah bnih nei 'bưn gưt bei êch. 28Đươm steh deh sot êêng tơơm griêng, a daak bôôk laa ba koon, ja nei lơh pưng u lôh play. 29Tơt ba ndum, bnih nei kơndaal liêu kơnđiêu han srut, đươm khal kach pơrgum tơt hơơi.”
Pn'geh ruk grap sbay
(Ma-thi-ơ 13:31,32; Lu-ka 13:18,19)
30Pang kươi lah: “Bơl bơn awap pơih ntil ơơn jah ta pndang paich nhôq pn'geh ruk êch jah mor teq u nggoor Brah Ưn? 31Nggoor nei bei di grap sbay, tơt liêu siêm, grap nei dêq đat knông pal grap ba a swich teh; 32Dôh tơt siêm hơơi, bu hoon, but ttih đat knông pal til chhei jhư, bling lla klôp lôh aan chum trôôk kươt lơh chhôm a lơ nei.” 33Pang nhôq ơk pn'geh ruk bei nei jah chhuôr baak preh, tênh kmlang iat pơih bu ri. 34Pang 'bưn khal êch chhuôr aan bu baah 'bưn nhôq pn'geh ruk; dôh tơt gôq êêng n'hai bơl jơrnơ, Pang rơ khach leq aan bu.
Kwaih chaal kuông daak rmưt
(Ma-thi-ơ 8:23-27; Lu-ka 8:22-25)
35Mau jơ ngôw nar nei, Brah Jê-sus maanh bơl jơrnơ: “Bơl bơn phrui han rlach mak tôw kơh.” 36Di kươi lơơi phung raih, Pang nha a knông duuk u bơl jơrnơ liêu Pang han; geh m'baak duuk nday kot han n'hai đêêl. 37Di chaal kuông ttih kn'hao, kmbuôl lngach mưt duuk lơh aan duuk bêêng daak; 38dôh Pang plah gôq mak kươi chưphơ, bêch kơl lơ knơơl bôôk. Jơrnơ pơrlay Pang u mor: “Yau ơi, Yau 'bưn ring bơl bơn chhưt laang?” 39Pang kah bêch, gmhaar chaal u maanh daak rmưt rlai laah: “Phrui rngơt ơơi, lhơn ơơi!” Chaal baah phơơt u rmưt rlai lhơn bei ơơm. 40Ja nei Pang lah bơl jơrnơ: “A hay bơl 'bei n'hông bei nei ir? 'Bưn geh chưt jơrnơ laang?” 41Bơl jơrnơ bơm yoh hơt mrơt, mor ta n'hai: “Bnih au laa 'bơơn baah leq dơng chaal u daak rmưt kot phrui iat baak bu?”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.