Mak 2
2
Brah tơmbah pơrtanh awiêl
(Ma-thi-ơ 9:1-8; Lu-ka 5:17-26)
1Pal nar kươi, Brah Jê-sus plơq kươi poh Ka-bê-na-um, phung raih gưt ttang geh Pang gôq knông nhi 2mơ pơrgum kươi ơk đat, lôh aan a bôôk lpôông kot 'bưn rhơi ktôk ơơm. Pang chhuôr baak preh aan bu. 3Bei au geh puôn du krôông krêêng lôh u Pang di mbu bnih awiêl. 4Đươm phung ơk, bu 'bưn geh liêu bnih nei lôh dơơh Pang kươt mơ ja plơơk kmbung nhi plah mak trôôk ktôk Pang gôq; ja nei a trôôm rhơi nei bu nh'jưr ndơl bnih awiêl. 5Sau chưt jơrnơ bu ri, Brah Jê-sus lah n'hai bnih awiêl: “Ơi 'bei, dôih 'baap 'bei ja kươt krôih.” 6Dôh geh pal yau gưt jhai gôq tu nei rkhech knông chưt laah: 7“A hay bnih au mor bei nei? A ngan laa bnih mor đam! Gaaih Brah Ưn, nha 'bơơn awap krôih dôih kươt?” 8Chưt gơrninh Brah Jê-sus ja grnưt kơndaal ntil ơơn bu plah mor tơrnang nơơm mơ lah: “A hay knông chưt bơl 'bei leet rkhech bei nei? 9Tênh bơl 'bei, lwah kaar maanh bnih awiêl laah: ‘Dôih koon ja kươt krôih,’ u maanh: ‘Phrui ta yoong tung ndơl nơơm baah han’ nei kaar êch snôk huôih? 10Dôh, jah bơl 'bei gưt laah Koon Bnih swich teh geh ch'bap kmheng krôih dôih” — Pang lah n'hai bnih awiêl — 11“Hei maanh 'bei, phrui ta yoong, tung ndơl u han siq u nhi!” 12Bnih awiêl ta yoong, kơndaal tung ndơl han sot di mat jôm bnih lôh aan 'bơơn na kot êêng aang u tư wơơl Brah Ưn laah: “Bơl bơn ndah ơm sau kaar bei au khal êch!”
Brah Jê-sus khuôl Lê-wi. – Baak ơt jrơng
(Ma-thi-ơ 9:9-17; Lu-ka 5:27-39)
13Brah Jê-sus kươi han maq daak rmưt; leq bơl jơng phung lôh u Pang, n'hai Pang tti kne bu. 14Lơ troong han, Pang sau Lê-wi, koon A-phê, plah gôq tu lwing wal suai nei lah n'hai bu: “Phrui tênh Hei.” Lê-wi ta yoong han tênh Pang. 15Plah tơt Brah Jê-sus gôq sôông tu nhi Lê-wi, geh ơk bnih nhôq prak n'hai bơl geh dôih gôq pôl bliêng n'hai Pang u bơl jơrnơ Pang, đươm knông nak nei geh ơk bnih ja tênh Pang. 16Bơl yau gưt jhai tênh thap Pha-ri-si#2:16 Mơq baak rơih gôq Mat 3:7. sau Pang sa pôl n'hai bơl dôih n'hai bnih nhôq prak nei laah teq u bơl jơrnơ Pang: “A hay Pang leet sa pôl n'hai bơl nhôq prak u bơl bnih dôih 'baap?” 17Ttang bei nei, Brah Jê-sus lah: “Bnih kmlang 'bưn chkhôm tơt yau kơrya laang, dôh laa bnih tanh ji. Hei lôh 'bưn geh jah khuôl bnih sêch song, dôh jah khuôl bnih geh dôih.”
18Bei au bơl jơrnơ Jang ri u bnih Pha-ri-si kot ơt jrơng, geh bnih lôh ơh n'hai Brah Jê-sus laah: “A hay bơl jơrnơ Jang ri u bơl jơrnơ thap Pha-ri-si kot ơt jrơng, nha bơl jơrnơ Yau ri leet 'bưn ơt jrơng?” 19Brah Jê-sus ơh: “Geh bei êch bnach joq sa kliêr leet ơt jrơng jơl sai klau nha gôq n'hai bu? Khal êch sai klau nha gôq n'hai bu, nei bu 'bưn geh ơt jrơng kươt. 20Dôh aan tơt sai klau kươt liêu han rlach bu nei knông nar nei bu a kươi ơt jrơng. 21'Bưn 'bơơn jhênh plơơp knat mhei teq u ao ndơm; mơq lơh bei nei plơơp jhênh a kươi klôp a yah ao ndơm, u ktôk a yah a kươi lôh jrơơk huôih. 22Kot 'bưn geh 'bơơn khut bih mhei teq u pi đông pêêk ndơm; lơh bei nei, bih a kươi lơh đang pi đông, bih saap pi đông kot 'bưn nh'ơơm; [dôh bih mhei phrui dơơm knông pi đông pêêk mhei.”]#2:22 [dôh... mhei]: Knông m'baak plơơp 'bian ti 'bưn geh pal sêr au.
Lơh kaar knông nar sa-'bat
(Ma-thi-ơ 12:1-8; Lu-ka 6:1-5)
23Laap nar sa-'bat Brah Jê-sus han rloot srei ba. Tơt plah han, bơl jơrnơ Pang lap tôôch pal kao ba. 24Bơl bnih Pha-ri-si lah n'hai Pang: “Tôw, a hay bơl jơrnơ Yau ri lơh ntil 'bưn kươt ch'bap lơh knông nar sa-'bat?” 25Pang ơh: “Bơl 'bei ndah chôôl teq u baak Đa-wit ja lơh khal bu u bơl bnih han tênh aglơm teq u jat khwaq nh'hit laang? 26Knông klap A-bia-tha lơh yau thwaai ttơơm, Đa-wit ja mưt u Nhi Brah Ưn sa nom piyơ thwaai u aan bơl bnih han pôl sa nha, paich nom nei dơơn geh bơl yau thwaai mơ kươt ch'bap sa.” 27Ja nei Pang lah: “Nar sa-'bat kươt tơmbut ươn koon bnih, đươm 'bưn geh koon bnih kươt tơmbut đươm nar sa-'bat. 28Bei nei Koon Bnih kot laa Brah nar sa-'bat ri.”
ទើបបានជ្រើសរើសហើយ៖
Mak 2: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Mak 2
2
Brah tơmbah pơrtanh awiêl
(Ma-thi-ơ 9:1-8; Lu-ka 5:17-26)
1Pal nar kươi, Brah Jê-sus plơq kươi poh Ka-bê-na-um, phung raih gưt ttang geh Pang gôq knông nhi 2mơ pơrgum kươi ơk đat, lôh aan a bôôk lpôông kot 'bưn rhơi ktôk ơơm. Pang chhuôr baak preh aan bu. 3Bei au geh puôn du krôông krêêng lôh u Pang di mbu bnih awiêl. 4Đươm phung ơk, bu 'bưn geh liêu bnih nei lôh dơơh Pang kươt mơ ja plơơk kmbung nhi plah mak trôôk ktôk Pang gôq; ja nei a trôôm rhơi nei bu nh'jưr ndơl bnih awiêl. 5Sau chưt jơrnơ bu ri, Brah Jê-sus lah n'hai bnih awiêl: “Ơi 'bei, dôih 'baap 'bei ja kươt krôih.” 6Dôh geh pal yau gưt jhai gôq tu nei rkhech knông chưt laah: 7“A hay bnih au mor bei nei? A ngan laa bnih mor đam! Gaaih Brah Ưn, nha 'bơơn awap krôih dôih kươt?” 8Chưt gơrninh Brah Jê-sus ja grnưt kơndaal ntil ơơn bu plah mor tơrnang nơơm mơ lah: “A hay knông chưt bơl 'bei leet rkhech bei nei? 9Tênh bơl 'bei, lwah kaar maanh bnih awiêl laah: ‘Dôih koon ja kươt krôih,’ u maanh: ‘Phrui ta yoong tung ndơl nơơm baah han’ nei kaar êch snôk huôih? 10Dôh, jah bơl 'bei gưt laah Koon Bnih swich teh geh ch'bap kmheng krôih dôih” — Pang lah n'hai bnih awiêl — 11“Hei maanh 'bei, phrui ta yoong, tung ndơl u han siq u nhi!” 12Bnih awiêl ta yoong, kơndaal tung ndơl han sot di mat jôm bnih lôh aan 'bơơn na kot êêng aang u tư wơơl Brah Ưn laah: “Bơl bơn ndah ơm sau kaar bei au khal êch!”
Brah Jê-sus khuôl Lê-wi. – Baak ơt jrơng
(Ma-thi-ơ 9:9-17; Lu-ka 5:27-39)
13Brah Jê-sus kươi han maq daak rmưt; leq bơl jơng phung lôh u Pang, n'hai Pang tti kne bu. 14Lơ troong han, Pang sau Lê-wi, koon A-phê, plah gôq tu lwing wal suai nei lah n'hai bu: “Phrui tênh Hei.” Lê-wi ta yoong han tênh Pang. 15Plah tơt Brah Jê-sus gôq sôông tu nhi Lê-wi, geh ơk bnih nhôq prak n'hai bơl geh dôih gôq pôl bliêng n'hai Pang u bơl jơrnơ Pang, đươm knông nak nei geh ơk bnih ja tênh Pang. 16Bơl yau gưt jhai tênh thap Pha-ri-si#2:16 Mơq baak rơih gôq Mat 3:7. sau Pang sa pôl n'hai bơl dôih n'hai bnih nhôq prak nei laah teq u bơl jơrnơ Pang: “A hay Pang leet sa pôl n'hai bơl nhôq prak u bơl bnih dôih 'baap?” 17Ttang bei nei, Brah Jê-sus lah: “Bnih kmlang 'bưn chkhôm tơt yau kơrya laang, dôh laa bnih tanh ji. Hei lôh 'bưn geh jah khuôl bnih sêch song, dôh jah khuôl bnih geh dôih.”
18Bei au bơl jơrnơ Jang ri u bnih Pha-ri-si kot ơt jrơng, geh bnih lôh ơh n'hai Brah Jê-sus laah: “A hay bơl jơrnơ Jang ri u bơl jơrnơ thap Pha-ri-si kot ơt jrơng, nha bơl jơrnơ Yau ri leet 'bưn ơt jrơng?” 19Brah Jê-sus ơh: “Geh bei êch bnach joq sa kliêr leet ơt jrơng jơl sai klau nha gôq n'hai bu? Khal êch sai klau nha gôq n'hai bu, nei bu 'bưn geh ơt jrơng kươt. 20Dôh aan tơt sai klau kươt liêu han rlach bu nei knông nar nei bu a kươi ơt jrơng. 21'Bưn 'bơơn jhênh plơơp knat mhei teq u ao ndơm; mơq lơh bei nei plơơp jhênh a kươi klôp a yah ao ndơm, u ktôk a yah a kươi lôh jrơơk huôih. 22Kot 'bưn geh 'bơơn khut bih mhei teq u pi đông pêêk ndơm; lơh bei nei, bih a kươi lơh đang pi đông, bih saap pi đông kot 'bưn nh'ơơm; [dôh bih mhei phrui dơơm knông pi đông pêêk mhei.”]#2:22 [dôh... mhei]: Knông m'baak plơơp 'bian ti 'bưn geh pal sêr au.
Lơh kaar knông nar sa-'bat
(Ma-thi-ơ 12:1-8; Lu-ka 6:1-5)
23Laap nar sa-'bat Brah Jê-sus han rloot srei ba. Tơt plah han, bơl jơrnơ Pang lap tôôch pal kao ba. 24Bơl bnih Pha-ri-si lah n'hai Pang: “Tôw, a hay bơl jơrnơ Yau ri lơh ntil 'bưn kươt ch'bap lơh knông nar sa-'bat?” 25Pang ơh: “Bơl 'bei ndah chôôl teq u baak Đa-wit ja lơh khal bu u bơl bnih han tênh aglơm teq u jat khwaq nh'hit laang? 26Knông klap A-bia-tha lơh yau thwaai ttơơm, Đa-wit ja mưt u Nhi Brah Ưn sa nom piyơ thwaai u aan bơl bnih han pôl sa nha, paich nom nei dơơn geh bơl yau thwaai mơ kươt ch'bap sa.” 27Ja nei Pang lah: “Nar sa-'bat kươt tơmbut ươn koon bnih, đươm 'bưn geh koon bnih kươt tơmbut đươm nar sa-'bat. 28Bei nei Koon Bnih kot laa Brah nar sa-'bat ri.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.