Ma-thi-ơ 15
15
Rao Ti noor nang Sôông
(Mak 7:1-23)
1Kơi nei, geh pal du Pha-ri-si u bơl yau gưt jhai a poh Jê-ru-sa-lem lôh n'hai Brah Jê-sus u ôp laah: 2“A hay jơrnơ Yau lơh tih rpach ơơm bnih khal hư ri, tơt sa 'bưn rao ti noor?” 3Pang ơh: “Nei a hay bơl 'bei kot đươm rpach ơơm nơơm ri baah lơh tih baak ch'bap Brah Ưn ri? 4Đươm Brah Ưn ja tơmbơh tti: ‘Phrui kôt nhôt mei bươp 'bei;’ u ‘'bơơn pơđaai mei bươp nei phrui dol lưm chhưt.’ 5Dôh bơl 'bei leet maanh: ‘Mơq 'bơơn mor n'hai mei bươp laah: Pal ơơn awap jraih mei bươp, koon ja piyơ aan Brah Ưn hôm, nei bnih nei 'bưn lơh phrui chuh đing mei bươp.’#15:5 mei bươp: Knông m'baak plơơp 'bian ti laa bươp. 6Bei nei, đươm u rpach ơơm nơơm ri, bơl 'bei ja dhot teq baak#15:6 baak: Knông m'baak plơơp 'bian ti laa ch'bap; Knông m'baak plơơp 'bian ti nday laa rmaanh. Brah Ưn. 7Ơi pal bah pưl baar taap! Ê-sai dip ngan tơt mor grnưt noor teq u bơl 'bei laah:
8‘Raih au pơih wiêm baak jah tư đing Hei;
Dôh chưt bơl bu phơt ngngai Hei đat.
9Kaar bơl nei chuh th'bưn Hei laa 'bưn thlay,
Ntil bu kne dơơn lah ch'bap koon bnih ri.’”
10Kơi nei, Pang khuôl phung raih lôh u lah: “Phrui iat u gưt: 11'Bưn geh griêng ơơn mưt wiêm lơh aan koon bnih jrơơk jrơơm; dôh ntil ơơn a wiêm sot, ntil nei mơ lơh jrơơk jrơơm koon bnih.” 12Kơi nei bơl jơrnơ lôh, ơh n'hai Pang: “Yau geh gưt pal bnih Pha-ri-si bu jam joot tơt ttang baak au 'bưn?” 13Pang ơh: “Tơơm êch Bươp Hei lơ trôôk 'bưn tam nei phrui đook teq. 14Khang teq êêng bu; bu laa bơl tiah liêu troong [bnih tiah].#15:14 bnih tiah: Knông m'baak plơơp 'bian ti 'bưn geh pal sêr au. Mơq bnih tiah têêk bnih tiah nei baar du kot kơq u tu.”#Lu 6:39. 15Phi-e-rơ ơh laah: “Dan Yau rơih srlah pn'geh ruk nei aan bơl hei.” 16Brah Jê-sus ôp: “Bơl 'bei kot nha 'bưn gưt ơơm? 17Bơl 'bei 'bưn gưt laah griêng ơơn mưt wiêm a kươi han jưr pưl mih, ja nei dol krôih sot gaaih laang? 18Dôh ntil ơơn a wiêm sot kot lôh kơrmuôl a knông chưt, pal ntil nei mơ lơh jrơơk jrơơm bnih.#Mat 12:34. 19Đươm a knông chưt ksot pal gơrninh ap, lưm bnih, ta tưr, jrôq jrơm, ttung lmuôich, lơh ndraanh lhiat, u ntơn baak. 20Nei đươm laa ơp ntil lơh jrơơk jrơơm bnih; nha kaar sa 'bưn rao ti, 'bưn lơh jrơơk jrơơm bnih laang.”
Chưt jơrnơ bnih dơur Ka-na-an ri
(Mak 7:24-30)
21A nei, Brah Jê-sus han mưt kwaal poh Ti-rơ u Si-đôn. 22Tôw, geh mbu bnih dơur Ka-na-an a kwaal nei lôh u khuôl dan laah: “Smbah Brah, koon Đa-wit ri, dan gmaak hei! Koon ur hei ri dol chaak rup, ji rngiêl đat!” 23Dôh Pang 'bưn ơh di baak. Bơl jơrnơ lôh, dan jjuh Pang laah: “Dan Yau maanh mei nei siq, đươm mei khang tênh di kơơi bơl bơn baah dan jjuh nggan.” 24Pang ơh: “Hei kươt maanh lôh, dơơn đươm bơl bưr tơrlêêng saap nhi I-sra-ên ri ei.” 25Dôh bnih dơur au lôh, kơltut jưr u ơh laah: “Smbah Brah, joq jraih hei!” 26Pang ơh: “Pơih nom koon sau ri baah jang aan sôw sa laa ntil 'bưn dip.” 27Bnih dơur leet ơh: “Smbah Brah, dip bei nei, dôh pal pi sôw nha kươt sa pal plơơp nom kơn hach a bliêng nnơơm tup.” 28Pang lah laah: “Ơi dơur tôw, 'bei geh chưt jơrnơ ttih! Ntil 'bei êch kơndưng a kươi kươt but!” Kơndaal knông bêl nei, koon ur mei kươt baaq.
Brah Jê-sus tơ krik nom wưt baar
(Mak 8:1-10)
29Brah Jê-sus lơơi ktôk nei han rgoq tênh daak rmưt Ga-li-lê; Pang hao bnơm u gôq tu nei. 30Bei au geh phung bnih ơk đat lôh n'hai Pang, liêu pôl bơl bnih chook, tiah, kơrlôw, khuynh u ơk bnih lhơơi ji nday dơih ktôk jơng Brah Jê-sus; Pang tơmbah aan bu. 31Bei nei, bu êêng aang đat tơt sau bnih kơrlôw mor kươt, bnih khuynh kươt baaq, bnih chook kươt han, bnih tiah sau kươt; u bu pơt wơơl Brah Ưn I-sra-ên ri.
32Gêêng nei, Brah Jê-sus khuôl jơrnơ lôh u lah laah: “Hei gmaak phung raih au đươm bu ja gôq n'hai Hei pei nar, bei au 'bưn geh ơơn jah sa. Hei 'bưn êch jah bu ơt nh'hit plơq siq, ait sot lơbai rgoq troong pan.” 33Bơl jơrnơ ơh: “Klung ktôk trenh sngat au, bơl bơn joi a êch sot sơp nom aan phung raih mich ming au sa?” 34Pang ôp bơl jơrnơ: “Bơl 'bei geh pal ơk nom?” Bu ơh: “Geh poh ơơk nom u pal pi ka dêq.” 35Pang tơmbơh aan phung raih gôq u teh, 36pơih poh ơơk nom u pal pi ka, or gun, ja nei pak ndơơp aan bơl jơrnơ jah bu tacheq aan phung raih. 37Jôm bnih kot sa bơm hơơm; pal plơơp nom ngroh pơrgum kơơi kươt poh sah bêêng. 38Nak bnih sa laa puôn ban bnih, 'bưn kơơp dơur, koon drêên. 39Di kươi aan phung raih siq, Pang jưr duuk han rlach kwaal Ma-ga-đan.
ទើបបានជ្រើសរើសហើយ៖
Ma-thi-ơ 15: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
