Ma-thi-ơ 12
12
Lơh kaar knông nar sa-'bat
(Mak 2:23-28; Lu-ka 6:1-5)
1Plah nei, mưt nar sa-'bat, Brah Jê-sus han rloot srei ba, bơl jơrnơ Pang nh'hit mơ lap tôôch kao ba baah sa. 2Pal bnih Pha-ri-si sau bei nei, mor n'hai Pang: “Mơq tôw, bơl jơrnơ Yau lơh ntil 'bưn kươt ch'bap lơh knông nar sa-'bat.” 3Dôh Pang ơh: “Bơl 'bei ndah chôôl kaar Đa-wit ja lơh, khal ay pôl pal bnih han tênh dol nh'hit laang? 4Bnih ja mưt nhi Brah Ưn sa nom piyơ, nom baah bnih u bah han tênh 'bưn kươt ch'bap sa, dơơn ơn êêng aan pal yau thwaai. 5Paich laa bơl 'bei ndah chôôl knông sm'bưt ch'bap laah, mưt nar sa-'bat, bơl yau thwaai knông nhi r'bưn lơh tih ch'bap nar sa-'bat dôh nha 'bưn geh dôih nei laang? 6Dôh Hei lah n'hai bơl 'bei, tu au, geh mbu Yaang prêh đing huôih leq nhi r'bưn. 7Mơq bơl 'bei gưt kươt rpach ndroong au ri: ‘Hei êch chưt gmaak, đươm 'bưn geh pai thwaai’ nei bơl 'bei ja 'bưn pnđing bnih 'bưn dôih; 8đươm Koon Bnih laa Brah nar sa-'bat ri.”
Brah Jê-sus tơmbah pơrtanh knông nar sa-'bat
(Mak 3:1-6; Lu-ka 6:6-11)
9Brah Jê-sus lơơi ktôk nei, han mưt nhi pơrgum. 10Tu nei, geh bnih kruôt di paang ti. Bu ôp Pang laah: “Knông nar sa-'bat geh kươt ch'bap tơmbah pơrtanh 'bưn?” Bu ôp bei nei, jah awap pnđing Pang. 11Pang lah n'hai bu: “'Bơơn knông bơl 'bei geh mlơm koon bưr a kơq u tu knông nar sa-'bat dôh leet 'bưn têêk bu hao laang?#Lu 14:5. 12Huôih ơơn koon bnih nha thlay huôih bưr gưt pal êch! Bei nei, knông nar sa-'bat kươt ch'bap lơh ntil klanh.” 13Ja nei Pang lah n'hai bnih kruôt ti: “Phrui lơơk ti sot!” Bnih nei lơơk ti sot, nei ti kươt baaq bei ti tôw. 14Bơl bnih Pha-ri-si han sot, pơrgênh jmlôm wal Pang u wơng troong lưm Pang.
15Dôh Brah Jê-sus gưt ntil nei, mơ het rlach ktôk nei. Geh ơk bnih tênh Pang, u Pang tơmbah leq sêch. 16Pang tơmbơh pn'ak bu khơơm klach aan 'bơơn gưt Pang. 17Bei nei, jah baak Ê-sai grnưt noor ja lah kươt dip plak:
18“Au laa dêch Hei ja sach,
Bnih baah Hei srlanh, klanh chưt Hei sơp.
Hei a kươi ươn Brah Wêêng Hei gôq lơ Bnih,
Bnih a kươi chhuôr soong klanh aan raih agaih.
19Bnih a kươi 'bưn ta tau, 'bưn troh luung,
'Bưn 'bơơn ttang baak Bnih gaaih troong.
20Bnih a kươi 'bưn pak tơơm taoruôi u puuh,
'Bưn ngơt bôl đeng dơơh luôch.
Aan tơt jơl Bnih ndơơp soong klanh lôh jn'ah
21U bơl bnih raih agaih dơih kơndưng ktôk saak Bnih.”
Brah Jê-sus tơmbah bnih dol chaak rup. – Dôih 'baap tơt Brah Wêêng. – Tơơm u play
(Mak 3:20-30; Lu-ka 11:14-23; 12:10)
22Bei au, bu nday liêu tơt aan Brah Jê-sus mbu bnih dol chaak rup, tiah u kơrlôw; Pang tơmbah, lơh bnih nei mor n'hai sau kươt. 23Leq sêch phung raih kot êêng aang, mor laah: “Ait 'bưn bnih au laa koon snđach Đa-wit?” 24Dôh tơt ttang bei nei pal bnih Pha-ri-si leet maanh: “Bnih au 'bưn lơh bei êch prơh kươt chaak, mơq 'bưn chkhôm snđach chaak Bê-ên-sê-bun.”#Mat 9:34; 10:25. 25Brah Jê-sus gưt gơrninh bu ri mơ lah: “Nggoor êch pơrlang khach êng a kươi dol pơrlơt, di poh paich di nhi êch pơrlang khach êng a kươi 'bưn dơk jap. 26Mơq Sa-tan prơh Sa-tan, nei laa bu ta pơrlang khach; nggoor bu lơh bei êch dơk jap kươt? 27Mơq Hei chkhôm Bê-ên-sê-bun baah prơh chaak, bei nei koon sau bơl 'bei chkhôm 'bơơn baah prơh chaak? Đươm nei, nơơm bơl bu a kươi laa bnih pơrkat bơl 'bei. 28Dôh mơq Hei chkhôm Brah Wêêng Brah Ưn ri baah prơh chaak, nei nggoor Brah Ưn ja lôh n'hai bơl 'bei hơơi. 29Paich laa, lơh bei êch bu nday geh kươt mưt nhi mbu bnih geh kmlang jah ttung griêng mlơ mơq noor leq 'bưn kơt bnih nei? Phrui kơt bnih nei noor ja nei mơ ttung griêng bu kươt. 30'Bơơn 'bưn gôq n'hai Hei laa ta wal kươi Hei; 'bơơn 'bưn prơgap n'hai Hei nei a brơh.#Mak 9:40. 31Bei nei, Hei lah n'hai bơl 'bei: Jôm dôih 'baap u baak đam điêl kot kươt krôih aan koon bnih; dôh đam điêl tơt Brah Wêêng a kươi 'bưn kươt krôih laang. 32'Bơơn mor kmang n'hai Koon Bnih nei a kươi kươt krôih; dôh 'bơơn mor kmang n'hai Brah Wêêng nei paich klap au paich klap kơơi kot a kươi 'bưn kươt krôih.#Lu 12:10.
33Mơq laa tơơm klanh nei play kot klanh, mơq laa tơơm khih nei play kot khih; đươm mơq play nei gưt tơơm.#Mat 7:20; Lu 6:44. 34Ơi mbaang pai bêh khih tôw! Bơl 'bei ơơm laa ap, lơh bei êch mor kươt ntil klanh? Đươm geh bêêng bơm knông chưt nei wiêm mơ mor sot.#Mat 3:7; 23:33; 15:18; Lu 3:7; 6:45. 35Bnih klanh đươm riêp ơm ntil klanh mơ deh ntil klanh; nha bah ap đươm riêp ơm ntil ap mơ deh ntil ap. 36Dôh Hei maanh bơl 'bei, knông nar pơrkat, bu nday a kươi tơmbơh jôm baak 'bưn thlay bơn ja mor. 37Đươm geh baak mor, 'bei a kươi kươt chôôl sêch song; kot đươm geh baak mor, 'bei a kươi dol kaap dôih.”
Chmlih chmleek Jô-na ri
(Mak 8:11,12; Lu-ka 11:29-32)
38Bei au geh pal yau gưt jhai u bnih Pha-ri-si mor n'hai Pang laah: “Ơi Yau, bơl Hei êch mơq Yau lơh di chmlih chmleek.”#Mat 16:1; Mak 8:11; Lu 11:16. 39Pang ơh: “Klap đơơk đaak, jrôq jrơm au wơng joi di chmlih chmleek, dôh a kươi 'bưn pơih kươt di chmlih chmleek ơơn, di gaaih chmlih chmleek grnưt noor Jô-na ri.#Mat 16:4; Mak 8:12. 40Đươm bei Jô-na gôq knông pul ka ttih pei mang pei nar, kot bei nei, Koon Bnih a kươi gôq knông klang teh pei mang pei nar. 41Knông nar pơrkat, bnih Ni-ni-we a kươi kah kơơt pôl klap au u pnđing bu, đươm raih nei ja iat baak chhuôr Jô-na ri u teq lơi dôih, dôh tu au geh mbu bnih prêh đing huôih Jô-na! 42Knông nar pơrkat, dơur snđach mak ma nar nhơp a kươi kah kơơt pôl klap au baah pnđing bu, đươm mei a bôôk pôl play teh lôh iat baak jhai rpech snđach Sa-lô-môn ri; dôh tu au geh bnih nha prêh đing huôih Sa-lô-môn!
43Tơt wêêng 'bưn jrah sot rlach mbu bnih, bu han rloot pal ktôk sdơơh, wơng ktôk rlu, dôh 'bưn wơng kươt. 44Ja nei bu lah: ‘Hei a kươi plơq siq nhi hei, ktôk hei mhei sot rlach.’ Tơt plơq siq, sau nhi rhơi, pôih kwaih jrah, dap dơih sraap, 45bu han drơh u liêu nha poh pi chaak nday kraanh huôih, pôl mưt a nei. Bei nei, klap jat kơơi bnih au ri lôh jrơơk huôih noor. Klap đơơk đaak au kot a kươi bei nei.”
Mei u bơl oh Brah Jê-sus ri
(Mak 3:31-35; Lu-ka 8:19-21)
46Tơt Brah Jê-sus nha plah mor n'hai phung raih nei mei u bơl oh Pang lôh, ta yoong gôq agaih êch wơng ndroong ta mor n'hai Pang. 47[Geh bnih ơh n'hai Pang laah: “Tôw mei u bơl oh bi Ay plah ta yoong a gaaih, êch ta mor n'hai Ay.”]#12:47 Knông m'baak plơơp 'bian ti 'bưn geh ndroong 47. 48Pang ơh: “'Bơơn laa mei Hei, 'bơơn laa oh bi Hei?” 49Ja nei Pang chong ti u maq bơl jơrnơ u mor: “Au laa mei Hei u oh bi Hei! 50Đươm mơq 'bơơn lơh tênh rnđêch Bươp Hei ri a lơ trôôk, bnih nei laa oh bi, mei ruh u laa mei Hei ei.”
ទើបបានជ្រើសរើសហើយ៖
Ma-thi-ơ 12: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 12
12
Lơh kaar knông nar sa-'bat
(Mak 2:23-28; Lu-ka 6:1-5)
1Plah nei, mưt nar sa-'bat, Brah Jê-sus han rloot srei ba, bơl jơrnơ Pang nh'hit mơ lap tôôch kao ba baah sa. 2Pal bnih Pha-ri-si sau bei nei, mor n'hai Pang: “Mơq tôw, bơl jơrnơ Yau lơh ntil 'bưn kươt ch'bap lơh knông nar sa-'bat.” 3Dôh Pang ơh: “Bơl 'bei ndah chôôl kaar Đa-wit ja lơh, khal ay pôl pal bnih han tênh dol nh'hit laang? 4Bnih ja mưt nhi Brah Ưn sa nom piyơ, nom baah bnih u bah han tênh 'bưn kươt ch'bap sa, dơơn ơn êêng aan pal yau thwaai. 5Paich laa bơl 'bei ndah chôôl knông sm'bưt ch'bap laah, mưt nar sa-'bat, bơl yau thwaai knông nhi r'bưn lơh tih ch'bap nar sa-'bat dôh nha 'bưn geh dôih nei laang? 6Dôh Hei lah n'hai bơl 'bei, tu au, geh mbu Yaang prêh đing huôih leq nhi r'bưn. 7Mơq bơl 'bei gưt kươt rpach ndroong au ri: ‘Hei êch chưt gmaak, đươm 'bưn geh pai thwaai’ nei bơl 'bei ja 'bưn pnđing bnih 'bưn dôih; 8đươm Koon Bnih laa Brah nar sa-'bat ri.”
Brah Jê-sus tơmbah pơrtanh knông nar sa-'bat
(Mak 3:1-6; Lu-ka 6:6-11)
9Brah Jê-sus lơơi ktôk nei, han mưt nhi pơrgum. 10Tu nei, geh bnih kruôt di paang ti. Bu ôp Pang laah: “Knông nar sa-'bat geh kươt ch'bap tơmbah pơrtanh 'bưn?” Bu ôp bei nei, jah awap pnđing Pang. 11Pang lah n'hai bu: “'Bơơn knông bơl 'bei geh mlơm koon bưr a kơq u tu knông nar sa-'bat dôh leet 'bưn têêk bu hao laang?#Lu 14:5. 12Huôih ơơn koon bnih nha thlay huôih bưr gưt pal êch! Bei nei, knông nar sa-'bat kươt ch'bap lơh ntil klanh.” 13Ja nei Pang lah n'hai bnih kruôt ti: “Phrui lơơk ti sot!” Bnih nei lơơk ti sot, nei ti kươt baaq bei ti tôw. 14Bơl bnih Pha-ri-si han sot, pơrgênh jmlôm wal Pang u wơng troong lưm Pang.
15Dôh Brah Jê-sus gưt ntil nei, mơ het rlach ktôk nei. Geh ơk bnih tênh Pang, u Pang tơmbah leq sêch. 16Pang tơmbơh pn'ak bu khơơm klach aan 'bơơn gưt Pang. 17Bei nei, jah baak Ê-sai grnưt noor ja lah kươt dip plak:
18“Au laa dêch Hei ja sach,
Bnih baah Hei srlanh, klanh chưt Hei sơp.
Hei a kươi ươn Brah Wêêng Hei gôq lơ Bnih,
Bnih a kươi chhuôr soong klanh aan raih agaih.
19Bnih a kươi 'bưn ta tau, 'bưn troh luung,
'Bưn 'bơơn ttang baak Bnih gaaih troong.
20Bnih a kươi 'bưn pak tơơm taoruôi u puuh,
'Bưn ngơt bôl đeng dơơh luôch.
Aan tơt jơl Bnih ndơơp soong klanh lôh jn'ah
21U bơl bnih raih agaih dơih kơndưng ktôk saak Bnih.”
Brah Jê-sus tơmbah bnih dol chaak rup. – Dôih 'baap tơt Brah Wêêng. – Tơơm u play
(Mak 3:20-30; Lu-ka 11:14-23; 12:10)
22Bei au, bu nday liêu tơt aan Brah Jê-sus mbu bnih dol chaak rup, tiah u kơrlôw; Pang tơmbah, lơh bnih nei mor n'hai sau kươt. 23Leq sêch phung raih kot êêng aang, mor laah: “Ait 'bưn bnih au laa koon snđach Đa-wit?” 24Dôh tơt ttang bei nei pal bnih Pha-ri-si leet maanh: “Bnih au 'bưn lơh bei êch prơh kươt chaak, mơq 'bưn chkhôm snđach chaak Bê-ên-sê-bun.”#Mat 9:34; 10:25. 25Brah Jê-sus gưt gơrninh bu ri mơ lah: “Nggoor êch pơrlang khach êng a kươi dol pơrlơt, di poh paich di nhi êch pơrlang khach êng a kươi 'bưn dơk jap. 26Mơq Sa-tan prơh Sa-tan, nei laa bu ta pơrlang khach; nggoor bu lơh bei êch dơk jap kươt? 27Mơq Hei chkhôm Bê-ên-sê-bun baah prơh chaak, bei nei koon sau bơl 'bei chkhôm 'bơơn baah prơh chaak? Đươm nei, nơơm bơl bu a kươi laa bnih pơrkat bơl 'bei. 28Dôh mơq Hei chkhôm Brah Wêêng Brah Ưn ri baah prơh chaak, nei nggoor Brah Ưn ja lôh n'hai bơl 'bei hơơi. 29Paich laa, lơh bei êch bu nday geh kươt mưt nhi mbu bnih geh kmlang jah ttung griêng mlơ mơq noor leq 'bưn kơt bnih nei? Phrui kơt bnih nei noor ja nei mơ ttung griêng bu kươt. 30'Bơơn 'bưn gôq n'hai Hei laa ta wal kươi Hei; 'bơơn 'bưn prơgap n'hai Hei nei a brơh.#Mak 9:40. 31Bei nei, Hei lah n'hai bơl 'bei: Jôm dôih 'baap u baak đam điêl kot kươt krôih aan koon bnih; dôh đam điêl tơt Brah Wêêng a kươi 'bưn kươt krôih laang. 32'Bơơn mor kmang n'hai Koon Bnih nei a kươi kươt krôih; dôh 'bơơn mor kmang n'hai Brah Wêêng nei paich klap au paich klap kơơi kot a kươi 'bưn kươt krôih.#Lu 12:10.
33Mơq laa tơơm klanh nei play kot klanh, mơq laa tơơm khih nei play kot khih; đươm mơq play nei gưt tơơm.#Mat 7:20; Lu 6:44. 34Ơi mbaang pai bêh khih tôw! Bơl 'bei ơơm laa ap, lơh bei êch mor kươt ntil klanh? Đươm geh bêêng bơm knông chưt nei wiêm mơ mor sot.#Mat 3:7; 23:33; 15:18; Lu 3:7; 6:45. 35Bnih klanh đươm riêp ơm ntil klanh mơ deh ntil klanh; nha bah ap đươm riêp ơm ntil ap mơ deh ntil ap. 36Dôh Hei maanh bơl 'bei, knông nar pơrkat, bu nday a kươi tơmbơh jôm baak 'bưn thlay bơn ja mor. 37Đươm geh baak mor, 'bei a kươi kươt chôôl sêch song; kot đươm geh baak mor, 'bei a kươi dol kaap dôih.”
Chmlih chmleek Jô-na ri
(Mak 8:11,12; Lu-ka 11:29-32)
38Bei au geh pal yau gưt jhai u bnih Pha-ri-si mor n'hai Pang laah: “Ơi Yau, bơl Hei êch mơq Yau lơh di chmlih chmleek.”#Mat 16:1; Mak 8:11; Lu 11:16. 39Pang ơh: “Klap đơơk đaak, jrôq jrơm au wơng joi di chmlih chmleek, dôh a kươi 'bưn pơih kươt di chmlih chmleek ơơn, di gaaih chmlih chmleek grnưt noor Jô-na ri.#Mat 16:4; Mak 8:12. 40Đươm bei Jô-na gôq knông pul ka ttih pei mang pei nar, kot bei nei, Koon Bnih a kươi gôq knông klang teh pei mang pei nar. 41Knông nar pơrkat, bnih Ni-ni-we a kươi kah kơơt pôl klap au u pnđing bu, đươm raih nei ja iat baak chhuôr Jô-na ri u teq lơi dôih, dôh tu au geh mbu bnih prêh đing huôih Jô-na! 42Knông nar pơrkat, dơur snđach mak ma nar nhơp a kươi kah kơơt pôl klap au baah pnđing bu, đươm mei a bôôk pôl play teh lôh iat baak jhai rpech snđach Sa-lô-môn ri; dôh tu au geh bnih nha prêh đing huôih Sa-lô-môn!
43Tơt wêêng 'bưn jrah sot rlach mbu bnih, bu han rloot pal ktôk sdơơh, wơng ktôk rlu, dôh 'bưn wơng kươt. 44Ja nei bu lah: ‘Hei a kươi plơq siq nhi hei, ktôk hei mhei sot rlach.’ Tơt plơq siq, sau nhi rhơi, pôih kwaih jrah, dap dơih sraap, 45bu han drơh u liêu nha poh pi chaak nday kraanh huôih, pôl mưt a nei. Bei nei, klap jat kơơi bnih au ri lôh jrơơk huôih noor. Klap đơơk đaak au kot a kươi bei nei.”
Mei u bơl oh Brah Jê-sus ri
(Mak 3:31-35; Lu-ka 8:19-21)
46Tơt Brah Jê-sus nha plah mor n'hai phung raih nei mei u bơl oh Pang lôh, ta yoong gôq agaih êch wơng ndroong ta mor n'hai Pang. 47[Geh bnih ơh n'hai Pang laah: “Tôw mei u bơl oh bi Ay plah ta yoong a gaaih, êch ta mor n'hai Ay.”]#12:47 Knông m'baak plơơp 'bian ti 'bưn geh ndroong 47. 48Pang ơh: “'Bơơn laa mei Hei, 'bơơn laa oh bi Hei?” 49Ja nei Pang chong ti u maq bơl jơrnơ u mor: “Au laa mei Hei u oh bi Hei! 50Đươm mơq 'bơơn lơh tênh rnđêch Bươp Hei ri a lơ trôôk, bnih nei laa oh bi, mei ruh u laa mei Hei ei.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.