Ma-thi-ơ 13
13
Pn'geh ruk teq u bnih siêm ba
(Mak 4:1-9; Lu-ka 8:4-8)
1Kot knông nar nei, Brah Jê-sus lơơi nhi, sot gôq mak kơh daak rmưt. 2Phung raih rum rlum Pang ơk đat, lôh aan Pang phrui jưr duuk baah gôq, nha leq sêch phung raih nei ta yoong lơ kơh.#Lu 5:1-3. 3Pang nhôq pn'geh ruk jah mor n'hai bu ơk ntil.
Pang lah: “Geh mbu bnih han sot siêm ba. 4Knông khal siêm, m'baak grap a tup rgoq troong, chum lôh sa leq. 5M'baak grap nday a tup lơ teh tmau, dơơn geh ndêq teh pai, dol bôôr 'bưn jru, hoon drơh. 6Dôh tơt mat nar kơơt, dol tanh nar chhu nei bơl nei chhưt ranh đươm 'bưn geh driêh. 7M'baak grap nday a tup klung pih look, look hoon lơh aan bơl nei sêêt soonh. 8M'baak nday nha a tup lơ ktôk teh klanh mơ play kao: grap kươt di riêng, grap kươt prau jơt, grap pei jơt. 9'Bơơn geh tôr, phrui iat ttang!”
Rơih pn'geh ruk
(Mak 4:10-12; Lu-ka 8:9,10)
10Bơl jơrnơ tơt dơơh ôp Pang: “A hay Yau pơih pn'geh ruk jah mor n'hai bu?” 11Pang ơh: “Bơl 'bei ja kươt ươn baak gưt jhai teq u pal chmlih chmleek nggoor trôôk ri, nha bu nei 'bưn kươt ươn. 12Đươm 'bơơn geh a kươi kươt aan top jah kươt ngroh, nha 'bơơn 'bưn geh a kươi dol prap broih ntil bơn plah geh nha.#Mat 25:29; Mak 4:25; Lu 8:18; 19:26. 13Đươm bei nei, Hei pơih pn'geh ruk jah mor n'hai bu, đươm bu mơq dôh 'bưn sau, iat tôr dôh 'bưn ttang, 'bưn gưt. 14Bu ja lơh aan baak grnưt noor Ê-sai ri kươt dip plak:
‘Bơl 'bei iat chmlam, dôh 'bưn gưt;
Ndơơp mat mơq dôh 'bưn sau ơơn.
15Đươm chưt raih au mal;
Tôr ja jjơk,
Mat ja rêêp,
N'hông laah mat sau kươt,
Tôr iat kươt,
Chưt gưt kươt,
Bu teq lơi dôih êêng,
U Hei a kươi tơmbah pan.’
16Dôh smlaang aan pi mat bơl 'bei đươm sau kươt; smlaang aan tôr bơl 'bei đươm iat kươt! 17A ngan, Hei maanh bơl 'bei, geh ơk yau grnưt noor, ơk bnih sêch song bu kơndưng sau ntil bơl 'bei sau dôh 'bưn kươt sau; êch kơndưng iat ntil bơl 'bei iat dôh 'bưn iat kươt.#Lu 10:23-24.
18Bei nei, bơl 'bei phrui iat rơih pn'geh ruk teq u bnih siêm ba. 19'Bơơn iat baak jơ nggoor trôôk ri baah 'bưn gưt nei chaak kraanh lôh piit 'bat ntil ja siêm knông chưt bơn; nei laa grap ba a tup rgoq troong. 20Grap ba a tup lơ teh tmau laa bnih tơt ttang baak jơ nei broh s'bai wơơt drơh; 21dôh baak jơ 'bưn tam driêh knông chưt, dơơn rêh rbaq rbôông, dôh tơt đươm baak jơ baah mơp r'baak, paich nhôp kơt, nei bnih nei a kơq drơh. 22Grap ba a tup klung pih look laa bnih iat baak jơ, dôh baak a gênh teq u klap au, baak lêch khunh geh ri lơh aan baak jơ but sêêt soonh mơ 'bưn play kao. 23Nha grap ba siêm lơ teh klanh laa bnih iat, gưt baak jơ u geh play kao: mlơm but di riêng, mlơm but prau jơt, mlơm but pei jơt.”
24Brah Jê-sus lah n'hai bu di pn'geh ruk nday: “Nggoor trôôk pn'geh bei mbu bnih siêm ba klanh knông srei bơn. 25Dôh plah jôm bnih nha bêch nei bơl kmang bnih nei ri lôh, siêm deh pơnh klung ba ja nei han. 26Tơt ba hoon u druung nei deh pơnh kot lôh sot. 27Bơl dêch nnơơm nhi ri lôh tơmbơh laah: ‘Ơi nnơơm, 'bưn geh nnơơm ja siêm ba klanh knông srei nnơơm ri laang? Bei nei, deh pơnh đươm a êch baah geh?’ 28Nnơơm ơh: ‘Di kmang ja lơh ntil nei.’ Bơl dêch ơh laah: ‘Bei nei nnơơm geh êch bơl hei đook deh nei 'bưn?’ 29Nnơơm ơh: ‘Khơơm a đook, ait tơt đook deh pơnh, bơl 'bei đook a sup leq ba. 30Khang doom leq baar sơnơ ttih pôl aan tơt khal kach; tơt mưt khal kach, hei a kươi pn'ak bnih kach pơrgum deh pơnh noor, kơt klơm leq ja nei chhu; nha ba nei prap ơn mưt u nơm hei ri.’”
Pn'geh ruk teq u grap sbay u kenh
(Mak 4:30-32; Lu-ka 13:18,19)
31Pang lah n'hai bu di pn'geh ruk nday: “Nggoor trôôk bei di grap sbay bnih tôw liêu siêm a srei. 32Grap nei dêq đat knông leq sêch pal grap ba, dôh tơt hoon nei leet ttih đat knông pal til biêp, u but tơơm lôh pơơn chum trôôk lôh lơh chhôm lơ bling bu.”
33Pang lah n'hai bu pn'geh ruk nday: “Nggoor trôôk rkhơt bei kenh pa mei dơur tôw pơih tram teq u pei loong bơrnêh aan tơt khal bơrnêh but kenh leq.”
34Brah Jê-sus nhôq pn'geh ruk jah tơmbơh tti jôm ntil nei aan phung raih, 'bưn di ntil ơơn Pang tơmbơh tti bu baah 'bưn nhôq pn'geh ruk. 35Bei nei, jah dip plak baak grnưt noor:#13:35 baak grnưt noor: Knông m'baak plơơp 'bian ti laa baak grnưt noor Ê-sai.
“Hei a kươi pơơk wiêm jah mor pal pn'geh ruk,
Hei a kươi tơmbơh pal ntil apôn a ptơơm tơmbut [swich teh].”#13:35 [swich teh]: Knông m'baak plơơp 'bian ti 'bưn geh pal sêr au.
36Di kươi aan phung raih siq, Brah Jê-sus mưt nhi. Bơl jơrnơ lôh, mor n'hai Pang: “Dan Yau rơih pn'geh ruk teq u deh pơnh knông srei aan bơl koon.” 37Pang ơh: “Bnih siêm ba klanh laa Koon Bnih; 38Srei laa swich teh; ba klanh laa koon sau nggoor trôôk ri; deh pơnh lah koon sau chaak kraanh; 39bah kmang siêm deh laa chaak ap; khal kach laa nar ptut; bnih kach laa bơl lênh brah. 40Nha bei deh pơnh dol pơrgum kơơi u chhu knông ôinh bei êch, nei nar ptut kot bei nei; 41Koon Bnih a kươi maanh lênh brah Pang sach jôm bơl root baak trơnih u jôm bơl lơh đơơk rlach nggoor Pang, 42ja nei jang bơl nei mưt gưndrung ôinh, ktôk a kươi geh nhim ngliêng u kap chhêk. 43Tơt nei, pal bnih sêch song a kươi pơn aang bei mat nar knông nggoor Bươp bơn ri. 'Bơơn geh tôr, phrui iat ttang!”
Pn'geh ruk u nơm preh
44“Nggoor trôôk pn'geh bei nơm preh rôôp pôn knông di srei. Mbu bnih tôw wơng kươt nei pôn, broh s'bai liêu tech jôm ntil nơơm geh, jah pook pưng nei.”
Pn'geh ruk u rklôw bluk thlay
45“Nggoor trôôk leet bei rkhơt mbu tach brôw han wơng rklôw bluk khiêp thlay; 46tơt ja wơng kươt di rklôw bluk khiêp thlay huôch, bnih nei han drơh tach jôm ntil bơn geh jah pook rklôw bluk nei.”
Pn'geh ruk teq u moong ka
47“Nggoor trôôk kot bei di mlơm moong ka krôih jưr daak rmưt, nhôp sơp jôm ntil ka. 48Tơt moong bêêng, bu nday têêk hao kơh nei gôq teh sach til ka klanh aan mưt sah, nha til ka ap nei jang teq. 49Tơt nar ptut kot bei nei, bơl lênh brah a kươi lôh, praih bơl đơơk rlach bơl bnih sêch song, 50u jang bah đơơk mưt gưndrung ôinh; a nei a kươi geh nhim ngliêng u kap chhêk.”
51“Bơl 'bei geh gưt jôm ntil nei 'bưn?” Bơl jơrnơ ơh: “Gưt đêêl.” 52Pang lah laah: “Bei nei, bơl yau gưt jhai ja riên gưt teq u nggoor trôôk, kot bei nnơơm nhi tôw, liêu pal griêng mhei leq ndơm sot rlach nơm preh nơơm ri.”
Brah Jê-sus teq u Na-sa-ret
(Mak 6:1-6; Lu-ka 4:16-30)
53Tơt ja krơơ pal pn'geh ruk nei luôih, Brah Jê-sus du rlach ktôk nei. 54Plơq siq ktôk deh, Pang kne phung raih knông nhi pơrgum lôh aan bu êêng aang đat u lah: “Đươm a êch bnih au geh kươt baak gưt jhai u lơh kươt pal kaar dang kmheng bei nei? 55'Bưn geh bnih au laa koon klau mom rak mon chhư tôw laang? Mei bu 'bưn phrui laa Ma-ri, u pal oh bu laa Ja-kơ, Jô-sep, Si-môn, Ju-đe nei laang? 56Leq sêch pal oh ur bu 'bưn geh kot a kluung bơl bơn nei laang? Bei nei, đươm a êch bnih au geh kươt jôm ntil nei?” 57Bu trơnih đươm Pang. Dôh Brah Jê-sus lah n'hai bu laah: “Yau grnưt noor dơơn dol ktôk deh u nhi nak nơơm mơq 'baih ei.”#Ja 4:44. 58Tu nei, Pang 'bưn lơh ơk kaar dang kmheng, đươm baak 'bưn jơ bu ri.
ទើបបានជ្រើសរើសហើយ៖
Ma-thi-ơ 13: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 13
13
Pn'geh ruk teq u bnih siêm ba
(Mak 4:1-9; Lu-ka 8:4-8)
1Kot knông nar nei, Brah Jê-sus lơơi nhi, sot gôq mak kơh daak rmưt. 2Phung raih rum rlum Pang ơk đat, lôh aan Pang phrui jưr duuk baah gôq, nha leq sêch phung raih nei ta yoong lơ kơh.#Lu 5:1-3. 3Pang nhôq pn'geh ruk jah mor n'hai bu ơk ntil.
Pang lah: “Geh mbu bnih han sot siêm ba. 4Knông khal siêm, m'baak grap a tup rgoq troong, chum lôh sa leq. 5M'baak grap nday a tup lơ teh tmau, dơơn geh ndêq teh pai, dol bôôr 'bưn jru, hoon drơh. 6Dôh tơt mat nar kơơt, dol tanh nar chhu nei bơl nei chhưt ranh đươm 'bưn geh driêh. 7M'baak grap nday a tup klung pih look, look hoon lơh aan bơl nei sêêt soonh. 8M'baak nday nha a tup lơ ktôk teh klanh mơ play kao: grap kươt di riêng, grap kươt prau jơt, grap pei jơt. 9'Bơơn geh tôr, phrui iat ttang!”
Rơih pn'geh ruk
(Mak 4:10-12; Lu-ka 8:9,10)
10Bơl jơrnơ tơt dơơh ôp Pang: “A hay Yau pơih pn'geh ruk jah mor n'hai bu?” 11Pang ơh: “Bơl 'bei ja kươt ươn baak gưt jhai teq u pal chmlih chmleek nggoor trôôk ri, nha bu nei 'bưn kươt ươn. 12Đươm 'bơơn geh a kươi kươt aan top jah kươt ngroh, nha 'bơơn 'bưn geh a kươi dol prap broih ntil bơn plah geh nha.#Mat 25:29; Mak 4:25; Lu 8:18; 19:26. 13Đươm bei nei, Hei pơih pn'geh ruk jah mor n'hai bu, đươm bu mơq dôh 'bưn sau, iat tôr dôh 'bưn ttang, 'bưn gưt. 14Bu ja lơh aan baak grnưt noor Ê-sai ri kươt dip plak:
‘Bơl 'bei iat chmlam, dôh 'bưn gưt;
Ndơơp mat mơq dôh 'bưn sau ơơn.
15Đươm chưt raih au mal;
Tôr ja jjơk,
Mat ja rêêp,
N'hông laah mat sau kươt,
Tôr iat kươt,
Chưt gưt kươt,
Bu teq lơi dôih êêng,
U Hei a kươi tơmbah pan.’
16Dôh smlaang aan pi mat bơl 'bei đươm sau kươt; smlaang aan tôr bơl 'bei đươm iat kươt! 17A ngan, Hei maanh bơl 'bei, geh ơk yau grnưt noor, ơk bnih sêch song bu kơndưng sau ntil bơl 'bei sau dôh 'bưn kươt sau; êch kơndưng iat ntil bơl 'bei iat dôh 'bưn iat kươt.#Lu 10:23-24.
18Bei nei, bơl 'bei phrui iat rơih pn'geh ruk teq u bnih siêm ba. 19'Bơơn iat baak jơ nggoor trôôk ri baah 'bưn gưt nei chaak kraanh lôh piit 'bat ntil ja siêm knông chưt bơn; nei laa grap ba a tup rgoq troong. 20Grap ba a tup lơ teh tmau laa bnih tơt ttang baak jơ nei broh s'bai wơơt drơh; 21dôh baak jơ 'bưn tam driêh knông chưt, dơơn rêh rbaq rbôông, dôh tơt đươm baak jơ baah mơp r'baak, paich nhôp kơt, nei bnih nei a kơq drơh. 22Grap ba a tup klung pih look laa bnih iat baak jơ, dôh baak a gênh teq u klap au, baak lêch khunh geh ri lơh aan baak jơ but sêêt soonh mơ 'bưn play kao. 23Nha grap ba siêm lơ teh klanh laa bnih iat, gưt baak jơ u geh play kao: mlơm but di riêng, mlơm but prau jơt, mlơm but pei jơt.”
24Brah Jê-sus lah n'hai bu di pn'geh ruk nday: “Nggoor trôôk pn'geh bei mbu bnih siêm ba klanh knông srei bơn. 25Dôh plah jôm bnih nha bêch nei bơl kmang bnih nei ri lôh, siêm deh pơnh klung ba ja nei han. 26Tơt ba hoon u druung nei deh pơnh kot lôh sot. 27Bơl dêch nnơơm nhi ri lôh tơmbơh laah: ‘Ơi nnơơm, 'bưn geh nnơơm ja siêm ba klanh knông srei nnơơm ri laang? Bei nei, deh pơnh đươm a êch baah geh?’ 28Nnơơm ơh: ‘Di kmang ja lơh ntil nei.’ Bơl dêch ơh laah: ‘Bei nei nnơơm geh êch bơl hei đook deh nei 'bưn?’ 29Nnơơm ơh: ‘Khơơm a đook, ait tơt đook deh pơnh, bơl 'bei đook a sup leq ba. 30Khang doom leq baar sơnơ ttih pôl aan tơt khal kach; tơt mưt khal kach, hei a kươi pn'ak bnih kach pơrgum deh pơnh noor, kơt klơm leq ja nei chhu; nha ba nei prap ơn mưt u nơm hei ri.’”
Pn'geh ruk teq u grap sbay u kenh
(Mak 4:30-32; Lu-ka 13:18,19)
31Pang lah n'hai bu di pn'geh ruk nday: “Nggoor trôôk bei di grap sbay bnih tôw liêu siêm a srei. 32Grap nei dêq đat knông leq sêch pal grap ba, dôh tơt hoon nei leet ttih đat knông pal til biêp, u but tơơm lôh pơơn chum trôôk lôh lơh chhôm lơ bling bu.”
33Pang lah n'hai bu pn'geh ruk nday: “Nggoor trôôk rkhơt bei kenh pa mei dơur tôw pơih tram teq u pei loong bơrnêh aan tơt khal bơrnêh but kenh leq.”
34Brah Jê-sus nhôq pn'geh ruk jah tơmbơh tti jôm ntil nei aan phung raih, 'bưn di ntil ơơn Pang tơmbơh tti bu baah 'bưn nhôq pn'geh ruk. 35Bei nei, jah dip plak baak grnưt noor:#13:35 baak grnưt noor: Knông m'baak plơơp 'bian ti laa baak grnưt noor Ê-sai.
“Hei a kươi pơơk wiêm jah mor pal pn'geh ruk,
Hei a kươi tơmbơh pal ntil apôn a ptơơm tơmbut [swich teh].”#13:35 [swich teh]: Knông m'baak plơơp 'bian ti 'bưn geh pal sêr au.
36Di kươi aan phung raih siq, Brah Jê-sus mưt nhi. Bơl jơrnơ lôh, mor n'hai Pang: “Dan Yau rơih pn'geh ruk teq u deh pơnh knông srei aan bơl koon.” 37Pang ơh: “Bnih siêm ba klanh laa Koon Bnih; 38Srei laa swich teh; ba klanh laa koon sau nggoor trôôk ri; deh pơnh lah koon sau chaak kraanh; 39bah kmang siêm deh laa chaak ap; khal kach laa nar ptut; bnih kach laa bơl lênh brah. 40Nha bei deh pơnh dol pơrgum kơơi u chhu knông ôinh bei êch, nei nar ptut kot bei nei; 41Koon Bnih a kươi maanh lênh brah Pang sach jôm bơl root baak trơnih u jôm bơl lơh đơơk rlach nggoor Pang, 42ja nei jang bơl nei mưt gưndrung ôinh, ktôk a kươi geh nhim ngliêng u kap chhêk. 43Tơt nei, pal bnih sêch song a kươi pơn aang bei mat nar knông nggoor Bươp bơn ri. 'Bơơn geh tôr, phrui iat ttang!”
Pn'geh ruk u nơm preh
44“Nggoor trôôk pn'geh bei nơm preh rôôp pôn knông di srei. Mbu bnih tôw wơng kươt nei pôn, broh s'bai liêu tech jôm ntil nơơm geh, jah pook pưng nei.”
Pn'geh ruk u rklôw bluk thlay
45“Nggoor trôôk leet bei rkhơt mbu tach brôw han wơng rklôw bluk khiêp thlay; 46tơt ja wơng kươt di rklôw bluk khiêp thlay huôch, bnih nei han drơh tach jôm ntil bơn geh jah pook rklôw bluk nei.”
Pn'geh ruk teq u moong ka
47“Nggoor trôôk kot bei di mlơm moong ka krôih jưr daak rmưt, nhôp sơp jôm ntil ka. 48Tơt moong bêêng, bu nday têêk hao kơh nei gôq teh sach til ka klanh aan mưt sah, nha til ka ap nei jang teq. 49Tơt nar ptut kot bei nei, bơl lênh brah a kươi lôh, praih bơl đơơk rlach bơl bnih sêch song, 50u jang bah đơơk mưt gưndrung ôinh; a nei a kươi geh nhim ngliêng u kap chhêk.”
51“Bơl 'bei geh gưt jôm ntil nei 'bưn?” Bơl jơrnơ ơh: “Gưt đêêl.” 52Pang lah laah: “Bei nei, bơl yau gưt jhai ja riên gưt teq u nggoor trôôk, kot bei nnơơm nhi tôw, liêu pal griêng mhei leq ndơm sot rlach nơm preh nơơm ri.”
Brah Jê-sus teq u Na-sa-ret
(Mak 6:1-6; Lu-ka 4:16-30)
53Tơt ja krơơ pal pn'geh ruk nei luôih, Brah Jê-sus du rlach ktôk nei. 54Plơq siq ktôk deh, Pang kne phung raih knông nhi pơrgum lôh aan bu êêng aang đat u lah: “Đươm a êch bnih au geh kươt baak gưt jhai u lơh kươt pal kaar dang kmheng bei nei? 55'Bưn geh bnih au laa koon klau mom rak mon chhư tôw laang? Mei bu 'bưn phrui laa Ma-ri, u pal oh bu laa Ja-kơ, Jô-sep, Si-môn, Ju-đe nei laang? 56Leq sêch pal oh ur bu 'bưn geh kot a kluung bơl bơn nei laang? Bei nei, đươm a êch bnih au geh kươt jôm ntil nei?” 57Bu trơnih đươm Pang. Dôh Brah Jê-sus lah n'hai bu laah: “Yau grnưt noor dơơn dol ktôk deh u nhi nak nơơm mơq 'baih ei.”#Ja 4:44. 58Tu nei, Pang 'bưn lơh ơk kaar dang kmheng, đươm baak 'bưn jơ bu ri.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.