Ma-thi-ơ 11
11
1Tơt ja tơmbơh tti aan jmơt baar jơt jơng luôih, Brah Jê-sus lơơi ktôk nei han kne u chhuôr knông pal poh bu ri.
Ndroong ôp Jang Bap-tit ri
(Lu-ka 7:18-35)
2Jang gôq knông khaam ttang teq u pal kaar Yaang Krist ri, mơ maanh bơl jơrnơ#11:2 bơl jơrnơ: Knông m'baak plơơp 'bian ti laa baar jơrnơ. nơơm tơt tơmbơh n'hai Pang laah: 3“Yau geh laa Yaang phrui lôh, paich bơl hei nha phrui kơp Yaang nday?” 4Brah Jê-sus ơh: “Phrui plơq siq, krơơ kơơi aan Jang ntil ơơn bơl 'bei ttang u sau: 5Bnih tiah kươt aang, bnih chook kươt han, bnih dưn kươt jrah, bnih têch kươt ttang, bnih chhưt kươt rêh kươi, u bnih l'ơơi kươt iat Baak Sroong Klanh. 6Smlaang aan bnih êch 'bưn trơnih đươm u Hei!”
7Tơt bu plơq siq, Brah Jê-sus mơ mor n'hai Jang aan phung raih laah: “Bơl 'bei lôh mơq ơơn knông trenh sngat? Di tơơm taoruôi dol chaal khôm lônh pan? 8Bơl 'bei han sot jah mơq ntil ơơn? Geh lah jah mơq bnih dook ao khunh khwaan pan? Tôw, pal bnih dook ao khunh khwaan nei gôq knông nhi snđach. 9Bơl 'bei leet han sot jah mơq ơơn nha? Geh lah jah mơq mbu grnưt noor pan? Dip, Hei mor n'hai bơl 'bei, geh bnih nha huôih leq grnưt noor nha. 10Geh baak 'bian teq u bnih nei laah:
‘Au, Hei maanh ndraanh Hei han di mat Koon,
Bnih a kươi kwaih troong noor aan Koon.’
11Ngan, Hei maanh bơl 'bei, knông bơl bnih đươm bnih dơur lgơơch, 'bưn 'bơơn prêh đing huôih Jang Bap-tit; đươm bei nei, bnih dêq đat knông nggoor trôôk nha prêh đing huôih bu nei. 12A nar Jang Bap-tit aan tơt bei au, nggoor trôôk dol sin sonh đat đuôt, u bah đơơk đaak êch piit pơih nggoor nei.#Lu 16:16. 13Đươm leq sêch bơl grnưt noor u ch'bap ja mor grnưt noor aan lôh klap Jang.#Lu 16:16. 14Mơq bơl 'bei êch sook nei bu nei nơơm laa Ê-li, bnih phrui lôh.#Mat 17:10-13; Mak 9:11-13. 15'Bơơn geh tôr, phrui iat ttang!
16Hei a kươi phrui pn'geh klap au n'hai 'bơơn? Klap au bei bơl koon drêên gôq agaih pơsaar, ơơl khuôl gnasaal ja nei mor:
17‘Bơl hei khôm tơrnêt, dôh bơl gnasaal 'bưn njroh rơm;
Bơl hei tapơt baak rmlơng, dôh bơl gnasaal 'bưn nhim ngliêng.’
18Đươm Jang lôh, 'bưn sa 'bưn ôn nei bu nday lah: ‘Jang dol chaak rup’ 19Koon Bnih lôh, sôông u ôn nei bu leet lah: ‘Tôw, mbu bnih sơ ôp sa, sơ ôp ôn; lơh gnasaal n'hai bnih nhôq prak u bah dôih 'baap!’ Đươm bei nei, baak jhai rpach kươt koh roong dơng pal kaar lơh bu ri.”
Gmhaar raih pal poh 'bưn jơ
(Lu-ka 10:13-15)
20Đươm phung raih pal poh ktôk Brah Jê-sus ja lơh ơk chmlih chmleek nha 'bưn dol teq lơi dôih, mơ Pang gmhaar laah: 21“Sđaai aan 'bei, poh Kô-ra-sin! Sđaai aan 'bei, poh Bêt-sai-đa! Đươm mơq pal chmlih chmleek ja lơh klung bơl 'bei kươt lơh tu Ti-rơ u Si-đôn, nei bu ja dook ao look, druôl bôh u teq lơi dôih a jook hơơi. 22Bei nei mơ Hei maanh bơl 'bei, tơt nar pơrkat, Ti-rơ u Si-đôn a kươi dol hôông huôih bơl 'bei.
23Nha 'bei, poh Ka-bê-na-um,
'Bei a kươi kươt lơơk prêh hao tơt trôôk i?
'Bưn, 'bei a kươi dol krich tơt phaan!#11:23 phaan: Knông baak Hi-lap lah Hades, chong teq u ktôk bnih chhưt ri.
Đươm pal chmlih chmleek ja lơh klung 'bei, mơq kươt lơh tal Sô-đôm nei poh nei nha nh'ơơm tơt nar au. 24Bei nei mơ, Hei maanh bơl 'bei, knông nar pơrkat, teh Sô-đôm a kươi kươt pơrkat hôông huôih bơl 'bei.”#Mat 10:15; Lu 10:12.
Baak Sroong Klanh tơrsau aan drêên ksei
(Lu-ka 10:21,22)
25Plah nei Brah Jê-sus mor laah: “Ơi Bươp, Brah trôôk u teh ri, Koon pơt wơơl Bươp, đươm Bươp ja pôn pal ntil au n'hai bnih jhai rpech, chưt ngech rmeh, baah tơrsau aan drêên ksei. 26Ngan bei nei, ơi Bươp, đươm ntil au klanh rnđêch Bươp. 27Bươp Hei ja ndơơp jôm ntil aan Hei, agaih Bươp, 'bưn 'bơơn gưt Koon. Agaih Koon u bnih êch Koon êch tơrsau nei kot 'bưn 'bơơn gưt Bươp.#Ja 3:35; 1:18; 10:15.
28Ơi pal 'bơơn bool lgenh u aanh jjơk, phrui lôh n'hai Hei, a kươi Hei aan bơl 'bei kươt rlu rlơk. 29Hei geh chưt l'ưt lmư, krich chhak; phrui aanh pơih rgal Hei ri u riên tênh Hei nei wêêng yaang bơl 'bei a kươi kươt rlu rlơk. 30Đươm rgal Hei snôk dol u aanh Hei hôông.”
ទើបបានជ្រើសរើសហើយ៖
Ma-thi-ơ 11: SBL2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 11
11
1Tơt ja tơmbơh tti aan jmơt baar jơt jơng luôih, Brah Jê-sus lơơi ktôk nei han kne u chhuôr knông pal poh bu ri.
Ndroong ôp Jang Bap-tit ri
(Lu-ka 7:18-35)
2Jang gôq knông khaam ttang teq u pal kaar Yaang Krist ri, mơ maanh bơl jơrnơ#11:2 bơl jơrnơ: Knông m'baak plơơp 'bian ti laa baar jơrnơ. nơơm tơt tơmbơh n'hai Pang laah: 3“Yau geh laa Yaang phrui lôh, paich bơl hei nha phrui kơp Yaang nday?” 4Brah Jê-sus ơh: “Phrui plơq siq, krơơ kơơi aan Jang ntil ơơn bơl 'bei ttang u sau: 5Bnih tiah kươt aang, bnih chook kươt han, bnih dưn kươt jrah, bnih têch kươt ttang, bnih chhưt kươt rêh kươi, u bnih l'ơơi kươt iat Baak Sroong Klanh. 6Smlaang aan bnih êch 'bưn trơnih đươm u Hei!”
7Tơt bu plơq siq, Brah Jê-sus mơ mor n'hai Jang aan phung raih laah: “Bơl 'bei lôh mơq ơơn knông trenh sngat? Di tơơm taoruôi dol chaal khôm lônh pan? 8Bơl 'bei han sot jah mơq ntil ơơn? Geh lah jah mơq bnih dook ao khunh khwaan pan? Tôw, pal bnih dook ao khunh khwaan nei gôq knông nhi snđach. 9Bơl 'bei leet han sot jah mơq ơơn nha? Geh lah jah mơq mbu grnưt noor pan? Dip, Hei mor n'hai bơl 'bei, geh bnih nha huôih leq grnưt noor nha. 10Geh baak 'bian teq u bnih nei laah:
‘Au, Hei maanh ndraanh Hei han di mat Koon,
Bnih a kươi kwaih troong noor aan Koon.’
11Ngan, Hei maanh bơl 'bei, knông bơl bnih đươm bnih dơur lgơơch, 'bưn 'bơơn prêh đing huôih Jang Bap-tit; đươm bei nei, bnih dêq đat knông nggoor trôôk nha prêh đing huôih bu nei. 12A nar Jang Bap-tit aan tơt bei au, nggoor trôôk dol sin sonh đat đuôt, u bah đơơk đaak êch piit pơih nggoor nei.#Lu 16:16. 13Đươm leq sêch bơl grnưt noor u ch'bap ja mor grnưt noor aan lôh klap Jang.#Lu 16:16. 14Mơq bơl 'bei êch sook nei bu nei nơơm laa Ê-li, bnih phrui lôh.#Mat 17:10-13; Mak 9:11-13. 15'Bơơn geh tôr, phrui iat ttang!
16Hei a kươi phrui pn'geh klap au n'hai 'bơơn? Klap au bei bơl koon drêên gôq agaih pơsaar, ơơl khuôl gnasaal ja nei mor:
17‘Bơl hei khôm tơrnêt, dôh bơl gnasaal 'bưn njroh rơm;
Bơl hei tapơt baak rmlơng, dôh bơl gnasaal 'bưn nhim ngliêng.’
18Đươm Jang lôh, 'bưn sa 'bưn ôn nei bu nday lah: ‘Jang dol chaak rup’ 19Koon Bnih lôh, sôông u ôn nei bu leet lah: ‘Tôw, mbu bnih sơ ôp sa, sơ ôp ôn; lơh gnasaal n'hai bnih nhôq prak u bah dôih 'baap!’ Đươm bei nei, baak jhai rpach kươt koh roong dơng pal kaar lơh bu ri.”
Gmhaar raih pal poh 'bưn jơ
(Lu-ka 10:13-15)
20Đươm phung raih pal poh ktôk Brah Jê-sus ja lơh ơk chmlih chmleek nha 'bưn dol teq lơi dôih, mơ Pang gmhaar laah: 21“Sđaai aan 'bei, poh Kô-ra-sin! Sđaai aan 'bei, poh Bêt-sai-đa! Đươm mơq pal chmlih chmleek ja lơh klung bơl 'bei kươt lơh tu Ti-rơ u Si-đôn, nei bu ja dook ao look, druôl bôh u teq lơi dôih a jook hơơi. 22Bei nei mơ Hei maanh bơl 'bei, tơt nar pơrkat, Ti-rơ u Si-đôn a kươi dol hôông huôih bơl 'bei.
23Nha 'bei, poh Ka-bê-na-um,
'Bei a kươi kươt lơơk prêh hao tơt trôôk i?
'Bưn, 'bei a kươi dol krich tơt phaan!#11:23 phaan: Knông baak Hi-lap lah Hades, chong teq u ktôk bnih chhưt ri.
Đươm pal chmlih chmleek ja lơh klung 'bei, mơq kươt lơh tal Sô-đôm nei poh nei nha nh'ơơm tơt nar au. 24Bei nei mơ, Hei maanh bơl 'bei, knông nar pơrkat, teh Sô-đôm a kươi kươt pơrkat hôông huôih bơl 'bei.”#Mat 10:15; Lu 10:12.
Baak Sroong Klanh tơrsau aan drêên ksei
(Lu-ka 10:21,22)
25Plah nei Brah Jê-sus mor laah: “Ơi Bươp, Brah trôôk u teh ri, Koon pơt wơơl Bươp, đươm Bươp ja pôn pal ntil au n'hai bnih jhai rpech, chưt ngech rmeh, baah tơrsau aan drêên ksei. 26Ngan bei nei, ơi Bươp, đươm ntil au klanh rnđêch Bươp. 27Bươp Hei ja ndơơp jôm ntil aan Hei, agaih Bươp, 'bưn 'bơơn gưt Koon. Agaih Koon u bnih êch Koon êch tơrsau nei kot 'bưn 'bơơn gưt Bươp.#Ja 3:35; 1:18; 10:15.
28Ơi pal 'bơơn bool lgenh u aanh jjơk, phrui lôh n'hai Hei, a kươi Hei aan bơl 'bei kươt rlu rlơk. 29Hei geh chưt l'ưt lmư, krich chhak; phrui aanh pơih rgal Hei ri u riên tênh Hei nei wêêng yaang bơl 'bei a kươi kươt rlu rlơk. 30Đươm rgal Hei snôk dol u aanh Hei hôông.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.